12, డిసెంబర్ 2022, సోమవారం

సాధకుడు-శరీర సంరక్షణ  

 

 

సాధకుడు-శరీర సంరక్షణ  

 

సాధకునికి మనస్సు నియంత్రణ ఉండాలి "చిత్తవృత్తి నిరోధమే" యోగం అన్నది నిజమే కానీ ప్రతి సాధకుడు తన మనోవృత్తులను నిరోధించుకోవటానికి ప్రయత్నించే ముందు తన శరీరానికి సంబందించిన జాగ్రత్తలు తీసుకోవాలి.  అట్లా అని దేహ మోహంలో ఉండకూడదు.  మరి శరీరంగూర్చి ఎలాంటి శ్రార్ధ తీసుకోవాలి అనేది ముఖ్యమైన విషయం. 

 

ఆత్మ శరీరాన్ని ఆశ్రయించి వున్నది. శరీరానికన్నా బిన్నంగా ఉంటూనే ఆత్మ శరీరంలో ఉండి ఇంద్రియాలతో జీవన వ్యాపారాలను సాగిస్తుంది. నిజానికి ఇంద్రియ జ్ఞ్యానం పూర్తిగా ఆత్మేకలిగి ఉంటుంది. కేనోపనిషత్ ఈ విషయంలో స్పష్టమైన వివరం ఇచ్చింది. 

 

కేనేషితం పతతి ప్రేషితం మనః

కేన ప్రాణః ప్రథమః ప్రైతి యుక్తః

కేనేషితాం వాచమిమాం వదన్తి

చక్షుః శ్రోత్రం క ఉ దేవో యునక్తి 

 

ఈ మంత్రార్ధము ఏమిటంటే ఎవరిచేత కోరబడి పంపబడినదియై మనస్సు వస్తు ప్రపంచము పైకి నడచుచున్నది. ఎవరి ఆజ్ఞకు లోబడి ముఖ్య ప్రాణము చరించుచున్నది. ఎవరి వలన వాక్కు నడచుచున్నది. ఏ జ్ఞానము ఛక్షుశ్శ్రోత్రములను నడిపించుచున్నది అంటే ఈ జ్ఞ్యానాలు ఎవరి ఆధీనంలో వున్నాయి, ఎవరు వీటిని నియంత్రిస్తున్నారు అని ప్రశ్నిస్తున్నది. తదుపరి మంత్రంలో 

 

శ్రోత్రస్య శ్రోతం మనసో మనో య

ద్వాచో హ వాచం స ఉ ప్రాణస్య ప్రాణః

చక్షుష శ్చక్షు రతిముచ్య ధీరాః

ప్రేత్యాస్మాల్లోకా దమృతా భవన్తి  

 

ఈ మంత్రంలో ఏదైతే చెవికి చెవిగా, మనస్సునకు మనస్సుగా, వాక్కనకు వాక్కుగా ఉన్నదో అదియే ప్రాణమునకు ప్రాణముగా, నేత్రమునకు నేత్రముగా ఉన్నది అని గ్రహించిన ధీర పురుషులు విముక్తినొందినవారై ఈ లోకము నుండి విడిపడి అమృతతత్వమును పొందుచున్నారు.అనగా మనస్సు మనస్సుగా పనిచేస్తున్నది ఎవరి నియంత్రణలో అదే విధంగా వాక్కు, ప్రాణము, నేత్రాలు ఎవరి ఆధీనంలో వున్నదో దానినిని తెలుసుకొనవలెనని పేర్కొనుచున్నది. తదుపరి మంత్రంలో 

 

న తత్ర చక్షుర్గచ్ఛతి

న వాక్ గచ్ఛతి నో మనో

న విద్మః న విజానీమః

యథా ఏతత్ అనుశిష్యాత్

అన్యదేవ తత్ విదితాత్

అథః అవిదితా దధి

ఇతి శుశ్రుమ పూర్వేషాం 

 

