30, ఆగస్టు 2023, బుధవారం

30-08-2023 రాశి ఫలితాలు

 30-08-2023

రాశి ఫలితాలు


మేషం

ఆప్తుల నుండి అరుదైన ఆహ్వానాలు అందుతాయి. ఆర్థికంగా పురోగతి కలుగుతుంది ఉద్యోగాలలో అధికారులతో సఖ్యతగా  వ్యవహరిస్తారు. చేపట్టిన పనులు సజావుగా సాగుతాయి.  వ్యాపారాలలో అనుకొన్న సమయానికి నూతన పెట్టుబడులు అందుతాయి. దైవ సేవా కార్యక్రమాలలో పాల్గొంటారు. -------------------------------------

వృషభం

 30-08-2023

బంధుమిత్రులతో ఆధ్యాత్మిక సేవా కార్యక్రమాలలో పాల్గొంటారు. దూరప్రాంత సన్నిహితుల నుండి శుభకార్య ఆహ్వానాలు అందుతాయి. చేపట్టిన పనులు అప్రయత్నంగా పూర్తవుతాయి.  ప్రయాణాలలో నూతన పరిచయాలు కలుగుతాయి. విలువైన వస్తువులు కొనుగోలు చేస్తారు. వృత్తి  వ్యాపారాల్లో నూతన లాభాలు అందుతాయి.  

-----------------------------------

మిధునం

వృత్తి వ్యాపారాలలో ఆలోచించి నిర్ణయాలు తీసుకోవాలి. ఆదాయానికి మించి ఖర్చులు పెరుగుతాయి.  వ్యాపారమున  భాగస్వాములతో వివాదాలు కలుగుతాయి. చేపట్టిన పనులు  నిదానంగా సాగుతాయి. ఆధ్యాత్మిక చింతన పెరుగుతుంది. కుటుంబ సభ్యుల ప్రవర్తన వలన మానసిక సమస్యలు కలుగుతాయి. 

------------------------------------

కర్కాటకం

బంధుమిత్రులతో ఊహించని  కలహాలు కలుగుతాయి. జీవిత భాగస్వామి ఆరోగ్య విషయంలో   అప్రమత్తంగా వ్యవహరించాలి. ముఖ్యమైన పనులు వాయిదా వేస్తారు. ఆలోచన లో స్థిరత్వం లోపిస్తుంది. ఉద్యోగాలలో కొందరి ప్రవర్తన నిరాశ కలిగిస్తుంది. నిరుద్యోగులకు శ్రమకు తగిన ఫలితం కనిపించదు.

------------------------------------

సింహం

ఆర్ధిక వ్యవహారాలు అనుకూలిస్తాయి. చేపట్టిన పనులు అనుకున్న సమయానికి పూర్తి చేయగలుగుతారు. సంతాన విద్యా విషయాల్లో శుభవార్తలు అందుతాయి. దూరపు బంధువులతో గృహమున  సంతోషంగా గడుపుతారు. ఉద్యోగం వాతావరణం సంతృప్తికరంగా ఉంటుంది. విలువైన గృహాపకరణాలు కొనుగోలు చేస్తారు.

-------------------------------------

కన్య

చేపట్టిన పనులు  సకాలంలో పూర్తి అవుతాయి. ఇంటా బయట పరిచయాలు పెరుగుతాయి. సమాజంలో మీ మాటకు విలువ పెరుగుతుంది. నూతన వ్యాపారమునకు పెట్టుబడులు అందుతాయి. వ్యాపార వ్యవహారాలలో కీలక నిర్ణయాలు తీసుకుంటారు. ఉద్యోగమున దీర్ఘకాలిక సమస్యలు నుండి ఉపశమనం లభిస్తుంది

----------------------------------

తుల

గృహమున కొందరి  ప్రవర్తన వలన మానసిక సమస్యలు తప్పవు. ఉద్యోగాలలో వ్యయ  ప్రయాసలు అధికమవుతాయి. వ్యాపారాలు మందగిస్తాయి. ప్రారంభించిన  పనులలో అవరోధాలు  కలుగుతాయి. వృధా ఖర్చులు పెరుగుతాయి. దైవ సేవా కార్యక్రమాలకు ఆహ్వానాలు అందుతాయి.  సన్నిహితుల నుండి కీలక సమాచారం సేకరిస్తారు.

---------------------------------------

వృశ్చికం

ఆర్థిక పరిస్థితి అంతంత మాత్రంగా ఉంటుంది. దీర్ఘకాలిక రుణ ఒత్తిడి పెరుగుతుంది.  స్వల్ప అనారోగ్య సమస్యలు ఉంటాయి. చిన్ననాటి మిత్రులతో  ఒక వ్యవహారంలో మాటపట్టింపులు కలుగుతాయి. ముఖ్యమైన పనులు వాయిదా వేయడం మంచిది.  వృత్తి వ్యాపారాలు సామాన్యంగా సాగుతాయి. కుటుంబ సభ్యులతో  దైవ దర్శనాలు చేసుకుంటారు.   

--------------------------------------

ధనస్సు

భూ సంబంధిత   క్రయవిక్రయాల లాభసాటిగా సాగుతాయి. వృత్తి, ఉద్యోగాలలో మీ విలువ మరింత పెరుగుతుంది. నూతన వ్యాపారాలు ప్రారంభించి లాభాలను అందుకుంటారు. ఆర్థిక పరిస్థితి అనుకూలంగా సాగుతుంది. బంధు మిత్రులతో విందు వినోద కార్యక్రమాలలో పాల్గొంటారు.  నిరుద్యోగులకు నూతన అవకాశాలు లభిస్తాయి. 

