సత్సంగం

  🔔 *సత్సంగం* 🔔

అందరూ రెమెడీస్ చెబుతారు 

దోష నివారణలు చెబుతారు…

గ్రహశాంతులు, క్రియలు, హోమాలు, యజ్ఞాలు, రత్నాలు, తాయెత్తులు…...

మరి"కర్మ, పశ్చాత్తాపం, సేవ, ప్రేమ, క్షమ, బాధ్యత, మౌనం, వివేకం, ఆత్మపరిశీలన, నియమం, త్యాగం, ధర్మం, చైతన్యం… ఇవే ఎందుకు?”

“ఎందుకంటే…

రోగం బయట లేదు.

మనిషి లోపల ఉంది.

గ్రహాలు నీ జీవితాన్ని అంతగా నాశనం చేయవు.

నీ అహంకారం చేస్తుంది.

శని కన్నా భయంకరమైనది

నీ అలసత్వం, నిన్ను నువ్వు నమ్మకపోవడం, భయం..

రాహు కన్నా ప్రమాదకరమైనది

నీ మోహం, స్వార్థం..

కేతు కన్నా విచిత్రమైనది

నీ అయోమయం.

కుజదోషం కన్నా ఎక్కువ ఇళ్ళను కూల్చింది

మనుషుల కోపం.

పితృదోషం కన్నా ఎక్కువ శాపాన్ని ఇచ్చింది

తల్లిదండ్రుల కళ్లలో వచ్చిన కన్నీరు.

అందుకే నేను రెమెడీస్ కంటే

మనిషిని సరిచేసే మార్గం చెబుతాను.

ఎందుకంటే

నీ చేతులతో చేసిన కర్మను, కొబ్బరికాయలు కొడితే దేవుడు తుడిచేయడు.

నువ్వు నాటింది ముల్లు అయితే

పూజలతో పూలు పూయవు.

ఈ సృష్టి అంత చౌక కాదు.

వేదం ‘కర్మణ్యేవాధికారస్తే’ అని చెప్పింది.

ఉపనిషత్తులు ‘యథా కర్మ యథా శ్రుతం’ అని చెప్పాయి.

బుద్ధుడు ‘చిత్తమే మూలం’ అన్నాడు.

అష్టావక్రుడు ‘నీ బంధనానికి కారణం నీ మనసే’ అన్నాడు.

కానీ మనిషి ఏమి కోరుతున్నాడు?

పాపం చేసేందుకు స్వేచ్ఛ…

ఫలితం తప్పించుకునేందుకు రెమెడీ.

కోపం మార్చుకోడు…

కాని కుజశాంతి చేయిస్తాడు.

తల్లిదండ్రులను బాధపెడతాడు…

కాని పితృతర్పణం చేస్తాడు.

భార్యను ఏడిపిస్తాడు…

కాని లక్ష్మీపూజ చేస్తాడు.

మోసం చేస్తాడు…

కాని దోష నివారణ కోసం దేవాలయాలు తిరుగుతాడు.

ఇది ఆధ్యాత్మికత కాదు.

ఇది భయంతో చేసే వ్యాపారం.

నిజమైన పరిహారం ఏమిటో తెలుసా?

ఆకలితో ఉన్నవాడికి అన్నం పెట్టడం.

నిన్ను నమ్మినవారిని మోసం చేయకపోవడం.

తప్పు తెలుసుకుని క్షమాపణ చెప్పడం.

అహంకారాన్ని తగ్గించుకోవడం.

కోపం వచ్చినప్పుడు మౌనం పాటించడం.

డబ్బు కన్నా ధర్మాన్ని ఎంచుకోవడం.

రోజు కాసేపు జపం లేదా ధ్యానం చేయడం.

 తల్లిదండ్రులను, భర్తను, పెద్దలను, గురువును, ప్రేమించినవారిని నమ్మడం, గౌరవించడం...

స్వార్థం తగ్గించి సేవ చేయడం.

నిత్యం ఆత్మపరిశీలన చేయడం.

పిల్లలను ప్రేమతో, క్రమశిక్షణ తో పెంచడం..

ఇవే మహా రెమెడీస్.

ఎందుకంటే

దేవుడు నీ చేతిలో రాయి పెట్టలేదు…

బుద్ధి పెట్టాడు.

దేవుడు నీకు తాయెత్తు ఇవ్వలేదు…

వివేకం ఇచ్చాడు.

అందుకే నేను

భయాన్ని కాదు — బాధ్యతను నేర్పుతాను.

రెమెడీని కాదు — రూపాంతరాన్ని చెబుతాను.

ఎందుకంటే

జాతకం మారితే జీవితం కొద్దిగా మారొచ్చు…

కాని

మనిషి మారితే అతని ప్రపంచమే మారిపోతుంది.”

రోజు తప్పకుండా ధ్యానం లేదా జపం చేస్తే - మనని మనం సులువుగా జయించవచ్చు 🙏🏻