ఈ మంత్రంలో ఆత్మస్వరూపాన్ని గూర్చి ఇలా చెప్తున్నారు. దానిని నేత్రములు చూడలేవు. వాక్కు దానినిగూర్చి పలుకలేదు. దానినిగూర్చి ఎలా తెలుపవలెనో మాకు తెలియదు. తెలిసినదాని కంటెను, తెలియనిదాని కంటెను అది అతీతమైనది. దానినిగూర్చి మాకు భోధించిన మా పూర్వీకుల నుండి మేము అలాగే విన్నాము.మహర్షులు అత్యంత జ్ఞ్యానం కలిగినవారు.  వారు వారి జ్ఞ్యానంతో మనకు ఆత్మజ్ఞ్యానాని ఆవిష్కరించారు. ఒక సామాన్యు సామాజిక ఉదాహరణతో దీనిని వివరించే ప్రయత్నం చేద్దాం. సెల్పోనులో సింకార్డు ఉండి పోను పనులన్నీ చేయిస్తున్నది. ఒక ఫోను పనిచేస్తున్నది అంటే దానికి సింకార్డే మూలం.  దానికి ఒక నెంబరు వుంది ఇతర నెంబరులతో అనుసందానం కలగటానికి ఫోను పరికరం  ఉపకరిస్తుంది. కానీ అదే నెంబరుకు మనం ఫోను చేయలేము.  అదేవిధంగా ఆత్మ తన శక్తితో ఇంద్రియాలను ఉత్తేజపరుస్తుంది తత్ద్వారా ఇతర ప్రపంచం మొత్తం తెలుసుకోగలుగుతున్నది.  కానీ అది తనకు తానుగా ఇంద్రియాలద్వారా తెలియబడదు. ఇది అర్ధం చేసుకోవటమే జ్ఞ్యానం కేవలం జ్ఞ్యని తన అనుభూతులతో, అనుభవంతో మాత్రమే తెలుసుకోగలడు.  దానికి చేయుయవలసిం కృషే నిత్యయోగ సాధన. 

 

సాధనకు శరీరం ముఖ్యం,  కాబట్టి శరీరాన్ని సదా జాగ్రత్తగా చూసుకోవలెను. శరీరాన్ని సదా ఆరోగ్యంగా ఉండేవిధంగా చూసుకోవాలి.  శరీరం సదా సాధకుని సాధనకు అనుకూలంగా ఉండేటట్లు చూసుకోవాలి. 

ఆహారానియమాలు.  మనం తీసుకునే ఆహరం మన శరీరం మీద, మనస్సు మీద ప్రభావితం కలిగి ఉంటాయి. కాబట్టి సాధకుడు ఎల్లప్పుడూ సాత్వికమైన మితాహారం మాత్రమే తీసుకోవాలి. భగవతి గీత ఆహార నియమాలు  

 

ఆయుః సత్త్వబలారోగ్యసుఖప్రీతివివర్ధనాః ।

రస్యాః స్నిగ్ధాః స్థిరా హృద్యా ఆహారాః సాత్త్వికప్రియాః ।। 8 ।।

 

BG 17.8: సత్త్వగుణ ప్రధానముగా ఉండేవారు - ఆయుష్షుని పెంచేవి, మరియు సౌశీల్యమును, బలమును, ఆరోగ్యమును, సుఖమును, మరియు తృప్తిని పెంచేవాటిని ఇష్టపడుతారు. ఇటువంటి ఆహారము రసముతో, సత్తువతో, పోషకములతో కూడినవై, మరియు సహజంగానే రుచిగా ఉంటాయి.  సాధకుడు ఎల్లప్పుడూ సత్వగుణాన్ని వృద్ధి చేసే ఆహరం మాత్రమే తీసుకోవాలి. ఆ ఆహరం ఎలావుంటుందో కూడా భగవానులు మనకు తెలిపారు. సాధకుడు ఆహరం తీసుకున్న తరువాత వెంటనే దాహం కాకుండా వుండే ఆహరం తీసుకోవాలి. అది ఏ ఆహారంలో భగవానులు మనకు తెలుపలేదు.  కానీ సాధకుడి తెలుసుకోవాలి. 

