ఘంటసాల
అత్యున్నత శ్రుతిని యలవోకగా పాడు
మంద్రమున్ బాడును మధురముగను
కవ్వించి నవ్వించి కడుహాస్యముగ పాడు
వేదన గీతాల యేడిపించు
సరిగమల్ పలికించు సరస గాంభీర్యాన
రాగముల్ పాడును రంజితముగ
పద్యమ్ములను పాడు హృద్య రాగమ్మున
శ్లోక గానము చేయు సుస్వరమున
గానగంధర్వు డన నొక్క ఘంటసాలె !
కళల పుంభావ వాణియే ఘంటసాల
ఘంటసాలను మించిన ఘనుడు లేడు
పరగ గత వర్త మానాల భవిత యందు
గోపాలుని మధుసూదనరావు
9959536545
కామెంట్‌లు లేవు:
కామెంట్‌ను పోస్ట్ చేయండి