20, నవంబర్ 2020, శుక్రవారం

ఏ రాశుల వారు ఏ జ్యోతిర్లింగాన్ని

 ఏ రాశుల వారు ఏ జ్యోతిర్లింగాన్ని దర్శించాలి ???

#అందరికీ_తెలిసేందుకు_దయచేసి_షేర్_చేయండి

#సంభవామి_యుగే_యుగే


మీరు తెలుసుకోండి , మీకు తెలిసిన వారికి తెలియజేయండి , అందరికీ తెలిసేందుకు దయచేసి షేర్ చేయండి . మీకు తెలిసిన పెద్దవారికి , దర్శించే వీలు లేని వారికి చూపించండి , ఇవి చదవలేని వారికీ తెలియజేయండి. దేవుడు ఎలా అనుగ్రహిస్తాడో , ఎప్పుడు దర్శనభాగ్యం కలిగిస్తాడో,ఏ సాధన సూచిస్తాడో మన ఊహకు అందదు. " సంభవామి యుగే యుగే " ఫేస్బుక్ పేజీ ద్వారా మేము పోస్ట్ చేస్తున్న ఇతర పోస్ట్లు కూడా పరిశీలించండి, వాటిలో మీకు కొన్నైనా ఉపయోగపడితే మా శ్రమకు ఫలితం కలిగుతుందని మా ఆశ. అందరికీ దర్శనభాగ్యం కలగాలి , ఆధ్యాత్మిక విషయాలు తెలియజేయాలన్నదే " సంభవామి యుగే యుగే "ఫేస్ బుక్ పేజీ ద్వారా మా ప్రయత్నం.


*ద్వాదశ రాశుల మంత్రాలు ఇవి*


1 ) మేష రాశి :- ఓం హ్రీం శ్రీం లక్ష్మీనారాయణాయ నమః

2 ) వృషభరాశి :- ఓం గోపాలాయ ఉత్తర ధ్వజాయనమః

3) మిథున రాశి :- ఓం క్లీం కృష్ణాయ నమః 

4) కర్కాటక రాశి :- ఓం క్లీం హిరణ్యగర్భాయ అవ్యక్త రూపిణే నమః 

5) సింహరాశి :- ఓం క్లీం బ్రహ్మణే జగదాధారాయ నమః 

6) కన్యారాశి :- ఓం నమో హ్రీం పీతాంబరాయ నమః 

7) తులారాశి :- ఓం తత్వ నిరంజనాయ తారకారామాయ నమః 

8) వృశ్చికరాశి :- ఓం నారాయణాయ నరసింహాయ నమః 

9) ధనూరాశి :- ఓం శ్రీం దేవకృష్ణాయ ఊర్ధ్వదంతాయ నమః 

10 ) మకరరాశి :- ఓం శ్రీ వత్సలాయ నమః 

11 ) కుంభరాశి :- ఓం శ్రీం ఉపేంద్రాయ అచ్యుతాయ నమః 

12 ) మీనరాశి :- ఓం క్లీం ఉధృతాయ ఉద్దారిణే నమః


రాశుల ననుసరించి పై మహామంత్రాల్ని జపిస్తే మానవుడు చాలా భాగం మాయ నుండి బయట పడతాడు. సృష్టి స్థితి లయలకు మాయ మూలస్థానం. దీనికి లోబడే జగత్తు కాలభ్రమణ మవుతోంది . మయుడు మాయకే సూత్రధారి. అదే విష్ణుమాయ. త్రిమూర్తులు కూడా మాయబద్దులే. మానవుడు జాగ్రత్తగా ఉంటూ, ధార్మిక నియమాలు పాటిస్తూ ఉంటే, సర్వశుభాలు సమకూరు- టయేగాక , మరొక జన్మలేని పరమ పదాన్ని చేరతాడు . లోకకళ్యాణం కోసం మానవుడు ఏ కార్యం ఆచరిస్తాడో అదే సత్యం. అదే ధర్మం. అదే సత్య ధర్మం . 


ద్వాదశ రాశులు-- ద్వాదశ జ్యోతిర్లింగాలు


*మేషరాశి: రామేశ్వరం 

శ్లోకం:- సుతామ్ర పర్ణీ జలరాశి యోగే, నిబధ్య సేతుం విశిఖైర సంఖై్య

శ్రీరామ చంద్రేన సమర్పితం తం, రామేశ్వరాఖ్యం నియతం నమామి.

ఈ రాశి కుజునికి స్వగృహం, చర రాశి వారికి పదకండవ ఇంటి అధిపతి అయిన శని బాధకుడు. గ్రహ పీడా నివారణార్థం రామేశ్వర తీర్థ యాత్ర,, పైన చెప్పిన శ్లోకం రోజు చదువుకొనుట చేయవలెను, శ్రీరామచంద్రుడు శని బాధ నివారణార్ధం ఈ లింగము ప్రతిష్టించెనని చెప్పబడినది. కుజునకు కందుల దానము, ఎర్ర వస్త్ర దానములు కుడా చేసిన మంచి ఫలితములు వచ్చును.


*వృషభ రాశి: సోమనాధ జ్యోతిర్లింగము*

శ్లోకం:- సౌ రాష్ట్ర దేశే విదేశే తిరమ్యే జ్యోతిర్మయం చంద్ద్ర కళావ సంతం,భక్తి ప్రాధానాయ క్రుపావతీర్ణం తం సోమనాధం శరణం ప్రపద్యే.

