6, సెప్టెంబర్ 2020, ఆదివారం

పురాణాలలో బ్రహ్మాండాన్ని

 పురాణాలలో బ్రహ్మాండాన్ని కొన్ని లోకాలుగా విభజించారు. ఇవన్నీ విరాట్‌పురుషుని (విశ్వరూపుని) శరీరంలోని అవయవాలుగా భావించారు. మహాభాగవతం రెంవ స్కంధంలో ఈ లోకాల గురించి వర్ణన ఉంది. మొత్తం పదునాలుగు లోకాలనీ, వాటిలో ఊర్ధ్వలోకాలు (పైనున్నవి) ఏడు, అధోలోకాలు (క్రిందనున్నవి) ఏడు అనీ చెబుతారు.

 లోకాల విభజన గురించి భాగవతంలో ఇలా చెప్పబడింది. బ్రహ్మాండంలో కొన్ని అంతరాలున్నాయి. తత్వ పదార్ధాల సూక్ష్మ, సూక్ష్మతర అవస్థలనుబట్టి ఈ భేదాలు ఏర్పడుతున్నాయి. క్రింది లోకాలకంటే పై లోకాలలో తత్వ పదార్ధాలు సూక్ష్మతరంగా ఉంటాయి. లోకాలు మూడని కొందరు, ఏడని కొందరు, పదునాల్గని కొందరు అంటుంటారు.

లోకాలను బ్రహ్మాండ శరీరానికి అవయవాలుగా భావిస్తే. మొదటి భావన ప్రకారం కటి(మొల)నుండి పైభాగం ఏడు అవయవాలుగా, క్రింది భాగం ఏడు అవయవాలుగా మొత్తం పదునాల్గులోకాలు.

రెండవ భావన ప్రకారం భూలోకం పాదాలు, భువర్లోకం నాభి, సువర్లోకం హృదయం, మహర్లోకం ఉరోభాగం, జనలోకం కంఠం, తపోలోకం పెదవులు, బ్రహ్మలోకం మూర్ధంగా బ్రహ్మాండ శరీరానికి అవయవాలు రూపొందాయి.

 మూడవ భావన ప్రకారం భూలోకం పాదాలు, భువర్లోకం నాభి, స్వర్లోకం శిరస్సుగా మూడే లోకాలు ఉన్నాయి. బ్రహ్మాండపురుషుడే సమస్త లోకాలను భరిస్తాడు, పోషిస్తాడు, తనలో లయం చేసుకొంటాడు.

ఊర్ధ్వలోకాలు
1) భూలోకం
2) భువర్లోకం
3)సువర్లోకం
4)మహర్లోకం
5)జనలోకం
6)తపోలోకం
7)సత్యలోకం

అధోలోకాలు
1) అతలం=మయుడి కుమారుడైన బలుడి వినోద స్థానం.

2)వితలం=హాఠకేశ్వరుడు భవానీ అమ్మవారితో వినోదిస్తుంటాడు.హాఠకి నదీ జలాలతో తయారైన సువర్ణంతో అసుర స్త్రీలు అలంకరించుకొంటుంటారు.

3)సుతలం=బలి చక్రవర్తి స్వర్గంలో ఉండే ఇంద్రుడు అనుభవించే భోగాలకన్నా ఎక్కువ భోగాలను అనుభవిస్తూ వైభవంగా పాలిస్తుంటాడు.

4)రసాతలం= మయుడు రాక్షసులుండే పట్టణాలను నిర్మిస్తుంటాడు. దానవ దైత్యులు, నివాతకవచులు, కాలకీయులు ఉంటారు. వీరంతా మహా సాహసవంతులు.

5)మహాతలం=కద్రువకు జన్మించిన సర్పాలుంటాయి. కుహుడు, తక్షకుడు, కాళేయుడు, సుషేణుడులాంటి గొప్ప గొప్ప సర్పాలన్నీ గరుత్మంతుని భయంతో బయటకు రారు.

6)తలాతలం=రుద్రుడి రక్షణలో ఉంటుంది.

7)పాతాళం=నాగజాతి వారుంటారు. వాసుకి, శంఖుడు, కులికుడు, ధనుంజయుడులాంటి మహా నాగులన్నీ గొప్ప గొప్ప మణులతో ప్రకాశిస్తుంటాయి. ఆ పాతాళం అడుగునే ఆదిశేషుడుండేది. ముఫ్పై వేల యోజనాల కైవారంలో చుట్టచుట్టుకుని ఉంటాడు. ఆదిశేషుడి పడగ మీద ఈ భూమండలం అంతా ఒక ఆవగింజంత పరిమాణంలో ఉంటుంది. ప్రళయకాలంలో ఆ ఆదిశేషుడే ఏకాదశ రుద్రులను సృష్టించి సృష్టి అంతా లయమయ్యేలాగా చేస్తుంటాడు.

 ఈ ఏడు అథోలోకాలు ఒక్కోక్కటి పదివేల యోజనాల వెడల్పు అంతే లోతు కలిగి ఉంటాయి. వీటిని బిలస్వర్గాలు అని కూడా అంటారు. ఈ లోకాల్లో కూడా కామ, భోగ, ఐశ్వర్యాలు స్వర్గలోక వాసులకు లభించినట్టే ఇక్కడి వారికి లభిస్తుంటాయి. ఈ లోకాలన్నిటినీ మయుడు నిర్మించాడు.అంతులేని కామభోగాలను నిరంతరం అనుభవిస్తూ ఉండటమే ఈ లోకవాసుల పని. ఊర్ధ్వలోకాల వారికి ఉన్నట్లు ఇక్కడి వారికి మాత్రం సూర్యరశ్మి ఉండదు. అయితే సర్పాల మణులు దేదీప్యంగా కాంతులీనుతూ ఈ లోకాలలో వెలుగును ప్రసరింప చేస్తుంటాయి. ఇక్కడి వారంతా వ్యాధులకూ, వార్ధక్యానికీ, మానసిక బాధలకూ దూరంగా ఉంటారు.

లోకాల తత్వం : ప్రాణిలోకం ఎల్లప్పుడూ సుఖాన్ని కోరుకుంటుంది. అయితే వారికి లభించే సుఖం తత్వం లోకాన్నిబట్టి మారుతుంది. భూర్భువస్వర్లోకాలలో లభించే సుఖం నిత్యమైనది కాదు. నాల్గవదైన మహర్లోకం క్రమముక్తికి స్థానం కాని కల్పాంత సమయాలలో అక్కడా తాపం తప్పదు. మహర్లోకం పైన జనలోకం ఉన్నది. ఆ లోక ప్రవేశం మొదలుకొని శాశ్వత సుఖం ఆరంభమవుతున్నది. అది అమృతరూపం. జనలోకంపైన ఉన్న తపోలోకంలోని సుఖం శాస్వతమైనదే కాక క్షేమరూపంలో ఉంటున్నది. తపోలోకం పైన ఉండే సత్యలోకంలో సుఖం శాశ్వతము. మోక్షప్రదము కూడాను.