--------------------------------------

మకరం

వృత్తి వ్యాపారాలలో అధిక శ్రమతో  అల్ప ఫలితం పొందుతారు. ఉద్యోగమున అదనపు బాధ్యతలు పెరుగుతాయి. చేపట్టిన  పనులు నిదానంగా పూర్తి చేస్తారు. గృహమున కొందరి  మాటలు చికాకు కలిగిస్తాయి.  అవసరానికి చేతిలో డబ్బు నిలవక ఇబ్బందులు ఎదుర్కొంటారు. ప్రయాణాలు వాయిదా వేయడం మంచిది. 

---------------------------------------

కుంభం

ధన పరంగా  సమస్యలను అధిగమిస్తారు. నిరుద్యోగ యత్నాలు అనుకూల ఫలితాన్నిస్తాయి. సంఘంలో విశేషమైన ఆదరణ పెరుగుతుంది. సమాజంలో  ప్రముఖులతో పరిచయాలు పెరుగుతాయి. వ్యాపారమున  స్వంత నిర్ణయాలు తీసుకుని ముందుకు సాగడం మంచిది. వృత్తి ఉద్యోగాలలో ఆర్థిక   ప్రగతి సాధిస్తారు.

---------------------------------------

మీనం

సన్నిహితులతో  ఊహించని మాటపట్టింపులు కలుగుతాయి. అనారోగ్య సమస్యలు ఇబ్బంది కలిగిస్తాయి. ఆర్ధికంగా కొంత నిరాశ తప్పదు. చేపట్టిన పనులలో అవాంతరాలు కలుగుతాయి. వృత్తి, వ్యాపారాలు ఆశించిన రీతిలో రాణించవు. ఆధ్యాత్మిక చింతన పెరుగుతుంది. వృత్తి ఉద్యోగాలలో అధికారులతో చర్చలు విఫలమవుతాయి. 

---------------------------------------

పంచాంగం 30.08.2023 Wednesday,

 ఈ రోజు పంచాంగం 30.08.2023 Wednesday,

 

స్వస్తి  శ్రీ చాన్ద్రమాన శోభకృన్నామ సంవత్సర: దక్షిణాయనం వర్ష ఋతు నిజ శ్రావణ మాస శుక్ల  పక్ష: చతుర్థశి తిధి సౌమ్య వాసర: దనిష్ఠ నక్షత్రం అతిగండ యోగ: వణిజ తదుపరి భద్ర కరణం ఇది ఈరోజు పంచాంగం. 


త్రయోదశి మధ్యాహ్నం 02:45 వరకు.

శ్రవణం రాత్రి 11:47 వరకు.

సూర్యోదయం : 06:05

సూర్యాస్తమయం : 06:28

వర్జ్యం : రాత్రి 03:04 నుండి 04:28 వరకు.

దుర్ముహూర్తం: పగలు 11:52 నుండి మధ్యాహ్నం 12:41 వరకు.


రాహుకాలం : మధ్యాహ్నం 12:00 నుండి 01:30  వరకు.


యమగండం : ఉదయం 07:30 నుండి 09:30 వరకు.  

 

ఈ రోజు సర్వ యజుశ్శాఖీనాం ఉపాకర్మ, రక్షాభందనం


శుభోదయ:, నమస్కార:

హనుమాన్ చాలీసా

 🙏🙏🙏🙏🙏🙏🙏

 *హనుమాన్ చాలీసా పై ప్రశ్నలు,

సమాధానములు*


🔔🔔🔔🔔🔔🔔🔔🔔


1, చాలీసా " అంటే ఏమిటి ?

జ. ఈస్తోత్రంలో 40 శ్లోకాలు ఉన్నాయి కనుక చాలీసా

__ అని పేరు { చాలిస్ అంటే హిందీ లో 40 అని }


2. హనుమాన్ అంటే  అర్థం ఏమిటి ?


జ. హనుమాన్ అంటే గట్టివైన దవడలు కలవాడు

అనే కాక హను = జ్ఞానం కాబట్టి జ్ఞానవాన్ అని అర్థం.

 *అజ్ఞానమును* *హననము చేయునది కనుక*

*జ్ఞానమునకు హనుమ అని పేరు.* 


3. ఆంజనేయ - అర్థం ?


జ. ఆంజనేయ అంటే ....

సామాన్య కంటితో చూడలేని దానిని చూపించేదే

అంజనం , జ్ఞానాంజనం వల్ల  మాత్రమే దొరికే

పరతత్వం కనుక ఆంజనేయుడు అని పేరు.


4. తులసీదాస్ అస్సలు పేరు ?


జ. *రామ్ బోల*. ఎప్పుడూ రామ నామం

స్మరిస్తూ వుండడం వల్ల ఆ పేరు వచ్చింది.


5. హనుమంతుడు బ్రహ్మచారి 

అయితే మరి సువర్చల ఎవరు ?


జ. దేవుళ్ళ భార్యలను,

మానవ సంబంధాల దృష్ట్యా చూడరాదు.


భార్య అంటే దేవుని యొక్క విడదీయరాని శక్తి,  

    

సూర్యుని వద్ద నేర్చుకున్న విద్య వల్ల

వచ్చిన తేజో వర్చస్సు యే "సువర్చల"

ఆ విద్య సూర్యుని దగ్గర నేర్చుకోవడం

మూలాన సువర్చల సూర్యుని పుత్రిక అంటారు.


6. హనుమంతుడు మనికిచ్చే అష్టసిద్ధులు ఏంటి ?


