ఓం శ్రీ మాత్రే నమః
21-2-2026
తెలుగు - వెలుగులు
విశ్వమునందు తేజమును వేవెలుగుల్ ప్రసరింప జేయుచున్
విశ్వ పదోన్నతింగని సువీక్షతమైన ప్రసిద్ధి గాంచుతన్
విశ్వజనీనమౌ తెలుగు వేడ్కగ భాషణ సేయువారికిన్
నశ్వరమన్నదే యెరుగ నట్టి మహోన్నతి గూర్చు గావుతన్
వెలుగులు జిమ్ము భాష యిది విశ్వమునందు నజంత భాషగా
పలువురి మనన్నల్ గనుచు వర్ధిలుచున్న మహోన్నతమ్మునౌ
తెలుగును మాటలాడుటయు తీయని వైన పదాల వర్ణ స
ల్లలితపు భాష వ్రాయుట ధరన్ గని నట్టి విశేష భాగ్యమౌ
తమకిల జన్మనిచ్చిన ఉదార మహాత్ములు తల్లిదండ్రులన్
తమకు విశేష నైపుణి సుధల్ గన నేర్పిన మాతృభాషదౌ
విమల మహత్త్వమెన్నుచును విశ్వమునందలి తెల్గువారలం
దమును గ్రహించ గల్గి తమదౌ తెలుగున్ వినుతించ మేలగున్
ప్రపంచ మాతృ భాషా దినోత్సవ సందర్భంగా మన తెలుగు భాషాభిమానులందరికీ శుభాకాంక్షలూ నమస్సులతో
మీ
డా.రఘుపతి శాస్త్రుల
కామెంట్లు లేవు:
కామెంట్ను పోస్ట్ చేయండి