11, అక్టోబర్ 2023, బుధవారం

కుమారుడి కాపురం

 *కుమారుడి కాపురం..*


ఒక ఆదివారం నాటి సాయంత్రం ఐదున్నర గంటలకు మొగిలిచెర్ల అవధూత శ్రీ దత్తాత్రేయ స్వామివారి మందిరం వద్దకు వచ్చే బస్సులో నుండి ఇద్దరు వ్యక్తులు వచ్చారు..ఇద్దరిలో ఒకరు డెబ్భై ఏళ్ల పై బడిన తల్లి..ఆమెను జాగ్రత్తగా చేయిపట్టి నడిపిస్తూ వస్తున్న కుమారుడు..ఇతని కి కూడా దాదాపు యాభై ఏళ్ల వయసు వుంటుంది..ఇద్దరూ స్వామివారి మందిరం లోకి వచ్చారు..మా సిబ్బంది వద్దకు వెళ్లి.."మేము చెన్నై నుంచి వస్తున్నాము..మూడురోజులు ఇక్కడ ఉండాలని అనుకుంటున్నాము..మేము ఉండటానికి ఏదైనా రూము దొరుకుతుందా?.." అని అడిగారు..మా సిబ్బంది రిజిస్టర్ చూసి.."రూము ఖాళీ ఉన్నదండీ..కాకుంటే మళ్లీ శుక్రవారం నాటికి మీరు ఆ రూము ఖాళీ చేసి మాకు అప్పచెప్పాలి..ఆరోజు వేరే వాళ్లకు కేటాయించాము.." అన్నారు.."అయ్యో..అన్నిరోజులు అక్కరలేదండీ..బుధవారం సాయంత్రమే మీకు అప్పచెప్పి..మేము చెన్నై వెళ్లిపోతాము.." అన్నారు..వాళ్ళ పేర్లు నమోదు చేసుకొని..ఒక గదిని వాళ్లకు కేటాయించారు..ఇద్దరూ తమ గది వద్దకు వెళ్లారు..


మరో గంట తరువాత..ఆ తల్లీకుమారులు స్వామివారి మందిరం లోకి వచ్చారు..ఇద్దరూ స్వామివారి మంటపం లోకి వచ్చి..అక్కడినుంచి స్వామివారి సమాధికి నమస్కారం చేసుకున్నారు..ఆ పెద్దావిడ అక్కడే మంటపం లో కూర్చున్నారు..ఆమె కుమారుడు భక్తిగా ప్రదక్షిణాలు చేసాడు..ఆ రాత్రికి ఇద్దరూ మంటపం లోనే పడుకున్నారు..సోమవారం నాడు ఉదయం ఐదు గంటలకే స్నానం చేసి..ఇద్దరూ మంటపం లో కూర్చున్నారు..స్వామివారికి ప్రభాతసేవ లో భాగంగా ఇచ్చే హారతులు కళ్లకద్దుకొని..అర్చకస్వామి ఇచ్చిన తీర్ధాన్ని స్వీకరించి..మళ్లీ మంటపం లో కూర్చున్నారు..ఆరోజు, ఆ ప్రక్కరోజు కూడా దాదాపుగా ఇదే విధంగా..స్వామివారికి ఇచ్చే అన్ని హారతుల ను చూసి..కళ్లకద్దుకొని..తీర్ధాన్ని తీసుకొని..మంటపం లో కూర్చుని ధ్యానం చేసుకోసాగారు..


