చదివితే ఎంత ఆనందంగా ఉన్నదో ఈ సంభాషణ:
సత్య భామ ః " అంగుళ్యాః కః కవాటమ్ ప్రహరతి ? ( వేళ్ళతో తలుపు తట్టినది ఎవరు ? )
కృష్ణుడు ; " కుటిలే , మాధవః " ( కొంటె దానా , నేను మాధవుడిని )
సత్య భామ ః " కిం వసంతః ? " ( ఏమిటి వసంతుడా ? )
(మాధవుడంటే వసంతుడు అనే అర్థం కూడా ఉంది )
కృష్ణుడు ;" నో చక్రీ " ( కాదు , చక్రిని )
( చక్రం ధరించేవాడు )
సత్య భామ ః " కిం , కులాలో ? " ( కుమ్మరివా ? )
( చక్రి అంటే కుమ్మరి అని కూడా అర్థం )
కృష్ణుడు ;" నహి , ధరణీధరః " ( కాను , ధరణీ ధరుణ్ణి )
( ధరణిని ఉద్ధరించు విష్ణువు )
సత్య భామ ః " కిం , ద్విజిహ్వః ఫణీంద్రః ? " ( రెండు నాలుకల నాగరాజువా ? )
( ధరణీ ధరుడు ఆదిశేషుడు కూడా )
కృష్ణుడు ;" నాహం , ఘోరాహి మర్దీ " ( కాదు , ఘోరమైన పామును మర్దించినవాడిని )
( ఆ పాము కాళియుడు )
సత్య భామ ః " కిముత ఖగ పతిః ? " ( గరుత్మంతుడవా ? )
( గరుత్మంతుడు పాముకు శత్రువు )
కృష్ణుడు ;" నో , హరిః " ( కాదు , హరి ని )
సత్య భామ ః " కిం , కపీంద్రః ? " ( కోతివా ? )
( హరి అంటే కోతి కూడా )
ఇత్యేవం సత్యభామా ప్రతిజిత వచనః పాతు వ చక్ర పాణిః
ఇలా సత్యభామ చేత మాటలలో ఓడిపోయిన కృష్ణుడు మిమ్మల్ని రక్షించు గాక !
( పాత చందమామ ' అమరవాణి ' శీర్షిక నుండి )
విభాత మిత్ర గారి పోస్ట్.
కామెంట్‌లు లేవు:
కామెంట్‌ను పోస్ట్ చేయండి