((((( ఆలోచనాలోచనాలు ))))) ఆరోగ్యమే మహా భాగ్యం మరియు మన పెన్నిధులు🙏🕉️🙏 ***** మిమ్మల్ని ఎవరైనా ప్రశ్నించారనుకోండి! మీ సిరిసంపదలు, ఏమిటని? మీరు వెంటనే జవాబివ్వండి. మొదటిది, రెండవది మరియు నూరవది కూడా "" మంచి ఆరోగ్యం"" అని! "ఆరోగ్యమే మహా భాగ్యం." దానిని సంపాదించేందుకు శ్రమ పడనక్కరలేదు. కానీ పోగొట్టుకోకుండా మిక్కిలి శ్రమపడాల్సివుంటుంది. మనం ఆరోగ్యంగా ఉన్నప్పుడు మనకు దాని విలువ తెలియదు. పోగొట్టుకున్న తర్వాత ఏడ్చిమొత్తుకున్నా అది మన చేజిక్కదు. అదే వింత విషయం. ***** మనల్ని ప్రేమించేవారిని ఆదరిద్దాం. మన అవసరం ఉన్నవారికి సహాయపడదాం. మనల్ని కష్టపెట్టేవారిని క్షమించి వదిలేద్దాం. మనల్ని విడచివెళ్ళేవారిని మరచిపోవడానికి ప్రయత్నిద్దాం. పై నాలుగు విషయాలు మనం పాటిస్తున్నామంటే మనం ఆరోగ్యంగా ఉన్నట్లే! ***** రాత్రి పొద్దుపోకముందే నిద్రపోవాలి. ఉదయాన్నే చీకటి ఉండగానే నిద్రలేవాలి. ఆకలి అయినప్పుడే భోజనం చెయ్యాలి. ప్రాప్తం ఉన్నది మాత్రమే మనకు చెందుతుందని విశ్వసించాలి. ఇప్పుడు మీరు భాగ్యవంతులు, వివేకవంతులు మరియు ఆరోగ్య వంతులు కూడా! ***** మానవ జీవితాన్ని తెరమీది"" సినిమా"" లాగా రెండు భాగాలుగా విభజిద్దాం. ఇంటర్వెల్ ముందు డబ్బు సంపాదన యావలోపడి ఆరోగ్యాన్ని ఖర్చు పెట్టడం. ఇంటర్వెల్ తరువాత డబ్బును, సమయాన్ని విపరీతంగా ఖర్చుచేసుకొని " ఆరోగ్యాన్ని" కొనుక్కోవడం. ఇక రెండవ అంశం "" మన పెన్నిధులు."" ***** సత్యాన్నే పలకండి. క్రోధాన్ని వదలండి. ఎవరైనా మీ ముందు చెయ్యి చాపితే కొంచెం అయినా వారి చేతిలో ఉంచండి. - - - గౌతమ బుద్ధుడు. ***** నేను మీకు మూడు విషయాలను మాత్రమే ఉపదేశిస్తాను. అవి 1* సరళత్వం 2* సహనం 3* కారుణ్యం . - - - తత్వవేత్త లావొట్సూ. ***** తప్పు చెయ్యడం మానవ సహజం. కానీ తప్పుల్ని మాత్రమే చేస్తూ ఉండడం రాక్షసత్వం. చేసిన తప్పును ఒప్పుకొని, మరొకసారి చెయ్యకుండా ఉండడం దైవీలక్షణం. అన్నిటికి మించి ఎదుటివ్యక్తి తప్పును క్షమించగలగడం దైవీలక్షణం! అదే మహత్ముల బలం. ***** మనం మన తల్లిదండ్రులను గౌరవించాలి. ఎందుకంటే వారు "" ఇంటర్నెట్"" "" స్మార్ట్ ఫోన్"" లు లేని కాలంలో కూడా కష్టపడి చదువుకొన్నారు గనుక. మనల్ని ఈ అధునాతన సాంకేతిక వ్యవస్థలో చదివించారు గనుక. ******************************* Answers to Sharpen your mind! 1* Fish 2* Humanity 3* The sun 4* A bee. - - - - - - - - - - - - - - - - - - - - - - - - - - తెలుగు నుడికారం ( సామెతలు మరియు జాతీయాలు) 1* మగవాడి అబద్ధాలా? అవి సూదులను మూటగట్టినట్లు. 2* పూటకూళ్ళమ్మ పుణ్యం ఎరుగదు. 3* సీతాపతీ! చాపేగతి. 4* చేసుకొన్నంతవారికి చేసుకొన్నంత మహదేవ! 5* సుబ్బిపెళ్ళి , వెంకి చావుకు వచ్చిపడింది. 6* అయినా తాతకు దగ్గులు నేర్పడమేమిటి? 7* చూచిరమ్మంటే కాల్చివచ్చాడు.( హనుమంతుడు) 8* ఆకలి రుచెరుగదు; నిద్ర సుఖమెరుగదు. 9* ముసలితనాన పడుచు పెళ్ళమా? గడ్డివామి దగ్గర కుక్క కాపలా! 10* వాడు ప్రతి పనికి సైంథవుడిలా అడ్డుపడుతుంటాడు. తేది 29--9--2023, శుక్రవారం, శుభోదయం.
ప్రపంచ కవులకు స్వగతం. మీ కవితలను ఇక్కడ పబ్లిష్ చేయవచ్చు. మీరు ముందుగా follow by Email బాక్సులో మీ మెయిల్ అడ్రసుని నింపి submit చేయండి. తరువాత followers ని click చేసి follower అవ్వండి. తరువాత మీ రచనను కొత్త కవులు పేజీలో అక్కడ సూచించిన విధంగా పంపండి. .
29, సెప్టెంబర్ 2023, శుక్రవారం
శ్రీమదాంధ్ర భాగవతం ➖➖➖✍️ 28వ భాగం
కలియుగంలో కేవలం భాగవతం చదివినంత మాత్రాన, విన్నంత మాత్రాన,కృష్ణ నామం స్మరించినంత మాత్రాన పంచ మహాపాతకాలే కాదు, సమస్త పాపరాశి ధ్వంసమై కృష్ణ లోకమైన మోక్షాన్ని చేరుకుంటారు.
చాగంటి వారి…
శ్రీమదాంధ్ర భాగవతం
➖➖➖✍️
28వ భాగం
#జయవిజయులకు సనకసనందనాదుల శాపము:
శ్రీ మహావిష్ణువు దగ్గర జయ విజయులని ఇద్దరు పార్షదులు ఉన్నారు. వైకుంఠములో వారిద్దరూ ద్వారం దగ్గర నిలబడతారు. వైకుంఠమునకు ఏడు ద్వారములు ఉంటాయి. ఏడవద్వారం దాటి లోపలి వెళితే స్వామి దర్శనము అవుతుంది. జయవిజయులు ఏడవద్వారమునకు అటూ ఇటూ నిలబడి ఉన్నారు.
సనకసనందనాదులు స్వామి దర్శనార్ధమై అక్కడికి వచ్చారు. వాళ్ళు మహా జ్ఞానులు. నిరంతరము భగవంతుని పాదములయందు భక్తితో ఉండే స్వరూపము ఉన్నవారు. వారు ఏడవద్వారం దగ్గరకు వెళ్ళి నిలబడ్డారు.
జయవిజయులు వారిని ‘లోపలికి వెళ్ళడానికి వీలు లేదు’ అని అడ్డుపెట్టారు.