 

శరీరం మీద శ్రర్ధ . సాధకునికి ఎల్లప్పుడూ శరీరం మీద శ్రర్ధ కలిగి ఉండాలి. సమయానికి, కాలకృత్యాలు తీర్చుకోవటం, స్నానాదులు చేయటం. పరిశుబ్రమైన దుస్తులు ధరించటం. కేశ సంరక్షణ అంటే సమయానికి క్షౌరం చేయించుకోవటం. శరీరం, మీద మొహాన్ని పెంచేది శరీర అందం.  ఒక మనిషి ఎప్పుడైతే తాను అందంగా వున్నానని భావన కలుగుతుందో అప్పుడు శరీరం మీద మొహం కలుగుతుంది.  ఇంకొక విషయం ముఖం అందంగా కనబటాటానికి కేశాలు ఒక కారణం.  ఎప్పుడైతే సాధకుడు ముండనం చేయించుకుంటాడో అప్పుడు శరీర మొహం కొంతవరకు తగ్గుతుంది. శరీరాన్ని పూర్తిగా అదుపులో ఉంచుకోవాలి.  అంటే బద్ధకం అసలు ఉండకూడదు.ఒకే ఆసనంమీద ఎక్కువ సేపు ఉండగల్గటం ఇత్యాదులు నియంత్రణలో ఉంచుకోవాలి. 

 

పతంగాలి మహర్షి మనకు యోగసూత్రాలను తెలియచేసారు.  ఆయనకూడా శరీరం ఎలా స్వాదీనం చేసుకోవాలో కొన్ని నియమాలను చెప్పారు అవి పతంజలి మహర్షి యోగ సూత్రములు వ్రాశాడు. యోగను అష్టాంగ యోగం అన్నాడు. అవి యమ, నియమ, ఆసన, ప్రాణాయామ, ప్రత్యాహార, ధారణ, ధ్యాన, సమాధి. యోగాభ్యాసం చేయించే యోగ గురువులు ఆసనం నుంచి మొదలు పెడ్తారు. మొదటి రెండు సూత్రాలైన యమ నియమాలు కేవలం కొంత సమయం పాటు చేసేందుకు పరిమితమైనవి కావు. ఇవి జీవితకాలం పాటు సాధన చేయాలి. 

 

కాబట్టి ప్రతి సాధకుడు తన శరీరం సాధనకు పనికి వచ్చే విధంగా మలచుకోవాలి.  తత్ద్వారా దీర్ఘ ఆయుష్షు, సంపూర్ణ ఆరోగ్యం పొంది సాధన చేసి బ్రహ్మజ్ఞాని కాగలడు.  ఇంకొక పర్యాయం సాధకుడు మనస్సుని ఎలా నియంత్రించుకోవాలో తెలుసుకుందాం. 

 

ఓం తత్సత్ 

 

ఓం శాంతి శాంతి శాంతిః 

మీ భార్గవ శర్మ 


11, డిసెంబర్ 2022, ఆదివారం

మహా విష సర్పములు

 విషములు వాని లక్షణములు  - 


 మహా విష సర్పములు  - 


 శ్మశానము , రచ్చ చావిళ్ళు, పాడుబడిన యజ్ఞ స్థానములు, పాడుబడిన ఇండ్లు, నాలుగు దోవలు కలిసిన తావు, నీళ్ల గట్టు, పాడు తోటలు, మాణి తొర్రలు, పాలమాను, వేపచెట్టు, సెలయేళ్ళు, గుహలు, వీనియందు ఉండు సర్పములు , జడలు ధరించిన సర్పములు , చత్రరేఖలు, మత్స్యరేఖలు, కుంభ రేఖలు , త్రిశుల రేఖలు , గల సర్పములు , ఎర్ర ముఖము , ఎర్ర కన్నులు గల సర్పములు కరచిన యెడల వీనికి కాల నియమం లేదు . విషము ఎక్కుటకు క్రమము లేదు . ఈ విషమును తిప్పుటకు మంత్ర ఔషదములు లేవు . ఒకవేళ బలి, నమస్కార , జప, శాంతి, మంత్ర ఔషధుల చేత ఎవడన్నా బ్రతికినా రూపము చెడును. అంగవైకల్యం కలుగును.


 స్థాన విధి దోషము  - 


 శ్మశానము, రచ్చ మాకులు వీని యందు పంచమి, పక్ష సంధులు, అష్టమి, నవమి, సంధ్యలు, అర్ధరాత్రి ఈ కాలముల యందు ఎట్టి పాము కరిచినను విషం ఎక్కును.


 నక్షత్ర దోషము  - 


 భరణి, కృత్తిక, ఆశ్లేష, విశాఖ, పుబ్బ, పుర్వాబాద్ర, పుర్వాషాడ , మఖ, శతబిషం , నైర్రుత ముహూర్తం , పర్వములు వీని యందు పాము గరిచిన యెడల మనుష్యుడు జీవించుట దుర్లభం .


