27, డిసెంబర్ 2024, శుక్రవారం

⚜ శ్రీ కృష్ణస్వామి దేవాలయం

 🕉 *మన గుడి*


⚜ *కేరళ  : తోడుపుజ - ఇడుక్కి*


⚜ శ్రీ  కృష్ణస్వామి దేవాలయం



💠 శ్రీ కృష్ణస్వామి ఆలయం భారతదేశంలోని కేరళ రాష్ట్రంలోని ఇడుక్కి జిల్లాలోని తొడుపుజా పట్టణం నడిబొడ్డున ఉన్న ఒక హిందూ దేవాలయం . 

ఇది మువట్టుపుజా నదికి ఉపనది అయిన తోడుపుజయార్ ఒడ్డున ఉంది . 


💠 శ్రీకృష్ణుడు తన కుడి చేతిలో  వెన్నను పట్టుకున్న నవనీత కృష్ణుడి రూపంలో అక్కడ ఉన్నాడు.

శ్రీ కృష్ణ స్వామి ఆలయం 5000 సంవత్సరాల కంటే ఎక్కువ పురాతనమైనది.


💠 ఎడవెట్టిలో శ్రీకృష్ణుడు ధన్వంతరి రూపంలో దర్శనము ఇస్తాడు.

ధన్వంతరి కృష్ణ" లేదా "ఔషధ కృష్ణ" , "నివారణ కృష్ణ " అనే పేరు కూడా కలదు.


🔆 స్థల పురాణం 


💠 మహాభారతంలో, పాండవులు వనవాసంలో ఉన్నప్పుడు అశ్వినీదేవుని ఆశీస్సులతో నకులుడు ఈ ఆలయాన్ని నిర్మించాడు. 

అశ్వినీ  దేవతల వైద్యులు మరియు ఆయుర్వేద మాస్టర్స్ అని నమ్ముతారు.


💠 ఈ ఆలయం చుట్టూ ఔషధ మొక్కలు మరియు ఇతర పాండవులు (మలయాళంలో అంచంబలం అని పిలుస్తారు) నిర్మించిన నాలుగు ఇతర శ్రీకృష్ణ దేవాలయాలు ఉన్నాయి . అత్యంత దట్టమైన ఈ అడవికి వన దుర్గ కాపలాగా ఉంటుందని నమ్ముతారు.


💠 ఒకప్పుడు వివిధ దేవాలయాలకు తీర్థయాత్రలు చేస్తూ సంచరిస్తున్న బ్రాహ్మణుడు ఇక్కడికి చేరుకుని శ్రీకృష్ణుని దివ్య దర్శనం పొందాడని ప్రముఖ పురాణాలు చెబుతున్నాయి .


💠 అతని చిన్న వయస్సులోనే అతను సన్యాసం పొందాడు. అతను సన్యాసిగా ప్రపంచమంతా తిరుగుతున్నప్పుడు ఆలయం ఉన్న ప్రదేశంలో శ్రీకృష్ణుని గురించి ధ్యానం చేసాడు మరియు ధ్యానం సమయంలో తనను మింగడానికి ప్రయత్నించిన గుడ్లగూబ యొక్క కొమ్మును చీల్చివేస్తున్న కృష్ణుడి దర్శనం అతనికి లభించింది. 


💠 శ్రీకృష్ణుని ఈ దర్శనం తరువాత, సన్యాసి ఒక దీపాన్ని వెలిగించి, భగవంతుడు గుడ్లగూబ యొక్క కొమ్మును చీల్చివేస్తున్న దృశ్యాన్ని ధ్యానించాడు, అక్కడ అతను భగవంతుడిని చూసి నైవేద్యాలు సిద్ధం చేసి భగవంతుడికి గొప్ప భక్తితో సమర్పించాడు. 

ఈ సంఘటన మలయాళ మాసం మీనంలో ఒక చోతి నక్షత్రం రోజున జరిగింది కాబట్టి ఈ రోజును పాత రోజుల్లో పవిత్రోత్సవ దినంగా పరిగణించేవారు. 

తరువాత, కీజ్మలనాడు రాజు దేవత కోసం ఒక మందిరాన్ని నిర్మించి విగ్రహాన్ని ప్రతిష్టించారు. 