సనకసనందనాదులు ‘ఇది వైకుంఠము. ఇక్కడ మాత్సర్యము ఉండదు. ఇక్కడ ఎవరికీ కూడా ఒకరి మీద ఒకరికి మత్సరము ఉండదు. లోపలికి వెళ్ళి ఈశ్వరుని దర్శించుకునేందుకు అభ్యంతరము ఎందుకు? మమ్మల్ని ఎందుకు ఆపినట్లు? లోపల ఉన్న స్వామి భక్త పరాధీనుడు. భక్తులయిన వారు వస్తే చాలు ఆయనే ఆర్తితో ఎదురువచ్చే స్వభావము ఉన్నవాడు. ఆయన లోపల ఉంటే వెళ్ళడానికి మేము వస్తే మా హృదయములో ఆయనను దర్శనము చేయాలన్న కాంక్ష తప్ప వేరొకటి లేకుండా ఉంటే మధ్యలో అడ్డుపెట్టడము మీకు మించిన స్వాతంత్ర్యము. ఏది ఎక్కడ ఉండకూడదో దానిని మీరు చూడడము మొదలు పెట్టారు. అది ఎక్కడ పుష్కలముగా దొరుకుతుందో ఆ భూలోకమునకు పొండి’ అన్నారు.
అనేటప్పటికి జయవిజయులిద్దరూ సనకసనందనాదుల కాళ్ళ మీద పడి పెద్ద ఏడుపు మొదలు పెట్టారు.
శ్రీమన్నారాయణుడు బయటకు వచ్చాడు. ఆయన శరీరము మీద నల్లని పుట్టుమచ్చ ఒకటి ఉంటుంది. ఆ పుట్టుమచ్చను శ్రీవత్సము అని పిలుస్తారు.
ఆ పుట్టుమచ్చను చూసి, ఆయన స్వరూపమును చూసి సనక సనందనాదులు పొంగిపోయారు. ‘మా అదృష్టం పండి ఇంతకాలం తర్వాత నీ స్వరూపమును దర్శనం చేయగలిగాము. మా భాగ్యం పండింది’ అని ఆయన పాదముల మీద పడి నమస్కారం చేసి ‘పుష్పములోకి మకరందము కోసము గండుతుమ్మెద ఎలా చేరుతుందో నిరంతరము నీ పాదములయందు అటువంటి భక్తి మాకు ప్రసాదించవలసింది’ అని ప్రార్థించారు.
శ్రీమన్నారాయణుడు – ‘మీ స్తోత్రమునకు నేను చాలా సంతోషించాను. ఇక్కడ ఏదో చిన్న అల్లరి జరిగినట్లు నాకు అనిపించింది. ఏమయింది?’ అని అడిగితే – ‘స్వామీ మేము తప్పే చేశామో! ఒప్పే చేశామో! మాకు తెలియదు. కానీ మేము లోపలకి వస్తున్నప్పుడు ఏడవద్వారం దగ్గర ఈ పార్షదులు మమ్ములను అడ్డుపెట్టారు. మత్సరములు ఉండడానికి అవకాశం లేని వైకుంఠమునందు నీ దర్శనమునకు మమ్మల్ని పంపలేదు, వారు మాయందు విముఖులయి ఉన్న వారిని భూలోకమునందు జన్మించమని శపించాము. నీవు ఎలా చెపితే అలా ప్రవర్తిస్తాము. ఒకవేళ మావలన అపరాధము అంటే మన్నించవలసినది’ అన్నారు.
శ్రీహరి – ‘నా పాదములు మీవంటి బ్రహ్మజ్ఞానులు నమ్మి అర్చించిన పాదములు. ఇంతమంది చేత ఆరాధింపబడుతున్నాయి. మీవంటి వారిచేత పూజించబడి మిమ్మల్ని రక్షించుటకు పూనికతో తిరిగి మీకు దర్శనం ఇస్తాను. నిత్యాపాయినియై నిరంతరము లక్ష్మి నావెంట వస్తోంది. నేను భక్త పరాధీనుడను. భక్తులయిన వారు పిలిస్తే పరుగెత్తుకు వెళ్ళడం నా ధర్మం. ఒకవేళ అలా పరుగెత్తుకు వెళ్ళి వాళ్ళని రక్షించడములో అడ్డువస్తే నా చేతిని నేను నరికేస్తాను’ అని ఎంతో పెద్దమాట అన్నాడు!
ఆ చేయి లోకములనన్నిటిని రక్షించే చేయి. మీరు నిరంతరము నన్ను తప్ప వేరొకరిని కొలవని వారు, ఎప్పుడూ నా పాదముల యందు మనస్సు పెట్టుకున్నవారు, చతుర్ముఖ బ్రహ్మ అంతటివారు సంసారమునందు ప్రవర్తించి సృష్టి చేయమంటే చేయకుండా కేవలము నా పాదపంజరము నందు భక్తితో నిలబడిన మిమ్ములను జయ విజయులు అడ్డుపెట్టి మహాపచారం చేశారు. వీళ్ళు చేసిన అపచారం వలన నా కీర్తి నశిస్తుంది.’ ఇక్కడ శ్రీ మహావిష్ణువు ఒక అద్భుతమయిన విషయమును ప్రతిపాదన చేశారు.
‘నేను ఎందుకు మీరు ఇచ్చిన శాపమును అంగీకరిస్తున్నానో తెలుసా! వీరికి యుక్తాయుక్త విచక్షణ లేదు. వీళ్ళకి ఈ అధికారం నేను ఇచ్చాను. ఏడవ ప్రాకార ద్వారము వద్ద ఉండి వచ్చిన వాళ్ళని లోపలి పంపించండని చెప్పాను. లోపలికి ఎవరు వెళ్ళాలి, ఎవరిని తొందరగా ప్రవేశపెట్టాలని అంతరము తెలుసుకొని ముందు వాళ్ళకి నమస్కారం చేసి, లోపలి ప్రవేశ పెట్టగలిగిన సంస్కారం ఉన్నవాడు అక్కడ ఉండాలి. వీళ్ళు అలా ఉండలేదు. పరమ భాగవతులయిన వారికి కలిగిన మనఃక్లేశము పట్టి కుడిపేస్తుంది. మీలాంటి వారిని కాపాడడానికి నేను లోపల ఉన్నాను. మీరు నావద్దకు రాకుండా వీళ్ళు అడ్డుపడ్డారు. తన శరీరమునందు పుట్టిన కుష్ఠు తనని పాడు చేసినట్లు నేను వీళ్ళకి పదవి ఇస్తే ఆ పదవిని అడ్డు పెట్టుకుని ఈ జయవిజయులు నాకే తప్పు పేరు తీసుకుని వస్తున్నారు. మీవంటి వారికే వైకుంఠమునందు ప్రవేశము నిరాకరింపబడితే భక్త కోటి నన్ను ఎలా విశ్వసిస్తుంది? లోకము పాడయిపోతుంది. నేను భక్త పరాధీనుడను. నాకు దుష్ట పేరు తెచ్చారు. వాళ్ళను మీరు శపించడం కాదు నేను చెపుతున్నాను.’
‘వీళ్ళు ఉత్తర క్షణం భూలోకమునకు వెళ్ళి రాక్షసయోనియందు జన్మించి ఉగ్రమయిన రాక్షసులై అపారమయిన లోభత్వమును పొందుతారు’ అన్నాడు.
జయవిజయులిద్దరు శ్రీమన్నారాయణుడి పాదముల మీద పడి ‘స్వామీ! లోపల ఉన్నవాడి హృదయమును అర్థం చేసుకోవడములో పొరపాటు జరిగింది. మమ్ములను క్షమించు. మళ్ళీ మాకు ఎప్పుడు వైకుంఠమునకు ఆగమనం’ అని అడిగారు.
స్వామి ‘మీరు మూడుజన్మలు గొప్ప రాక్షసులు అవుతారు. మిమ్మల్ని దునుమాడవలసిన అవసరం కూడా నాదే. నేనే మీ కోసం అవతారం స్వీకరించి వచ్చి మిమ్మల్ని నిర్మూలించి తెచ్చి నా వాళ్ళుగా చేసుకుంటాను’ అని ప్రతిజ్ఞ చేశాడు. అందులో కూడా రక్షణ!
