ప్రయుక్త తెలుగు పద్యారాధనము

 *జగద్గురువు శ్రీ శ్రీ శ్రీ ఆది శంకరాచార్యులవారి జన్మదినోత్సవ ప్రయుక్త తెలుగు పద్యారాధనము*

*సీసము*

వైదిక జీవన వైకల్యములనెల్ల

   సవరించ వివరించ సక్రమమున

పరమేశ్వరుండిల పరిపూర్ణ నరరూప

    శంకరాచార్యులై సంభవించి

వేదశాస్త్రములకు విధ్యుక్త భాష్యంబు

    విరచించి ప్రచురించి విధులు తెలుపు

జగతికి గురువైన శంకర జననము

   జనులకు పండువై జగము వెలుగు.

*తే.గీ*

గతులు తప్పిన వైదిక గతుల దిద్ది

విపులముగనిల నద్వైత విలువ దెలిపి

తరతరమ్ములు తరియించు తత్వమిడిన

శంకరాచార్యులు భరత సత్వసింధు.

*** *కొంపెల్ల శ్రీనివాస శర్మ*