జ. బుద్ధిర్బలం యశో ధైర్యం నిర్భయత్వం

అరోగతా అజాడ్యం వాక్పటుత్వం చ

హనుమత్ స్మరణాత్ భవేత్. 


హనుమంతుని స్మరించటం వలన

మనం పొందే అష్టసిద్ధులు ఇవే.


7. సూర్యునితో పాటు తిరుగుతూ

విద్య నేర్చుకున్నాడు హనుమ.అంటారు కదా

అసలు సూర్యుడు తిరగడు కదామరి ?


జ. తిరగడం అంటే ఇక్కడ,

ఉదయించినప్పటి నుండి అస్తమించే వరకు,

క్షణక్షణం సూర్యుని తేజస్సు మారుతూ ఉంటుంది

దానిని నిరంతరం ఉపాసించడంగా అర్ధం చేసుకోవాలి.


8. హనుమంతుని పంచముఖములు ఏవి ?


జ. హనుమ శివాంశ సంభూతుడు.

శివుని పంచముఖములు,హనుమంతునిలో

ఏ పేర్లతో చెప్పబడ్డాయో చూస్తే. .....

తూర్పున వానర ముఖం  జన్మతః

వచ్చినది అది సద్యోజాత శివవదనము.

దక్షిణం వైపు నార సింహం.

అది శివుని వామదేవ ముఖం.


రాక్షస సంహారం చేయడంలో చూపించాడు.

పశ్చిమం గరుడ ముఖం అది శివుని అఘోరరూపం,

వేగ గమనము, సర్వరోగ నివారణ చేసి చూపాడు.


ఉత్తరం వరాహ ముఖం

అది శివుని తత్పురుష రూపము.

సంపత్ ప్రసాదం, ఉద్ధరణ.శోక సముద్రంలో ఉన్న

సీతమ్మని ఉద్ధరించడం ద్వారా దానిని ప్రకటించాడు. 

ఊర్ధ్వం హయగ్రీవ ముఖం. 

అది శివుని ఈశాన ముఖం .

వేద పారంగతుడు, సకల విద్యా కోవిదుడు.

ప్రతీ ముఖానికి మూడు కళ్ళు వుంటాయి.

ఈ మూర్తి పది చేతులతో వుంటాడు.


వేద విద్య ,త్రిమూర్తి స్వరూపం అని సీతమ్మ

నమస్కరించిన హనుమత్ విరాట్ స్వరూపం ఇది,


9. "జయ" హనుమాన్ అని

హనుమకి జయం చెప్పడమేంటి ?


జ. ఎవరైనా ఏది సాధించడానికి (పురుషార్థాలను) 

పుట్టారో అది సాధించడమే జయం అంటే.


జయం అంటే అన్నింటినీ మించిపోయి ఉండడం.

దేవుళ్లకు మనం జయమగు గాక అంటూ ఉంటాము

అంటే నా హృదయంలో నీవు అన్నింటినీ మించి

ఉండు అని అర్థము.


10. తులసీదాస్ ఎంతకాలం (వయస్సు) జీవించాడు ?

జ.126 సం.జీవించాడు.


శ్రీరామదూతం శిరసా నమామిః🙏

*సర్వేజనాసుఖిననోభవంతు*🙏🙏🙏

విలువలు సంస్కారం

 పెద్ద చదువులతో పాటు విలువలు సంస్కారం కూడా కొంచెం నేర్పించండి. ఆడపిల్ల దేనికి తక్కువ కాదు అంటూ గొప్పలు చెప్తారు బానే కానీ.. అంటే అర్ధం ఇదేనా..!??  

       ఈ స్వేచ్ఛ, సమాజం పట్ల భయం లేకపోవడం ఇద్దరు ఆడపిల్లలు ఉన్న చాలా ఇళ్లలో చూస్తున్నాం..

ఖచ్చితంగా పెంపక లోపం....  (కొందరు మాత్రమే)

  మగపిల్లలను లెక్క చెయ్యకుండా దురుసు ప్రవర్తన ఉంటుంది.. అదే ఒక అన్న తమ్ముడు ఉంటే ఒకే జనరేషన్ వాళ్ళు కాబట్టి ఆడపిల్ల ప్రతి కదలిక తెలుసుకుంటాడు అన్న లేదా తమ్ముడు...

   వారి పట్ల భయం, ప్రేమ, గౌరవం తోనో ఒకింత ఒద్దికగా ఉంటున్నారు.. ఈ మధ్య నేను చుసి obeserve చేసిన విషయం..    ✍️

      

Sad news: కోరుట్ల 👇👇👇👇👇

    


అక్క అనుమానస్పద మృతి.. బాయ్ ఫ్రెండ్‌తో కలిసి పారిపోయిన చెల్లెలు


కోరుట్ల - భీమునిదుబ్బలో నివాసం ఉండే బంక శ్రీనివాస్ రెడ్డి, మాధవి దంపతులకు ముగ్గురు సంతానం కాగా పెద్ద కూతురు దీప్తి సాఫ్ట్‌వేర్ ఇంజనీర్ జాబ్ చేస్తూ వర్క్ ఫ్రం హోం చేస్తుంది. చిన్న కూతురు చందన బీటెక్ పూర్తి చేసి ఇంటి వద్దే ఉంటుంది.


