7, అక్టోబర్ 2020, బుధవారం

మీ ఓర్పే గెలిపిస్తుంది


  అబ్రహాం లింకన్ జీవితంలో ఒకానొకసారి ఒక అవమానకర సంఘటన జరిగింది.


  ఆయన అమెరికా అధ్యక్షుడయిన కొత్తల్లో దేశంలో పెట్టుబడుల్ని పెంచడానికి ధనవంతుల్ని, పారిశ్రామికవేత్తలను సమావేశపరచి అధ్యక్షోపన్యాసం చేయబోతున్నాడు.


  అసూయ అనే దిక్కుమాలిన గుణం కొందరిలో ఉంటుంది. వారు వృద్ధిలోకి రాలేరు, తెలిసినవారు వస్తే చూసి ఓర్వలేరు. వీలయినప్పుడల్లా వారిని బాధపెట్టే ప్రయత్నం చేస్తుంటారు.


  అబ్రహాం లింకన్ దేశాధ్యక్షుడయ్యాడని ఓర్వలేని ఓ ఐశ్వర్యవంతుడు ఆయన్ని ఇరకాటంలో పెట్టాలనుకుని లేచి కాలికున్న బూటుతీసి ఎత్తిపట్టుకుని ........


  ‘‘లింకన్! నువ్వు చాలా గొప్పవాడిననుకుంటున్నావ్, దేశాధ్యక్షుడినని అనుకుంటున్నావ్.

  మీ తండ్రి మా ఇంట్లో అందరికీ బూట్లుకుట్టాడు.

  ఇదిగో ఈ బూటు కూడా మీ నాన్న కుట్టిందే.

  నాకే కాదు, ఈ సభలో ఉన్న చాలామంది ఐశ్వర్యవంతుల బూట్లు కూడా ఆయనే కుట్టాడు.

  నువ్వు చెప్పులు కుట్టేవాడి కొడుకువి.

  అది గుర్తుపెట్టుకో.

  అదృష్టం కలిసొచ్చి ఆధ్యక్షుడివయ్యావ్.

  ఈ వేళ మమ్మల్నే ఉద్దేశించి ప్రసంగిస్తున్నావ్’’ అన్నాడు.


   లింకన్ ఒక్క క్షణం నిర్లిప్తుడయిపోయాడు.

  నిజానికి ఆయన ఉన్న పరిస్థితిలో వెంటనే పోలీసుల్ని పిలిచి తనను అవమానించిన వ్యక్తిని అరెస్ట్ చేయించి ఉండవచ్చు.


   కానీ అదీ సంస్కారం అంటే..

  అదీ సంక్షోభంలో తట్టుకుని నిలబడడమంటే...

  అదీ తుఫాన్ అలను

  చాకచక్యంగా తప్పించుకోవడమంటే ......


  లింకన్ వెంటనే తేరుకుని .......

  ఆ వ్యక్తికి శాల్యూట్ చేస్తూ

  ‘‘ఇంత పవిత్రమైన సభలో నా తండ్రిని గుర్తుచేసిన

  మీకు హృదయపూర్వక ధన్యవాదాలు.


  నిజమే, నా తండ్రి బూట్లు కుట్టిన మాట వాస్తవమే.

  మీవి, మీ ఇంట్లోవారి బూట్లను కూడా కుట్టాడు.

  అలాగే ఈ సభలో కూడా ఎందరివో కుట్టాడు.

  నా తండ్రి వృత్తిని దైవంగా స్వీకరించి చేసినవాడు. అటువంటి తండ్రికి కొడుకుగా పుట్టినందుకు గర్వపడుతున్నా.