🐘 ఇంద్రుని వాహనం ఏమిటి అంటే తడుముకోకుండా ఐరావతం అని చెప్పేస్తాము. భారీకాయంతో, తెల్లటి మేనిఛాయతో మెరిసిపోయే ఐరావతాన్ని చూస్తే నిజంగానే అది దేవతా ఏనుగు అనిపించక మానదు. అలాంటి ఐరావతం గురించి కొన్ని విశేషాలు. ఐరావతం ఎలా జన్మించింది అనేందుకు రకరకాల కథలు చెబుతుంటారు. మాతంగలీల అనే ప్రాచీన గ్రంధం ప్రకారం… బ్రహ్మ వరంతో ఎనిమిది మగ ఏనుగులూ, ఎనిమిది ఆడ ఏనుగులూ ఉద్భవించాయట. మగ ఏనుగులకు ఐరావతం ప్రాతినిధ్యం వహించగా, ఆడ ఏనుగులకి ‘అభరాము’ అనే ఏనుగు నాయకత్వం వహించింది. మరో గాధ ప్రకారం ఈమె కద్రు, కశ్యపల కుమార్తె అయిన ఐరావతికి జన్మించింది.

🐘 కానీ విస్తృత ప్రచారంలో ఉన్న కథ ప్రకారంగా ఐరావతం క్షీరసాగరమథనం నుంచి జన్మించింది. క్షీరసాగరమథనం జరిగే సందర్భంలో మూడు అతీత లక్షణాలు ఉన్న జీవులు ఉద్భవించాయి. అవే కోరిన వరాలను తీర్చే కామధేనువు, ఏడు తలలతో ఉండే ఉచ్చైశ్రవము అనే గుర్రం, తెల్లటి తెలుపుతో మెరిసిపోయే ఐరావతం. అసలు ఐరావతం అంటేనే సముద్రం నుంచి ఉద్భవించినది అనే ఒక వ్యుత్పత్తి అర్థం ఉంది. ఐరావతం ఆవిర్భావం ఒక ఎత్తయితే, ఇంద్రుని వాహనంగా దాని భోగం మరో ఎత్తు. వర్షాన్ని కురిపించడం, తూర్పు దిక్కుకి అధిపతిగా ఉండటం, రాక్షసుల మీద పై చేయి సాధించడం అనేవి ఇంద్రుని ముఖ్యమైన మూడు బాధ్యతలు. ఈ మూడు బాధ్యతలలోనూ ఐరావతానిది ముఖ్య పాత్ర.

🐘 అదెలాగంటే…భూమి అంతర్భాగంలో ఉన్న నీటిని ఐరావతం తన తొండంతో ఆకాశానికి ఎగచిమ్ముతుందట. ఆ నీటినే ఇంద్రుడు తిరిగి వర్షంగా కురిపిస్తాడని ఓ కథ. ఆకాశంలోని ఎనిమిది దిక్కులకీ అష్టదిక్పాలకులు నాయకత్వం వహించే విషయం తెలిసిందే కదా! ఈ ఎనిమిది దిక్కులనీ పాలించే దేవతలు ఎనిమిది ఏనుగులు మీద నిలబడి ఉంటారట. వీటిలో ఇంద్రుని మోసేది ఐరావతమే కదా! అంతేకాకుండా మిగతా ఏనుగులకి కూడా అది దిశానిర్దేశం చేస్తుందట. ఇంద్రుడు చేసే యుద్ధాలలోనూ ఐరావతానికి ప్రముఖ పాత్రే. వృత్తాసుర వధ వంటి పోరులో ఐరావతమే చాకచక్యంగా ఇంద్రుని రణరంగంలో నడిపించింది. ఐరావత ప్రస్తావన కేవలం హిందూమతంలోనే కాకుండా జైన, బౌద్ధ మతాలలో కూడా కనిపిస్తుంది. ఇక థాయ్‌లాండ్‌, లావోస్‌ వంటి దేశాలలోనూ ఐరావతాన్ని ఆరాధించడం కనిపిస్తుంది. అక్కడి ప్రాచీన రాజ్యాలకి సంబంధించిన పతాకాల మీద మూడు తొండాలతో ఉండే ఐరావతం కనిపిస్తుంది. అలాంటి మూడు తొండాల ఐరావతపు విగ్రహం జీవితాలలో అదృష్టాన్ని తీసుకువస్తుందని నమ్ముతారు. విదేశాల సంగతి అటుంచితే మన ప్రాచీన దేవాలయాలలో కూడా ఐరావతపు చిత్రాలు కనిపిస్తూ ఉంటాయి. తమిళనాడులో అయితే ఐరావతం పూజించిన శివునికి ‘ఐరావతేశ్వరుడు’ అన్న పేరుతో ఒక ఆలయం కూడా ఉంది.
శ్రీ రామ శర్మ 9490944543
 జై శ్రీ రామ జై శ్రీ రామ జై శ్రీ రామ

గణితబ్రహ్మగా


గణితబ్రహ్మగా పేరొందిన *లక్కోజుసంజీవరాయశర్మ* (నవంబర్ 27, 1907 - డిసెంబరు 2, 1997) ప్రపంచంలో 6వేల గణితావధానాలు చేసిన ఏకైక వ్యక్తి. సంజీవరాయశర్మ 1907 నవంబర్ 27 న కడపజిల్లా ప్రొద్దుటూరు మండలంలోని కల్లూరులో జన్మించాడు.

జన్మతః అంధుడు. అప్పట్లో బ్రెయిలీ లిపి కానీ, అంధుల్ని చేరదీసే వ్యవస్థ కానీ లేదు. శర్మ గారి అక్క పాఠశాలలో చదివినవి ఇంటిదగ్గర గొంతెత్తి బిగ్గరగా మననం చేస్తే, అవి విని, గుర్తుపెట్టుకుని, గణితంలో అపార విజ్ఞానం సాధించాడు.

తండ్రి మరణించడంతో, తల్లి పెంచి పెద్దచేసింది. కల్లూరులో రైతులకు ధాన్యం ధర, భూమి కొలతలు చెప్పేవారు. వారు ఆయనకి కొంత సొమ్ము చెల్లించేవారు. గణితంలో పేరు ప్రఖ్యాతులు పొందుతున్న కాలంలోనే ఆయన వయొలిన్ పట్ల ఆకర్షితుడై నేర్చుకొన్నారు.

