7, జులై 2022, గురువారం

ఆధ్యాత్మికం..ఆత్మ విద్య

 ఆధ్యాత్మికం..ఆత్మ విద్య.. ఎవరికి కావాలి? (అంతర్మధనం)

...............................

ప్రవాహంలో కొట్టుకు పోతున్న వాడికి గడ్డిపోచ ఆధారంగా దొరికినా గట్టెక్కుతాడు. అదే ఆధ్యాత్మిక విద్య. ఆ ఆరాటం పోరాటమైతే నిన్ను నువ్వు తెలుసుకునే ప్రయత్నం జరిగి ఆత్మ వైపు మళ్ళితే అది ఆత్మ విద్య. ఆత్మ పరమ లక్ష్యం పరమాత్మను సాధించు కోవడమే.


ఆచార్య వాణి..

....................

ఆచార్యుల అనుగ్రహం లేకుంటే ఏదీ అర్థం కాదు, ఏదీ సాధించ లేము. ఆచార్యుల అనుగ్రహంతో గ్రహించిన రెండు విషయాలు అవలోకిద్దాం.  త్రిమతాచార్యులు చెప్పిన విషయాలు లౌకికులు అర్థం చేసుకున్నా ఇట్టే మరచిపోతారు. సాధకులు అనుభవించి తెలుసు కుంటారు. తపస్సే ఏ సాధనకైనా మూలం. తపస్సు యోగమై ఆహార శుద్ధి కలుగుతుంది. అప్పుడు రాగం.. విరాగమై.. శరీరానికి, ఆత్మకు అనుసంధానమైన పరమాత్మ..అంటే ఈశ్వర ప్రాప్తి కలుగుతుంది.


అహం బ్రహ్మాస్మి..

..... ..............

ఇది శంకర భగవత్ పాదుల ఉవాచ. నిజానికి ఇది ఉపనిషత్ వాక్యమే. నేను - నువ్వు ఒకటే అంటే..ఆత్మే పరమాత్మ అన్నమాట. అయితే ఇది తపస్సు ద్వారా మాత్రమే తెలుసుకోవాలి. అంతే కానీ నేనూ, నువ్వు ఒకటే అని తేలిగ్గా అనేసుకుంటే అహంకారమే మిగులుతుంది. శంకరాచార్యుల భాష్యానికి  విపరీత అర్థం తీసుకో కూడదు. శంకరాచార్యుల వారి అద్వైతం..ఆ రెండూ ఒకటే అంటుంది. ఆ రెండూ..ఆత్మ, పరమాత్మ. సాధనతో ఆత్మను తెలుసుకుంటే అది యోగమై పరమాత్మతో అనుసంధానమై ఆ రెండు ఒకటై పోతాయి. అంటే మిగిలేది ఒక్కటే.  శ్రీ రామానుజుల వారు రెండు కాదు..మూడు అన్నారు. అవి..శరీరం, ఆత్మ, పరమాత్మ. శరీరం లేదా ప్రకృతి..అంటే పాంచ భౌతిక దేహం చిత్ అన్నమాట. ఆత్మ శాశ్వతం. శరీరం పతనమైతే వేరే ఉపాధి తీసుకుంటుంది. శరీరం, ఆత్మకు ఆధారమైనది పరమాత్మ. ఆ విధంగా పరమాత్మను తెలుసుకోవాలి. ఆత్మకు సాక్షీభూతం పరమాత్మ. ఇదే.. విశిష్ట అద్వైతం. ఇక..మూడవది ద్వైతం. ఆత్మ వేరు..పరమాత్మ వేరు అంటారు     మధ్వాచార్యుల వారు. ఏది ఏమైనా త్రిమతాచార్యుల వారి తత్మం ఒక్కటే. ఆ ఈశ్వర ప్రాప్తే జీవుడి చరమ లక్ష్యం కావాలి. నశించి పోయే శరీరమే నేను అనుకోకుండా.. ఎప్పటికీ నశించని ఆత్మ స్వరూపులై.. ఈశ్వర ప్రాప్తి పొందాలి. ఆచార్యుల వాణి మనకు అలాంటి స్థితి కలిగించు గాక. స్వస్తి.// ఆదూరి వేంకటేశ్వర రావు.🙏


సంగీతము సాహిత్యము

 శ్లోకం:☝️

*సంగీతమపి సాహిత్యం*

   *సరస్వత్యాః పదద్వయం l*

*ఏకమాపాత మధురమ్-*

   *అన్యమాలోచనామృతం ll*

    - సంగీతరత్నాకరం


భావం: సంగీతము సాహిత్యము సరస్వతీ దేవి యొక్క పాద పద్మములు. ఒకటి చెవులకు మధురంగా ఉంటుంది. రెండవదైన సాహిత్యం ఆలోచించే కొలదీ అమృతం ఊరుతుంది. ఈ రెంటినీ ఉపాసించినవాడు సరస్వతీ కటాక్షానికి పాత్రుడవుతాడు. సరస్వతీ కటాక్షం ఉంటే రెండూ అబ్బుతాయి! (పై శ్లోకంలో *పదద్వయం* బదులుగా *స్తనద్వయం* అన్న పదం వాడుకలో ఉంది.🙏

అమ్మవారికి అలంకరణ

 అమ్మవారి పూజలో ముఖ్యమైనది అలంకరణ.. 

అవునండి నిజంగా మీ పూజ ఫలించాలంటే అమ్మవారిని చక్కగా అలంకరించి ఆ తర్వాత మీరు కూడా అమ్మవారి వలే అలంకరించుకోవాలి..

ఎందుకంటే మనం పూజ చేస్తున్నప్పుడు అమ్మని చూస్తూ అమ్మవారి వలే ఎలా కనిపించాలని అనుకుంటామో అలాగే అమ్మవారు కూడా పూజ సమయంలో మనలోనిని తనను చూసుకుంటూ మురిసిపోతుంది..

అందుకే ఆ సమయం లో మీ ముఖంలో ఏదో తెలియని కళ,శక్తి కనిపిస్తాయి అంటే అమ్మ మీ చేతులతో పూజ చేయిస్తూ తనని మీలో చూసుకుంటూ మురిసిపోతూ ఉంటుంది..

సాక్షాత్తు ఆ బ్రహ్మ, విష్ణువు, మహేశ్వరులే అమ్మవారిని దర్శించుకోవడానికి స్త్రీ రూపంలో అలంకరించుకొని దర్శించుకుంటారు..అంటే అమ్మవారికి అలంకరణ అంటే ఎంత ఇష్టమో అర్థమవుతుంది.