ఈ రాశి శుక్రునికి స్వగృహం, చంద్రునికి ఉచ్చ రాశి. సోమనాధ జ్యోతిర్లింగం శ్రీ క్రిష్ణుడుచే స్తాపించ బడింది. ఈ రాశికి శని నవామాదిపత్య బాధకుడు అయినందున శని దోషాలకు సోమనాధ దేవాలయ దర్శనం, పై శ్లోక ధ్యానము చేసిన సుభ ప్రదము. జన్మ నక్షత్రమందు రుదభ్రిషేకం చేయించుట వలన మంచి ఫలితములు పొందగలరు. బొబ్బర్ల దానము, బియ్యము దానము చేసిన మంచిది.


*మిధున రాశి: నాగేశ్వర జ్యోతిర్లింగం:*

శ్లోకం:-యామ్యే సదంగే నగరే తిరమ్యే విభ్శితాంగం వివిధైశ్చ భొగై ,

సద్భక్తి ముక్తి ప్రదమేకం, శ్రీ నగనాధం శరణం ప్రపద్యే.

ఈ రాశి బుధునికి స్వగృహము. దోషాలకు నాగేశ్వర పుణ్య క్షేత్ర దర్శన, ప్రతి రోజు పై శ్లోకమును చదువుట, ఈ రాశి శని సంచరించు కాలమునందు జన్మ నక్షత్ర రోజున కైలాస యంత్ర ప్రస్తార మహా లింగార్చన జరిపించిన విశేషమైన ఫలితములు కలుగును.


*కర్కాటకం: ఓంకార జ్యోతిర్లింగం:*

శ్లోకం:-కావేరికా నర్మదాయో పవిత్రే , సమాగమే సజ్జన తారణాయ,

సదైవమాన్దాత్రు పురే వసంతం, ఓం కారమీశం శివమే మీడే

ఈ రాశి చంద్రునకు స్వగృహం , . ఓంకార జ్యోతిర్లింగ దర్శనం, రోజు పై శ్లోకం చదువుట , జన్మ నక్షత్రం రోజున ఓంకార బీజాక్షరం ఉచ్ఛరిస్తూ ఉండటం మంచి నివారణ ఉపాయములు.

*సింహరాశి : శ్రీ ఘృష్ణేశ్వర జ్యోతిర్లింగం*

శ్లోకం:-ఇలాపురే రమ్య విశాల కేస్మిన్‌ సముల్ల సంతం చ జగద్వ రేణ్యం, వందే మహా దారాతర స్వభావం, ఘ్రుశ్నేశ్వరాఖ్యం శరణం ప్రపద్యే. సింహరాశి సూర్యునకు స్వగృహం. ఘ్రుష్నేస్వర జ్యోతిర్లింగ దర్శనం, పై శ్లోకమును రోజు చదువుట, జన్మ నక్షత్రం నాడు ఏక దశ రుదభ్రిషేకం ద్వారా దోషాల నుండి విముక్తి పొందవచ్చును.


*కన్యా రాశి: శ్రీ శైల జ్యోతిర్లింగం*

శ్లోకం:-శ్రీ శైల శ్రుంగే విభుధాతి సంగే తులాద్రి తుంగే పి ముదావసంతం,

తమర్జునం మల్లిక పూర్వమేకం, నమామి సంసార సముద్ర సేతుం.

ఈ రాశికి అధిపతి బుధుడు. బాధల నుండి ఉపశమనం పొందుటకు శ్రీ శైల మల్లిఖార్జున దర్శనం, భ్రమరాంబకి కుంకుమ అర్చన, జన్మ నక్షత్రం రోజున చండి హోమం చేసిన ఉపశమనం పొందగలరు. రోజు పైన చెప్పిన శ్లోకం చదువుట, జన్మ నక్షత్రం రోజున ఆవుకి ఆకు కూరలు, పచ్చ పెసలు తినిపించుట మంచిది.


*తులారాశి: మహాకాళేశ్వరం*

శ్లోకం:- అవన్తికాయాం విహితావరం, ముక్తి ప్రధానాయ చ సజ్జనానాం అకాల మౄఎత్యో : పరిరక్ష ణా ర్థం వందే మహాకాల మహాసురేశం ఈ రాశికి శుక్రుడు అధిపతి, మహాకాళేశ్వర దర్శనము ద్వారా, శుక్రవారము సూర్యోదయ సమయములో బొబ్బర్లు దానం చేయుట ద్వారా దోషములు, బాధలనుండి విముక్తి పొందవచ్చును.


*వృశ్చిక రాశి: వైద్యనాదేశ్వరుడు*

శ్లోకం:-పూర్వోత్తరె ప్రజ్వాలికానిధానే , సాదావసంతం గిరిజాసమేతం ,

నురాసురారాదిత పాదపద్మం, శ్రీ వైద్య నాదం తమహం నమామి.

ఈ రాశికి కుజుడు అధిపతి, వృశ్చికం వైద్య వృత్తికి, శస్త్ర చికిత్సలకి కారణ భూతం. బాధలకు వైద్య నాదేశ్వరుని దర్శించి , పూజించుట ద్వారా, మంగళవారము జన్మ నక్షత్రము రోజున కందులు, ఎరన్రి వస్త్రములు దానము చేయుట మంచిది. ఋతు క్రమ దోషములున్న స్త్రీలు పెద్ద ముత్తైదువులకు యెరన్రి వస్త్రములు దానము చేయుట మంచిది.


