12, డిసెంబర్ 2021, ఆదివారం

అహం

 *అహం*


కొన్ని విషయాలను బాగా గమనించండి... 

ఊపిరి పీల్చడం మన ప్రమేయం లేకుండా జరుగుతోంది. 

కనురెప్పలు వేయటం మన అనుమతితో జరగటం లేదు.

మరుక్షణం ఏమి చేస్తామో తెలీదు..?

ఇంకా కొన్ని అసంకల్పితంగా మననుంచి ఎన్నో జరుగుతున్నాయి. ప్రతీ క్షణం మన శరీరంలో ఎన్నో వేల మార్పులు జరుగుతున్నా...

మనకు వీటిపైన ఎలాంటి నిర్ణయం, నియంత్రణ 

లేకున్నా. 'అన్నీ నేనే చేస్తున్నాను' అని కేవలం భావిస్తాము. ఇలాంటి భావననే *అహము* అని గీతలో శ్రీ కృష్ణుడు చెప్పాడు. అహము అంటే ఇప్పటికీ మనిషికి అర్థము కాకుండా ఉంది.

ఈ అహాన్ని గుర్తించటం పెద్ద పెద్ద స్వాములకు కూడా వీలుకాకుండా ఉన్నది. ప్రతీ క్షణం... మన కర్మ ప్రకారం జరిగే పనుల్ని మనిషి నేను చేసాను అని అనుకోవడమే 'అహము'. వేటి మీదా మన ప్రమేయం లేదు. అని తెలుపుటకు ఉదాహరణకోసమే. మన ఊపిరిని, కనురెప్పలను అసంకల్పితంగా జరిగేలా ప్రత్యక్ష సాక్షంగా దేవుడు నిలిపాడు. అయినా ఇవేవీ అర్ధము చేసుకోక, మనిషి అంతా 'నేనే చేస్తున్నాను' అనే గొప్పలు పోతాడు... అహాన్ని గుర్తించటమే కర్మయోగము. మరి ఇవన్నీ చేస్తోంది ఎవరు? ఇన్ని పనులను చేసేది ఒక్కడే... 'ఆత్మ'. 

ఈ ఆత్మనే అందరిలో గలదు అని గీతయందు చెప్పారు. ఒక్కో మనిషి కర్మను బట్టి... ఆత్మ ఒక్కోలా ప్రవర్తిస్తుంది. కర్మ ప్రకారమే మనిషి కష్టమైనా, సుఖమైనా... వీటి అనుభవాలు అహం ద్వారా మనకు తాకుతున్నాయి... అసలు అహమే లేకుంటే వీటి రెండింటిని మనము పొందకుండా కర్మయోగులము అవుతాము. కాబట్టి అహముపై ధ్యాస పెట్టి మన లోపలి అహము చెప్పే మాటలు వినకపోతే అప్పుడు నువ్వు కర్మయోగివై...

శ్రీ కృష్ణుడి ప్రియశిష్యుడవు అవుతావు.


_సేకరణ_

11, డిసెంబర్ 2021, శనివారం

సైన్ధవ లవణం యొక్క ఉపయోగాలు -

 సైన్ధవ లవణం యొక్క ఉపయోగాలు - 


 * ఈ సైన్ధవ లవణం కొంచం మధురంగా ఉండును. 


 * శుక్రాన్ని వృద్దిచేయును .


 * హృదయముకు బలమును ఇచ్చును. 


 * శరీరం నందు వాత,పిత్త,కఫ దోషములను పొగొట్టును.


 * శరీరం నందు కొంచం ఉష్ణం కలుగచేయును .


 * నేత్రములకు మంచి ఉపకారం చేయును . 


 * శరీరం నందు జీర్ణశక్తిని వృద్దిచేయును .


 * వాతాన్ని హరించును .


 * వ్రణాలను తగ్గించును . 


 * శరీరం నందు పైత్యం హరించును . 


 * దీనిని వాడటం వలన మలబద్దకం హరించును . 


 * గ్యాస్ పట్టినప్పుడు దీనిని గోరువెచ్చటి నీటిలో కలిపి త్రాగించి వాంతి చేయించిన ఉదరం శుభ్రపడును . 


 * ఒక చెంచా చనుబాలలో చిటికెలో పావు వంతు సైన్ధవ లవణం కలిపి కంటిలో 2 చుక్కలచొప్పున వేయుచుండిన కంటి సమస్యలు నివారణ అగును. 


  గమనిక - 


      దీనిని అమితముగా పుచ్చుకున్న పైత్యం చేయును . అతిసార వ్యాధిని కలుగచేయును .


                       అతిత్వరలో నా మూడోవ గ్రంధం 

" సర్వ మూలికా చింతామణి " ప్రధమ భాగం రాబోతుంది. ఈ గ్రంధంలో అత్యంత రహస్య మూలికా యోగాల గురించి మరియు ప్రతి ఔషధ మొక్క గురించి అత్యంత విపులంగా రాయడం జరిగింది. ఆ సర్వేశ్వరుడి కృప వలన అతి త్వరలో మీకు అందచేస్తాను . ఈ గ్రంథంలో ఔషధ మొక్కల రంగుల చిత్రాలతోపాటు అత్యంత నాణ్యతతో వస్తుంది . 


              కాళహస్తి వేంకటేశ్వరరావు 


           అనువంశిక ఆయుర్వేద వైద్యులు .


                   9885030034

మల్లెచెట్టు మహావృక్షమైతుందా !

 మల్లెచెట్టు మహావృక్షమైతుందా !

.....................................................................


సోమన దాక్షారామ సమీపంలోని వేములవాడ అగ్రహారంలో జీవించేవాడు. ఇతను సకలశాస్త్రపారంగతుడు, పండితుడు కాని పూటగడవని నిరుపేద. అతనిభార్య ఉత్తమఇల్లాలు భారతరామాయణాలు శివపురాణాలు చదువుకొంది.ఈమెకు సంగీతంలో ప్రవేశంవుంది. విధిబలీయమైనది.సంతానయోగం లేకనే చిన్నవయసులోనే సోమన అనారోగ్యంపాలై మరణించాడు.భర్త మరణాంతరం భార్య ఉదరపోషణార్థం సాటిబ్రాహ్మణులలో ఇండ్లలో పిల్లలకు రామాయణభారతభాగవత శివపురాణ ఇతిహాసాలను చెప్పుకొంటూ వారికి పాటలు పద్యాలు నేర్పిస్తూ వుండేది.