💠 చాలా దేవాలయాలలో సాధారణ పద్ధతిగా, గర్భాలయం తెరవగానే, స్వామివారి దండలు తొలగించి, అభిషేకం మరియు మలర్ నైవేద్యం (వేపుడు ధాన్యం) చేసి, ఆ తర్వాత ఉష పూజ చేస్తారు.

 ఇక్కడ అది భిన్నంగా ఉంటుంది, తెల్లవారుజామున బలిపీఠం తెరిచిన వెంటనే ఉషపూజ చేసి, ఆ పూజ పూర్తయిన తర్వాత, అభిషేకం మరియు మలార్ నైవేద్యాలు చేస్తారు. 


💠 హిందూ పురాణాలలోని దృశ్యాలను వర్ణించే క్లిష్టమైన శిల్పాలు మరియు కుడ్యచిత్రాలతో ఈ ఆలయం ప్రత్యేకమైన కేరళ-శైలి శిల్పకళకు ప్రసిద్ధి చెందింది.


💠 ఆలయ సముదాయం గర్భగుడి (శ్రీకోవిల్)ను కలిగి ఉంది, ఇక్కడ ప్రధాన దేవత శ్రీకృష్ణుడు ప్రతిష్ఠించబడ్డాడు, అనేక ఇతర దేవి దేవతలకు అంకితం చేయబడిన అనేక ఇతర చిన్న దేవాలయాలు ఉన్నాయి. 


🔅 అధీన దేవతలు


💠 ఈ ఆలయంలో భగవతి , శివుడు , గణపతి , అయ్యప్ప మరియు నాగులు అధీన దేవతలుగా ఉన్నారు. 


💠 ఈ ఆలయం మతపరమైన మరియు సాంస్కృతిక కార్యక్రమాలకు కేంద్రంగా ఉంది, వివిధ ఆచారాలు, పండుగలు మరియు సంఘటనలు ఏడాది పొడవునా జరుగుతాయి.


💠 "తొడుపుజా పుతువర్షం" అని పిలువబడే ఆలయం యొక్క వార్షిక ఉత్సవం (పండుగ) గొప్ప ఉత్సాహంతో జరుపుకుంటారు మరియు కేరళలోని వివిధ ప్రాంతాల నుండి వేలాది మంది భక్తులను ఆకర్షిస్తుంది.

 ఈ పండుగ సాధారణంగా మలయాళ నెల మేడం (ఏప్రిల్-మే)లో వస్తుంది మరియు రంగురంగుల ఊరేగింపులు, సాంప్రదాయ సంగీతం మరియు నృత్య ప్రదర్శనలు, సాంస్కృతిక కార్యక్రమాలు మరియు ఇతర ఉత్సవాలు ఉంటాయి.


🔆 పూజలు


💠 ఉదయం విభాగంలో 'ఉషా పూజ' తర్వాత 'అభిషేకం' ఉంటుంది. ప్రతిరోజు ఉదయాన్నే ముందురోజు పూల దండలు తీసేస్తారు. 'నిలపడుతారా' లేదా పవిత్ర వేదిక ఆలయం ముందు ఉంది, ఇక్కడ సాధువు దేవతా విగ్రహాన్ని స్వీకరించాడు. 

విగ్రహాన్ని పండుగ సందర్భాలలో గర్భగుడి నుండి ఈ వేదికపైకి తీసుకెళ్లి పూర్తిగా అలంకరించి తిరిగి తీసుకువెళతారు.

 దేవతకు ప్రధాన వాహనాలు గుడ్లగూబ మరియు పావురం.


💠 నానయప్పర - 

నానయప్పర సేవ కోరికలను నెరవేర్చడానికి మరియు ప్రతి గురువారం ఆలయంలో సమర్పించవచ్చు. 

భక్తులు నాణేలను భగవాన్ (దైవం) ముందు ఉంచిన "పరా" (డ్రమ్)లో నింపుతారు మరియు వారి కోరికలను నెరవేర్చడానికి భగవాన్ నుండి దీవెనలు కోరుకుంటారు. 