*ధనురాశి : విశ్వేశ్వర లింగం*

శ్లోకం:- సానంద వనే వసంతం, ఆనందకందం హత పాప బృందం

వారణాసీనాధ మనాద నాదం, శ్రీ విశ్వ నాదం శరణం ప్రపద్యే.

ఈ రాశి వారికి గురుడు అధిపతి, స్వస్తానం. వేదాంత ధోరణి విపరీత ఆలోచనలు, సైంటిఫిక్‌ ఆలోచనలు, వీరి లక్షణం. అద్దిశంకరుల వారికి మోక్షం ప్రసాదించిన కాశీ క్షేత్రం, , అన్నపూర్ణ వద్ద శివుడు భిక్ష అడుగుట, అర్ధరాత్రి గంగకి ఆవలి ఒడ్డున నారాయణ మంత్రంతొ శివుడు జీవులకి మోక్షము ప్రసాదిస్తాడని పురాణాలలో చెప్పబడింది. పై శ్లోక పారాయణ, పూజ చేయుట, కాశి క్షేత్ర దర్శనము , గురువారము రోజున, జన్మ నక్షత్రము రోజున శనగల దానము ఇచ్చుట ద్వారా శని, గురు గ్రహ దోషాల నుండి విముక్తి పొందవచ్చును.


*మకరము: భీమ శంకరం*

శ్లోకం:- యం డాకినీ శాకినికాసమాజై : నిషేవ్యమాణం పిశితా శనైశ్చ , సదైవ భీమాది పద ప్రసిధం, తం శంకరం భూత హితం నమామి. ఈ రాశి అధిపతి శని. గురునికి నీచ, కుజునికి ఉచ్చ,గురుడు అంటే జీవుడు , అహంకారపూరితమైన గజరాజు మొసలిచే పీడించబడి గజేంద్ర మోక్షము అనే ఆర్తి పూరితమైన ఘట్టం పురాణాలలో చెప్పబడింది. దోషాలకి భీమ శంకరం దర్శనం,,పూజ చేయుట, పై శ్లోక పారాయణము నిత్య పారాయణము, శని వారము నల్ల నువ్వుల దానము, నల్లని వస్త్రాలు దానము ఇచ్చుట, అవిటివారికి, ముసలి వారికి వస్త్ర దానము చేయుట మంచిది


*కుంభం:కేదారేశ్వరుడు*

శ్లోకం:-మహాద్రి పార్శే్వ చ రమంతం, సంపూజ్య మానం సతతం మునీన్రై్ద :

సురాసురై ర్యక్ష మహోర గాదై్య : కేదారమీశం శివమేక మీడే .

ఈ రాశికి శని అధిపతి, దోషాలకి కేదాద్రేశ్వర దర్శనము, పూజించుట, నిత్యమూ పై శ్లోక పారాయణము, శని వారము నువ్వుల దానము, అభిషేకం, మహన్యాస పూర్వక రుద్రాభి షేకం చేసిన మంచిది.


*మీన రాశి: త్రయంబకేశ్వరుడు* 

శ్లోకం:-సహ్యాద్రి శీర్షే విమలే వసంతం, గోదావరీ తీర పవిత్ర దేశే, యద్దర్శనాథ్‌ పాతక మాశు నాశం, , ప్రయాతి తం త్రయంబక మీశ మీడే . ఈ రాశి అధిపతి గురుడు. త్రయంబకేశ్వరుడు ఎప్పుడు నీటి మధ్యలో ఉంటాడు. అధిక ఫలితాలని ఇస్తాడని పురాణ ప్రసిద్ది. దోషాలకు త్రయంబకేశ్వర దర్శనము, చిత్రపటము పూజ మందిరమునందు ఉంచి నిత్యమూ పై శ్లోకము పారాయణము చేయుట మంచిది.

నైవేద్యం

 #నైవేద్యం


ఒక పిల్లవాడి కి సందేహం వచ్చి, గురువు గారిని ”దేవుడు మనం పెట్టిన నైవేద్యం తింటాడా, తింటే పెట్టిన పదార్థం ఎందుకు అయిపోలేదు” అని  ప్రశ్నించాడు .... గురువు గారు ఏం సమాధానం ఇవ్వకుండా, పాఠాలు చెప్పసాగారు...


ఆరోజు పాఠం


 “ ఓం పూర్ణమద: పూర్ణమిదం 

పూర్ణాత్ పూర్ణముదచ్యతే 

పూర్ణస్య పూర్ణమాదాయ

 పూర్ణమేవావశిష్యతే”.... అనే శ్లోకం . 


పాఠం చెప్పడం పూర్తయిన  తరువాత, అందరిని పుస్తకం చూసి శ్లోకాన్ని నోటికి నేర్చుకొమ్మని చెప్పారు గురువు గారు. కొద్ది సేపటి తరువాత నైవేద్యం గూర్చి ప్రశ్నించిన శిష్యుడి దగ్గరకు వెళ్ళి నేర్చుకున్నావా అని అడిగారు... నేర్చుకున్నాను అని వెంటనే అప్పచెప్పాడు శిష్యుడు.. 


