*ధవుని సుతుని రతి వరించి తద్దయు మురిసెన్*
ఈ సమస్యకు నాపూరణ.
కవులకు నవతను నింపును
చెవులకు విందౌను మరులు జీవిక నొందున్
భవములు రేపెడి దొర, మా
ధవుని సుతుని రతి వరించి తద్దయు మురిసెన్.
*విభవధ్వంస మొనర్పcగా మురహరున్ వేడన్ వలెన్ మానవుల్*
ఈ సమస్యకు నాపూరణ.
అభయమ్మిమ్మని, రాక్షసాళి కృతమౌ యన్యాయముల్ బాధలున్
క్షభముల్ జీవన కంటకంబులగు ప్రక్షాళించగా, దర్పమౌ
విభవ ధ్వంసమొనర్పగా - మురహరున్ వేడన్ వలెన్ మానవుల్
ఖభముల్ తారకలున్ లిఖించె నదిగో క్రాంతంబులన్ జూపుచున్.
(క్షభములు =కలతలు
ఖభములు =గ్రహాలు)
అల్వాల లక్ష్మణ మూర్తి
కామెంట్‌లు లేవు:
కామెంట్‌ను పోస్ట్ చేయండి