ఆరోగ్యంగా ఉండటానికి

 శ్రీ కంచి మహాస్వామి-22

ఆరోగ్యంగా ఉండటానికి సులభమైన పరిష్కారం!

(Simple Solution for Being Fit!)

కరూర్ పండిట్ రామ శర్మ ఒక ఆయుర్వేద వైద్యుడు. ఆయన శక్తివిలాస ఆసుపత్రిని స్థాపించి తన వృత్తిని కొనసాగించారు. కేబీ సుందరాంబాల్, ధీరర్ సత్యమూర్తి సహా చాలా మంది ఆయన వద్ద వైద్య చికిత్స పొందారు. చిత్రకారుడైన నామక్కల్ కవిగ్నర్, ఆయన ఆరోగ్యం తిరిగి రావాలని కోరుతూ మురుగన్ స్వామి యొక్క అందమైన చిత్రాన్ని గీసి ఆయనకు సమర్పించారు.

రామ శర్మ మహాపెరియవ భక్తుడు. పెరియవ కరూర్ వెళ్ళినప్పుడల్లా, అతను ఆయన ఇంట్లోనే బస చేసేవాడు.

ఒకసారి పెరియవ తనకు జ్వరం లక్షణాలు ఉన్నాయని కబురు పంపి, రామ శర్మను కాంచీపురానికి రమ్మని కోరారు. రామ శర్మ కూడా కాంచీపురానికి చేరుకున్నాడు.

అతని మందుల పెట్టెను చూసి పెరియవా ముఖంలో చిరునవ్వు కనిపించింది. “నిన్ను మాత్రమే రమ్మని చెప్పాను, మెడికల్ కిట్ తీసుకురమ్మని అడగలేదు”. రామ శర్మ ఆశ్చర్యపోయాడు. అతను, “మీకు జ్వరం ఉందని చెప్పారు, అందుకే నా మెడికల్ కిట్ తీసుకువచ్చాను” అని బదులిచ్చాడు.

భౌతిక శరీరం ఉన్నప్పుడు, దానికి అప్పుడప్పుడు జ్వరం రావడం సహజం. జ్వరం, శరీరాన్ని స్వస్థపరచడానికే పుడుతుంది!

పర్వాలేదు. జ్వరానికి మందు అవసరం ఏముంది? దానికి వేరే రకమైన మందు ఉంది. అది వాడటానికే మిమ్మల్ని రమ్మని చెప్పాను!

రామ శర్మకు అర్థం కాలేదు. ఆయన మౌనంగా ఉండిపోయారు. పెరియవ కొనసాగించారు. “నువ్వు స్నానం చేసి వచ్చి ఉండాల్సింది. ఆగు. నేను వెళ్లి, మరోసారి స్నానం చేసి వస్తాను”.

రామ శర్మ చాలా కలత చెందాడు. స్వామికి జ్వరం వస్తున్నప్పుడు స్నానం చేస్తానని అంటున్నారు. కానీ దానికి వ్యతిరేకంగా ఏమీ అనాలని అతనికి తట్టలేదు. అతను పెరియవ తిరిగి వచ్చే వరకు ఎదురుచూశాడు.

స్నానం చేసి తిరిగి వచ్చిన తర్వాత, పెరియవా తన శరీర ఉష్ణోగ్రతను తెలుసుకోమని అడిగారు. థర్మామీటర్తో చూడగా, స్వామికి జ్వరం ఉన్నట్లు నిర్ధారణ అయింది.

"మంచిది, మనమిద్దరం ఇప్పుడు విష్ణు సహస్రనామం పఠించబోతున్నాము" అని పెరియవా పేర్కొన్నారు.

వారిద్దరూ కలిసి దానిని పఠించారు. పఠనం ముగిసిన తర్వాత, పెరియవా అతడిని ఉష్ణోగ్రత చూడమని అడిగారు.

ఏమి ఆశ్చర్యం! జ్వరం పూర్తిగా తగ్గిపోయింది. వెంటనే పెరియవ శర్మతో, “విష్ణు సహస్రనామం సంపదనే కాక ఆరోగ్యంతో సహా మరెన్నో విషయాలను ఇస్తుందని నేను అవిశ్రాంతంగా చెబుతూనే ఉన్నాను. ప్రజలు కూడా వింటారు. అది నిజంగా నిజమని నేను నిరూపించకూడదా? అందుకే నేను ఈ అవకాశాన్ని ఉపయోగించుకున్నాను” అని అన్నారు.

భగవానుని నామాన్ని జపించడం వల్ల ఈ జనన మరణ వ్యాధి నయమవుతుందని తమిళంలో అంటారు. అది జనన వ్యాధినే నయం చేయగలిగితే, జీవితకాలంలో వచ్చే వ్యాధులను నయం చేయదా?

రోగులు మీ వద్దకు వచ్చినప్పుడు, ఎప్పటిలాగే మందులు ఇవ్వండి. అనారోగ్యం ఉన్నప్పుడు మందులు తీసుకోవడం ఖచ్చితంగా అవసరం. కానీ దానితో పాటు విష్ణు సహస్రనామం అనే మందును కూడా ఇవ్వవచ్చా? చికిత్స కోసం మీ వద్దకు వచ్చే వారికి మీరు ఇచ్చే మందుల చీటీలో దీనిని చేర్చలేరా? కేవలం మీకు ఆ విషయంలో నమ్మకం కలిగించడానికే మిమ్మల్ని రమ్మని అడిగాను.

ప్రకృతి వైద్యంలో ప్రార్థనకు ప్రథమ ప్రాధాన్యత ఉంది”. అలా చెబుతూ పెరియవా ఒక చిన్నపిల్లాడిలా గట్టిగా నవ్వారు.

అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదావహం ।।

శ్రీ మహాపెరియవ శరణం శరణం పరమాచార్యా రక్ష రక్ష

జయ జయ శంకర | హర హర శంకర 

జయ జయ శంకర | హర హర శంకర  

సర్వే జనాః సుఖినోభవంతు