శ్లోకం సరిగ్గానే చెప్పినప్పటికీ, గురువు గారు తల అడ్డంగా ఆడించారు.. దానికి ప్రతిగా శిష్యుడు., కావాలంటే పుస్తకం చూడండి అని గురువు గారికి పుస్తకం తెరచి చూపించాడు... శ్లోకం పుస్తకం లోనే ఉందిగా… నీకు శ్లోకం ఎలా వచ్చింది అని అడిగారు గురువు గారు. శిష్యుడికి ఏం చెప్పాలో అర్థం కాలేదు...


గురువు గారే మళ్ళీ అన్నారు... పుస్తకంలో ఉండే శ్లోకం స్థూల స్థితి లో ఉంది… నువ్వు చదివినప్పుడు నీ బుర్ర లోకి అది సూక్ష్మ స్థితిలో ప్రవేశించింది... ఆదే స్థితి లో  నీ మనస్సులో ఉంది. అంతే కాదు, నువ్వు చదీవి నేర్చుకోవడం వల్ల పుస్తకం లో స్థూల స్థితి లో ఉన్న శ్లోకానికి ఎటువంటి తరుగూ జరగలేదు.


అదే విధంగా విశ్వమంతా వ్యాప్తి అయి పూర్ణంగా ఉన్న పరమాత్ముడు నైవేద్యాన్ని సూక్ష్మ స్థితి లో గ్రహించి, స్థూల రూపం లో ఎటువంటి నష్టం లేకుండా చేస్తాడు.. దాన్నే మనం ప్రసాదం గా తీసుకుంటున్నాం... అని వివరణ చేశారు గురువు గారు....


“పేరు దేవుడిది - పొట్ట మనది” అని హేళన చేసే వారికి ఇదే హిందూ ధర్మ సమాధానం..


🙏🙏🙏🙏🙏🙏🙏🙏🙏🙏🙏🙏🙏

Pravachanam










 

God









 

మగవాడు

 *🧎‍♂️మగవాడు సృష్టికి అందం🧎‍♂️*

మగవాడు

వాడు మొలతాడు కట్టిన మగాడు

ఇంటికి రక్షణ వాడు.

సంసారనౌకకు కెప్టెన్ వాడు

మగవాడు, మగతోడు లేని ఇల్లు ఇల్లేకాదు.

సృష్టిలో అందమైనవన్నీ మగ జాతులే.

మగవాని నడకే అందం

పలుకే అందం

అసలు సృష్టిలో అందమంటే మగవాడే

త్యాగజీవి కనుక అందం అన్న పదాన్ని ఇతరులకు త్యాగం చేసేసాడు.

ఏ అలంకారాలు లేని అందమే అసలైన అందం అని తెలిసిన జ్ఞాని కనుక.

 ఇంటికి అందం మగాడు

ఇంట్లో వాళ్ళకి ఆనందాన్ని ఇచ్చేవాడే మగాడు.

ఇంట్లో బాధలన్నీ అవలీలగామోసే సైనికుడు వాడు ఒక తాతగా, ఒక మామగా, ఒక బాబాయిగా. ఒక తండ్రిగా,ఒక భర్తగా, ఒక అన్నగా,ఒక తమ్ముడిగా, పేరేదైతేనేం,పిలుపేదైంతేనేం వాడు మగాడ్రా బుజ్జీ.


ప్రేమకు నిలువెత్తురూపం

నాన్నా అంటే పరిగెత్తురూపం మగాడు.

అమృతం వంటి మగాళ్ళను గంజాయి మొక్కలాంటి కొందరితో సరిపోల్చి మృగాళ్ళంటున్నారు.

తన కొరకు కాకుండా తన కుటుంబం కొరకు హమేషా భారం మోసే హమాలీ మగాడు.

మగాడుకి తన గురించి

ఒక్క క్షణం కూడా ఆలోచించే సమయం లేని నిరంతర శ్రమజీవి.

చీకట్లో కూడా ఏడవలేని అదృష్టజీవి మగాడు.

అందరి హ్యాపీ గురించి ఆలోచిస్తూ తన ఉనికిని మర్చిపోయాడు మగాడు.

ఇంట్లో వాళ్ళ మన స్తత్వాలు బయట పడకూడదన్ని తానే చెడ్డోడని మాటపడతాడు.

మీసాలోచ్చిన నాటి నుండి

చదువులు, సంపాధనలు, కార్లు. మేడలు, నగలు, చీరలు ఎన్ని కొన్నావనే మాటలే గానీ నువ్వు మంచోడివి, మానవత్వం ఉన్నవాడివి మగాడివి అన్న మాట ఎవరైనా అంటే కదా!


ఆ శబ్దాలు విని విని ఓహో పైవన్నీ సంపాదిస్తేనే మగాడంటారన్న ఒక భ్రాంతిలో పడి తన ఇష్టాలను వదిలేసే కూలీ

బాధ్యతున్న మగాడు.


