medicine లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
medicine లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

11, నవంబర్ 2020, బుధవారం

వ్యాధుల పేర్లు

 ఆయుర్వేదం నందు వ్యాధుల పేర్లు - వాటి లక్షణాలు .


 * అండవాతము - అండవృద్ధి  - Hydrocele . 


      వృషణములలో రెండుగాని ఒకటికాని వాపు కలిగి ఉండుట పోటు కలిగియుండుట . వాత ప్రకోపం చేత పొత్తికడుపులో చెడునీరు పుట్టి అది క్రమముగా వృషణాలలోకి దిగి పెరిగెడి రోగం . 


 *  అంతర్వ్రుద్ధి  - Hernia .


      వాతమును ప్రకోపింపచేయు పదార్దాలు అధికంగా భుజించుట వలన , మలమూత్ర వేగమును నిరోధించుట వలన , అతి బరువు మోయుట వలన వాతం ఎక్కువ అయ్యి సన్నపేగులో ఒక భాగం సంకోచింపచేసి తన స్థానం నుండి క్రిందికి వెడలి గజ్జ యందు చేరి గ్రంథిగా రూపం పొంది వాపును కలిగించు రోగం 


 *  అగ్నిమాంద్యం - 


        జఠరాగ్ని మందం అయ్యి ఆకలి లేకుండా ఉండుట . 


 *  అతిమూత్రము  - 


         శరీరంలో మేహం అధికం అయ్యి మూత్రం విస్తారంగా పొయ్యే రోగం . 


 *  అతిసారం  - 


        అమితముగా , వికృతముగా విరేచనములు అయ్యే రోగం . 


 * అనాహం  - 


         మూత్రం బంధించబడి కడుపు ఉబ్బే రోగము .


 *  అపస్మారం  -  Hysteria .


        స్మృతి లేక నోటి వెంట నురుగు పడటం మొదలగు చిహ్నాలు గల రోగం . మరియు స్త్రీలకు వచ్చెడి కాకిసోమాల అనే మూర్ఛరోగం .


 *  అభిఘాత జ్వరం  - 


       కర్రలు , రాళ్లు మొదలగు వాటితో దెబ్బలు తగులుట చేత , మన శరీర సామర్ధ్యం కంటే అధికంగా పనిచేయుట వలన , అతిగా దూరం నడుచుట వలన వచ్చెడి జ్వరం .


 *  అశ్మరీ రోగం  - Blader Stones .


       మూత్రకోశము నందు రాళ్లు పుట్టుట వలన మూత్రము వెడలుట కష్టం అగు రోగము 


 *  అస్థిగత జ్వరం  - 


        శరీరం నందు ఎల్లప్పుడూ ఉంటూ దేహమును క్షీణింపజేయు జ్వరం.


 *  అస్రుగ్ధము  -  Leucorrhoea .


       కుసుమరోగము అని కూడా అంటారు . యోని వెంట తెల్లగానైనా , ఎర్రగానైనా , పచ్చగానైనా , నల్లగానైనా జిగటగా నీరు స్రవించెడి రోగము .


 *  ఆమము  - 


        భుజించెడి పదార్దాలు జీర్ణముగాని కారణంబున గర్భమున జిగురు కలిగి తెల్లగా , బిళ్లలుగా ఘనీభవించెడి దుష్ట జలము.


 *  ఆమాతిసారము - Dysentery . 


       ఆమమే విరేచనమయ్యే రోగము . దీనినే జిగట విరేచనాలు అని , ఆమ విరేచనాలు అని అంటారు.


 *  ఆర్శరోగము  - PILES . 


       మూలవ్యాధి అని అంటారు. గుద స్థానం న లోపల కాని , వెలుపల గాని మాంసపు మొలకలు జనియించి రక్తము స్రవించుచు గాని స్రవించక గాని నొప్పిని కలిగించు రోగము .


  *  ఆహిక జ్వరం  -  Intermittent fever .


        దినము విడిచి దినము లేక మూడు దినములకు ఒకసారి కాని అప్పుడప్పుడు కనిపించే జ్వరం .


  *  ఉదర రోగము - Ascites . 


        శరీరం కృశించుట , తెల్లబారుట , కడుపులో దుష్టపు నీరు చేరి ఉదరము పెరుగుట మొదలగు చిహ్నములు గల రోగము 


  *  ఊపిరిగొట్టు నొప్పి - 


         గాలి విడిచినప్పుడు గుండెలలో ఒకపక్క పోటు పొడిచినట్టు లేచేడి నొప్పి .


 *  ఎరుగు వాతము  - 


         కాళ్ళు , చేతులు మొదలగు అవయవములు గాని  దేహము అంతయు గాని ఎగురుచుండెడి ఒక విధమైన వాత రోగము .


 *  కరపాణి కురుపులు  - 


        బిడ్డల యెక్క కాళ్ళమీద , చేతుల మీద దట్టముగా అయ్యేడి కురుపులు . 


 *  కామిల రోగము - కామెర్లు - Jaundice . 


      కండ్లు , శరీరం , ఆకుపచ్చ లేక పసుపుపచ్చ వర్ణము కలిగి ఆకలి లేకుండా ఉండుట , దాహము , నీరసము మొదలగు లక్షణాలు కలిగి ఉండే రోగము . 


 *  కార్శ రోగము -  Emaciation 


       దేహము నందు ఉండేడి రక్తమాంసములు క్రమక్రమముగా క్షీణించుచూ వుండేడి ఒక రోగము దీనిని ఎండురోగం అని అంటారు.


 *  క్రిమి రోగము  -  Intestinal woms .


        గర్భమున క్రిములు జనించెడి రోగము .


 *  గండమాల  -  Goitre or Scrofuja .


        మెడ , మెడ వెనక నరము , మెడ పక్కలనుండి గ్రంధులుగా మొదలు అయ్యి క్రమముగా పక్వము అయ్యి చీము , రసి స్రవించెడి వ్రణములు అనగా గడ్డలు .


 *  గళ గ్రహము  - 


         స్వరహీనంబై ఆహారాది పదార్ధాలను సులభముగా కంఠం దిగనివ్వకుండా ఉండేడి ఒక శ్లేష్మ రోగము .


 *  గాయపు సంధి - Tetanus .


        కాలి బ్రొటనవేలుకు గాని , చేతి బ్రొటనవేలుకు గాని గాయము తగిలినప్పుడు ,శస్త్ర చికిత్సల యందు దుష్ట క్రిమి ప్రవేశించుట చేత మెడ కొంకులు కుంచించుకు పోయే రోగము .


 *  గాలి బిళ్లలు - Mumps . 


         చెవులకు క్రిందుగా వాపు , పోటుతో లేచేడి బిళ్లలు .


 *  గురదాలు -  Kidneys .


        వీటిని ఉలవకాయలు అందురు. ఇవి నడుముకి సమముగా లొపల వెన్నునంటి ఉండేడు మాంస గ్రంధులు. వీనివలన మూత్రము జనించును.


 *  గుల్మము - internel Tumors .


        వాత , పిత్త , శ్లేష్మముల దుష్ట స్థితి వలన గర్భము న జనించెడి ద్రవకూటమి .


 *  గ్రహణి  - Dysentry .


        కడుపునొప్పి , ఆసనము తీపు కలిగి చీము లేక చీము రక్తము మిశ్రమమై విరేచనములు అయ్యేడి ఒకరకం అయిన అతిసార రోగము .


  *  చర్ది రోగము - trendency to vomit .


       వమన రోగము అని అంటారు. వాంతులు ఎక్కువుగా అవుతాయి .


 *  చర్మ రోగము  - 


       గజ్జి , చిడుము , పొక్కులు , తామర మొదలగు రోగములు .


 *  చిట్ల ఫిరంగి  - a severe kind of syphilis .


        దేహమున నల్లగా స్ఫోటకపు పొక్కుల వలే బయలుదేరేడి సవాయి రోగము .


 *  జలోదరము -  Abdomanal dropsy or Ascitis .


        గర్భమున అమితముగా విషపు నీరు పెరిగి పొట్ట నిండు కుండలా ఉండేడి రోగము .


 *  జిహ్వదోషము  - Tongue diesease .


       నాలుక ద్రవహీనం అయ్యి ముండ్ల వలే గరుకు కలిగి యే వస్తువు రుచింపకుండా ఉండుట .