  మా తండ్రి బూట్లు కుడితే అవి ఎలా ఉండాలో అలా ఉంటాయి తప్ప పాదం సైజుకన్నా ఎక్కువ తక్కువలు ఉండవు. ఒకవేళ మా తండ్రి కుట్టిన బూట్లలో ఏమైనా తేడా ఉంటే నాకు చెప్పండి. నా తండ్రి నాకు కూడా బూట్లుకుట్టడం నేర్పాడు. నా తండ్రికి అప్రతిష్ఠ రాకూడదు. అందువల్ల నేను మీ ఇంటికొచ్చి ఆ బూట్లు సరిచేసి వెడతాను.


  ఈ సభలో మా నాన్నగారిని గుర్తుచేసినందుకు మీకందరికీ నా కృతజ్ఞతలు తెలియచేసుకుంటూ ఆనందబాష్పాలతో నా ప్రసంగం మొదలుపెడుతున్నా’’ అన్నాడు.


  అంతే! ఆయన్ని నలుగురిలో నవ్వులపాలు చేద్దామనుకున్న వాళ్ళు సిగ్గుతో తలవంచుకున్నారు.

  ఇదీ ధైర్యంగా జీవితాన్ని కొనసాగించడమంటే.

  ఇదీ.. మనల్ని ముంచడానికి వచ్చిన అలమీద

  స్వారీ చేయడమంటే.

  ఇవీ జీవితంలో ప్రతి ఒక్కరు నేర్చుకోవాల్సిన మెళకువలు.

గుణాః సర్వత్ర

 గుణాః సర్వత్ర పూజ్యన్తే దూరేఽపి వసతాం సతామ్ 

కేతకీగన్ధమాఘ్రాతుం స్వయం గచ్ఛన్తి షట్పదాః



సత్పురుషులు దూరంగా ఉన్నా వాళ్ల గుణగణాలను పూజిస్తారు. మొగలిపువ్వు సుగంధం వాసనచూడడానికై తుమ్మెదలు వాటంతటవే వెడతాయి.


శుభోదయము !

గురువు

 **



ఎవరి గురువు వారికి ఉన్నారు. మనకు, మానవులకు మాత్రం *ప్రకృతి, పంచభూతాలు, సృష్టి సర్వం గురువులే.* అది మన అదృష్టం. *ప్రతి జీవి, ప్రతి అణువు ఏదో ఒక విద్యను నేర్పిస్తాయి. ఏదో ఒక మెలకువను తెలియజేస్తాయి. మనం నేర్చుకోవటమే తరువాయి. ఈ నిరంతర అధ్యయనం మనషికెంతో రాణింపును తెస్తుంది. ఆహార సంపాదన, ఐకమత్యం, ప్రేమ, త్యాగం, సేవ, వైరాగ్యం, నిరంతర శ్రమ, స్వయం కృషి, ఇతరుల మీద ఆధారపడకపోవటం, పంచుకుని అనుభవించటం...నిశితంగా పరిశీలిస్తే ప్రతి ఒక్క గుణమూ మనిషి నేర్చుకోదగ్గదే.* 


ఇప్పుడు ప్రపంచమంతా ఆదరిస్తున్న, ఆచరిస్తున్న ‘యోగ’ ఆసనాలు పక్షుల్ని, జంతువుల్ని చూసి రూపకల్పన చేసినవే. అలాంటప్పుడు ఈ సమస్త లోకాన్ని గురువుగా అంగీకరించటంలో దోషమేమీ లేదనిపిస్తుంది.


*నిజానికి- లోకమే ఒక పాఠశాల.* మనం విద్యను అభ్యసించడానికి పాఠశాలకు వెళ్ళే చాలా ముందుగానే దాదాపు పురిటిగది నుంచి మనకు విద్యాభ్యాసం మొదలవుతుంది. *జీవితాన్ని జీవించటం, అంటే కేవలం ఆహార నిద్రా మైథునాలు కావు.* 


*జీవితం అంటే ప్రతి క్షణం ఒక అనుభవం. ప్రతి అనుభవం ఒక పాఠం. ఔను. అనుభవమే. అనుభవాల సమాహారమే జీవితం అంటే.* 


అది గుడ్డెద్దు చేలో పడ్డట్లు కాకుండా ఆ *ప్రతి క్షణ అనుభవం ప్రతి క్షణ అధ్యయనం కావాలి. అనుభవం, అధ్యయనం ఏకకాలంలో జరగాలి.* కాడెద్దుల్లా రెండూ ఏకకాలంలో కదలాలి. సంయమనంతో నడవాలి. అప్పుడు జీవితం పంటచేనులా పచ్చనిపంటతో నిండుగా శోభిస్తుంది.