04. యజ్ఞ వరాహ మూర్తి
వారిలో ఒకడయిన హిరణ్యాక్షుడు పశ్చిమ సముద్రము అడుగున ఉన్న వరుణుడిని యుద్ధమునకు రమ్మనమని పిలుస్తున్నాడు. ఆ సమయమునకే యజ్ఞవరాహమూర్తి జన్మించాడు.
వరుణుడు– ‘సముద్ర జలముల మీదకు ఒక కొత్త భూతం వచ్చింది. నీవు దానితో యుద్ధం చెయ్యి’ అన్నాడు.
అప్పటికి యజ్ఞవరాహమూర్తి వచ్చారు. సాధారణముగా యజ్ఞవరాహ మూర్తిని ఎక్కడయినా ఏదయినా ఫోటో చూసినప్పుడు ఒక పంది స్వరూపమును వేసి దాని మూపు మీద రెండుకోరల మధ్య భూమిని ఎత్తుతున్నట్లుగా వేస్తారు. పరమాత్మ అలా ఉండడు. యజ్ఞవరాహ మూర్తి వర్ణన విన్నా, ఆవిర్భావమును గూర్చి విన్నా, చదివినా, ఉత్తర క్షణంలో కొన్ని కోట్ల జన్మల పాపము దగ్ధమయిపోయి కృష్ణభక్తి కలుగుతుంది.
అటువంటి స్వరూపముతో ఆయన దర్శనం ఇచ్చి పెద్ద హుంకారం చేశాడు. ఆ హుంకారం విని ఋషులు ఒక్కసారి ఆశ్చర్యపోయారు. ఎక్కడిది ఆ హుంకారం? అనుకుని స్వామి వంక చూశారు. ఆయన గుర్ గుర్ అని శబ్దం చేస్తున్నాడు. వ్యాసులవారు అలాగే వర్ణించారు. పెద్ద శబ్దం చేస్తూ అడుగు తీసి అడుగు వేస్తూ నడుస్తోంది ఆ యజ్ఞవరాహం.
ఆయననను స్తోత్రం చేయాలి. ఋషులందరూ నిలబడి ఋగ్వేదములోంచి, యజుర్వేదము లోంచి, సామవేదంలోంచి సూక్తములను వల్లిస్తూ యజ్ఞవరాహమునకు నమస్కారం చేస్తున్నారు.
యజ్ఞవరాహం సముద్రములోకి ప్రవేశించి తన నాసికతో, మూపుతో సముద్ర అడుగు భాగమును కెలకడము ప్రారంభించింది. ముఖం అంతా నీటితో నిండిపోతోంది. యజ్ఞంలో వాడే నెయ్యి ఆయన కన్ను. ఒక్కసారి తన ముఖమును పైకెత్తి కనురెప్పలను ఒకసారి చిట్లించి మెడను అటూ ఇటూ విసురుతోంది.
విసిరినప్పుడు జూలులోంచి నీళ్ళు లేచి పడుతున్నాయి. మహర్షులు, చతుర్ముఖ బ్రహ్మ అందరూ వెళ్ళి ఆయననుండి పడిన నీటికోసమని దానిక్రింద తలపెట్టారు. ఈ కంటితో చూడరాని పరమాత్మ ఇవ్వాళ యజ్ఞవరాహముగా వచ్చి నీటితో తడుస్తున్నారు. ఆయన వెతికి భూమిని పట్టుకుని దానిని మూపు మీదకు ఎత్తుకుని రెండు దంష్ట్రల మధ్య ఇరికించి, పైకి ఎత్తి చూపించారు. అలా చూపించేసరికి దానిని చూసి ఋషులందరూ స్తోత్రం చేశారు.✍️
*సర్వం శ్రీకృష్ణార్పణమస్తు*
🌷🙏🌷
🙏లోకా సమస్తా సుఖినోభవన్తు!🙏
🍀🌺🍀🌺🍀🌺🍀🌺🍀🌺🍀
*రేపటి తరానికి బతుకు, భద్రత లతోపాటు భారతీయత కూడా నేర్పండి.*
➖▪️➖
ఇలాటి మంచి విషయాలకోసం…
గ్రూప్“* లో చేర్చమని ఈక్రింది నెంబరుకి వాట్సప్ లో మెసేజ్ పెట్టండి...
9493906277
లింక్ పంపుతాము.🙏
గురువు వల్లే సాధ్యం!*
*గురువు వల్లే సాధ్యం!*
➖➖➖✍️
కొడుకులు-కూతుర్లు బాకీ సంబంధం తో పుడతారు.
```
ఒక గురువు చెట్టు క్రింద కూర్చొని భక్తి గురించి దేవుని గురించి``` ‘జన్మ రాహిత్యం’ ```గురించి చెబు తున్నాడు.
అటుగా వెళుతున్న బాటసారి గురువు చెబుతున్నది విని దగ్గరకు వెళ్లి తనకు మంత్రోపదేశం ఇవ్వమని అడిగాడు.
గురువు అప్పుడు అడిగాడు, ‘నీకు భార్య బిడ్డలు ఉన్నారా...’ అని.
తన భార్య గర్భవతి అని చెప్పాడు.
’గురుదక్షిణగా నువ్వు నాకే మిస్తావు?’ అని అడిగాడు గురువు.
‘మీరు ఏది అడిగితే అదే ఇస్తాను.’ అన్నాడు.
’సరే...నీ భార్యను అడిగి రా... తనకు పుట్టిన బిడ్డలను నాకు ఇవ్వ గలదా అలా చేస్తే నీకు మంత్రోపదేశం చేస్తాను. వెళ్లి నీ భార్యను అడిగి రా! పిల్ల పుట్టిన వెంటనే రక్తం మడుగులో ఉండ గానే నాకు ఇచ్చేయాలి.’ అన్నాడు గురువు.
అతను వెంటనే ఇంటికి పరుగెత్తి భార్యకు విషయం చెప్పి మన పిల్లలను గురువుకు ఇవ్వ గలవా? అని అడిగాడు.
అందుకు ఆమె ‘అలాగే ఇచ్చేద్దాం. మన పిల్లలు గురువు వద్ద ఉంటే మంచిదే కదా,’ అంటూ ఒప్పు కుంది.
ఆ విషయాన్ని గురువుకు చెప్పాడు.
కొద్ది రోజులకి ఆమె ప్రసవించింది. మగ పిల్లవాడు పుట్టాడు. ఆ పిల్లవాడిని నెత్తుటి మడుగులో ఉండగానే తీసుకెళ్లి గురువు చేతిలో పెట్టారు. భార్య భర్తలు.
గురువు ఆ పిల్ల వాడిని తీసు కెళ్లి గొయ్యి తీసి అందులో పూడ్చేసాడు.
తల్లి దండ్రులు బిత్తర పోయి చూస్తూ, చేసేది ఏమి లేక వెను తిరిగి వెళ్లి పోయారు.
ఈ విధంగా రెండో పిల్ల వాడిని కూడ గొయ్యిలో పూడ్చి పెట్టేసాడు.
మూడోసారికి ఆవిడ ఒప్పు కోలేదు. ‘ఇదేం గురువయ్యా? నాకు నచ్చలేదు. నా కొడుకును ఇవ్వను కాక ఇవ్వను.’ అని మొండికేసింది.
అతను గురువు వద్దకు వెళ్లి విషయం చెప్పాడు. గురువు గారే ఆమె దగ్గరకు వెళ్లి ఇలా అన్నాడు...’అమ్మా నీ బిడ్డను ఇవ్వనన్నావు కదా, ఇప్పుడు నీ బిడ్డను నేనేమి చేయను. కాని ఒక్క సారి నీబిడ్డను... నా చేతి కిచ్చి నా వెంట రండి. మీ బిడ్డను నేనేమి చేయను. మళ్ళీ మీ బిడ్డను మీకు ఇచ్చేస్తాను’ అని అన్నాడు.
సరేనని బిడ్డను తీసుకొని గురువు వెంట బయలు దేరారు వారిరువురూ.