పారా (డ్రమ్) నింపిన తర్వాత భక్తులకు తమలో తాము ఉంచుకోవడానికి పట్టుతో చుట్టబడిన నాణెం ఇవ్వబడుతుంది. 

వచ్చే ఓషధ సేవలోపు కోరికలు నెరవేరుతాయని నమ్మకం. 

కోరిక నెరవేరిన తర్వాత నాణేన్ని ఆలయానికి తిరిగి ఇవ్వాలి.


💠 వార్షిక పండుగ మలయాళ నెల మీనం (మార్చి/ఏప్రిల్)లో నిర్వహించబడుతుంది. 

ఉత్సవ్ బలి, వేలాది మంది భక్తుల సమక్షంలో ఉత్సవాల తొమ్మిదవ రోజున పవిత్రమైన కార్యక్రమం నిర్వహిస్తారు. 



💠 కొట్టాయం రైల్వే స్టేషన్, ఇది సుమారు 60 కిలోమీటర్ల దూరంలో ఉంది.

26, డిసెంబర్ 2024, గురువారం

Panchang

 


నేల ఉశిరిక Phyllanthus Amarus

 నేల ఉశిరిక చెట్టు గురించి సంపూర్ణ వివరణ -  ఔషధోపయోగాలు .


   నేల ఉశిరిక చెట్టును సంస్కృతంలో భూమ్యామలి , తమాలి , తాలి , తమాలికా , ఉచ్చట అని పిలుస్తారు .  ఆంగ్లము నందు Phyllanthus Amarus అని పిలుస్తారు . దీనిలో చాలారకాలు ఉన్నాయి . మనం ఔషధాల కొరకు ఉపయోగించునది సన్నని తెలుపుగల జీలగ ఆకుల వంటి ఆకులు , ఆకుల కింద సన్నని గట్టి కాయలు గల దానిని కొందరు , పొడవుగా కొంచం నలుపు రంగుగా ఉండు ఆకులు కలిగి , ఆకుల కింద కాయలు గల దానిని కొందరు వాడుదురు. రెండింటిలో జీలగ ఆకుల వంటి కురచ ఆకులది శ్రేష్టము. ఈ మొక్కలో సర్వాంగములు ఔషధోపయోగమే . ఇది ఎల్లప్పుడూ విరివిగా దొరుకును . దీనిలో ఎరుపు , తెలుపు కాడలు కలిగినవి కూడా ఉండును. ఎరుపు కాడ కలిగినదానిని రసవాదం నందు ఉపాయోగిస్తారు. తెల్ల కాడ కలిగిన దానితో సత్తు , వంగము , తాళకం వంటి లోహాలను భస్మం చేయుటకు ఉపయోగిస్తారు .


 ఔషధోపయోగములు  -


 *  రక్తప్రదరం అనగా స్త్రీలలో అధిక రక్తస్రావం కావడం . ఈ సమస్య ఉన్నవారు నేల ఉశిరిక గింజలను బియ్యపు కడుగుతో నూరి రెండు లేక మూడు దినములు సేవించిన రక్తప్రదరం తగ్గును. వేడి చేసే వస్తువులు తినకూడదు.


 *  వరసగా వచ్చు ఎక్కిళ్లు నివారణ కొరకు నేల ఉశిరిక చూర్ణమును పంచదారతో కలిపి తినినను లేక నేల ఉశిరిక రసమును రసం ముక్కు దగ్గర పెట్టుకుని గట్టిగా లోపలికి నశ్యము చేసినను ఎక్కిళ్లు ఆగిపోవును .


 *  కంటి సమస్యలతో ఇబ్బంది పడువారు నేల ఉశిరిక , సైన్ధవ లవణం రాగిరేకు యందు కాంజీకంతో నూరి నేత్రముల చుట్టూ పట్టువేసిన నేత్ర బాధలు అన్నియు శమించును . ఈ కాంజీకం ఆయుర్వేద దుకాణాల్లో లభ్యం అగును.


 *  వ్రణాలతో ఇబ్బంది పడువారు నేల ఉశిరిక రసంలో పసుపు చూర్ణం కలిపి పుండ్లపైన రాయుచున్న అవి మాడిపోవును.