6, జులై 2022, బుధవారం

గురుకులములు

 ఇంగ్లాండ్‌లో మొదటి పాఠశాల 1811లో ప్రారంభించబడింది. ఆ సమయంలో భారతదేశంలో 7,32,000 గురుకులములు ఉన్నాయి. 


మన గురుకులాలు ఎలా మూసివేయబడ్డాయో,  గురుకుల అభ్యాసం ఎలా ముగిసిందో తెలుసుకుందాం.

గురుకుల సంస్కృతిలో (సనాతన సంస్కృతిలో)  ఈ క్రింది విషయాలను బోధించారు.


01 అగ్ని విద్య (లోహశాస్త్రం)

02 వాయు విద్య (గాలి)

03 జల్ విద్య (నీరు)

04 అంతరిక్ష విద్య (స్పేస్ సైన్స్)

05 పృథ్వి విద్య (పర్యావరణం)

06 సూర్య విద్య (సౌర అధ్యయనం)

07 చంద్ర మరియు లోక్ విద్య (చంద్ర అధ్యయనం)

08 మేఘ విద్య (వాతావరణ సూచన)

09 ధాతు ఉర్జా విద్య (బ్యాటరీ శక్తి)

10 దిన్  రాత్ విద్య.

12 శ్రద్ధా విద్యా (అంతరిక్ష పరిశోధన)

13 ఖాగోళ విజ్ఞానం (ఖగోళ శాస్త్రం)

14 భుగోళ విద్య (భౌగోళిక)

15 కాల విద్యా(సమయ అధ్యయనాలు)

16 భూగర్బ విద్య (జియాలజీ & మైనింగ్)

17 రత్నాలు మరియు లోహాలు 

18 ఆకర్షణ విద్య (గురుత్వాకర్షణ)

19 ప్రకాశ విద్య (శక్తి)

20 సంచార విద్య (కమ్యూనికేషన్)

21 విమాన విద్య (విమానం)

22 జలయన్ విద్య (నీటి నాళాలు)

23 అగ్నియా ఆస్ట్రా విద్య (ఆయుధాలు మరియు మందుగుండు సామగ్రి)

24 జీవవిజ్ఞాన విద్య (జీవశాస్త్రం, జంతుశాస్త్రం, వృక్షశాస్త్రం)

25 యజ్ఞ విద్య


ఇది శాస్త్రీయ విద్య యొక్క చర్చ. ఇప్పుడు ప్రొఫెషనల్ మరియు టెక్నికల్ విభాగాల గురించి తెలుసుకుందాం!*


26 వ్యాపార్ విద్య (వాణిజ్యం)

27 కృషి విద్య (వ్యవసాయం)

28 పశు పాలన విద్య (పశుసంవర్ధక)

29 పక్షి పాలన (బర్డ్ కీపింగ్)

30 యాన విద్య (మెకానిక్స్)

32 వాహనాల రూపకల్పన

33 రతంకర్ (రత్నాలు & ఆభరణాల రూపకల్పన)

36 కుమ్హార్ విద్యా (కుమ్మరి)

37 లఘు (లోహశాస్త్రం & కమ్మరి)

38 తక్కలు

39 రంగ్ విద్యా (డైయింగ్)

40 ఖాట్వాకర్

41 రజ్జుకర్ (లాజిస్టిక్స్)

42 వాస్తుకర విద్యా (ఆర్కిటెక్చర్)

43 ఖానా బనానే కి విద్యా (వంట)

44 వాహన్ విద్యా (డ్రైవింగ్)

45 జలమార్గాల నిర్వహణ

46 సూచికలు (డేటా ఎంట్రీ)

47 గౌషాలా మేనేజర్ (పశుసంవర్ధక)

48 బాగ్వానీ (హార్టికల్చర్)

49 వాన్ విద్యా (అటవీ)

50 సహోగీ ( పారామెడిక్స్).


ఈ విద్య అంతా గురుకులం లోనే బోధించబడింది, కాని కాలంతో పాటు, గురుకులాలను  అదృశ్యము చేసి బ్రిటిష్ వారు ఈ జ్ఞానం అంతటిని కనుమరుగయ్యేలా చేశారు! ఇది మెకాలేతో ప్రారంభమైంది. ఈ రోజు, మెకాలే పద్ధతి ద్వారా మన దేశ యువత  భవిష్యత్తు ఇప్పటికీ నాశనం అవుతోంది.


భారతదేశంలో గురుకుల సంస్కృతి ఎలా ముగిసింది?

కాన్వెంట్ విద్య పరిచయం గురుకులాన్ని నాశనం చేసింది. భారతీయ విద్యా చట్టం 1835 లో ఏర్పడింది (1858 లో సవరించబడింది). దీనిని 'లార్డ్ మెకాలే' రూపొందించారు.


మెకాలే ఇక్కడ విద్యావ్యవస్థపై ఒక సర్వే నిర్వహించగా, చాలా మంది బ్రిటిషర్లు భారతదేశ విద్యా విధానం గురించి తమ నివేదికలను ఇచ్చారు. బ్రిటిష్ అధికారి ఒకరు జి.డబ్ల్యు. లూథర్ మరియు మరొకరు థామస్ మున్రో! వారిద్దరూ వేర్వేరు ప్రాంతాలను వేర్వేరు సమయాల్లో సర్వే చేశారు. ఉత్తర భారతదేశం (ఉత్తర భారత్) ను సర్వే చేసిన లూథర్, ఇక్కడ 97% అక్షరాస్యత ఉందని, దక్షిణ భారతదేశం (దక్షిణ భారత్) ను సర్వే చేసిన మున్రో ఇక్కడ 100% అక్షరాస్యత ఉందని రాశారు.


భారతదేశం (భారత్) శాశ్వతంగా బానిసలుగా ఉండాలంటే, దాని ′ ′ *దేశీయ మరియు సాంస్కృతిక విద్యావ్యవస్థ*  పూర్తిగా కూల్చివేయబడాలి మరియు దాని స్థానంలో ′ ′ ఆంగ్ల విద్యా విధానం  ఉండాలి అని మెకాలే స్పష్టంగా చెప్పారు మరియు అప్పుడే భారతీయులు శారీరకంగా భారతీయులు అవుతారు , కానీ మానసికంగా ఇంగ్లీష్ వారు అవుతారు. 


వారు కాన్వెంట్ పాఠశాలలు లేదా ఇంగ్లీష్ విశ్వవిద్యాలయాలను విడిచిపెట్టినప్పుడు, వారు బ్రిటిష్ వారి ప్రయోజనాలకు పని చేస్తారు.