ఒకసారి శివరాత్రిపర్వదినాన వేములవాడ గ్రామమహిళలు కొందరు దాక్షారామంలోని భీమేశ్వరస్వామిని దర్శించుకోటానికి వెళ్ళారు.సోమన భార్య కూడా వారితోపాటు భీమేశ్వరదర్శనానికి వెళ్లింది. ముత్తయిదువులలో కొందరు సోమనభార్య వయసువారు, కాని నిస్సంతులు తమకు సంతానం కలగాలని వారు పార్వతీనాథుని వేడుకొన్నారు. సోమనభార్యను చూచి నువ్వు కూడా ఏదైనా వరం కోరుకోమని సరదాగా ఆటపట్టించారు. నాక్కూడా కడుపుపండితే పుట్టెడు నీళ్ళతో దీపారాధాన చేయిస్తానని మొక్కుకొంది. ఆమె కోరిక విని భర్తలేని నీకు పిల్లలెలా కలుగుతారని అందరూ పక్కున నవ్వారు. సోమనభార్య కూడా నవ్వింది. ఊరికి వెళ్లిన తరువాత ఎవరి సంసారంలో వారు పడి తాము భీమేశ్వరదేవుని కోరిన కోర్కెలు మరచిపోయారు.


కాని దేవుడి మహిమలు విచిత్రమైనవి. కొన్నాళ్ళకు సోమనభార్యకు చూలు నిలిచింది. ముండ యాగటైందని ఇంట్లోవారు ఊర్లోవారు బుగ్గలు నొక్కుకున్నారు. ఆమెమాత్రం వేములవాడ భీమలింగేశ్వరుని మీద భారంవేసి ఏం జరిగితే అదే జరగనీ అని ఊరకనే వుండిపోయింది. ఒక శుభముహుర్తాన పండంటి మగబిడ్దకు జన్మనిచ్చింది.దాంతో అగ్రహారీకులలో కొందరు ఆమెను దూరం పెట్టేశారు. అయినా ఆమె వెరవక బాలుడిని పెంచసాగింది.వేములవాడ భీమేశ్వరదేవర వరప్రసాదం కాబట్టి బాలునికి భీమన అనేపేరు పెట్టింది.


బాలుడు పెరిగి పెద్దవాడు కాసాగాడు. తల్లి దగ్గరే విద్యాబుద్ధులు నేర్చుకోసాగాడు. భీమన ఒకరోజున తోటి పిల్లలతో ఆడుకొనేటందుకు వీధిలోకి వెళ్ళాడు. నీకు నాన్నలేడు నువ్ ముండకొడుకంటూ భీమనను ఎగతాళిచేశారు. భీమనకు ఏడుపొచ్చింది, తండ్రెవరో తెలుసుకోవాలని తల్లిదగ్గరకు పరుగిడిపోయాడు. తన తండ్రెవరంటూ తల్లిని నిలదీశాడు.


తల్లికి ఏం చెప్పాలో తోచక, వేములవాడ భీమేశ్వర నీతండ్రని చెప్పింది. భీమన క్షణం ఆలస్యం చేయకుండా భీమేశ్వరాలయం చేరి, శివలింగాన్ని గట్టిగా కౌగలించుకొని నాన్నానాన్నా అంటూ గట్టిగా పిలవసాగాడు. అలా ఎంతసేపు పిలిచాడో కాని భక్తవరశంకరుడు బాలుని ముందు ప్రత్యక్షమై నాయనా నీవు నా వరప్రసాదవి. ఈ సంగతి అందరికి చెప్పు ఇకనుండి నిన్ను ఎవరు అనరు. నీకు చక్కని నోటివాక్కును ప్రసాదిస్తున్న నిన్ను ఎగతాళి చేసిన వారిపట్ల నువ్ ఏమంటే అది ఫలిస్తుందంటూ చెప్పి, అంతేకాదు ఇకనుండి నువ్వాడిందే ఆట నువ్ పాడిందేపాట ఆవుతుందంటూఆశీర్వదించాడు. భీమన నాటినుండి భీమేశ్వరుడిగా మారిపోయాడు.


బాలుడు సంతోషంతో ఊరిని చేరుకొన్నాడు. ఊర్లో బ్రాహ్మణ అన్నసంతర్పణ జరుగుతోంది. ఆకలిగా వుంటే వెళ్ళి బంతిలో కూచోబోయాడు. వడ్డించేవారు ఛీదరించుకొని విధవ కొడుకును ఎవడ్రా లోపలికి రానించిందంటూ కేకలు వేశారు.భీమనకు కోపం వచ్చింది, పందిరిలోని అన్నమంతా సున్నం, అప్పాలు - కప్పలు కావాలంటూ శపించాడు. అంతే విస్తరాకులలోని అన్నం సున్నంగాను అత్తిరసాలు/అప్పాలు కప్పలుగాను మారిపోయాయి. అన్నసంతర్పణ నిర్వాహంకులు లబోదిబోమన్నారు. భీమనతో క్షమాపణలు అడిగారు, భీమన శాంతించి సున్నమంతా అన్నంగాను, కప్పలన్ని అప్పాలుగాను మారాలని కోరుకొన్నాడు. అవన్ని అంతలోనే అన్నంగాను అప్పాలుగా మారిపోయాయి. వారా బాలుడిని అన్నబంతిలో కూర్చోబెట్టి అతనికేమేమి కావాలో అన్ని దగ్గరుండి వడ్డించారు.


ఆ బాలుడు పెరిగిపెద్దవాడైనాడు, తండ్రిలాగా సకలశాస్త్రాలు నేర్చి సంస్కృతాంధ్రభాషలలో గొప్పకవిగా రాణించాడు. నోటి వాక్కుతో ఎన్నో అద్భుతాలు చూపాడు.


ఒకసారి భీమలింగకవి రాజైన చొక్కభూపాలుని అస్థానానికి వెళ్ళాడు. రాజుతోపాటుగా ఉద్యానవనంలో విహరించాడు. రాజు ఒక తిన్నెపై కూర్చుని ఒక కాలును మల్లెచెట్టు కొమ్మపై వుంచి కూర్చున్నాడు. మహాకవి నీ నోటిమాట ఫలిస్తుందని అందరూ అంటారుగా ఏది ఈ మల్లెచెట్టును మహావృక్షంగా మార్చుచూద్దామన్నాడు. రాజు తనను తనను పరీక్షించాలని అనుకొంటున్నాడని భీమలింగకవి కింది పద్యాన్ని ఆశువుగా చెప్పాడు.


శా॥ ఆనీతాభ్యుపదానళృంఖలపదాభ్యాలంబితస్తంభమా !

నేనే వేములవాడ భీమకవినేనిజిత్రకూటంబులో

భూనవ్యాపితపల్లవోద్భవమహాపష్పోపగుచ్చంబులన్

నానాపక్వఫలప్రదాయి వగుమా నాకల్పవృక్షాకృతిన్.