గురువు వీళ్లిద్దరినీ ఇంతకు ముందు గొయ్యి తీసి పెట్టిన చోటికి తీసుకు కెళ్లాడు.
ఆ రెండు గొయ్యిల మద్యన తెల్లని గుడ్డ పరిచి...ఈ పిల్ల వాడిని వాటి మద్యలో పడుకోబెట్టి చేతిలోకి నీళ్ళు తీసుకొని మంత్రించి... ఆ ముగ్గురు పిల్లల మీద చల్లాడు.
తల్లిదండ్రులను కొంచెం దూరంలో నిలబెట్టి... ఆ గొయ్యిలో నుండి వస్తున్న శబ్దాలను వినమన్నాడు.
గొయ్యిలో నుండి మొదటి పిల్లవాడు రెండవ వాడిని అడుగు తున్నాడు…‘ఒరేయ్ వీళ్ళకు కొడుకుగా పుట్టావుకదా దేని కోసం పుట్టావు? వీళ్ళకి నీకు ఏమిటి సంబంధం?’అని అడిగాడు.
రెండో వాడు ఇలా చెబుతున్నాడు… ‘గత జన్మలో వీడు నాకు బాకీ పడ్డాడు. నాకు డబ్బులు ఇవ్వకుండానే పోయాడు. అందుకనీ వీడికి కొడుకునై పుట్టి అందినంత లాగేసుకుందామని వచ్చాను. మరి నువ్వేందు కొచ్చావు?’ అని అడిగాడు.
’వీడు నాకు కూడా ఇవ్వాలిరా... నేను కూడా అందుకే వచ్చాను. వీడికి కొడుకునై పుట్టి దొరికినంత దోచుకొని వదిలేసి వెళదామని వచ్చాను. కానీ వీడు మనల్ని గురువు చేతిలో పడ వేసాడు. ఇంకేముంది వాడుమనకు పడిన బాకీలన్నీ గురువు తెగ్గొట్టేసాడు. ఇప్పుడు వాడికి మనకీ రుణబంధం తెగిపోయింది.’ అని వాళ్ళు మాట్లాడు కుంటున్నారు.
ఈ ఇద్దరూ కలిసి బ్రతికి ఉన్న మూడో వాడిని అడిగారు. ‘ఒరేయ్ నువ్వెందు కొచ్చావురా?‘ అని.
అప్పుడు బ్రతికి ఉన్న మూడోవాడు ఇలా చెప్పాడు, ‘గతజన్మలో నాకు కొడుకులు బిడ్డలు ఉండికూడ దిక్కు లేకుండా పడిఉంటే వీడు నన్ను చేరదీసి అన్నం పెట్టి ఆదరించాడు. నేను పోయే వరకు నన్ను పోషించాడు. అందుకే... ఈ జన్మలో వీనికి కొడుకునై పుట్టి తల్లి తండ్రులిద్దరినీ వాళ్ళు బ్రతికినంత కాలం అన్నం పెట్టి వాళ్లను సంతోషంగా ఉంచి ప్రశాంతమైన జీవితాన్ని వాళ్ళకు ఇచ్చి వారి రుణం తీర్చుకుందామని వారికి కొడుకునై పుట్టాను. మీరు ఆయన్ని పీడించాలని వచ్చారు. గనుక గురువు మిమ్మల్ని గొయ్యిలో పాతిపెట్టాడు. నేను అలా కాదు గనుక నేను బ్రతికి ఉన్నాను.’ అని చెప్పాడు.
ఈ ముగ్గురూ మాట్లాడుకున్న మాటలు ఈ తల్లి తండ్రులు విన్నారు.
గురువు పాదాల మీద పడి క్షమించమని వేడు కున్నారు.```
కాబట్టీ ...
గురువు లేని పూజ ఒ’గుడ్డి పూజ’ అని అర్దం.
ఆత్మ జ్ఞానము తెలిసిన గురువును పట్టుకుంటే రుణానుబంధాలే కాదు, ‘జన్మ రాహిత్యమే’ జరుగుతుంది.
ఈ జన్మ లోనే మోక్షం లభిస్తుంది...
మోక్షమంటే చని పోయిన తర్వాత మోక్షం వస్తుందనీ చాలా మంది అను కుంటారు.
కాని అది కాదు…
మోక్షం అంటే బ్రతి కుండగానే ఆత్మ జ్జానాన్ని పొందటం...
దైవం ఏ, ఏ, రూపాలలో ఉన్నాడు. ఎక్కడ ఉన్నాడు. ఏం చేస్తున్నాడు. ఈ సృష్టి ఏమిటి. ఎలా తయారైంది. నేనెవరిని, ఎక్కడ నుండి వచ్చాను. మళ్లి ఎక్కడికి వెళతాను. అసలు మాయ అంటే ఏమిటి? ఇలా ఎన్నో సృష్టి రహస్యలు బ్రతి కుండగానే తెలిసి పోతాయి.
ఇదే మోక్షం!
మరో జన్మలేకుండా భగవంతుడు తనలో ఐక్యం చేసుకుంటాడు.
ఈ ఆత్మజ్ఞానం కలగడానికి ధ్యానం అనే ఆత్మ విద్యను మనకి బోధిస్తారు. సద్గురువులు.
ఇది కథ అయినా వాస్తవం!గురువుద్వారానే కర్మ పరిష్కారం కలుగుతుంది!✍️
*సర్వం శ్రీకృష్ణార్పణమస్తు*
🌷🙏🌷
🙏లోకా సమస్తా సుఖినోభవన్తు!🙏
🍀🌺🍀🌺🍀🌺🍀🌺🍀🌺🍀
*రేపటి తరానికి బతుకు, భద్రత లతోపాటు భారతీయత కూడా నేర్పండి.*
➖▪️➖
ఇలాటి మంచి విషయాలకోసం…
* గ్రూప్“* లో చేర్చమని ఈక్రింది నెంబరుకి వాట్సప్ లో మెసేజ్ పెట్టండి...
9493906277
లింక్ పంపుతాము.🙏
దాసుని తప్పునకు దండాలు
దాసుని తప్పునకు దండాలు తప్పవేమో?
శా: ఆమందాకిని మౌళిఁ బూని నను నర్ధాంగీకృతం జేసి 'తౌ
నౌ మేల్మే' లని యార్య యల్గఁ ,బ్రణతుండై ,తత్పదాంభోజ యో
గా మర్షంబున గంగయు న్మొరయఁ జూడాభోగ సమ్యక్క్రియా
సామర్ధ్యంబున వేఁడు శంభుఁడు కృతిస్వామిం గృపన్ బ్రోవుతన్.
వసుచరిత్రము- అవతారిక- రామరాజ భూషణకవి !
ఇది రామరాజ భూషణ కవి రచించిన వసుచరిత్రలోని పద్యం. కృతిపతికి పరమశివుని ఆశీర్వాద మందజేసేపద్యం.
బలే చమత్కారాన్ని రంగరించాడుకవి. ఇద్దరు పెళ్ళాలమొగుఁడు యిరుకున బడక తప్పదేమో? వెనక పారిజాతాపహరణంలో ఆదెబ్బ యెలా ఉంటుందో ముక్కుతిమ్మన గారు మనకు రుచి చూపించారు. సత్య కాలితాపుకి కృష్ణుని తలబొప్పి గట్టింది. దాసుని తప్పు దండంతోసరియని యామె కాళ్ళకు మొక్కి యెలాగో బయట పడ్డాడు.
ఇపుడా సౌభాగ్యం శాంపిల్గా శంకరునకు చవిచూపుతున్నారు మనకవిగారు యీపద్యంలో. వినండి!
