🌸శ్రీరామ స్తుతి🙏
సీ. రమణీయ గుణభూష ! రఘురామ ! శ్రీరామ !
రాజీవలోచన ! రామభద్ర !
ముల్లోక సంపూజ్య ! మునిజన మానసా !
ఘోరపాప విరామ ! గుణగణాఢ్య !
దైత్య వన కుఠార ! దశరథాత్మజ రామ !
రవికుల సంభవా ! రమ్య తేజ !
శరణు శ్రీరామ ! నీ చరణమే శరణమ్ము
నరవిందదళ నేత్ర ! యమల చరిత !
తే. మనసు విభ్రాంతి చెందగా మాయ వలన
కాంతు లీనెడి నీ రూపు కాంచ నైతి
నీదు నామమ్ము జపియించి నిష్ఠ తోడ
నిన్ను జేరంగ దలచితి నిగమవేద్య!
జయలక్ష్మి
కామెంట్‌లు లేవు:
కామెంట్‌ను పోస్ట్ చేయండి