పూర్వం ప్రతి ఇంట్లో పూలమొక్కలుండేవి. పండ్లవృక్షాలుండేవి. ఎన్నో కొన్ని పక్షులు, పెంపుడు జంతువులు ఉండేవి. గమనిస్తే, వాటి *జీవన విధానంలోనే మనకు పాఠాలు వ్యక్తమయ్యేవి. ప్రేమ, పంచుకు జీవించటం, త్యాగం, ఐకమత్యం, ఆపదల్లో ఒకదాన్నొకటి కాపాడుకునే తత్వం... ఎన్నో. సూర్యుడు, చంద్రుడు, పంచభూతాలు, చెట్టూ, పుట్ట... అందరికీ, అన్నింటికీ వారి వారికి, వాటి వాటికి తెలీకుండానే ఇవ్వటమే పరమావధి.* మనిషికి తప్ప మరొకరికి దోచుకు తినటం తెలీదు- ఆహార సంపాదన కోసం వేట లాంటివి తప్ప.


మనిషికి *జీవితం ఎంత అనిశ్చితమో తెలుసు. ఎంత సంపాదించినా ఏదీ వెంట రాదనీ తెలుసు. జీవితం అత్యంత అమూల్యమని, జన్మోద్దేశం మనం అనుసరిస్తున్నది కాదని, వేరే ఉందని తెలుసు. అయినా అమాయకత్వం, అజ్ఞానం, అవిద్య... ఇది చాలా శోచనీయం.* 


మనకు మరో ఉత్తమోత్తమమైన మానవ రూప గురువు లభించకపోయినా ఖేదపడవలసిన అవసరం లేదు. *భగవంతుడున్నట్లే ప్రతి అణువులో గురుస్వరూపం ఉంది. దాన్ని గ్రహిస్తే చాలు. స్వీకరిస్తే చాలు. అధ్యయనం చేస్తే చాలు. ఆచరిస్తే చాలు.* 


మనం నిశితంగా పరిశీలిస్తే మనిషిని చూసి ప్రకృతిలోని ఏ జీవీ నేర్చుకోవలసిందేమీ లేదు. *ప్రకృతిలోని ప్రతి జీవి, చెట్టు, పుట్ట, చీమ, చిలుక... ఏదైనా తన సహజ జీవన విధానంతోనే మనకు ఉత్తమ విద్యను, విధానాన్ని బోధిస్తాయి.* ఉన్నత విలువలను అందిస్తాయి. 


*మన చూపు కేవలం ఆస్వాదనకు కాదు. అధ్యయనానికి కూడా.* 

ఆ తరవాత ఆచరణకు. మనకు మహోన్నత గురుపీఠం, ఉద్గ్రంథాలు, సాధనా శిబిరాలు.. అవసరం లేదు. ప్రకృతి చాలు. 


ప్రపంచం చాలు. అమాయక జీవజాలం చాలు. *అన్నింటినీ పాల కళ్లతో అత్యంత ఆసక్తితో చూసే అమాయక శిశువుల్లాంటి పసిమనసు చాలు!*


〰〰〰➿〰〰〰

🌻 *మహానీయుని మాట*🌻

 🙏సర్వేజనాః సుఖినోభవంతు 🙏


🌞*శుభోదయం*🌞

 -------------------


   

"దీపం ప్రశాంతంగా ఉండి కాంతిని అన్ని వైపులా ప్రసరింపజేసి తననుతాను పరిచయం చేసికుంటుంది.. ఆట్లాగే గొప్ప వ్యక్తిత్వం గలవారు కూడా నిశ్శబ్దంగా ఉండి తాను సాధించిన విషయాలను లోకానికి తెలిసేలా చేస్తాడు....!"

