2, ఏప్రిల్ 2023, ఆదివారం

కాకి - కాలజ్ఞాని'

 ' బలగం సినిమా లో కాకి అనే ఒక పక్షిని మన తెలంగాణా ఆచారంలో భాగంగా చూపించారు...అయితే చాలా పక్షులు ఉన్నప్పటికీ కాకికి మాత్రం ఆ గౌరవం దక్కింది..ఎందుకంటే

----------------------------------------కాకి - కాలజ్ఞాని' అంటారు...


®️వేకువ జామునే '(బ్రహ్మ ముహూర్తంలో)' మేల్కొని స్నానం ఆచరించే పక్షి కాకి.


®️'కావు కావు' అంటూ ఈ బంధాలు, ఈ సిరి సంపదలు.. ఏవీ నీవి కావు, ఏవీ శాశ్వతమూ 'కావు కావు' అని  అందరికీ గుర్తు చేస్తూ 'బోధిస్తూ'.. అందరినీ తట్టి లేపేది కాకి.


®️ఎక్కడయినా ఆహారం కనిపిస్తే అందుబాటులో ఉన్న 'అన్ని కాకులకు' సందేశం పంపి గుమిగూడి అన్ని కాకులు కలసి  ఆహారం ఆరగిస్తాయి అంత స్నేహపూర్వకంగా మసిలేది కాకి.


®️శత్రువులను గుర్తించిన వెంటనే అన్ని కాకులకు సందేశం పంపి అన్ని సమీకరణలు చేసి 'సంఘటితంగా పోరాటం' చేపట్టేవి కాకులు.


®️ఆడ కాకి - మగ కాకి కలవడం కూడా 'పరుల కంట' పడకుండా ఎంతో గోప్యంగా కలుస్తాయి. అంత గుప్త జ్ఞానం కలిగి ఉండటం చెప్పదగ్గ విషయం.


®️ఒక కాకి మరణిస్తే అన్ని కాకులు గుమిగూడి సంతాపం తెలియజేస్తూ కాసేపు అరుస్తూ రోధనలు చేసి స్నానమాచరించి గూటికిచేరే మంచి ఆచరణ కాకులదే.


®️సూర్యాస్తమయం సమయానికి గూటికిచేరే సలక్షణమైన అలవాటు సమయపాలన కాకులదే.


®️అంతేకాదు సూర్యాస్తమయం తరువాత ఆహారం ముట్టని సద్గుణం కూడా కాకులదే సుమా.


®️కాకులు లేని ప్రదేశం లేదు ఈ భువిపై. కాకి పళ్ళు తిని మరో చోట విసర్జన చేస్తే అక్కడ ఆ బీజం పడి మొలకెత్తి మొక్కలు పెరిగి వటవృక్షాలుగా పెరుగుతాయి. అలా పచ్చని ప్రకృతిని విస్తరించి పరిరక్షించుకోవడంలో కాకుల పాత్ర చాలా గణనీయమైనదే. అందుకే  'కాకులు దూరని కారడవి' అంటారు.


®️కాకులు అరుస్తోంటే  ఎవరో కావలసిన బంధువులు వస్తారు కాబోలు అందుకే కాకి అరుస్తోంది అనేవారు పెద్దలు.


®️అంతేకాదు పకృతి వైపరీత్యాలు వచ్చే ముందు (భూమి కంపించే ముందు తుఫానులు వచ్చే ముందు) కాకులు సూచన చేస్తూ అరుస్తూ ఎగురుతూ లోకానికి సూచిస్తాయి.


®️సూర్య గ్రహణం ఏర్పడిన సమయంలో కాకులు గూటికి చేరి గ్రహణం విడిచాక  స్నానమాచరించి బయట ఎగురుతాయి.  అందుకే కాకిని కాలజ్ఞాని అంటారు.


®️దానధర్మాలు ఆచరించని వారిని ఎంగిలి చేత్తో కాకిని తోలని వారిగా ఉదహరిస్తారు.