బుధవారం నాటి ఉదయం ప్రభాతసేవ పూర్తి అయిన తరువాత..స్వామివారి తీర్ధాన్ని తీసుకొని..ఆ తల్లీకుమారులిద్దరూ నేను కూర్చున్న చోటుకి వచ్చారు.."అయ్యా..నా పేరు భానుమూర్తి..మీతో ఈరోజే మాట్లాడటం..ఈరోజు సాయంత్రం నాలుగు గంటల బస్సుకు వెళ్లిపోతామండీ..గత మూడు రోజుల నుంచీ ఇక్కడ చాలా ప్రశాంతంగా గడిపాము..స్వామివారి సన్నిధిలోనే ఎక్కువ సేపు ఉన్నాము..కనీసం మూడు నాలుగు సార్లు స్వామివారి సమాధిని దర్శించుకున్నాము..ఒక తీవ్రమైన సమస్య చుట్టుముట్టి మమ్మల్ని కలవరబెడుతున్నది..ఏ రకంగానూ పరిష్కారం కనబడలేదు..చివరిగా ఈ స్వామివారి సమాధి వద్దకు వెళ్లి మనస్ఫూర్తిగా మొక్కుకుంటే..స్వాoతన లభిస్తుంది అని మనసుకు తోచింది..దానికీ కారణం ఉన్నది..గత ఆరు నెలలుగా స్వామివారి లీలలు సోషల్ మీడియా లో వస్తున్నాయి..ప్రతిరోజూ చదువుతున్నాను..అందువల్ల ఇక్కడికి వద్దామని అనిపించింది...ఈవిడ మా అమ్మగారు..నేను ఒక్కడినే కుమారుడిని..నా భార్య మూడు సంవత్సరాల క్రితం చనిపోయింది..నాకూ ఒక అబ్బాయి వున్నాడు..ప్రస్తుతం చెన్నై లోనే ఉద్యోగం చేస్తున్నాడు..వాడికి ఆరు నెలల క్రితం వివాహం చేసాము..కొన్నాళ్ళు వాళ్లిద్దరూ బాగానే వున్నారు..ఏమైందో తెలీదు..పోయిన నెలలో మా కోడలు తన పుట్టింటికి వెళ్ళిపోయింది..మా వాడు తన తప్పేమీ లేదంటాడు..ఆ అమ్మాయి కూడా తాను సరిగ్గానే ఉన్నానంటుంది..నాకూ మా అమ్మకూ ఇంట్లో ఈ పరిస్థితి చూడలేక క్షోభగా ఉన్నది..వాడి సంసారం బాగు చేయడానికి మా వియ్యపు వాళ్ళతో కూడా మాట్లాడాను..వాళ్ళూ సుముఖం గానే వున్నారు..ఎటొచ్చీ పిల్లలిద్దరూ పంతాలకు పోతున్నారు..వాళ్ళ మనసు మార్చమని ఈ స్వామివారిని వేడుకోవడానికి నేను వద్దామని అనుకున్నాను..కానీ మా అమ్మకూడా పట్టుబట్టి ఇక్కడకు వచ్చింది..ఈ వయసులో నువ్వు ఎందుకు అని మా అమ్మతో అంటే..స్వామివారి సమాధి ని దర్శించుకుంటాను..నీతోబాటు నేనూ స్వామిని వేడుకుంటాను..ఈ ముసలి దాని ప్రార్ధన వింటారేమో స్వామివారు అని నాతో పాటు వచ్చిందండీ..మా విన్నపాలు స్వామివారు విని..మా అబ్బాయి సంసారం  చక్కబడితే..అందరమూ ఇక్కడికి వచ్చి..ఒక శని ఆదివారాల్లో అన్నదానం చేయిస్తానండీ.." అన్నాడు..


మరో పదిహేనురోజుల తరువాత..."ప్రసాద్ గారూ నేను చెన్నై నుంచి మాట్లాడుతున్నాను..నా పేరు భానుమూర్తి..పోయిన నెలలో మా అమ్మగారితో కలిసి స్వామివారి మందిరం వద్ద మూడురోజులు వున్నాను..గుర్తుపట్టారా?..స్వామివారి దయవల్ల మా సమస్య తీరిపోయిందండీ..వచ్చేవారం నేనూ మా అమ్మా మా అబ్బాయి కోడలు..అందరం అక్కడికి వస్తున్నాము..ఒక రాత్రి నిద్ర చేస్తాము..ఆ శని ఆదివారాలు అన్నదానానికి అయ్యే ఖర్చు నేను భరిస్తాను..అంతా స్వామిదయ..నేను అక్కడికి వచ్చి అంతా వివరంగా మీతో చెప్పుకుంటాను.." అని ఫోన్ చేసాడు..


భానుమూర్తి ప్రత్యేకంగా చెప్పేదేమీ లేదు..అతనికి సంతోషం కలుగచేసి..అతని కుమారుడి కాపురం చక్కదిద్ది..అతని చేత అలా చెప్పించింది స్వామివారే అని నాకు అర్థమైపోయింది..


సర్వం..

శ్రీ దత్తకృప!