 విష సాధ్య లక్షణములు  - 


  పాము కరిచిన వానికి తలవెంట్రుకలు రాలుట , మూర్చ, శ్వాసము, వెక్కిళ్ళు, దగ్గు , వాంతి , రొమ్ము బరువు, వణుకు, వికారము , వేదన, కన్నులు ఎరుపు ఎక్కుట , గొంతు పట్టుట, పండ్లు నేరేడు పండ్లు వలే నల్లనగుట, నవ రంధ్రముల నుండి రక్తము కనిపించుట, నోట నురుగు వచ్చుట, కాళ్ళు, చేతులు నల్లగా అగుట ఈ లక్షణాలు కనిపించిన ఆ మనుష్యుడు బ్రతకడు. 


 తేలు విషము  - 


  సర్ప శరీరములు మురగిన యెడల తేళ్ళు జనించును.మరియు పేడ లొను , శ్మశాన దగ్ధ స్థలముల యందు బుట్టును. వీని విశములు మంత్ర ఔషధములకు సాద్యం కాదు. అవి తెలుపు,ఎరుపు,నలుపు వర్ణములు కలిగియుండును. వీని విషం ఎక్కినవానికి నాలుక మంధమేక్కును , మిక్కిలి నొప్పి , ముక్కున నెత్తురు వచ్చుట, శరీరం చెమర్చుట, మూర్చ, నోరెండుట కలుగును. 


 గర విష లక్షణము  - 


 స్త్రీలు పురుషులను వశపరుచుకోనుటకు , అట్లే పురుషులు , స్త్రీలను వశపరుచుకోనుటకు నానా జంతువుల బస్మ, మల, మూత్రాదులు, ఔషధములను , అల్ప వీర్యములు గల విషములు మొదలగు వానితో కుడా చేర్చి అన్నపాన తాంబూలం, మద్యపానం తో నోసంగేదరు. దీనినే గర విషము , పెట్టుడు మందు అనికూడా అంటారు. 


 పెట్టుడు మందు లక్షణము  - 


 ముఖము తెల్లగా అగుట,ఓడలు చిక్కుట, అగ్నిమాంద్యము, దగ్గు , ఉబ్బసము , వాత ప్రకోపము, మహోదరము, గుండెలలో నొప్పి , బలహీనత, హీన స్వరము, మోహము, కడుపు ఉబ్బరము, నిద్ర యందు భ్రమ. స్వప్నం నందు నక్క,పిల్లి, ముంగీస, పాము , కోతి, ఎండిన గుంటలు, కాలిన మానులు , వీనిని చూచుట, తన దేహము నానా వర్ణములు గా కనిపించుట, ముక్కు విరిగినట్టుగా ఉండుట, కన్నులు గుంటలు పడుట ఈ లక్షణములు పెట్టుడు మందు వలన కలుగును. ఇవి కనిపించిన వెంటనే చికిత్స చేసిన బ్రతుకును. లేనిచో మరణం తప్పదు. 


 విషాన్న లక్షణము  - 


 విషముతో కూడిన అన్నము తేలికగా నుండక దట్టముగా ఉండును.చిరకాలమునకు పక్వమగును. పక్వమైన అన్నము చద్ది అన్నము వలే ఉండును. అన్నం ఉడుకుతున్నప్పుడు దాని మీద ఆవిరి నెమలి కంట మ్ రంగు వలే ఉండును. ఆ అన్నం చూసినప్పుడు మొహము, మూర్చ , నోట నీళ్ళను కనిపించును. వర్ణము, వాసనయు హీనమగును. ఆవిరి యందు తళుకులు కలిగి ఉండును. 


 విషము కలిపిన కూరలు  - 


 విషముతో కలిసిన కూరలు ఎండి నట్టు ఉండును. కాషాయ వర్ణం కలిగి రుచిహీనమై వేరొక వికారm చెందును. ఆ కూరల పైన నురుగు వలెను , సీమంత రేకల వలెను , బుగ్గల వలెను కనపడును. ఇలా ఉండిన కూరల యందు విషం కలిసినట్టు . 


