🌸శ్రీ రామ స్తుతి🙏
సీ. సీతా మనోహరా ! చిన్మయా ! శ్రీరామ !
యిందీవర శ్యామ ! వందనములు
నిత్య నిరంజనా ! నిరుపమ గుణధామ !
శంకర పూజితా ! శరణు శరణు !
పరమాత్మ ! నిను భక్తి భజన చేసిన వారు
భవ బంధ మోక్షంబు బడయ గలరు.
శరణన్న వారిని కరుణతో బ్రోచెడు
సాకేత పురివాస ! సార్వ భౌమ !
తే. దనుజమర్దన శ్రీరామ ! ధన్య చరిత !
రవికులేశ్వర రఘువీర ! రమ్య తేజ !
భువన మోహన యో రామ ! పుణ్య పురుష !
దశరథాత్మజ ! రఘురామ !ధర్మ తేజ !
సాహితీ శ్రీ జయలక్ష్మి
కామెంట్లు లేవు:
కామెంట్ను పోస్ట్ చేయండి