మెకాలే ఇలా చెప్పాడు -  ఒక పంటను నాటడానికి ముందు ఒక వ్యవసాయ క్షేత్రాన్ని పూర్తిగా దున్నుతున్నట్లే, దానిని దున్నుతూ ఆంగ్ల విద్యావ్యవస్థలో తీసుకురావాలి.  అందుకే అతను మొదట గురుకులము చట్టవిరుద్ధమని ప్రకటించాడు. అప్పుడు అతను సంస్కృతాన్ని చట్టవిరుద్ధం అని ప్రకటించి గురుకుల వ్యవస్థకు నిప్పంటించాడు, అందులో ఉన్న ఉపాధ్యాయులను కొట్టి జైలులో పెట్టించాడు.


1850 వరకు భారతదేశంలో '7 లక్షల 32 వేల' గురుకుల & 7,50,000 గ్రామాలు ఉన్నాయి. దాదాపు ప్రతి గ్రామంలో గురుకులము ఉంది మరియు ఈ గురుకులములన్నీ  'ఉన్నత విద్యా సంస్థలు' గా ఉండేవి.  గురుకులములు  ప్రజలు మరియు రాజు చేత  కలిపి నడుపుబడేవి.

విద్యను ఉచితంగా ఇచ్చారు.

గురుకులాలు రద్దు చేయబడ్డాయి మరియు ఆంగ్ల విద్యను చట్టబద్ధం చేశారు మరియు కలకత్తాలో మొదటి కాన్వెంట్ పాఠశాల ప్రారంభించబడింది. ఆ సమయంలో దీనిని 'ఉచిత పాఠశాల' అని పిలిచేవారు. ఈ చట్టం ప్రకారం కలకత్తా విశ్వవిద్యాలయం, బొంబాయి విశ్వవిద్యాలయం & మద్రాస్ విశ్వవిద్యాలయం సృష్టించబడ్డాయి. ఈ మూడు బానిస యుగ విశ్వవిద్యాలయాలు ఇప్పటికీ దేశంలో ఉన్నాయి!


మెకాలే తన తండ్రికి ఒక లేఖ రాశారు. ఇది చాలా ప్రసిద్ధ లేఖ, అందులో అతను ఇలా వ్రాశాడు: " కాన్వెంట్ పాఠశాలలు భారతీయుల మాదిరిగా కనిపించే పిల్లలను బయటకు తీసుకువస్తాయి కాని వారి మెదడు ఇంగ్లీషు భావజాలంతో నిండి ఉంటుంది


మరియు వారికి వారి దేశం గురించి ఏమీ తెలియదు. వారి సంస్కృతి గురించి వారికి ఏమీ తెలియదు, వారి సంప్రదాయాల గురించి వారికి తెలియదు, వారి జాతి గురించి వారికి తెలియదు, అలాంటి పిల్లలు ఈ దేశంలో ఉన్నప్పుడు, బ్రిటిష్ వారు వెళ్లినా, ఇంగ్లీష్ ఈ దేశాన్ని విడిచిపెట్టదు".  ఆ సమయంలో రాసిన లేఖ లో ఉన్న నిజం ఈనాటికీ మన దేశంలో స్పష్టంగా కనిపిస్తుంది. ఈ చర్య ద్వారా మన స్వంత భాష మాట్లాడటం మరియు మన స్వంత సంస్కృతిని చూసి సిగ్గుపడటం, మనల్ని మనం తక్కువగా భావిస్తున్నాము. 


మాతృభాష నుండి దూరం కాబడిన సమాజం ఎప్పటికీ అభివృద్ధి చెందదు మరియు ఇది మెకాలే యొక్క వ్యూహం! నేటి యువతకు భారతదేశం కంటే యూరప్ గురించి ఎక్కువ తెలుసు. భారతీయ సంస్కృతిని గొప్పతనం తెలుసుకోండి.


 మన భారతీయ సంస్కృతి , వారసత్వాన్ని   తిరిగి పొందే సమయం ఇది.


_మెగా మైండ్స్

'నౌకాగ్రకాకవత'

 'నౌకాగ్ర కాకవత'

కాకులకు గల సహజ గుణం ఒకచోట వాలి కొంతసమయం ఉండి మరల లేచి ఇంకొక చోటికి వెళ్ళుతాయి.  అంటే ఒకచోట స్థిరంగా వుండవు.  అలాగే ఒక కాకి ఒక నౌకమీద అంటే నౌకమీద వుండే స్తంభం మీద వాలిందట కొంతసమయం అది అక్కడ వున్నది.  కానీ కాకికి తెలియకుండా ఒక సంఘటన జరిగింది అదేమిటంటే  ఆ నౌకని నడిపే నావికుడు అతివేగంగే నౌకను సముద్రంలోకి తీసుకొని వెళ్ళాడు. ఈ విషయం తెలియని కాకి తన స్వభావానుసారం నౌక స్తంభం మీదినుంచి లేచి ఇంకొక చోటికి వెళ్ళటానికి యెగిరి వెళ్ళింది.  కానీ దానికి ఆ స్తంభం తప్పించి ఆ పరిసరాలలో ఎత్తయిన ప్రదేశం అంటే భవంతులు కానీ, చెట్లు కానీ ఏవి కనుచూపు మేరలో కనిపించలేదు.  అంతే కాదు చుట్టూ లోతయిన సముద్రం.  పొరపాటున సముద్రంలో పడితే అంతం తప్పదు. కొంచం సేపు గాలిలో యెగిరి మరలా ఆ నౌక స్తంభంమీదనే వాలింది. కొద్దిసేపయినా తరువాత తన సహజ స్వభావంతో మరల గాలిలో యెగిరి అంతటా తిరిగి చూసింది కానీ పరిస్థితి అట్లానే వున్నది. అలాగ మరలా మరలా తిరిగి తిరిగి చివరకు తెలుసుకున్నది తనకు ఆ నౌక స్తంభం తప్ప వేరే ఆధారం లేదని.  కానీ ఈ విషయం తెలుసుకోవటానికి ఆ కాకి చాలాసార్లు ఆ నౌక స్తంభం మీది నుంచి లేచి గాలిలో ఎన్నో సార్లు తిరిగిన తరువాత కానీ తనకు ఆ నౌక స్తంభం తప్ప వేరే గతి లేదని తెలుసుకోగలిగింది. కాబట్టి 