 విషాన్న పరీక్ష  - 


  విషముతో కూడిన అన్నమును అగ్నిలో వేసిన జ్వాల పుట్టాక ఉండును. పొగ , దుర్గంధం పుట్టును. ఆ అన్నం మీద ఈగలు వాలిన చచ్చును. కాకి చూచినా హీన స్వరముగా కూయును . నెమలికి మంద దృష్టి కలుగును . చిలుకలు, గోరువంకలు చూచిన మిక్కిలి కూయును . కొతి మలం జార్చుకోనును. కావుణ బుద్ధిమంతుడు అయిన వాడు పరీక్షించి తినవలెను. 


 

   ఆయుర్వేదములోని ఎన్నొ రహస్య మూలికల అనుభవ యోగాల గురించి నా గ్రంథాల యందు సంపూర్ణముగా , అందరికి అర్థమయ్యే సులభ భాషలో వివరించాను . వాటిని చదివి మరింత విజ్ఞానాన్ని పొందగలరు . 


 

సాధన ఎలా ఉండాలి

 *శ్రీ గురు బ్యో నమః**


      *_నేటి మాట_*


*భక్తుడు అనుకునే వారి సాధన ఎలా ఉండాలి??? - భగవంతునికి ఇష్టమైన భక్తి ఏమిటి???*


" మానవునిలో హృదయ పరివర్తనం రానంతవరకు ఎన్ని సాధనలు చేసిననూ ప్రయోజనము లేదు "...

దయాగుణం, దానగుణం లేనిదే దైవమును ఎన్ని పూజలు చేసిననూ ఉపయోగం ఏమీ ఉండదు...

నేడు చాలామంది పుణ్యం వస్తుందని నదులలో స్నాన్నములు చేస్తుంటారు, ఉపవాసాలు చేస్తుంటారు, ప్రదక్షిణలు ,జపాలు చేస్తుంటారు...

కానీ వీటి వలన పుణ్యం రాదు, ఇవన్నీ మన హృదయాన్ని పరిశుద్ధం చేసుకోవడానికి చేసే సాధనలు మాత్రమే! ...


నదులలో స్నానం చేస్తే పాపం పోయి పుణ్యం వస్తుందనుకుంటే, చేపలు కంటే పుణ్యాత్ములు ఈ సృష్టిలోనే ఉండవు!

ఉపవాసాలు ఉండడం వలన కోరికలు తీరుతాయి అనుకుంటే, నిత్యమూ ఆకలితో పస్తులుండే పేదవాడు ఎప్పుడో ధనవంతుడు అయ్యేవాడు! ...


అత్యాశ, సోమరితనం వలన మానవుడు ఇట్టి భ్రమకు లోనగుచున్నాడు...


ఇవన్నీ చేయకూడదు అని కాదు, చేయాలి.... కానీ అంతటితో ఆగిపోకుండా ఆత్మతత్వమును అర్ధం చేసుకుని హృదయము పరిశుద్ధం చేసుకుని పరమాత్మను అంతరాత్మలో  ఆరాధించుకోవాలి,


ఏనాడు మన హృదయాలు పరిశుద్ధమై పరమాత్మ కొరకు పరితపిస్తాయో ఆనాటి నుంచి మీరు నిజమైన పుణ్యాత్ములవుతాము... దన్యాత్ములవుతామని తెలుసుకుని ఆ ప్రకారం నడచుకోవడమే ఆధ్యాత్మిక సాధన...


                 *_🌺శుభమస్తు🌺_*

        🙏సమస్త లోకా సుఖినోభవంతు🙏

దేహాభిమానమే

 దేహాభిమానమే ప్రపంచం


సమస్యలకుమూలం?


దేముడున్నీ వెతికే వారు


ఆస్తికడు నేను ఎవరు అని


వెతికేవాడువివేకవంతుడు.


నీకు నీవు బానిసలుగా


పనిచేయకు యజమనిలా


పనిచేయు నీవు అనేది


"మనస్సు" దేహం అనేది.


బానిస.

దిల్ కి బాత్

 దిల్ కి బాత్


భర్తకు దక్కని భార్య రాజస్థాన్ ముఖ్యమంత్రయ్యింది


భార్యకు దక్కని భర్త దేశానికి ప్రధాని అయ్యాడు


చాయ్ దగ్గర మొదలైన ప్రభుత్వం ఆవు దగ్గర ఆగిపోయింది


వికాసమనే తల్లి దారి తప్పి, ఎక్కడో ఆగమైంది


అమ్మాయిలు భావోద్వేగాలు తింటున్నారు


అబ్బాయిలు మోసపు కలలు తింటున్నారు


ఉద్యోగులు లంచం తింటున్నారు


నేతలు కరెన్సీ తింటున్నారు


రైతులు విషం తింటున్నారు


ఉద్యమకారులు బుల్లెట్లు తింటున్నారు


అందరూ ఏదో ఒకటి సుష్ఠుగా తింటూనే ఉన్నారు


ఎవరంటారు భారత్ ఆకలితో అలమటిస్తోందని?


