*"ఆంధ్రభాషాయోష నా మాతృభాష"*
సీ॥
ముత్యముల్ పఱచిన ముగ్ధమోహనరూప
మాశైలి కమనీయ మద్భుతమ్ము
వ్రాలు వృత్తాల దివ్యమ్ముగా నొదిగెడి
ౘదల తారాడు నక్షత్రచయము
పదముల గదలాడు పలునాట్యభంగిమల్
పలుకగ రాగాలు పలుకరించు
పరిపూర్ణతను గల్గు వర్ణసందోహమ్ము
సంగీతసాహిత్యసంగతమ్ము
గీ॥ తెలుగు సంస్కృత భాషలు మెలగి చెలగి
ఆంధ్రభాషగా వెలసిన సాంద్రభాష
నాదు మాతృభాషాయోష నల్గడలను
తేనెలొలికించు లెస్సగా దీప్తులెగయ
*~శ్రీశర్మద*
కామెంట్లు లేవు:
కామెంట్ను పోస్ట్ చేయండి