®️భోజనం చేసే ముందు మొదటి ముద్ద బయట గోడపై పెట్టి కాకుల్ని పిలిచేవారు పెద్దలు.


®️మానవ జీవన పరిణామంలో కొన్ని తరాలను గుర్తు పెట్టుకునే సాక్షీభూతంగా ఉండే పక్షి కాకి.


®️ఎక్కువ కాలం జీవిస్తుంది కనుక కాకి కలకాలం జీవించడం శాస్త్రంలో కూడా విశదీకరించారు.!


®️కూజాలో రాళ్ళు వేసి అట్టడుగున ఉన్న నీటిని పైకి తెచ్చి తరువాత దాహం తీర్చుకునే సాంకేతిక పరిజ్ఞానం కూడా సంతరించుకుంది కాకి...!!


®️భారతీయుల సనాతన ధర్మం - విశిష్టత, ఆవశ్యకత నేటి జనం ఆచరించాల్సినవే.  సంఘజీవనం.., సేవాతత్పరత.., మంచి స్నేహభావాలతో., ఈర్ష్యా ద్వేషాలు లేకుండా., కలసి మెలసి అన్యోన్యంగా., అసమానతలకు అతీతమైన ప్రేమానురాగాలతో., నైతిక విలువలు కలిగి కాకిలా కలకాలం జీవిద్దాము.

------------------------------

ఇది చదివాక, కాకి జీవనంలో ఇంత  తాత్వికత, ఇంత లోతైన అర్థం ఉందా!!!!! అనిపించింది. వీలైనంతమందికి పంచితే మంచిదేమో !...

ఒక మిత్రుడు నన్ను అడిగాడు....

వేదాలను మించిన శాస్త్రం లేదు.

 శ్లోకం:☝️

*నాస్తి వేదాత్పరం శాస్త్రం*

 *నాస్తి మాతుః పరో గురుః ।*

*నాస్తి దానాత్పరం మిత్రం*

 *ఇహ లోకే పరత్ర చ ll*

    అత్రిస్మృతిః - 148


భావం: వేదాలను మించిన శాస్త్రం లేదు. తల్లిని మించిన గురువు లేదు, దానాన్ని మించిన స్నేహితుడు లేడు; ఇహలోకంలోను పరలోకంలో కూడా!

భగవాన్ శ్రీ శ్రీ శ్రీ వెంకయ్య స్వామివారి దివ్య లీలలు

 🙏 


*గ్రంథం:* భగవాన్ శ్రీ శ్రీ శ్రీ వెంకయ్య స్వామివారి దివ్య లీలలు

*రచన:* శ్రీ పెసల సుబ్బరామయ్య మాష్టర్ 


*ఓం బోధయజ్ఞాయనమః*


శ్రీ స్వామిభక్తుడు పగడాల దస్తయ్యగారు,  బురదపాళెం ఇలా చెప్తున్నారు.


ఒకరోజు శ్రీస్వామివారు చెప్పారు, "అయ్యానేను అరణ్యంలో మంచి ఆకలితో వస్తున్నాను, ఒకచోట పెద్దామె చద్దియన్నం మూటలు పెట్టుకొని వాళ్ళ ఇలాక మనుషుల కొఱకు ఎదరుచూస్తుంది. నన్ను చూడగానే ఆమె ఆప్రక్కనున్న చెట్టు చాటుకు వెళ్ళింది. నేను మంచి ఆకలితో వున్నాను. కనుక ఒక చద్దిమూట తీసుకొని ప్రక్కనున్న నది ఒడ్డున తినేందుకు వెళ్ళాను. చద్దిమూట విప్పి చేతిలో వుంచుకొని తినేందుకు కలుపబోతున్నాను.