 *  త్రయాహికా జ్వరం - Tertain fever .


       మూడు దినములకు ఒకసారి వచ్చెడి చలి జ్వరం .


 *  నాడి వ్రణము  - Guinea worm .


        నారీ కురుపులు అనికూడా అంటారు.వీని నుండి తెల్లని దారము వలే నారి బయటకి వెళ్ళును.


 *  పరిణామ శూల  -  


        ఆహారం జీర్ణం అయ్యే సమయంలో జనించెడి నొప్పి . 


 *  పలల మేహము  - 


         చిన్న చిన్న మాంసపు ముక్కలు మూత్రం వెంట పడే రోగము .


 *  పక్షవాతము  - Paralysis .


       శరీరం యొక్క బాగం అనగా ఒకవైపు చెయ్యి , కాలు వీనికి వ్యాపించిన నరములకు సత్తువ లేకుండా చేయు రోగము .


 *  పాండురోగము  -  Anemia .


       దేహము న రక్తము క్షయించి తెల్లబారి ముఖము , కనురెప్పలు , పాదములు , గుహ్యస్థలము నందు వాపు కలిగి ఉండేడి రోగము . 


 *  పీఠికా మేహము  - one type of syphilis .


       దేహము అంతా మట్టిపొక్కులుగా లేచేడి మేహరోగము .


 *  పీనస  -  Ozoena .


       ముక్కువెంట దుర్గంధముతో చీము , రక్తము వెడలె ఒక రోగము .


 *  ప్లీహారోగము  - Enlargement of Spleen .


       కడుపులో బల్ల పెరిగి కలిగెడు రోగము.


 *  పుట్ట వ్రణము  -  Cancer .


        సెలలు వేసే మానని మొండి వ్రణము . 


 *  పురాణ జ్వరం  - Chronic Fever . 


         చాలాకాలం నుంచి ఉండేడి జ్వరం .


 * బాలపాప చిన్నెలు  - Convulsion of Children . 


         శిశువులకు 12 సంవత్సరాల లోపున అకస్మాత్తుగా మూర్చవలె కనిపించే రోగము .


 * భగందరము  - Fistula .


        వృషణాలు కు దిగువున , గుదస్థానముకి పైన చిన్న కురుపువలె లేచి అది పగిలి అందులో నుంచి రసి , చీము కారెడి రోగము .


 *  మూత్రశ్మరీ  - 


          మూత్రపు సంచిలో రాళ్లు పుట్టెడు రోగం .


 *  మూత్రఘాతం  - 


          మూత్రం బంధించుట . మలమూత్ర , శుక్లములు పొత్తికడుపులో చేరి వికృతిని పొంది ముత్ర నిరోధము కలిగి అందువలన మూత్రం అతికష్టముగా బయటకు వెడలు మేహ రోగము .


 *  మూత్రకృచ్చం  - 


          మూత్రము బొట్టుబొట్టుగా నొప్పితో వచ్చు రోగము . ఈ రొగికి శుక్లము మూత్రముతో బయటకి వచ్చును. 


 *  మేఘరంజి  - 


          నీటితో కూడిన మేఘము ఆకాశమున కప్పి ఉన్నప్పుడు శ్వాస పీల్చడం కష్టముతో కూడుకుని ఉండు ఒకరకమైన ఉబ్బస రోగము . 


 *  క్షయ రోగము  - 


          ఈ రోగమును ముఖ్యముగా కాస , శ్వాస , కఫము , జ్వరం , దేహము శుష్కించుట , నీరసం , ఏది తిన్నా రుచి లేకుండా ఉండటం , ఆకలి లేకపోవడం ఈ రోగ లక్షణాలు .


 *  రక్తపైత్యం  - 


          ముక్కువెంట గాని , నోటివెంట గాని అకస్మాత్తుగా రక్తం ప్రవహించెడి రోగము . 


 *  రక్తవాతం  - 


          దీనిని వాత రక్తం అని అంటారు. రక్తం సహజముగా ప్రవహించక దేహమున ఏ భాగం నందు అయినా కూడి వాపు , ఎరుపు , పోటు కలిగి ఉండటం మొదలగు బాధలు కలిగి ఉండు ఒక రోగము . 


 *  రుద్రవాతము  - 


         హఠాత్తుగా మూర్చరోగము వలే స్మారకం లేక పడిపోవడం . నోటివెంట నురుగులు వెడలుట , అంగవైకల్యం కలుగుట ఇలాంటి లక్షణాలు కలిగిన రోగము 


 *  లూతము  - 


          కంటి కోన వద్ద పుట్టెడు రోగము .


 *  వలీఫలితము  - 


          బాల్యము నందే శరీరం ముడతలు పడుట , వెంట్రుకలు నెరియు వ్యాధి . 


 *  విద్రది  - 


         గర్భము నందు పుట్టి నాభిలోకి వెడలు వ్రణము .


 *  విషజ్వరము  - 


        ఒకప్పుడు ఉష్ణం అధికంగా ఉండి మరియొకప్పుడు ఉష్ణము లేకుండా ఒక సమయం లేకుండా వచ్చు జ్వరం.


 *  విసర్పి  - Herpes .


       ఎర్రగా కాని తెల్లగా కాని పొక్కులు ఒకచోట గుంపుగా లేచి వ్యథతో గూడిన చర్మరోగము . దీనినే సర్పి అందురు. 


 *  శిల్ప కుష్ఠు  - 


       రాళ్లు వలే గరుకుగా గ్రంధులు లేచేడు కుష్ఠు రోగము . 


 *  శూల - Sposmodic colic . 


        కడుపులోగాని , పక్కలోగాని హటాత్తుగా వచ్చే కఠినమైన నొప్పి.


 *  శ్వేత కుష్ఠు  -  Leucoderma . 


       తెల్లని మచ్చలు బయలుదేరి వ్యాపించెడి కుష్ఠు రోగము . 


  *  స్వరభంగ రోగము  - 


        స్వరము క్షీణించి పోయెడి రోగము లేక గొంతు బొంగురుగా మారి స్వరం పలకని రోగము . 


 స్థావర విషములు  - 


        పాషాణము , మణిశిల , మైలతుత్తము , గంధకము మొదలగు ఖనిజములు , నాభి , పొత్తిదుంప , గన్నేరు పప్పు , వేరు మొదలగు మూలికలను స్థావర విషములు అంటారు.


  జంగమ విషములు  - 


        పాము , తేలు , నక్క , కుక్క మొదలగు జంతువుల కోరల్లో ఉండు విషమును జంగమ విషము అంటారు.


                           సమాప్తం 


     గమనిక  -


           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు "  అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.


           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.


            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.


      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 100  రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.


            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .


                  కాళహస్తి వేంకటేశ్వరరావు 


                         9885030034 


               అనువంశిక ఆయుర్వేద వైద్యులు

ఆయుర్వేద వైద్యం నందు జలగలు ఉపయోగించే విధానం -

 ఆయుర్వేద వైద్యం నందు జలగలు ఉపయోగించే విధానం  -


       జలము ఆయువుగా కలవి కావున జలాయుకములు అనియు , జలము నివాసస్థానం కలవి కావున జలౌకలని మరియు జలగలు అని పిలవబడుతున్నవి.  ఇవి 12 విధములు గా ఆయుర్వేదం విభజించింది. ఇందు విషము కలిగినవి నల్లటి రంగులోని బేధము వలన 6 విధములు .  అందు కృష్ణ అనునది కాటుక రంగు పెద్ద శిరస్సు గలది. కర్బూర  అనునది బొమ్మిడ అను చేప వంటి ఆకృతి కలిగి ఒకచోట చిన్నగా , మరొకచోట పెద్దగా ఉండు పొట్ట కలిగి ఉండును. కలగర్ద అనునది ముడుతలతో కూడి ఉండి పెద్ద పార్శ్వములతో కలిగిన ముఖం 

ఉండును. ఇంద్రాయుధ అనునది ఇంద్రధనస్సులోని నానారంగులు గల నీలపు చారలతో కూడుకుని ఉండును. సాముద్రిక అనునది కొద్దిగా నలుపు , పసుపు రంగులతో ఉండి అనేక ఆకృతులుగల తెల్లని మచ్చలతో కూడుకుని ఉండును. గోచందనం అనునది ఆంబోతు బుడ్డ వలే పొట్ట యందు ఒక గీత కలిగి సన్నని ముఖం కలిగి ఉండును.