శ్రీ సంజీవరాయశర్మ తొలిసారి 1928 లో గణితావధానం నిర్వహించారు. అప్పటినుంచి 1995వరకు ఆయన ఆంధ్రప్రదేశ్,కర్ణాటక, మహారాష్ట్ర, బీహారు,ఢిల్లీ రాష్ట్రాల్లో విస్తృతంగా పర్యటించి, ఆరువేల ప్రదర్శనలు ఇచ్చాడు. మహానగరాలైన ఢిల్లీ, ముంబై, చెన్నై, బెంగళూరు, హైదరాబాదు లలోను పలు ప్రదర్శనలను ఇచ్చారు. అఖిల భారత కాంగ్రెస్మహాసభలు 1928 నవంబర్ 15న నంద్యాలలో జరిగినపుడు, ప్రధాన ఆకర్షణ శ్రీసంజీవరాయశర్మ గారి గణితావధానమే.
సాధారణంగా, గణితావధానం లో, పుట్టిన తేదీ ఇస్తే, అది ఏ వారము అయిందో చెప్పడం ఒక అంశం-కాని, ఈ విషయంలో శ్రీ సంజీవరాయశర్మకు ఒక ప్రత్యేకత ఉంది.
ఆ పుట్టిన తేదీ ఏ వారము అయినదో చెప్పడమే కాకుండా, ఆనాటి పూర్తి పంచాంగము చెప్పేవారు. అంటే, పుట్టిన తేదీ, సమయము, ప్రదేశము చెప్పగానే, దానికి సంబంధించిన తిథి, వారము, నక్షత్రము, కరణము, యోగము, వర్జ్యము, రాశి కూడాచెప్పి, కొంతవరకు జాతకం కూడాచెప్పేవారు.

ఈ ప్రత్యేకతను (మానవ గణనయంత్రంగా [Human Computer] పేరొందిన శకుంతలాదేవితో సహా) మరెవరూ చూపలేకపోయారు. ఆవిధంగా,
ఇది అనితరసాధ్యమైన ప్రత్యేకత 1966 డిసెంబరు ఏడో తేదీ.. అది హైదరాబాదులో శ్రీకృష్ణదేవరాయాంధ్ర భాషానిలయం వేదిక 2 power 103 ఎంత?

దానికి సమాధానంలో ముప్పైరెండు అంకెలున్న సంఖ్య చెప్పారు అవధాని.
'క' నుంచి 'క్ష' వరకు ఉన్న అక్షరాలకు వరుసగా నంబర్లు వేస్తే, 'స, రి, గ, మ, ప, ద, ని'' అక్షరాల లబ్దం ఎంత? ఏభై రెండు కోట్ల అయిదు లక్షల ఆరువేలు...

కలం, కాగితం రెండూ ఉన్నా గంటల కొద్దీ సమయంలో కూడా చెప్పలేని సమాధానాల్ని ఆయన ప్రశ్న అడిగినంత సులభంగా, ఏమాత్రం తడుముకోకుండా, ఆలస్యం లేకుండా సమాధానం చెప్పేవారు! ఆయనేమన్నా విద్యావంతుడా ?... కాదు.

పోనీ రెండు కళ్లూ ఉండి అంకెలిలా ఉంటాయి, సంఖ్యలిలా ఏర్పడతాయని చూడగలిగిన వారా ?... కాదు. పుట్టుగుడ్డి!
పై ప్రశ్నల వంటివి ఆయన్ని వేలల్లో అడిగారు. ఆయన చెప్పిన సమాధానాలు సరిచూడడానికి గణిత మేధావులకు గంటల తరబడి సమయం కావలసి వచ్చింది. )
ఆయనే గణిత బ్రహ్మ డా. లక్కోజు సంజీవరాయశర్మ "అంకెల ఆకాశంలో అమావాస్య చంద్రుడు. ప్రపంచంలో ఆరువేల గణితావధానాలు చేసిన ఏకైక మేధావి!" శ్రీపాద కథల్లో వడ్ల గింజల ప్రస్తావన తెలిసిందే. రాజుని చదరంగంలో ఓడించినందుకు బహుమానంగా...
మొదటి గడిలో ఒక వడ్లగింజ,
రెండో గడిలో రెండు గింజలు,
మూడో గడిలో నాలుగు, నాలుగో గడిలో ఎనిమిది... ఇలా అరవై నాలుగు గళ్లు నింపి ఇమ్మంటాడతను. రాజు ఓస్ ఇంతేనా అనుకొంటారు. తీరా ఎన్ని వడ్ల గింజలో తేల్చాల్సి వచ్చేటప్పటికీ.. అందరూ తలలు పట్టుకుంటారు!

దానికి సంజీవరాయశర్మ చెప్పిన సమాధానం... ''ఒక కోటి 84 లక్షల,
46 వేల 74 కోట్ల 40 లక్షల,
73 వేల, 70 కోట్ల, 95 లక్షల 51 వేల, 615 వడ్ల గింజలన్నమాట... (1,84,46,74,40,73,70,95,51,615!)
ఒక ఘనపు మీటరు పరిమాణం ఉన్న బస్తాలో దాదాపు ఒక కోటి యాభై లక్షల వడ్లగింజలు పడితే...

అటువంటి బస్తాలు ఒక కోటి ఇరవై లక్షల వేల కోట్లు ఘనపు మీటర్ల బస్తాలు అవసరం! నాలుగు మీటర్ల ఎత్తు, పది మీటర్ల వెడల్పు గల.. ఒక గాదెలో ఆ ధాన్యం నింపాలంటే ఆ గాదె పొడవు మూడు వందల కోట్ల కిలోమీటర్లు ఉండాలి. ఈ దూరం భూమికీ సూర్యుడికీ మధ్య ఉన్న దూరానికి 20 ఇంతలు!

అంత ధాన్యం ఈ భూమండలంపై ఉండదు! ఇదంతా అబ్బురమని పించవచ్చు. కానీ సంజీవరాయశర్మ గణితావధాన వివరణ మహిమ అదంతా! ఒకటి, రెండు, మూడు.... ఎలా ఉంటాయో తెలియకుండానే గణితబ్రహ్మ అయ్యారు!

సంవత్సరాలు, తిధులు, నెలలు, నక్షిత్రాలు, వారాలు, పక్షాలు... గంటలు, నిముషాలు, సెకనులు ఏవీ తెలియకున్నా అన్నీ తెలుసుకొని గణితంలో అపార విజ్ఞానం సాధించారు.. తొలిసారి 1928లో గణితావధానం నిర్వహిం చిన అప్పట్నించీ 1995 వరకు ఆయన ఆంధ్రప్రదేశ్, కర్ణాటక, మహారాష్ట్ర, బీహారు, ఢిల్లీ రాష్ట్రాల్లో విస్తృతంగా పర్యటించి ఆరువేల ప్రదర్శనలు ఇచ్చారు. మహానగరాలైన ఢిల్లీ, ముంబాయి, చెన్నై, బెంగుళూరు, హైదరాబాదుల్లోను పలు ప్రదర్శనలు నిర్వహించారు.. అప్పట్లో మద్రాసు గవర్నరు, భారత ప్రధాని జవహర్‌లాల్ నెహ్రూ వంటి జాతీయ ప్రముఖులు
ఆయన మేధాశక్తికి ఆశ్చర్యచకితులయ్యారు! నాలుగువేల సంవత్సరాల వరకు సరిపోయే క్యాలండరు సైతం తయారుచేశారు. అప్పటి #రాష్ట్రపతి డా. #రాజేంద్రప్రసాద్ శర్మ ప్రతిభకు ముగ్ధులై తన దగ్గర ఉన్న సొమ్ము ఎం.ఓ చేయడం విశేషం!
అప్పట్లో అనీబ్‌సెంట్, నెహ్రూ,
 రాజేంద్రప్రసాద్‌లతో పాటు, బెజవాడ గోపాలరెడ్డి, శ్రీమాలి, హుమాయూన్ కబీర్, కాశీనాధుని నాగేశ్వరరావు, పి.వి.రాజమన్నార్, గవర్నర్ సర్ జార్జి స్టాన్లే, మేధ్స్ విజార్డ్ శకుంతలాదేవి తదితరులంతా శర్మ గణితావధాన.. ప్రదర్శనలు స్వయంగా తిలకించి అన్యులకు సాధ్యం కాదని వేనోళ్లా కీర్తించారు.