అంతే చూస్తుండగానే ఆ మల్లెచెట్టు శాఖోపశాఖలుగా పెరిగి, మహవృక్షమైపోయింది. ఆ చెట్టు మొదట్లో రాజు కాలు ఇరుక్కుపోయింది. రాజు బాధతో అల్లాడిపోయి, ఆ పెద్దచెట్టును మామూలు మల్లెచెట్టుగా చేయమని కవిని ప్రార్థించాడు.


భీమకవి చిరునవ్వుతో కింది పద్యం చెప్పాడు.


ఉ॥

శంభువరప్రసాదకవిసంఘవరేణ్యుఁడ నైన నావచో

గుంభన చేయ నెంతొ యనుకూలత నొంది తనూనభావనన్

గుంభినజొక్క నామనృపకుంజరుపందిటిమల్లెసాలకున్

స్తంభమురీతి నీతనువుఁ దాలిచి యెప్పటియట్ల యుండుమా!


అశ్ఛర్యంగా అంత పెద్దచెట్టు పద్యం పూర్తైయ్యేలోపుగా పూర్వపు మల్లెచెట్టుగా మారిపోయింది. రాజు బ్రతుకు జీవుడా అంటూ మల్లెపొదలోనుండి కాలును బయటకు తీసేసుకొని కవికి నమస్కరించాడు.

.................................................................................. జిబి.విశ్వనాథ.9441245857. అనంతపురం.

కాశీ.

 కాశీ.....🛕🙏💐


కాశీ వైభవాన్ని పూర్తిగా తెలపడం దేవతలకు కూడా సాధ్యం కాదు. సముద్రం నుండి నీటి బిందువు లాంటి సంక్షిప్త సమాచారం...


కాశీ పట్టణం గొడుగు లాంటి పంచ క్రోశాల పరిధి లో ఏర్పడ్డ భూభాగం. ఇది లింగం లాంటి పరమేశ్వర స్వరూపం కలిగి ధనుస్సాకారం లో ఉంటుంది. కాశీ బ్రహ్మ దేవుని సృష్టి లోనిది కాదు. 


విష్ణు మూర్తి హృదయం నుండి వెలువడి, సృష్టి ఆరంభంలో శివుడు నిర్మించుకున్న 

ప్రత్యేక స్థలం.


ప్రపంచానికి ఆధ్యాత్మిక రాజధాని. 

ప్రపంచ సాంస్కృతిక నగరం.

స్వయంగా శివుడు నివాసముండె నగరం.


ప్రళయ కాలంలో మునగని అతి ప్రాచీన పట్టణం. శివుడు ప్రళయ కాలంలో తన త్రిశూలంతో కాశీని పైకెత్తి కాపాడతాడు. 


కాశీ భువి పైన సప్త మోక్ష ద్వారాలలో ఒకటి, కాశీ పన్నెందు జోతిర్లింగాలలో కెల్లా శ్రేష్ఠమైనది. పద్నాలుగు భువన భాండాలలో విశేషమైన స్థలం.


కాశీలో గంగా స్నానం,బిందు మాధవ దర్శనం, అనంతరం మొదట డిండి వినాయకుడు, విశ్వనాథుడు,విశాలాక్షి, 

కాలభైరవ దర్శనము 

అతి ముఖ్యం....


ఎన్నో జన్మల పుణ్యం ఉంటే తప్ప క్షేత్ర పాలకుడు బైరవుడు జీవిని కాశీ లోనికి అనుమతించడు. కాశీలో మరణించిన వారికీ యమ బాధ పునర్ జన్మ ఉండదు.


కాశీ ప్రవేశించిన జీవి యొక్క చిట్టా చిత్రాగుప్తుని నుండి మాయం అయి కాలభైరవుని వద్దకు చేరుతుంది....

డిండి గణపతి, కాల భైరవుడు పరిశీలించి యమ యాతన కంటే 32 రేట్లు అధిక శిక్షలు విధించి మరు జన్మ లేకుండా చేస్తాడు ...


కాబట్టే కాశీలో కాల భైరవ దర్శనం తరవాత పూజారులు వీపు పై కర్రతో కొట్టి దర్శించిన వారు కాశీ దాటి వెళ్లి పోయినా పాపాలు అంటకుండా రక్ష నల్లని కాశి దారం కడతారు.


కాశీ వాసం చేసే వారికి సమస్త యాగాలు, తపస్సులు చేసిన పుణ్యంతో పాటు అన్ని చక్రాలు ఉత్తేజితమైతాయి.కాశీలో మరణించిన ప్రతి జీవికి శివుడు దర్శనమిచ్చి వారి కుడి చెవిలో తారక మంత్రం పలికి మోక్షం ప్రసాదిస్తాడు.


అందుకే కాశ్యాన్తు మరణాన్ ముక్తి అని శాస్త్ర వచనం కాబట్టే చివరి జీవితం చాలా మంది కాశీలో గడుపుతారు.

మరణించిన వారి ఆస్తికలు కాశి గంగలో కలిపితే గతించిన వారు మళ్ళీ కాశీలో జన్మించి స్వయంగా విశ్వనాథునిచే ఉద్దరింప బడతారు.


గోముఖం నుండి బయలుదేరే గంగమ్మ విచిత్రంగా దారి మళ్లి దక్షిణ దిశగా ప్రవహించి దన్నుసాకారపు కాశీి పట్టణాన్ని చుట్టి తిరిగి తన దారిలో ప్రవహిస్తుంది ఎంత కరువు వచ్చినా గంగమ్మ కాశీ ఘాట్లను వదిలి దూరం జరగలేదు.


శివుని కాశీలోని కొన్ని వింతలు.

కాశీలో గ్రద్దలు ఎగరవు, గోవులు పొడవవు, బల్లులు అరవవు, శవాలు వాసన పట్టవు, కాశీలో మరణించిన ప్రతి జీవి కుడి చెవి పైకి లేచి ఉంటుంది.


కాశీలో మందిరం చుట్టూ అనేక చిన్న తోవ సందులు కలిగి అట్టి సందులు అనేక వలయాకారాల్లో చుట్టినట్టు ఉండి ఒక పద్మవ్యూహం లాగా కొత్త వారికీ జాడ దొరకకుండా ఉంటుంది.


కానీ పూర్వం ఇక్కడ అనేక సుందర వనాలు, పూలచెట్ల మధ్య ఉన్న మందిరాన్ని విదేశీ దండ యాత్రికుల దాడుల నుండి కాపాడుకోవడానికి ప్రజలంతా గుడి చుట్టూ పెద్ద పెద్ద బంగళాలు కట్టి శత్రు సైనికులకు దారి లేకుండా చేసినారు. అనేక దేశాల నుండి పెద్ద పెద్ద శాస్త్ర వేత్తలు వచ్చి కాశీి లో అనేక రీసెర్చ్ లు జరిపి ఆశ్చర్య పోయ్యారు. 