 బ్రహ్మాండముగా గాలి, వాన, ఉరుములు వచ్చి ఆ అన్నమంతా నేలపాలైపోయింది. నేను తినేందుకు ప్రాప్తం లేకుండా పోయింది." ఆనదిలో నీరు త్రాగి ఆకలి తీర్చుకోవలసి వచ్చింది. ఆచద్దిమూటను అడగకుండా, ఆమెకు చెప్పకుండా తీసుకొన్న ఫలితమే ఇలా అయినది". అని సెలవిచ్చారు. ఇది మనందరికీ ఒక చక్కని పాఠమే. *మన అవసరం ఎంత బలీయంగా వున్నా అనుమతి లేనిదే ఇతరుల వస్తువును మనం తాకరాదని అలా తీసుకొన్నా అది మనకు దక్కదని శ్రీ స్వామివారు ఈ లీలద్వారా బోధిస్తున్నారు.*


🙏 *ఓం నారాయణ -ఆది నారాయణ*🙏


🌹🌹🌹🌹🌹🌹🌹🌹


*ఓం సమర్ధ సద్గురు శ్రీ సాయినాథాయ నమః*

*శ్రీ సాయి లీలామృతము: అధ్యాయము 28*

అలానే దాసగణు ఉస్మానాబాద్ వద్ద నివసించిన ఇస్లామ్ పూర్కర్ అనే వృద్ధ బ్రాహ్మణుడైన సాధుపుంగవుని దర్శించి, "శ్రోత్రియుడనైన నేను సాయిని దర్శించవచ్చా?" అన్నాడు. "దర్శించవచ్చు. నేను గూడ వారిని దర్శించి 3 రోజులు వారి సన్నిధిలో వున్నాను. ఆయనెంతటివారో ప్రజలు తెలుసుకోవడం లేదు. ముందు ముందు వారి గొప్పతనము ప్రజలు తెలుసుకొంటారు" అన్నారు.

*రచన: ఆచార్య శ్రీ ఎక్కిరాల భరద్వాజ గారు*

🌹🌹🌹🌹🌹🌹🌹🌹

ఏదైనా మనము చాలా కష్టం పడుచున్నాము అనే భావన ఉన్న వారు ఒక్కసారి మిళారేప చరిత్ర ను చదివిన/విన్నా ముక్తి మార్గము గురు సేవ ఇలాంటివి మనలో  మాటల రూపం లో ఉన్న వా లేక చేతల రూపం దాల్చినవా అని స్పష్టం అవుతుంది.. శాశ్విత ఆనందం పొందే దానిలో మన మనసు ఎంత శిక్షణ పొందు తుందో అర్ధం అవుతుంది...

జై సాయి మాస్టర్🙏🙏🙏

🌹🌹🌹🌹🌹🌹🌹🌹

*గ్రంథం:-నేను దర్శించిన మహాత్ములు*

*శ్రీ ఆనందమాయి అమ్మ దివ్య చరిత్ర*

*రచన:-*

*శ్రీఎక్కిరాల భరద్వాజ మాస్టర్ గారు*


  కొద్ది నిమిషాలలో అమ్మ నన్ను పిలిపించారు. నేను వెళ్ళి నమస్కరించగా ఆమె ప్రేమగా నా కళ్ళలోకి చూస్తూ, నా చేతిలో రవ్వకేసరి ప్రసాదం వేసారు. అంతటితో నా కర్తవ్యం స్పష్టమై మనసులో బరువు కొంత తగ్గింది. ప్రసాదం కళ్ళకద్దుకుని అమ్మకు సెలవు చెప్పుకుని వెనుకకు తిరుగగానే ఆమె హిందీలో, "ఏమయ్యా! నీకు కావలసిందేమిటి?" అని మరుక్షణమే తన మాట సర్దుకుంటూ, “నీకేం కావాలి?" అన్నారు. ముక్తి లేక జ్ఞానము కావాలని కోరితే ఆమె ఆశీర్వదిస్తారు. కాని అది ఫలించేది ఎన్నడో ఎవరికి తెలుసు? అనుకుని, నేనామెను మరల దర్శించుకోలేను గదా! అని గుర్తురాగానే నేను వెనక్కు తిరిగి, 'అమ్మా, మీ దర్శనం నాకు మరొక్కసారి కావాలి' అన్నాను. అమ్మ ఒక్క క్షణం ఆలోచనగా నాకేసి చూచి, 'మంచిది, అలాగే లభిస్తుందిలే పో!' అన్నారు. నేను వెంటనే బయల్దేరి స్టేషనుకు వెళ్తున్న మరికొందరితో కలసి బండిలో రైల్వేస్టేషను చేరుకున్నాను.