 *  స్త్రీలకు ఋతు సమయంలో వచ్చు నొప్పికి 25 గ్రాముల నేల ఉశిరిక రసములో 40 మిరియపు గింజల చూర్ణం కలిపి మూడోవ రుతుదినమున సేవించిన రుతుశూల , సరిగ్గా ఋతురక్తం జారీ కాకపోవటం వంటి సమస్యలు తగ్గును.


 *  ఉబ్బుకామెర్ల సమస్యతో బాధపడువారు నేల ఉశిరిక నీడన ఎండించి చూర్ణం చేసినది లేదా నేల ఉశిరి సమూల రసం పెరుగులో కలిపి కాని గోమూత్రంలో కలిపి కాని లోపలికి ఇవ్వవలెను . రసము మోతాదు 25 గ్రాములు .


 *  శరీరం పైన లేచు దద్దుర్లకు దీని ఆకును పుల్లటి మజ్జిగతో నూరి శరీరానికి పూసిన శరీరం పైన దద్దురులు నయం అగును.


 *  మధుమేహంతో బాధపడువారు నేల ఉశిరి రసం , మంచి పసుపు, నేరేడు గింజల చూర్ణం కలిపి శనగ గింజలంత మాత్రలు చేసి ఉదయం ఒకటి సాయంత్రం ఒకటి చొప్పున వాడుచున్న మధుమేహం అదుపులోకి వచ్చును.


 *  జిగట విరేచనాలతో ఇబ్బంది పడువారు నేల ఉశిరి చూర్ణం , మెంతులు చూర్ణం కలిపి అరచెంచా చొప్పున మజ్జిగలో కలిపి తీసుకొనుచున్న జిగట విరేచనాలు తగ్గును.


 *  శరీరంలో రక్తహీనత వల్ల వొళ్ళంతా తెల్లగా పాలిపోయే పాండురోగ రోగులు నేల ఉశిరి వేర్లను  10 గ్రా మోతాదుగా మెత్తగా నూరి రసం తీసి అరగ్లాసు నాటు ఆవుపాలలో కలిపి రెండుపూటలా ఆహారానికి గంట ముందు సేవిస్తుంటే క్రమంగా పాండురోగం హరించిపోయి రక్తవృద్ధి, రక్తశుద్ది జరుగును.  


ఆయుర్వేదములోని ఎన్నొ రహస్య మూలికల అనుభవ యోగాల గురించి నా గ్రంథాల యందు సంపూర్ణముగా , అందరికి అర్థమయ్యే సులభ భాషలో వివరించాను . వాటిని చదివి మరింత విజ్ఞానాన్ని పొందగలరు . 


గమనిక  -


      నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా  గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును. 


            నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు  ఒకేదగ్గర లభ్యం అగును . 


   ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు .  


  


                ఈ గ్రంథములు కావలసిన వారు  9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .


      ఈ గ్రంథాలు కావలసినవారు క్రింద ఇచ్చిన నంబర్ కి ఫోన్ చేయగలరు .


          కాళహస్తి వేంకటేశ్వరరావు  


       అనువంశిక ఆయుర్వేద వైద్యులు 


                  9885030034

పెద్దలకడ తలవంచెడి

 *2092*

*కం*

పెద్దలకడ తలవంచెడి

విద్దెయె నిజమైన విద్య వృధ్ధిని కోరన్

పెద్దలనెదిరించి నడువ

వద్దని బోధించువాడె బాధ్యుడు సుజనా.

*భావం*:-- ఓ సుజనా! పెద్దలవద్ద తలవంచే విద్యయే నిజమైన విద్య. నీ అభివృద్ధి ని కోరుకునే పెద్దలను ఎదిరించ వద్దనే విద్య ను బోధించే వాడే బాధ్యుడు.

