ఉద్వేగం తన్నుకొస్తోంది!
ఉత్సాహం అంతరిస్తోంది!
మారిన జగతి పొకడల్ని చూసి!
అంతరించిన మానవతా విలువలకు వగచి!
భారతీయతను మరిచాం!
ఆధునికత పేరుతో అన్నీ మార్చేస్తున్నాం!
కడకు వసుధనే ఏమార్చే స్థితికి
ఎదిగాం!
మనకు కావల్సింది ఎదురులేని స్వేచ్ఛ!
మనతరంగాల్లో దాగుంది!
సర్వమూ నా సొంతం కాకుంటే
పాదాక్రాంతం కావాలనే ఇచ్ఛ!
ఈ వింత ధోరణులన్నీ!
ప్రగతికి ప్రతిబంధకాలుగా మారుతున్న వేళ!
ఏ గీతా ప్రబోధం వీరిని మార్చాలి!
ఏ బైబిల్ వీరిలోని విజ్ఞానాన్ని
మేల్కొల్పాలి!
ఏ ఖురాను ఈ జనతకు సుగమ మార్గాన్ని ప్రబోధించాలి!
మత మౌఢ్యం తొలగిపోయి!
మిత వాదం పరిఢవిల్లి!
సమత మమత ల స్వర్ణయుగం!
సాకారం కావాలని!
ఆ ఆకారానికై!
ఇకనైనా, ఇపుడైనా!
పురోగమిస్తూ మనమంతా!
మానవత తో ఇమ్మహిపై!
మనమంతా పురోగమిద్దాం!
మళ్లీ భారతీయతా సంస్కృతీ
సంప్రదాయాల పరిరక్షణలో!
భారతీయ పురోభివృద్ధికి!
ఎందరో మహనీయుల,త్యాగధనుల
అడుగుజాడల్లో పయనిద్దాం!
గగన వీధుల్లో మన భారత కేతనాన్ని స్వేచ్ఛగా ఎగుర నిద్ధాం!
నిజంగా!..మనమంతా భారతమ్మ ముద్దుబిడ్డ లనీ
చాటుకుందాం!
దోస పాటి.సత్యనారాయణ మూర్తి
సామర్లకోట
9866631877
కామెంట్‌లు లేవు:
కామెంట్‌ను పోస్ట్ చేయండి