అస్సలు ఈ కాస్మోర్స్ ఎక్కడి నిండి వస్తున్నాయి, అప్పటి పూర్వికులు శక్తి చలనం వున్న చోటల్లా మందిరాలు నిర్మించారు 

అంత పరిజ్ఞానం ఆ రోజుల్లో వారికీ ఎక్కడిది అని ఆశ్చర్యానికి గురైనారు.


కాశీి విశ్వేశ్వరునికి శవ భస్మ లేపనంతో పూజ ప్రారంభిస్తారు, కాశీలోని పరాన్న భుక్తేశ్వరుణ్ణి దర్శిస్తే జీవికి పరుల అన్నం తిన్న ఋణం నుండి ముక్తి లభిస్తుంది.


కాశీ క్షేత్రంలో పుణ్యం చేస్తే కోటి రెట్ల ఫలితం ఉంటుంది, పాపం చేసినా కోటి రెట్ల పాపం అంటుతుంది.


విశ్వనాథుణ్ణి అభిషేకించిన తరవాత చేతి రేఖలు మారిపోతాయి.


ఇక్కడి శక్తి పీఠం విశాలాక్షి అమ్మవారు జగత్ అంతటికీ అన్నం పెట్టే అన్నపూర్ణ దేవి నివాస స్థలం కాశి. ప్రపంచంలోని అన్ని భాషలకు తల్లి అయిన అతి ప్రాచీన సంస్కృత పీఠం కాశీిలోనే వున్నది.


కాశీలో గంగమ్మ తీరాన 84 ఘాట్లు వున్నాయి... ఇందులో దేవతలు, ఋషులు, రాజులతో పాటు ఎందరో తమ తపశ్శక్తితో నిర్మించినవి 

ఎన్నో వున్నాయి. 


అందులో కొన్ని.....


1) దశాశ్వమేధ ఘాట్...


బ్రహ్మ దేవుడు 10 సార్లు అశ్వమేధ యాగం చేసినది ఇక్కడే. రోజూ సాయకాలం విశేషమైన గంగా హారతి జరుగుతున్నది.


2) ప్రయాగ్ ఘాట్...


ఇక్కడ భూగర్భంలో గంగతో యమునా,సరస్వతిలు కలుస్తాయి.


3) సోమేశ్వర్ ఘాట్...


చంద్రుని చేత నిర్మితమైనది.


4) మీర్ ఘాట్...


సతీదేవీ కన్ను పడిన స్థలం. విశాలాక్షి దేవి శక్తి పీఠం. ఇక్కడే యముడు ప్రతిష్టించిన లింగం ఉంటుంది.


5) నేపాలీ ఘాట్...


పశుపతి నాథ్ మందిరం బంగారు కలశంతో నేపాల్ రాజు కట్టినాడు.


6) మణి కర్ణికా ఘాట్...


ఇది కాశీలో మొట్ట మొదటిది. 

దీనిని విష్ణు దేవుడు స్వయంగా సుదర్శన చక్రంతో తవ్వి నిర్మించాడు. ఇక్కడ సకల దేవతలు స్నానం చేస్తారు.

ఇక్కడ గంగ నిర్మలంగా పారుతుంది. 

ఇక్కడ మధ్యాహ్నం సమయంలో ఎవరైనా సుచేల స్నానం చేస్తే వారికి జన్మ జన్మల పాపాలు తొలిగి పోతాయి. జీవికి ఎంత పుణ్యం ప్రాప్తిస్తుందో చతుర్ ముఖ బ్రహ్మ దేవుడు కూడా వర్ణించలేడట.


7) విష్వేవర్ ఘాట్...


ఇప్పుడు సింధియా ఘాట్ అంటారు. 

ఇక్కడే అహల్యా బాయి తప్పసు చేసింది. ఇక్కడ స్నానం చేసే బిందు మాధవుణ్ణి దర్శిస్తారు.


😎 పంచ గంగా ఘాట్...


ఇక్కడే భూగర్భం నుండి గంగలో 5 నదులు కలుస్తాయి.


9) గాయ్ ఘాట్...


గోపూజ జరుగుతున్నది.


10) తులసి ఘాట్...


తులసి దాస్ సాధన చేసి రామాచరిత మానస్ లిఖించమని శివుని ఆదేశం పొందినది.


11) హనుమాన్ ఘాట్...


ఇక్కడ జరిగే రామ కథ వినడానికి హనుమంతుడు వస్తుంటాడు. ఇక్కడే సూర్యుడు తపస్సు చేసి అనేక శక్తులు పొందిన లోలార్క్ కుండం వున్నది ఇక్కడే శ్రీ వల్లభాచార్యులు జన్మించారు.


12) అస్సి ఘాట్...


పూర్వం దుర్గా దేవి శుంభ, నిశుంభ అను రాక్షసులను చంపి అట్టి ఖడ్గంను వెయ్యడం వల్ల ఇక్కడ ఒక తీర్థం ఉద్బవించింది.


13) హరిశ్చంద్ర ఘాట్...


సర్వం పోగొట్టుకొని హరిశ్చంద్రుడు ఇక్కడ శవ దహన కూలీగా పని చేసి దైవ పరీక్షలో నెగ్గి తన రాజ్యాన్ని పొందినాడు. నేటికి ఇక్కడ నిత్యం చితి కాలుతూ ఉంటుంది...


14) మానస సరోవర్ ఘాట్...


ఇక్కడ కైలాసపర్వతం నుండి భూగర్భ జలధార కలుస్తున్నది. ఇక్కడ స్నానం చేస్తే కైలాస పర్వతం చుట్టిన పుణ్యం లభిస్తున్నది.


15) నారద ఘాట్.. 


నారదుడు లింగం స్థాపించాడు.


16) చౌతస్సి ఘాట్...


ఇక్కడే స్కంధపురాణం ప్రకారం ఇక్కడ 

64 యోగినిలు తపస్సు చేసినారు.

ఇది దత్తాత్రేయునికి ప్రీతి గల స్థలం... 

ఇక్కడ స్నానం చేస్తే పాపాలు తొలిగి 

64 యోగినుల శక్తులు ప్రాప్తిస్తాయి.


17) రానా మహల్ ఘాట్...


ఇక్కడే పూర్వం బ్రహ్మ దేవుడు సృష్టి కార్యంలో కలిగే విఘ్నాలను తొలగించమని వక్రతుండ వినాయకుణ్ణి తపస్సు చేసి ప్రసన్నుణ్ణి చేసుకున్నాడు.


18) అహిల్యా బాయి ఘాట్...


ఈమె కారణంగానే మనం ఈరోజు 

కాశీవిశ్వనాథుణ్ణి దర్శిస్తున్నాము. 