సాధక మన మనస్సు కూడా ఆ కాకి లాంటిదే ఎప్పుడు ఒక చోట నిలువదు ఒకచోటి నుండి ఇంకొక చోటికి అంటే ఒక విషయం మీదనుండి ఇంకొక విషయం మీదకు వెళుతూ ఉండటం దాని సహజ లక్షణం.  ఆ లక్షణాన్ని వదిలి దానికి భగవంతుడు తప్ప ఇతర విషయాలు లేవనేవిధంగా సాధకుడు సద దైవ జ్యానంలో ఉండాలి ఎలాగంటే కాకికి ఒక్క నౌక స్తంభం తప్ప ఇంకొకటి కనపడనట్లు సాధకుని మనస్సుకు భగవంతుడు తప్ప ఇంకొక విషయం లేదు అనే విధంగా సాధకుడు ప్రవర్తిస్తే సాధకుని మనస్సు సదా భగవంతుని మీదనే  ఉంటుంది. కాకపొతే ఇది చెప్పినంత సులువు కానే  కాదు. అతి కఠోరమైన, నిరంతమైన కఠోర తప్పస్సు చేస్తేనే అది సాధ్యం.  నేను ఆలా చేయగలనా అనే సందేహం ప్రతి సాధకునికి కలుగుతుంది.  కానీ మిత్రమా నిత్య దీక్షాపరుడైన సాధకుడు తప్పకుండా సాధించగలడు. అరిషడ్వార్గాలను వదిలి ఇప్పుడే సాధన మొదలు పెట్టు తప్పకుండా నీ లక్ష్యం నెరవేరుతుంది.  ఎందుకంటె సదా సర్వేశ్వరుడు సాధకునితోటె ఉంటాడు.  

ఓం తత్సత్ 

ఓం శాంతి శాంతి శాంతిః 

5, జులై 2022, మంగళవారం

తెలుగు పదాలు, మాండలికాలు

 అత్తారింటికి దారేది సినిమాలో వచ్చిన #కాటమరాయుడా పాట గుర్తుందా మీకు??


నిజానికి ఈ పాట చాలా గొప్ప భక్తి పాట...


అనంతపురం జిల్లా, కదిరిలో ఉన్న #నరసింహస్వామి వారిని కీర్తించేది ఇది… తనకు వేటరాయుడు అనే పేరు కూడా ఉంది… వేట్రాయి కాస్తా కన్నడ ప్రభావంతో బేట్రాయి అయ్యింది… అందుకే బేట్రాయి సామి అయ్యాడు… ఎంత మంచి కీర్తన అంటే..?


#యడ్ల_రామదాస అనే ఓ వడ్డెర కులస్థుడు రాసిన పాట ఇది… ఊరూరూ తిరుగుతూ రాళ్లు కొట్టుకునేవాడు… ఓసారి ఓ రాయిని పగులగొడితే అందులో నుంచి కప్ప బయటపడుతుంది… దానితో జీవం, దేవుడి మీద మథనంతో… దేవుడి దశావతారాలనూ తనదైన జానపద శైలిలో కీర్తిస్తాడు… దశావతారాలు మానవ పరిణామ గతిని, మనిషి పిండ దశ నుంచి తల్లి గర్భంలో ఎదిగే పలు దశల్ని కూడా సూచిస్తాయి తెలుసు కదా… ఇదీ అంతే


#పలకల_భజన  అని పిలిచేవారు, భజనల కాంపిటీషన్ నడిచేది అందులో ఈ పాట హోరుకు అంతేలేదు..

……


పూర్తి పాట ఇది..


బేట్రాయి సామి దేవుడా – నన్నేలినోడ, బేట్రాయి సామి దేవుడా


కావేటి రాయుడా – కదిరి నరసిమ్ముడా

మేటైన వేటుగాడ నిన్నే నమ్మితిరా ||బేట్రాయి||


శాప కడుపు సీరి పుట్టగా – రాకాసిగాని కోపామునేసి కొట్టగా

ఓపినన్ని నీల్లలోన వలసీ వేగామె తిరిగి

బాపనోల్ల సదువులెల్ల బెమ్మదేవరకిచ్చినోడ ||బేట్రాయి||


తాబేలై తాను పుట్టగా ఆ నీల్లకాడ దేవాసురులెల్లకూడగా

దోవసూసి కొండకింద దూరగానే సిల్కినపుడు

సావులేని మందులెల్ల దేవర్లకిచ్చినోడ ||బేట్రాయి||


అందగాదనవుదులేవయా – గోపాల గోవిందా రచ్చించా బేగరావయా

పందిలోన సేరి కోర పంటితోనె ఎత్తి భూమి

కిందు మిందు సేసినోడ సందమామ నీవె కాద ||బేట్రాయి||


నారసిమ్మ నిన్నె నమ్మితి – నానాటికైన కోరితి నీ పాదమే గతీ

ఓరి నీవు కంబాన సేరి ప్రహ్లాదు గాచి

కోర మీసవైరిగాని గుండె దొర్లసేసినోడ ||బేట్రాయి||


బుడత బాపనయ్యవైతివి ఆ సక్కురవరితి నడిగి భూమి నేలుకుంటివే

నిడువు కాల్లోడివై అడుగు నెత్తిపైన బెట్టి

తడవు లేక లోకమెల్ల మెడిమ తోటి తొక్కినోడ ||బేట్రాయి||


రెండుపదులు ఒక్కమారుతో ఆ దొరలనెల్ల సెండాడినావు పరసుతో

సెందకోల బట్టి కోదండరామసామికాడ

బెండు కోల సేసికొనే కొండకాడకేగినోడ ||బేట్రాయి||


రామదేవ రచ్చించరావయా సీతమ్మతల్లి

శ్యామసుందర నిన్ను మెచ్చగా

సామి తండ్రిమాట గాచి ప్రేమ భక్తినాదరించి

ఆమైన లంకనెల్ల దోమగాను సేసినోడ ||బేట్రాయి||


దేవకీదేవి కొడుకుగా ఈ జగములోన

దేవుడై నిలిచినావురా

ఆవూల మేపుకొనీ ఆడోళ్ళా గుడుకొనీ

తావుబాగ సేసుకొనీ తక్కిడి బిక్కిడి సేసినోడ ||బేట్రాయి||


ఏదాలు నమ్మరాదనీ ఆ శాస్త్రాలా

వాదాలూ బాగలేవనీ

బోధనలూ సేసికొనీ బుద్ధులూ సెప్పుకొనీ

నాదావినోదుడైన నల్లనయ్య నీవెకాద ||బేట్రాయి||


కలికి నా దొరవు నీవెగా ఈ జగములోన

పలికినావు బాలసిసువుడా

చిల్లకట్టు పురములోన సిన్నీ గోపాలుడౌర

పిల్లంగోవె సేతబట్టి పేట పేట తిరిగినోడ ||బేట్రాయి ||


 చేపగా పుట్టి, సోమకాసురుడిని చంపి, వేదాల్ని (బాపనోళ్ల చదువులెల్ల) బ్రహ్మకు తిరిగి ఇవ్వడం…


తరువాత తాబేలు… (కొండకింద దూరగానే సిల్కినప్పుడు) క్షీరసాగరమథనం… ఇక్కడ సావులేని మందు అంటే అమృతం…