" పార్వతి పరమేశ్వరునిపై కోపించిందట. అవును కోపంరాదామరి. తానుండగానే గంగమ్మను తెచ్చి నెత్తిన బెట్టుకుని
ఊరేగుతున్నాడాయె! అందుకే పరమేశ్వరుణ్ణి నిలదీసి గట్టిగా అడిగేసింది. కాదుకాదు మాటలతో కడిగేసింది ' ఆగంగను నెత్తిని బెట్టుకొని ఊరేగుతూ దానిని కప్పిబుచ్చుట కోసమేగదా నన్ను అర్ధనారిగా (సగము ఆడది ) జేసినావు. ఆహా !నీయుక్తి తెలిసినదిలే!
ఎంత మోసకారివి. నిన్ను నమ్మి మోసపోతినిగదా " యని తన యాగ్రహమును ప్రకటింప, వేరుదారిలేక శంకరుడు క్రిందకు తలవంచి యామె పాదములను తాకినాడట! శ్రీకృష్ణుని వలెనే దాసునితప్పు దండముతో సరిపెట్టజూచెనన్నమాట. ఏమైన నేమి శంకరుడు తలవంచ శిరసున నున్న గంగా జలములు ఆమెపాదములను ప్రక్షాళణమొనరించినవి. అనగా గంగకూడ సవతిని పూజించినట్లయినది.మెడలోనున్నపాములుబుసబుసలతోక్షమింపబ్రతిమాలినవి.యిలాచాలాతెలివిగా, శంకరుడు పాదాభివందనము చేయుటతో,ఇటు సవతి పరిచర్యల నొనరించుటతో నామెకోపము పటాపంచెలయినదట. శంకరుడు సవతికయ్యపు గండమునుండి క్షేమముగా బయటపడినాడట. అట్టి శంకరుడు కృతిభర్తను బ్రోచుగాత! యని యాశీస్సు.
కవి పార్వతిని అర్ధనారీశ్వరిగా నొనర్చుటకు ఒక కారణమును జెప్పినాడు. అట్లు చేయుట వలన నామె సగము
ఆడదియై సంతానమును పొందుటకు అనర్హ యైనదట! సంతానమే స్త్రీజన్మకు సాఫల్యము.గదా! గొడ్రాలును ఉపేక్షించి సంతానము కొరకై మగవాడు మరల పెండ్లియాడుట లోకరీతి. భార్య యుండగా పునర్వివాహ మేల ?యని యడుగు వారికి సమాధానము చెప్పుట సులభమగునుగదా, అదిగో ఆలోకరీతిని అడ్డు జేసికొనుటకై నన్ను అర్ధనారిని జేసి దీనిని నెత్తి కెక్కించు కొన్నావని పార్వతి వాదన! ఆహా! కవికెంత గొప్పయూహ!
అందుకే కిమ్మనకుండా శంకరుడు పార్వతికి మొక్కినాడు.గంగమ్మచేత కాళ్ళుకడిగించినాడు. ఇది చాలా తెలివైన పనిగదా , సరి . ఆమె కోపము పోయినది . శంకరుడు ప్రసన్నత నొందినాడు.
ప్రబంధకవులలో సవతి కయ్యములను ప్రస్తావించిన కవులిద్దరు.తిమ్మన సుదీర్ఘముగా వర్ణించి దానికొరకొక కావ్యమునే(పారిజాతాపహరణము)
వ్రాయగా, రామరాజ భూషణుడు ఒకే ఒక పద్యంతో సరిపెట్టినాడు మిక్కిలి చమత్కారంగా!
స్వస్తి!
29-09-2023* *శుక్ర వారం* *రాశి ఫలితాలు*
*29-09-2023*
*శుక్ర వారం*
*రాశి ఫలితాలు*
*మేషం*
దూర ప్రయాణాలలో జాగ్రత్త అవసరం ఉద్యోగాలలో ప్రతికూల వాతావరణం ఉంటుంది. బంధు మిత్రులతో ఆలోచించి మాట్లాడటం మంచిది. ఆదాయ మార్గాలు తగ్గుతాయి. వృధా ఖర్చులు పెరుగుతాయి. ఆధ్యాత్మిక సేవా కార్యక్రమాలలో పాల్గొంటారు. వ్యాపారాలు మందకొడిగా సాగుతాయి.
*వృషభం*
చిన్ననాటి మిత్రుల నుండి అరుదైన ఆహ్వానాలు అందుతాయి. ఆర్థిక పరిస్థితి మెరుగుపడి పాత ఋణాలు తీర్చగలుగుతారు. వృత్తి ఉద్యోగాలలో నూతన అవకాశములు లభిస్తాయి. చేపట్టిన వ్యవహారాలు అప్రయత్నంగా పూర్తివుతాయి. వృత్తి వ్యాపారాలు లాభసాటిగా సాగుతాయి.
*మిధునం*
చేపట్టిన పనులలో అప్రయత్న కార్యసిద్ధి కలుగుతుంది. జీవిత భాగస్వామితో దైవ దర్శనాలు చేసుకుంటారు. నిరుద్యోగులకు లభించిన అవకాశములు సద్వినియోగం చేసుకోవాలి. దూరపు బంధువులు నుండి ఆశ్చర్యకర విషయాలు తెలుస్తాయి. వ్యాపారాలు మరింత అనుకూలంగా సాగుతాయి.
*కర్కాటకం*
ముఖ్యమైన పనులు మందకొడిగా సాగుతాయి. వృత్తి ఉద్యోగాలలో బాధ్యతలు సమర్థవంతంగా నిర్వహించలేరు. బంధు మిత్రులతో మాటపట్టింపులు కలుగుతాయి. దూర ప్రయాణాలు వాయిదా వెయ్యడం మంచిది. కుటుంబ బాధ్యతలు పెరుగుతాయి. వ్యాపారాలలో నూతన పెట్టుబడులు నష్టం కలిగిస్తాయి.
*సింహం*
దూర ప్రయాణాలలో వాహన ప్రమాద సూచనలున్నవి. కుటుంబ సభ్యుల ప్రవర్తన చికాకు కలిగిస్తుంది. సంతాన ఆరోగ్య విషయంలో వైద్య సంప్రదింపులు అవసరమౌతాయి. దీర్ఘకాలిక ఋణ భాధలు పెరుగుతాయి. వ్యాపార లావాదేవీలు మందగిస్తాయి. ఉద్యోగమున పని ఒత్తిడి అధికమౌతుంది.
*కన్య*
ఆప్తులతో సఖ్యతగా వ్యవహారిస్తారు. ధన వ్యవహారాలు సజావుగా సాగుతాయి. మొండి బకాయిలు వసూలవుతాయి. వ్యాపార విస్తరణ ప్రయత్నాలు అనుకూలంగా సాగుతాయి. సంఘంలో ప్రముఖులతో సహాయ సహకారాలు అందుతాయి. ఆధ్యాత్మిక సేవా కార్యక్రమాలలో పాల్గొంటారు. ఉద్యోగ వాతావరణం ప్రశాంతంగా ఉంటుంది.
*తుల*
నూతన వాహనం కొనుగోలు చేస్తారు. సమాజంలో ప్రముఖులతో పరిచయాల వలన ఆర్థిక పురోగతి కలుగుతుంది. వృత్తి వ్యాపారాలు మరింత ఉత్సాహంగా సాగుతాయి. ముఖ్యమైన వ్యవహారాలలో సోదరులు నుండి విలువైన సమాచారం అందుతుంది. ఉద్యోగస్థుల శ్రమకు తగిన గుర్తింపు లభిస్తుంది.
*వృశ్చికం*
కుటుంబ సభ్యుల ప్రవర్తన మానసికంగా చికాకు కలిగిస్తుంది. ప్రయాణాలు వాయిదా వెయ్యడం మంచిది. నూతన ఋణాలు చేస్తారు. బంధు మిత్రులు మీ మాటతో విబేదిస్తారు. చేపట్టిన పనులలో అవరోధాలు కలుగుతాయి. వృత్తి, వ్యాపారాలు నిదానంగా సాగుతాయి. ఉద్యోగమున అధికారులతో జాగ్రత్తగా వ్యవహరించాలి.
