ఈశ్వరుడు ఎవరు?

  1. ఈశ్వరుడు ఎవరు?

*సమష్టి ఉపహిత చైతన్యం = ఈశ్వరుడు*  

ఉదా: సముద్రం మొత్తం.  

ప్రపంచం మొత్తంలోని అన్ని జీవుల్లో, అన్ని వస్తువుల్లో ఉండే ఒకే చైతన్యానికి "ఈశ్వరుడు" అని పేరు. ఆయనే ఈ సృష్టిని నడిపేవాడు.

2. జీవుడు ఎవరు?

వ్యష్టి ఉపహిత చైతన్యం = జీవుడు 

ఉదా: సముద్రంలోని ఒక గ్లాసు నీళ్లు.  

నాలో, మీలో, ప్రతి వ్యక్తిలో ఉండే చైతన్యం. అది ఒక శరీరానికి, ఒక పేరుకు పరిమితమై ఉంటుంది. అదే "నేను" అనుకుంటుంది.

3. బ్రహ్మం ఎవరు?

సమష్టి, వ్యష్టి రెండింటినీ తీసివేస్తే మిగిలేది = బ్రహ్మం*  

ఉదా: నీళ్లు.  

గ్లాసు తీసేస్తే, సముద్రం అనే పేరు తీసేస్తే మిగిలేది కేవలం "నీళ్లు" కదా? అలాగే "నేను", "ప్రపంచం" అనే పరిమితులు తీసేస్తే మిగిలే స్వచ్ఛమైన చైతన్యమే "బ్రహ్మం". దానికి జన్మ, మరణం, పేరు, రూపం ఏమీ లేదు.

4. మాయ అంటే ఏమిటి?

*మాయ = ఈ సృష్టికి బీజం 

ఉదా: ఒక చెట్టు గింజ.  

గింజలోనే మొత్తం చెట్టు దాగి ఉంటుంది కదా? 

అలాగే మాయ అనే బీజం నుండే ఈ మొత్తం సృష్టి పుట్టింది. 

కానీ ఆ బీజానికి కూడా మూలం ఏమిటి? 

చైతన్యమే. 

గింజకు జీవం లేకపోతే చెట్టు మొలవదు కదా? 

అలాగే మాయకు కూడా బ్రహ్మమనే చైతన్యం ఆధారంగా ఉంది. మాయ స్వతంత్రంగా ఏమీ చేయలేదు.

ఒకే వాక్యంలో 

సముద్రం = ఈశ్వరుడు, 

గ్లాసు నీళ్లు = జీవుడు, 

నీళ్లు మాత్రమే = బ్రహ్మం.  

అలను లేపే గాలి = మాయ. కానీ నీళ్లు లేకుండా అలలు ఉండవు.

కాబట్టి ఈశ్వరుడు, జీవుడు, ప్రపంచం అన్నీ పైకి వేరుగా కనిపించినా, లోపల ఉన్నది ఒకే చైతన్యం / బ్రహ్మం.

ఓం తత్ సత్🙏

శ్రీ సద్గురు పీఠం నుండి...✍️