పందిలోన సేరి కోర పంటితోనే ఎత్తి భూమి… ఇదంతా వరాహావతారం, భూమిని మోస్తూ రక్షించడం…

 అందగాడనవుదులేవయా అని కొంటెగా కీర్తిస్తాడు రచయిత…


కంబానా చేరి… వైరిగాని గుండె దొర్లసేసినోడ… ఇది నరసింహావతారం… కంబం అంటే స్తంభం… హిరణ్యకశిపుడిని వధించడం…


శక్కురవరితి, బుడత బాపయ్య… తడవు లేక లోకమెల్ల మెడిమ తోటి తొక్కినోడ… అంటే బలిచక్రవర్తిని వామనుడు పాతాళానికి తొక్కేయడం…


రెండు పదుల్ ఒక్కమారు అంటే ఇరవై ఒకటి… దొరలనెల్లా సెండాడినావ్ అంటే పరుశురాముడు క్షత్రియ రాజుల్ని ఊచకోత కోయడం…


తండ్రి మాటా గాచి… అంటూ రాముడి అవతారం ప్రస్తావన…


ఆవూల మేపుకోనీ, ఆడోళ్లా గూడుకోనీ… బృందావనంలోని కృష్ణుడి జీవన సరళి ప్రస్తావన…


తరువాత బుద్దుడిని కూడా ఓ అవతారంగా చూస్తాడు రచయిత… ‘ఏదాలూ నమ్మరాదనీ, బోధనలు సేసికొనీ, బుద్దులూ సెప్పుకొనీ’ పదాలన్నీ అవే…


చివరగా కల్కి అవతారాన్ని ఊహించి ముగిస్తాడు… ఎన్నెన్ని అచ్చ తెలుగు పదాలు, మాండలికాలు…


ఇది దశావతారాలను గ్రామీణుడు వర్ణించిన ఒక జానపదం. స్వచ్చమైన రాయలసీమ వాసన. భజనల్లో పాడుకునే వాళ్ళు.


This is why Telugu is special, it takes as many words from Sanskrit , but has it’s own equivalents for many of them , which encouraged all sections of societies to freely create their own literature, often with musical notation 👏👏👏

మత్కుణం_కథ

 మత్కుణం_కథ

----------------

ఒకసారి కృష్ణదేవరాయలవారి ఆస్థానానికి ఒక సంస్కృత పండితుడు వచ్చాడు. ఆయనతో పాటు ఒక బండి నిండా పత్రాలు ఉన్నై. "సంస్కృతంలో నన్ను మించినవాడు లేడు. అనేక దేశాల సంస్కృత పండితులు నాతో ఓడి, నాకు ఈ విజయపత్రాలను అందించారు. మీ రాజ్యపు పండితులతో శాస్త్ర చర్చ చేద్దామని వచ్చాను. మీ రాజ్యంలో ఎవరైనా పండితుడన్నవాడు ఉంటే నాతో తలపడమనండి. లేదూ, వారెవ్వరూ నాతో శాస్త్ర చర్చకు ముందుకు రాలేమంటే, మరి విజయపత్రాలను ఇప్పించండి" అన్నాడు గొప్పగా.

రాయలవారు సభలోని కవుల కేసి చూసారు. వాళ్లంతా కొంచెం ఇరుకున పడ్డారు. ఏమంటే "ఆస్థానంలో ఉన్న సంస్కృత పండితులు అందరూ ఆ సమయానికి వేరే దేశానికి వెళ్ళి ఉన్నారు- రాజ్యంలో ఉన్నదల్లా తెలుగు కవులు మాత్రమే. ఈ సంస్కృత కవి తీరు చూస్తే మామూలు వాడిలాగా లేడు. ఊరికే చర్చించేదెందుకు, ఓడేదెందుకు, రాజ్యాన్నంతా ఓటమి పాలు చేసిన అపకీర్తిని మూటగట్టుకునేదెందుకు?"

రాయలవారు వారి సంశయాన్ని గుర్తించారు. సభలో కూర్చున్న తెనాలి రామకృష్ణుడికేసి చూసారు. రామకృష్ణుడు ఇకిలించాడు. రాయలవారు తల పంకించారు. "అయ్యా! పండితులవారూ! మా సంస్కృత కవులందరూ విదేశ యాత్రలో ఉన్నారు. వారి శిష్యులైన పామరులు మాత్రం కొందరు ఇప్పుడు అందుబాటులో ఉంటారు. తమరి రాకను వారికి తెలియజేస్తాం. రేపు మధ్యాహ్నంగా శాస్త్రచర్చ ఏర్పాటు చేసుకుందాం. అంతవరకూ తమరు మా ఆతిథ్యం స్వీకరించండి" అని పండితులవారికి తుంగభద్రా నదీ తీరాన వున్న ఒక భవంతిలో విడిది ఏర్పాటు చేసారు.

పండితులవారు అటు పోగానే ఇటు రాయలవారు "రామకృష్ణా!" అన్నారు.

"ప్రభువులవారు ఈ పని నాకు వదిలెయ్యండి!" అన్నాడు రామకృష్ణుడు నవ్వుతూ.మరునాడు తెల్లవారే సరికి రామకృష్ణుడు చాకలివాడి వేషం వేసుకున్నాడు. తన భార్యకు చాకలమ్మ వేషం వేసాడు. ఏం చెయ్యాలో అంతా ఆమెకు చెప్పి వుంచాడు. ఓ బట్టల మూటనెత్తుకొని తను తుంగభద్రా నదీ తీరం చేరుకున్నాడు. నదిలో బట్టలు ఉతుకుతున్నట్లు నటించటం మొదలు పెట్టాడు.

అనుకున్నట్లే ఆ రేవు దగ్గరికి వచ్చాడు సంస్కృత పండితుడు. నదిలోకి దిగి స్నానం చేస్తున్నాడు. చాకలి ఆయన తీరును చూస్తూ తన జోరు పెంచాడు.

అంతలోకే చాకలమ్మ వచ్చింది మరో చిన్న బట్టల మూట పట్టుకొని. రామకృష్ణుడిని అడిగింది గట్టిగా, దగ్గర్లోనే ఉన్న పండితుడికి వినబడేట్లు- "యివ్వాళ అన్నం లోకి సాధకం ఏమి చెయ్య మంటావు మామా ?" అని.

చాకలివాడు కొంచెం ఆలోచించాడు:

"మత్కుణం నది సంయుక్తం, విచార ఫల మేవచ, గోపత్నీ సమాయుక్తం,

గ్రామచూర్ణం చ వ్యంజనం" అని జవాబి-చ్చాడు.

