శుభోదయం🙏
చొప్పకట్ల.
శివైక్యం!
ఒకపుష్పంబు భవత్పద ద్వయముపై నొప్పంగ సద్భక్తి రం/
జకుఁడై పెట్టిన, పుణ్యమూర్తికి పునర్జన్మంబులేదన్న, పా/
యక కాల త్రితయోపచారముల నిన్నర్చించున్ పెద్ద నై/
ష్ఠికుడై యుండెడువాడు,నీవగుట తాచిత్రంబె ! సర్వేశ్వరా!
సర్వేశ్వర శతకం:- చిమ్మపూడి అమరేశ్వరుడు.
స్వామీ! సర్వేశ్వరా!
నీపాదాలపై భక్తితో ఒకపువ్వుంచి,ప్రార్ధించిన వాడికి మళ్ళాజన్మంటూ ఉండదటే! రోజూత్రి సంధ్యలా మహానిష్ఠతో నిన్నర్చించేవాడు నీలో ఐక్యమైపోతే ఆశ్చర్యమేమున్నది?అనిభావం.
ఈశ్వరార్చనకు ఫలితం జన్మరాహిత్యమనీ, యీశ్వరసాయుజ్యమనీ చెప్పే యిపద్యం అపురూపమైనదిగదా!
పవిత్రమైన
శివనామస్మరణ, శివపూజన మరువకండి!🙏🙏🙏🙏🙏🙏🙏
కామెంట్‌లు లేవు:
కామెంట్‌ను పోస్ట్ చేయండి