  

*********************************

ఆన్లైన్ లో చదువుటకు ఈ లింక్ ను ఉపయోగించుకోగలరు.


https://saibharadwaja.org/books/readbook.aspx?book=Sri-Aanandamai-Amma-Charitra&page=1

విద్యారంభంలో

 శ్లోకం:☝️

*నమామి శారదాం దేవిం*

  *విద్యారమ్భే సుమంగళాం ।*

*నరస్తస్యాః ప్రసాదేన*

  *పాండిత్యం లభతే సదా ।।*


భావం: విద్యారంభంలో సరస్వతీ దేవికి నమస్కరిస్తున్నాను, ఎందుకంటే మనిషి ఎల్లప్పుడూ ఆమె ఆశీర్వాదంతోనే జ్ఞానవంతుడు అవుతాడు.🙏

సూక్తిసుధ

 .

                 _*సూక్తిసుధ*_



*ఒక దోషము చేత మరియొక దోషములు గలుగునవి:*

 

కామముచేత వ్రతనాశము, కోపము చేత జీవహింసయును, లోభముచేత దొంగతనమును, వంచనచేత అసత్యమును, శౌర్యముచేత భయమును, అజ్ఞానముచేత అవివేకమును, దుష్టత్వముచేత శత్రుత్వమును, సాహసముచేత ప్రాణభయమును, గర్వముచేత అపజయమును వల్లని పనివలన అపాయము, చెడు పనివలన అపకీర్తియును సిద్ధముగా వచ్చును.

జన్మరహితుడను

 [01/04, 9:46 pm] +91 99496 97763: *"బువ్వ కొద్దీ బుద్ధి!!"*


_పూర్వం ఒక శివభక్తుడు కాశీ నడిచి వెళుతూ, ప్రతీరోజు చీకటి పడేటప్పటికి దగ్గర్లోని గ్రామంలో ఎవరో ఒక గృహస్తు ఇంట ఆశ్రయం సంపాదించి అతిధిగా ఉండేవాడు._ 


అలాగే ఒకరాత్రి ఒక గ్రామంలోని ఇంట ఆశ్రయం సంపాదించాడు.


ఆ రాత్రి ఆ ఇంట భోజనం చేసి పడుకున్న శివభక్తుడికి, ఆ ఇంటి ముందు కట్టి ఉన్న 'ఆవు' కనిపించింది. 

ఆ ఆవుని దొంగతనంగా తీసుకుపోవాలనే ఆలోచన ఆ భక్తుడికి కలిగింది. 

ఇంట్లోని వారందరూ నిద్ర పోగానే, ఏ మాత్రం చప్పుడు లేకుండా, ఆవుని తీసుకుని బయలుదేరాడు. 

ఉదయానికి ఆవుతో సహా ఒక చెరువు వద్దకు చేరుకుని, అక్కడ ఆవుని కట్టి, కాలకృత్యాలు తీర్చుకుని స్నానం చేసాడు...

అప్పుడు అతనికి రాత్రి తాను చేసిన పాపపు పని గుర్తుకు వచ్చింది. 

వెంటనే పశ్చాత్తాప పడుతూ, ఆ ఆవును తీసుకుని ఆ గ్రామంచేరి, ఆవును ఆ ఇంటి యజమానికి అప్పగించి "అయ్యా, నన్ను క్షమించండి, ఆవును దొంగలించాలన్న దుర్భుద్ది ఎలా కలిగిందో  నాకు అర్ధం కాలేదు. 