ఓ ఫంక్షన్ నిమిత్తం తల్లితండ్రులు సోమవారం హైదరాబాద్ వెళ్లగా మంగళవారం ఉదయం దీప్తి సోఫాలో శవమై కనిపించింది. మంగళవారం ఉదయం 5 గంటల సమయంలో చిన్న కూతురు చందన బాయ్ ఫ్రెండ్‌తో కలిసి వెళ్లిపోయినట్లు బస్ స్టాండ్ సీసీటీవీ ఫుటేజిలో నమోదైంది.


ఇంట్లో వోడ్కా, బ్రీజర్, వెనిగర్, నిమ్మకాయలు ఉండగా మద్యం సేవించిన అనంతరం దీప్తిని చంపారా అనే అనుమానం వ్యక్తం చేస్తున్న పోలీసులు.

   హత్య లేదా ఆత్మ హత్య ఏదైనా కూడా విచ్చలవిడి తనమే స్పష్టంగా కనిపిస్తుంది...

చాగంటి కోటేశ్వర రావు గారి గూర్చి

 చాగంటి కోటేశ్వర రావు గారి గూర్చి చాలామందికి తెలియని కొన్ని సంగతులు -

                                                 

ఇవాళ సినిమా హీరోలలో అగ్రహీరోలకు ఏమాత్రం తీసిపోని పేరుప్రఖ్యాతులు కలిగిన ప్రవచనకారుడు బ్రహ్మశ్రీ చాగంటి కోటేశ్వర రావు గారు.  గత పదిహేనేళ్లలో ఆయన సాధించిన ప్రతిష్ట మరే ఇతర ఆధ్యాత్మికవేత్తలకు దక్కలేదు అనేది నిస్సందేహం.  అఖండ ప్రజ్ఞావంతుడు, పండితుడు, వేదమూర్తి చాగంటి వారు.  ఆయన ఎంతటి ఖ్యాతి గడించారో , కొన్ని వివాదాల్లో కూడా చిక్కుకున్నారు.  సునాయాసంగా బయటపడ్డారు.  


చాగంటివారు ఫుడ్ కార్పొరేషన్ ఆఫ్ ఇండియా లో మేనేజర్ గా పనిచేస్తున్నారు.  ఆయన భార్య వ్యవసాయశాఖలో ఉన్నతాధికారిణి.  ఏ ఛానెల్లో చూసినా చాగంటి వారి ప్రవచనాలు కనిపిస్తుంటాయి.  అవి చూస్తే అసలు చాగంటి వారు ఏనాడైనా ఆఫీసుకు వెళ్తారా అనే సందేహం కలుగుతుంది ఎవరికైనా.  కానీ చాగంటివారు ఆఫీసుకు ఒక్కరోజు కూడా సెలవు పెట్టరు.  ఒక్కసారి కూడా లేట్ పెర్మిషన్స్ తీసుకోరు.  ఆయన కేవలం శనివారం, ఆదివారం మాత్రమే ప్రవచనాలు ఇస్తారు.  అవి కూడా కాకినాడలోని ఒక దేవాలయంలో.  ఛానెల్స్ వారు అక్కడికి వెళ్లి రికార్డ్ చేసుకుని ప్రసారం చేస్తుంటారు.  


చాగంటి వారికి ఉన్న ప్రతిభాసంపత్తిని సొమ్ము చేసుకోదలచుకుంటే ఈపాటికి ఆయన వందల ఎకరాల భూములు, ఇల్లువాకిళ్ళు, మణిమాణిక్యాలు సంపాదించేవారు.  కానీ ప్రవచనాలను ఆయన నయాపైసా పారితోషికం తీసుకోరు.  ఎక్కడికైనా బయట నగరాలకు5 వెళ్లి ప్రవచనాలు ఇవ్వాల్సివస్తే ఆయన తన సొంత డబ్బుతో స్లీపర్ క్లాస్ టికెట్ కొనుక్కుని ప్రయాణం చేస్తారు తప్ప నిర్వాహకులనుంచి డబ్బు తీసుకోరు.  ఆయనకున్నది కేవలం రెండు పడకగదుల చిన్న ఇల్లు.  ఇంతవరకు ఆయనకు కారు లేదు.  ఆఫీసుకు కూడా మోటార్ సైకిల్ మీద వెళ్తారు.  ఎఫ్ సి ఐ డైరెక్టర్ క్రైస్తవుడు.  చాగంటి వారు ఆఫీసుకు వెళ్ళగానే ఆయనే స్వయంగా వచ్చి బూట్లు విప్పి చాగంటి వారికి నమస్కారం చేస్తారు.  సెలవులను ఉపయోగించుకోమని, కావాలంటే లేట్ అనుమతులు తీసుకోమని చెప్పినా చాగంటివారు ఆ సౌకర్యాలను ఎన్నడూ వినియోగించుకోలేదు.  


చాగంటి వారికి ఆరేడేళ్ల వయసులో జనకులు గతించారు.  ఆయనకు ఒక అక్క, ఒక చెల్లెలు, ఒక తమ్ముడు ఉన్నారు.  తల్లిగారు కస్టపడి నలుగురు పిల్లలను పెంచారు.  వారికి ఆస్తిపాస్తులు లేవు.  నిరుపేద కుటుంబం.  సంసారానికి తాను మాత్రమే పెద్ద దిక్కు అన్న స్పృహ పొటమరించగా చాగంటి వారు అహోరాత్రాలు సరస్వతీ ఉపాసనే లక్ష్యంగా విద్యను అభ్యసించారు.  పాఠశాల స్థాయినుంచి ఆయన విద్యాబుద్ధులు వికసించాయి.  వేదాగ్రణి ఆయన రసన మీద తిష్టవేసుకుని కూర్చున్నది.  ఫలితంగా ఆయన యూనివర్సిటీ స్థాయివరకు గోల్డ్ మెడలిస్టుగా ఎదిగారు.  


