పంచాంగం

 🙏 ఓం శ్రీ గురుభ్యోనమః 🙏

        🌷పంచాంగం🌷

శ్రీరస్తు - శుభమస్తు - అవిఘ్నమస్తు,

తేదీ ... 12 - 11 - 2024,

వారం ... భౌమవాసరే ( మంగళవారం )

శ్రీ క్రోధి నామ సంవత్సరం,

దక్షిణాయణం,

శరదృతువు,

కార్తీక మాసం,

శుక్ల పక్షం,

తిథి : ఏకాదశి మ12.21 వరకు,

నక్షత్రం : ఉత్తరాభాద్ర తె3.26 వరకు,

యోగం : హర్షణం సా5.32 వరకు,

కరణం : భద్ర మ12.21 వరకు,

                తదుపరి బవ రా11.11 వరకు,

వర్జ్యం : మ2.00 - 3.29,

దుర్ముహూర్తము : ఉ8.20 - 9.05,

                              మరల రా10.27 - 11.18,

అమృతకాలం : రా10.57 - 12.26,

రాహుకాలం : మ3.00 - 4.30,

యమగండం : ఉ9.00 - 10.30,

సూర్యరాశి : తుల,

చంద్రరాశి : మీనం,

సూర్యోదయం : 6.05,

సూర్యాస్తమయం: 5.23,

        

               *_నేటి విశేషం_*

*కార్తీక శుద్ధ ఏకాదశి.. భోదన ఏకాదశి ... ఉత్థాన ఏకాదశి..*

కార్తీక శుద్ధ ఏకాదశికే భోధన ఏకాదశి.. దేవ - ప్రబోధిని ఏకాదశి , ఉత్థాన ఏకాదశి అని పేర్లు. 

ఆషాడ శుద్ధ ఏకాదశి అంటే తొలి ఏకాదశి రోజున శయనించిన శ్రీమహావిష్ణువు ఈ ఏకాదశి రోజునే యోగనిద్ర నుండి మేల్కొనే రోజు కాబట్టి..

ఇది ఉత్థాన ఏకాదశిగా అయ్యింది. 

దీనినే హరి - భోధిని ఏకాదశి అని కూడా అంటారు...

తొలి ఏకాదశి నాడు ప్రారంభమైన చాతుర్మాస్యవ్రతం ఈ ఏకాదశితో ముగుస్తుంది. 

మహభారత యుద్ధంలో బీష్ముడు ఈ ఏకాదశినాడే అస్త్ర సన్యాసం చేసి , అంపశయ్య మీద శయనించాడు...

ఈ రోజున ఉపవాసం ఉండి , విష్ణువును పూజించి , రాత్రి జాగరన చేసి , మరునాడు ద్వాదశి ఘడియలు ఉండగానే విష్ణుపూజ చేసి , పారణ చేసి (భోజనం చేసి) వ్రతాన్ని ముగించాలి.  

_ఈ ఏకాదశి మహత్యాన్ని గురించి బ్రహ్మదేవునికి నారద మహర్షికి మధ్య జరిగిన సంభాషణ స్కందపురాణంలో కనిపిస్తుంది._

   ఈ ఏకాదశి పాపాలను హరిస్తుందని చెబుతారు...

1000 అశ్వమేధ యాగాలు , 

100 రాజసూయ యాగాలు చేసిన పుణ్యం లభిస్తుందని భక్తుల విశ్వాసం.

కొండంత పత్తిని ఒక చిన్న నిప్పు రవ్వ ఎలా కాల్చి బూడిద చేస్తుందో , అలాగ ఒక జీవుడు , తన వేలజన్మలలో చేసిన పాపాలను కాల్చివేస్తుంది.. ఈ ఏకాదశి ఉపవాస వ్రతం అని చెబుతారు...

ఈ రోజు మనం చిన్న మంచిపని (పుణ్యకార్యం) చేసినా , అది మేరు పర్వతానికి సమానమైన 

పుణ్య ఫలితం ఇస్తుందని పురాణ కథనం...

ఈ ఏకాదశి వ్రతం చేసినవారికి సాధించలేనివి ఏమి ఉండవని పురాణ కథలు వున్నాయి,

ఈ రోజు ఉపవాసం ఉన్నవారికి ధాన్యం , సంపదలు , ఉన్నతస్థానం కలగడంతో పాటు పాపపరిహారం జరుగుతుంది. 

పుణ్యక్షేత్ర దర్శనాలు , యజ్ఞయాగాలు , వేదం చదవడం వల్ల కలిగిన పుణ్యానికి కోటిరెట్ల పుణ్యం...ఒక్కసారైన ఈ ఏకాదశి ఉపవాస వ్రతం చేసినవారికి లభిస్తుందని బ్రహ్మదేవుడు నారదునితో పలుకుతాడు.

ఇంకా ఈ వ్రతంలో ఒకరికి చేసే అన్నదానం వలన సూర్యగ్రహణసమయంలో పవిత్ర గంగాతీరాన కోటిమందికి అన్నదానం చేసినంత ఫలితం లబిస్తుంది. 

బీదలకు వస్త్రదానం చేయడం వలన , పండ్లు , దక్షిణతో కూడిన తాంబూలాన్ని పండితులకు ఇవ్వడం వలన ఈ లోకంలోనే గాక మరణానంతరం పరలోకంలో కూడా సర్వసుఖాలు లభిస్తాయట,

ఈ రోజున బ్రహ్మాది దేవతలు , యక్షులు , కిన్నెరులు , కింపురుషులు , మహర్షులు , సిద్దులు , యోగులు అందరూ విష్ణులోకం చేరి కీర్తనలతోనూ , భజనలతోనూ..హారతులతోనూ శ్రీమహావిష్ణువును నిద్రలేపుతారు. అందువల్ల ఉత్థాన ఏకాదశి రోజున ఎవరు 

శ్రీ మహావిష్ణువుకు హారతి ఇస్తారో..వారికి అపమృత్యు దోషం తొలగిపోతుందని 

ధార్మిక గ్రంధాలు చెప్తున్నాయి.

              *_🌷శుభమస్తు🌷_*

 🙏సమస్త లోకా సుఖినోభవంతు 🙏