ఆమె కనబడీ కనబడనట్లు నవ్వింది. "సరే అలాగే- 'తథైవ అస్తు' " అని చెప్పి, ఉతికిన బట్టలు పట్టుకొని వెళ్ళిపోయింది.

నదిలో సంధ్యావందనం చేసుకుంటున్న పండితుడికి తల తిరిగినట్లైంది. "ఈ దేశంలో ఒక సాధారణ చాకలి, చాకలమ్మ సంస్కృతంలో మాట్లాడుకున్నారు! ఇంతగొప్ప సంస్కృత పండితుడైన తనకు ఆ శ్లోకం అర్థం కాలేదు!"

"ఇంతకీ 'మత్కుణం' అంటే ఏంటి? 'మత్కుణం' అంటే సంస్కృతంలో 'నల్లి' అని అర్థం.

'నది సంయుక్తం' అంటే 'నదితో కలిసినది'- నల్లి నదితో కలవటమేమిటి? తెలీదు!

"విచార ఫలం" అన్నాడు- విచారిస్తే ఫలితం ఏముంటుంది? కన్నీళ్ళు వస్తాయి.. అయితేనేమి?

ఇక "గో పత్ని- ఆవు భార్య" అంటున్నాడు. ఆవే ఆడది కదా, ఇక ఆవుకు భార్య ఎక్కడినుండి వస్తుంది?

అంతా చేసి "గ్రామ చూర్ణం" కావా-లంటున్నాడు! అదేంటి?

"పోనీ 'దీనికంతా అర్థం లేదు' అనుకుందామంటే అట్లానూ లేదే, చాకలమ్మ "సరే సరే" అని పోయింది. అంటే ఆమెకు అర్థమైనట్లే కదా!" ఆలోచించీ ఆలోచించీ అతనికి మతి పోయింది-

"ఈ రాజ్యపు చాకలివాడి శ్లోకమే తనకు అర్థం కాలేదు- చాకలమ్మకు అర్థమయినంత నాకు అర్థం కాలేదు. యింక రాజుగారి దగ్గర పనిచేసే పండితులతో నేనెక్కడ గెలువగలను?" అనుకున్నాడాయన. రామకృష్ణుడు చూస్తుండగానే ఒక నిశ్చయానికి వచ్చినట్లుగా బయలుదేరి భవనానికి వెళ్లి, మూటా ముల్లె సర్దుకొని, నగరం విడిచి పారిపోయాడు.

మరునాడు సభలో రాయలవారు అడిగారు- "ఏడీ! పండితుడు?!" అని."విడిది పరిసరాల్లో ఎక్కడా లేడు" చెప్పారు భటులు. "వేరే నగరానికి వెళ్తున్నానని చెప్పి ఉదయాన్నే వెళ్ళాడాయన!" వింటున్న రామకృష్ణుడు నవ్వాడు. రాయలవారు "నువ్వే ఏదో చేసినట్లున్నావు

?!" అన్నారు మర్మగర్భంగా

"లేదు- నేను కాదు, ఇదంతా చేసింది మత్కుణం" అని కథంతా చెప్పాడు రామకృష్ణుడు.

రాయలవారు నవ్వి, ఇంతకీ ఈ శ్లోకం మాక్కూడా అర్థం కాలేదు- ఏంటి, దీని కథ?" అన్నారు.

అప్పుడు రామకృష్ణుడు ఇలా అర్థం చెప్పాడు:

"మత్కుణం అంటే నల్లి; నది అంటే ఏరు. నల్లి, ఏరు కలిసి 'నల్లేరు' అయ్యింది.

విచారం అంటే చింత; ఫలం అంటే పండు- కలిసి చింతపండు అయ్యింది.

గోవు అంటే ఆవు; పత్ని అంటే భార్య- ఆలు. ఆవు,ఆలు కలిస్తే అయ్యేవి ఆవాలు-"

రాయలవారు కడుపుబ్బా నవ్వారు. మరి ఇంతకీ గ్రామచూర్ణం ఎలా చేస్తారు? అన్నారు.

ఏమీ లేదు- గ్రామం అంటే ఊరు; చూర్ణం అంటే పిండి- వెరసి 'ఊరుబిండి' అవుతుంది ప్రభూ. మన సీమలో అందరికీ ఇష్టమైన పచ్చడి కదా అది?" అన్నాడు రామకృష్ణుడు కొంటెగా.

"నల్లేరు, ఆవాలు, చింతపండు కలిపి చేసే వూరుపిండి సంస్కృత పండితుడినే భయపెట్టిందే, అంతగొప్ప పండితుడు పలాయనం చిత్తగించేట్లు చేసింది ఇది మామూలుది కాదు" నవ్వారు రాయలవారు.....

 

డా॥ అయోధ్య శర్మ కస్తూరి ముఖపుస్తకం నుండి

ఉచితఆరోగ్య భీమా*

*60 సంవత్సరాలు వయసు పైబడిన భారత పౌరులందరికీ " 5 లక్షల రూపాయల ఉచితఆరోగ్య భీమా* " *ప్రధానమంత్రి నరేంద్రమోదీ గారు ప్రవేశపెట్టిన ఆయుష్మాన్ భవ పథకం ఇప్పుడు *ABHA హెల్త్ కార్డు* గా మార్చబడింది..... వెబ్సైట్ ఓపెన్ అయింది.. ఇందులో రిజిస్టర్ అయిన వారికి కేంద్ర ప్రభుత్వం ఉచితంగా ఐదు లక్షల రూపాయల ఆయుష్మాన్ ABHA హెల్త్ కార్డ్ లభిస్తుంది.. *5 లక్షల రూపాయల ఆరోగ్య భీమా లభిస్తుంది* . ఇందులో ఇచ్చిన లింక్ ని క్లిక్ చేసి మీ ఆధార్ నెంబరు టైప్ చేసి సబ్మిట్ చేసిన తర్వాత ఆధార్ కార్డు లింక్ అయ్యి ఉన్న ఫోన్ నెంబర్ కు ఓటిపి వస్తుంది ఆ ఓటిపి ని మరల టైప్ చేసిన తర్వాత మీ ఫోన్ నెంబర్ ను టైప్ చేయమని చెప్పి అడుగుతుంది మీ ఫోన్ నెంబర్ లో నమోదు చేసిన తరువాత మరలా ఓటిపి వస్తుంది ఆ ఓటిపి కూడా నమోదు చేస్తే మీ ఫోటో తో కూడిన ఆయుష్మాన్ హెల్త్ కార్డు మీరు వెంటనే డౌన్లోడ్ చేసుకోవచ్చు... దయచేసి ప్రతి ఒక్కరు (ఆయుష్మాన్ )ABHA హెల్త్ కార్డు పొందవలసిందిగా కోరుచున్నాము.. డౌన్లోడ్ చేసిన ఐడి కార్డును జాగ్రత్తగా ల్యామినేషన్ చేసుకుని మీ కుటుంబ సభ్యులకు కూడా చేసి, ఐడి కార్డులు జాగ్రత్తగా భద్రపరుచుకోండి.
*Central Government వారి _ఆయుష్మాన్ హెల్త్ కార్డ్_ Health card* కావలసిన వారికి 
 గొప్ప ఆరోగ్య కరమైన *శుభవార్త* 
ప్రతి *ఆరోగ్యశ్రీ* హాస్పిటల్ లో చెల్లుబాటు.
కేంద్ర ప్రభుత్వం _ఉచితంగా_ *5 లక్షల రూపాయల హెల్త్ కార్డు* _ఆయుష్మాన్ హెల్త్ కార్డ్_ ఇవ్వడం జరిగింది. 
అందరు అప్లై చేసుకొని హెల్త్ కు సంబంధించిన బెనిఫిట్స్ పొందగలరు. 
దీనికి ఆధార్ కార్డ్ నెంబర్ మరియు ఆధార్ కార్డుకు మొబైల్ నెంబర్ లింక్ చేసి ఉండాలి. 
అప్లై చేసుకున్న *ఒకే ఒక్క నిమిషాల్లో* *హెల్త్ కార్డు* వస్తుంది. 
కింద లింక్ పంపుతున్నానము క్లిక్ చేసి చూడండి.

