దుర్గమంబులయందు

 *సీసము*

దుర్గమంబులయందు దుర్గమా యమ్మగా

   సుగమంబు లనుకూర్చు నిగమ జనని

శత్రుపీడలయందు సతమత మౌనాడు

   కాళికాదేవిగా కాచు తల్లి

సిరులొసంగెడు వేల్పు శ్రీ మహాలక్ష్మి యై

   సకలసంపదలిడు సన్నుతాత్మ

మాకాళి మాలక్ష్మి మాసరస్వతియౌ

   ఆదిపరాశక్తి యఖిల జనని.

*తే.గీ.*

సకల విద్యలు సమకూర్చు శారదాంబ

అఖిలసంపదలొసగంగ యమ్మ లక్ష్మి

దుష్ట సంహార మొనరించు దుర్గ తానె

మూడు మూర్తుల కలబోత మోక్షదాయి.

*అందరికీ దుర్గాష్టమీ మహానవమీ విజయదశమి శుభాకాంక్షలు.*

*** *కొంపెల్ల శ్రీనివాస శర్మ*