సూర్య నారాయణ దండకం*

 🌞🌞🌞🌞🌞🌞🌞🌞🌞

 *సూర్య నారాయణ దండకం*

        (ఆడియో సహితం)

🌞🌞🌞🌞🌞🌞🌞🌞🌞

*శ్రీ సూర్య నారాయణ వేద పారాయణ లోకరక్షామణి దైవచూడామణీ।*

*సూర్య నారాయణ వేద పారాయణ లోకరక్షామణి దైవచూడామణీ।*

*ఆత్మరక్షా నమః: పాపశిక్షా నమో విశ్వకర్తా నమో విశ్వభర్తా నమో దేవతా చక్రవర్తీ పరబ్రహ్మమూర్తీ త్రిలోకైకనాథాధినాథా మహాభూతభేదంబులున్ నీవయై బ్రోవు మెల్లపుడున్ భాస్కరాహస్కరా!!*

*సూర్య నారాయణ వేద పారాయణ లోకరక్షామణి దైవచూడామణీ।*

*పద్మినీ వల్లభ వల్లకీ గానలోలా త్రిమూర్తి స్వరూపా విరూపాక్షనేత్రా మహాదివ్యగాత్రా అచింత్యావతారా నిరాకార ధీరా పరాకయ్య యోయయ్య దుర్థాంత నిర్థూత తాపత్రయా భీలదావాగ్ని రుద్రా తనూద్భూత నిస్సార గంభీర సంభావితానేక కామాద్య నీకంబులన్ దాకి ఏకాకినై చిక్కి ఏదిక్కులుం గానగాలేక యున్నాడ నీవాడనో తండ్రి!!*

*శ్రీ సూర్య నారాయణ వేద పారాయణ లోకరక్షామణి దైవచూడామణీ।*

*జేగీయమానా కటాక్షంబులన్ నన్ కృపాదృష్టి వీక్షించి రక్షించు వేగన్ మునీంద్రాది వంద్యా జగన్నేత్రమూర్తీ ప్రచండస్వరూపుండవై యుండి చండాంశు సారథ్యమన్ గొంటి నాకుంటి నశ్వంబులేడింటి చక్రంబులున్ దాల్చి ద్రోలంగ మార్తాండరూపుండవై చెండవా రాక్షసాధీశులన్ గాంచి కర్మానుసారాగ్ర దోషంబులన్ దృంచి కీర్తి ప్రతాపంబులన్ మించి నీదాసులన్ గాంచి యిష్టార్ధముల్ కూర్తువో!!*

*సూర్య నారాయణ వేద పారాయణ లోకరక్షామణి దైవచూడామణీ।*

*దృష్టి వేల్పా మహా పాప కర్మాలకున్నాలయంబైన యీ దేహభారంబభారంబుగానీక శూరోత్తమా యొప్పులం తప్పులున్  నేరముల్ మాని పాలింపవే పట్టి నీకీర్తి కీర్తింప నేనేర్తునా ద్వాదశాత్మా దయాళుత్వమున్ తత్వమున్ జూపి నాయాత్మ భేదంబులన్ బాపి పోషింప నీవంతు నిన్నున్ ప్రశంసింప నావంతు ఆ శేషభాషాధిపుల్ గానగాలేరు నీదివ్య రూప ప్రభావంబు గానంగ నేనెంత నెల్లప్పుడున్ స్వల్పజీవుండ నౌదున్ మహా కష్టుడన్ నిష్టయున్లేదు నీపాద పద్మంబులే సాక్షి దుశ్చింతలన్ బాపి నిశ్చింతుగన్ జేయవే కామితార్ధప్రదా!!*

*సూర్య నారాయణ వేద పారాయణ లోకరక్షామణి దైవచూడామణీ।*

*శ్రీ మహాదైవరాయ పరావస్తులైనట్టి మూడక్షరాలన్ స్వరూపంబు నీ దండకంబిమ్మహిన్ రాయ కీర్తించి విన్నన్ మహాజన్మజన్మాంతర వ్యాధి దారిద్ర్యముల్ పోయి కామ్యార్ధముల్ కొంగుబంగారు తంగేడు జున్నై ఫలించున్ మహా దేవ దేవా నమస్తే నమస్తే నమస్తే నమస్తే నమః !!*

🌞🌞🌞🌞🌞🌞🌞🌞🌞

*ఓం శ్రీ సూర్యనారాయణ నమః।*

*ఓం శాంతిః శాంతిః శాంతిః!*

*సర్వేజనా సుఖినోభవంతు!!*

*ఓం తత్సత్!!*

*సర్వం శ్రీ కృష్ణార్పణమస్తు!!*

*ఓం నమః శివాయ!!!*

🌞🌞🌞🌞🌞🌞🌞🌞🌞

*(సంకలనం భగవంతుని కృపతో మీ ఆత్రేయపురపు వెంకట రమణమూర్తి)*

🌞🌞🌞🌞🌞🌞🌞🌞🌞