ఉదయం కాలకృత్యాలు తరువాత నాపని నాకే చాలా సిగ్గుగా అనిపించింది" అన్నాడు.

ఆ ఇంటి యజమాని శివభక్తుడికి నమస్కారించి "అయ్యా! అది మీ తప్పు కాదు, నేను ఒక దొంగను, రాత్రి మీరు తిన్నది నేను దొంగలించి తెచ్చిన డబ్బుతో తయారుచేసిన భోజనం. 

దాని ప్రభావంతో మీకు దొంగ బుద్ధి కలిగింది.

కాలకృత్యాల తరువాత దాని ప్రభావం మీలో పూర్తిగా పోయింది, అందువల్ల ఆవును తిరిగి తీసుకువచ్చారు" అన్నాడు. 


అప్పుడు శివభక్తుడు సంతోషించి, అక్కడి నుండి బయలుదేరాడు. 


_ఆందుకే ... వంట చేసే ముందు కావలసినవి..._

పాత్ర శుద్ధి,

పాక శుద్ధి,

భావ శుద్ధి

ఇదంతా అయ్యాక , బగ్వద్ అర్పితం వుండాలి, అప్పుడే ఆ పదార్థము ప్రసాదంగా మారుతుంది ...

మనం తినే ఆహారాన్ని బట్టి మన ప్రవర్తన ఉంటుందని...


ఎట్టి ఆహారమో - అట్టి ప్రవర్తన,

ఎట్టి ప్రవర్తనో అట్టి - అట్టి జీవితం,

ఎట్టి జీవితమో - అట్టి మోక్ష సాధన...

[02/04, 8:19 am] +91 93911 85608: 🙏💐🌹🙌 Establishment of Supreme Court Bench in AP for South India is our main aim 🙌🌹💐👍


🌹భగవద్గీత🌹


నాల్గవ అధ్యాయము. జ్ఞాన , కర్మ , సన్న్యాస యోగము నుండి 6వ శ్లోకo పదచ్ఛేద , టీకా , తాత్పర్య సహితముగా


అజోఽపి సన్నవ్యయాత్మా

భూతానామీశ్వరోఽపి సన్ ౹

ప్రకృతిం స్వామధిష్ఠాయ

సంభవామ్యాత్మమాయయా ౹౹(6)


అజః , అపి , సన్ , అవ్యయాత్మా , 

భూతానామ్ , ఈశ్వరః , అపి , సన్ ౹

ప్రకృతిమ్ , స్వామ్ , అధిష్ఠాయ , 

సంభవామి , ఆత్మమాయయా ll(6)    


(అహమ్) = నేను ;

అజః = జన్మరహితుడను ;

అవ్యయాత్మా = శాశ్వతుడను ;

సన్ , అపి = ఐనప్పటికిని ;

భూతానామ్ = సమస్తప్రాణులకు ;

ఈశ్వరః , సన్ , అపి =  ఈశ్వరుడను ఐనప్పటికిని ;

స్వామ్ , ప్రకృతిమ్ = నా ప్రకృతిని ;

అధిష్ఠాయ = ఆధీనములో ఉంచుకొని ;

ఆత్మమాయయా = నా యోగమాయచే ;

సంభవామి = అవతరించు చుందును .


తాత్పర్యము :- నేను జన్మరహితుడను , నిత్యుడను , సమస్త ప్రాణులకును ఈశ్వరుడను, అయినను నా ప్రకృతిని ఆధీనములో నుంచుకొని, నా యోగ మాయచే అవతరించు చుందును. (6)

 

      

తండ్రే ధర్మం,

 .


