బ్రోవుము శోక నాశనా

 ఉత్పలమాల

ఎందరు భక్తులో తనివి దీరక స్తోత్రము జేసి గొల్చి రిం
కెందరు పుణ్యులో జనిరొకే పథమందు నమేయ దీక్షతో ,
మందుడ నిట్టి యోగ్యతణు మాత్రము లేదు, దయాళు వీవు, నా
బంధములన్ని మాపి నను భక్తి పథోన్ముఖు  జేయుమా ప్రభో.🙏🙏
🙏🌷🙏🌷🙏🌷🙏🌷

ఉత్పలమాల

చెల్వపు పూల మాలికల జేర్చితి నీ కొరకై ప్రభో, సదా
కొల్వగ నాకు చిత్తమున కొల్లలుగా కలిగించు భక్తి, నే
గెల్వగ లేనయా భవము, క్లేశము బాపగ వేడుకొందు, నీ
పిల్పుకు వేచి యుండెడి పిపీలికు బ్రోవుము శోక నాశనా.  🙏🙏
🙏🌷🙏🌷🙏🌷🙏🌷

శ్రీరామచంద్ర పరబ్రహ్మణే నమః   🙏🙏🙏🙏
శ్రీ రామ జయ రామ జయ జయ రామ     🙏🙏🙏🙏
శ్రీ రామ జయం