ఎవరంటారు భారత్ ఆర్థికంగా దిగజారిపోయిందని?


ఊడ్చేవాడు ముఖ్యమంత్రయ్యాడు


పన్నెండు చదివినమ్మ విద్యామంత్రయ్యింది


గోచీ సన్నాసులంతా మంత్రులయ్యారు


వేలిముద్రగాళ్ళు ఎమ్మెల్యేలయ్యారు


నేరగాళ్ళేమో యం.పి. లయ్యారు


పీజీలు చేసిన వాళ్ళంతా ఫేస్ బుక్, వాట్సప్ ల్లో ఇరుక్కున్నారు


ఒంటరిగా ఉన్నవాడు వ్యవస్థల్ని ముక్కలు చేస్తున్నాడు


వివాహితుడు మార్కెట్లో కూరలు కొనలేకపోతున్నాడు


వినేవాళ్ళకే కదా మిత్రో – ఎవరైనా చెవుల్లో పూలు పెడతారూ?


తెలివిగల జపాన్ వాళ్ళు బెల్లెట్ ట్రయిన్ నడుపుతారు


మన మేధావులు పదకొండు మందికి ఓం నమశ్శివాయ – పంపుతారు


దాంతో ఫ్రీ బాలెన్స్ చమత్కారం జరుగుతుందని ఆశపడతారు


అగర్ బత్తులు రెండు రకాలుగా ఉంటాయి


ఒకటి భగవంతుడికి మరోటి దోమలకు


భగవంతుడు వచ్చేది లేదు-దోమలు పోయేది లేదు!


ఉన్నవి ఖాళీ కడుపులు, యోగా చేయమంటారు


జేబులో చిల్లి గవ్వ ఉండదు, బ్యాంక్ ఎకౌంట్ తెరవమంటారు


ఉండటానికి ఇల్లు లేదురా నాయనా అంటే


మరుగుదొడ్లు కట్టిస్తామంటారు


ఊళ్ళో కరెంటు ఉండదు, డిజిటల్ ఇండియా అయిందంటారు


నగరాల్లో ఇంటర్నెట్ ఉంటుంది కాని, ఆపేస్తారు


దొరికేవన్నీ విదేశీ కంపెనీల వస్తువులు


దాన్నే ‘మేకిన్ ఇండియా’ అనమంటారు


పప్పు ఉప్పు బియ్యం జనం కొనలేకపోతున్నారు


టాటాకార్లు, సెల్ ఫోన్లూ అగ్గువైపోయాయంటున్నారు


మెదట్లో జాతి మతాల ద్వేషం నింపుతారు


స్వచ్ఛ భారత్ అభియాన్ గూర్చి గొప్పగా చెపుతారు


నిషా కరోనా వైరస్ లను ఎదుర్కోగలిగే జనం,


దేశంలో కాషాయ వైరస్ ను ఎదుర్కోలేకపోతున్నారు


అసమాన్యుడి ‘మన్ కీ బాత్’ లో –ఏదీ- వినిపించదు?


సామాన్యుడి ‘దిల్ కి బాత్!’


(కేంద్ర సాహిత్య అకాడెమీ అవార్డు గ్రహీత, జీవశాస్త్రవేత్త)

Dr. Devaraju Maharaju

సుప్రసిద్ధ సాహితీవేత్త, జీవశాస్త్రవేత్త

పెళ్ళికి ముందు

 ఒక పెద్ద పులి పెళ్ళి చేసుకుంటుంది..!


పెళ్లి చూడటానికి  జంతువులు హాజరయ్యాయి..!


జంతువులన్నీ పులికి దూరంగా నిలబడి శుభాకాంక్షలు చెప్తున్నాయి..!


ఒక పిల్లి మాత్రం పెళ్ళి స్టేజి మేదకి దూకి దాని స్టైల్లో డాన్స్ చేసి పులికి షేక్ హ్యాండ్ ఇచ్చి శుభాకాంక్షలు చెప్పింది..!