*https://healthid.ndhm.gov.in/*

 కేంద్ర ప్రభుత్వము వారు ప్రవేశ పెట్టిన ఈ ఉచిత ఆరోగ్య పదకమునకు సంబంధించిన పైన తేలీయ చేసిన విధముగా (wife and husband) కార్డు తీసుకొనవచ్హును.  
దయచేసి ప్రతి ఒక్కరూ కూడా మీ ఫోన్ నుండే సులభంగా ఆయుష్మాన్ భారత్ ABHA పథకంలో చేరవలసిందిగా విజ్ఞప్తి చేస్తున్నాం. *మీరు కార్డ్ డౌన్ లోడ్ చేసిన తరువాత మి గ్రూప్ లో పోస్ట్ చేయండి..అది చూసి మిగతావారు కూడా ఆ విధముగా ఈ పదకం లో చేరుతారు* . మీ కుటుంబ సభ్యులకు కూడా చేసి, ఐడి కార్డులు జాగ్రత్తగా భద్రపరుచుకోండి...

4, జులై 2022, సోమవారం

ముందు సీటు! ( పాతదే)*

 🌹🌹🌹🌹🌷🌷🌷🌹🌹🌹🌹

🌷శ్రీమతి శశికళ ఓలేటి గారి కథ🌷 

       *ముందు సీటు! ( పాతదే)* 

                  🌷🌷🌷

రాజ్యం పుట్టిపెరిగిన వూళ్ళో, ఊరంతటికీ రెండే రెండు కార్లుండేవి.  ఒకటి జమిందారుగారిది.  మరొకటి మునసబుగారిదీ!  రాజ్యం తండ్రి నడిపే అరుగుబడి ముందునుంచే ఆ కార్లు పట్టణంలోకి వెళ్తూ ఉండేవి. ఇంచక్కా కారులో సవారీచేస్తూ... కాన్వెంటు బడులకెళ్ళే వాళ్ళ పిల్లలనూ, ఆ రాజహంసల్లాంటి కార్లనూ చూసి రాజ్యం కళ్ళు ఆశతో మెరిసేవి. 


వయసొచ్చాకా తను చదివిన నవలల్లో నాయిక... హీరోగారి పక్క ముందుసీటులో కూర్చుని .. సుదూరతీరాలకు కారులో ప్రయాణిస్తూ... కధను సుఖాంతం చెయ్యడం ఆమెలో మరిన్ని మధురోహలు రేపేవి. 


        తనకు భాస్కరం పెళ్ళిసంబంధం వచ్చినపుడు....భార్యపోయిన అతను, అతనికున్న ఇద్దరిపిల్లలూ ఆమెకు అభ్యంతరకరంగా అనిపించలేదు. ఆమెకళ్ళన్నీ పెళ్ళిచూపులకొచ్చిన అత్తగారు , భాస్కరం దిగిన అంబాసిడర్ కారు మీదే! 


పెళ్ళిలో... అతనితో ఊరంతా కారులో ఊరేగాలన్న ఆమె కోరిక ఆవిరయిపోడానికి ఎన్నో గంటలు పట్టలేదు! స్థోమతులేని మావగారు గుళ్ళో పెళ్ళి చెయ్యడమేంటి....మరునిమిషంలో..తల్లీ, నీళ్ళోసుకున్న చెల్లెళ్ళనూ, మరిద్దరు పెద్దలనూ కార్లోపంపేసి..... రాజ్యాన్ని బస్సులో తమ ఊరు తీసుకుపోయాడు భాస్కరం! 


        పెద్దగా ఆరళ్ళు లేకపోయినా పెత్తనమంతా అత్తగారిదే! తనకొడుకుతో సహా ముగ్గురు పిల్లలనూ సాకడం, పాడి, పంట ఒబ్బిడి చెయ్యడం, వంటిల్లూ, పాలేర్ల తిండ్లూ, మరుది, ఆడపడుచులకు మూటలుకట్టి పంపడం... గానుగెద్దు జీవితమే! 


అప్పుడప్పుడూ ఆటవిడుపులా పెళ్ళికో, పేరంటానికో... కార్లో వెళ్ళే అవకాశం వచ్చినా... డ్రైవింగ్ చేసే భాస్కరం పక్కసీటు అత్తగారిదే.... సౌకర్యంగా... విశాలంగా ఉంటుందని. మరో నలుగురితో వెనుకసీట్లో ఇరుకిరుకు సవారీయే రాజ్యానికి ప్రాప్తంగా ఉండేది! 


    అత్తగారు కాలం చేసాకా, ఆస్తుల పంపకాలయిపోయాకా, పిల్లలు గూడొదిలి తలో దిక్కుకూ వెళిపోయాకా... రాజ్యం ధైర్యం చేసి ఒకరోజు భాస్కరం దగ్గర తన కోరిక వెలిబుచ్చింది. " ఏవండీ! అన్నవరం వెళ్దామేంటి కారులో!"... అంటూ! ఆమోదంతో... వెంటనే చెల్లెళ్ళకు ఫోన్ చెయ్యబోతున్న అతని చెయ్యి పట్టుకుని ఆపి... అభ్యర్ధనగా... " మనిద్దరమే! మీ పక్కన నేనే కూర్చోవాలి!"... సగం సిగ్గూ మరి సగం మొహమాటంతో అంటున్న భార్యకేసి వింతగా చూసాడు! అలాగే అని ఒప్పుకున్నాడు! కానీ మరునాడు ఉదయమే మాటతప్పాడు! తను వేరే శాస్వతప్రయాణం పెట్టుకుని వెళ్ళిపోయాడు! 