కాశీలోని గంగా నది ప్రవాహంలో అనేక ఘాట్ల దగ్గర ఉద్భవించే తీర్థాలు కలిసి ఉంటాయి.


పూర్వం కాశీలో దేవతలు ఋషులు రాజులూ నిర్మించిన అనేక మందిరాలు కట్టడాలు వనాల మధ్య విశ్వనాథుని మందిరం ఎంతో వైభవోపేతంగా వెలుగొందింది.


కానీ మహమ్మదీయ దండ యాత్రికులు కాశీని లక్ష్యంగా చేసుకొని దాడులు చేసి ధ్వంసం చేసిన తరవాతి కాశిని మనం చూస్తున్నాము. విశ్వనాథ, బిందు మాధవ తో పాటు ఎన్నో అనేక మందిరాలను కూల్చి మసీదులు కట్టినారు. 


నేటికీ విశ్వనాథ మందిరంలో నంది, 

మసీదు వైపు గల కూల్చబడ్డ మందిరం వైపు చూస్తోంది. అక్కడే శివుడు త్రిశూలంతో త్రవ్విన జ్ఞానవాపి తీర్థం బావి ఉంటుంది.


కాశీ స్మరణం మోక్షకారకం...🙏


|| ఓం నమః శివాయ ||

10, డిసెంబర్ 2021, శుక్రవారం

తులనాభికాభంగ

 లలనా జనాపాంగ వలనావసదనంగ

తులనాభికాభంగ దోఃప్రసంగ

మలసానిల విలోలదళ సాసవ రసాల

ఫల సాదర శుకాలపన విశాల

మలినీ గరుదనీక మలినీకృత ధునీ క

మలినీ సుఖిత కోకకులవధూక

మతికాంత సలతాంత లతికాంతర నితాంత

రతికాంత రణతాంత సుతనుకాంత

తే.

మకృత కామోద కురవ కావికల వకుల

ముకుల సకల వనాంత ప్రమోద చలిత

కలిత కలకంఠకుల కంఠకాకలీ వి

భాసురము వొల్చు మధుమాస వాసరంబు!

అష్ట సిద్ధులు

 అష్ట సిద్ధులు  - 


  హిమాలయాలలో , దక్షిణమున నల్లమల అడువుల్లోని శ్రీశైల శిఖర ప్రాంతాన గొప్ప గొప్ప యోగులు ఉన్నారు . వారికి తెలియని విద్యలు అంటూ ఏమి లేవు . వారు ఎలాంటి విద్యలు కలిగి ఉంటారో మీకు ఈ పొస్ట్ లొ వివరిస్తాను.


 * అణిమ -  


 అన్ని జంతువుల కంటే స్వల్ప జంతువు వలే కనపడుట . తన ఆకారం కంటే కొద్ది ఆకారం గల జీవము వలే యుండుట .


 * మహిమ -


 బ్రహ్మ , విష్ణు, శివుడు ఈ త్రిమూర్తులు కంటే పెద్దవాడిగా కనపడుట.


 * లఘిమ - 


 దూది కంటే తేలిక అయ్యి ఉండుట. యే మాత్రం బరువు లేకుండా ఉండుట . 


 * గరిమ - 


 బరువుగల సమస్త జీవములు, సమస్త పదార్దముల కంటే బరువు అయ్యి ఉండుట. 


 * ప్రాప్తి  - 


 కోరిన దానినేల్లా కలగ చేసుకొనుట . తనకే ఆకారం కావలెను అన్న ఆ ఆకారంని పొందుట. కొరిన చోటకేల్లా క్షణ మాత్రములో పోవుట , కొరిన వస్తువుని గాని జీవముని గాని తన యోద్దకి తెప్పించు కొనుట . 


 * ప్రాకామ్యము  - 


 ఆకాశ గమనము కలిగి యుండుట, తన శరీరం వదిలి త్రిలోక సుందరమగు యవ్వన శరీరము తాను కోరినంత కాలము పొంది యుండుట. 


 * వశిత్వము  - 


 సమస్త జంతువులను , దుష్ట మృగములను పెద్ద పులి,చిరుత పులి , సింహము, మదగజము మొదలగు అడివి జంతువులను మొసలి, తాంబేలు, చేప మొదలగు నీటి జంతువులను, సర్పములు మొదలగు వాటిని మచ్చిక చేసుకొనుట .


 * ఈశత్వము  - 


 కామ, క్రోధ, లోభ, మోహ , మధ, మాత్సర్యము అనెడు అరిషడ్వర్గములను జయించి ఆధ్యాత్మిక , బౌతికాది , ధైవికములు అనెడి తాపత్రయములు లేనివాడై జితేన్ద్రియుడై , భూత, భవిష్యత్ , వర్తమాన విషయాలను సర్వమును గ్రహించి ఈశ్వరుని వలే సృష్టి, స్థితి, లయములు లకు కారణ భూతుడు అగుట .


                 

              కాళహస్తి వేంకటేశ్వరరావు 


                అనువంశిక ఆయుర్వేదం 


                      9885030034

9, డిసెంబర్ 2021, గురువారం

గుడికి వెళ్లి పూజచేయడం ఎందుకు?📚

 📚ఇంట్లో దేవుని ప‌టాలు ఉండ‌గా గుడికి వెళ్లి పూజచేయడం ఎందుకు?📚


ఇంట్లో దేవతారాధన చేస్తాం. అలాంటప్పుడు ‘గుడికి వెళ్లి పూజచేయడం ఎందుకు?’ అనే సందేహం చాలా మందికి వ‌స్తుంది. దేవాలయంలో మూలవిరాట్టు ఉన్న చోట బీజాక్షర యంత్రాన్ని ప్రతిష్ఠిస్తారు. యంత్రాన్ని రాగితో చేస్తారు. దానిమీద బీజాక్షరాలు ఉంటాయి. చక్రాలు వేసి ఉంటాయి. చక్రం బోలెడు కోణాల కలయిక. ఒకసారి ఇందులోకి ప్రవేశించిన ఏ శక్తైనా ప్రతి కోణానికీ తాడనం చెందుతూ పెద్దదిగా మరింత బలమైనదిగా మారుతుంది. రాగి మంచి వాహకం. భూమిలోపల ఉండే విద్యుదయస్కాంత తరంగాల శక్తిని ఒక దగ్గరికి తీసుకురావడంలో యంత్రం గొప్పగా పనిచేస్తుంది. అందువల్ల అక్కడ శక్తిక్షేత్రం ఏర్పడుతుంది. 


