చంద్రశేఖరాష్టకం

రత్నసాను శరాసనం
రజతాద్రి శృంగ నికేతనం
శింజినీకృత పన్నగేశ్వర
మచ్యుతానల సాయకం
క్షిప్రదగ్ద పురత్రయం
త్రిదశాలయై రభివందితం
చంద్రశేఖర మాశ్రయే
మమ కిం కరిష్యతి వై యమః

మత్తవారణముఖ్య చర్మ
కృతోత్తరీయ మనోహరం
పంకజాసన పద్మలోచన
పూజితాంఘ్రి సరోరుహమ్
దేవసింధు తరంగశీకర
సిక్త శీత జటాధరం
చంద్రశేఖర మాశ్రయే
మమ కిం కరిష్యతి వై యమః

కుండలీకృత కుండలేశ్వర
కుండలం వృషవాహనం
నారదాది మునీశ్వర స్తుత
వైభవం భవ నాశనమ్
అంధకాంతక మాశ్రితామర
పాదపం మదనాంతకం
చంద్రశేఖర మాశ్రయే
మమ కిం కరిష్యతి వై యమః

పంచపాదప పుష్పగంధ
పదాంబుజద్వయ శోభితం
ఫాలలోచన జాతపావక
దగ్ద మన్మథ విగ్రహం
భస్మదిగ్ధ కళేబరం
భవనాశనం భవ మవ్యయం
చంద్రశేఖర మాశ్రయే
మమ కిం కరిష్యతి వై యమః

యక్షరాజ సఖం భగాక్ష
హరం భుజంగ విభూషణం
శైలరాజసుతా పరిష్కృత
చారుదివ్య కళేబరమ్
క్ష్వేల నీలగళం పరశ్వథ
ధారిణం మృగధారిణమ్
చంద్రశేఖర మాశ్రయే
మమ కిం కరిష్యతి వై యమః

ఔషధం భవరోగిణా
మఖిలాపదా మహహారిణం
దక్షయజ్ఞ వినాశనం
త్రిగుణాత్మకం త్రివిలోచనమ్
భుక్తి ముక్తి ఫలప్రదం
సకలాసంఘ నిభర్హణం
చంద్రశేఖర మాశ్రయే
మమ కిం కరిష్యతి వై యమః

విశ్వసృష్టి విధాయకం
పునరేవ పాలనతత్పరం
సంహరంతమపి ప్రపంచమ
శేషలోక నివాసినమ్
క్రీడయంత మహర్నిశం
గణనాథయూథ సమావృతం
చంద్రశేఖర మాశ్రయే
మమ కిం కరిష్యతి వై యమః

భక్తవత్సల మర్చితం
నిధి మక్షయం హరిదంబరం
సర్వ భూతపతిం పరాత్పర
మప్రమేయ మనుత్తమం
సోమవారిన బోహుతాశన
సోమపాద్య అఖిలాకృతిం
చంద్రశేఖర మాశ్రేయే
మమ కిం కరిష్యతి వై యమః
             
                  - మార్కండేయ మహర్షి