శర్మ పలు విశ్వవిద్యాలయాల్లో, ప్రసిద్ధ కళాశాలల్లో అవధానం ప్రదర్శించి విద్యార్ధుల్ని ఉత్తేజితుల్ని చేశారు. అలాగే గ్రంధాలయాల పిలుపునందుకొని పలు గ్రంధాలయాల్లోనూ తమ గణితావధాన ప్రదర్శనలు చేశారు.
అలాగే మేధమేటికల్ సొసైటీల ఆహ్వానం మేరకు వాటి సభ్యుల ముందు ప్రదర్శనలిచ్చారు.
ఆయన ప్రతిభ రాయలసీమ నుంచి అంతర్జాతీయ వేదికలకెక్కింది. దురదృష్టం ఏమిటంటే 1993లో అమెరికా సందర్శించాలని ఆయన్ని అక్కడి తెలుగు సంఘాలు ఆహ్వానించినా సకాలంలో వీసా రాకపోవడంతో ఆ మేథావి ఇల్లు కదలలేకపోయారు.

వివిధ విశ్వవిద్యాలయాలు... ఆయన్ని సత్కరించాయి. కొన్ని ఆయన్ని బంగారు పతకాలతో సత్కరించాయి. దురదృష్టమేమిటంటే 1964 అక్టోబరు పదో తేదీన శర్మ రేణిగుంట నుంచి తిరుపతికి రైల్లో ప్రయాణిస్తున్న సందర్భంలో ఆయన 14 బంగారు పతకాల సూట్‌కేసును దొంగలు తస్కరించారు.

ప్రపంచంలో అంధులైన మహా ప్రతిభావంతుల్లో జాన్‌మిల్టన్, బ్రెయిలీ కనుగొన్న హెల్‌న్ కెల్లర్, ద్వారం వెంకటస్వామినాయుడు వంటివారు పుట్టుకతో అంధులు కారు. తదనంతర కాలంలో వారు అంధులయ్యారు. మన దేశంలో గణిత శాస్త్రజ్ఞుల్లో భాస్కరాచార్యులు, రామానుజన్, శకుంతలాదేవి వంటివారు.. మంచి శిక్షణ పొందారు.

కానీ సంజీవరాయశర్మ అంధుడే కాక చదువు సంధ్యలు లేని వ్యక్తి. అంతా వినికిడి జ్ఞానమే... ప్రపంచంలో ఆరుగురు గణిత శాస్త్రజ్ఞుల్లో ఒకరు

ఆనాడే బ్రిటిష్ వైస్రాయ్ ''ఈయన మా దేశంలో పుట్టి వుంటే దేశం నడిబొడ్డున విగ్రహం పెట్టి రోజూ పూజలు.. చేసేవాళ్లం'' అని శర్మనుద్దేశించి అన్నారు.

శకుంతలాదేవి స్వయంగా నాకన్నా ప్రతిభావంతుడు అని అంగీకరించింది. అయినా ఆయన పేదరికంలోనే జీవించారు. శ్రీనివాస రామానుజన్ వంటి మేధావిని గుర్తించని దేశమిది. అలాగే సంజీవరాయశర్మని రక్షించుకోలేకపోయింది. 1997 డిసెంబరు రెండోతేదీన సంజీవరాయశర్మ అస్తమించారు. 'అంక విద్యాసాగర' విశ్వసాంఖ్యాచార్య, శ్రీవెంకటేశ్వర విశ్వవిద్యాలయం వారి గౌరవ డాక్టరేట్ పొందిన శర్మ తన చివరి రోజుల్ని శ్రీ కాళహస్తీశ్వరస్వామి సన్నిధిలో వయొలిన్ మీటుతూ స్వామినర్చిస్తూ గడిపారు!

నిజానికి... ఈ నోబెల్ బహుమతులు, మెగ్‌సెసేలు, జ్ఞాన్‌పీఠ్‌లు...
ఆయన ప్రతిభ ముందు ఎంత చిన్నవో!
🎊🙏🏻🙏🏻🙏🏻🎊

( చరిత్రలో తెలుగు వాడు......)

కం.



హరి జేరితి, పరమ శివుని,

వరములొసగు యోగమాయ వాణిని గంటిన్

నరులార సాధ్యమౌనది

పరమ గురువు పదము బట్టి భక్తిగ గొల్వన్ 🙏

కం.
చిత్రకవితామధురిమ ప
విత్రత నొందెను గదా! ప్రవిమలములౌ చా
రిత్రిక గాధాతతి శ్రీ
మాత్రాభినుతంబులౌచు మంగళకరులై. 

ఏ రాశి వారు

ఏ రాశి వారు ఏ దేవునికి తాంబూలం స‌మ‌ర్పించాలి?

ఈతిబాధలతో స‌త‌మ‌త‌మ‌య్యేవారు ఏం చేయాలి? ఏ దేవున్ని ప్రార్థించాలి? ఈతిబాధలు తొలిగిపోవాలంటే ఎలాంటి ప‌రిహారం చేసుకోవాల‌ని అడుగుతుంటారు చాలా మంది. అయితే 12 రాశుల్లో జన్మించిన జాతకులు ఏ దేవుళ్లకు తాంబూలం సమర్పించి ప్రార్థించాలో తెలుసుకోవాలి. 12 రాశుల్లో పుట్టిన జాతకులు రాశి ప్రకారం ఏ దేవునికి తాంబూలం సమర్పించి వేడుకుంటే.. ఈతిబాధలు తొలగిపోతాయనేది తెలుసుకుందాం..   

మేష రాశి వారు.. తాంబూలంలో మామిడి పండును ఉంచి మంగళవారంలో కుమారస్వామిని ప్రార్థిస్తే ఈతిబాధలు తొల‌గిపోతాయి.

వృషభ రాశి వారు తమలపాకులో మిరియాలు ఉంచి మంగళవారం పూట రాహువును స్తుతిస్తే.. కష్టాలుండవు. సుఖసంతోషాలు చేకూరుతాయి.

మిథున రాశి వారు తమలపాకులో అరటిపండును ఉంచి బుధవారం ఇష్టదేవతా పూజ చేస్తే.. అనుకున్న కార్యాలు సిద్ధిస్తాయి.