తన ప్రేమ కోసం ప్రాణ త్యాగానికైనా మడమతిప్పని మగధీరుడే *మగాడు.*


నిన్ను నాలుగుదిక్కులు తిప్పే డ్రైవర్

కర్తవ్యం కోసం కర్త కర్మ క్రియ ఐన *కార్యకర్త.*


*పురుషుడు లేకుండా పుడమిలేదు*


మగాడిని *మంచోడుగా* భావించే 


 "మహానుభావులందరికీ"

*మగాళ్ళ (పురుషుల) దినోత్సవ సందర్భంగా శుభాకాంక్షలు.*

యజ్ఞాలు

 ఒకప్పుడు ప్రతీ ఇంట్లో యజ్ఞాలు,వ్రతాలు చేయించుకునేవారు..అందువల్ల కుటుంబాలలో సుఖ శాంతులు ఉండేవి..ముఖ్యంగా బ్రాహ్మణుల కడుపు నిండేది..ఇప్పుడు ఆ ఆచారాలు లేకపోవడం వల్ల చాలా మంది బ్రాహ్మణుల పరిస్థితి దయనీయంగా ఉంది..


దేవాలయాలను పట్టించుకునే నాథుడే లేడు..ఎటు చూసినా బ్రాహ్మణులకు కష్టాలే..మనం బ్రాహ్మణులకు తిండి పెట్టాలన్నా,మన ధర్మాన్ని రక్షించుకోవాలన్నా ఒక మార్గం ఉంది..మన అందరి ఇళ్ళల్లో నెలకు ఒక్కసారైనా పూజకాని యజ్ఞం కానీ చేయించుకోవాలి.. అలా చేస్తే బ్రాహ్మణులు చల్లగా ఉంటారు..మన కుటుంబాలు కూడా చల్లగా ఉంటాయి..మన ధర్మం నిలబడుతుంది..🙏🙏

హయగ్రీవ 

Aaradhana

 💟🕉️💟


కొన్ని ముఖ్యమైన విషయాలు. 


పూజ :- పూర్వజన్మవాసనలను నశింపచేసేది. జన్మ మృత్యువులను లేకుండా చేసేది. సంపూర్ణఫలాన్నిచ్చేది.


అర్చన:- అభీష్ట ఫలాన్నిచ్చేది. చతుర్విధ పురుషార్థ ఫలానికి ఆశ్రయమైనది, దేవతలను సంతోషపెట్టేది. అర్చన ఆనందం ఇస్తుంది. 


జపం:- అనేక జన్మలలో చేసిన పాపాన్ని పోగొట్టేది, పరదేవతను సాక్షాత్కరింప చేసేది జపం. ఇది జివున్ని , దేవుణ్ణి చేస్తుంది. 


స్తోత్రం:- నెమ్మది నెమ్మదిగా మనస్సు కి ఆనందాన్ని కలిగించేది, సాధకుని తరింపజేసేది స్తోత్రం. ఇది శాంతి నీ ఇస్తుంది.


ధ్యానం:- ఇంద్రియ సంతాపాన్ని మనస్సుతో నియమింప చేసేది. ఇష్టదేవతను చింతింపచేసేది ధ్యానం. 


దీక్ష:- దివ్యభావాలను కల్గించేది. పాపాలను కడిగివేసేది. సంసార బంధాలనుండి విముక్తిని కల్గించేది దీక్ష.


అభిషేకం :- అభిషేకం చేస్తే , చేయిస్తే సకల శుభాలు కలుగుతాయి. అభిషేకం అహంకారం పోగెట్టి పరా తత్వాన్ని అందిస్తుంది. పరమ పవిత్రమైన శాంతి ని ఇస్తుంది.


మంత్రం:- తత్త్వం పై మననం చేయడం వల్ల భయాల నుండి రక్షించేది మంత్రం. అఖండ శక్తి నీ ఇస్తుంది. 


ఆసనం:- ఆత్మసిద్ధి కల్గించేది, రోగాలను పోగొట్టేది, క్రొత్తసిద్ధిని, లేదా నవసిద్ధులను కల్గించేది ఆసనం.


తర్పణం:- పరివారంతో కూడిన పరతత్త్వానికి క్రొత్త ఆనందాన్ని కల్గించేది.


గంధం:- గంధం లో సర్వ దేవత కొలువు అయి ఉన్నారు. దేవతలు అమ్మవారిని ఇలా అడిగారు. అమ్మ 

మేము కూడా మీ పూజ లో ఉండాలి . అని అన్నారు. అప్పుడు అమ్మవారు మీరు గంధం లో కొలువు అయి ఉండండి అని వరం ఇచ్చింది. అప్పటినుండి గంధం కి ఉత్తమంగా పూజ లో వాడుతున్నారు. గంధం మంచి కి సూచిక. 


అక్షతలు:- కల్మషాలను పోగొట్టడం వల్ల తత్ పదార్ధంతో తదాత్మ్యాన్ని కల్గించేవి. పసుపు, కుంకుమ , మంచి బియ్యం కలిపి చేయాలి. 


పుష్పం:- పుణ్యాన్ని వృద్ధిచేసే. , పాపాన్ని పోగొట్టేది. మంచి బుద్ధిని ఇచ్చేది.

అలాగే ముండ్లు కలిగిన పువ్వులు వాడితే కష్టాలు వస్తాయి. 

 మంచి సువాసన కలిగిన పువ్వులు వాడితే శుభమ్ కలుగుతుంది. 


ధూపం:- చెడువాసనలవల్ల వచ్చు అనేక దోషాలను పోగొట్టేది. పరమానందాన్ని ప్రసాదించేది. ధూపం ద్వారా మంచి జరుగుతుంది. ఈ వాసనకి ప్రేత , 

పిచాచాలు పారిపోతాయి. 