ఇక ఆయన ఇవాళ చెప్పే ప్రవచనాల వెనుక ఆయనేదో వేదవేదాంగాలు, పురాణాలు, ఉపనిషత్తులు ఆపోసన పట్టారని చాలామంది పొరపడతారు.  ఆయన కృషి పెద్దగా లేదు. అవన్నీ ఆయనకు పూర్వజన్మ సుకృతంగా లభించినవి అంటే మనం ఆశ్చర్యపోవాలి.  ఇది వారికి భగవంతుడు ఇచ్చిన వరం తప్ప ఈ జన్మకృషి కాదు.  అలా అని ఆయన వాటిని చదవలేదని కాదు.  ఎంతచదివినా ధారణాశక్తి అనేది ప్రధానం.  ఒకసారి శంకరుల సౌందర్యలహరి తిరగేస్తే అది మొత్తం ఆయన మదిలో నిలిచిపోతుంది.  ఎక్కడ ఏ పేజీలో ఏమున్నదో చెప్పగలరు.  వరప్రసాదితులకు మాత్రమే ఇది సాధ్యం.  


ఆయన ఉద్యోగంలో చేరాక తోబుట్టువుల బాధ్యతను స్వీకరించారు.  అక్క, చెల్లెలు, తమ్ముడుకు తానె  తన సంపాదనతో వివాహాలు చేశారు.  కుటుంబం కోసం తన కష్టార్జితాన్ని మొత్తం ధారపోశారు.  తనకంటూ ఈరోజు వరకు బ్యాంకు బాలన్స్ లేదంటే నమ్ముతారా?  


అప్పుడపుడు కాకినాడలో అయ్యప్ప దేవాలయంలో సాయంత్రం కూర్చుని భక్తులముందు భారతభాగవత ప్రవచనాలు ఇచ్చేవారు.  ఎన్నడూ పట్టణం దాటి ఎరుగరు.  ఏనాడూ డబ్బు పుచ్చుకునే వారు కారు.  ఆయన స్వరలాలిత్యం, ధారణ, విజ్ఞానం, విశదీకరణ భక్తులను ఆకర్షించాయి.  అభిమానులు పెరిగారు.  


పీవీ నరసింహారావు ప్రధానమంత్రిగా ఉన్న సమయంలో అనుకుంటాను.. ఎక్కడో ఒకచోట చాగంటి వారిని కలిశారు.  "మీ గురించి ఎంతో విన్నాను.  మీ ఆధ్యాత్మిక పరిజ్ఞానం అసాధారణం. మీ ప్రవచనాలు నాకు బాగా నచ్చాయి.  ముఖ్యంగా మీ పాండితీప్రకర్ష అమోఘం.  ఇప్పుడు నేను మంచి స్థితిలో ఉన్నాను.  ఏమైనా అడగండి.  చేసిపెడతాను"  అన్నారు పీవీ.  


చాగంటి వారు నవ్వేసి "మీకూ, నాకు ఇవ్వాల్సింది ఆ పరమాత్మే తప్ప మరెవరూ కారు.  మీ సహృదయానికి కృతజ్ఞతలు.  నాకేమీ ఆశలు లేవు." అని నమస్కరించి బయటకు వెళ్లిపోయారు.  


ఈనాటికి కూడా ఆయనకు ఉన్నది కేవలం రెండు మూడు ధోవతులు, నాలుగు పంచెలు, నాలుగు జతల ఆఫీస్ బట్టలు!!  


 

చాగంటివారిని చూసి ఆయన ఎన్నో ఏళ్ళనుంచి ప్రవచనాలు ఇస్తున్నారని, లక్షలు సంపాదించి ఉంటారని చాలామంది భావిస్తుంటారు.  ఆయన బయటప్రాంతాల్లో ప్రవచనాలు ఇవ్వడం వారి అమ్మగారు 1998  లో స్వర్గస్తులు అయ్యాక ప్రారంభించారు.  ఎందుకంటే చాగంటి వంశంలో గత ఆరు తరాలుగా ఆ సరస్వతి కటాక్షం ఎవరో ఒక్కరికే వస్తున్నది.  ఈ తరంలో ఆ శారదాకృప నలుగురు పిల్లలలో చాగంటి  కోటేశ్వర రావు గారిపై ప్రసరించింది.  ఆ మాత దయను తృణీకరించలేక తనకు తెలిసిన జ్ఞానాన్ని లోకానికి పంచుతున్నారు చాగంటి వారు.


*దుర్మార్గులను ఖండించక పోవుట ఏంతటి తప్పో ఇట్టువంటి మహాత్ములను ప్రశంసించక పోవడం గూడా అంతే తప్పు ఔతుంది  ఒక మహోన్నతమైన వ్యక్తిని కీర్తించడం పదుగురికీ తెలియజేస్తున్న మీ మహోన్నత వ్యక్తిత్వం ప్రశంసనీయం*

