శ్రీరామచంద్రుని గాఢాలింగన సుఖము
( యుద్ధ కాండము సర్గ -1
12,13,14 శ్లోకములు)
"క్షితిజాత జానకి క్షేమంబులను తెల్పి
యుపకృతి న్నొసగిన కపివరునకు
సత్యమ్ముగా నేడు ప్రత్యుపకారమున్
మరి నొనర్చని యసమర్థు నైతి
పరమపావను డైన పావని కిపుడు నే
నాలింగనము నిత్తు నాత్మ సాక్షి
అతని కీ తరుణాన యర్పించ గల్గిన
సర్వస్వ మియ్యదే సత్య మరయ"
ననుచు రాముడు పులకిత తనువు తోడ
కార్య సఫలత గావించి ఘనముగాను
మగిడి వచ్చిన మారుతిన్ మమత పొంగ
చిత్త మలరగ గుండెకు హత్తు కొనియె.
👆
✍️గోపాలుని మధుసూదన రావు 🙏
కామెంట్‌లు లేవు:
కామెంట్‌ను పోస్ట్ చేయండి