దీపం:- సుదీర్ఘమైన అఙ్ఞానాన్ని పొగొట్టేది. అహంకారం లేకుండా చేసేది. పరతత్త్వాన్ని ప్రకాశింప చేసేది. ఈ దీపం జ్ఞానం కి సూచన. 

 పూజ గదిలో దీపం వెలిగిస్తే ఇంట్లో ఉన్న దుష్ట ప్రభావం దగ్గరికి రాదు. అగ్ని శివ కుమారుడు అయిన కుమార స్వామి కి ప్రతీక. 


నైవేద్యం:- మధుర పదార్థాలను, దేవతకు తృప్తినిచ్చే దానిని నివేదన చేయుటయే నైవేద్యం అంటారు. భగవాన్ నివేదన అయిపోయాక దానినే ప్రసాదం అంటారు.


ప్రసాదం:- ప్రకాశానందాల నిచ్చేది. సామరస్యాన్ని కల్గించేది. పరతత్త్వాన్ని దర్శింపచేసేది ప్రసాదం. ప్రసాదం భగవాన్ యొక్క 

అనుగ్రహం కి సూచిక.

 పవిత్ర మైనది. 


ఆచమనీయం:- ఇది జలం తో చేయవచ్చు. 


స్వాగతం, ఆవాహనం:- దేవతను ఆహ్వానించడం. అలాగే పూజ కొరకు దేవతను పిలుచట నీ ఆవాహన అని అంటారు. పూజలో దేవత పేరుతో మంత్రాన్ని పఠిస్తూ పూజ మొదలు పెడుతారు. మొదట మహా గణపతి, గురువు నుండి మొదలు పెట్టాలి. ముఖ్యంగా కుల దేవత ఆహ్వానం జరుగాలి. ఇది మర్చిపోవద్దు. 


పాద్యం:- చామలు, గరికలు, పద్మాలు, విష్ణుక్రాంతలతో కూడిన ద్రవ్యం పాద్యం, పాదాలు కడుగుటకు ఇచ్చే జలం.


మధుపర్కం:- తేనె, నెయ్యి, పెరుగులతో కూడినది. ఇది ఆరోగ్యం కోసం మంచిది. జీర్ణ వ్యవస్థ నీ మంచిగా ఉంచుతుంది.


స్నానం:- స్నానం అనేది శరీర శుద్ది కోసం అయితే ఈ స్నానమునీ మౌనంగా భగవాన్ నామాన్ని మానసికంగా స్మరిస్తూ చేస్తే మంచిది. 


వందనం:- అష్టాంగాలతో కూడిన నమస్కారం వందనం, మరియు చేతులు జోడించి వందనం చేయండి. సాష్టాంగ ప్రణామం అనగా వక్షస్థలం, శిరస్సు, మనస్సు, మాట, పాదాలు, కరములు, కర్ణాలు, నేలకుతాకించి చేసే వందనం. ఈ సాష్టాంగ ప్రణామం పురుషులు మాత్రమే చేయాలి. ఇది స్త్రీలు చేయరాదు. స్త్రీలు మోకాళ్ళ పై భగవాన్ కి వందనం చేయొచ్చు. 


ఉద్వాసన:- దేవత లను, ఆవరణ దేవతలను పూజించి, పూజను ముగించడాన్ని ఉద్వాసనమని అంటారు. చివర్లో ప్రార్థన , దోష క్షమాపణ చెప్పి తీర్థ , ప్రసాదాలు స్వీకరించి స్వస్తి చెప్పి ఉద్వాసన చేయాలి. 


స్వస్తి

🙏🙏🙏🙏

మొగలిచెర్ల అవధూత

 మొగలిచెర్ల అవధూత శ్రీ దత్తాత్రేయ స్వామివారితో అనుభవాలు..


*అలక..అనునయం.*


"స్వామివారి దగ్గర కొన్నాళ్ల పాటు ఉండాలని వచ్చానండీ..నేను చేయదగ్గ పనులేమైనా వుంటే..చేసి పెడతాను..ఇక నా శేష జీవితం ఈ స్వామివారి సన్నిధిలోనే గడచిపోవాలి.." అన్నారు పామూరు నుంచి వచ్చిన షేక్ బాషా గారు..


ఆయన వయసు డెబ్భై ఏళ్ళు..పైగా మధుమేహం తో బాధ పడుతున్నారు..రోజూ రెండుపూటలా ఇన్సులిన్ తీసుకోవాలి..అటువంటి మనిషికి ఏ పనులు చెప్పగలం?..ఆయనను నెత్తిన పెట్టుకొని చూసే కుమారులున్నారు..ఇద్దరు కొడుకులూ వివాహాలు చేసుకొని..హాయిగా వుంటున్నారు..మనుమలు, మనుమరాళ్లు..ఇల్లంతా సందడిగా ఉంటుంది..మరి ఈయన హఠాత్తుగా మందిరానికి వచ్చి ఇక్కడ కొన్నాళ్ళు వుంటానంటున్నాడు..ఏం జరిగింది?..పరి పరి విధాల ఆలోచించాను నేను..