సాంఖ్య యోగః 🌸*

 *🕉️🪷 ఓం శ్రీ కృష్ణపరబ్రహ్మణే నమః 🪷🕉️* 

 *🪷 శ్రీ మద్భగవద్గీత🪷* 

 *🌸 అథ ద్వితీయోధ్యాయః 🌸* 

 *🌸 సాంఖ్య యోగః 🌸* 


 *2-అధ్యాయం, 12వ శ్లోకం* 


 *నత్వేవాహం జాతు నాసం న త్వం నేమే జనాధిపాః |* 

 *న చైవ న భవిష్యామః సర్వే వయమతః పరమ్|| 12* 


 *ప్రతిపదార్థం* 


అహామ్ = నేను; జాతు =ఒకప్పుడును ; న, ఆసమ్ తేను - అనునది;న, తు, ఏవ =లేనే లేదు; త్వమ్ = నీవు;న ( ఆసీః )= లేవు.- అనునది" లేదు; ఇమే ఈ ; జనాధిపాః = రాజులు;న (ఆసన్) = 'లేరునునది 'యును లేదు;చ = మరియు; అతః, పరమ్ . ఇక మీదట; వయమ్, సర్వే = మనము అందరము ;న, భవిష్యామః = " లేకపోవుట  " యనునది;న, ఏవ = లేనే లేదు;


 *తాత్పర్యము* 


 నీవుగాని, నేనుగాని, ఈ రాజులుగాని ఉండని కాలమే లేదు. ఇక ముందు కూడా మనము ఉండము అను మాటయే లేదు.( అన్ని కాలములలోనూ మనము ఉన్నాము. ఆత్మశాశ్వతము. అది అన్ని కాలముల యందును ఉండును. శరీర పతనముతో అది నశించునది కాదు. )


 *సర్వేజనా సుఖినోభవంతు* 

 *హరిః ఓం 🙏🙏*

రామాయణమ్ 309

 రామాయణమ్ 309

....

శీఘ్రముగా రధము మీద తన వైపు వస్తున్న ఇంద్రజిత్తును చూసి సింహనాదము చేసి కాయమును పెంచి సన్నద్ధుడై నిలిచాడు మహాబలి మారుతి.

.

వరుసగా పిడుగుల పడినట్లుగా ధనుష్ఠంకారము చేస్తూ వాడివాడి నారాచములను ప్రయోగించగా వాటి వేగాన్ని గేలి చేస్తున్నట్లుగా వాయుసుతుడు రయ్యిమంటూ ఆకాశములోకి దూసుకొని పోయెను.

.

బాణమునకు బాణమునకు మధ్య తానొక తారాజువ్వ అయిపోయి సంచరిస్తూ ఇంద్రజిత్తు చేసిన శస్త్రప్రయోగమును వ్యర్ధముగావించెను.

.

అంత దివ్యాస్త్రములు ప్రయోగించిన ఇంద్రజిత్తు అవి కూడా మారుతిని రవ్వంత కదిలించలేక పోయినందుకు మనస్సులో కళవళ పడెను.

.

అస్త్రములు వ్యర్ధమైపోయాయి

శస్త్రములువికలమయిపోయాయి .ఇంద్రజిత్తు చేస్తున్న యుద్ధము అంతా నిష్ప్రయోజనమయిపోయింది.

.

అసలు ఇంద్రజిత్తు చేసే ప్రతిప్రయోగాన్ని ఆదిలోనే సునిశితంగా గమనించి తదనుగుణంగా తన వేగాన్ని వృద్ధిపొందిస్తూ చిత్రవిచిత్రగతులలో బాణానికిబాణానికి మధ్య సంచరిస్తూ ఆ రావణకుమారుని ముప్పుతిప్పలు పెట్టి మూడు చెరువుల నీళ్ళు తాగించాడు హనుమస్వామి.

.

ఇక లాభంలేదు ఇతడు సామాన్యుడు కాడు బ్రహ్మాస్త్రప్రయోగము చేయవలసినదే అని మనస్సులో సంకల్పించి ఆ అస్త్రమును అభిమంత్రించి మారుతిపై ప్రయోగించాడు ఇంద్రజిత్తు.

.

వూటుకూరు జానకిరామారావు

 కాంగ్రెస్ పరిపాలన లో అవినీతి, అక్రమలు, అబద్దం మాటలు విని ఇప్పటికి మనం ఇంకా దొంగ రాజకీయ నాయకుల చేతిలో బానిస బతుకులు బతుకుతున్నాం అన్న సంగతి కూడ మర్చిపోయ్యము..నిజం ఏంటి, అసలు మణిపూర్ లో ఏమి జరిగింది..........

మణిపూర్ ఒక్కప్పుడు హిందువుల తో  శోభనియంగా ఉండేది. హిందు పండుగలు చాలా ఘనంగా జరిగేవి.. కలిసి మెలిసి జీవించే ఒక్క సనాతన దర్మం అక్కడ పాటించేవాళ్ళు.. మంచి కొండా ప్రాంతం, చక్కగా వ్యవసాయం చేసి జీవించే వాళ్ళు.. కొన్ని రోజుల తరువాత అక్కడి పరిస్థితి లు మారాయి.. కాంగ్రెస్ పరిపాలన వచ్చింది. హిందు మతం ను విడగొట్టడం ప్రారంభించరు. మెల్లగా మెల్లగా హిందువులను మతం మార్చడం, వాళ్ళ లో  హిందు మతం మీద హిందువుల మీద విషం కక్కే మాటలు బుర్ర లో నింపడం చేశారు... అంతటితో ఆగాకుండ కాంగ్రెస్ నాకు ఎందుకు లే అని అందరికి విచ్చలవిడిగా వొదిలేసింది.. అక్కడి ప్రజలు హిందు, క్రిస్టియన్స్, ముస్లిం లుగా విడి పోయి బతకడం ప్రారంభించరు..అంతే కాకుండా అక్కడి ప్రజలు సుఖానికి అలావాటు పడి తొందరగా డబ్బు ఎలా సందించడం మీద దృష్టి పెట్టరు వాళ్ళ వ్యవసాయం లో మార్పులు వచ్చాయి.. కొండ ప్రాంతం లో ఉన్నవారు గంజాయి, పొగాకు పంటలు వెయ్యడం ప్రారంభించరు..100% ఉన్న హిందువులను మతం మర్చి 35% హిందువులగా చేసి వారిని ఒక్క సర్కిల్ లో తెచ్చి వారి హక్కులను, వారి స్థితి గతులను ఒక్క రక్షణ లేని వలయం లో పెట్టింది కాంగ్రెస్ పార్టీ... చుట్టూ సముద్రం మధ్యలో భూమి ఉంటే అక్కడ బతికే వారి పరిస్థితి ఎలా ఉంటది ఒక్కసారి ఆలోచించండి మణిపూర్ హిందువుల పరిస్థితి కూడ అలాగే మరి పోయింది... అక్కడ కాంగ్రెస్ పార్టీ కి  ఎవరు ఓడించారు అని అనుకున్న సమయం లో బీజేపీ అక్కడ రావడం జరిగింది.. అది జిర్ణించుకోలేని కాంగ్రెస్ పార్టీ చేస్తున్న నాటకమే మణిపూర్ అల్లారులు...