*ధనస్సు*
ముఖ్యమైన పనులలో కీలక నిర్ణయాలు చెయ్యలేరు. కుటుంబ వాతావరణం గందరగోళంగా ఉంటుంది. దైవ సేవా కార్యక్రమాలలో పాల్గొంటారు. వృత్తి వ్యాపారాలలో వివాదాలు తప్పవు. ఆర్థిక వ్యవహారాలలో ఆశించిన పురోగతి ఉండవు. నిరుద్యోగుల కష్టం ఫలించదు. ఉద్యోగస్తులకు అదనపు పనిభారం ఉంటుంది.
*మకరం*
బంధు మిత్రులతో గృహమున ఆనందంగా గడుపుతారు. ఆధ్యాత్మిక సేవా కార్యక్రమాలని నిర్వహిస్తారు. అధికారుల సహాయంతో కొన్ని పనులు పూర్తి చేస్తారు. మంచి మాట తీరుతో అందరిని ఆకట్టుకుంటారు. సంతానం విద్యా విషయాలలో శుభవార్తలు అందుతాయి. వృత్తి, వ్యాపారాలలో నూతన అవకాశాలు లభిస్తాయి.
*కుంభం*
స్ధిరాస్తి విషయమై సోదరులతో ఊహించని వివాదాలు కలుగుతాయి. ఆర్థిక వాతావరణం సమస్యాత్మకంగా ఉంటుంది. కుటుంబ సభ్యులతో వివాదాలకు దూరంగా ఉండటం మంచిది. వ్యాపార విస్తరణ ప్రయత్నాలు నిరాశ కలిగిస్తాయి. జీవిత భాగస్వామితో స్వల్ప వివాదాలు కలుగుతాయి. ఆధ్యాత్మిక చింతన పెరుగుతుంది.
*మీనం*
దీర్ఘకాలిక ఋణాలు తీర్చగలుగుతారు. విలువైన వస్త్ర, ఆభరణాలు కొనుగోలు చేస్తారు. స్ధిరాస్తి సంభందిత వివాదాలు నుండి బయటపడతారు చేపట్టిన పనులు సకాలంలో పూర్తి చేస్తారు. వృత్తి ఉద్యోగాలలో ఆశించిన స్థానచలనాలుంటాయి. నిరుద్యోగులకు ఉన్నతావకాశములు లభిస్తాయి. వ్యాపార లావాదేవీలు అనుకూలిస్తాయి.
🕉️
మంచిఫలితాలనే
🕉️ *_-|¦¦|శుభోదయమ్|¦¦|-_* 🕉️
ॐ卐 *_-|¦¦|సుభాషితమ్|¦¦|-_* ॐ卐
𝕝𝕝శ్లో𝕝𝕝
*సుజీర్ణమన్నం సువిచక్షణః సుతః*
*సుశాసితా స్త్రీ నృపతిః సుసేవితః౹*
*సుచిన్త్య చోక్తం సువిచార్య యత్కృతం*
*సుదీర్ఘ కాలోపిన యాతి విక్రియామ్౹౹*
𝕝𝕝తా𝕝𝕝
బాగుగా జీర్ణమైన ఆహారం, వివేకియైన పుత్రుడు, సుశిక్షితురాలైన స్త్రీ, బాగుగా సేవింపబడిన రాజు, బాగుగా ఆలోచించి చెప్పిన మాట, విచారించి చేసిన పని - ఇవన్నీ ఎంతకాలం గడిచినా మంచిఫలితాలనే ఇస్తాయి.
చరిత్ర
*సమాచారం సేకరించిన మిత్రుడి కృషికి గొప్ప అభినందనలు, ఒక్కసారి చదవండి పదిమందికి పంపండి*🇳🇪 *బానిస రాజవంశం*
1 = 1193 *ముహమ్మద్ ఘోరి*
2 = 1206 *కుతుబుద్దీన్ ఐబాక్*
3 = 1210 *అరామ్ షా*
4 = 1211 *ఇల్టుట్మిష్*
5 = 1236 *రుక్నుద్దీన్ ఫిరోజ్ షా*
6 = 1236 *రజియా సుల్తాన్*
7 = 1240 *ముయిజుద్దీన్ బహ్రమ్ షా*
8 =1242 *అల్లావుద్దీన్ మసూద్ షా*
9 = 1246 *నాసిరుద్దీన్ మెహమూద్*
10 = 1266 *గియాసుడిన్ బల్బన్*
11 = 1286 *కై ఖుష్రో*
12 = 1287 *ముయిజుద్దీన్ కైకుబాద్*
13 = 1290 *షాముద్దీన్ కామర్స్*
1290 *బానిస రాజవంశం ముగుస్తుంది*
(ప్రభుత్వ కాలం - సుమారు 97 సం.)
*ఖిల్జీ రాజవంశం*
1 = 1290 జలాలుద్దీన్ *ఫిరోజ్ ఖిల్జీ*
2 = 1296 *అల్లాదీన్ ఖిల్జీ*
4 = 1316 *సహబుద్దీన్ ఒమర్ షా*
5 = 1316 *కుతుబుద్దీన్ ముబారక్ షా*
6 = 1320 *నాసిరుదిన్ ఖుస్రో షా*
7 = 1320 *ఖిల్జీ* *రాజవంశం ముగిసింది*
(ప్రభుత్వ కాలం - సుమారు 30 సం.)
*తుగ్లక్ రాజవంశం*
1 = 1320 *గయాసుద్దీన్ తుగ్లక్ I*
2 = 1325 *ముహమ్మద్ బిన్ తుగ్లక్ రెండవ*
3 = 1351 *ఫిరోజ్ షా తుగ్లక్*
4 = 1388 *గయాసుద్దీన్ తుగ్లక్ రెండవ*
5 = 1389 *అబూబకర్ షా*
6 = 1389 *ముహమ్మద్ తుగ్లక్ మూడవ*
7 = 1394 *సికందర్ షా మొదటి*
8 = 1394 *నాసిరుదిన్ షా దుస్రా*
9 = 1395 *నస్రత్ షా*
10 = 1399 *నాసిరుద్దీన్ మహమ్మద్ షా*
వెంటాడే రెండవ స్థానంలో ఉన్నారు
11 = 1413 *డోలత్ షా*
1414 *తుగ్లక్ రాజవంశం ముగుస్తుంది*
(ప్రభుత్వ కాలం - సుమారు 94 సం.)
*సయ్యిద్ రాజవంశం*
1 = 1414 *ఖిజ్ర్ ఖాన్*
2 = 1421 *ముయిజుద్దీన్ ముబారక్ షా రెండవ*
3 = 1434 *ముహమ్మద్ షా నాల్గవ*
4 = 1445 *అల్లావుద్దీన్ ఆలం షా*
1451 *సయీద్* *రాజవంశం ముగుస్తుంది*
(ప్రభుత్వ కాలం - సుమారు 37 సం.)
*అలోడి రాజవంశం*
1 = 1451 *బహ్లోల్ లోడి*
2 = 1489 *అలెగ్జాండర్ లోడి రెండవది*
3 = 1517 *ఇబ్రహీం లోడి*
1526 *లోడి రాజవంశం ముగుస్తుంది*
(ప్రభుత్వ కాలం - సుమారు 75 సం.)