*** *కొంపెల్ల శ్రీనివాస శర్మ*

ప్రశంసిస్తే గర్వపడవద్దు

 🙏🕉️శ్రీ మాత్రేనమః. శుభోదయం🕉️🙏       🌹మన తదుపరి తప్పు వరకూ మాత్రమే జనాలు మన మంచి పనిని గుర్తు పెట్టుకుంటారు.. కాబట్టి ప్రశంసిస్తే గర్వపడవద్దు.. మరియు విమర్శిస్తే నిరాశ చెండవద్దు.. కానీ మంచి పని చేసే అలవాటు మాత్రం వదలద్దు🌹తోటి వారి మీద కోపం వచ్చినప్పుడు కోపాన్ని ప్రదర్శించే దాని కంటే కోపానికి కారణం చెబితే దాని వల్ల వాదనల బదులు సమస్య పరిష్కారం అవుతుంది.. విమర్శలను తీవ్రంగా పరిగణిద్దాము.. కానీ కోపంతో కాదు.. విమర్శలో నిజం యెగ్యత ఉంటే దానిని సరిదిద్దుకుందాం.. లేకపోతే దానిని పట్టించుకోనవసరం లేదు🌹కోపం వచ్చినప్పుడు మనసుతో పోరాడు.. కానీ మనిషితో కాదు..కష్టం వచ్చినప్పుడు కాలంతో పోరాడు.. కన్నీటితో కాదు..మనల్ని విమర్శించే వారిని చూసి భయపడకూడదు.. వారికి అందనంత ఎత్తు ఎదిగి చూపాలి.. గాలిపటం ఎప్పుడూ ఎదురు గాలిలోనే పైకి లేస్తుంది..మనది కాని రోజు మౌనంగా ఉండాలి.. మనదైన  రోజు వినయంగా ఉండాలి.. ఇక ఏరోజైనా  అనందంగానే ఉండాలి🌹🌹మీ *అల్లంరాజు భాస్కరరావు శ్రీ విజయ ఆయుర్వేదిక్ జనరల్ ఏజెన్సీస్ D.N.29-2-3 కాపురం బస్టాండ్ దగ్గర స్టేట్ బ్యాంక్ ఎదురుగా వైద్యసలహాలు ఉచితం మందులు అయిపోయిన వావారికి రాలేని వారికి కొత్తవారికి మందులు కొరియర్ ద్వారా పంపబడును 9440893593  9182075510* 🙏🙏🙏

నిక్కము పల్క నొల్లక

 ఉ.నిక్కము పల్క నొల్లక ననేకములైన కుయుక్తులన్ సదా

టెక్కును జూపి దుర్మతిఁ దృటిన్ తమ నీచ ప్రవృత్తు లన్నియున్

నిక్కుచు నుండ అక్కసున నీల్గి మదించుచు హాని జేయ నే

యొక్కవకాశమున్ వదల నొల్లని వారి సహింప భావ్యమే౹౹ 97


శా.నీ చూడ్కుల్ సకలార్థ సాధకము లన్నింటిన్ ప్రసాదించు నీ

ప్రాచుర్యోన్నతి నంబుజాసనుఁడు విశ్వసృష్టి గావించెడున్

నాచిత్తమ్ము నొసంగి ప్రార్థనలసన్మానించెదన్ నిన్ సదా

యేచైతన్య మొసంగ నెన్నెదవొ నేయే సత్కృపన్ జూపుచున్౹౹ 98

వేద ఆశీర్వచనం

 *నమస్తే సదా వత్సలే మాతృ భూమే*

*కలియుగాబ్ది 5125*

*శ్రీ శాలివాహన శకం 1946 స్వస్తి శ్రీ    చాంద్రమాన క్రోధి నామ సంవత్సరం దక్షిణాయణం  - హేమంత ఋతువు - మార్గశిర మాసం - కృష్ణ పక్షం  - ఏకాదశి - స్వాతి -‌‌ గురు వాసరే* (26.12.2024)


ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.