 -------------------

🦜 *నేటీ మంచి మాట* 🦜

      ---------------------------

"తన బిడ్డలకు సమస్య ఎదురైతే పిడికిలి బిగించి నేర్చుకోవాలి కానీ చేతులు సాచి కాదని నేర్పేది గొప్ప తల్లి ....!"


🌻🌻🌻🌻🌻🌻🌻🌻🌻🌻 గురు చరణం గ్రూప్ సేకరణ

 





నిత్య నైమిత్తిక కామ్యకర్మలకు, స్మార్త కర్మలకు, వైదిక కర్మలకు సంబంధించిన అనేకమైన ధర్మశాస్త్ర విషయములను, స్మృతి గ్రంధ విషయములను, బ్రహ్మచర్య, గృహస్థ, వానప్రస్థ, సన్యాసాశ్రమములలో పాటించవలసిన విషయములన్నింటినీ ఒకేచోట క్రోడీకరించి ఉన్న గ్రంధం "వెంకట సోమయాజీయమ్ " . ఈ గ్రంధములో ఆచారకాండ, ఆశౌచ కాండ, శ్రాద్ధకాండ అని మూడు కాండములతో శౌచవిధి, దంతధావన ప్రకరణం, స్నాన ప్రకరణం, సంధ్యావందన కాలనిర్ణయం మొదలుగా ఉపనయన విధి, వివాహవిధి, మలమాస నిర్ణయం ఆశౌచ వివరణలు అన్నీ స్మృతులలో చెప్పబడిన సంస్కృత ఆధార శ్లోకములు వాటికి తెలుగు అర్థముతో కూడుకున్న వైదిక కల్పవృక్షం. ప్రతి ఒక్కరికీ అత్యంత ఉపయుక్తమైన గ్రంధము.

ఇంతటి అమూల్యమైన ఈ గ్రంథము ౧౯౫౦ తరువాత మరలా ముద్రించబడలేదు.

మోహన్ పబ్లికేషన్స్ వారి ద్వారా ఈ గ్రంధం లభిస్తున్నది.

స్వల్ప ప్రతులు కలవు కాబట్టి ఆసక్తి కలవారు ఆ చరవాణిలో మాట్లాడి త్వరిత గతిన గ్రంధము తెప్పించుకోగలరు. 

70వ పద్యం

 

మ.

చదువుల్ నేర్చిన పండితాధములు స్వేచ్చాభాషణ క్రీడలన్

వదరన్ సంశయ భీకరాటవుల ద్రోవల్ దప్పి వర్తింపగా

మదన క్రోధ కిరాతు లందు గని భీమప్రౌఢి వే దాకినం

జెదరుం జిత్తము చిత్తగింప గదవే శ్రీకాళహస్తీశ్వరా!

మాతృ భాషను

 మాతృ భాషను ప్రేమించని వారు తలిదండ్రులును ప్రేమించ లేడు. ఎందుకంటే అమ్మ వడి నుండే అక్షరాభ్యాసం మెదులుచున్న కనుక. మాటలు వచ్చేవరకు మాతృభాష మాటలు వచ్చాక పరాయి భాష. యిప్పుడు పలికే పరాయిభాషయినా ఎంతమంది గ్రామర్తో అర్ధవంతంగా వ్పాస్తున్నారో గమనించండి. ఏ భాషలోనూ సమర్ధత లేకపోతే విజ్ఞానం సమస్తం కోల్పోయి మూర్ఖలమవుతాం. తిరిగి ఆదిమానవుల కోవలోకి ప్రయాణం. మ తల్లి భాషలో తల్లితో అనుభవం లేనివాడు తల్లిదండ్రులును ఎలా ప్రేమిస్తాడు. బంధాలు వుండాలంటే మాతృభాష ముఖ్యం. లేదా విచ్చలవిడి తనం స్వతంత్రం ఎక్కువై యువత పెడ త్రోవను పట్టుటకు ఆస్రారము. యువత బాగుంటే జాతి బాగుంటుంది. యిదంతా భారత జాతిని నిర్వీర్యం చేసే కుట్రలో వక భాగం.

