ప్రశ్న పత్రం సంఖ్య: 6

  ప్రశ్న పత్రం సంఖ్య: 6                             కూర్పు: సి. భార్గవ శర్మ న్యాయవాది  

 క్రింది ప్రశ్నలకు జవాబులు తెలుపండి  

1) రోజు ఏర్పడటానికి ఈ గ్రాహం కారణం 

2) ఉత్తరాయణం ఈ తారీకు నుండి మొదలౌతుంది 

3) అయనాలు ఎన్ని అవి ఏవి 

4) చంద్రుడు పూర్తిగా కనపడని తిది ఏది 

5) చంద్రుడు పూర్తిగా కనపడు  తిది ఏది 

6) చంద్రోదయం ప్రతి రోజు ఎన్ని(ఘడియలు) నిముషాల వ్యవధితో మారుతుంది 

7) నిన్నటి కన్నా ఈ రోజు చెంద్రుని పరిమాణంలో ఎన్నవ వంతు తేడా ఉంటుంది 

8) పాల పుంత అంటే ఏమిటి 

9) వివాహంలో పురోహితులు నవ వధూవరులకు ఏ నక్షత్రాన్ని చూపిస్తాడు. 

10) వివాహంలో చూపే నక్షత్రం ఏ నక్షత్ర మండలంలో వుంది.  

11) రాసి చక్రంలో ఎన్ని గదులు వున్నాయి.  

12) రాసి చక్రాన్ని చుట్టిరావటానికి అన్ని గ్రహాలకన్నా మందకొడిగా కదిలే గ్రాహం ఏది. 

13) ఏ ఏ గ్రహాలు కనపడకపోతే మౌడ్యమి వస్తుంది 

14) వివాహాలలో ఈ గ్రహ దోషం ముఖ్యంగా చూస్తారు అది ఏది 

15) భూమికి దగ్గరగా వున్న గ్రాహం ఏది 

16)ఏ  కాలంలో భూమికి సూర్యుడు దగ్గరగా వస్తాడు 

17) సూర్యుడు ఒక ______ అని శాస్త్రజ్ఞులు అంటారు 

18) సూర్య కాంతిలో ఎన్ని రంగులు ఉంటాయి  

19) సూర్యుని రథానికి ఎన్ని చక్రాలు ఉంటాయి 

20) సూర్యుని రద సారధి పేరు ఏమిటి. 

21) సూర్యుని రధాన్ని ఎన్ని అశ్వాలు లాగుతున్నాయి. 

22) కంటికి కనిపించని గ్రహాలు ఎన్ని వాటి పేర్లు ఏమిటి 

23) సూర్య గ్రహణం ఈ తిది నాడు వస్తుంది 

24)  చంద్ర గ్రహణం గ్రహణం ఈ తిది నాడు వస్తుంది 

25) చంద్రుడు దేనికి కారకుడు 

26) సముద్రంలో ఆటు పోటులకు ఈ గ్రాహం కారణం. 

27) మనం వున్న పాలపుంత పేరు ఏమిటి  

28) మనం ఈ ప్రపంచంలో చూసే వస్తువులు ఎన్ని కొలతలు (డైమెన్షన్లు) కలిగి ఉంటాయి 

29) నీటి చక్రం (నీరు భూమి నుండి ఆకాశానికి వెళ్ళటం తిరిగి భూమిపైన పడటాన్ని) చెప్పే మంత్రాలను యేమని పిలుస్తారు. 

30) ఏ  గ్రహానికి ఆవరణ (డిస్క్) ఉంటుంది 

31) సూర్యుడు నిత్యం మండుతూ ఉండటానికి ఈ అణు చర్య అని అంటారు అది ఏమిటి. 

32) పగలు రాత్రులు ఏర్పడటానికి కారణం 

33) భూమి యెంత వేగంగా పరిభ్రమిస్తుంది.  

34) ఉల్కా పాతాలూ ఎలా ఏర్పడుతాయి. 

35) భూమి మధ్యన వుండే పదార్ధాన్ని యేమని అంటారు. 

36) భూమి మీద నుండి ఆకాశంలో పైకి పోతున్న కొద్దీ వాతావరణ పీడనం ఎలా మారుతుంది. 

37) మన సాదారణ వాతావరణ పీడన ఎంతఉంటుంది (సెంటి మీటర్లలో) 

38) బారోమీటార్ రీడింగ్ యాదృచ్చికంగా పడిపోతే దేనిని సూచిస్తుంది. 

39) పూర్వం విమాన యానాం చేసేవారి జేబులోని ఫౌంటెన్ పెన్ ఇంకు ఎందుకు బైయటికి వచ్చేది. 

40) ఇప్పుడు విమాన యానాం చేసేవారి జేబులోని ఫౌంటెన్ పెన్ ఇంకు బైయటికి ఎందుకు రాదు 

41) విమాన యానాం చేసే ప్రయాణికులు చెవిలో దూది పెట్టుకోవటం వల్ల కలిగే సౌకర్యం ఏమిటి 

42) గగన తలంలో వెళుతున్న విమానం లోపలి వాతావరణ పీడనం విమాన బైయటి పిదనంతో సమానంగా ఉంటుందా లేదా 

43)  వెళుతున్న రైలు లోపలి వాతావరణ పీడనం రైలు బైయటి పిదనంతో సమానంగా ఉంటుందా లేదా 

44) రోడ్డు మీద ప్రయాణించే లారీ కన్నా పట్టాల మీద నడిచే రైలు ఎక్కువ వేగంగా ప్రయాణించగలదు ఎందుకు 

45) విమానంలో ఇంధనాన్ని ఎక్కడ నింపుతారు 

46) విమానం టైరులు ఏ గ్యాసుతో నింపుతారు. 