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..వయా కందుకూరు..లింగసముద్రం మండలం..SPSR నెల్లూరు జిల్లా..పిన్ : 523114..సెల్..94402 66380 & 99089 73699).

Muddugaare


 

Nee nerla


 

అన్నింటికన్నా ఆశ్చర్యకరమైనదేది

 'ఈ ప్రపంచంలో అన్నింటికన్నా ఆశ్చర్యకరమైనదేది?' అన్నది యక్షుడి ప్రశ్న. 'నిత్యం అనేకమంది తన కళ్ళముందే చనిపోతున్నా తాను మాత్రం చిరంజీవినని అనుకుంటూంటాడు మనిషి. ఇంతకన్న ఆశ్చర్యం ఇంకేముంటుంది?' బదులిస్తాడు యుధిష్ఠిరుడు.

         ప్రతి మనిషికీ మరణం తప్పదు. అయినా తాను మాత్రం శాశ్వతంగా బతకబోతున్నట్టు ప్రవర్తిస్తుంటాడు. తనకేదో రోజున హఠాత్తుగా రాబోయే మరణం గురించి తెలుసుకోవటానికి మనిషికి క్షణం కూడా తీరికలేదు.

                  మనిషికి తన పుట్టుక గురించి తెలుసు. కాని, మరణం గురించి బొత్తిగా తెలియదు. దాన్నించి తప్పించుకోవటం అసంభవమనీ తలంచడు. చనిపోయాక ఏమవుతుంది? మరణం తరవాత మనిషి ఎక్కడికి వెడతాడు? అసలు మానవ జన్మకు ప్రయోజనమేమిటి? ఆత్మ అన్నది ఉన్నదా? శరీరాన్ని వదిలేశాక ఆత్మ ఎక్కడికి వెడుతుంది?

        జీవితం మీద జిజ్ఞాస ఉన్న ప్రతి మనిషికీ ఎదురయ్యే ప్రశ్నలివి. జీవించటంలో మునిగిపోయి ఈ ప్రశ్నలకు జవాబుల గురించి అన్వేషించడు. చివరికి ప్రాణాంతకమైన జబ్బుచేసినా, ఆఖరి క్షణాలు ఆసన్నమవుతున్నా- ఇంకా జీవితాన్ని ఎలా పొడిగించాలా అన్న ఆలోచనే తప్ప, జన్మాంతర జీవితం గురించి తలంచడు.

              వాస్తవంగా తల్లి గర్భంలో పడినప్పటినుంచి మరణంవైపు మనిషి ప్రయాణం ఒక్కొక్క అడుగే సాగుతూంటుంది. ఓ క్షణం ముందుకు నడుస్తోందంటే ఆయుష్షులో ఓ క్షణం తరిగిపోతున్నట్టే కదా! బ్రహ్మ జ్ఞానులకు ఇది అసంబద్ధమనిపించదు. ఎందుకంటే, మరణానంతర జీవితం గురించి మన వేదాలు ఘోషిస్తున్నాయి కనుక. ఈ జీవితం ఎంత ముఖ్యమో, ఆ జీవితమూ అంతే అవసరం!

     కొన్ని మతాలు మరణానంతర జీవితం గురించి భయపెడుతుంటాయి. జీవితం ఎంత స్వేచ్ఛాసుఖాలతో అనుభవించవచ్చో మరణం కూడా అంత స్వేచ్ఛాస్వాతంత్య్రాలతో ముగించవచ్చని మన వేదాలు చెబుతున్నాయి.

           కొందరు మతస్తులు మనిషికి ఒకే జన్మ ఉంటుందని, మానవ జన్మ తక్కువ సమయంలో ముగిసిపోతుంది కనుక వస్తు రూపేణా దొరికే సుఖాలన్నీ ఈ జన్మలోనే తనివి తీరా అనుభవించేయాలని బోధిస్తారు. మనిషికొకే జన్మ అని అనుకోవటంలో ప్రమాదమే అది. రేపో, ఎల్లుండో ఎలాగా పోతాం కనుక త్వరత్వరగా అన్నీ అనుభవించేయాలని పిచ్చి పరుగులు పెడుతుంటారు వాళ్ళు.