*మొఘల్ రాజవంశం*
1 = 1526 *జహ్రుదిన్ బాబర్*
2 = 1530 *హుమయూన్*
1539 *మొఘల్ రాజవంశం సమయం ముగిసింది*
*సూరి రాజవంశం*
1 = 1539 *షేర్ షా సూరి*
2 = 1545 *ఇస్లాం షా సూరి*
3 = 1552 *మహమూద్ షా సూరి*
4 = 1553 *ఇబ్రహీం సూరి*
5 = 1554 *ఫిరుజ్ షా సూరి*
6 = 1554 *ముబారక్ ఖాన్ సూరి*
7 = 1555 *అలెగ్జాండర్ సూరి*
*సూరి రాజవంశం ముగుస్తుంది,*
(పాలన -16 సంవత్సరాలు సుమారు)
*మొఘల్ రాజవంశం పున ప్రారంభించబడింది*
1 = 1555 *హుమాయున్ మళ్ళీ సింహాసనం పైన*
2 = 1556 *జలాలుద్దీన్ అక్బర్*
3 = 1605 *జహంగీర్ సలీం*
4 = 1628 *షాజహాన్*
5 = 1659 u *రంగజేబు*
6 = 1707 *షా ఆలం మొదట*
7 = 1712 *జహదర్ షా*
8 = 1713 *ఫరూఖ్సియార్*
9 = 1719 *రైఫుడు రజత్*
10 = 1719 *రైఫుడ్ దౌలా*
11 = 1719 *నెకుషియార్*
12 = 1719 *మహమూద్ షా*
13 = 1748 *అహ్మద్ షా*
14 = 1754 *అలమ్గీర్*
15 = 1759 *షా ఆలం*
16 = 1806 *అక్బర్ షా*
17 = 1837 *బహదూర్ షా జాఫర్*
1857 *మొఘల్ రాజవంశం ముగుస్తుంది*
(ప్రభుత్వ కాలం - సుమారు 315 సంవత్సరాలు.)
*బ్రిటిష్ రాజ్ (వైస్రాయ్)*
1 = 1858 *లార్డ్ క్యానింగ్*
2 = 1862 *లార్డ్ జేమ్స్ బ్రూస్ ఎల్గిన్*
3 = 1864 *లార్డ్ జాహోన్ లోరెన్ష్*
4 = 1869 *లార్డ్ రిచర్డ్ మాయో*
5 = 1872 *లార్డ్ నార్త్బుక్*
6 = 1876 *లార్డ్ ఎడ్వర్డ్ లాటెన్లార్డ్*
7 = 1880 *లార్డ్ జార్జ్ రిపోన్*
8 = 1884 *లార్డ్ డఫెరిన్*
9 = 1888 *లార్డ్ హన్నీ లాన్స్డన్*
10 = 1894 *లార్డ్ విక్టర్ బ్రూస్ ఎల్గిన్*
11 = 1899 *లార్డ్ జార్జ్ కర్జన్*
12 = 1905 *లార్డ్ టివి గిల్బర్ట్ మింటో*
13 = 1910 *లార్డ్ చార్లెస్ హార్డింగ్*
14 = 1916 *లార్డ్ ఫ్రెడరిక్ సెల్మ్స్ఫోర్డ్*
15 = 1921 *లార్డ్ రూక్స్ ఐజాక్ రైడింగ్*
16 = 1926 *లార్డ్ ఎడ్వర్డ్ ఇర్విన్*
17 = 1931 *లార్డ్ ఫ్రీమాన్ వెల్లింగ్డన్*
18 = 1936 *లార్డ్ అలెగ్జాండర్ లిన్లిత్గో*
19 = 1943 *లార్డ్ ఆర్కిబాల్డ్ వేవెల్*
20 = 1947 *లార్డ్ మౌంట్ బాటన్*
*బ్రిటిషర్స్ పాలన సుమారు 90 సంవత్సరాలు ముగిసింది.*
*ఆజాద్ ఇండియా, ప్రధాని*
1 = 1947 *జవహర్లాల్ నెహ్రూ*
2 = 1964 *గుల్జారిలాల్ నందా*
3 = 1964 *లాల్ బహదూర్ శాస్త్రి*
4 = 1966 *గుల్జారిలాల్ నందా*
5 = 1966 *ఇందిరా గాంధీ*
6 = 1977 *మొరార్జీ దేశాయ్*
7 = 1979 *చరణ్ సింగ్*
8 = 1980 *ఇందిరా గాంధీ*
9 = 1984 *రాజీవ్ గాంధీ*
10 = 1989 *విశ్వనాథ్ ప్రతాప్సింగ్*
11 = 1990 *చంద్రశేఖర్*
12 = 1991 *పివి నరసింహారావు*
13 = *అటల్ బిహారీ వాజ్పేయి*
14 = 1996 *H.D. దేవగౌడ*
15 = 1997 *ఐకె గుజ్రాల్*
16 = 1998 AB *వాజ్పేయి*
17 =2004 Dr. *మన్మోహన్ సింగ్*
*18 = 2014 నుండి నరేంద్ర మోడీ*
*764 సంవత్సరాల తరువాత,పరదేశీ మరియు బ్రిటిష్ వారి బానిసత్వం నుండి స్వేచ్ఛ పొందబడింది.*
*సుమారు "800" సంవత్సరాలు భారతదశాన్ని మహమ్మదీయలు పరిపాలించారు.*
*ఇప్పుడు చెప్పండి ఎవరు మైనారిటీలు ?.*
*ఈ ముఖ్యమైన సమాచారాన్ని యువకులందరి దృష్టిలో వీలైనన్ని సమూహాలలో పంపండి...*
*మనం "1000" సంవత్సరాలు కొన్ని కోట్ల మంది పోరాటం ఫలితంగా ఈ దేశం ఇంకా దేశంగా మనుగడలో ఉన్నది.*
*మన భారతీయ సంస్కృతిని,ధర్మాన్ని అనుసరించి, కులమత బేదాలను విడనాడి ఐక్యఅతను, సమరసతను కాపాడుకోవాలి, స్థిరంగా, దృఢంగా అభివృద్ధి సాధించాలి.*
*చదువుకోండి చరిత్ర కోసం మరో పదిమందికి షేర్ చెయ్యండి,మిత్రులారా ఇది సేకరించి పంపించిన మహానుభావుడికి ఎంత సమయం పట్టిందో,ఆయన శ్రమ వృధా కాకూడదు.*
🙏🙏
రామాయణమ్ 339
రామాయణమ్ 339
...
అతడు పరాక్రమవంతుడు
అతడు ధర్మమూర్తి
అతని బాణమునకు ఎదురులేదు
అతనితో మనకేల వైరము
ఆతని భార్యను ఆతనికిచ్చివేయుము!
.
నీవే స్వయముగా తీసుకొని వెళ్ళి ఆయన భార్యను ఆయనకు అప్పగించుము అదే మనకు శ్రేయస్కరము!
.
నేను నీ బంధువు అగుట చేత బ్రతిమిలాడుచున్నాను ,నా మాట వినుము ..నీకు హితమును గూర్చు సత్యమునే పలుకుచున్నాను.
.
రామ శరము నీ శిరములను ఎగురగొట్టకముందే అతని ప్రియసతిని అతనికి తిరిగి ఇచ్చివేయుము!
.
అన్నా ! ధర్మమును నశింపచేయు కోపమును విడిచిపెట్టుము..ధర్మమార్గములో ప్రయాణము నీకు కీర్తిని ,యశస్సును పెంపొందింపగలదు.
.
నీవు, మేము, మనము అందరమూ సుఖముగా జీవించగలము !
.
అని పలికిన విభీషణుని పలుకుల విని మారుమాటాడక అందరినీ పంపి వేసి తన ఇంటిలోనికి వెడలిపోయినాడు రావణుడు.
.
అది ప్రాతః కాలము మరల విభీషణుడు రావణునుని గృహమునకు వెళ్ళెను.
.
NB
.
కామందక నీతి.
.
ఏ శత్రువు పై విజయము సాధించవచ్చు ..(తరువాయి భాగము)..ఏ partyని ఓడించవచ్చు
.
ప్రజల విశ్వాసము కోల్పోయినవాడు
.
ఇంద్రియ లోలుడై విషయభోగాల పట్ల అతిగా ఆసక్తి కలవాడు.
.
భిన్నాభిప్రాయాలతో ఒకరంటే ఒకరికి పడని మంత్రిమండలి కలవాడు.( ఏకతాటిమీద తన ministers లేని పాలక పార్టీలు)
.
