గాలిపటం

 తండ్రీ కొడుకులు మేడపైకి ఎక్కి గాలిపటం ఎగరవేస్తున్నారు

గాలిపటాన్ని ఎలా ఎగరవేయాలో తండ్రి పిల్లవాడికి నేర్పిస్తున్నాడు

గాలిపటం బాగా ఎత్తుకు వెళ్లాక, దారాన్ని చేతికి అందించాడు

తండ్రి,కొడుకు మొఖం సంతోషంతో వెలిగిపోయింది

కొంతసేపు దారాన్ని చేత్తో పట్టుకున్నాక కొడుకు తండ్రిని అడిగాడు..

"నాన్న.. దారంతో పట్టి ఉంచితేనే గాలిపటం అంత ఎత్తుకి ఎగిరిందే.!

దారాన్ని తెంపేస్తే ఇంకా ఎత్తుకు ఎగిరిపోతుంది కదా"అన్నాడు

తండ్రి నవ్వుకున్నాడు

"దారాన్ని తెంపేద్దామా మరి.? అడిగాడు 

"తెంపేద్దాం నాన్నా.." అన్నాడు కొడుకు ఎంతో సంతోషంతో ఉత్సాహంగా ఇద్దరు కలిసి దారాన్ని తెంపేశారు..

"టప్"మని దారం తెగిపోగానే గాలిపటం ఇంకా పెకి ఎగిరిపోయింది

అంతలోనే దారి తప్పి అటూ ఇటూ కొట్టుకుంటూ కిందికి పడిపోవడం మొదలు పెట్టింది.!

చివరికి ఒక మేడమీద కూలిపోయింది..

"ఇలా జరిగింది ఏంటి నాన్న" అన్నాడు కొడుకు విచారంగా

దారం తెంపేస్తే గాలిపటం ఇంకా పైకి పోతుందనుకుంటే

కిందికొచ్చి పడిపోవడం పిల్లాడికి నిరుత్సాహం కలిగింది

తండ్రివైపు బిక్కమొహం వేసుకొని చూశాడు

కొడుకుని దగ్గరికి తీసుకున్నాడు తండ్రి..

గాలిపటానికి దారం ఉండేది. దానిని ఎగిపోనికుండా పట్టి ఉంచేందుకు కాదు.గాలి ఎక్కువైనా,తక్కువైనా గాలిపటం తట్టుకొని నిలబడి. ఇంకా ఇంకా పైపైకి ఎగిరేలా చేసేందుకే అని చెప్పాడు తండ్రి...

జీవితంలో కూడ మనకు కొన్నిసార్లు అనిపిస్తుంది

కుటుంబం అనే బంధం లేకపోయి ఉంటే మనం ఇంకా ఏదో సాధించి ఉండేవాళ్లం అని.!

నిజానికి కుటుంబం అందించిన ప్రేమ,సేవ,సౌకర్యాల వలనే మనం ఈమాత్రమైనా నిలబడి ఉన్నామని గ్రహించాలి..

కుటుంబం మనల్ని పట్టుకొని లేదు

పట్టుకొని ఉందనుకుని వదిలించుకునే ప్రయత్నం చేస్తే మనమే పట్టు తప్పిపోతాం..

తెగిపోయిన గాలిపటంలా గింగిరాలు తిరుగుతూ ఎక్కడో పడిపోతాం.