నిజానికి స్వయంభూ దేవాలయాలన్నింటి దగ్గరా ఇలాంటి శక్తి తరంగాలు అత్యధికంగా ఉంటాయి. అలా దేవుడు వెలసిన చోటును రుషులు గుర్తించి దేవాలయాల్ని నిర్మించేవారు. ఇక, మంత్రబలంతో ఆలయాల్లో విగ్రహ ప్రతిష్ఠ చేస్తారు. గుళ్లొ నిరంతరం అర్చన జరుగుతూనే ఉంటుంది. దేవాలయంలో ఎన్ని పూజలు జరిగితే ఆ విగ్రహానికి అంత శక్తి వస్తుంది. ఆ విధంగా ఏళ్లతరబడి ఆ విగ్రహానికి శక్తి ఆపాదన జరుగుతుంది. అందుకే పురాతన ఆలయాలకు వెళ్లడం గొప్పవిషయంగా చెబుతారు....

మార్గశిర మాసం ప్రారంభం

 _*రేపటి నుండి మార్గశిర మాసం ప్రారంభం , మార్గశిర మాస విశిష్టత*_


ప్రతి సంవత్సరం కార్తీక మాసం తర్వాత మార్గశిర మాసం ప్రారంభమవుతుంది అని అందరికి తెలిసిన విషయం. సాక్షాత్తు శ్రీ కృష్ణ పరమాత్మే భగవద్గీతలో *మాసానాం మార్గశీర్షోహం* అని చెప్పారు అంటే హిందువులకు ఈ మాసం ఎంత పవిత్రమైనదో అని బాగా తెలుస్తుంది. మోక్ష గ్రంధమైన భగవద్గీత అవతరించినది కూడా ఈ మాసంలోనే అని చెప్తూ ఉంటారు. హిందువులు నెల రోజుల పాటు తిరుప్పావై చదువుతూ పరమభక్తితో చేసుకునే ధనుర్మాసం వ్రతం కూడా ఈ మాసంలోనే మొదలు అవుతుంది. ఈ మాసంలో విష్ణుప్రీతిగా చేసే ఏ చిన్న పుణ్యకార్యమైనా మంచి ఫలితాన్ని ఇస్తుంది.


శ్రీ మహావిష్ణువుకు అత్యంత ఇష్టమైన మాసం ఇది అని అందరు చెప్తూ ఉంటారు.


పెద్ధలు ఈ మాసాన్ని మోక్ష మాసంగా లేదా మోక్ష సాధనా మాసం అని కూడా అంటూ ఉంటారు. భక్తితో ఉపవాసం , జాగరణ ఉండి చేసే మోక్షద ఏకాదశి కూడా ఈ మాసంలోనే వస్తుంది. నిజానికి ఈ మాసానికి ఎందుకంత ప్రాముఖ్యత అనే విషయం గురించి తెలుసుకుందాం .... మార్గశిరం తరువాత వచ్చే పుష్యమాసం నుండి ఉత్తరాయణం మొదలు అవుతుంది. ఉత్తరాయణం దేవతలకు పగటి కాలం.


అలా చూసుకుంటే దక్షిణాయనం చివరిభాగం , ఉత్తరాయణం ముందు వచ్చే భాగం అయిన మార్గశిరం పగలుకు ముందు వచ్చే బ్రాహ్మీముహూర్తం లాంటిది అని తెలుస్తుంది. బ్రాహ్మీ ముహూర్తం రోజులో ఎంత ప్రాధాన్యత కలిగినదో , సంవత్సరానికి స్వయం విష్ణుస్వరూపమైన మార్గశిరం కూడా అంతే ప్రాధాన్యత కలిగినది. ఎలాగైతే బ్రాహ్మీమహూర్తంలో మనం నిత్య పూజ చేసుకుంటామో , అదే విధంగా దేవతలకు బ్రాహ్మీముహూర్తమైన ఈ మాసమంతా దేవతలు , ఋషులు, యోగులు శ్రీమహావిష్ణువును భక్తితో పూజిస్తారు. ఈ మాసం లక్ష్మీనారాయణ స్వరూపం. శ్రావణ శుక్రవారం , కార్తీక సోమవారం లాగా మార్గశిర లక్ష్మివారం (గురువారం) , మార్గశిర శనివారం చాలా ప్రాముఖ్యమైనవి.

............. 💐💐🌹🌹...........




8, డిసెంబర్ 2021, బుధవారం

శ్రీరమణీయం* *-(249)*_

 _*శ్రీరమణీయం* *-(249)*_

🕉🌞🌎🌙🌟🚩


_*"ఆలోచనలను అదుపుచేసుకునే మార్గం ఏమిటి ?"*_


_*మనం ఏర్పరుచుకున్న జ్ఞాపకాలే మనకు ఆలోచనలుగా వస్తాయి. ఒక విషయం జ్ఞాపకంగా మారేంతగా మమైకత చెందకుండా జాగ్రత్త పడాలి. అంతేగాని ఆ జ్ఞాపకాలు ఆలోచనగా వచ్చినప్పుడు బాధ పడితే ప్రయోజనం ఏముంది ? పూజలో కూర్చున్నప్పుడు మనకి ఇతర ఆలోచనలు వస్తున్నాయని చికాకు పడతాం. విత్తనాలు నాటేప్పుడే తాలు గింజలు ఏరివేస్తే మొలిచేవన్నీ మంచి మొక్కలే అవుతాయి. అలాగే మన బాహ్యవృత్తుల్ని నియంత్రించుకుంటే తప్ప ప్రవృత్తులను నియంత్రించలేము. లేదంటే ఆలోచనలను అదుపులో ఉంచుకోవటం కష్టం అవుతుంది !*_