           పైనచెప్పిన 6 రకాల జలగలు విషము కలిగి ఉంటాయి. ఇవి కరిచినచో కాటునందు వాపు , మిక్కిలి దురద, మూర్చ, జ్వరం, తాపము , వాంతి  కలుగును. 


        ఇప్పుడు మీకు విషము లేని జలగలు గురించి వివరిస్తాను. విషములేని జలగలు మొత్తం 6 రకాలు .  అందులో కపిల అనునది ప్రక్కల యందు మనశ్శిలతో రంగు వేసినట్లు ఉండి వీపున నిగనిగలాడుచూ పెసలవలే ఆకుపచ్చ రంగు కలిగి ఉండును.  పింగళి అనునది కొంచం ఎరుపు రంగు గుండ్రని శరీరం పచ్చని రంగు ఉండి వేగముగా కదులును. శంఖముఖి అనునది యకృత్ వలే ఎరుపు నలుపు రంగులు కలిగి శీఘ్రముగా రక్తమును తాగే స్వభావం పొడవైన వాడి అయిన ముఖం కలిగి ఉంటుంది. మూషిక అనునది ఎలుక వంటి ఆకారం , రంగు , దుర్వాసన కలిగి ఉంటుంది. పుండరీకం అనునది పెసల వలే పచ్చని రంగు , పద్మముల వలే విశాలమైన ముఖం కలిగి ఉండును.  సావరిక అనునది నిగనిగలాడుచూ తామరాకు వంటి రంగు కలిగి 18 అంగుళముల పొడవు కలిగి ఉండును. ఇది ఏనుగులు, గుఱ్ఱములకు చికిత్స చేయుటలో మాత్రమే వాడవలెను .మనుష్యులకు పనికిరాదు. వీటిని నిర్విష జలగలు అందురు.


             ఈ విషము లేనటువంటి జలగలు లభించు ప్రదేశాలు ముఖ్యంగా ఢిల్లీకి పశ్చిమ దిశలోను , సహ్యాద్రి పర్వతాలు అనగా నర్మదా నది ప్రవహించు పర్వత ప్రాంతాలలోను, మధురా ప్రాంతంలోనూ ఈ విషము లేనటువంటి జలగలు ఉండును. ఈ ప్రదేశాలలో లభించు జలగలు పెద్ద శరీరం కలిగి మంచి బలముతో ఉండి శీఘ్రముగా రక్తమును పీల్చెడి స్వభావం ఎక్కువుగా ఉండి విషము లేకుండా ఉండును.


         విషముతో కూడిన చేపలు , పురుగులు , కప్పలు , మూత్రపురీషములు క్రుళ్ళుట చేత పుట్టిన జలగలు మరియు కలుషిత జలము నందు పుట్టిన జలగలు, నీటిలోని పద్మములు కుళ్లుటచేత పుట్టిన జలగలు విషపూరితంగా ఉండును.  శుద్ధజలము నందు పుట్టిన జలగలు విషం లేకుండా ఉండును.


            ఇప్పుడు జలగలను పట్టే విధానం వాటిని పోషించే విధానం మీకు తెలియచేస్తాను .


     రక్తముతో కూడిన తోలు , జంతుమాంసం , వెన్న , నెయ్యి, పాలు మొదలగు వాటితో  కూడిన అన్నమును జలగలు ఉన్న ప్రదేశంలో వేసినచో అవి పైకి వచ్చును. అప్పుడు వాటిని పట్టుకొని మంచి కుండలో చెరువునీటిని , బురదని పోసి అందులో ఉంచవలెను. వాటికి తిండి కొరకు నాచు, ఎండిన మాంసము , నీటిలో పుట్టే దుంపల చూర్ణం ఇవ్వవలెను. అవి నిద్రించుటకు గడ్డి, నీటి యందు పుట్టే పచ్చి ఆకులను ఆ కుండ నందు వేయవలెను .  రెండు మూడు రోజులకు ఒకసారి ఆ కుండ యందలి నీటిని తీసివేసి కొత్తనీటిని పోసి ఆహారం కూడా కొత్తదానిని వేయవలెను . ప్రతి ఏడు రోజులకు ఒకసారి కుండను మార్చవలెను . ఈ జలగలను శరత్కాలం పట్టుకొనుట మంచిది .


      జలగలను వైద్యంలో ఎలా ఉపయోగించాలో మీకు వివరిస్తాను.


            జలగలచే పోగొట్ట తగిన రోగము కలిగిన వానిని కూర్చుండబెట్టి కాని , పడుకోపెట్టి కాని జలగ పట్టించవలసిన ప్రదేశములో వ్రణము లేనిచో ఆ ప్రదేశంలో ఎండించిన ఆవుపేడ చూర్ణం , మన్ను కలిపి మర్దన చేయవలెను . ఆ తరువాత జలగలను తీసుకుని ఆవాలు , పసుపు కలిపి నూరి కలిపిన నీటిలో ముంచి వేరొక మంచినీటి పాత్రలో ముంచి వాటిని రోగమున్న ప్రదేశములో పట్టించవలెను. ఆ తరువాత ఆ జలగకు మంచి కాటన్ గుడ్డ ముక్కతో  ముఖము విడిచి శరీరం అంతయు కప్పవలెను. అప్పుడు ఆ జలగ రోగ స్థానమును పట్టును . అలా పట్టనిచో ఆ రోగస్థానం పైన పాలచుక్క గాని  రక్తపుచుక్క గాని వేయుట లేక కత్తితో గీయుట చేసినచో జలగ వెంటనే రోగస్థానమును పట్టును . అప్పుడు కూడా జలగ పట్టనిచో దానిని వదిలి వేరొక జలగ పట్టించవలెను .


                   జలగ ఎప్పుడూ తన ముఖమును గుర్రపుడెక్క వలే విస్తరించి స్కంధమును పైకెత్తి రోగస్థానమును తగులుకొనునో అప్పుడు అది రక్తమును పీల్చుతుంది అని అర్ధంచేసుకొనవలెను వెంటనే దానిని తడిగుడ్డతో కప్పి మధ్యమధ్యలో  తడుపుచుండవలెను . అలా చేస్తున్నచో రక్తం బాగుగా పీల్చును. ఆ పీల్చుటలో ముందుగా దుష్టరక్తమునే పీల్చును .


            జలగ రక్తం పీల్చుతూ ఉన్నప్పుడు కొంత సమయం తరువాత పోటు , దురద మొదలగుచున్న అప్పటివరకు అది దుష్టరక్తం పీల్చి ఆ తరువాత మంచిరక్తం పీల్చడం మొదలు అయినది అని అర్థం . ఆ తరువాత వెంటనే జలగను తీసివేయవలెను . రక్తం యొక్క రుచి మరిగి ఆ జలగ రానిచో దాని ముఖము పైన సైన్ధవ లవణము వేసినచో విడిచివేయును .


        చెడు రక్తం పీల్చిన జలగను శుద్దిచేయు విధానం గురించి మీకు తెలియచేస్తాను.


      పైన చెప్పినట్టు రోగస్థానమును విడిచిన జలగకు శరీరం పైన బియ్యపు పిండిని పూసి ముఖం నందు నూనె, ఉప్పు కలిపి రాసి ఎడమచేతితో తోకను పట్టుకొని కుడిచేతితో ముఖము వరకు ఆవుపాలు పితికినట్లు చేయవలెను . ఈ విధంగా చేస్తూ తాగిన రక్తమును బయటకి కక్కునట్టు చేయవలెను . ఆ తరువాత ఆ జలగను శుభ్రపరచి మంచినీటితో కూడిన పాత్ర యందు ఉంచవలెను. అప్పుడు అది ఉత్సాహముగా సంచరించును. అలా సంచరించకుండా కదలక మొద్దుగా ఉన్నచో చెడురక్తం దాని శరీరం నుంచి పూర్తిగా బయటకి పోలేదు అని గ్రహించి మరలా కక్కించు ప్రయత్నం చేయవలెను . కక్కించాక మరలా కుండ నందు భద్రపరచవలెను.


