హనుమత్కల్యాణం

*హనుమత్కల్యాణం* 

రామాయణంలో హనుమంతుని కల్యాణం

విషయం ఎక్కడా లేదు కదా ! ....

మరి సువర్చలా వృత్తాంతం ఎక్కడిది 

అని కొందరు ప్రశ్నిస్తారు .. 

అలాగే * హనుమంతుడు బ్రహ్మచారి కదా అంటారు *

ఈ వివాహం ఎలా జరిగిందనేది మరో ధర్మసందేహం....

బ్రహ్మచర్యం నాలుగు రకాలు 

1.గాయత్రం 

2.బ్రహ్మం 

3.ప్రజాపత్యం 

4.బృహన్... 

భార్యతో నియమపూర్వక జీవితం గడిపేవారిని  

ప్రజాపత్య బ్రహ్మ చారులంటారు *

బ్రహ్మచర్య నియమాలను సరిగా అర్ధం చేసుకోగలగాలి ....

హనుమంతుడు భవిష్యద్ర్బహ్మ

ఆయన బ్రహ్మస్తానం పొందినవాడు 

సువర్చలాదేవి సరస్వతి స్థానం పొందుతుంది 

దేవతల భార్యలంటే అర్ధం వారి శక్తులే 

బ్రహ్మచర్య నిష్టాగరిష్టునికి ఉండే శక్తి

వర్చస్సు సువర్చస్సు ...ఆమెయే సువర్చలా దేవి *

            * సువర్చలాపతిష్షష్ఠః అన్నారు *

            * హనుమంతునికి నవావతారాలు ఉన్నాయి... 

            * వాటిలో ఆరోది *సువర్చలాంజనేయ అవతారం* 

            * సువర్చలా హనుమత్ ద్వాదశక్షరీ మంత్రం 

            * మంత్రశాస్త్రంలో ఉంది ...

సూర్యుని భార్య సంజ్ఞాదేవి .ఆమె విశ్వకర్మ కుమార్తె . సూర్యతాపాన్ని భరించలేక తన ఛాయను సృష్టించి సూర్యుని సేవలో ఉంచింది. తాను సముద్రగర్బంలో అశ్వరూపంలో తపస్సు చేసుకుంటుంది ...

ఒకరోజు విశ్వకర్మ కుమార్తెను చూడడానికి వచ్చాడు 

సూర్యుని వద్ద ఉన్నది తన కుమార్తె కాదని గుర్తించి

సూర్యునికి ఆ సంగతి తెలియచేసాడు .

అప్పుడు సంజ్ఞాదేవి సముద్రగర్బంలో ఉండటం 

గ్రహించిన సూర్యుడు అశ్వరూపంలోనే ఆమెను కలిశాడు.

అప్పుడు పుట్టినవారే అశ్వినీదేవతలు ..

సంజ్ఞాదేవి తన తేజస్సు భరించలేకుండా

ఉన్న కారణంగా మామగారైన దేవశిల్పి

విశ్వకర్మను రావించాడు ...లోహాన్ని ఒరిపిడి పెట్టినట్లు 

చేసి సూర్యతేజస్సును కొంత తగ్గించాడు .

విశ్వకర్మ అలా ఒరిపిడి పెట్టిన‌ తేజస్సు నుంచి

విష్ణువుకు చక్రము * శివునికి త్రిశూలం *

మొదలైన ఆయుధాలను విశ్వకర్మ తయారుచేశాడు..

ఇంకా కొంత వర్చస్సు మిగిలింది .

దానికి బ్రహ్మదేవుడు ప్రాణప్రతిష్ఠ చేశాడు .

శక్తి స్త్రీ స్వరూపం కాబట్టి ఆడపిల్ల అయింది.

ఆ సూర్యవర్చస్సుకు సువర్చస్సు -- సువర్చల

అని పేరు పెట్టాడు *బ్రహ్మదేవుడు*.

ఈ సుగుణవతి ఎవరికి భార్య అవుతుంది ?

అని ఇంద్రాదులు ప్రశ్నించినప్పుడు .....

సూర్యుని ఫలమనే బ్రాంతితో పట్టబోయినవానికి

ఈమే భార్య‌ కాగలదని  సమాధానం చెప్పాడు .

ఆయనే హనుమంతుడని అందరికీ తెలిసిన విషయమే..

ఆంజనేయుడు సూర్యుని వద్ద‌ విద్యాభ్యాసం చేశాడు.

ఏకసంథ్మాగ్రాహిగా వేదశాస్త్రాదులు ఇంద్రవ్యాకరణంతో సహా వ్యాకరణాలు నేర్చుకున్నాడు ...

ఆయనలోని అసాధారణ పజ్ఞకు సూర్యుడు చాలా సంతోషించాడు ...

తస్య బుద్ధిం చ విద్యాం చ బల శౌర్య పరాక్రమాన్ !

విచార్య తస్మె ప్రదతౌ స్సస్య కన్యాం సువర్చలామ్ !!

హనుమంతుని బుద్ధి ,విద్య, బలపరాక్రమములు

చూచి మెచ్చిన సూర్యభగవానుడు తన కుమార్తె 

అయిన సువర్చలను హనుమంతునకు ఇచ్చి వివాహం చేయదలిచాడు . కానీ హనుమంతుడు బ్రహ్మచర్య 

వ్రతం పాటించదలచానని చెప్పాడు ....

నీ బ్రహ్మచర్య నిష్టకు భంగం కాని రీతిలో

ఈమెను స్వీకరించు అంటూ సూర్యభగవానుడు 

జ్యేష్ఠ శుద్ద దశమినాడు సువర్చలా హనుమంతునకు

కల్యాణం చేశాడు ...

రామభక్తులకు *రామాయణం*

కృష్ణభక్తులకు *భాగవతం*  

 * ఎలా ప్రమాణమో 

హనుమద్బక్తులకు * *పరాశర‌ సంహిత* అలా ప్రమాణం ...

ఈ గ్రంథం చాలాకాలం వెలుగులోకి రానందువల్ల

సమాజానికి పూర్తి హనుమచరిత్ర ఆలస్యంగా అందింది.

*శ్రీరామదూతం శిరసా నమామి....*

🌹🌷🍃🍁🍁🍃🌷🌹