               _*సుభాషితమ్*_


 𝕝𝕝శ్లో𝕝𝕝 

*పితాధర్మః పితాస్వర్గః* 

*పితాహి పరమం తపః౹

*పితరి ప్రీతిమాపన్నే*

*ప్రీయన్తో సర్వదేవతాః॥*


*భావం:*

తండ్రే ధర్మం, తండ్రే స్వర్గం, తండ్రే తపస్సు తనకు అనుకూలంగా నడుచు కుంటున్న కొడుకు పట్ల తండ్రి గనుక సంతుష్టుడైతే సకల దేవతలూ సంతృప్తులు అవుతారట.....ధర్మమూర్తి అయిన తండ్రికి సేవ చేస్తే ఇహలోకంలో కీర్తి, ఆనక మోక్షం సిద్ధిస్తాయని ఈ పురాణమే మరో చోట చెప్పింది....  *బిడ్డకు ఏది, ఎంత, ఎప్పుడు, ఎలా ఇవ్వాలో, వేటిని ఇవ్వకూడదో క్షుణ్ణంగా తెలిసిన వాడు తండ్రి*... *అతడి హృదయం లోతైనది....మాట కటువు, మనసు వెన్న సున్నితం*....

1, ఏప్రిల్ 2023, శనివారం

భగవాన్ శ్రీ శ్రీ శ్రీ వెంకయ్య స్వామివారి దివ్య లీలలు *రచన:* శ్రీ పెసల సుబ్బరామయ్య మాష్టర్

 


*గ్రంథం:* భగవాన్ శ్రీ శ్రీ శ్రీ వెంకయ్య స్వామివారి దివ్య లీలలు

*రచన:* శ్రీ పెసల సుబ్బరామయ్య మాష్టర్ 


*ఓం ఆపద్బాంధవాయనమః*


నెల్లూరు జిల్లా కోటమండలం మెట్టుగ్రామ నివాసి శ్రీ సి. రాజారాంరెడ్డిగారు తనను శ్రీ స్వామి వారు ఆపదలో ఆదుకొన్న విషయం ఇలా చెపుతున్నారు.


1993 సం|| సెప్టెంబరు నెలలో నేను నాకుమారుడు నాగూరు రెడ్డి గొలగమూడికి శ్రీ స్వామి వారిదర్శనార్ధం వచ్చాము, నా కుమారుడు భజన మందిరంలో భజన చేస్తున్నాడు. నేను నామిత్రుని ఇంట్లో నిద్రపోతున్నాను. రాత్రి 10గం. 45ని॥కు నాకుమారునికి గుండె నొప్పి వచ్చి భజన మందిరంలో పడిపోయాడు. మైకులో ఎంతసేపు పిలచినా నిద్రలో ఉన్న నాకు తెలియలేదు.


 రాత్రి 12 గం॥లకు నేను ఎవరో లేపినట్లుగా లేచి నాకుమారుడెక్కడున్నాడా అని వెతుకుతూ నామిత్రుడు గోపాల్ రెడ్డి గారింటికి వెళ్ళాను. ఒక పిల్లవాడు పడిపోయాడని జండుబామ్ రద్దుతూ జనం గుంపులు కూడియున్నారు. చూస్తే ఆపిల్లవాడు నాకుమారుడే. పిల్లవాడు చాలా అపాయ పరిస్థితిలో ఉన్నాడు. నెల్లూరు తీసుకు పోవుటకు ఆసమయంలో ఎలాంటి వాహన వసతి లేదు. ఆగ్రామంలో డాక్టరులేడు, ఏమిచేయాలా అని దిగుల్లో ఉన్నాను.


ఇంతలో ఒక ముసలాయన *'గుండె నొప్పి వచ్చిన పిల్లవాడేడి?'* అని అడుగుతూ నేరుగా జనాన్ని నెట్టుకొని పిల్లవాని దగ్గరకొచ్చి ఇప్పుడు రెండు తెల్లవారి రెండు వేయండి, నొప్పి వెంటనే తగ్గిపోతుందనిచెప్పి నాలుగు హోమియో మాత్రలో నాచేతిలో పెట్టి వెళ్ళాడు. రెండు మాత్రలు వేసిన వెంటనే పిల్లవాని నొప్పితగ్గి లేచికూర్చున్నాడు. ఆ మాత్రలిచ్చిన మనిషి కొరకు ఎంత వెతికినా కనిపించలేదు. *ఆమహనీయుడు ఆపద్భాంధవుడైన శ్రీ స్వామి వారు గాక మరెవరై ఉండగలరు?*