బాషా గారి కుటుంబం మొత్తం శ్రీ స్వామివారికి భక్తులు..ప్రతి రెండు మూడు నెలల కొకసారి మొగలిచెర్ల కు వచ్చి..శ్రీ స్వామివారి సమాధిని దర్శించుకొని వెళుతుంటారు..ఏదైనా శుభకార్యం అనుకుంటే..ముందుగా శ్రీ స్వామివారి కి అర్చన చేయించుకొని వెళతారు..వాళ్ళు ఏరోజూ మతం గురించి పట్టించుకోలేదు..అందరినీ ఆప్యాయంగా పలకరిస్తారు..తమ కుటుంబంలోని అందరి పేర్లతో అర్చన చేయించుకుంటారు..స్వామివారికి నైవేద్యంగా పొంగలి పెట్టుకొని వస్తారు..శ్రీ స్వామివారి సమాధి వద్దకు నన్ను అనుమతి అడిగి..ఆ తరువాతే అక్కడికి వెళ్లి నమస్కారం చేసుకుంటారు..చాలా వినయంగా..అత్యంత భక్తితో ప్రవర్తిస్తారు..ఆ కుటుంబం ఎప్పుడు దర్సనానికి వచ్చినా..మా సిబ్బంది వారిని నేరుగా గర్భాలయం వద్దకు పంపిస్తారు..


బాషా గారికి కావాల్సిన ఆహారం ఏర్పాటు చేయమని మందిరానికి వంటమనిషి తో చెప్పి..ఆయనకు ఒక చిన్న గది కేటాయించాము..సాయంత్రం గా బాషా గారి వద్ద కూర్చుని.."ఇలా మీరు ఒక్కరే వచ్చారు..మీ అబ్బాయిల సహాయం తీసుకోకపోయారా?..మీరేదో మనసులో బాధ పెట్టుకుని ఇక్కడికి వచ్చినట్లుగా నాకు తోస్తున్నది..అదేదో చెప్పండి..వీలైతే పరిష్కరిస్తాను.." అని అనునయంగా అడిగాను..


"ఏమీ లేదండీ..ఇంట్లో వాళ్లు నా పట్ల సరిగా ప్రవర్తించటం లేదు..నన్ను నిర్లక్ష్యం చేస్తున్నారు..నాకు మనసుకు కష్టం వేసింది..అందుకని వాళ్లకు చెప్పకుండా ఇక్కడికి వచ్చేసాను..మీరూ వాళ్ళతో చెప్పొద్దు..నేను ఆ దత్తయ్య పాదాల దగ్గరే వుంటాను..ఇంత ఆహారం పెట్టండి చాలు!.." అన్నారు..


నాకు విషయం పూర్తిగా అర్ధమైంది..తరాల మధ్య వచ్చే అంతరాయం ఈ కుటుంబంలో కూడా వచ్చింది..పెద్దవాళ్ళ అభిప్రాయాలకు..పిల్లల ఆలోచనలకు తేడా ఉంటుంది..అటువంటి సందర్భాలలో..పెద్దల మనసు నొప్పించకుండా..తమ పనులు చక్కబెట్టుకునే నేర్పు కావాలి..కొద్దిగా తేడా వచ్చినా..ఫలితం వేరుగా ఉంటుంది..బాషా గారు బాగా మొండితనం తో వున్నారు..పిల్లల దగ్గరకు వెళ్ళను అని భీష్మించుకుని వున్నారు..ఆయన కుమారులిద్దరికీ కూడా తండ్రి అంటే అత్యంత గౌరవం తో కూడిన ప్రేమ ఉందని నాకు తెలుసు..ఎందుకనో ఈ పెద్దాయనే కొద్దిగా తొందరపడ్డాడని అనిపించింది..


"ఈ సమస్య పరిష్కరించు స్వామీ.." అని ఆ స్వామివారికి విన్నవించుకొని..ఒక నమస్కారం చేసి వచ్చేసాను..ఆరాత్రి గడిచి పోయింది..ఉదయం పది గంటల సమయం లో బాషా గారి పెద్దకుమారుడు నాయబ్ రసూల్ వచ్చారు..నేరుగా నా దగ్గరికి వచ్చి.."నిన్నటి నుండి నాన్నగారు కనబడలేదండీ..అంతా వెతికాము..తెల్లవారుఝామున కొద్దిగా నిద్ర పట్టింది..శ్రీ స్వామివారు ఇక్కడికి రమ్మని పిలిచినట్లు అనిపించింది..ఒకసారి కాదు..రెండు మూడు సార్లు అలా అనిపించింది.. తెల్లవారగానే స్నానం చేసి..ఇలా నేరుగా వచ్చాను.."అన్నారు..


వారిని కూర్చోమని చెప్పి..వాళ్ళ నాన్నగారు ఇక్కడ క్షేమంగా ఉన్నారని తెలిపాను..నాయబ్ రసూల్ ముఖం సంతోషంతో వెలిగిపోయింది.."శ్రీ స్వామివారు మాకు అన్యాయం చేయడు!..చేయిపట్టి నడిపిస్తాడు మమ్మల్ని.."అన్నారు..బాషా గారిని పిలిపించాను..కుమారుడిని చూసిన బాషా గారు ఎటువంటి భేషజానికి పోలేదు..ఆప్యాయంగా కౌగలించుకున్నారు..నిన్నటి కోపం ఎటుపోయిందో తెలీదు..ఇద్దరూ కలిసి శ్రీ స్వామివారి సమాధి వద్ద నమస్కారం చేసుకున్నారు..