బీజేపీ అక్కడ ఒక్కటే చేసింది. కొండ ప్రాంతం లో ఉన్న వాళ్ళ గంజాయినీ నాశనం నాశనం చేసి ప్రజలకు మంచి పరిపాలన అంది ఇవ్వాలి అని...అది కాంగ్రెస్ పార్టీ కి నచ్చడం లేదు... ఎప్పటికైనా హిందువులు మారండి.. బీజేపీ కి ఓటు వెయ్యండి.. దేశం ను కాపాడండి...సేకరణ శంకర్ శేర్ల...జై హింద్.. జై శ్రీరామ్..

అర్థవంతమైన_హిందూమతం

 #అర్థవంతమైన_హిందూమతం


 తమిళ భాషలో కవిరాజుగా ప్రసిద్ధి చెందిన కన్నదాసన్ గారు చెప్పిన మాటలు అక్షర సత్యాలు.


*నేను హిందువుగా ఉండడానికి ఇష్టపడుటకు కారణాలు👇👍


1. భగవంతుడు లేడని చెప్పినా, మత ద్రోహిగా పరిగణించని ధర్మం, హిందూధర్మం.


2. రోజుకు ఇన్ని సార్లు, వారానికి ఇన్ని సార్లు, నెలకు ఇన్ని సార్లు తప్పనిసరిగా గుడికి వెళ్ళే తీరాలనే నిబంధనలు పెట్టని ధర్మం, హిందూధర్మం.


3. జీవిత కాలంలో కాశికో లేక రామేశ్వరానికో తప్పనిసరిగా ఒక్క సారి వెళ్ళే తీరాలనే నిబంధనలు పెట్టని ధర్మం, హిందూధర్మం.


4. హిందూ మత గ్రంథాల ప్రకారమే జీవనాన్ని కొనసాగించాలనే నిబంధనలు పెట్టని ధర్మం, హిందూధర్మం.  


5. హిందూ మతానికి ప్రత్యేకమైన మతపెద్ద అంటూ ఎవరూ ఉండరు. 


6.  సన్యాసులు, స్వామీజీలు, మఠాధిపతులు తప్పులు చేసినా, నిలదీసి, ప్రశ్నించే ధర్మం, హిందూధర్మం.


7.  హిందువులు ఈ క్రింది వాటిని కూడా భగవత్సరూపాలుగానే ఆరాధిస్తారు.


 వృక్షాలు దైవ స్వరూపాలే.

 రాళ్ళూ - రప్పలూ కూడా దైవస్వరూపాలే.


8 నీరు (గంగ), గాలి కూడా దైవ సవరూపమే.


9 వానరాలు (కోతులు),కుక్కలు (భైరవుడు),పందులు(వరాహం) కూడా దైవ స్వరూపాలే.


10. నీవు దైవ స్వరూపమే.

నేనూ దైవ స్వరూపమే. 

చక్షు గోచరమైనవన్నీ (కంటికి కనిపించేవన్నీ)

     దైవ స్వరూపాలే.    


11.  చతుర్వేదాలు,  నాలుగు ఉప వేదాలు, రెండు ఇతిహాసాలు, పద్దెనిమిది పురాణాలు, పద్దెనిమిది ఉప పురాణాలు, ఆరు శాస్త్రాలు, పద్దెనిమిది స్మృతులతో పాటు 1200 వందలకు పైగా ధార్మిక గ్రంథాలు గల సువిశాల ధర్మం, హిందూధర్మం. 


12.మన ధార్మిక గ్రంథాలు మనకు బోధించే విశిష్ట ధర్మాలు.


కర్మల గురించి తెలియాలంటే ......

👉 వేదాలు చదవాలి.


సమస్త జ్ఞానం పొందాలంటే ......

👉 ఉపనిషత్తులు చదవాలి.


పర స్త్రీ వ్యామోహం పోవాలంటే ......

👉 రామాయణం చదవాలి.


రాజ్యకాంక్ష, పదవీ వ్యామోహం పోవాలంటే ......

👉 మహాభారతం చదవాలి.


భగవంతుని తత్త్వం తెలియాలంటే ......

👉 భాగవతం చదవాలి.


చక్కటి పరిపాలన అందించాలంటే ......

👉 కౌటిల్యుని "అర్థశాస్త్రం" చదవాలి.


అన్యోన్య దాంపత్యానికి ......