చంద్ర కిరణ లక్షణములు

 మనకు చంద్ర కిరణ లక్షణములవలన ఎలా ఉపయోగము అనే విషయ పరిశీలన. మన యింద్రియములు చంద్రకిరణ లక్షణములవలననే సృష్టి కి సంబంధించిన కార్యములు నెరవేరును. అది ప్రకృతి రూపం ప్రకృతిని ఆశ్వాదించాలంటే శక్తి కావలెను. అది ఉష్షరూపంలో సూర్యకాంతి వలన పరిమితమై దేహ ఉష్ణోగ్రత రూపంలో కలిగియుండును. సమతుల్యత అనగా బాలన్స్ లేనియెడల యింద్రియములు పనితేయజాలవు. యింద్రియములు అనగా యింద్రియములు శబ్దమునకు ప్రతిరూపం. యింద్రియములు అనగా ఏమిటో వేదం తెలుపు చున్నది. ప్రకృతి పంచభూతాత్మకము ఏలాగున మనకు కూడా అటులనే పంచభూతములు సమాహారమే. మూలము. అదియే ధాతురూపమని ఎలిమెంటల్ శరీరమని వివరణ. వేద వాక్కు యీ విధంగా పంచభూతములు వివరించిన విధంగా. అవి వరుసగా ఓజోన్ అసి, బలం అసి, భ్రా జోసి, ధామనాం అసి, విశ్వం అసి, విశ్వాయుః, సర్వం అసి సర్వాయి అని కలదు. వాటికి కారణమైన మంత్రం' ఇన్ద్రం ఈశానం ఓజసా అభి స్తోమా అనూషత' అని కలదు. ఓజసాభిఈశ్వరరూపంలో యున్న సూర్య శక్తియే యింద్రియములు అని అనగా యింద్రియములు అనేది శక్తి లక్షణమని తెలియును. అనగా పైన తెలిపిన ఓజోన్ అసి... అని తెలిపిన సమస్తము సోమ అనగా చంద్రుని వలననే అని అట్టి లక్షణమైన కిరణ ఉష శక్తియని, అదియే జీవ లక్షణమని తెలియును. వీటికి మూలమైన చంద్ర రూపంలో ఈశ అనే సూర్య శక్తియే మూలము. యఙ్ఞభోక్త యింద్రుడుయని వాటి వలననే వర్షమును వర్షం వలననే జీవ చైతన్య లక్షణమును వీటికి మూలము అధ్వరమని అనగా యఙ్ఞమని యజ్ఞమునకు హవిస్సు లే మూలమని అవి అక్షర రూప మంత్ర పదార్ధ రూప కలయిక యే మూలమని అది అగ్నిరూపమలో మాత్రమేయని మనకు తెలియుచున్నది.

పాలు పొంగు రాకుండా


 

మొగలిచెర్ల అవధూత

 మొగలిచెర్ల అవధూత శ్రీ దత్తాత్రేయ స్వామివారితో అనుభవాలు..

కుమార్తె కాదు..కుమారుడు!