విద్యావంతులను ,మేధావులను అవమానించువాడు. ( intellectuals ను insult చేసే పార్టీలు)
.
దైవ బలము లేనివాడు
.
కరువు కాటకాలతో అల్లలాడుచున్న దేశమును పాలించువాడు
.
సైన్యములో కలతలు ఉన్నవాడు (తన కాడర్ లో కలతలు ).
.
తన దేశములోతానుండని వాడు.
.
ఒకేసారి అనేకమంది చుట్టుముట్టినప్పుడు..(.united political fronts.).
.
మరణము ఆసన్నమైనవాడు (వృద్ధుడైనప్పుడు).
.
ఈ విధమైన పరిస్థితులు ఉన్నప్పుడు శత్రువుమీద విజయము సాధించవచ్చు.
.
వూటుకూరు జానకిరామారావు
తిరుమలలో
తిరుమలలో కన్నుల పండుగగా ”భాగ్ సవారి”
తిరుమల, 2023 సెప్టెంబరు 27: శ్రీ వేంకటేశ్వరస్వామివారికి తిరుమలలో సంవత్సరంలో నిర్వహించే అనేకానేక ఉత్సవాలలో ఒకటైన ”భాగ్సవారి” ఉత్సవం బుధవారం సాయంత్రం అత్యంత వైభవంగా జరిగింది.
శ్రీవారి వార్షిక బ్రహ్మోత్సవాలు పూర్తి అయిన మరుసటిరోజు ”భాగ్సవారి” ఉత్సవం నిర్వహించడం ఆనవాయితీ. పురాణ ప్రాశస్త్యం నేపథ్యంలో స్వామివారి భక్తాగ్రేసరుడైన శ్రీఅనంతాళ్వారుల భక్తిని పరీక్షించడానికి శ్రీదేవి సమేతంగా స్వామివారు అనంతాళ్వారు పూదోటకు మానవ రూపంలో విచ్చేస్తారు. తన పూదోటలో పూలు కోస్తున్న అమ్మవారిని అనంతాళ్వారువారు అశ్వత్త వృక్షానికి బంధిస్తాడు. అయితే స్వామివారిని పట్టుకోబోగా అప్రదక్షణ దిశలో పారిపోయి ఆలయంలో ప్రేవేశించి మాయమైపోతారు.
అనంతరం అనంతాళ్వారులు తన భక్తిని పరీక్షించడానికి విచ్చేసినది సాక్షాత్తు స్వామివారేనని విషయం గ్రహించి పశ్చాత్తాపపడుతాడు. వెంటనే అమ్మవారిని బంధీనుండి విముక్తురాలుని చేసి, పూల బుట్టలో కూర్చోబెట్టి స్వయంగా స్వామివారి చెంతకు చేరవేస్తాడు. తన భక్తునియొక్క భక్తికి మెచ్చి స్వామివారు అతని కోరిక మేరకు బ్రహ్మోత్సవాల మరునాడు తాను అనంతాళ్వారుల తోటలోనికి అప్రదక్షణంగా విచ్చేసి తిరిగి ఆలయంలోనికి ప్రవేశిస్తానని అభయమిచ్చాడు.
ఈ నేపథ్యాన్ని పురస్కరించుకొని నిర్వహించే ఈ ”భాగ్సవారి” ఉత్సవం ఆద్యంతం ఆసక్తికరంగా సాగింది. స్వామివారు సాయంత్రం 4.30 గంటలకు వైభవోత్సవ మండపం నుండి బయలుదేరి అప్రదక్షిణంగా అనంతాళ్వారు తోటకు చేరి అక్కడ ప్రత్యేక పూజలందుకొని తిరిగి ఆలయంలోనికి ప్రవేశించడంతో ఈ కార్యక్రమం ఘనంగా ముగిసింది.
అంతకుముందు శ్రీవారి ఆలయానికి నైరుతి దిశగా ఉన్న పురుశైవారి తోటలో అనంతాళ్వారు వంశీకులు భాగ్సవారి ఉత్సవం సందర్భంగా నాళాయరా దివ్య ప్రబంధం నిర్వహించారు.
ఈ కార్యక్రమంలో తిరుమల శ్రీశ్రీశ్రీ పెద్దజీయర్స్వామి, తిరుమల శ్రీశ్రీశ్రీ చిన్నజీయర్స్వామి, పేష్కార్ శ్రీ శ్రీహరి, పార్ఫతేదార్ శ్రీ తులసీ ప్రసాద్, శ్రీవారి భక్తులు పాల్గొన్నారు.
చిల్లర
ఒక ఊర్లో మంచి పేరు ప్రతిష్టలు కలిగిన పండితుడు ఒకాయన ఉండేవాడు.
చాలా చక్కని వాక్పటిమ గలవాడు.
ఆయన ఆలయం ఆవరణలో కూర్చొని ప్రవచనం చెబుతూ వుంటే
వేలమంది జనం అలా కదలకుండా బొమ్మల్లా వింటూ ఉండిపోయేవాళ్ళు.
ఆయన ప్రఖ్యాతి చుట్టుపక్కల చాలా గ్రామాల్లో వ్యాపించింది.
ఒకసారి ఆయన ప్రవచనం నిమిత్తం పొరుగూరు వెళ్ళవలసి వచ్చింది.
ఆ ఊరు వెళ్ళే బస్సు ఎక్కి టికెట్ తీసుకున్నాడు.
అయితే పొరపాటున బస్సు కండక్టర్ 10 రూపాయలు ఎక్కువ ఇచ్చాడు.
పండితుడు అది గమనించి తిరిగి ఇవ్వాలని యోచించాడు.
కానీ బస్సునిండా జనం కిక్కిరిసి ఉండటంతో,
దిగేటప్పుడు ఇద్దాంలే అనుకుని కూర్చున్నాడు.
కొద్ది సేపు తరువాత అతని మనసులొ ఆలోచనలు మారాయి.
'ఆ కండక్టరు కూడా ఎంతమంది దగ్గర చిల్లర కొట్టేయడం లేదు.
ఈ బస్సు కూడా ఒక సంస్థదే కదా! ఎంత మంది తినటంలేదు?
నా పది రూపాయలకే నష్టపోతుందా ఏమిటి?
ఈ పది రూపాయలు ఏదైనా దైవ కార్యనికి ఉపయోగిస్తా......'
అని అనుకుని మౌనంగా కూర్చున్నాడు.
అంతలో వూరు వచ్చింది.... బస్సు ఆగింది.
కానీ ఆయన దిగేటప్పుడు బస్సు కండక్టర్ దగ్గరికి రాగానే
తన ప్రమేయం ఏమాత్రం లేకుండా అసంకల్పితంగా
కండక్టరుకు ఇవ్వవలిసిన పది రూపాయలు ఇచ్చి
"మీరు నాకు టికెట్ ఇచ్చేటప్పుడు ఇవి ఎక్కువగా ఇచ్చారు" అన్నాడు.
దానికి ఆ కండక్టర్ "అయ్యా! నేను మీ ప్రవచనాలు ఎంతో శ్రద్ధగా వింటాను.
మీరు చెప్పడంతోటే సరిపెట్టుకుంటారా లేక పాటిస్తారా
అని చిన్న పరీక్ష చేశాను" అని అన్నాడు.
పండితుడు చల్లటి చిరు చెమటలతో బస్సు దిగి
'పది రూపాయల కోసం తుచ్ఛమైన ఆశతో
నా విలువలకే తిలోదకాలు ఇవ్వబోయాను...
నా అదృష్టం బాగుంది.
నా మనస్సాక్షి సరైన సమయంలో సరియైన నిర్ణయం తీసుకొని
నా విలువలను కాపాడింది' అనుకున్నాడు.
జీవిత కాలం పాటు సంపాదించుకున్న మంచితనం కూడా
సర్వనాశనం కావడానికి
క్షణం చాలు