       జలగతో రోగనివారణ క్రియ చేశాక చేయవలసిన విధి గురించి వివరిస్తాను.


          జలగ ద్వారా చెడు రక్తం తీసాక ఆ గాయమునకు ఔషదాలు కలిపిన ఆవునెయ్యి పూయవలేను . కొందరికి తేనె కూడా పూయవచ్చు.


      పైన చెప్పిన జలగతో చెడు రక్తాన్ని తీయు విధానాన్ని రక్తమోక్షణం అంటారు. ఈ క్రియను రోగి యెక్క బలం, రోగం యొక్క బలాన్ని అంచనా వేసుకొని మాత్రమే అంచనా వేసుకొని చేయవలెను .


      ********** సంపూర్ణం ************


  

     గమనిక  -


           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు "  అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.


           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.


            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.


      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 100  రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.


            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .


                  కాళహస్తి వేంకటేశ్వరరావు 


                         9885030034 


               అనువంశిక ఆయుర్వేద వైద్యులు

అజీర్ణం

 శరీరంలో అజీర్ణం హరించి ఆకలి ఎక్కువ చేయు మూలికా యోగాలు  - 


 *  ప్రతినిత్యం నీరుల్లిపాయలు తినుచుండిన మందాగ్ని హరించి ఆకలి బాగుగా అగును. 


 *  శొంఠి , ఉప్పు రెండూ సమభాగాలుగా కలిపి చేసిన చూర్ణమును ప్రతిపూట భోజనమునకు ముందు 5 గ్రాముల నుంచి 10 గ్రాముల వరకు పుచ్చుకొనుచుండిన నాలుక , గొంతుక శుభ్రపడి అన్నము బాగా జీర్ణం అయ్యి ఆకలి బాగా పుట్టును . 


 *  అల్లంరసం , తేనె రెండు సమభాగాలుగా కలిపి పూటకు 10 గ్రాముల నుంచి 20 గ్రాముల వరకు రోజూ మూడుపూటలా ఆహారానికి ముందుగా పుచ్చుకొనుచుండిన జలుబు , దగ్గు , అరుగుదల తక్కువుగా ఉండటం హరించి మంచి ఆకలి పుట్టును . 


     గమనిక  -


           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు "  అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.


           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.


            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.


      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 100  రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.


            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .


                  కాళహస్తి వేంకటేశ్వరరావు 


                         9885030034 


               అనువంశిక ఆయుర్వేద వైద్యులు

దగ్గు, జలుబు పడిశం, జ్వరం కు ఆయుర్వేద మందులు

 దగ్గు, జలుబు పడిశం, జ్వరం కు ఆయుర్వేద మందులు. 

ఇప్పటి వాతావరణ పరిస్థితుల్లో చాలామందికి సాధారణంగా దగ్గు, జలుబు పడిశం, జ్వరం వస్తూవుండటం సహజం. మనం డాక్టరు దగ్గరకు వెళితే ఒక పారసెటామోల్ టాబులెటు, ఒక అంటి బైటికి క్యాప్సూలు, ఒక కాఫ్ సీరపు వ్రాసి పంపిస్తాడు. నిజానికి ఈ మందులు మనకు రోగాన్ని తగ్గించటం అటుంచి వాటి వల్ల వచ్చే సైడు ఎఫెక్టులు చాలా ఉంటాయి. ఇప్పుడు మనకు అల్లోపతి మందులు సాంప్రదాయ మందులు ఆయుర్వేద, హోమియో , యునాని మందులు సాంప్రదాయేతర మందులుగా అయ్యాయి. నేను అందరికి చెప్పదల్చుకునేది ఏమనగా మనం సాధ్యమైనంత వరకు అల్లోపతి మందులకు దూరంగా ఉంటే పది కాలాల పాటు ఆరోగ్యంగా ఉండవచ్చు. నా మాట మీకు కొంత కఠినంగా ఉండవచ్చు కానీ ఇది యదార్ధం. పారాసెటామోల్ మాత్రలు ఎక్కువగా తీసుకుంటే అవి జీర్ణాశయం మీద తదుపరి కిడ్నీల మీద ప్రభావం చూపి వాటి ఆరోగ్యాన్ని పాడు చేస్తాయి. ఇక అంటి బయటికులు ఇవి మన శరీరంలో వుండే బి కాంప్లెక్ విటిమినును పూర్తిగా మింగి కాళ్ళ తీపులుతో మొదలై తరువాత, జీర్ణాశయం మీద మరియు కిడ్నీల మీద దుషు ప్రభావం చూపుతాయి. మనిషి శరీరాన్ని బలహీన పరుస్తాయి. ఎక్కువగా వాడితే శరీరంలో రోగ నిరోధకత తగ్గుతుంది. ఇక దగ్గు తగ్గ్గటానికి ఇచ్చే కాఫ్ సీరపు. ప్రతి దానిలో కూడా వుండే రసాయనిక పదార్ధాలు శరీరాన్ని బలహీన పరచటమే కాకుండా నిద్ర మత్తుని కలిగిస్తాయి. అందుకే డాక్టర్లు కప్ సిరప్ త్రాగిన తరువాత డ్రైవింగ్ చేయవద్దని అంటారు. ఇవ్వని తెలుసుకుంటే మనకు అల్లోపతి మందులు సురక్షితం కాదని తెలుస్తుంది. 

ఇక ఆయుర్వేద మందుల విషయానికి వద్దాము. ముందుగా దగ్గు. దగ్గులో రెండు రకాలు వున్నాయి ఒకటి పొడి దగ్గు. ఈ దగ్గుకి సీతాఫలాది చూర్ణము చక్కటి మందు. ఈ మందు పొడి రూపంలో ఉంటుంది. ఈ పొడిని తేనెలో రంగరించుకొని తీసుకుంటే మంచి గుణం కనిపిస్తుంది. 

ఇక రెండో రకం దగ్గు శ్లేష్మంతో కూడుకొన్నది. ఈ దగ్గులో కంఠంలో శ్లేష్మం వుంది ముక్కు పూసుకొని జలుబుతో ఉంటుంది. దీనికి చక్కటి మందు (Talisadi Churna) తలిసాది చూర్ణం. ఈ మందు కూడా పొడి రూపంలో లభిస్తుంది. దీనిని కూడా తేనెలో రంగరించి సేవించిన శ్లేష్మంతో కూడిన దగ్గు, జ్వరంలో చక్కటి గుణం కనిపిస్తుంది. 

ఈ రెండు మందులు కూడా అనేక కంపెనీలు తయారు చేస్తున్నాయి. పతంజలి, డాబర్, జాన్దు, బైద్యనాడు, మీరు ఏ కంపెనీ మందునైన కొనవచ్చును. పతంజలి మందులు కొంచం తక్కువ ధరకు లభిస్తాయి. 

ఇక పతంజలి వారి శ్వాసారి రస్ అనే మందు ద్రవ రూపంలోనూ, పొడి రూపంలోనూ లభిస్తుంది. ఇది ఒక మంచి కాఫ్ శిరుపులాగా పనిచేసి పడిశాన్ని తొందరగా వదిలిస్తుంది. 

పైన పేర్కొన్న మందులు ఎప్పుడు ఇంట్లో ఉంచుకోవటం మంచిదని నా అభిప్రాయం. తక్కువ ఖర్చుతో మీరు దగ్గు, జలుబు, సాధారణ జ్వరాన్ని సత్వరంగా నివారించుకోవచ్చు. మరొక ఆయుర్వేద మందుతో మళ్ళి కలుద్దాము. 

మీ భార్గవ శర్మ. 

ఓం తత్సత్ 

సర్వే జానా సుఖినోభవందు. 

రోగ నిరోధతకు - చక్కటి ఆయుర్వేద పరిస్కారం.

 రోగ నిరోధతకు - చక్కటి ఆయుర్వేద పరిస్కారం. 