శ్రీ మీరాశెట్టి గారికి మొగలిచెర్ల అవధూత శ్రీ దత్తాత్రేయ స్వామివారి మీద విపరీతమైన భక్తి విశ్వాసాలు ఉండేవి..తాను నిర్మించిన ఆశ్రమం లోనే శ్రీ స్వామివారు వుంటున్నారనే భావన ఆయన మనసులో ఉండేది కాదు..అందరిలాగానే తాను కూడా శ్రీ స్వామివారి భక్తులలో ఒకడిగా ఉండడానికి ఇష్టపడేవారు..ఎవరికి ఏ సమస్య వచ్చినా..మొగలిచెర్ల వెళ్లి, శ్రీ స్వామివారి సమాధి వద్ద మొర పెట్టుకోమని చెపుతూ వుండేవారు..ధనవంతుడిగా వున్నా..అత్యంత సాధారణ జీవనం గడిపేవారు శ్రీ మీరాశెట్టి గారు..అందిరితోనూ కలుపుగోలు గా వుండేవారు..


ఒకసారి శ్రీ మీరాశెట్టి గారు వింజమూరు వెళ్లారు..అప్పటికి శ్రీ స్వామివారు సిద్ధిపొంది పన్నెండేళ్ళ పైనే అవుతోంది..తనకు తెలిసిన వారింటివద్ద కూర్చుని లౌకిక వ్యవహారాలు మాట్లాడుకోసాగారు..సుమారు ఐదారుగురు కూర్చుని వున్నారు..అందులో ఉన్న నారాయణ అనే వ్యక్తి ని చూసి.."ఏరా..నీ భార్య కు ఇప్పుడు ఎన్నో నెల?..కాన్పు కు ఈ వూరిలోనే ఉంచుతున్నావా?..నెల్లూరు తీసుకెళుతున్నావా?.." అన్నారు..


నారాయణ నిస్పృహతో చూసాడు..


"ఎన్నో నెల అయితే ఏమిటీ మామా?..ఆరోనెల నిండింది..ఈసారి కూడా ఆడపిల్లే పుడుతుందని డాక్టర్ గారు చెప్పారు..ఇప్పటికి ముగ్గురు ఆడపిల్లలు వున్నారు..మొగపిల్లవాడు పుట్టాలని కోరుకున్నాము..మా దురదృష్టం..ఈసారీ కూతురే..ఈ కాన్పు తర్వాత, పిల్లలు పుట్టకుండా ఆపరేషన్ చేయిస్తాను...ఈ నలుగురిని పెంచి..పెళ్లిళ్లు చేసి పంపిస్తే చాలు.."అన్నాడు..


మీరాశెట్టి గారు ఒక్కక్షణం ఆగి.."నారాయణా..నువ్వూ నీ భార్యా కలిసి..రేప్పొద్దున్నే మొగలిచెర్ల వెళ్లి, శ్రీ దత్తాత్రేయ స్వామి వారి వద్ద మొగపిల్లవాడు పుట్టాలని మొక్కుకోండి.. ఆ స్వామిని వేడుకోండి.. తప్పకుండా మీ కోరిక నెరవేరుతుంది.." అన్నారు..


"మామా!..డాక్టరు గారు ఆడపిల్లే పుడుతుందని తేల్చి చెప్పారు..ఇప్పుడు మనం మొక్కుకుంటే మాత్రం కడుపులో ఉన్న బిడ్డ మారుతుందా?..నువ్వు చాదస్తం గా చెప్పొద్దు..నా తలరాత ఇంతే..నన్ను సతాయించవద్దు..మామా..నట్టింట్లో ఆడపిల్ల తిరుగుతుంటే సంతోషంగా ఉంటుంది..కాదనను..కానీ పుట్టిన ముగ్గురూ ఆడపిల్లలే కదా..మొగపిల్లవాడు పుట్టాలని కోరుకోవడం లో తప్పులేదు కదా?..కానీ చేసేదేముంది?..డాక్టర్ గారు ఖచ్చితంగా చెప్పేసాక కూడా.. దేవుళ్లను మొక్కుకోవడం..ఆపైన ఆశపడటం..ఇవన్నీ శుద్ధ దండగ.." అన్నాడు నిరాశతో!..