పులి కోపంగా "ఎంత ధైర్యం నీకు..! చివరకు చిరుతపులి కూడా  దూరంగా నిలబడి శుభాకాంక్షలు చెప్పింది... నువ్వు స్టేజీ మేదకు వస్తావా...!? 😡


అపుడు పిల్లి చెప్పిన సమాధానం విని పులి ని‌ర్ఘాంతపోయింది..!


పిల్లి ఏమని సమాధానం చెప్పి ఉంటుంది.

ఏడిశావులే...పెళ్ళికి ముందు నేనూ పులినే 😃😂😃

10, డిసెంబర్ 2022, శనివారం

తలతిప్పు రోగం ( vertigo ) నివారణా యోగాలు

 తలతిప్పు రోగం ( vertigo ) నివారణా యోగాలు  - 


  ఈ మధ్యకాలంలో చాలా మంది ఈ సమస్యతో ఇబ్బందిపడుతున్నారు. ఇది పూర్తిగా పైత్యసంబంధ సమస్య.  మన చుట్టూ ఉన్న భూమి తిరిగిపోతున్నట్టు బ్రాంతి కలుగుతుంది . కొంతమందికి పొద్దున్నే నిద్రలేవగానే ఈ సమస్య కలుగుతుంది . దీన్ని ఆంగ్లము నందు VERTIGO or DIZINESS అని పిలుస్తారు .


 నివారణా యోగాలు  -


 *  నిమ్మకాయ రసంలో జీలకర్ర నానబెట్టి మరలా ఎండబెట్టాలి .మరలా నానబెట్టి ఎండబెట్టాలి .ఈ విధానాన్ని ఆయుర్వేదంలో భావన చేయడం అంటారు. ఇలా 7 రోజులపాటు చేసిన తరువాత ఉదయాన్నే ఒక గ్రాము నుంచి రెండు గ్రాముల చొప్పున తినుచున్న తలతిప్పు రోగం నశించును.


 *  చిన్న అల్లం ముక్క కి ఉప్పు కలిపి బుగ్గన పెట్టుకుని రసం మింగుచున్న ఈ సమస్య తీరును . ఉదయం పూట పరగడుపున చేయవలెను .


 *  అల్లం రసం ఒక స్పూన్ , నిమ్మరసం ఒక స్పూన్ , తేనె ఒక స్పూన్ కలిపి ఉదయాన్నే పరగడుపున ప్రతినిత్యం సేవించుచున్న తలతిప్పు రోగం నశించును.


       పైన చెప్పిన యోగాలలో మీకు ఏది సులువుగా ఉంటే దానిని పాటించండి. ముఖ్యంగా టీ , కాఫీ పూర్తిగా నిషిద్దం.


  ఆయుర్వేదములోని ఎన్నొ రహస్య మూలికల అనుభవ యోగాల గురించి నా గ్రంథాల యందు సంపూర్ణముగా , అందరికి అర్థమయ్యే సులభ భాషలో వివరించాను . వాటిని చదివి మరింత విజ్ఞానాన్ని పొందగలరు . 


 గమనిక  -


      నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా  గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును. 


            నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు  ఒకేదగ్గర లభ్యం అగును . 


   ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు . 


                ఈ గ్రంథములు కావలసిన వారు  9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .


            కాళహస్తి వేంకటేశ్వరరావు 


         అనువంశిక ఆయుర్వేద వైద్యులు 


                  9885030034

        ఈ గ్రంథాలు కావలసినవారు డైరెక్టుగా ఫొన్ చేయండి  . సంప్రదించవలసిన నెంబర్ 

                   

                        9885030034 


         మెస్సేజిస్ , కామెంట్ల రూపంలో పెట్టవద్దు .


                  కాళహస్తి వేంకటేశ్వరరావు .


              అనువంశిక ఆయుర్వేద వైద్యులు .


                          తలతిప్పు రోగం ( vertigo ) నివారణా యోగాలు - 


  ఈ మధ్యకాలంలో చాలా మంది ఈ సమస్యతో ఇబ్బందిపడుతున్నారు. ఇది పూర్తిగా పైత్యసంబంధ సమస్య. మన చుట్టూ ఉన్న భూమి తిరిగిపోతున్నట్టు బ్రాంతి కలుగుతుంది . కొంతమందికి పొద్దున్నే నిద్రలేవగానే ఈ సమస్య కలుగుతుంది . దీన్ని ఆంగ్లము నందు VERTIGO or DIZINESS అని పిలుస్తారు .