ఇప్పుడు మనం వర్షాకాలం దాటి శీతాకాలంలో అడుగు పెట్టాము. గత కొన్ని రోజులుగా ఉస్నోగ్రతలు 20 డిగ్రీల కన్నా తక్కువ వుంటూ చలి వీస్తూవున్నది మనమంతా గమనిస్తున్నాము. ఈ చల్లటి వాతావరణం రోగకారక సూక్ష్మ క్రిముల వృద్ధికి బాగా తోడ్పడుతుంది. కాబట్టి ఈ సమయంలో మనం చాలా జాగ్రత్తగా ఉండాలి.  మనకు రోగాలు రెండు రకాలుగా సంక్రమించే అవకాశం వున్నది. అది 1) వాతావరణంలో వుండే క్రిములు అంటే గాలినుంచి సంక్రమించేవి. రెండు మనం తీసుకునే ఆహరం మరియు నీటినుండి సంక్రమించేవి. నిన్న మొన్నటి దాకా వరదలతో అన్ని ప్రాంతాలలో నీరు కలుషితం అయంది .ఆ కలుషిత నీటిని మనం తీసుకుంటే నీటిలోని క్రిములు మనకు రోగాలను కలుగ చేస్తాయ్. ఇక ఆహారం విషయం తీసుకుంటే మనం రోజు అనేక కల్తీ పదారాధలను తీసుకుంటున్నాము. అది ఒకవైపు అయితే మొన్నటి వరదల నీటిలో పండించిన కూరలు కూడా కలుషితం అయి ఉండవచ్చు. 

ఏతా వాత తేలేది ఏమిటంటే ఇప్పుడు మనకు వున్న సమయం రోగ కారకం అని తెలుస్తున్నది. 

గాలి ద్వారా వ్యాపించే క్రిములు రెండు రకాలు ఒకటి బ్యాక్తీరియాలు రెండు వైరస్ల్. కరోనా కూడా ఒక వైరస్ అని మనం మరువ వద్దు. 

మనం ఇల్లు వదిలి పోక పోయిన మన శరీరంలో వ్యాధి నిరోధకత సరిగా లేకుంటే మనం వ్యాధి గ్రస్తులం అయ్యే ప్రమాదం వుంది. కాబట్టి మన రోగ నిరోధకత పెంచుకోవటం చాలా ముఖ్యం. 

ఆయుర్వేదంలో "త్రిఫల చూర్ణం" అనే ఒక చక్కటి మందు వున్నది. దాని పేరులోనే అది మూడు ఫలాల సంయుక్తంగా తయారు చేసిందని తెలుస్తున్నది. 

ఉసిరి కాయ, కరక్కాయ, తానికాయ,  ఈ మూడు కాయల పెచ్చుల పొడిని త్రిఫల చూర్ణం అని అంటారు. ఈ కాయల పొడిలో చాలా పోషక పదార్ధాలు ఉంటాయి. విటమిను సి మరియు విటమెను డి పుష్కలంగా ఉండటంతో ఈ పొడిని మంచి రోగ నిరోధక ఔషధంగా మన దేశంలో చాలా సంవత్సరాలనుండి ఉపయోగిస్తున్నారు. ట్రీఫాల చూర్ణం సేవించటం వలన మన శరీరంలో అంటి ఆక్సిడెంట్లు పెరుగుతాయి, ఊపిరి తిత్తులకు బలం చేకూరుతుంది, కండ్ల ఆరోగ్యం బాగుంటుంది, జీర్ణ వ్యవస్థ మంచిగా ఉంచుతుంది. ఒక రకంగా చెప్పాలంటే ఈ ట్రీఫాల చూర్ణం ఉపయోగాలు అనేకం. మంచి రోగ నిరోధక శక్తిని పెంచుతుంది. 

ప్రతి ఇంట్లో వుండదగ్గ మందు ఈ త్రిఫల చూర్ణం. 

రోజు ఉదయం పరిగడుపున ఒక ఆర చెందాడు  చూర్ణాన్ని ఒక చెంచాడు తేనెతో రంగరించి సేవించిన మంచి ఆరోగ్యాన్ని, రోగనిరోధకతను కల్పించే అద్భుత ఆయుర్వేద మందు. పిల్లలకు తక్కువ మోతాదులో ఇవ్వండి. దయచేసి మోతాదు విషయంలో జాగ్రత్తగా వుండండి. యెంత మంచి మందైనా మోతాదుకు మించి వాడితే అది శరీరానికి హాని చేస్తుంది, గమనించగలరు.  

ఈ ఔషధాన్ని చిన్న పిల్లల దగ్గరనుండి వృద్ధుల వరకు ఆడ మగ తేడాలేకుండా సురక్షితంగా వాడవచ్చు. ప్రస్తుత ఈ శీతాకాలం అనేక రోగాలను తీసుకొని వస్తుంది. వాటన్నింటిని మన శరీరం తట్టుకొనే విధంగా చేసేదే ఈ ట్రీఫాల చూర్ణం. 

రోగాలు రాకముందు పెట్టె చిన్న ఖర్చు రోగాలని రాకుండా చేస్తుంది. మరియు రోగం వచ్చిన తరువాత అయ్యే లక్షల రూపాయల ఖర్చు, కస్టాలు,  బాధలను తొలగిస్తుంది. 

మనకు డాబర్, జాన్దు, పతంజలి మొదలైన అనేక ఆయుర్వేద కంపెనీలు ఈ మందుని తయారు చేస్తున్నాయి. నేను మాత్రం పతంజలి కానీ డాబర్ కానీ వాడటానికి సూచిస్తాను. మీరు చూసుకోవలచినది ఒక్క విషయం పొడి చక్కగా మెత్తగా ఉన్నదానిని తీసుకోండి. ఏ కంపెనీ ఆయన పర్వాలేదు. ఎందుకంటె ఇది కేవలం మూడు ఎండిన  పండ్ల పొడి మాత్రమే. తేనే కూడా మంచి ముందుగా పనిచేస్తుంది. ఈ రెండిటి మిశ్రమము చాలా ఉపయుక్తంగా వుండివుంటుంది.  

కాబట్టి మిత్రులారా తప్పకుండ ఈ మందును వాడండి. నాకు ఆరోగ్యం మంచిగా వుంది నాకేం కాదు అని దయచేసి అనుకోకండి. ఈ మందు వాడటం వలన మీకు అనేక ప్రయోజనాలు కలుగుతాయి. మీ భవిష్యత్తులో చక్కటి ఆరోగ్యం చేకూరి మీరు వైద్యం కోసం ఖర్చు చేయకుండా మిమ్మలిని మీ కుటుంబాన్ని కాపాడుతుంది.  

రోజు త్రిఫల వాడండి మీ ఆరోగ్యాన్ని కాపాడుకోండి నిండు నూరేళ్లు పూర్తి ఆరోగ్యంగా వుండండి. మరొక ఆయుర్వేద మందుతో మళ్ళి కలుద్దాము. 

మీ భార్గవ శర్మ. 

ఓం తత్సత్ 

సర్వే జానా సుఖినోభవందు. 

10, నవంబర్ 2020, మంగళవారం

దివ్య ఔషధం శొంఠి గృతం.

దివ్య ఔషధం శొంఠి గృతం. 

నాకు కడుపులో మంట, తిన్నది అరగటంలేదు, నాకు గ్యాసు, నాకు కడుపులో నొప్పి, నాకు మోషన్ సరిగా అవటం లేదు. నాకు కడుపు ఉబ్బరం. నీరసంగా వుంటున్నది కానీ ఆకలి కావటంలేదు. అన్నం చూస్తే వెగటుగా వుంటున్నది, అన్నం తినాలని అనిపించటం లేదు. ఈ రకమైన బాధలు అన్ని కానీ కొన్ని కానీ లేక ఏదో వక్కటి కానీ లేనివాళ్లు నూటికి 50 మంది కన్నా ఎక్కువగా ఉంటారంటే ఆశ్చర్య పడవలసిన పనిలేదు.  మీకు జీర్ణాశయానికి సంబందించిన ఏ సమస్య ఐనా సులువుగా ఇంట్లోనే తయారుచేసుకునే మందుతో పరిష్కరించుకోవచ్చు అంటే మీరు నమ్ముతారా. కానీ ఇది నిజం నూటికి నూరు పాళ్ళు మీకు ఉపయోగ పడుతుంది. మీరు చేసుకొని వాడి మీ తోటివారికి కూడా వాడమని చెప్పండి. 