          వేద పరిజ్ఞానమున్నవారిని మరణం భయపెట్టదు. వస్తురూపంగా చవిచూసే గుణాలకన్న మానసికంగా దొరికే ఆనందమే వారికి ముఖ్యం. జీవితం దారి జీవితానిదే! మరణం దారి మరణానిదే! మరణం జీవితానికి ఆఖరిమెట్టు. ఆత్మ జీవితం అనంత వాహిని. ఒక జన్మ ఆత్మ వేసుకునే వస్త్రం మాత్రమే! ఆత్మకు చావులేదు.

      భగవద్గీతలో శ్రీకృష్ణ పరమాత్మ 'అర్జునా! ప్రతి దేహంలో నివసించే దేహి లేక ఆత్మ నిత్యుడు. అవధ్యుడు. మరణమనగా దేహంనుంచి దేహి బయటికి వెళ్ళడం. దేహం ధరించే వస్త్రం లాంటిది. ఈ రెండింటి సంయోగం క్షణికమే! పాత బట్టల్ని విడిచి కొత్త బట్టల్ని ధరించటం వంటిదే! ఆత్మ తన పాత శరీరాన్ని వదిలేసి కొత్త శరీరాన్ని ఆశ్రయిస్తుంది' అని స్పష్టంగా చెప్పాడు.

       ఏదో క్షణంలో ఈ జీవితం ముగిసిపోవచ్చు. ఈ ప్రశ్నలకు జవాబులు దొరక్కుండానే సమయం అంతం అయిపోవచ్చు. అందుకే, వస్తువుల ద్వారా దొరికే సుఖసౌఖ్యాలన్నీ కేవలం తాత్కాలికమేనని, శాశ్వతంగా లభించే ఆనందం వేరే ఉందని మనసులో జ్ఞానజ్యోతిని వెలిగించుకోవాలి. అప్పుడే ఈ మానవ జన్మకు ముక్తిమార్గం లభ్యమవుతుంది. దివ్యజ్ఞానం దక్కుతుంది. ఈ ఆత్మ పరమాత్మకెంతో దగ్గరని అర్థమవుతుంది.