🙏 *ఓం నారాయణ -ఆది నారాయణ*🙏


🌹🌹🌹🌹🌹🌹🌹🌹


*శ్రీ సాయిమాస్టర్ స్మృతులు*

       *సంకలనకర్త :- లక్ష్మీ నరసమ్మ*

                   *టాపిక్ :- 22*

                   *స్థిత ప్రజ్ఞుడు*

                              - శ్రీ రామచంద్రరావు


ఒక్కోసారి ఆయన్ను చూస్తూంటే యీయన కంటే నాస్తికులు మేలేమోనని అన్పించేది. ఏ నియమ నిష్ఠలు లేవు. ఆచారాలు పాటించే వారు కాదు. కాషాయ వేషధారణ గాని, వేషాడంబరము గాని లేక చాలా సింపుల్ గా వుండి సమయా సమయాలు పాటించక వచ్చిన వారినందరినీ సమాధాన పరచి పంపుతూండేవారు. ఆహారానికి, నిద్రకి వేళా పాళలుండేవి గావు.


"ఎప్పుడూ మనల్ని అది చెయ్యి యిది చెయ్యి అని చెప్తూంటారు కదా! మరి మాస్టర్ గారేం చేస్తారో అడుగు" అని నా మిత్రులు నన్ను ఎక్కేశారు. నేను అడిగాను "ఏమి సార్ మమ్మల్ని ఏవేవో చేయమంటున్నారు. మరి మీరేమి చేస్తుంటారు సార్ " అని అడిగితే "ఏమి చేయకుండా వుండటమే చేస్తూంటాను" అని అన్నారు నవ్వుతూ.


                        🙏జై సాయిమాస్టర్🙏

విజయం

 శ్లోకం:☝️

*యోజనాని సహస్రాణి*

 *ఫలం విహాయ చేదపి |*

*యోగ్యాయాం దిశి మార్గస్థే*

 *యశస్సిద్ధిర్భవిష్యతి ||*


భావం: ఏ ఫలితం చూడకుండా వెయ్యి మైళ్లు ప్రయాణించినా సరే, మన మార్గం సరియైనదైతే గమ్యం ఖచ్చితంగా చేరుకుంటాము. విజయం తప్పక సిద్ధిస్తుంది!🙏

ఎందుకు జపించాలి

 *ఓం నమో భగవతే* *వాసుదేవాయఈ మంత్రం* *ఎందుకు జపించాలి?* 


 (భవిష్యపురాణం)ఒక ముసలివాడు ''ఓం నమో భగవతే వాసుదేవాయ'' అనే మంత్రాన్ని వల్లెవేస్తూ గంగానది తీరంలో నడుస్తున్నాడు. చేతిలో జపమాల, మేడలో రుద్రాక్ష హారం ధరించాడు. అతను ఈ "ఓంనమో భగవతే వాసుదేవాయ'' అనే మంత్రం చదవడం వలన ఆతరంగాలు కలిపురుషుడిని తాకాయి. ఎక్కడి నుండి వస్తున్నది ''ఓం నమో భగవతే వాసుదేవాయ'' అనే మంత్ర శబ్దం అని చుట్టూ పరికించాడు. గంగానది తీరంలో ఒక బక్కచిక్కిన ముదుసలి ''ఓం నమో భగవతే వాసుదేవాయ'' అనే నామాన్ని జపించడం చూసి ఆ మంత్ర జపాన్ని ఆపాలని ఆ ముసలివాడి దగ్గరికి వెళ్లి పట్టుకోబోయాడు. అయన మీద చేయి వేసిన వెంటనే ఎగిరి అర కిలోమీటరు దూరం లో పడ్డాడు. 