శొంఠి అంటే తెలియని వారు వుండరు. ఇది మామూలు అల్లంను ప్రాసెస్ చేసి తాయారు చేసిందని మనలో చాలామందికి తెలియక పోవచ్చు. కానీ ఇది కూడా అల్లం యొక్క ఔషధ రూపం అని చెప్పవచ్చు. అల్లం కూడా చాల విధాలుగా మనకు ఆరోగ్య కరం. కానీ శొంఠి ఇంకా చాల ఉపయోగకరం. 

ఇప్పుడు శొంఠి గృతానికి కావలసిన పదార్ధాలను చూద్దాం. 

శొంఠి పొడి. దీనిని మనం సూపర్ మార్కెట్లలో కొనుక్కోవచ్చు లేదా శొంఠిని తీసుకొని దానిని మెత్తని పొడిగా మిక్సీ పట్టి కూడా తయారు చేసుకోవచ్చు. 

ఇక గోగృతం అంటే ఆవు నెయ్యి. మీకు నమ్మకంగా మార్కెటులో దొరికితే కొనండి. లేకపోతె రాందేవ్ బాబా స్టోరులో మీకు స్వచ్ఛమైన ఆవు నెయ్యి లభిస్తుంది అక్కడ తీసుకోండి. . 

కొంత సింధవ లవణం లేక మాములు ఉప్పు. 

తయారు చేసే విధానం. 

మీరు శొంఠి గృతం యెంత చేయాలని  అనుకుంటున్నారో అంతకు సగం ఆవు నెయ్యి మిగిలిన సగభాగం శొంఠి పొడి తీసుకొని రెంటిని పూర్తిగా కొంచం సైన్ధవ లవణం కానీ మాములు ఉప్పుకాని కలిపి మొత్తం ఒక పేస్టులాగా చేయండి దానిని ఒక గాజు సీసాలో తీసుకోండి. ఈ మిశ్రమాన్నే శొంఠి గృతం అని అంటారు. 

ఉపయోగించే విధానం. 

మీరు రోజు భోంజనఁ చేసే ముందు ఒక చెంచా శొంఠిగృతం తీసుకొని దానిని కొంచం అన్నంలో కలిపి ఒక ముద్దగా చేసి దానిని మొదటి ముద్దగా తినండి తరువాత మీ పూర్తి భోంజనం చేయండి. 

మీరు ఈ విధంగా వాడిన తరువాత రెండు మూడు రోజులలో మీ అనారోగ్యం నయం అవుతుంది. శొంఠి జీర్ణ వ్యవస్థను బాగు పరుస్తుంది. ఆవు నెయ్యి చాలా మంచిది అది మీ ఆహరం పేగులలో సాఫీగా ప్రయాణించటానికి మరియు మీకు మంచి కోలాస్త్రలును అనిడిస్తుంది. ఈ రెంటి మిశ్రమము మీకు చాలా మంచిగా పనిచేస్తుంది. రోజు ఉదయం భోజనములో ఒక చెంచా రాత్రి భోజనములో ఒక చెంచా మాత్రమే వాడండి. పిల్లలకు వారి వయస్సును పట్టి అరచెంచా లేక అంతకన్నా తక్కువ వాడండి. 

గమనిక: ఇది చాలా సురక్షితమైన మందు ఐనా మీరు వాడటం వలన మీకు ఏమైనా సైడు ఎఫెక్ట్స్ వస్తే ఈ రచయిత భాద్యత లేదు గమనించండి. 

ఇది ఉపయోగించి లబ్ది పొందిన మిత్రులు మీ అనుభవాన్ని షేర్ చేస్తే సంతోషంగా ఉంటుంది, మరియు  నలుగురికి ఉపయోగ పడుతుంది. మరొక వైద్య విదితో ఇంకోసారి కలుదాం. 

మీ 

సి. భార్గవ శర్మ 

ఓం తత్సత్. 

సర్వ్యజన సుఖినో భవంతు. 

8, నవంబర్ 2020, ఆదివారం

శరీరంలో అజీర్ణం హరించి

 శరీరంలో అజీర్ణం హరించి ఆకలి ఎక్కువ చేయు మూలికా యోగాలు - 


 * ప్రతినిత్యం నీరుల్లిపాయలు తినుచుండిన మందాగ్ని హరించి ఆకలి బాగుగా అగును. 


 * శొంఠి , ఉప్పు రెండూ సమభాగాలుగా కలిపి చేసిన చూర్ణమును ప్రతిపూట భోజనమునకు ముందు 5 గ్రాముల నుంచి 10 గ్రాముల వరకు పుచ్చుకొనుచుండిన నాలుక , గొంతుక శుభ్రపడి అన్నము బాగా జీర్ణం అయ్యి ఆకలి బాగా పుట్టును . 


 * అల్లంరసం , తేనె రెండు సమభాగాలుగా కలిపి పూటకు 10 గ్రాముల నుంచి 20 గ్రాముల వరకు రోజూ మూడుపూటలా ఆహారానికి ముందుగా పుచ్చుకొనుచుండిన జలుబు , దగ్గు , అరుగుదల తక్కువుగా ఉండటం హరించి మంచి ఆకలి పుట్టును . 


    

26, సెప్టెంబర్ 2020, శనివారం

ఋతువులు , ఆయా సమయాల్లో పాటించవలసిన ఆహార విహార నియమాలు -

 


 * వసంత ఋతువు - 


       వసంత ఋతువు నందు కఫము ప్రకోపించి అనేక రోగములను కలుగజేయును . అందువలన అట్టి కఫముని వాంతి , ముక్కు ద్వారా , విరేచనం ద్వారా కఫాన్ని పోగొట్టి కఫాన్ని తగ్గించవలెను .  


             ఈ సమయంలో పాతవి అయిన గోధుమలు , శొంటి, వేగిసచెక్క , చందనము , తుంగముస్తలు కాచబడిన నీళ్ళనిగాని , తేనె కలిపిన నీళ్ళని గాని పానము చేయవలెను .


       ప్రాతఃకాలం సమయమున శరీరం మర్దించుకొని నలుగుపెట్టుకొని స్నానం చేయవలెను . మధ్యాహ్నమున నీటికాలువుల యందు , చెట్లు ఎక్కువ ఉన్న తీగలు గల చెట్లు ఉన్న ఉద్యాన వనాల యందు గడపవలెను . 


              వసంత ఋతువు యందు చల్లటి పదార్థాలు , మధురపదార్థాలు , సేవించరాదు . పగలు నిద్రించరాదు.


 * గ్రీష్మ ఋతువు - 


       ఈ గ్రీష్మ ఋతువు నందు తీక్షణమైన సూర్యప్రకోపం వలన శరీరం నందు కఫం తగ్గిపోయి వాతం పెరుగును . ఈ ఋతువు నందు ఉప్పు , కారం , పులుపు కలిగిన పదార్థాలు , వ్యాయామం , సూర్యకిరణాల యందు కూర్చోవడం నిషేదించవలెను . 


              ఈ కాలం నందు మధురపదార్థాలను మాత్రమే వాడవలెను . పంచదారతో కూడిన పేలాల పిండి మొదలగు పదార్థాలు తినవలెను . రాత్రిసమయంలో వెన్నెలలో ఆరుబయట ఉంచబడిన గేధ పాలలో పంచదార వేసుకొని అవి తాగవలెను .


       మధ్యాహ్న సమయం నందు చెట్లు ఉండి నీడ ఎక్కువ గల ప్రదేశాలలో పైనుంచి నీరు జాలువారే విధంగా జలగృహము నిర్మించుకొని అందు నివసించవలెను . రాత్రి సమయంలో మేడ పై భాగాల్లో వెన్నెల లో లేదా ఆరుబయట ఉండవలెను . 


 * వర్షఋతువు - 


         వర్షఋతువు నందు ఆకాశం మేఘాలతో ఆవరించబడి ఉండినప్పుడు జలకణములతో కూడి ఉండునట్టియు , వేసవికాలం తరువాత చల్లాగా అయినట్టి గాలి వలన లోపల ఉండు వాతం దోషం పొందును. భూమి యొక్క ఉష్ణం కాల స్వభావం చేత ఆమ్ల స్వభావం పెరిగినటువంటి జలం తాగుట చేత శరీరం నందలి పిత్తం దోషం పొందును. సాలెపురుగులు మొదలగు విష మూత్రాదులతో కలిసి ఉన్న వర్షపు నీరు సేవించుట చేత కాలస్వభావం చేత మందంగా ఉన్న జఠరాగ్ని వలన కఫం దోషం పొందును. 