ఆలోచనాలోచనాలు

 ~~~ ఆలోచనాలోచనాలు ~~~ అవధాన మధురిమలు ~~~ శతావధాని శ్రీ పోకూరి కాశీపతి ~~~.                      సమస్యాపూరణములు ;--- సమస్య---"" గౌరికిఁ గేశవుండు పతిగావలె, శంకరుఁడన్న గావలెన్.""         పూరణము---- "ఉ. వారణవైరి యేసతికి వాహనమౌ, సిరికిన్ విభుండెవం / డారయ వాణికిన్ జలరుహాసనుఁ డేమియు గావలెన్, ఫణిన్ / హారముగా నెవండు గొనెనా హలి కృష్ణునకేమి గావలెన్ / గౌరికిఁ, గేశవుండు, పతిగావలె, శంకరుఁ, డన్నగావలెన్." (క్రమాలంకారము)                                   2* "" కనులలో చన్నులమరె కాంతామణికిన్"" పూరణము ;----" కం. చెన్నులర బెస్త చేడియ / క్రన్నన వల వల్లెవాటుగాఁ గొని వేడ్కన్ / మున్నీటికి జనునెడ వల / కన్నులలో చన్నులమరె కాంతామణికిన్."                   3* "" కొడుకున్ రమియించి యొక్క కొమరుని గాంచెన్."" పూరణము ;----    "కం. పడఁతులను నమ్మనగునే / కడువలపున తార యనెడు కామిని వేడ్కన్ / జడదారిఱేని ముద్దుల / కొడుకున్ రమియించి యొక్క కొమరుని గాంచెన్."                                    దత్తపదులు;---- 1* " రోహిణి--ఉత్తర -- రేవతి -- హస్త అను పదములతో భాగవతార్థములో పద్యము. "" తే. గీ. రోహిణీ ధవసన్నిభ రూపుఁడైన / ఉత్తరావల్లభుని తన యూరువుపయి / రేవతీ విభుఁడిడుకొని ప్రేమమీర / హస్తమస్తకసంయోగ మాచరించె.""                         2* " కడవ -- కుండ -- మూకుడు -- మంగలము అను పదములతో భారతార్థములో పద్యము.      "" ఆ. వె. కడవచూలి యొద్ద గఱచిన విలువిద్దె / బలిమి జూపి తౌర కలఁగకుండ / ఎఱుక నైతి నేను నేదాయె మూకుఁడు / క్షమను మంగలము కిరీటి.""                              భీష్మ -- ద్రోణ -- కృప -- శల్య పదములతో రామాయణార్థముతో పద్యము. "" తే. గీ. మారుతీ భీష్మముగను లక్ష్మణుఁడు మూర్ఛ / పొందె నిక ద్రోణగిరి కేగి తొందరగను / కృప దలిర్పగ సంజీవి నెసఁగ దెచ్చి / యిడఁ గదే నీదు కౌశల్యమిపుడు జూతు.""     మరికొన్ని సమస్యాపూరణములు ;--- " రాముఁడు పెండ్లాఁడె శైలరాజకుమారిన్." పూరణము;---- "" కం. భీముఁడు సమధిక సుగుణ / స్తోముడు మౌళిధృతబాలసోముఁడుక్ష్మాభృ / ద్ధాముఁడు పెండ్లాడె శైలరాజకుమారిన్.""               2* "దూలము చెలరేగి కొన్ని దున్నలఁ జంపెన్."         సమస్యాపూరణము "" కం. శైల ప్రాంతంబున నొక / బాలుడు మహిషము మేపు పట్లన్ గనియున్ / వాలం బాడించుచు శా/ ర్దూలము చెలరేగి కొన్ని దున్నలఁ జంపెన్.""              "" ఒకే ఒక పద్యంలో 30 అర్థాలుండే త్రింశదర్థ పద్య రత్నం""                                 ఆ. వె. భూరిజఠర గురుడు నీరజాంబకభూతి / మహితకరు డహీనమణికలాపు / డలఘుసద్గణేశు డగ్రగోపుడు మహా / మర్త్యసింహుడేలు మనల నెపుడు.""                                 (డా. రాపాక ఏకాంబరాచార్యులవారి అవధాన విద్యాసర్వస్వం సౌజన్యంతో)                          తేది 11--10--2023, బుధవారం, శుభోదయం.

పంచాంగం 11.10.2023 Wednesday,

 ఈ రోజు పంచాంగం 11.10.2023  Wednesday,

 

స్వస్తి  శ్రీ చాన్ద్రమాన శోభకృన్నామ సంవత్సర: దక్షిణాయనం వర్ష ఋతు భాద్రపద మాస కృష్ణ పక్ష: ద్వాదశి తిధి సౌమ్య వాసర: మఘా నక్షత్రం శుభ యోగ: తైతుల కరణం ఇది ఈరోజు పంచాంగం.


ద్వాదశి సాయంత్రం 05:36 వరకు.

మఘా పగలు 08:44 వరకు .

సూర్యోదయం : 06:11

సూర్యాస్తమయం : 05:54

వర్జ్యం : సాయంత్రం 05:40 నుండి 07:28 వరకు