 నివారణా యోగాలు -


 * నిమ్మకాయ రసంలో జీలకర్ర నానబెట్టి మరలా ఎండబెట్టాలి .మరలా నానబెట్టి ఎండబెట్టాలి .ఈ విధానాన్ని ఆయుర్వేదంలో భావన చేయడం అంటారు. ఇలా 7 రోజులపాటు చేసిన తరువాత ఉదయాన్నే ఒక గ్రాము నుంచి రెండు గ్రాముల చొప్పున తినుచున్న తలతిప్పు రోగం నశించును.


 * చిన్న అల్లం ముక్క కి ఉప్పు కలిపి బుగ్గన పెట్టుకుని రసం మింగుచున్న ఈ సమస్య తీరును . ఉదయం పూట పరగడుపున చేయవలెను .


 * అల్లం రసం ఒక స్పూన్ , నిమ్మరసం ఒక స్పూన్ , తేనె ఒక స్పూన్ కలిపి ఉదయాన్నే పరగడుపున ప్రతినిత్యం సేవించుచున్న తలతిప్పు రోగం నశించును.


       పైన చెప్పిన యోగాలలో మీకు ఏది సులువుగా ఉంటే దానిని పాటించండి. ముఖ్యంగా టీ , కాఫీ పూర్తిగా నిషిద్దం.


  ఆయుర్వేదములోని ఎన్నొ రహస్య మూలికల అనుభవ యోగాల గురించి నా గ్రంథాల యందు సంపూర్ణముగా , అందరికి అర్థమయ్యే సులభ భాషలో వివరించాను . వాటిని చదివి మరింత విజ్ఞానాన్ని పొందగలరు . 


 

వినయం

 //!! *శ్లోకం* !//


విద్యా దదాతి వినయం, వినయాద్యాతి పాత్రతామ్।

పాత్రత్వాధన మాప్నోతి,

ధనాద్ధర్మం తతస్సుఖ్ ॥ 


భావం : *విద్య వల్ల వినయం లభిస్తుంది*..... 

దానితో  *యోగ్యత వస్తుంది*.... 

యోగ్యత వల్ల *ధనం*, 

దానిద్వారా *సుఖాన్ని ప్రజలు పొందుతారు*......


✨✨✨✨✨✨✨✨✨


//!! *శ్లోకం* !//


ఇతో న కించిత్ పరతో న కించిత్ 

యతో యతో యామి తతో న కించిత్ 

విచార్య పశ్యామి జగన్న కించిత్

ఆత్మావ బోధాత్ అధికం న కించిత్ 


!!!!భావం!!!!...


*ఈ లోకంలో ఏమీ లేదు పరలోకంలో ఏమీ లేదు ఎన్ని లోకాలు తిరిగినా ఏమీ లేదు* 

బాగా విచారిస్తే ఈ జగత్తు అంతా మిథ్య అని అర్థమవుతుంది.... 

ఎప్పుడు అర్థమవుతుంది అంటే *ఆత్మావగాహన చేసుకున్నప్పుడు ఇదంతా అర్థం అవుతుంది అని దీని అర్థం*....


🙏🙏🙏🙏🙏🙏🙏🙏🙏

బలవంతుడ్ని

 శ్లోకం:☝️

  *బహవో న విరోద్ధవ్యాః*

*దుర్జయాస్తేఽపి దుర్బలాః ।*

  *స్ఫురన్తమపి నాగేన్ద్రం*

*భక్షయన్తి పిపీలికాః ॥*


భావం: నేను చాలా బలవంతుడ్ని, నాకేమి భయం లేదని విర్రవీగి ఒకే సమయంలో చాలా మందితో విరోధించకూడదు. వారు బలహీనంగా ఉన్నప్పటికీ బలీయంగా మారతారు. బలవంతమైన సర్పము కూడా చలిచీమల చేతజిక్కి చావడం లేదా?

సుమతీ శతకకారుడికి ఈ శ్లోకమే ప్రేరణ అయ్యుంటుంది.

_బలవంతుడ నాకేమని_

_పలువురితో నిగ్రహించి పలుకుట మేలా_

_బలవంతమైన సర్పము_

_చలిచీమల చేత జిక్కి చావదె సుమతీ!_