కర్కాటక రాశి వారు.. తమలపాకులో దానిమ్మను ఉంచి శుక్రవారం పూట కాళిమాతను ప్రార్థిస్తే కష్టాలు తీరిపోతాయి.
సింహ రాశి వారు.. తమలపాకులో అరటిపండును ఉంచి గురువారం ఇష్టదేవతా పూజను చేయాలి.
కన్యారాశి రాశి వారు.. తమలపాకులో మిరియాలు ఉంచి గురువారం ఇష్టదేవతా పూజ చేస్తే.. దుఃఖం దూరమవుతుంది.
తులా రాశి రాశి వారు.. తమలపాకులో లవంగంను ఉంచి శుక్రవారం పూట ఇష్టదేవతను స్తుతిస్తే.. అనుకున్న కార్యాలు సిద్ధిస్తాయి.
వృశ్చిక రాశి వారు.. తమలపాకులో ఖర్జూర పండును ఉంచి మంగళవారం పూట ఇష్టదేవతను పూజిస్తే ఈతిబాధలు తొలగిపోతాయి.
ధనుస్సు రాశి వారు.. తమలపాకులో కలకండను ఉంచి గురువారం పూట ఇష్టదేవతను పూజించినట్లైతే సుఖసంతోషాలు చేకూరుతాయి.
మకర రాశి వారు.. తమలపాకులో బెల్లంను ఉంచి శనివారాల్లో కాళిమాతను పూజిస్తే.. కష్టాలు తీరిపోతాయి.
కుంభ రాశి వారు.. తమలపాకులో నెయ్యిని ఉంచి శనివారం పూట కాళిమాతను పూజించినట్లైతే.. దుఃఖాలు తొలగిపోతాయి.
 మీన రాశి వారు.. తమలపాకులో పంచదారను ఉంచి ఆదివారం ఇష్టదేవతను పూజించినట్లైతే సుఖసంతోషాలు చేకూరుతాయి...మీ... *చింతా గోపీ శర్మ సిద్ధాంతి** *లక్ష్మీలలితా వాస్తు జ్యోతిష నిలయం* (భువనేశ్వరి పీఠం) పెద్దాపురం, సెల్:- 9866193557

పోత‌న త‌ల‌పులో ....(44)


           🌸🌸

కృష్ణా, నీనామ‌స్మ‌రణ‌లో మునిగితేలేవారే
నీ పాద‌పద్మాల‌ను ద‌ర్శించ‌గ‌లుగుతార‌య్యా ,
 అని అంటూ కుంతీదేవీ కృష్ణ‌త‌త్వాన్ని తెలియజేస్తోంది.....

      ****
నినుఁ జింతించుచుఁ, బాడుచుం, బొగడుచున్ నీ దివ్యచారిత్రముల్
వినుచుం జూతురుగాక లోకు లితరాన్వేషంబులం జూతురే
ఘన దుర్జన్మ పరంపరా హరణ దక్షంబై మహాయోగి వా
గ్వినుతంబైన భవత్పదాబ్జయుగమున్ విశ్వేశ! విశ్వంభరా!

                                     ****
ఎల్లప్పుడు నిన్నే ధ్యానిస్తూ, నీ లీలలే గానం చేస్తూ, నిన్నే ప్రశంసిస్తూ, నీ పవిత్ర చరిత్రలే వింటూ ఉండే వారు మాత్రమే, విశ్వేశ్వరా! విశ్వంభరా! శ్రీకృష్ణా! దురంతాలైన జన్మపరంపరలను అంతం చేసేవీ, పరమయోగులు పవిత్ర వాక్కులతో ప్రస్తుతించేవీ అయిన నీ పాదపద్మాలను, దర్శించగలుగుతారు. అంతే తప్ప మరింకే ఇతర ప్రయత్నాలూ ఫలవంతం కావు. కృష్ణ‌ప‌ర‌మాత్మా...


🏵️పోత‌న పదం-🏵️
🏵️విముక్తి ప‌థం🏵️

39వ పద్యం


శా.
రాజన్నంతనె పోవునా? కృపయు, ధర్మం బాభిజాత్యంబు,వి
ద్యాజాతక్షమ, సత్యభాషణము, విద్వన్మిత్రసంరక్షయున్,
సౌజన్యంబు, కృతం బెఱుంగుటయు, విశ్వాసంబు, గాకున్న దు
ర్బీజ శ్రేష్ఠులుగా గతంబు గలదే? శ్రీకాళహస్తీశ్వరా!

యఙ్ఞం ఎందుకు చెయ్యాలి

యఙ్ఞం ఎందుకు చెయ్యాలి వక పరిశీలన.మనం అన్నం ఎందుకు తినాలో యఙ్ఞం కూడా అందుకే. ఏదైనా వండి తినాలి. యజ్ఞములో వండిన మంత్రపూరకముగా హోమం చెయ్యాలి. మనం తనేటప్పుడుకూడా భగవన్నామాన్ని చేస్తూ మనస్సులో మౌనంగా యిష్టానుసారముగా లభించినది మాత్రమే తినాలి. అది అమృతం తో సమానం జీర్ణమై అమృతం తో సమానం గును. యంలో వేయు ద్రవ్యములు హవిస్సుగా మారి మనలాగే శక్తిగా మారి వర్షించుము భూమిపై సృష్టికి కారణమగు చున్నది. మనకు కూడా అన్నం నెయ్యి రెండు కావాలి. మండించుటకు సమిధలకు కావలెను. మనకు తోడై
జీవ రూపంలో దేహము వలననే జఠరాగ్ని తయారుకాబడును. మనలో యున్న జావుడే భగవత్స్వరూపం. పంచభూతాత్మకమైనగాని శరీరం వల్లనే భుజించుట ఆపై జీర్ణమగుట. అటులనే పంచభూతాత్మకమైనజగత్తుసయలో శక్తి కలదు. అది శాంతించుటకు హవిస్సు లు భూమిపై నుండి పంపవలెను.అగ్నిలేనియెడల జీవులు లేరు జగత్తు లేదు. మనం చేయకపోయినా ప్రకృతి తనంత తాను యెఙ్ఞంతేసి మనకు ప్రకృతి ద్వారా జయించుటకు అవసరమైనవి కల్ప్చుతున్నవి మనం దానిని కృతజ్ఞతగా తికయరిహి ఆప్రృతికి సమర్పించి కృతఙ్ఞతలు చూపగా లేదా కృతఘ్నలుగా మిగతావారు స్వార్ధంతో. ఎంత బ్రతుకు బ్రదికి నాయందు ఇప్పటి ప్పవృత్కిలో 65 మించి మనుగడ లేదు. అది కూడా నమ్మకం లేదు. ప్రకృతి ఆగ్రహించినయెడల. అగ్ని ని మధించుటే యఙ్ఞమని మధించవలెనన్న శక్తి మనకు అవసరం దాని వలన నీటి ఉత్పత్తి నీటి వలననే జీవ ఉత్పత్తి జీవుల వలననే ప్రకృతి సమ తుల్యత. యఙ్ఞమూలం సోముని అనగా చంద్రునికి సోమలతలకు కారణం సోమలత అనగా ఔషదీక్ృతం. చాలా ముక్కలు మనకు యిప్పటికి తెలియదు అవి భూమిపై నేను యున్నవి. ప్రయత్నం కూడా చెయ్యం. ఔషధకారరుడలు సూర్యచంద్రులు. సూర్యుని శక్తి చంద్రుడు గ్రహించి భూమిపై ఔషధ ములకు కారకుడు అవుతున్నారు. డబ్బు పెట్టి వ్యాధులను కొంటున్నారు. ప్రకృతిని రక్షించి చాలా సిపుల్హా ఆరోగ్యమైన జీవనం వలన భగవంతుని శక్తిని సాధనతో తెలియ వచ్చును.