దుర్ముహూర్తం : పగలు 11:39 నుండి 12:26 వరకు.


రాహుకాలం : మధ్యాహ్నం 12:00 నుండి 01:30 వరకు.


యమగండం : పగలు 07:30 నుండి 09:00 వరకు.  



శుభోదయ:, నమస్కార:

శ్రీ మద్భగవద్గీత🪷* *🌸 అథ ద్వితీయోధ్యాయః 🌸*

 *🕉️🪷 ఓం శ్రీ కృష్ణపరబ్రహ్మణే నమః 🪷🕉️*

*🪷 శ్రీ మద్భగవద్గీత🪷*

*🌸 అథ ద్వితీయోధ్యాయః 🌸*

*🌸 సాంఖ్య యోగః 🌸*


*2-అధ్యాయం,56వ శ్లోకం*


 *దుఃఖేష్వనుద్విగ్న మనాః  సుఖేషు విగత స్పృహః |* 

 *వీతరాగ భయక్రోధః స్థితధీర్ముని రుచ్యతే|| 56* 


 *ప్రతి పదార్థం* 


దుఃఖేషు = దుః ఖములు పాప్టించినప్పుడు ; అనుద్విగ్నమనాః = మనసునందు ఉద్వేగమునకు లోను కాని వాడును ( క్రుంగి పోని వాడును ); సుఖేషు = సుఖములు కలిగినప్పుడు ; విగత స్పృహః = ఆసక్తిరహితుడును (పొంగిపోనివాడును ); వీతరాగ భయ క్రోధః = (అట్లే ) రాగభయ క్రోధములను తెగించువాడును అగు ; మునిః = ముని ( మనన శీలుడు ); స్థితధీః = స్థితప్రజ్ఞుడు ; ఉచ్యతే = అనబడును;


 *తాత్పర్యము* 


 దుఃఖములకు క్రుంగిపోననువాడును, సుఖములకు పొంగిపోను వాడును, ఆసక్తిని,భయ క్రోధములను వీడిన వాడును అయినట్టి మననశీలుడు (ముని ) స్థితప్రజ్ఞుడనబడును.


 *సర్వేజనాః సుఖినోభవంతు* 

 *హరిః ఓం 🙏🙏*

రామాయణమ్ 351

 రామాయణమ్ 351

...

రాజులకు రెండువిధాలుగా శత్రువులు ఉంటారు. ఒకరు తన ఇంటిలోని జ్ఞాతులు రెండు తన దేశాన్ని ఆనుకుని ఉన్న సరిహద్దు రాజ్యమువారు.వీరుఇరువురూ సమయము కోసము ఎదురుచూస్తూ ఉంటారు .ఎప్పుడయితే రాజుకు సంకటపరిస్థితి ప్రాప్తించిందో అదను చూసి పదునైన దెబ్బ వేస్తారు .

.

రావణుడు కూలిపోక తప్పదు అతని వ్యసనము అతనిని కూల్చబోవు చున్నది .ఆ సంగతి బాగుగా గ్రహించినవాడు కావున విభీషణుడు మనతో జట్టు కట్టుటకు వచ్చినాడు .

.

అన్ననే వదలినవాడు మనలను వదలడా అని సుగ్రీవుని సందేహము .అది జరుగుటము ఆస్కారములేదు ఏలనగా

మనతో భవిష్యత్తులో కూడా అతనికి శత్రుత్వము ఏర్పడే అవకాశము లేదు ఏలనన మనము ఆతని సరిహద్దు రాజ్యము వారలము కాము ! అతని జాతి వారమూ కాము.

.

కావున ఇంతకన్న మంచి అవకాశము అతనికిఎప్పుడు లభించును ?ఇతనికి రాజ్యమందు కోరిక ఉన్నది.

.

రాక్షసుడే కదా ఈతడు ! బుద్ధిహీనుడేమో అని శంకించంకండి. 

.

కులమును బట్టి బుద్ధిని నిర్ణయింపలేము .వారిలో కూడా గొప్ప మేధో సంపన్నులు పండితులు కలరు . కావున ఈతడు మిత్రుడుగా గ్రహింపదగినవాడే !

.

జ్ఞాతులెవ్వరూ భయములేక సంతోషముగా కలిసి ఉండజాలరు .

.

నా వంటి పుత్రుడు 

సుగ్రీవుని వంటి మిత్రుడు

భరతుని వంటి సోదరులు ఎక్కడా ఉండరు !

.

 ( శ్రీరాముడు ఇలా ఎందుకన్నారో రేపటి కొరకు చూడవలసినదే)

.

జానకిరామారావు వూటుకూరు

Nuvvulu

 https://youtu.be/0YaBhm3WZ48?feature=shared


వేద ఆశీర్వచనం

 *నమస్తే సదా వత్సలే మాతృ భూమే*


*కలియుగాబ్ది 5124*

*శ్రీ శాలివాహన శకం 1944 స్వస్తి శ్రీ    చాంద్రమాన శోభకృత్ నామ సంవత్సరం దక్షిణాయనం - వర్ష ఋతువు -  భాద్రపద మాసం - కృష్ణ పక్షం  -  ద్వాదశి - మఘ/ పూర్వాఫల్గుణి - సౌమ్య వాసరే* (11.10.2023)


ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.


https://youtu.be/e3WRd8_1OME?si=zV6-xCe1jVXU8peq



.🙏🙏 

భవదీయుడు

దశిక ప్రభాకరశాస్త్రి 

9849795167

-----------------------------------------------

*పిల్లలకి బతుకుతో పాటు భారతీయత కూడా నేర్పండి*