18, నవంబర్ 2020, బుధవారం

ఆయన దర్శన భాగ్యం

 ఆయన దర్శన భాగ్యం కలగడం ఎన్ని జన్మల పుణ్య ఫలమో ?

బాలా త్రిపుర సుందరీ మంత్ర మహాయోగి –శ్రీ తాడే పల్లి రాఘవ నారాయణ శాస్త్రిగారు .


  ‘’నాకోసం మీరు కంచి కి ఇంత దూరం రావలసిన పని లేదు .చందోలు లో లలితా త్రిపుర సుందరీ ఉపాసకులు తాడే పల్లి రాఘవ నారాయణ శాస్త్రి గారున్నారు కదా !ప్రతి గురువారం వారిని దర్శించండి ‘’అని కంచి కామ కోటి పీథ పరమా చార్యులు శ్రీ శ్రీ శ్రీ చంద్రశేఖర యతీంద్రుల వారు చెప్పారు అంటే శాస్త్రి గారి యోగ సిద్ధి మహిమ ఎంతటి దో మనకు అర్ధమవు తుంది .


     గుంటూరు జిల్లా చంద వోలు తాడేపల్లి వెంకటప్పయ్య శాస్త్రి ,హనుమమ్మ దంపతులకు శాస్త్రి గారు1896 ఆగస్ట్ ఇరవై అయిదున లో జన్మించారు .నిష్టా గరిష్ట కుటుంబం వారిది .చంద వోలు శాస్త్రి గారని అందరు పిలుస్తారు .తాడి కొండ వాసి కేదార లింగం గారు ‘’బాలా త్రిపుర సుందరి మంత్రాన్ని ‘’వీరికి ఇచ్చారు .పదహారో సంవత్సరం దాకా ఆ మంత్రోపాసన చేసి నందు వల్ల అమ్మ వారు వీరికి పిలిస్తే పలికేది .దెందు కూరి పాన కాల శాస్త్రి వద్ద తర్కం ,పొదిలి సీతా రామ శాస్త్రి వద్ద మంత్రం నేర్చారు .యవ్వనం లోనే సన్య సించాలి లనే కోరిక కలిగింది .శ్యామ లాంబ అనే యోగిని వీరి తండ్రి గారితో శాస్త్రి గారు సూర్య మండలాన్తర్వర్తి అయిన మహా సిద్ధుడు ఈ రూపం లో జన్మించాడని చెప్పింది .శాస్త్రి గారికి చిన్న తనం లో పిన తల్లి చూపించిన ఒక దృశ్యం గోచ రించింది .అందులో తాను ఒక సిద్ధుడు శ్రీ చక్రేశ్వారి అయిన కామేశ్వరి దూరం గా ఉన్న యువతుల్ని తీసుకు రమ్మన్నది .ఒకరిని మోసుకొని ఇద్దర్నీ  తీసుకొచ్చాడు .అమ్మ వారు చిరు నవ్వు తో అతని మనసు కొంచెం చలించింది అని భూలోకం లో జన్మించమని  తాను మోసుకొచ్చిన అమ్మాయే భార్య అవుతుందని అన్నది .19 వ ఏట అద్దేపల్లి మంగమ్మ ,పాపయ్య శాస్త్రుల కూతురు పార్వతి తో వివాహ మైంది .పిన్ని చూపించింది కూడా ఈమెనే .ఆమె పేరు ను శ్రీ దేవి గా శాస్త్రి గారు మార్చారు .


                                          పాండిత్య ప్రకర్ష 


      శాస్త్రి గారు తండ్రి గారి వేద పాథ  శాల నిర్వహణ లో తోడు  పడుతూ ఉన్నారు .అయన పద్ధతి నచ్చిన చాలా మంది అమెరికా కు రమ్మన్నారు .వారికి ఇష్టం లేదు .పిన పాటి వీరభద్రయ్య తో నేత్రావధానం ,ఎలేశ్వరపు పురుషోత్తమ శాస్త్రి తో కవిత్వ సాధన చేశారు .అప్పటికే అనేక సభల వారు శాస్త్రి గారికి 400 కు పైగా సర్టి ఫికేట్స్  ఇచ్చారు .వ్యాకరణ గురువు గారు ముదిగొండ నాగ లింగ శాస్త్రి గారి తో అనేక అవధానాలు చేసి ,ఆ డబ్బు అంతా గురువు గారికే సమర్పించారు .పుష్పగిరి పీథా ది పతులు శ్రీ చంద్ర శేఖర భారతీ స్వామి సన్నిధి లో జరిగిన అష్టావదానికి వారు మెచ్చి ఉభయ శ్లేషకు లక్ష్యం గా ఒక శ్లోకం చెప్ప మంటే ఆశువుగా అద్భుతం గా చెప్పి ఒప్పించారు .


                             అమ్మ వారి సాక్షాత్కారం


     దేశ సంచారం చేస్తూ ఒక సారి ఇంటికి వస్తే ఇల్లు ‘’అయ్యవారి నట్టిల్లు ‘’లా ఉంది .ఇంటి వద్దే ఉండి  తండ్రికి తోడ్పడ్డారు .తిండికి గడవని పరిస్థితి .మూడు రోజులు అంతా ఉపవాసమే .మూడవ రోజు రాత్రి 27 సార్లు లలితా సహస్ర నామ పూజ చేసి నైవేద్యం పెట్టిన జలాన్నే త్రాగి అన్గోస్త్రం నేల మీద పరచి నిద్ర పోయారు .10 ఏళ్ళ బాలిక కలలో కన్పించి ‘’ఒర్ ! ముష్టి పె డ  తాను .కొంగు పట్టు ‘’అన్నది .దోసెడు బియ్యం కొంగు లో పోసి ‘’బండి వస్తుంది .అందులో కావలసిన సామగ్రి అంతా వస్తుంది ‘’అన్నది .తెల్లారే సరికి ఖాజీ పాలెం సీతా రామ రాజు గారి బండి వచ్చింది .అక్కడ రాజు గారు కోరిన మీదట పురాణం చెప్పి రాత్రి ఇంటికి వచ్చే సరికి తలుపు దగ్గర రాజు గారు పోయించిన పుట్టెడు ధాన్యపు రాశి కన్పించింది . అప్పటి నుంచి శాస్త్రి గారింట లక్ష్మీ దేవి నిత్య సాక్షాత్కారమే .


