విజయదశమి

 *విజయదశమి*

నవరాత్రి కాంతి సనాతనముగఁదీరు

వేపూల వెల్గుల విజయదశమి

అవనిలో యసుర సంహారమొందించిన

వీరమాతకు రూపు విజయదశమి

హవనాత్మ సత్య యుగారణియైనట్టి

విస్ఫులింగిత గర్భ విజయదశమి

స్తవనీయ రామగాథా కీర్తికాంతి ది

వ్వెలనిలనందింౘు విజయదశమి

ౘవిగొని పాండవాజ్ఞాత కాలమునందు

విరళాభయప్రద విజయదశమి

నవకాలమునను మానవ జీవితమ్ము వి

వేకవంతముఁజేయు విజయదశమి

క్రొత్తధాన్యాలతోనింట కూర్మినొసగు

నూత్న వాహన గృహపు వినోదమొసగు

పాలపిట్టనుఁ దర్శింప పసిడినొసగు

విశ్వసంక్షేమకారిణి విజయదశమి

~~~~~~~~~~~~~~

జమ్మిచెట్టును పూజింపఁ జయమునొసగు

పాలపిట్టనుఁ దర్శింప భయము తొలగు

మిమ్ములందరి కలిసిన మేలు కలుగు

దసర సరదాల వరదలవసరమునగు