.🙏🙏 

భవదీయుడు

దశిక ప్రభాకరశాస్త్రి 

9849795167

-----------------------------------------------

*పిల్లలకి బతుకుతో పాటు భారతీయత కూడా నేర్పండి*

దానం యొక్క మహిమ

 *🙏🌹 దానం యొక్క మహిమ 🙏🌹🙏*


*తెలిసి చేసినా , తెలియక చేసినా దానం యొక్క ఫలితం ఉంటుంది,అది ఎలానో ఒకసారి పరిశీలిద్దాం...*


*🙏🌹ఒకసారి దేవేంద్రునికి దేవగురువైన బృహస్పతులవారు భూదానము యొక్క గొప్పతనమును గూర్చి వివరిస్తూ ఈ కథ చెప్పారు…*


*🙏🌹మాళవ దేశములో ఒక ఘోరారణ్యమున్నది, సూర్యరస్మి కూడా చొచ్చుకు పోలేనంత దట్టమైన అడవి,ఆ మహారణ్యములో ఒక పెద్ద బూఱుగు చెట్టు ఉన్నది.*


*🙏🌹శాఖోపశాఖలతో బాగా విస్తరించి ఉన్న ఆ శాల్మలీవృక్షం ఎన్నెన్నో పక్షులకు జంతువులకు సమాశ్రయాన్ని కల్పిస్తున్నది.*


*🙏🌹కొన్ని చిలుకల కలకలారావాలతో జలపాతాల శబ్దాలతో పచ్చగా కన్నులకు పండుగగా ఉన్నది ఆ అడవి.*


*🙏🌹ఆ బూఱుగు చెట్టు కొమ్మపై తామ్రతుండం అనే ఒక రామచిలుక కాపురముండేది.ఆ చిలుక తన పిల్లలకు వడ్లను ఆహారముగా పెట్టేది...*


*🙏🌹తామ్రతుండం పిల్లలు ఆ వడ్లను ఎలా తినాలో కూడా తెలియని పసికూనలు, అందుకని ముక్కుతో ఆ వడ్లను తీసుకుని పిల్లల నోటిలో పడేశేది తామ్రతుండం, ఇలా వడ్లు పెట్టేటప్పుడు కొన్ని గింజలు క్రింద పడేవి.*


*🙏🌹కొన్నాళ్ళకు అవి మొలకలెత్తి కాలక్రమేణ ఒక చిన్న వరిపైరు తయాఱయింది!*


*🙏🌹ఒకరోజు ఎక్కడా సరి అయిన పచ్చగడ్డి దొరకని ఒక ఆవు ఆకలిదప్పికలతో అలసి ఆ శాల్మలీ వృక్షం దగ్గరకు వచ్చినది, తామ్రతుండం ముక్కునుండి జారిన వడ్లతో పెరిగిన పైరు చూసి సంతోషించి స్వేచ్ఛగా తిని తృప్తి చెంది వెళిపోయింది...*


*🙏🌹తరువాత ఆ గోవు తినగా మిగిలిన యవలతో ఒక విప్రోత్తముడు పంచయజ్ఞాలు చేశాడు...*


*🙏🌹అలా దైవికంగా తామ్రతుండానికి మహాపుణ్యం వచ్చింది, కాలధర్మం చేశాక అది చేసుకున్న సుకృతము వలన ధనికుడనే ఒక ధర్మాత్ముడైన వైశ్యునిగా జన్మించింది...*


*🙏🌹ఓడవ్యాపారి అయిన ఆ ధనికునికి పూర్వజన్మ స్మృతి ఉన్నది, అజ్ఞానవశః తన ముక్కునుండి జారిపడిన ధాన్యం మొలకెత్తి ఒక గోవు ఒక విప్రుడు ఆ పంటను ఉపయోగించినందుకే తనకి ఇంత ఫలితం వచ్చిందని తెలిసిన ఆ ధనికుడు ఎన్నో ఫలవంతాలైన మంచి మాగాడి భూములను లేనివారికి దానము చేశాడు, ఆకలిగొన్న వారికి అన్నపానాదులను అందించాడు, ఆ పుణ్యఫలముతో ఇహములో సర్వభోగాలు అనుభవించి కడకు విష్ణులోకం చేరుకున్నాడు.*

గురువారం🌷* *🌹26, డిసెంబర్, 2024🌹* *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*

         *🌷గురువారం🌷*

*🌹26, డిసెంబర్, 2024🌹*

       *దృగ్గణిత పంచాంగం*


          *ఈనాటి పర్వం* 

   *సర్వేషాం సఫలైకాదశి*


*స్వస్తి శ్రీ క్రోధినామ సంవత్సరం* 

*దక్షిణాయణం - హేమంత ఋతౌః*

*మార్గశిర మాసం - కృష్ణపక్షం*


*తిథి     : ఏకాదశి* రా 12.43 వరకు ఉపరి *ద్వాదశి*

*వారం   : గురువారం*(బృహస్పతివాసరే)

