దీపారాధన

 🔔 *ఆరాధన* 🔔

_*దీపారాధన- పూజా సమయం నియమ నిబంధనలు ?*_

దీపం పరబ్రహ్మ స్వరూపం, దీపారాధన చేయకుండా దేవతారాధన చేకూడదు. సాధారణంగా పూజసమయంలో రెండు దీపపు కుందెలు వాడాలి. ఒకటికూడా వాడవచ్చు. ప్రతి కుందెలో రెండేసి వత్తులు ఉండాలి. ప్రతిరోజూ కాలినవత్తులు, మిగిలిన నూనె తీసివేస్తూ ఉండాలి. కొంతమంది ఒక్కొక్క దేవునికి ఒక్కొక్క నూనె వాడాలని అనుకుంటారు. కానీ ఇది సరైనది కాదు. పూజామందిరంలో దీపారాధనకు ఒకేనూనెను వాడాలి. ఆవునెయ్యి అన్నింటికంటే శ్రేష్ఠమైనది. ఇది రోజూ వాడడానికి వీలుకాకపోవచ్చు. నువ్వులనూనె అందరు దేవుళ్ళకూ మంచిది. మంగళకరమైనది, ఆరోగ్యకరమైనది, వేరుశనగ, రిఫైన్డ్యిల్, డాల్డాల వంటివి దీపారాధనకు పనికి రావు. పూజ మధ్యాహ్నం లోపున భోజనానికి ముందు ఎప్పుడైనా చేయవచ్చు. ఉదయం వాతావరణం ప్రశాంతంగా, ఆహ్లాదకరంగా ఉంటుంది కాబట్టి పూజకు మానసిక ప్రశాంతత కలుగుతుంది. సూర్యోదయంలోపు యోగాసనాలు, స్నానం, జపం, ధ్యానం, స్తోత్రపాఠం, సూర్యోదయంవేళ సంధ్య, ఆదిత్య హృదయంపటనం, సూర్యోదయం తర్వాత పూజ, నివేదన, మంగళహారతి ముగించి కుటుంబ సభ్యులు, బంధుమిత్రులకు తీర్థప్రసాదాలు ఇవ్వాలి.

🙏🏻🙏🏻🙏🏻🔔🔔🔔🙏🏻🙏🏻🙏🏻