                 ఈ విధంగా ఒకే కాలం నందు వాత, పిత్త, కఫాలు మూడు ఒకేసారి దోషం పొందుట వలన వాటిని శమింపచేయునట్టి మరియు జఠరాగ్ని పెంచే ఆహారాలు ఉపయోగించవలెను . 


           ఈ కాలం నందు పాతవైన యావలు , గొధుమలు , నేతితోను , శొంఠితోను చేయబడిన మాంసరసం , పెసరకట్టు , చాలా కాలం నుంచి నిలువ ఉంచబడిన మద్యం , వర్షం నుంచి పడిన నీరు , బావినీరు , కాచిన నీరు వీటిని ఉపయోగించాలి . ఈ ఋతువునందు అధిక శ్రమ చేయక శరీరం నందు గంథం పూసుకొని , సుగంధ ద్రవ్యముల ధూపమును వేసుకొని మేడ యందు నివశించవలెను . 


                    ఈ వర్షాకాలం నందు నదీజలం , కడుపు నిండా తినడం , పగటినిద్ర , శ్రమ ఎక్కువుగా ఉండే పనులు , ఎండ వీటిని చేయరాదు . 


 * శరదృతువు - 


         శరదృతువు నందు పిత్త దోషం ప్రకోపించును . ఈ కాలం నందు చేదు , తీపి , వగరు కలిగినటువంటి ఆహారాలు లొపలికి తీసికొనవలెను . ఆకలి అయినప్పుడే పదార్థాలు తీసికొనవలెను . శాలి ధాన్యం , పెసలు, పంచదార, ఉసిరికాయ , చేదుపోట్ల , తేనె , హంసలు తిరిగే తటాకం నందలి నీరు ఉపయోగించవలెను . 


                   చందనం , వట్టివేరు , పచ్చకర్పూరం , ముత్యాల హారం , పుష్పాల దండలు , పట్టుబట్టలు వీటిని వాడవలెను . మేడ పైభాగం నుండి సూర్యాస్తమయం అయిన సమయం లో వెన్నెలని సేవించవలెను . ఈ ఋతువు నందు మంచు , యావక్షారం వంటి లవణాలు , పెరుగు , నూనె , వస , ఎండ , ఘాటుగా ఉండు మద్యములు, పగటి నిద్ర , తూర్పుగాలి వీటిని వదిలివేయవలెను . 


 * హేమంత ఋతువు - 


        హేమంతఋతువు యందు మధురరసం , ఆమ్లరసం , లవణ రసం గల పదార్థాలు భుజించవలెను . ప్రాతఃకాలం నందు ఆకలిగా ఉన్నచో కొంచమే భుజించవలెను . వాతాన్ని 

హరించే తైలములతో అభ్యంగనం, శిరస్సు తైలముతోమర్దించుకొనుట, మల్లయుద్ధం , శరీరమునకు మర్దనం చేయించుకొనుట చేయవలెను . స్నానం చేసినతరువాత కుంకుమపువ్వుని , కస్తూరిని కలిపినూరి శరీరంకి పూసుకుని అగరుచెక్కతో దూపం వేసుకొనవలెను . 


                 ఈ కాలం నందు బలకరమైన మాంసరసం , మాంసములు , బెల్లంతో చేసిన మద్యం , మధుర మద్యం , గోధుమపిండి , మినుములు , చెరుకుపాలు వీనితో చేయబడిన పదార్థాలు , నూతనమైన అన్నం , వస , తైలం వీటిని ఉపయొగించవలెను . స్నానం కొరకు వేడినీటిని మాత్రమే ఉపయొగించవలెను . చలిబాధ లేకుండా ఉండటం కొరకు దుప్పటి, కంబళి , శాలువ వీటిని కప్పుకొనవలెను . కొంతసమయం సూర్యకిరణముల యందు ఉండి చెమట పట్టే విధంగా చూసుకొనవలెను . భూగృహముల యందు నివశించవలెను . 


 * శిశిరఋతువు - 


           హేమంత ఋతువు నందు పాటించే నియమాలను ఈ ఋతువు నందూ పాటించవలెను . 


          పైన చెప్పిన విధంగా ఆయా ఋతువుల్లో ఆయా ఆహారపదార్థాలని తీసుకోవడం , ఆరోగ్యపరమైన జాగ్రత్తలు పాటించడం వలన వ్యాధుల నుండి రక్షణ పొందవచ్చు . 


 

    గమనిక -


           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద ఔషధాలు " అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.


           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.


            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.


      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . మీకు కొరియర్ ద్వారా వస్తాయి. పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.


            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు . రెండు గ్రంథముల ఖరీదు కొరియర్ ఛార్జీలతో కలిపి 900 రూపాయలు . 


                 కాళహస్తి వేంకటేశ్వరరావు 


             అనువంశిక ఆయుర్వేద వైద్యులు 


                         9885030034

12, ఆగస్టు 2020, బుధవారం

సర్వరోగ నివారిణి. - శొంఠి.

సర్వరోగ నివారిణి. మహా ఓషది శొంఠి.
అల్లం పై పొట్టు ని తీసేసి సున్నపుతేటలో ముంచి ఎండబెడితే సొంఠిగా మారుతుంది.

👉శొంఠిని సంస్కృతంలో మహా ఓషది, విశ్వభేషజాం అని కూడా అంటారు.

👉 ఈ భూమి మీద అతి విలువైన,  అనేక రోగాలను ధ్వంసం చేయగల మహా మహా మూలికలలో ఈ శొంఠి అనేది ఒకటి.

👉దీనిలోని అపూర్వమైన గుణాలను తెలుసుకున్న మన మహర్షులు దీని శక్తికి ఆశ్చర్యపోయి దీనికి మహా ఓషది అని అర్థం వచ్చేటట్లుగా విశ్వభేజనం అని నామకరణం చేశారు.

👉ప్రతి గృహిణీ శొంఠి ప్రయోజనాలని తెలుసుకుని ఉంటే తన కుటుంబ సభ్యులకు వచ్చే అనేక చిన్న చిన్న అనారోగ్య సమస్యలకు తానే పరిష్కరించగలుగుతుంది.

👉దీనిని లోనికి వాడిన తర్వాత ఇది శరీరం అంతా వ్యాపించి ప్రతి అవయవాన్ని మృదువుగా, లోపరహితంగా చేయడానికి తోడ్పడుతుంది.

👉మానవునిలో జీవనశక్తిని ( వ్యాధినిరోధక శక్తి) వృద్ధి చేస్తుంది.

👉కడుపు ఉబ్బరాన్ని, గ్యాస్ ని తగ్గిస్తుంది.

👉మూత్రపిండ రోగాలను తగ్గిస్తుంది.

👉పురుషులకు వీర్యవృద్ధి చేస్తుంది.

👉శ్వాశ రోగాలను, ఉదరశూలాలను, దగ్గులను, హృదయ రోగములను, బోదకాలను, వాత రోగములను తగ్గిస్తుంది.

👉ఉదరములో గ్యాస్ ఎక్కువైనపుడు గుండెలో నొప్పి వస్తుంది. ఈ సమస్య కోసం పావు చెంచా శొంఠిపొడిని ఒక చెంచా తేనెతో కలిపి సేవిస్తూ ఉంటే గ్యాస్ తగ్గిపోయి గుండెనొప్పి కూడా తగ్గుతుంది.

👉దోరగా వేయించిన శొంఠి పొడిని మేక పాలతో కలిపి సేవిస్తే విష జ్వరాలు తగ్గిపోతాయి.

👉ఒకవైపు తలనొప్పి వచ్చేవారు శొంఠిని నీటితో కలిపి మెత్తగా నూరి నుదుటిపైన పట్టు వేస్తే ఆ నొప్పి తగ్గుతుంది.

👉జాయింట్లలో వాపు (ఆమవాతము) వచ్చి విపరీతమైన నొప్పి తో బాధపడే వారు దోరగా వేయించిన శొంఠి పొడి అరచెంచా మోతాదు గా చెరకు రసంలో కలిపి సేవిస్తూ ఉంటే ఈ సమస్య తొందరగా తగ్గుతుంది.