_*{ఆధార గ్రంథం : "శ్రీరమణీయం"}*_

_*'పని స్ఫురించని మనసే ధ్యానం !'*- 


🕉🌞🌎🌙🌟🚩

శ్రీమదాంధ్ర భాగవతం - 26*

 *శ్రీమదాంధ్ర భాగవతం - 26*


*బ్రహ్మోత్పత్తి–స్వాయంభువ మనువు*


విదురుడు కురుసభలో ఉండగా ఒకానొక సందర్భంలో ఆయన అవమానించ బడ్డాడు. విదురుడు అక్కడ నుండి బయలుదేరి ఉద్ధవుడి దగ్గరకు వెళ్ళి ఉద్ధవుడిని ‘కృష్ణ భగవానుడు ఎక్కడ ఉన్నాడు?’ అని అడిగాడు. ఉద్ధవుడు “కృష్ణ భగవానుడు నిర్యాణం చెందాడు. యాదవులు అందరూ వెళ్ళిపోయారు’ అని చెప్పాడు. ఈ సందర్భములో పరీక్షిత్తు ‘ఉద్ధవుడు కూడా యాదవుడే కదా – అతను ఎందుకు ఉండిపోయాడు?’ అని శుకుని అడిగాడు. కృష్ణుడికి ఏ జ్ఞానం ఉన్నదో అదే ఉద్ధవుడికి ఉన్నది. కృష్ణుడు తన తరువాత లోకమునకు జ్ఞానం చెప్పడం కోసం ఉద్ధవుడిని భూమిమీద ఉంచేశాడు. ఉద్ధవుడు శ్రీమన్నారాయణుని ఆదేశమును అనుసరించి బదరికాశ్రమమునకు  వెళ్ళిపోతున్న ఉద్ధవుడిని విదురుడు కలుసుకుని ‘నీవు శ్రీమన్నారాయణుడి దగ్గర తెలుసుకున్న భాగవత జ్ఞానమును నాకు చెప్పవలసింది’ అని అడిగాడు. ఉద్ధవుడు ‘అది నాదగ్గరే కాదు. జ్ఞానమును మైత్రేయునికి కూడా చెప్పాడు. మైత్రేయుడు హరిద్వార్ లో ఉన్నాడు. అక్కడికి వెళ్ళి వినవలసింది’ అని సలహా చెప్పాడు. విదురుడు గంగ భూమి మీద పడిన చోటయిన హరిద్వార్ వెళ్ళి, భాగవత జ్ఞానమును విన్నాడు. శ్రీమహావిష్ణువు నాభికమలములో నుండి చతుర్ముఖ బ్రహ్మ గారు పుట్టారు అప్పటికి సృష్టి లేదు. లోకములన్నీ నీటితో నిండి పోయి ఉన్నాయి. నీటితో నిండిపోయి వున్న లోకములందు తాను ఏమి సృష్టి చేయాలో ఆయనకేమీ అర్థం కాలేదు. ‘నేనన్న వాడని ఒకడిని వచ్చాను కదా –  నన్ను కన్నవాడు ఒకడు ఉండాలి కదా!’ అని చుట్టూ చూశాడు. చుట్టూ నీళ్ళు తప్ప ఏమీ లేవు కంగారుపడ్డాడు.

ఏమిటి సృష్టి చేస్తాను? ఎలా సృష్టి చేస్తాను? అని ఆలోచిస్తున్నాడు.  ఆయనకు పైనుంచి ‘తపతప’ అనే ఒక మాట వినపడింది. ఆయన తపించాడు. ధ్యానమగ్నుడై ఈమాట ఎవరి నుండి వెలువడిందో ఆయన దర్శనము అపేక్షించాడు. అలా తపించగా తపించగా శ్రీమన్నారాయణ దర్శనం అయింది. ఆయన ‘నీవు ఇలా సృష్టి చెయ్యి’ అని బ్రహ్మగారికి వేదములను ఇచ్చి ఆదేశం ఇచ్చాడు.   చతుర్ముఖ బ్రహ్మ సృష్టి చేయడం ప్రారంభం చేశాడు.

ఆయన అలా సృష్టి చేయడం ప్రారంభం చేయడంలో ఒక గమ్మత్తయిన ప్రక్రియ జరిగింది. బ్రహ్మము నుండి సృష్టి వెలువడింది. ఆయన మొట్టమొదట సనక, సనందన, సనత్కుమారులను సృష్టించాడు. ఆ నలుగురుని సృష్టించి మీరు సృష్టిని వృద్ధి చేయండి. బిడ్డలను కనండి అన్నాడు. అంటే వాళ్ళు అన్నారు ‘మేము ప్రవృత్తి మార్గములో వెళ్ళము. ఆ మార్గము మాకు అక్కరలేదు. మేము సృష్టి చేయము. మేము శ్రీహరి పాదములు చేరిపోతాము’ అన్నారు. వారు ఎప్పుడూ అయిదేళ్ళ వయసులో, చిన్నపిల్లల్లా బట్టలు విప్పుకుని, ఎప్పుడూ ధ్యానం చేస్తూ శ్రీహరి వైపు వెళ్ళిపోయారు. బ్రహ్మగారికి కోపం వచ్చింది. కోపంతో తన భ్రుకుటి ముడి వేశాడు. అందులోంచి నీలలోహితుడనే పేరుగల రుద్రుడు పుట్టాడు. వాడు కింద పడి ఏడవడం మొదలు పెట్టాడు. బ్రహ్మగారు వానిని ఏడవకు అన్నారు.  ఆ రుద్రుడు ‘నేను ఎక్కడ ఉండాలి? ఏమి చేయాలి?’ అని అడిగాడు.

ఇక్కడ ఒక విషయము గమనించాలి. అక్కడ అప్పుడు సృష్టి,  సంకల్పం నుంచి ప్రారంభమైంది. ప్రస్తుతం  ఉన్న సృష్టి మిధున సృష్టి అనగా స్త్రీ పురుష మైధునం చేతనే సృష్టి జరుగుతూ ఉంది. అప్పుడు జరిగిన సృష్టి కేవలము ఈశ్వర సంకల్పము చేత మాత్రమే జరిగిన సృష్టి.

  చతుర్ముఖ బ్రహ్మగారు ‘నువ్వు పుడుతూనే వచ్చావు  కాబట్టి నిన్ను రుద్రుడంటారు అని చెప్పి రుద్రుడికి ఎనిమిది రూపములను, ఎనమండుగురు భార్యలను ఇచ్చి నీవు అలా ఉండి సృష్టి చెయ్యి’ అని చెప్పారు. ఆయన కొన్ని గణములను సృష్టించాడు. ఆ గణములు అక్కడ వున్న వాళ్ళను తినివేయడం మొదలుపెట్టాయి. బ్రహ్మగారు రుద్రుడిని పిలిచి ‘ఇక నీవేమీ సృష్టి చేయవద్దు. కేవలం తపస్సు చేసుకుంటూ ఉండవలసింది’ అని చెపితే ఆయన తపస్సు చేసుకుంటూ కూర్చున్నాడు.

మళ్ళీ బ్రహ్మగారు ఆలోచిస్తూ కూర్చున్నారు. అలా ఆలోచిస్తుంటే ఆయన శరీరభాగముల నుండి రకరకముల మహర్షులు బయటకు వచ్చారు. బ్రహ్మగారి ఒడిలోంచి నారదమహర్షి బయటకు వచ్చారు. వీపు నుంచి ‘అధర్మము’ వచ్చింది. అధర్మములోంచి ‘మృత్యువు’ వచ్చింది. ముందుభాగం నుంచి ‘ధర్మం’ వచ్చింది.  బ్రహ్మగారు ‘ఇలా నేను సంకల్ప వికల్పములు చేస్తే ఎంత సృష్టి చేస్తాను’ అనుకున్నారు. ఒక్కొక్కసారి సృష్టి చేసే వారియందు కూడా మోహము కలుగుతుంది. బ్రహ్మ ఒక స్త్రీని సృష్టించాడు. సృష్టించి ఆ స్త్రీ యందు మోహమును పొందాడు. ఋషులు ‘మీరు సృష్టించిన స్త్రీ యందు మీకు మోహమేమిటి' అని ప్రశ్నించారు. ఆయన ‘ఇది సృష్టికి ఉండే లక్షణము. ఏ శరీరముతో అలా మోహమును పొందానో ఆ శరీరమును వదిలిపెట్టేస్తున్నాను’ అని శరీరమును వదిలిపెట్టేశాడు. ఆ శరీరము పొగమంచు అయింది. మనకు రోజూ కళ్ళకు అడ్డముగా వచ్చే పొగమంచు అదే!