గురువుకు శిష్యులందరిపై

🌹🌹🌹🌹🌷🌷🌹🌹🌹🌹
గురువుకు శిష్యులందరిపై ఎలాగైతే సమానమైన వాత్సల్యముంటుందో, అలాగే శిష్యులందరికీ గురువుగారంటే అవ్యాజమైన భక్తి, గౌరవాలుంటాయి.అయితే కొందరు శిష్యులు గురుభక్తిని బాహాటంగా ప్రదర్శిస్తే, కొందరు తమ గుండె గుడిలో గురువును ప్రతిష్టించుకొని,మనసులోనే నిత్యం కొలుచుకుంటారు.
        ఈ రెండో కోవకు చెందినవారు మంగళంపల్లి బాలమురళీకృష్ణ గారు.తమ సంగీత గురువులైన పారుపల్లి రామకృష్ణయ్య పంతులుగారంటే ఆయనకు ఉన్న ఆరాధనాభావం,గురుస్థుతిగా ఆయన పాడుకొన్న రచనలను వింటే అర్థమౌతుంది.
      గొప్ప విషయం ఏమిటంటే, బెజవాడలో పారుపల్లివారి వర్ధంతి ఉత్సవాలు గత 69 సంవత్సరాలుగా వారి శిష్యప్రశిష్యుల నిర్వహణలో జరుగుతున్నాయి.
      1982వ సంవత్సరం,డిశంబర్ లో వారి 'శత జయంతి మహోత్సవాలు' వైభవంగా 5 రోజులపాటు జరిగాయి.పంతులుగారి సోదరుని కుమారులైన పారుపల్లి శ్రీరామచంద్రమూర్తిగారు స్థాపించిన 'పారుపల్లి రామకృష్ణయ్య పంతులు సంగీత సమాఖ్య' ఆధ్వర్యంలో ఈ ఉత్సవాలు జరిగాయి.పంతులుగారి ప్రియ శిష్యులు అన్నవరపు రామస్వామిగారు ఈ ఉత్సవాలకు ప్రధాన పర్యవేక్షకులు.
       దేశం నలుమూలలా ఉన్న పంతులుగారి శిష్యప్రశిష్యులంతా ఈ కార్యక్రమంలో పాల్గొని, వారికి గానార్చన చేశారు.'స ప స' (SAtha jayanti by PArupalli Ramakrishnaiah Pantulu SAngita samakhya) పేరుతో 'న భూతో న భవిష్యతి'..అన్న చందంగా ఆ ఉత్సవాలు నిర్వహించబడినాయి.కొత్తగా బెజవాడలో రూపుదిద్దుకొన్న 'తుమ్మలపల్లివారి క్షేత్రయ్య కళాక్షేత్రం'లో ఈ కార్యక్రమాలు జరగడం ఒక విశేషం!
         సహజంగా బాలమురళిగారి గానం ఆ ఉత్సవాలలో ప్రత్యేక ఆకర్షణ! సహకారాలు: పంతులుగారి శిష్యులు తిరుపతి పొన్నారావుగారు-వైలిన్, మహాదేవు లక్ష్మీనారాయణరాజుగారు-మృదంగం. ఆరోజు జనంతో హాలు కిక్కిరిసిపోయింది.నాటి కచేరీలో త్యాగరాజాది వాగ్గేయకారుల కృతులతో పాటు గురుస్థుతిగా ఆయన పాడిన స్వీయరచన ప్రత్యేకించి పేర్కొనదగినది.తాను సృష్టించిన 'సుషమ' అనే రాగాన్ని కొద్దిగా ఆలపించి,ఒక్క క్షణం కనులుమూసుకొని,గురువుగారిని తలచుకొని, ప్రారంభించారు..

  'అయ్యా!గురువర్యా!
   అయ్యా!గురువర్యా!

   నీయానతితో పాడుచుంటినయ్యా!

   నీపద పల్లవ వచోవిలాసము పల్లవిగా..
   నీ అనుబంధమె అనుపల్లవిగా..
   నీ చరణములే చరణముగా..
   నీ ఆకృతియే నా కృతిగా..

   నీ ఆనతితో పాడుచుంటినయ్యా..
                   అయ్యా!గురువర్యా!...

   పదులైదైనది నా వయసు..
   పదిపదులైనా నా వయసు,
   పదిలముగా నీ పదములనే
   పాడుచుందునయ్యా!...

   ఎన్నుకొన్న ఆ రాగం..

       మురళీగారి మధుర గళంలో.. గుండెలోతుల్లోంచి పొంగిన గురుభక్తితో నిండి,నిబిడీకృతమై..శ్రోతల హృదయాలను సుతారంగా స్పృశించి, ద్రవింపచేసింది.
          ఐదుపదులు నిండిన బాలమురళీగారు తన కన్నులెదుట ఆ క్షణంలో దర్శించిన ఆజానుబాహులైన గురువుగారి దివ్యమంగళ విగ్రహం,చెరగని చిరునవ్వు..అభయ హస్తం..ఆ గానం విన్న యావన్మంది శ్రోతలకూ దర్శనమిచ్చాయి.
        నిజంగా ఆరోజు అక్కడ హాజరైన ప్రతి ఒక్కరి కళ్లలోనూ ఆనందబాష్పాలు రాలాయి.పంతులుగారి వంటి గురువుకు ఏ శిష్యుడైనా అంతకన్నా ఏమివ్వగలడు?
          ఈ విధంగా గురువుగారి సంస్మరణోత్సవాలలో ప్రతిసారీ వారికి అంకితంగా ఒక స్వీయ రచన పాడటం ఆనవాయితీగా చేసుకున్నారు బాలమురళీగారు.

వాటిలో కొన్ని..
1.మహనీయ మధుర మూర్తే-మహతి
2.మంగళదాయక మామవ మద్గురు-ఆరభి
3.గురుని స్మరింపుము-హంసవినోదిని
4.అయ్యా!గురువర్యా-సుషమ
5.గ్రహ వీక్షణము కన్న-కేదారం
6.స్వామిని వేడగ కొనియాడగ-సౌరాష్ట్ర
7.సన్నుతించెద సద్గురు-మోహన
8.భావమే మహా భాగ్యమురా-కాపీ
9.ద్రి తోం ననన- రాగ,తాళమాలికా తిల్లాన
10.సామగాన సార్వభౌమ-మంగళం
*మోదుమూడి సుధాకర్* గారి పోస్టు. (Modumudi Sudhakar)

🏵కాకి నేర్పే అద్వైతం🏵



ఒకసారి భక్తుడొకరు పరమాచార్య స్వామివారిని, “మహాలయంలో మనం కాకులకు ఆహారం ఎందుకు పెడతాము? మన పూర్వీకులు కాకులుగా మారారా? అయితే ఇంతటి అల్ప పక్షిగా ఎందుకు మారారు? ఏదైనా పెద్ద స్థాయిలో ఉన్న పక్షిగా ఎందుకు మారలేదు?” అని అడిగాడు.