👉అదేవిధంగా శొంఠి పొడిని తిప్పతీగ సమూల రసం పావుకప్పులో కలిపి  సేవిస్తూ ఉంటే దీర్ఘకాలిక ఆమవాత సమస్య తగ్గిపోతుంది.

👉కొంతమందికి పొట్ట మందగించి ఆకలి కాకుండా ఉంటుంది. అలాంటి వారు దోరగా వేయించిన శొంఠి 50గ్రా, పాతబెల్లం 100గ్రా కలిపి మెత్తగా దంచి నిలువ ఉంచుకుని  రోజూ రెండుపూటలా 5గ్రా మోతాడుతో సేవిస్తూ వస్తే మందాగ్ని హరించిపోయి మంచి ఆకలి పుడుతుంది.

👉 ఎక్కిళ్ళు ఎక్కువగా వచ్చే వాళ్ళు పావుచెంచా శొంఠిపొడి, పావు చెంచా కరక్కాయ పొడి రెండింటిని కలిపి ఒక కప్పు వేడినీటిలో వేసి రెండుపూటలా సేవిస్తూ ఉంటే దగ్గు,దమ్ము, ఎక్కిళ్ళు అన్ని తగ్గిపోతాయి.

👉రక్తక్షీణత వల్ల వచ్చే పాండు రోగాలకు శొంఠిని నున్నని రాతి మీద అరగదీసిన గంధము 10గ్రా  తీసుకుని దానిని 50గ్రా ఆవు నెయ్యిలో వేసి నెయ్యిని కరగబెట్టి దించి ఆ నెయ్యిని రోజు ఆహారంలో వాడుతూ ఉంటే పాండురోగము తగ్గి రక్తము వృద్ధి చెందును.

👉పక్షవాతం ఉన్నవారు దోరగా వేయించిన శొంఠిపొడి, సైన్ధవ లవణం పొడి రోజూ మూడుపూటలా గోరు వెచ్చని నీటిలో గాని, తేనెతో గానీ కలిపి ఆహారం తర్వాత తీసుకుంటూ ఉంటే క్రమంగా పక్షవాతం తగ్గుముఖం పడుతుంది.

👉మూత్రం కష్టంగా వచ్చేవారికి శొంఠి పొడి, సైన్ధవ లవణం కలిపి తీసుకుని పల్లెరుకాయలతో కాచిన ఒక కప్పు కషాయంలో కలిపి రోజూ రెండుపూటలా సేవిస్తూ ఉంటే మూత్రం ధారాళంగా వస్తుంది.

👉నడుం నొప్పి ఉన్నవాళ్లు రోజు రాత్రిపూట నిద్రపోయేముందు చిటికెడు శొంఠి ని ఒక చెంచా వంటాముదంతో కలిపి తాగుతూవుంటే నడుము నొప్పి, పక్కటెముకల నొప్పి, ఉదరశూల తగ్గిపోతాయి.

👉ఇంకా ఎన్నో సమస్యలకు ఈ మహా ఓషది పనిచేస్తుంది..

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

9, ఆగస్టు 2020, ఆదివారం

బెల్లం వాడకం ఆరోగ్యానికి మంచిది.

పంచదార  కన్నా  బెల్లం  వాడకం  ఆరోగ్యానికి  మంచిది.

కాని  కాఫీ, టీ  వంటి  వాటిల్లో పంచదార వాడితినే బాగుంటుంది.

బెల్లం తినడం వల్ల కలిగే 18
 ప్రయోజనాలు
               * * *
1.బెల్లం తినడం వల్ల గ్యాస్ ఉబ్బరం పూర్తిగా తగ్గిపోతుంది

2.భోజనం చేసిన తర్వాత తీపి తినాలనిపించడం సహజం. అన్నిటిని మించి బెల్లాన్ని సేవించినట్లయితే  మనం ఆరోగ్యం గా ఉండవచ్చు.

3.జీర్ణక్రియ సాఫీగా జరుగుతుంది

4 బెల్లం శరీరంలో ని రక్తాన్ని శుద్ధి  చేసి మెటబొలిజం ని క్రమబద్దీకరణ చేస్తుంది. ప్రతిరోజూ ఒక గ్లాసు పాలు లేదా నీటి తో బెల్లాన్ని సేవించినట్లయితే పొట్టని చల్లబరిచి గ్యాస్ ఉబ్బరాన్ని నివారిస్తుంది ఎవరికైతే గ్యాస్ ప్రాబ్లమ్ ఉంటుందో వారు ప్రతిరోజూ ఈ బెల్లాన్ని భోజనం అనంతరం తప్పనిసరి చేయాలి.

5.బెల్లం లో వుండే ప్రముఖ ధాతువు ఇనుము. కావున బెల్లాన్ని ఎనీమియా రోగులకు ఇచ్చినచో మంచి ఫలితం ఉంటుంది. మరీ ముఖ్యంగా మహిళలు బెల్లాన్ని సేవించడం అత్యావశ్యకమైనది.

6.చర్మం కోసం, బెల్లం రక్తం లోని ప్రమాదకరమైన టాక్సిన్ల ను దూరం చేసి చర్మానికి మంచి మెరుపు నిచ్చి మొటిమలు ని నివారిస్తుంది.

7.బెల్లం యొక్క గుణం వేడిచేయడం.కావున దీనిని మనం జలుబు, దగ్గు, రొంప
లాంటివాటికి ఉపశమనం ఇస్తుంది.జలుబు వలన బెల్లం తినలేనట్లయితే చాయ్ లేదా లడ్డు లో కూడా వాటిని కలిపి సేవించవచ్చు.

8.శక్తి కోసం, బాగా నీరసం బలహీనత లక్షణాలు కనిపించగానే,బెల్లం సేవించినట్లయితే మీ ఎనర్జీ లెవెల్ త్వరగా పెరుగుతుంది. దీని వల్ల షుగర్ లెవెల్ కూడా పెరగదు. రోజంతా పనిచేసిన తర్వాత మీకు అలసట గా అనిపిస్తే వెంటనే బెల్లాన్ని తినేయండి.

9.బెల్లం శరీర ఉష్ణోగ్రత ని నియంత్రణ లో ఉంచుతుంది. దీని ఆంటి అలెర్జీక్ తత్వం వలన దమ్ము ఆస్తమా రోగులు తీసుకొంటే మంచి ఫలితాలు వుంటాయి.

10.మోకాళ్ళ నొప్పుల కి విశ్రాంతి, బెల్లం ముక్క తో కొద్దిగా అల్లం కలిపి తీసుకుంటే, మోకాళ్ళ నొప్పులు తగ్గిపోతాయి.

11.బెల్లం తో కలిసి చేసిన పరమాన్నం తింటే గొంతు మరియుమాట హయిగా వస్తాయి.

12.బెల్లాన్ని నల్లనువ్వుల తో పాటు లడ్డు చేసుకోని తింటే చలికాలంలో ఆస్తమా ఇబ్బంది పెట్టదు.

13.శీతకాలంలో నంజు బాగా తయారైతే బెల్లాన్ని పాపిడి రూపంలో చేసుకుని సేవించండి.

14.బెల్లాన్ని నెయ్యితో కలిపి తీసుకొంటే చెవి నొప్పి పూర్తిగా తగ్గిపోతుంది.

15.భోజన ము తర్వాత బెల్లం తీసుకొంటే అసిడిటీ తగ్గిపోతుంది

16.ఐదు గ్రాముల శొంఠి పది గ్రాముల బెల్లం ఉండలు గా చేసి తీసుకొంటే జాండిస్ (పీలియావ్యాధి)పచ్చ కామెర్లు  వారికి లాభసాటిగా ఉంటుంది.

17.బెల్లం హాల్వా తీసుకొంటే  జ్ఞాపకశక్తి పెరుగుతుంది.

18.అయిదు గ్రాముల బెల్లం అంతే పరిమాణంలో ని ఆవాల నూనె( మస్తర్డ్ ఆయిల్) తో కలిపి తీసుకొంటే శ్వాస సంభందిత వ్యాధులు నయమవుతాయి.
 
 మంచి మాటలు,మంచి విషయాలు, మన మంచి మిత్రులకు షేర్ చేద్దాం..
********************