47) గ్రహణం ఏర్పడే రప్పుడు భూమి గురుత్వాకర్షణ శక్తి మారుతుందా, ఎలా 

48) చెందుని వెలుతురుకు కారణం ఏమిటి 

49) భూమి నుండి యెంత ఎత్తులో ఉపగ్రహాలు ఉంచుతారు 

50) ఉపగ్రహంనుంచి భూమి మీదికి తరంగాలను పంపే పాలఖాలను యేమని అంటారు 

51) భూగ్రాహం మీద ఖగోళంలో వుంచినట్లే ఉపగ్రహాన్ని చంద్రగ్రహం మీద వుంచగలరా 

53) రాసి ఛేక్రంలో వేగంగా తిరిగే గ్రాహం ఏది. 

54) గగనతలంలో భూమినుండి పైకి వెళుతున్నకొద్దీ ఆక్సిజన్ శాతం పెరుగుతుందా, తగ్గుతుందా  

55) గురుత్వాకర్షణ శక్తి సాధారణంగా యెంత ఉంటుంది. 

56) ధ్రువాల వద్ద గురుత్వాకర్షణ సాధారణ శక్తి కన్నా ఎక్కువగా ఉంటుందా లేక తక్కువగా ఉంటుందా 

57) మనము వాడే పంచాంగంలో వున్న మానాన్ని ఏమంటారు 

58) నక్షత్రాలు ఎన్ని 

59) ఒక్కో నక్షత్రానికి పాదాలు ఎన్ని 

60) ఆధునిక సైన్సు ప్రకారం నక్షత్రానికి గ్రహానికి తేడా ఏమిటి. 

ఆదర్శ మూర్తి

 ఆదర్శ మూర్తి గా!....

సామాన్య కుటుంబంలో జనియించి

సాధారణ విద్యను అభ్యాసం గావించి

నిరాడంబర జీవితాన్ని అనుసరించి

సరళ మైన రీతిలో

మానవ భావోద్వేగా లే కవిత కైనా

కథ  కైన,నవల కైన ఆలంబన గా

ఎంచుకుని

పేద ప్రజల జీవితాల్ని జీర్ణిం చుకుని

వాటిని తన రచనల్లో సదా ప్రతి బింబింప చేసుకుని

కాయ కష్టాన్ని అలవరచు కని

శ్రామికుడు గా దీనుల జీవితాల్ని

అనుభవించి

పత్రికా రంగాన, ఆకాశ వాణి లో

తన విశేష సేవలు అందించి

తన ఆపత్కాలంలో,క్షుద్బాధాసమయం లో ఆపత్ బాంధ వులుగా నిలిచిన

వారి పై విశ్వాసానికి ప్రత్తీకగా

తన సంతతికి వారి పేర్లు పేట్టి

తన గృహసీమ కు కూడా 

సహధర్మచారిణి పేరును పెట్టి

తన సాహితీ పిపాసకు,తన సాహితీ తృష్ణ కు  తార్కాణంగా కళా ప్రపూర్ణ, కళా రత్న, జ్ఞాన పీఠ్ వంటి

ఎన్నో పురస్కారాలను  ఎన్నో అందుకుని

బడుగు జీవితం నుంచి ఎన్నో అడుగుల ఎత్తైన కీర్తి శిఖరాలను

అధిరోహించి

కృషీ తో నాస్తి దుర్భిక్షం అన్న పదానికి ఆదర్శంగా

ఈ జగతికి మార్గ దర్శి గా నిలిచిన

అక్షర బ్రహ్మ,ఆదర్శ పుషుడు

భరత మాత నే కాక జాతిని సైతం

పునీతం చేసిన మహనీయుడు

మన రావూరి భరద్వాజ గారికి

ఈ అక్షర నీరాజనం!

దోస పాటి.సత్యనారాయణ మూర్తి.

9866631877

పూజ..ఎవరు చేయాలి..!

 పూజ..ఎవరు చేయాలి..!

*1*

యజమాని ఉత్తరీయం..గోచీపోసి పంచె..కట్టుకోవాలి.

సాధారణంగా నిత్య పూజ ప్రతి ఇంట్లో స్త్రీనే చేస్తుంది. 

కాని నిత్య పూజ చేయడం అనేది పురుషుడు చేయాలి అంటే యజమాని నిత్యపూజ చేయాలి. 

*2*

సంకల్పంలోనే ఉంది "ధర్మపత్నీ సమేతస్య" అని ఉంది. కానీ ‘పతీసమేతస్య’ అని లేదు. 

అంటే దాని అర్థం ఇంట్లో పూజ..ఇంటి యజమాని చేయాలి.

*3*

ఇల్లు అబివృద్ధిలోకి రావాలి అని యజమాని కోరుకోవాలి. యజమానిగా ఉన్నవాడు అది కూడా అడగడం బరువైపోతే ఎలా..? 

అందువలన పురుషుడు వళ్ళు వంచి ప్రతిరోజూ పూజ చేయ్యాలి. 

*4*

అదేవిదంగా నైమిక్తిక తిథులలో గాని, 

వ్రతమప్పుడు గాని పూజ చేసేటప్పుడు ధర్మపత్నీ, పిల్లలు కూడా ప్రక్కన ఉండాలి.

ఇక వస్త్రధారణ విషయనికి వస్తే ప్రధానంగా..

ఆడపిల్ల అయితే లంగా వోణీ,

వివాహిత అయితే చీర కట్టుకోవాలి. 

అమ్మవారికి అవే కదా ప్రధానం.

*5*

మరి పురుషుల విషయనికి వస్తే, 

పురుషులకు సంబంధించి వేదం ఒక మాట చెప్పింది.

"వికచ్ఛః అనుత్తరీయశ్చ, నగ్నశ్ఛావస్త్ర ఏవచ" అనగా వికచ్ఛః అంటే గోచీ పెట్టుకోలేదు, 

అనుత్తరీయశ్చ అంటే పైన ఉత్తరీయం లేదు అని. 