👉 వాత్స్యాయన కామశాస్త్రం చదవాలి.


చక్కటి ఆరోగ్యానికి ......

👉 ఆయుర్వేదం చదవాలి.


మేథస్సుకు ......

👉 వేద గణితం చదవాలి.


శారీరక ఆరోగ్యానికి మరియు శారీరక సౌష్ఠవానికి ......

👉 పతంజలి యోగశాస్త్రం చదవాలి.


భవన నిర్మాణాలకు ......

👉 వాస్తుశాస్త్రం చదవాలి.


గ్రహ, నక్షత్రాలను గురించి తెలుసుకోవడానికి ......

👉 ఖగోళ శాస్త్రాన్ని చదవాలి.


13. ఎవ్వరినీ బలవంతంగా మతం మార్పించే ప్రయత్నం చేయని ధర్మం, హిందూధర్మం.


14. ఆహార అలవాట్లలో కూడా ఎవరికి ఇష్టం వచ్చినట్లు వారు ఉండవచ్చు. (ప్రపంచంలో శాకాహారం, మాంసాహారం  ఈ రెంటిలో ఎవరికి నచ్చిన ఆహార పద్ధతులను వారు పాటించవచ్చు.)


15. హిందూధర్మం, అన్ని మతాలను, అన్ని ధర్మాలను సమానంగానే పరిగణిస్తుంది.


16. మోక్షానికి దారి చూపించే ధర్మమే, హిందూధర్మం.


17. అన్ని మతాలను గౌరవించే ధర్మం, హిందూధర్మం.


18. పరమత దూషణ చెయ్యని ధర్మం, హిందూ ధర్మం.


                జై హింద్.


           ఓమ్ శ్రీ మాత్రే నమః

      సర్వేజనా సుఖినోభవంతు

రక్షాబంధనం

 🔅 రక్షాబంధనం ఎలా ప్రారంభమైందంటే ...  


పూర్వం దేవతలకు , రాక్షసుల కు మధ్య పుష్కరకాలం యుద్ధం సాగింది. యుద్ధంలో ఓడిపోయిన దేవతల రాజు దేవేంద్రుడు నిర్వీర్యుడై, తన పరివారమంతటినీ కూడగట్టుకొని అమరావతిలో తలదాచుకుంటాడు. భర్త నిస్సాహాయతను చూసిన ఇంద్రాణి తరుణోపాయం ఆలోచిస్తుంది.


 రాక్షస రాజు అమరావతిని దిగ్బంధనం చేస్తున్నాడని తెలుసుకొని భర్త దేవేంద్రుడికి సమరం చేయడానికి ఉత్సాహాన్ని కల్పిస్తుంది. సరిగ్గా ఆ రోజు శ్రావణ పౌర్ణమి కావడంతో పార్వతీ పరమేశ్వరుల ను , లక్ష్మీనారాయణులను పూజించి రక్షాను దేవేంద్రుడి  చేతికి కడుతుంది. అది గమనించిన దేవతలందరూ వారు పూజించిన రక్షలను తీసుకువచ్చి ఇంద్రుడికి కట్టి పంపుతారు. సమరంలో గెలిచిన ఇంద్రుడు తిరిగి త్రిలోక ఆధిపత్యాన్ని పొందుతాడు. శచీదేవి  ప్రారంభించిన ఆ రక్షాబంధనం.. 


 రాఖీ పండుగగా ఆచారమైందని పురాణాలు చెబుతున్నాయి.


      రాఖీపౌర్ణమి చరిత్ర


    ద్రౌపది - శ్రీకృష్ణుని బంధం


ఇతిహాసాల ప్రకారం చూస్తే ద్రౌపది , శ్రీకృష్ణుడికి అన్నాచెల్లెల అనుబంధం అత్యంత గొప్ప అనుబంధంగా కనిపిస్తుంది. శిశుపాలుడిని శిక్షించే క్రమంలో సుదర్శన చక్రాన్ని ప్రయోగించిన కృష్ణుని చూపుడు వేలుకు రక్తం ధారగా కారుతుందట.


అది గమనించిన ద్రౌపది తన పట్టుచీర కొంగు చింపి వేలికి కట్టు కట్టిందట. దానికి కృతజ్ఞతగా ఎల్లవేళలా అండగా ఉంటానని శ్రీకృష్ణుడు ద్రౌపదికి హామీ ఇస్తాడు. అందుకు ప్రతిగా దుశ్శాసనుడి దురాగతం నుండి ఆమెను కాపాడుతాడు...


శ్రీ మహావిష్ణువు - బలిచక్రవర్తి


శ్రీ మహావిష్ణువు బలి చక్రవర్తి కోరిక మేరకు అతనితోపాటు పాతాళంలో ఉండిపోతాడు. 


శ్రీమహాలక్ష్మి వెళ్లి బలిచక్రవర్తికి రక్షాబంధంకట్టి , తన భర్తను వైకుంఠానికి తీసుకొనిపోతుంది. అందుకే రక్షాబంధానికి ఇంత ప్రాధాన్యత ఏర్పడింది.


 (రక్ష బంధం మంత్రం : " ఏన బద్ధో బలీ రాజా దానవేంద్రో మహాబలః తేన త్వా మభిబధ్నామి రక్షే మా చల మా చల" 


భావం - ఓ రక్షాబంధమా ! మహాబలవంతుడూ , రాక్షసరాజు అయిన బలిచక్రవర్తిని బంధించినావు. కాబట్టే నేను నిన్ను ధరస్తున్నాను.)



జై శ్రీకృష్ణ



( సేకరణ )