కొంతసేపు ఏమి జరిగిందో తెలియక చూస్తే ఆ ముసలివాడు ముందు ఎక్కడో ''ఓం నమో భగవతే వాసుదేవాయ'' అనే మంత్రాన్ని జపిస్తూ వెళ్తున్నాడు. ఎలాగైనా పట్టుకుని నామజపాన్ని ఆపాలని దగ్గరికి వెళ్ళాడు. పట్టుకోబోతే ఈసారి యోజనం దూరంలో పడ్డాడు. ఆ దెబ్బకి కలిపురుషుడు గజగజ ఒణికిపోయాడు. చూస్తే బక్కచిక్కి ఉన్నాడు. గట్టిగా గాలి ఒస్తే ఎగిరిపోయేలా ఉన్నాడు. కాని పట్టుకుందామంటే నేను ఎక్కడో పడుతున్నాను.


ఒకవేళ నాశక్తి సన్నగిల్లిందా, కలియుగం ఆరంభంలో కృష్ణుడు వలన నా రాక ఆలస్యం అయింది. ఇదేమైన శ్రీకృష్ణుడి మాయా ప్రభావమా, అసలు ఇంతకీ ఆ ముసలివాడు ఎవ్వడు. శివుడా...? విష్ణువా...? అనుకుంటూ ఉండగా అటుగా వెళ్తున్న ''వేదవ్యాసుడు'' కనిపించాడు. కలి వెంటనే వ్యాసుడు దగ్గరికి వెళ్లి మహానుభావా! సమయానికి వచ్చావు. నా సందేహాన్ని నివృత్తి చేయండి అన్నాడు. వ్యాసుడు నవ్వి ఇది నీరాజ్యం ఈ కలికాలం నీది, నీకు సందేహమా... ఏ ఇద్దరిని కూడా సక్రమంగా కలిసి ఉండనివ్వవు కదా. ఎవరైనా కలిసున్నారంటే కళ్ళలో నిప్పులు పోసుకుంటావు. ఇలాంటి నీకు నా అవసరం ఏముంది కలిపురుషా..? ఇంతకి నువ్వు కుశలమే కదా! అన్నాడు వేదవ్యాసుడు


కుశలమే! నారాజ్యంలో నేను కాక నువ్వు పాలించవు. కదా! అదిగో ఆ దూరంగా వెళ్తున్నాడే ఆ ముసలివాడు ఎవరు, ఆయన్ని పట్టుకోబోతే నా బలం సరిపోవడం లేదు. ఇదసలు నా రాజ్యమేనా? లేక మీరందరూ కలిసి నన్ను మాయ చేస్తున్నారా? చెప్పండి అని వేడుకున్నాడు. వేదవ్యాసుడు నవ్వి, ఓహో అదా నీ సందేహం. అయన పరమ విష్ణు భక్తుడు. అయన జపించే నామం వలన విష్ణు శక్తి ఉత్పన్నమై నిన్ను దగ్గరికి రానివ్వదు. పట్టుకోవాలని ప్రయత్నించావా! విష్ణువు నిన్ను నాశనం చేసి కలియుగాన్నే లేకుండా చేస్తాడు. త్రికరణ శుద్దిగా నిత్యం '' ఓం నమో భగవతే వాసుదేవాయ'' అనే నామాన్ని ఎవరు పఠిస్తూ ఉంటారో వారిని నువ్వు కనీసం తాకనుకూడా తాకలేవు. కనుక ''ఓం నమో భగవతే వాసుదేవాయ'' అనే మంత్రాన్ని ప్రజలు పట్టుకునే లోపే నువ్వు పట్టుకో. లేదంటే నీ రాజ్యంలో నువ్వు ఉండలేవు. అని చెప్పి వెళ్ళిపోయాడు.


ఇంతటి మహత్తరమైన ఈ మంత్రాన్ని నిత్యం జపించండి.🙏🕉️