గోచీ పోయకుండా కేవలం బట్టను చుట్టు మాత్రమే తిప్పి కట్టడం దిగంబర అవుతుంది. 

కాబట్టి పురుషుడికి ఉత్తరీయం ఉండాలి, 

అలాగే గోచీపోసి పంచె కట్టుకోవాలి. 

వెనక్కి తీసి కుచ్చిళ్ళు పోసి గోచీ వెనక్కి దోపుకోవాలి. దానిని "కచ్ఛము" అంటారు. 

*6*

అందుకే వేదం చదువుకున్న పెద్దలు, 

వాళ్ళు భోజనం చేస్తుంటే కనీసం అంగవస్త్రం అంటారు. 

చిన్న గుడ్డ అయినా సరే గోచీ పోసుకుని కూర్చుని భోజనం చేస్తారు తప్ప అసలు వికచ్ఛంగా భోజనం చేయరు.

 వికచ్ఛంగా పూజ దగ్గరికి వెళ్ళరు. 

కాబట్టి పురుషులు ఈ రెండు పద్దతులు తప్పనిసరిగా పాటించాలి.  

*7*

ఉత్తరీయం ఎటువైపు వేసుకోవాలి అంటే, 

ఎడమ భుజం మీద ఉత్తరీయం ఉంటే వాడు భార్యా సహితుడు, మంగళప్రదుడు అని గుర్తు. 

కుడి భుజంమీద ఉత్తరీయం వేసుకుంటే భార్య చనిపోయింది అమంగళకరుడు యజ్ఞయాగాది క్రతువులకు పనికి రాడు అని గుర్తు. 

అసలు ఉత్తరీయం వేసుకోకపోతే పూజకు అర్హుడు కాదు అని గుర్తు. 

*8*

ఇంటికి ఎవరైనా పెద్దలు వస్తే యజమాని యందు పెద్దరికం వాళ్ళు చూస్తున్నారు అనడానికి గుర్తు ఎడమ భుజం మీద ఉత్తరీయం ఉన్నది చూసి, 

ఎందుకంటే యజమానికి అయన పెద్దరికం భుజం మీద ఉన్న ఉత్తరీయం వలనే.

కాబట్టి చొక్కా కానీ, బనీను కానీ ఏదీ ఉండకూడదు 

పూజ చేసేటప్పుడు.

దేవాలయంలోనైనా అంతే. 

*9*

దేవాలయంలో వెళ్తే ఎదో చిన్నపిల్లలకి చెప్పినట్లు 

చొక్కా విప్పండి, బనియను విప్పండి అని చెప్పించుకోకుండ మనంతట మనమే తీసి కూర్చోవాలి. 

ఇలా ఎందుకంటే దేవాలయం అనే మన మనశరీరంలోని ఆత్మ పరమాత్మను చూడాలి, 

ఆత్మకు పరమాత్మ, పరమాత్మకు ఆత్మ కనపడాలి. 

అలా చెయ్యకపోతే  భగవంతుని యొక్క అనుగ్రహాన్ని అపేక్షిస్తున్నావు అని అర్ధం. 

అందువలన పురుషులు(యజమాని)పూజ చేసెపుడు ఉత్తరీయం వేసుకోవాలి, గోచీపోసి పంచె కట్టుకోవాలి..!

పొగడ పువ్వులు

 * ఓం నమఃశివాయ నమః*    

 

*🕉️పొగడ పువ్వులు🕉️*

*శివపూజకు సంబంధించినంత వరకు వేయి జిల్లేడు పూల కంటే ఒక గన్నేరు పువ్వు ఉత్తమం.*

*వేయి గన్నేరు పూల కంటే ఒక మారేడు దళం ఉత్తమం.*

*వేయి మారేడు దళాల కంటే ఒక తామరపువ్వు ఉత్తమం.*

*వేయి తామరపూల కంటే ఒక పొగడపువ్వు ఉత్తమం.*

*వేయి పొగడపూల కంటే ఒక ఉమ్మెత్త పువ్వు ఉత్తమం.*

*వేయి ఉమ్మెత్త పూల కంటే ఒక ములక పువ్వు ఉత్తమం.*

*వేయి ములక పూల కంటే ఒక తుమ్మి పువ్వు ఉత్తమం.*

*వేయి తుమ్మి పూల కంటే ఒక ఉత్తరేణి పువ్వు ఉత్తమం.*

*వేయి ఉత్తరేణి పూల కంటే ఒక దర్భ పువ్వు ఉత్తమం.*

*వేయి దర్భ పూల కంటే ఒక జమ్మి పువ్వు శ్రేష్ఠం.*

*వేయి జమ్మి పూల కంటే ఒక నల్లకలువ ఉత్తమం.*

 

ఓం నమశ్శివాయ 👏⚘🌺🕉🌷

రాణీ కా వావ్

 మన క్రొత్త వందరూపాయల నోటు పై వెనుక ఉన్న బొమ్మ ని గమనించారా..దానిని గురించి క్లుప్తం గా😊

🌹క్రొత్త వంద రూపాయల నోటుకు వెనుక వైపు ఉన్న ఈ చిత్రం పేరు 🔴"రాణీ కా వావ్"🔴. ఇది ఒక నీటి బావి. ఇది గుజరాత్ లోని పఠాన్ జిల్లాలో ఉంది. వంద రూపాయల నోటు మీదకు వచ్చే వరకు ఎవరికీ తెలియని ఈ అద్భుత నిర్మాణం విశేషాలు....

మాములుగా దేశంలో ఉన్న చాలా నిర్మాణాలు రాజులు దేవుళ్ల కోసమో తమ రాణుల కోసమో కట్టించారు...... కానీ దీన్ని మాత్రం సోలంకి వంశానికి చెందిన రాణి ఉదయమతి తన భర్త భీమ -1 గుర్తుగా 1050-1100 మధ్య సరస్వతి నది ఒడ్డున నిర్మించింది.

మొత్తం 7 అంతస్థుల్లో నిర్మించిన ఈ బావి పొడవు దాదాపు 213 అడుగులు. వెడల్పు 66 అడుగులు, లోతు 92 అడుగులు. భారతదేశంలో మిగిలిన నిర్మాణాలన్ని నేల మీద నుండి పైకి అంతస్థులుగా నిర్మిస్తే దీన్ని మాత్రం భూమి లోపలికి 7 అంతస్థులుగా నిర్మించడం విశేషం. భూమి లోపలికి తవ్వుతూ నిర్మాణాలు చేయడం ఎంతో కష్టమైనప్పటికి ఈ నిర్మాణం భారతీయుల ఇంజనీరింగ్ నైపుణ్యానికి ఓ అద్భుత ఉదాహరణ.

ఈ నిర్మాణంలో అద్భుత కథలు చెక్కిన  215 స్థంభాలు, దాదాపు 800 శిల్పాలు ఉన్నాయి. గోడల మీద దశావతారం కథలు,  ఇతర పురాణాలు, స్త్రీల గురించి ఎన్నో బొమ్మలు చెక్కబడ్డాయి.

ఈ బావి మరో అద్భుతం లోపలికి దిగిన కొద్ది ఉష్ణోగ్రత తగ్గి చల్లగా ఉంటుంది. 7 అంతస్తులు దిగిన తరువాత బావి ఉంటుంది. అప్పట్లో బావి చుట్టూ ఔషధ మొక్కలు కూడా పెంచారు అందుకే ఈ బావిలో స్నానం చేస్తే రోగాలు తగ్గేవి. 

బావి దగ్గరే ఓ తలుపు మూయబడి ఉంటుంది. అప్పట్లో శత్రువులు దాడి చేసినపుడు ఆ తలుపు తెరిచి లోపల 30 కిలోమీటర్ల పొడవు ఉన్న సొరంగ మార్గంలో  సిద్దాపూర్ అనే పట్టణానికి చేరే ఏర్పాటు చేశారు.

కానీ ఒకసారి సరస్వతి నదికి వచ్చిన వరదల్లో ఈ బావి పూర్తిగా ఇసుకలో కూరుకుపోయింది. 1980లో ASI {Archeological survey of india} ఆర్కీలాజికల్ సర్వే ఆఫ్ ఇండియా జరిపిన తవ్వకాల్లో ఇది బయటపడింది.

2014లో UNESCO దీన్ని ప్రపంచ వారసత్వ సంపద జాబితాలోకి చేర్చి దీని కీర్తి విశ్వవ్యాప్తం చేసింది. కానీ 

2018 జులైలో రిజర్వ్ బ్యాంకు 100 రూపాయల నోటు మీద ముద్రించే వరకు చాలా మంది భారతీయులకు ఈ అద్భుత నిర్మాణం గురించి తెలియక పోవడం బాధాకరం.

🔴పిల్లలకు తెలిసేలా వివరం గా చెప్తారు కదూ😊🌹❤

ఉపవాసం అనగా

 *

🍂💫🍂💫🍂💫🍂💫🍂💫🍂

    👉ఉపవాసం అనగా ఏమి తినకుండా కేవలం మంచినీరు తాగి ఉండటమే ఉపవాసం . దీర్ఘ ఉపవాసం చేయువారు రసాహారము తీసికొనవలెను. కొందరు దేవునికి ఒకపొద్దు ఉంటున్నాం అని ఆ తరువాత అరడజను అరటిపళ్ళు, 10 ఇడ్లిలు, అరకిలో ఉప్మా లాగించేస్తారు . అన్నం మాత్రం తినరు.బహుశా వారి దృష్టిలో ఇదో రకం ఉపవాసం కావొచ్చు.కాని అలా చేయడం ఉపవాసం అనిపించుకోదు.

         ఉపవాసం చేయడం వలన ముఖ్య ఉపయోగం శరీరంలోని మాలిన్యాలను బహిష్కరింపచేసి వ్యాధి నిర్మూలనం అవుతుంది. పొట్ట , కన్ను, వ్రణములు , జ్వరములు, జలుబు మొదలగు వ్యాదులను కనీసం 5 రోజులపాటు ఉపవాసం చేసి వ్యాధి తగ్గించుకోవచ్చు. ఏ వ్యాధిలోనైనా ఉపవాసం చేయుట వలన వ్యాధి తొందరగా తగ్గించుకోవచ్చు . లేనిచో ఒకపూట ఉపవాసం ఉండి తరువాత ఆ వ్యాధికి సంబంధించిన పథ్యకరమైన ఆహారం తీసుకోవచ్చు.

          👉ఉపవాసంలో 4 రకాలు ఉన్నాయి  అవి 

           1 - నిర్జలోపవాసం .

           2 - జలోపవాసం .

           3 - రసోపవాసం .

           4 - ఫలోపవాసం .

 *🪨నిర్జలోపవాసం  -*

          మంచినీరు కూడా ముట్టకుండా చేయు ఉపవాసమును నిర్జలోపవాసం అంటారు. ఈ ఉపవాసం ముఖ్యంగా శరీరంలో నీరు ఎక్కువ చేరినప్పుడు అనగా శరీరం వాచినప్పుడు రెండు లేదా మూడు దినములు ఈ ఉపవాసం చేయవలెను .  మూడురోజులకు మించి ఈ ఉపవాసం చేయరాదు .

 *💦జలోపవాసం*

          కేవలం మంచినీరు మాత్రమే తాగి చేయు ఉపవాసమును జలోపవాసం అందురు. దీనిని మూడురోజుల నుంచి ఏడు రోజుల వరకు మాత్రమే చేయవలెను . అంతకు మించి చేయరాదు . శరీరంలో మాలిన్యాలు అధికంగా చేరి ఏ రసాహారమును కూడా జీర్ణం చేసుకోలేని పరిస్థితులు ఉన్నప్పుడు కేవలం మంచినీరు తాగించి ఉపవాసం చేయించవలెను. అనగా సుమారు రెండులీటర్లు మంచినీరు త్రాగించవలెను.

 *🎋రసోపవాసం*

           ఈ రసోపవాసమును సాధారణంగా ప్రకృతిచికిత్సాలయాల్లో రసోపవాసం చేయిస్తారు. కేవలం పండ్లరసాలతో చేయు ఉపవాసమును రసోపవాసం అంటారు. ఈ ఉపవాసం వారం రోజులు మొదలుకుని నెలరోజులు వరకు కూడా చేయవచ్చు . రసోపవాసంలో ముఖ్యంగా నిమ్మరసం , పలుచని నారింజరసం , బత్తాయిరసం , కమలారసం , తేనెనీరు, కొబ్బరినీరు , బార్లినీరు మొదలగునవి రోజుకు మూడుసార్లు నుండి అయిదుసార్లు లోపలికి తీసుకోవచ్చు .

 *🌞ఫలోపవాసం*

        ఉపవాసం చేయలేనివారు ఫలోపవాసం చేయవచ్చు . కేవలం రసము నిండిన ఫలములు మాత్రమే ఆహారంగా తీసికొనవలెను . అరటిపండు తీసుకోకూడదు . ఎక్కువ బత్తాయి, నారింజ, కమలా , ద్రాక్షా, అనాస , దానిమ్మ, మామిడి, పుచ్ఛ మొదలగు పండ్లు తినవచ్చు . 

        ఈ ఉపవాసం రోగిని అనుసరించి పది నుంచి నలుబది రోజుల వరకు అనుసరించవచ్చు.

 *😊ఉపవాసం చేయుట వలన వివిధ అవయవాలలో కలుగు మార్పులు*

 జీర్ణక్రియకు మంచి విశ్రాంతి లభించి అజీర్ణం తొలగిపోయి ఆకలివృద్ధి అగును.

  మలాశయంలో మురికి బహిష్కరింపబడి అజీర్ణం తొలగించబడి క్రిములను, బాక్టీరీయా నాశనం చేయబడును.

  మూత్రపిండాలలోని విషపదార్ధాలు, రాళ్లు బహిష్కరింపబడును.

  ఊపిరితిత్తులలోని నంజు, నీరు బహిష్కరించబడి ఆయాసం నివారించబడును. శ్వాసక్రియ చక్కగా జరుగును.

  గుండెచుట్టు , లోపల చేరిన కొవ్వు, నీరు తగ్గి గుండె చక్కగా కొట్టుకొనును. గుండెజబ్బులలో రసోపవాసం మంచిది.

  లివర్ మరియు స్ప్లీన్ ఆహారం జీర్ణం అగుటకు ఇవి చక్కగా పనిచేయాలి. ఈ ఉపవాసం చేయుట వలన వీటికి విశ్రాంతి దొరుకును . వాటిలోని మాలిన్యం తొలగించబడి జీర్ణక్రియ వృద్ది అగును.

  శరీరంలో రక్తప్రసారం చురుకుగా ఉండును. ఉపవాసం చేయుట వలన రక్తదోషములు నివారించబడును. తిమ్మిర్లు, మంటలు , నొప్పులు కూడా తగ్గును.

  కీళ్లలో పేరుకుపోయిన కొవ్వు, నీరు, మాంసము వంటి మాలిన్యాలు తొలగించబడి వ్యాధి నివారణ అగును.

  నాడీమండలం శుభ్రపరచబడును.

  జ్ఞానేంద్రియాలలో మాలిన్యాలు అన్ని పోవును .

  చర్మం కాంతివంతం అగును. చర్మవ్యాధులు హరించును . శరీరానికి చక్కటిరంగు వచ్చును.

    మనస్సు ప్రశాంతంగా ఉండి కోపం వంటివి మన అదుపులో ఉండగలవు.

 *😔ఉపవాసం చేయకూడని వారు  -*

       చాలా బలహీనంగా ఉన్నవారు, గుండెజబ్బులు కలవారు , బాలురకు, వృద్దులకు గర్భిణీస్త్రీలకు , బాలింతలకు , క్షయ మరియు రక్తహీనత కలిగిన రోగులు , మధుమేహంతో ఉన్నవారికి ఎక్కువ రోజులు ఉపవాసం చేయకూడదు .

 *ఉపవాసం చేయదగిన వారు*

       స్థూలకాయులు , ఉబ్బసం, సంధివాతం, రక్తపుపోటు,చర్మవ్యాధులు మొదలగు దీర్ఘకాలిక రోగులకు ఉపవాసం చేయుట మంచిది.

    ఉపవాసం ముగించిన వెంటనే ఘనాహారం తీసుకోకూడదు . ఉపవాసం తరువాత ఎక్కువ ఆహారం తీసుకొకూడదు. క్రమేపి ఆహారాన్ని పెంచుకుంటూ రావలెను. కారం , మసాలా పదార్దాలు , పిండివంటలు పచ్చళ్ళు తినకూడదు. అలా తీసుకున్నచో విరేచనాలు , వాంతులు , కడుపులో మంట, నొప్పి కలుగును.

ప్రాణ రూపిణీ

 784. 🔱🙏  ప్రాణ రూపిణీ 🙏🔱

ఐదక్షరాల నామం. ఈ నామంతో అమ్మవారికి నమస్కరించే టప్పుడు *ప్రాణ రూపిణ్యై నమః* అని చెప్పాలి.

ప్రాణ = ప్రాణముల యొక్క, రూపిణీ = రూపముగా ఉండునది.

జీవదేహ సంబంధం - ప్రాణాలతోనే సంధానం కావింపబడి ఉంటుంది. ప్రాణాలు తిన్నగా పనిచేస్తున్నంత వరకే జీవ దేహ సంబంధం తిన్నగా ఉండి, జీవి తన దేహంతో ఈ ప్రపంచంలో జీవిస్తాడు. లేకపోతే దేహాన్ని విడిచి తన

దోవన తాను పోతాడు.

ప్రాణాలు ఐదుగా చెబుతారు. వీటినే పంచ ప్రాణాలు అంటారు. వీటినే పంచ వ్యాహృతులుగా - ప్రాణము, అపానము, వ్యానము, ఉదానము, సమానముగా గూడా చెబుతారు.

1) దేన్నైనా స్వీకరించే శక్తిని గాని, ఆకర్షించే శక్తిని గాని 'ప్రాణము' అంటారు. 

2) దేన్నైనా వికర్షించే శక్తి ని గాని విసర్జించే శక్తి ని గాని ' అపానము' అంటారు. 

3) శరీరంలోపలకు తిన్నగా వ్యాపింప గలిగే శక్తిని వ్యానము' (వి + ఆనం) అంటారు. 

4) శరీరం నుండి బయటకు పనిచేసే శక్తిని ఉదానం' అంటారు. 

5) బయట వాటికి - శరీరం లోపల వాటికి మధ్య సమన్వయాన్ని కలిగి తిన్నగా నిలబడేట్లు చేసే శక్తిని *సమానము* అంటారు.ఈ విధమైన ఐదు రకాల ప్రాణశక్తుల రూపంలోను మనలో అమ్మవారు ఉండి మనలను తిన్నగా నడిపిస్తుంది.

ప్రతి జీవిలోనూ ప్రాణరూపముగా ఉండునది - అని ఈ నామానికి అర్థం.

🙏ఓం ఐం హ్రీం శ్రీం ప్రాణ రూపిణ్యై నమః🙏

🌷శ్రీ  మాత్రే  నమః 🌷

త్రివక్రం

 💐త్రివక్రం అంటే... మనసులో అనుకున్నది ఒకటి, నోటితో చెప్పేది ఒకటి, శరీరంతో చేసేది మరొకటి. ఈ మూడు వంకరలు తీసివేయడమే కుబ్జతనాన్ని తొలగించడం. అవి పోయి ఏకత్వం వచ్చేసి, ఈశ్వర స్పర్శ కలిగినవాడు అప్పటి నుంచి ఇక ఎప్పుడూ ఈశ్వర సేవే కావాలని కోరుకుంటాడు.💐

అంతరంగం, ఆలోచన, ప్రవర్తనల్లో ఏదో ఒకదానిలో మనుషులు ఎప్పుడూ పొట్టివారే. ఏదో ఒక లోపం లేకుండా సాధారణంగా ఏ మనిషీ ఉండడు. అలాంటి మరుగుజ్జుతనాన్ని కుబ్జత్వం అంటారు. ఆధ్యాత్మికత, జ్ఞానవృద్ధి, గురుకృప, భగవదనుగ్రహం తదితరాల ఆలంబనతో మనిషి వాటిని దాటి త్రివిక్రముడవుతాడు. వాటిలో ఏది కావాలన్నా తపన, తాదాత్మ్యత, నిర్మల భక్తి, నిబద్ధత కలిగిఉండాలి. ఈ విషయాన్ని వివరించేదే భాగవతంలోని ‘కుబ్జ’ కథ.

కపటబుద్ధితో ధనుర్యాగానికి బలరామ కృష్ణులను ఆహ్వానించాడు కంసుడు. మధురకు బయలుదేరారు అన్నదమ్ములు. దారిలో వారికి ఒక దివ్యాంగురాలు ఎదురైంది. ఆమెకు కృష్ణుణ్ని నఖశిఖ పర్యంతం చూడాలని కోరిక. ఆయన మనోహరమైన చిరునవ్వులొలికే మోమును చూడాలని, వీలైతే తాను సిద్ధం చేసిన శ్రీగంధాన్ని ఆయన మేనుకు అద్ది, ఆ మోహనరూపాన్ని చూడాలని కోరిక. కానీ శరీరం సహకరించని పరిస్థితి ఆమెది. అదీకాక ఆమె కంసుడికి దాసి. ఆశ నిరాశల మధ్య ఊగిసలాడుతూ కృష్ణుడు వచ్చే దారిలో కనీ కనిపించకుండా తచ్చాడుతోంది. గమనించిన కృష్ణుడు ఆమెమీద జాలిపడ్డాడు. కరుణాసముద్రుడయ్యాడు. ‘సుందరీ’ అని సంబోధించాడు. ఆ పిలుపు విన్న ఆమె ఆశ్చర్యపోయింది. కళ్ల వెంట అశ్రుధారలు కారుతుండగా- గద్గద స్వరంతో ‘స్వామీ! నువ్వు కూడా నన్ను హేళన చేస్తున్నావా?’ అని అడిగింది.

‘నేను గంధపు చెక్కలమీద గంధం తీసి, పరిమళ ద్రవ్యాలు అద్ది కంసమహారాజుకు ఇస్తూ ఉంటాను. అసలు అందం అంటే ఏమిటో ఇవాళ నీలో చూశాను. నీవు ఈ గంధాన్ని రాసుకుంటే ఈ గంధానికే అందం వస్తుంది. ఈశ్వరా, కొద్దిగా ఈ గంధం రాసుకుంటావా? నువ్వు నన్ను పిలిచిన పిలుపుతో వచ్చిన ధైర్యంతో ఇలా అడుగుతున్నాను’ అంది.

ఆమె కోరికను మన్నించాడు కృష్ణుడు. ప్రతిగా ఆమె పాదాలను తన కుడిపాదంతో తొక్కి, తనచేతి రెండు వేళ్లను కుబ్జ గడ్డం కింద పెట్టి పైకి ఎత్తాడు. ఆ చర్యతో ఆమె వంకరలు తొలగిపోయి సౌందర్యరాశిగా మారిపోయింది. అప్పుడు ఆమె కృష్ణుడితో ‘నాకు ఇంత సౌందర్యాన్నిచ్చావు. నేను నీకు ఇచ్చే ఆనంద సౌఖ్యాలను అనుభవించి నన్ను తరింపజెయ్యి. అందుకోసం నీవు ఒకసారి మా ఇంటికి రా’ అని అడుగుతూ ఆయన ఉత్తరీయం పట్టుకొని లాగింది. అప్పుడు కృష్ణపరమాత్మ ‘నేను పాంథుడిని. ఎప్పుడైనా, ఎక్కడికైనా వెళ్ళగలను. కాబట్టి తప్పకుండా నేను మీ ఇంటికి వస్తాను. కాని ఇప్పుడు కాదు. కంస సంహారం అయిన తరవాత’ అన్నాడు.

త్రివక్రం అంటే... మనసులో అనుకున్నది ఒకటి, నోటితో చెప్పేది ఒకటి, శరీరంతో చేసేది మరొకటి. ఈ మూడు వంకరలు తీసివేయడమే కుబ్జతనాన్ని తొలగించడం. అవి పోయి ఏకత్వం వచ్చేసి, ఈశ్వర స్పర్శ కలిగినవాడు అప్పటి నుంచి ఇక ఎప్పుడూ ఈశ్వర సేవే కావాలని కోరుకుంటాడు. త్రివక్రకు తన వంకరలు పోగానే ఆవిడ ఈశ్వరుడి కైంకర్యం (సేవ) చేయాలని కలిగిన కోరికతోనే అలా అడిగింది. అందుకోసం తన ఇంటికి రమ్మంటోంది. పరమాత్మ కంసవధ అయిన తరవాత వస్తానంటున్నాడు. అంటే అజ్ఞాన సంహారం పూర్తయిపోవాలి. ఇంకా నీలో అజ్ఞానం ఏమైనా మిగిలిఉంటే అది సమసిపోవాలి’ అని ఆ మాటకు అర్థం. ఆయన ‘నేను పాంథుడిని’ అనడంలోనూ అంతరార్థముంది. పాంథుడు (బాటసారి) అంటే ఇల్లులేని వాడని అర్థం. దాని భావం ‘ఆత్మ స్వరూపుణ్ని’ అని. ఆత్మకు ఇల్లేమిటి? అది అంతటా పరివ్యాప్తమై ఉంటుంది. అది అప్పుడప్పుడు ఏదో ఒక ఇంట్లోకి (శరీరంలోకి) వచ్చి వెళ్ళిపోతూ ఉంటుంది అని భావం. ఆ ఆత్మ స్వరూపుడితో తాదాత్మ్యం చెందాలంటే మానసిక వికృతి పోవాలి. ఇక్కడ జరిగింది అదే. కుబ్జ సౌందర్యవతిగా మారడం అంటే, పరమాత్మ సంపర్కంతో మానవాళి స్వరూపాన్ని పొందడమేనని ఇందులోని అంతరార్థం.

🙏

we used to be Wireless

 Vengalappa went to US & had a meeting with Bill Gates.

Bill: I want to show you the US advancement. Come with me.

He takes him to a forest..

Bill: Dig the ground.

Vengalappa did it.

Bill: Dig deeper and deeper..

Vengalappa went upto 100 feet..

Bill: So now try to search something.

Vengalappa: I got a Wire.

Bill: You know, it shows that even 100 years ago we used to have telephones..!

Vengalappa became frustrated. He invited Bill to India.

Next year Bill was in India..

Vengalappa: I want to show you our advancement.

The same, he takes Bill to a forest.

Vengalappa: Dig it.

Bill does.

Vengalappa: Dig deeper and deeper..

Bill goes upto almost 1000 feet.

Vengalappa: Try to find something.

Bill tries..

Vengalappa: Did you get anything?

Bill: No, there is nothing here.

Vengalappa: You know, it shows that even 1000 years ago, we used to be Wireless..!

Bill Gates is still recovering from the shock..!

Bolo tararara..!!!! 

🚿😆😆😝😝

~~~~Forwarded~~~~

పేరు విచిత్రంగా ఉండాలి

 నాదగ్గరకి ఆతృతగా పరుగెత్తుకుంటూ వచ్చాడు నాకు తెలిసిన వాడొకడు.

 "మీరే ఎలాగైనా సాయం చేయాలి. ఎంతోమందిని అడిగాను. ఎవరూ నా బాధ అర్థంచేసుకోలేకపోయారు."

 "ఏమిటో నీ కష్టం?"

 "పిల్ల పుట్టి మూడేళ్ళైంది. రేపు స్కూల్లో పడేయాలి, ఇంతవరకూ పేరు పెట్టలేకపోయాం. నెట్‌ సెర్చ్‌ చేశాం, పుస్తకాలు వెతికాం. సరైన పేరు దొరకలేదు. ఎవరో మీ పేరు చెప్పి మీ దగ్గరకెళ్ళమన్నారు. మీరు తెలుసు కనక మీదగ్గరకొచ్చాను."

 "ఎలాంటి పేరు కావాలి?"

 "ఆ పేరు మా పిల్లకు మాత్రమే ఉండాలి. ఇంకెవరూ పెట్టుకోకూడదు."

 "సూర్యకాంతం పెట్టు. అదైతే నాకు తెలిసి ఎవరూ పెట్టుకోరు."

 "కానీ, పేరు విచిత్రంగా ఉండాలి. మా బావ, కూతుళ్ళిద్దరికీ ‘పండు వెన్నెల’, ‘నిండు పున్నమి’ అని పెట్టాడు. అట్లాంటి పేర్లు ఎవరికీ లేవని పొగరుతో విరగబడుతున్నాడు. వాటిని తలదన్నే పేరు పెట్టాలి."

 "మీ బావగాడి చెంప మీద కొట్టినట్టుండే పేర్లు చెప్తా రాసుకో. పట్టపగలు, చిమ్మచీకటి, మిట్ట మధ్యాహ్నం."

 "మా పిల్ల పేరు ఫైనలైజ్‌ అయ్యేవరకూ ఈ పేర్లు ఎక్కడా లీక్‌ చేయొద్దు సార్‌, ప్లీజ్‌!"

 "సర్లే, ఎవరికీ చెప్పనులే. అయినా ఎందుకోయ్‌ అంత టెన్షన్‌?"

 "పిల్లకు పేరుపెట్టే ఉద్దేశమేమైనా ఉందా... అసలేమైనా ప్రయత్నం చేస్తున్నావా? - అని రోజూ మా ఆవిడ తిడుతోంది సార్‌!"

 "నీ మాటల్లోనే రెండు పేర్లు దొరికాయి. ‘ఉద్దేశ’, ‘ప్రయత్న’ ఇంతకూ మీ ఆవిడ ఏమని తిడుతోంది నిన్ను?"

 "వేస్టుగాడివంది."

 "వేస్టు అంటే వ్యర్థం. ‘వ్యర్థ’- సూపర్‌ పేరు!"

 "ఇప్పుడు చాలామంది శాన్వి అనీ శ్రాగ్వి అనీ పెడుతున్నారు కదా... వాటికి అర్థం ఏవిటండీ?"

 "మీ ఆవిడ అందని కాదుగానీ, నిజంగానే వేస్టుగాడివోయ్‌. పేరుకు అర్థమేంటీ... పేరుకు అర్థం ఉండకపోవడమే ఇప్పటి ట్రెండ్‌. మా బాబాయి మనవరాళ్ళ పేర్లేవిటనుకున్నావు? పెద్దదాని పేరు ‘శ్మశాన’, చిన్నదాని పేరు ‘వాటిక’. ఎలా ఉన్నాయి?"

 "బ్రహ్మాండంగా ఉన్నాయి సార్‌. కాదేదీ పేరు కనర్హం అన్నమాట!"

 "మరే... ఇప్పుడు నువ్వు మాట్లాడిన దాంట్లో కూడా రెండు పేర్లున్నాయి... బ్రహ్మాండ, అనర్హ."

 "మీరు శూన్యంలో నుండి కూడా పేర్లు తీస్తున్నారు సార్‌!"

 "శూన్య - ఇదేదో బాగుందయ్యా! బుర్రలో ఆ తెలివి ఉండాలి. ఏది చూసినా పేరు తట్టాలి. మా తమ్ముడు ఓ రోజొచ్చి ‘అన్నయ్యా, పిల్లల పేర్లు పెట్టడం విషమ సమస్యైంది’ అన్నాడు. అంతే, పిల్ల పేరు ‘విషమ’, పిల్లాడి పేరు ‘సమస్య్‌’. ఎలా ఉన్నాయి?"

 "బాగున్నాయి సార్‌. మా అమ్మ శివుడి పేరు మీద శివకుమారి అని పెడతానంటోంది."

 "అలా రొటీన్‌ పేరు పెట్టావో, నువ్వూ మీ ఆవిడా కలిసి ఒకే తాడుకు ఉరేసుకోవాల్సిన పరిస్థితి వస్తుంది."

 "కోప్పడకండి సార్‌!"

 "రొటీన్‌కు భిన్నంగా ఆలోచించవయ్యా. శివకుమారి కామనే గదా... ‘శవకుమారి’ అని పెట్టు. లేకపోతే 'కళేబరి' "

 "గురువుగారూ, ఇంతకూ మీ పిల్లల పేర్లు ఏవిటండీ?"

 "ఎవరికీ లేని పేర్లు పెట్టాలని అమ్మాయి పేరు ‘సామూహిక’, అబ్బాయి పేరు ‘అత్యాచార్‌’ పెట్టాను. తీరా ఇప్పుడేమో పొద్దున్న లేస్తే పేపర్‌ నిండా అవే. ఆ పేర్లు ఇంకెవరైనా పెట్టుకుంటారేమోనని కంటినిండా నిద్రపోయింది లేదు. అంతా నా ఖర్మ... అరె, ఇదేదో బాగుందే, ‘ఖర్మ’ ఎలా ఉంది?"

 "చాలా బాగుంది గురువుగారూ. కాకపోతే మా వంశానికి నాగదేవత పేరుతో కలిపి పెట్టుకోవాలి. ‘నాగఖర్మ’ అని పెట్టుకోమంటారా?"

 "మళ్ళీ ఇదొకటా?"

 "అవును సార్‌. మా కజిన్ల పేర్లు ‘నాగ బీభత్స్‌’, ‘నాగ డింభక్‌’, ‘నాగ హిడింబ్‌’. మా అన్నయ్య తన పిల్లలకు ‘సర్ప జగదేక్‌’, ‘నాగ అతిలోక్‌’ అని పెట్టాడు. వాడు చిరంజీవి ఫ్యాన్‌లెండి."

 "మళ్ళీ ఇదొక దరిద్రమా? ఒక్క నిమిషం... దరిద్ర... నాగ దరిద్ర అని పెట్టు."

 "కానీ మా ఆవిడ మూడక్షరాల పేరే పెడదామంటోంది."

 "‘కుబుస’ అని పెట్టు, సరికొత్త పేరు. నాగదేవతకు సంబంధించినదే. అక్షరాలూ మూడే."

 "అద్భుతం సార్‌. ఇదే ఫైనల్‌. ‘కుబుస’ అని పెట్టేస్తా."

...

చూశారా? పిల్ల పేర్ల ఉత్పత్తి ప్రకరణం!!!!