   ఆతరవాత రాజ్యం జీవితం ఓ పదేళ్ళ పాటూ కార్లలోనే గడిచిపోయింది వూర్లు తిరుగుతూ. కూతురూ, కోడళ్ళ పురుళ్ళు, వాళ్ళ పిల్లల ఆలనా పాలనలూ, పండగలూ, పేరంటాలతో! అయితే ఏ ఒక్కసారీ రాజ్యం ముందుసీట్లో కొడుకుల పక్కన కూర్చోలేకపోయింది. తనకన్నా రెండొంతులు వలంగా ఉండే కోడళ్ళు ... అత్తగారు ఎక్కడ ముందుసీట్లో కూర్చుంటుందో అని ....గబగబా ....ముందే పరుగెట్టీ భర్తల పక్కన ఉస్సురంటూ కూలబడేవారు.... రాజ్యాన్ని తమ పిల్లలతో వేగడానికి వెనుకసీట్లో కుదేస్తూ! పాపం కూతురు సవితిపిల్లయినా... " అమ్మా! ముందుసీట్లో  హాయిగా ఏసీకి ఎదురుగా కూర్చో"... అని కారు ముందుతలుపు తీసేది! "అల్లుడి పక్కన ఎలా కూర్చోగలను! మర్యాదకాదు!"... అనుకుంటూ రాజ్యం బిడియపడి కూర్చునేది కాదు. 


       ఓరోజు తనింట్లో తోటపని చేసుకుంటోంది రాజ్యం! వీధి గుమ్మం దగ్గర కారాగింది. తన కొడుకు బేగ్ పట్టుకుని ఒంటరిగా దిగాడు. అమ్మ మీద దిగులుగా ఉండి వచ్చానన్నాడు. ప్రశ్నలెయ్యడం రాని రాజ్యం పరమానంద పడిపోయింది. పిల్లాడున్న పదిరోజులూ పదిక్షణాల్లా గడిచిపోయాయి. 


అబ్బాయి తన బాల్యం గురించి చెప్పమన్నాడు. కన్నకొడుకు ఆటపాటలు ఏం చూసిందని తను.... ఏమన్నా చెప్పడానికి! కానీ తన బాల్యమంతా చెప్పింది. మాటల్లో తన కారు సరదా కూడా చెప్పింది. పిల్లాడు ఆశ్చర్యపోయాడు...అమ్మకు ఇంత చిన్న కోరిక కూడా తీరలేదా! .... అనుకుంటూ! మనసులోని ఆర్ద్రత కళ్ళల్లోకి  తెచ్చుకున్నాడు. 


         " నడమ్మా! కారులో నా పక్కనే కూర్చో! హైదరాబాద్ తీసుకెళ్తా! ఊరంతా చూపిస్తా! యాదాద్రి చూపిస్తా! చార్మినార్ బజార్ల రంజాన్ సందడి చూద్దాం. నీకోడలు లేదులే. అలిగి పుట్టింటికి వెళ్ళింది పిల్లలతో! ముందు సీటంతా నీదేనమ్మా! హాయిగా ఆరామ్ సే కూర్చుందువుగాని. బోల్డు కబుర్లు చెప్పుకుందాం! వెళ్తూ...సూర్యాపేటలో మంచి లంచ్ చేద్దాం! బయలుదేరమ్మా".... పిల్లాడు ఆప్యాయంగా తల్లి చెయ్యి పట్టుకున్నాడు. 


పట్టుకోవడమే కాదు... ఓ వారంరోజులు తన పనికి శెలవుపెట్టి... తల్లిని మహానగరమంతా తిప్పి చూపించాడు. మంచి మంచి హోటల్స్ కు భోజనానికి తీసుకుపోయాడు. పెద్ద పెద్ద మాల్స్ లో " అమ్మా ఇవి కొనుక్కో అవి కొనుక్కో"... అంటూ అమ్మకు ఉపయోగపడేవి బోలెడు కొని పడేసాడు. 


కొడుకు పక్కన మహారాణిలా ఊరంతా ఊరేగిన రాజ్యం మనసు సంతృప్తితో నిండిపోయింది. తన జీవితమంతా ఆక్రమించిన ఆ చిన్నికోరిక ఇంత సంతోషంగా తీరిపోయింది! కోడలితో మాట్లాడి ఇద్దరికీ సయోధ్యచేసింది. కొడుకుతో తన వూరికి తిరుగు ప్రయాణమయింది. 


అరవైఏళ్ళ వయసు! బయటతిళ్ళు అరాయించుకోలేని అనారోగ్యం. ఒక్కసారి గుండెల్లో చివ్వున లేచిన మంట! భరించలేని నాసియా! వెనక్కు వెళిపోదామంది. చుట్టూ వాహనాలు. అటో మైలూ-ఇటో మైలు... చుట్టూ అష్టదిగ్బంధనం! తల్లి పరిస్థితి చూసి... వైద్యసహాయానికి పిలిచాడు కొడుకు. కొద్ది సేపటికే వచ్చిచేరిన వైద్యసిబ్బంది .... అంబులెన్స్ తో కనుచూపుమేరలో! కానీ కాలు బయట పెట్టలేని నిస్సహాయత! 


రాజ్యం కొడుకు ఆందోళనను కళ్ళతోనే వారించింది. తనను పొదివి పట్టుకున్న కొడుకు భుజం మీద తలవాల్చింది! చుట్టూ వాహనాల మధ్య తను! కారు ముందుసీటులో... తన కొడుకుతో! రాజమాతలా! ఊరేగింపుగా పోతున్నట్టు! మరి కళ్ళు తెరవలేదు రాజ్యం! కళ్ళుతెరిచి ...వేచి చూసే ఆశలేవీ మరిక లేదనుకుందో ఏమో! 


ధన్యవాదాలతో

ఓలేటి శశికళ

రజోరూపో

 రజోరూపో హి సంకల్పో లోకసంవ్యవహారవాన్‌ పరితిష్ఠతి సంసారే పుత్రదారాసురఞ్జితః.


ప్రాపంచిక (లౌకిక) వ్యవహారములను అధికముగ ఆచరించుచుండువాని సంకల్పము రజోరూపముగ నుండును. అట్టి రజోరూప సంకల్పము గలవాడు పుత్ర భార్యాదులచే మోదమొందుచు ఈ సంసారమున స్థితి గలిగియుండును.


*🙏🙏శుభం భూయాత్ 🙏🙏*