స్వామివారు ఒకసారి చిరునవ్వి, “తమిళంలో మనం కాకిని ‘కాకా’ అని పిలుస్తాము. ఇక ఏదైనా ప్రాణిని మనం అవి చేసే శబ్దాలతో పిలుస్తామా? పిల్లిని ‘మ్యావ్’ అని, చిలుకలు కికి అంటాయి కాబట్టి వాటిని ‘కికి’ అని పిలుస్తామా? లేదు! కాకిని దాని అరుపుతో పిలుస్తాము. అదే దాని ప్రత్యేకత.

క అంటే కాపాత్తు (కాపాడు), రక్షించు అని అర్థం. కనుక నువ్వు కాకికి ఆహారం పెట్టి ‘కా కా’ అని పిలిస్తే, కాపాడు అని పితృదేవతలని అడిగినట్టు!

విరివిగా ఉంటాయి, ఏది పడితే అది తింటాయి కాబట్టి కాకిని నువ్వు అల్ప పక్షి అంటున్నావు. కాకి ఎంత గొప్పదో ఇప్పుడు చెబుతాను విను.

అది బ్రహ్మముహూర్తంలో లేస్తుంది. కా కా అని అరచి నిన్ను నిద్రలేపుతుంది. ఒక్కోసారి కోళ్ళు సరిగ్గా సమయానికి లేవవు. కాని కాకి సరైన సమయానికి లేస్తుంది. అది కాకా అని అరుస్తూ నీ జపానికి సరైన సమయమైన బ్రహ్మముహూర్తంలో నిన్ను నిద్రలేపుతుంది.

అది పూజకు సరైన నిర్దేశం. అవును కదా?

అంతేకాక, దానికి ఆహరం దొరికితే ఇతర కాకులను పిలుస్తుంది. ఆహారాన్ని పంచుకుని తినండి అని మనకు తెలిపే వేరే ప్రాణుల్లో కనపడని ఒక ప్రత్యేకక లక్షణంకలిగినది.

మరలా సాయంత్రం నిద్రకు ఉపక్రమించే ముందు, మరలా కాకా అని అంటుంది. ఆరోజు జరిగిన అన్ని విషయాలకు భగవంతునికి కృతజ్ఞతగా. అలాగే, కాకులు సూర్యాస్తమయం తరువాత ఏమీ తినవు. ఇది శాస్త్రములు చెప్పిన ఉత్తమమైన విషయం కూడా.

ఇది ఎంతమంది పాటిస్తున్నారు?

కనుక నాకు తెలిసి కాకి అల్ప ప్రాణి కాదు. అది మనకు ఎంతో నేర్పుతుంది. అందుకే పితృ దేవతలు కాకి రూపంలో వస్తారు.
మరొక్క విషయం, కేవలం మహాలయంలోనే కాదు, ప్రతిరోజూ కాకికి ఆహారం పెట్టు.

కాకి మనకు అద్వైతాన్ని కూడా నేర్పుతుంది.

నువ్వు పెట్టిన ఆహారాన్ని చూడగానే కాకి ఎంతో సంతోషపడి ఆ ఆహారాన్ని స్వీకరిస్తుంది. అది తినడం చూడడం వల్ల నువ్వు కూడా ఆనందాన్ని పొందుతావు. కనుక ఇరువురు ఆనందంగా ఉంటారు. ఇద్దరూ భగవతస్వరూపులే!” అని తెలిపారు. 🙏🙏🙏🙏🙏🙏🙏

సేకరణ.

స్వామివారితో అనుభవాలు.. మారిన మనసు..

మొగలిచెర్ల అవధూత శ్రీ దత్తాత్రేయ స్వామివారితో అనుభవాలు..
మారిన మనసు..

"దత్తాత్రేయ స్వామి వారి సమాధి మందిరాన్ని దర్శించాలని చాలా రోజులనుంచి అనుకుంటున్నామండీ..కానీ ఎప్పుడూ కుదరటం లేదు..ఈసారి శనివారం నాడు వద్దామని నిర్ణయించుకున్నాము..టిక్కెట్లు కూడా బుక్ చేసుకున్నాము..శనివారం ఉదయం కందుకూరుకు వచ్చి, అక్కడనుండి నేరుగా మాలకొండకు వెళ్లి, ఆ మాల్యాద్రి లో కొలువై ఉన్న శ్రీ లక్ష్మీ నృసింహ స్వామి దర్శనం చేసుకొని..ఆ కొండమీద శ్రీ దత్తాత్రేయ స్వామివారు తపస్సు చేసుకున్న పార్వతీదేవి మఠం, శివాలయం కూడా చూసి..సాయంత్రానికి మొగలిచెర్ల చేరుతాము..సాయంత్రం పల్లకీసేవ లో పాల్గొంటాము..ఆ ప్రక్కరోజు ఆదివారం ఉదయాన్నే..స్వామివారి సమాధిని దర్శించుకొని..తిరుగు ప్రయాణం అవుతాము..ఇదీ స్థూలంగా మా ప్రయాణం గురించిన వివరణ.. మాకు అక్కడ శనివారం సాయంత్రం నుంచీ వుండటానికి ఒక గది కేటాయించగలరా?.." అని బెంగుళూరుకు చెందిన సత్యవతి గారు ఐదారు వారాల క్రిందట ఫోన్ లో అడిగారు..ఆరోజు సోమవారం కనుక, శనివారం నాటికి గది కేటాయిస్తానని చెప్పాను..సంతోషం తో ధన్యవాదములు తెలిపారు..

అనుకున్న విధంగానే సత్యవతి గారి కుటుంబం శనివారం సాయంత్రానికి మొగలిచెర్ల లోని శ్రీ దత్తాత్రేయ స్వామి మందిరం వద్దకు చేరారు..సత్యవతి గారు, ఆవిడ భర్త రామమూర్తి గారు..వాళ్ళ ఇద్దరు పిల్లలు..ఒక కుమార్తె, ఒక కుమారుడు..మొత్తం నలుగురూ వచ్చారు..పిల్లలిద్దరూ ఇంజినీరింగ్ పూర్తి చేశారు..కూతురు బెంగుళూరు లోనే సాఫ్ట్ వేర్ ఇంజినీర్ గా ఉద్యోగం చేస్తోంది..కుమారుడు ఇంకా ఉద్యోగ ప్రయత్నాల్లో వున్నాడు..