 బ్రహ్మగారు మైథున సృష్టి చెయ్యాలని అనుకొని తన శరీరములో నుంచి  రెండింటిని సృష్టించాడు. ఒకటి స్త్రీ, ఇంకొకటి పురుషుడు. అలా సృష్టించి ‘వీళ్ళయందు వ్యామోహమును ఏర్పాటు చేస్తాను. ధర్మబద్ధమైన ప్రజా సృష్టి జరుగుతుంది’ అన్నారు. మొట్టమొదట సృష్టించిన వాళ్ళలో మొట్టమొదట పుట్టిన వాడు స్వాయంభువ మనువు ఆయన భార్య పేరు శతరూప. 

 బ్రహ్మగారు ‘కొడుకు తండ్రిని సంతోషపెట్టాలి. నీవు సృష్టి చెయ్యి’ అన్నారు. అనగా స్వాయంభువ మనువు అయిదుగురు బిడ్డలను కని  వచ్చి తండ్రికి తాను అయిదుగురు బిడ్డలను కన్నట్లు చెప్పాడు. వాళ్ళు ఎవరు అని అడిగారు బ్రహ్మగారు. ఆయన తన బిడ్డల పేర్లు చెప్పాడు. ఒకాయన పేరు ప్రియవ్రతుడు, రెండవకుమారుని పేరు ఉత్తానపాదుడు. ఒక కుమార్తె పేరు అకూతి. మరొక కుమార్తె పేరు ప్రసూతి. మూడవకుమార్తె పేరు దేవహూతి.

 ఇప్పుడు ఏమి చెయ్యను?” అని తండ్రిని అడిగాడు.  బ్రహ్మగారు ‘శ్రీహరిని సంకీర్తన చేస్తూ, యజ్ఞయాగాది క్రతువులను చేస్తూ సమస్తప్రాణులను రక్షిస్తూ పరిపాలన చేయవలసినది అని చెప్పాడు. ఆయన ‘నాన్నగారూ అలా పరిపాలించడానికి భూమి ఎక్కడ ఉన్నది? అని అడిగాడు. మీరు సృష్టి తామర తంపరగా ఎలా పెంచాలా అని ఆలోచిస్తున్న సమయంలో ఈ భూమి ప్రళయం వల్ల  వచ్చిన సముద్ర జలముల లో పడిపోయి రసాతలానికి వెళ్ళిపోయింది. పాతాళ లోకంలో ఉన్న ఆ భూమిని పైకి తీసుకుని వస్తే ప్రాణులు  భూమి మీదకు చేరుతాయి.  ఇంకా సృష్టి జరిగి ఇంకా ప్రాణులు వచ్చి దీనిని పరిపాలించడానికి ఆనుకూల్యం ఏర్పడుతుంది. ఆ భూగోళమును పైకెత్తండి’ అన్నాడు. బ్రహ్మగారు ఆ భూమిని ఎలా పైకెత్తడం! అని ఆలోచించాడు. ఆయన సంకల్పం చేయగానే వెనుక నుండి చేయిస్తున్న వాడు ఒకాయన ఇన్నిగా వస్తున్న వాడు ఆయన బ్రహ్మగారి ముక్కులోంచి ఊడి క్రిందపడ్డాడు. నాసికా రంధ్రం నుంచి చిన్న వరాహమూర్తి ఒకటి క్రింద పడింది.

ఆ వరాహము దంష్ట్రలతో పెద్ద కొండంత అయిపోవడం మొదలుపెట్టింది. అది  అడుగులు తీసి అడుగులు వేయడం మొదలు పెట్టింది. అక్కడ వున్న ఋషులు అందరూ దానికేసి ఆశ్చర్యముగా చూస్తున్నారు. వాళ్లకి అర్థం అయింది. స్వామి సంకల్పమును అనుసరించి భూగోళమును పైకి ఎత్తడానికి ఎవరు మొట్టమొదటి నుండి చివరి వరకు ఉంటున్నటువంటి ఈశ్వరుడు వచ్చాడు అనుకున్నారు. అనగా మొదటి అవతారం వచ్చినది.

ఇది యజ్ఞవరాముగా వచ్చి అడుగులు తీసి అడుగులు వేస్తూ సముద్రంలోకి దూకింది. అది భూమికోసం మూపుపెట్టి వెతుకుతోంది. అలా వెతకడములో దాని ముఖం నిండా నీళ్ళు అంటుకు పోయాయి. అది తన ముఖమును పైకి తెచ్చి విదిలించింది. ఋషులందరూ ఋగ్యజుస్సామ వేదములతో స్తోత్రం చేస్తూ, ఆ నీళ్ళు మీద పడేటట్లు నిలబడ్డారు. ఈ కంటికి గోచరమవని వాడు రక్షించడం కోసమని  ఒక విచిత్రమయిన మూర్తిగా వచ్చి నీటితో తడిసిన దేములో ఉన్న నీటిని చిమ్ముతున్నాడు. దీనిని విన్నప్పుడు విదురుడు ఒక విచిత్రమైన ప్రశ్న వేశాడు. దానికి జవాబుగా ‘యజ్ఞవరాహం వచ్చినపుడు ఆయన ఎంత గొప్ప మూర్తియో అంత గొప్ప రాక్షసుడు ఒకడు నీళ్ళలోంచి వచ్చాడు. వచ్చి యజ్ఞవరాహమూర్తి మీద కలియబడ్డాడు. అక్కడ వున్న వాళ్ళందరూ యజ్ఞవరాహమూర్తిని స్తోత్రం చేస్తున్నారు. ఆయన ఆ రాక్షసుడిని చంపి అవతల పారేశాడు’ అని చెప్పాడు .

‘ఆ వచ్చిన వాడెవడు? ఎందుకు వచ్చాడు? అందరూ నమస్కరిస్తుంటే వాడొక్కడు యుద్ధం చేయడం ఏమిటి? అందుకు సంబంధించిన కథను చెప్పవలసినది’ అని పరీక్షిత్తు అడిగితే శుకుడు చెప్పడం ప్రారంభించాడు.

ఇంకావుంది.


సాంఖ్యాయనాచంట.