"నిన్న రాత్రి శ్రీ స్వామివారు నన్ను కోప్పడ్డట్లు గా అనిపించింది..నేను పొరపాటు చేశానని అర్ధం అయింది..అందుకే అబ్బాయి రాగానే అతనితో వెళ్లాలని నిర్ణయించుకున్నాను..ఇంతకూ మీరు అబ్బాయికి కబురు పెట్టారా?.." అన్నారు బాషా గారు..


"మీరన్నది నిజమే..శ్రీ స్వామివారే మిమ్మల్ని కోప్పడ్డారు..మీ అబ్బాయిని పిలిపించారు..మేము కేవలం ప్రేక్షకులమే.."అని చెప్పాను..బాషా గారి కళ్ళలో నీళ్ళు తిరిగాయి..మరొక్కసారి శ్రీ స్వామివారికి నమస్కారం చేసుకొని..తన పెద్దకుమారుడు నాయబ్ రసూల్ వెంట పామూరు వెళ్లిపోయారు..


తన భక్తుల మధ్య ఎడబాటు రాకుండా శ్రీ స్వామివారు చల్లటి చూపుతో అనుగ్రహించారు..


సర్వం..

దత్తకృప!


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం..ప్రకాశం జిల్లా..పిన్:523114.. సెల్..94402 66380 & 99089 73699).

శివానందలహారీ

 🙏శివానందలహారీ🙏


యోగక్షేమ ధురంధరస్య సకల శ్రేయ:ప్రదో ద్యోగినో,

దృష్టాదృష్ట మతోపదేశకృతినో , బాహ్యంతరవ్యాపినః 

సర్వజ్ఞస్య , దయాకరస్య భవతః కిం వేదితవ్యం మయా,

శంభో త్వం " పరమాంతరంగ " ఇది మే చిత్తే స్మరా మ్యన్వహమ్



సీ

భక్త యోగక్షేమ భారవాహివి నీవు ,

          హెచ్చు శ్రేయస్సుల నిచ్చె దీవు ,

యిహపర సమ్మత హితగతి బోధించి 

           సుపథంబు జీవికి జూపె దీవు ,

బ్రహ్మాండ జగతిలో బాహ్యాంతరములందు

           పర్వ్యాప్త  రూపాన  వరలు దీవు ,

కరుణామయుండవు , కామిత దాతవు ,

            సర్వజ్ఞుడవు నీవు , స్వామి వీవు ,

నీశ్వరా ! సర్వ0బు నిచ్చియుండగ తృప్తి

            నింక నే గోరంగ  నేమి గలదు

భవవిదూర ! నిన్ను " పరమాంతరంగు " గా

భక్తితోడ దలచి భావమందు

పాయకుండ నేను ప్రతిదినమ్మ0దునన్

స్మరణ సేయుచుంటి సంతసమున.         35 #



భక్తోభక్తిగుణావృతే ముదమృతాపూర్ణే ప్రసన్నే మనః

కుంభే సాంబ ! తవాoఘ్రిపల్లవయుగం సంస్థాప్య 

సంవిత్ఫలమ్

సత్త్వం మంత్ర ముదీరయన్ నిజాశరీరాగారశుద్ధిo వహన్

పుణ్యాహం ప్రకటీకరోమి రుచిరం కల్యాణ మాపాదయన్ 



తరుణేందు భూష ! నా తనువను గృహమును

            పరిశుద్ధి గావించి భవ్యముగను

సకల శుభంబులన్ సన్ముక్తి పొందంగ

            రమణీయ మొనరించి రంజితముగ

నతిపూత సద్భక్తి యను నూలుపోగుతో

           చుట్టుచున్ దృఢముగా చుట్టబడియు

సంతసంబను దివ్య సలిలంబు తోడను

             పూరింప బడియును పూతముగను

కడు నిర్మలంబైన కలశంబు లోపల

             భవదంఘ్రులను పల్లవముల పైన

 జ్ఞానంబనెడి నవ్య నారికేళంబును

              కూర్చుండ జేసియు కుదురుగాను

సత్త్వ మైనట్టి మంత్రముల్ చదువుచుండి

పూత పుణ్యాహవచనంబు బుద్ధిగాను

చదివి ప్రకటించుచుంటిని సకలవినుత !

ముక్తి దయచేయు మో స్వామి ! శక్తినాథ !    36 #



✍️గోపాలుని మధుసూదన రావు🙏

యోగ వాసిష్ఠం

 పుత్ర, భార్యా, గృహాదులందు మమత్వం లేకుండుట, ఆ పుత్రాదులకు కలిగే సుఖదుఃఖాలు తనవే అనుకునే అభిమానం వదలుట, ఇష్ట, అనిష్టములు సంభవించినపుడు సదా సమచిత్తము కలిగియుండుట, అనన్యభావనతో ఆత్మను గూర్చి చింతన చేయుట, ఏకాంతం ప్రదేశమున ఉండుట, జన సమూహము నందు అప్రీతి కలిగియుండుట, నిత్యం  ఆధ్యాత్మిక ఙ్ఞానం కలిగియుండుట, ఆత్మ స్వరూపాన్ని అవలోకించుట ఇదియే ఙ్ఞానం. దీనికి వేఱైనది అంతయు అఙ్ఞానమే.

...యోగ వాసిష్ఠం