పల్లకీసేవ సమయానికి ఓ గంట ముందు సత్యవతి గారు, ఆవిడ భర్త గారు నా వద్దకు వచ్చి.."మా బెంగ అంతా మా అమ్మాయి గురించే నండీ..మంచి ఉద్యోగం చేస్తోంది..ఇప్పుడు పాతికేళ్ల వయసు వచ్చింది..వివాహం చేద్దామని ప్రయత్నాలు చేస్తుంటే..వద్దని చెపుతున్నది..తనకా ధ్యాసే లేదంటోంది..పెళ్లి చేసుకోనని భీష్మించుకుని వున్నది.. ఏ వయసులో ముచ్చట ఆ వయసులో జరగాలి కదండీ..మొగలిచెర్ల స్వామి వారి గురించి ఈమధ్య చదువుతూ వున్నాము..అందుకని ఈ స్వామివారి వద్ద మ్రొక్కుకుంటే..ఫలితం వుంటుందేమోనని ఆశతో ఇంతదూరం వచ్చాము..అమ్మాయి తో కేవలం ఒక దేవాలయ దర్శనానికి మాత్రం వెళుతున్నామని చెప్పాము..ఇలా తన వివాహం గురించి కోరికతో వెళుతున్నామని తెలిస్తే..నానా యాగీ చేసి..తాను రాదు సరికదా..మమ్మల్ని కూడా పోనివ్వదు.. " అని బాధతో చెప్పుకున్నారు ఆ దంపతులు..

"మీరు ముందు పల్లకీ సేవలో పాల్గొనండి..రేపు శ్రీ స్వామివారి సమాధి వద్ద..మీ మనసులోని కోరికను కోరుకోండి..ఆపైన శ్రీ స్వామివారి దయ..మీ ప్రాప్తం.." అని చెప్పాను..సరే అన్నారు..

సాయంత్రం పల్లకీ సేవ వద్ద నలుగురూ కూర్చున్నారు..పల్లకీ ని రామమూర్తి గారు, వాళ్ళ అబ్బాయి ఇద్దరూ మూడు ప్రదక్షిణాలు పూర్తయ్యేదాకా మోసారు..ఆ రాత్రికి మందిరం లోనే నిద్ర చేస్తామని చెప్పారు..ఆరోజు భక్తులు కూడా విపరీతంగా వచ్చారు..అంతమంది భక్తుల మధ్యలోనే..ఆ దంపతులు మందిరం లో పడుకున్నారు..తెల్లవారుఝామున లేచి..గబ గబా స్నానాదికాలు ముగించుకొని..శ్రీ స్వామివారి ప్రభాత పూజకు వచ్చారు..నలుగురూ మంటపం లో కూర్చున్నారు..

శ్రీ స్వామివారి సమాధికి అభిషేకం హారతులు పూర్తయిన తరువాత..సత్యవతి గారి కుటుంబం శ్రీ స్వామువారి విగ్రహం వద్ద పూజ చేయించుకొని..లోపల సమాధి వద్దకు వెళ్లి నమస్కారం చేసుకున్నారు..ఆ దంపతులిద్దరూ శ్రీ స్వామివారి సమాధికి తల ఆనించి..మనస్ఫూర్తిగా మ్రొక్కుకున్నారు..అప్పటిదాకా మౌనంగా అన్నీ చూస్తున్న ఆ అమ్మాయి కూడా శ్రీ స్వామివారి సమాధికి తల ఆనించి కళ్ళుమూసుకుని ప్రార్ధన చేసుకున్నది..అందరూ ఇవతలికి వచ్చేసారు..కొద్దిసేపు మంటపం లో కూర్చుని..తిరిగి నా వద్దకు వచ్చి.."ప్రసాద్ గారూ దర్శనం బాగా అయిందండీ..చాలా ప్రశాంతంగా ఉంది..అన్నీ కుదిరితే..మళ్లీ వస్తాము.." అన్నారు..

"ఏం బాబూ..నువ్వేం కోరుకున్నావు?.." అబ్బాయిని అడిగాను.."ఉద్యోగం కోసం కోరుకున్నాను అంకుల్!.." అన్నాడు.."ఏమ్మా..మరి నువ్వో.." అని ఆ అమ్మాయిని అడిగాను..
ఎందుకో తటపటాయించింది..చెప్పడానికి ఇష్టం లేదేమో అని అనుకున్నాను.."ప్రసాద్ గారూ..ఇక మేము బైలుదేరుతామండీ..నెల్లూరు వెళ్లి, అక్కడనుండి రాత్రికి బెంగుళూరుకు వెళతాము.." అని చెప్పి వెళ్లిపోయారు..సరే అని నేనూ నా పనిలో ఉండిపోయాను..

అరగంట గడిచింది..ఊరికి వెళతామని చెప్పిన సత్యవతి గారు, రామమూర్తి గారు మందిరం లోకి వచ్చారు.."ఇంకొక్కసారి శ్రీ స్వామివారి సమాధి వద్దకు వెళ్లివస్తామండీ.." అన్నారు..సరే అన్నాను..నలుగురు లోపలికి వెళ్లి వచ్చారు..ఈసారి ఆ దంపతుల ముఖం లో సంతోషం కనబడుతున్నది.."ప్రసాద్ గారూ..అమ్మాయి వివాహానికి ఒప్పుకున్నది..సంబంధాలు చూడమని చెప్పింది..తానే స్వయంగా మాతో ఇప్పుడే గది లో చెప్పింది..స్వామివారి దయ ఇంత త్వరగా మామీద ప్రసరిస్తుందని అనుకోలేదండీ..ఎంతో ఆనందంగా వుందండీ.." అన్నారు..అమ్మాయి వైపు చూసాను..అవునన్నట్లు తలవూపింది.."ఇప్పుడు నెల్లూరు ప్రయాణం మానుకున్నామండీ..మధ్యాహ్నం దాకా ఇక్కడే స్వామివారి సన్నిధిలో గడిపి..నేరుగా ఇక్కడినుంచే బెంగుళూరుకు వెళతాము.." అన్నారు..

కొంతమంది కోరుకున్న కోరికలు ఆ నిమిషం లోనే నెరవేరుతాయి..ఆ కోవకు చెందిన వారే సత్యవతి రామమూర్తి దంపతులు..డిసెంబర్ ఆఖరి వారం లో వాళ్ళ అమ్మాయి వివాహం అనీ..తప్పకుండా వివాహానికి వచ్చి, ఆశీర్వదించి వెళ్ళమని నన్ను కోరారు..సరే అన్నాను..వివాహం కాగానే తరువాతి ఆదివారం నాడు వధూవరులను మొగలిచెర్ల కు తీసుకువచ్చి..శ్రీ స్వామివారి దర్శనం చేయిస్తామని..ఆరోజు అన్నదానానికి అయ్యే మొత్తం ఖర్చు తామే భరిస్తామని కూడా చెప్పారా దంపతులు..అనుకున్న విధంగానే వివాహం అయిన ప్రక్క ఆదివారం నాడు నూతన దంపతులను తీసుకొని , శ్రీ స్వామివారి మందిరానికి వచ్చారు..ఆ ఆదివారం అన్నదానం ఆ దంపతుల చేతుల మీదుగా జరిపించారు..రామమూర్తి, సత్యవతి గార్ల సంతోషానికి అవధులు లేవు..శ్రీ స్వామివారే వాళ్ళ కూతురు వివాహం జరిపించాడని పదే పదే చెప్పుకున్నారు..

సర్వం..
శ్రీ దత్తకృప!.

(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం.. ప్రకాశం జిల్లా..పిన్: 523 114..సెల్..94402 66380 & 99089 73699).