*నక్షత్రం  : స్వాతి* సా 06.09 వరకు ఉపరి *విశాఖ*


*యోగం  : సుకర్మ* రా 10.24 వరకు ఉపరి *ధృతి*

*కరణం  : బవ* ఉ 11.40 *బాలువ* రా 12.43 ఉపరి *కౌలువ*


*సాధారణ శుభ సమయాలు*

*ఉ 11.00 - 12.30 సా 04.00 - 06.00*

అమృత కాలం  : *ఉ 08.20 - 10.07*

అభిజిత్ కాలం  :  *ప 11.46 - 12.31*


*వర్జ్యం          : రా 12.18 - 02.03*

*దుర్ముహూర్తం  : ఉ 10.17 - 11.01 మ 02.44 - 03.29*

*రాహు కాలం : మ 01.32 - 02.55*

గుళికకాళం     : *ఉ 09.21 - 10.45*

యమగండం    : *ఉ 06.34 - 07.57*

సూర్యరాశి : *ధనుస్సు* 

చంద్రరాశి : *తుల*

సూర్యోదయం :*ఉ 06.34* 

సూర్యాస్తమయం :*సా 05.43*

*ప్రయాణశూల  : దక్షిణ దిక్కుకు పనికిరాదు*


*వైదిక విషయాలు*

ప్రాతః కాలం    :  *ఉ 06.34 - 08.47*

సంగవ కాలం    :*08.48 - 11.01*

మధ్యాహ్న కాలం   :*11.01 - 01.15*

అపరాహ్న కాలం : *మ 01.15 - 03.29*

*ఆబ్ధికం తిధి : మార్గశిర బహుళ ఏకాదశి*

సాయంకాలం :  *సా 03.29 - 05.43*

ప్రదోష కాలం    :  *సా 05.43 - 08.17*

రాత్రి కాలం       :  *రా 08.17 - 11.43*

నిశీధి కాలం      :*రా 11.43 - 12.34*

బ్రాహ్మీ ముహూర్తం :   *తె 04.51 - 05.43*

________________________________

        *🌷ప్రతినిత్యం🌷*

        *_గోమాతను 🐄 పూజించండి_* 

        *_గోమాతను 🐄 సంరక్షించండి_*


      *#సమస్యలు #తీర్చే*    

  *#దత్తాత్రేయ #మంత్రాలు*


*🌹సర్వ బాధ నివారణ మంత్రం*🙏


*నమస్తే భగవన్ దేవ దత్తాత్రేయ జగత్ ప్రభో ||*

*సర్వ భాధా ప్రశమనం కురు శాంతిం ప్రయచ్ఛమే||*


*🌹ఓం శ్రీ దత్తాత్రేయ  నమః*🌹


🌹🪷🌹🛕🌹🌷🪷🌹

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><>


         🌷 *సేకరణ*🌷

      🌹🌿🌹🌹🌿🌹

        *న్యాయపతి వేంకట*

       *లక్ష్మీ నరసింహా రావు*

      🌷🍃🌷🌷🍃🌷

      🌹🌷🪔🪔🌷🌹

పంచాంగం 26.12.2024 Thursday,

 ఈ రోజు పంచాంగం 26.12.2024 Thursday,


స్వస్తి శ్రీ చాన్ద్రమాన క్రోధి నామసంవత్సర: దక్షిణాయనం హేమన్త ఋతువు మార్గశిర మాస కృష్ణ పక్ష ఏకాదశి తిథి బృహస్పతి వాసర స్వాతి నక్షత్రం సుకర్మ యోగః: బావ తదుపరి బాలవ కరణం. ఇది ఈరోజు పంచాంగం.



రాహుకాలం : మధ్యాహ్నం 01:30 నుండి 03:00 వరకు.


యమగండం: ఉదయం 06:00 నుండి 07:30 వరకు.



శుభోదయ:, నమస్కార: