శు భో ద యం🙏
"అశాశ్వతమునకై ఆరాటమా?
"తరగల్,పిప్పలపత్రముల్,మెఱుగుటద్దంబుల్,
మరుద్దీపముల్,/
కరికర్ణాంతము లెండమావులతతుల్,ఖద్యోతకీటప్రభల్,/
సురవీధీలిఖితాక్షరంబు లసువుల్,జ్జ్ోస్నామయః పిండముల్/
సిరు,లందేల మదాంధులౌదురుజనుల్?శ్రీకాళహస్తీశ్వరా!
శ్రీకాళహస్తీశ్వర శతకము-ధూర్జటిమహాకవి:
భావము:-ప్రాణములు, సముద్రకెరటములను,రావియాకులయంచులవలెను,తళుకుటద్దములవలెను,మెఱపులవలెను,కరికర్ణాంతములవలెను,(ఏనుగుచెవి తుదలు)ఎండమావులవలెను,మిణుగురుపురుగులకాంతివలెను,ఆకాశపువ్రాతలవలెను,చెచలమైనవి.
సంపదలా వెన్నెలగుళికలవంటివి.మరి వానినిజూచుకొని నరులేల మదాంధులౌదురో అనూహ్యముగదా!
విశేషములు:కవి యీపద్యమున నరులప్రాణములుగానీ,సిరులుగానీ శాశ్వతమైనవి కావనిచెప్పుచు,చెంచెలమైన విషయములనుపమానములుగా చెప్పుచున్నాడు.
నదీతరంగములు,రావియాకులు,అద్దాలమెఱపులు,ఏనుగుచెవులు,ఎండమావులు,మిణుగురులకాంతి,మెఱుపులు,ఆకాశపువ్రాతలు(శూన్యంలోవ్రాత)ఇవిమిగులయస్థిరమైనవి.
ఇక సిరులా,(భాగ్యములు) వెన్నెలగుళికలవంటివి.కొంతకాలముమాత్రమే వెన్నెలకాంతులు.అదియు శాశ్వతము గానిదే!
మరి యస్థిరమైన వీనిని నమ్ముకొని గర్వమున సంచరించు నరులు శాశ్వతుడవగు నిన్నేల మరచుచున్నారని తన ఆశ్చర్యమును ప్రకటించుచు.ప్రజలయజ్ఙానమునకు విచారమునువ్యక్త
ము చేయుచున్నాడు.🙏🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷
కామెంట్‌లు లేవు:
కామెంట్‌ను పోస్ట్ చేయండి