*శరన్నవరాత్రాంతర్గత శ్రీదేవీస్తుతి*
ది:18-10-2023
శా॥
సంతోషించినచో మనోరథములన్ సాకారముం జేసెదో
వింతై యాగ్రహమంద వైభవముం బెంపొందగా జేసెదో
దాంతిం బొందగ జ్ఞానమార్గమును పాదాక్రాంతముం జేసెదో
భ్రాంతుల్దొల్గగ జేయవే జనని! సంప్రార్థింతు నే నెమ్మదిన్ -9
(దాంతి=బ్రహ్మచర్యాది తపఃక్లేశము నోర్చు తనము.)
(జ్ఞానమార్గము=మోక్షజ్ఞానమార్గము)
(నెఱ+మది=నెమ్మది)
శా॥
జ్ఞానమ్మంది చరింతునో విమలమౌ సద్వర్తనన్ బొంది య
జ్ఞానమ్మంది వరింతునో కుటిలమౌ చండాలసంసర్గముల్
నేనావిజ్ఞత నేర్వ లుప్తమతినై నీముందు నిల్చుంటినే
జ్ఞానాజ్ఞానవిచారసారకలితా! జ్ఞానమ్ము నీయంగదే!
*~శ్రీశర్మద*
8333844664
కామెంట్‌లు లేవు:
కామెంట్‌ను పోస్ట్ చేయండి