"అది కాదురా..నా మాట విని రేపు మొగలిచెర్ల వెళ్లి ఆ స్వామి దగ్గర మొక్కుకోండి..నేను ఖచ్చితంగా చెపుతున్నాను..నీకు మొగపిల్లవాడు పుడితే..మొగలిచెర్ల లోని దత్తాత్రేయ స్వామి వారి మందిరం వద్ద శని, ఆది వారాల్లో అన్నదానం చేయిస్తానని చెప్పు..పెద్దవాడిని.. చెపుతున్న మాట ఆలకించు.." అన్నారు..


"మామా..నీ మాటే వింటాను..కానీ నేను, నా భార్యా ఇద్దరమూ కూడా మా ఇంట్లోనే ఆ దత్తాత్రేయుడి పటం పెట్టుకొని..ఇక్కడే మొక్కుకుంటాము..నీ మాట ప్రకారం ఆ స్వామి దయవల్ల మాకు మొగ సంతానం కలిగితే..ఒక వారం కాదు మామా..మూడు వారాలు వరుసగా నేనే అన్నదానం చేస్తాను..ఎంతమందికైనా అన్నం పెడతాను..సరేనా?.." అన్నాడు నారాయణ..


మీరాశెట్టి గారు అలాగే చేయండి అని నారాయణ తో చెప్పి, శ్రీ స్వామివారి పటం తెప్పించి..వాళ్ళింట్లో పెట్టించారు..నారాయణ దంపతులు శుచిగా స్నానం చేసి, ఆ పటాన్ని తమ పూజాపీఠం లో పెట్టుకొని..మొగ సంతానం కలగాలని మనస్ఫూర్తిగా మొక్కుకున్నారు..


ఆ దంపతులు శ్రీ స్వామివారి పటానికి రోజూ భక్తిగా నమస్కారం చేసుకుంటూ వున్నారు..మరో మూడు నెలలు గడిచాయి..నారాయణ భార్య కు ప్రసవం జరిగి..మొగపిల్లవాడు పుట్టాడు..నారాయణ ఆనందానికి అవధులు లేకుండా పోయాయి..ఉన్న ఫళంగా మీరాశెట్టి గారు ఎక్కడ ఉన్నారో తెలుసుకొని..అక్కడికి వెళ్ళిపోయాడు..నేరుగా మీరాశెట్టి గారి కాళ్లకు నమస్కారం పెట్టి.."మామా..నువ్వు చెప్పినట్లే మాకు మొగపిల్లవాడు పుట్టాడు..అంతా ఆ స్వామి దయ.." అన్నాడు..


మీరాశెట్టి గారు నవ్వి.."ఆ దత్తాత్రేయ స్వామిని నమ్ముకుంటే న్యాయం చేస్తాడని నేను ముందే చెప్పాను కదరా!..నువ్వు స్థిమితం పొంది..వీలున్నంత తొందరలో మొగలిచెర్ల వెళ్లి, దత్తాత్రేయ స్వామిని దర్శించుకొని.. అక్కడ అన్నదానం చేయించు.." అన్నారు..


మరో నెల తర్వాత నారాయణ భార్యా సమేతంగా మొగలిచెర్ల వచ్చి, శ్రీ స్వామివారి సమాధిని దర్శించుకున్నాడు.. తాను చెప్పిన విధంగానే..మూడు వారాల పాటు, ప్రతి శని ఆదివారాల్లో అన్నదానం చేసాడు..


మీరాశెట్టి గారికి శ్రీ స్వామివారి మీద ఉన్న భక్తీ విశ్వాసాలు రెట్టింపు అయ్యాయి..మీరాశెట్టి గారి ద్వారా తెలుసుకున్న మరో అనుభవం రేపు చదువుకుందాము..


సర్వం..

శ్రీ దత్తకృప!


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం..ప్రకాశం జిల్లా..పిన్ : 523 114..సెల్..94402 66380 & 99089 73699).