          అనేక గ్రామాలలో భాగవతం ,హరి వంశం ,పురాణం చెబుతూ రాత్రికి ఇంటికి చేరే వారు .పరమ నిష్టా గరిష్టం గా జీవించే వారు .ప్రాణాయామం తపస్సు కోన సాగించారు .ఇంట్లో వేరు సెనగ  నూనె, వేరు సెనగ వాడ లేదు .దొండకాయ ,టమేటా ,బంగాళా దుంప ,ముల్లంగి  కాబేజీ ,నిశిధం .కాశీ కి తప్ప ఎప్పుడు రైలు ప్రయాణం చేయ లేదు .శాస్త్రి గారికి మగ సంతానం లేదు 


                                       అష్ట సిద్దులు కైవశం


            శాస్త్రి గారికి అష్ట సిద్ధులు వశ మైనాయి .వాటిని స్వంతానికి ఎప్పుడు వాడుకో లేదు .తాడి కొండ వేద పాథ శాలలో దేయాలు తిరిగి ఇబ్బంది పెడుతుంటే శాస్త్రి గారు మంత్రం పఠించి పార ద్రోలారు .ఒక సారి ‘’వశ్యంకర ఔషధి ‘’ని సేకరించాలని చంద్ర గ్రహణం రోజున కొండ ఎక్కి ,దాన్ని గుర్తు పట్టి తీసుకొందామని దగ్గరకు వెళ్తే ఒక బాలుడు అడ్డుకొన్నాడు .బలవంతాన లాక్కో బోతే ‘’నీకు ఈ మొక్క తో పని లేదు .నీ ముఖం చూస్తేనే అందరు వశు లౌతారు ‘’అన్నాడు .ఇంతలో గ్రహణం వదిలింది .బాలుడు మాయమయ్యాడు .తనకు దాన్ని పొందే యోగం లేదని భావించారు .అది దత్తాత్రేయ స్వామి అది పతి గా ఉన్న ఓషధి .పూర్వ జన్మ సఖుడైన ఒక యోగి కన్పించి సుఖ దుఃఖాలను సమానం గా భావించాలని చెప్పి మళ్ళీ 50 ఏళ్ళ కు కని పిస్తానని చెప్పి వెళ్లాడు .సరిగ్గా యాభై ఏళ్ళ తరువాత శాస్త్రి గారు అమరావతి వెళ్లి అమరేశ్వర స్వామిని దర్శించి తమ గదిలో ప్రాణాయామం చేస్తూ చాలా పైకి లేచి తల క్రిందులు గా పడి  పోతుంటే తల నే లకు తగిలే సమయాన ఆయోగి వచ్చి చేయి అడ్డం పెట్టి కాపాడాడు .శాస్త్రి గారు నమస్కరించ గానే యోగి అదృష్యుడైనాడు .


              తండ్రి గారు మొదలు పెట్టిన ‘’శ్రీ రామ కదామృతం ‘’ను వారి మరణానంతరం శాస్త్రి గారు పూర్తీ చేస్తున్నారు అయోధ్యా కాండం లో గాయత్రీ మంత్రం లోని ‘’భకార’’వర్ణం తో పద్యం రావటం లేదు .అమ్మను ఉపాశించి నిద్ర పోయారు .కలలో ఒక బీబీ జగన్మోహిని నిద్రిస్తుండగా 30ఏళ్ళ గడ్డం వాడొకడు ఆమె చొక్కా పైకెత్తి పాలు తాగుతున్నాడు .శాస్త్రి గారు ఆ దృశ్యం చూస్తుంటే ‘’ఎందుకు నిల బద్దావు ‘’?అని అడిగింది .’’నాకూ పాలు ఇస్తావా ?’’అని అడిగారు .మెలకువ వచ్చి ‘’భర్మ  మయ రమ్య హర్మ్యము ‘’అనే భ వర్ణం తో పద్యం తేలిగ్గా వచ్చింది


      ఒక సారి పుస్తక ముద్రణ కోసం చందాలకు తిరుగుతూ ఉంటె సత్తెన పల్లి లో ఒక బ్రాహ్మణుల ఇంట్లోకి ఇరవైయేళ్ళ యువతీ కని పించి ,నమస్కరించి లోపలి వెళ్ళింది .ఆమె గ్రహ పీడి తురాలు .అందర్ని కొడుతూ ,తిడుతూ ఉండేది .అలాంటిది శాస్త్రి గారిని చూడగానే అత్యంత వినయాన్ని ప్రదర్శించటం ఇంట్లో వారందరికి ఆశ్చర్యం కలిగించింది .ఆమెను గ్రహ ప్రేరణ చేసి ‘’ఏం చేస్తే నువ్వు పోతావు /’’అని అడిగారు .’’సహస్ర గాయత్రీ జప ఫలం ధార పోస్తే పోతాను ‘’అంది .శాస్త్రి గారు సహస్ర గాయత్రి జపం చేసి ధార పోశారు .ఇంటి ముందున్న వేప చెట్టు కొమ్మ విరిగి పడింది .దెయ్యం వదిలింది .వేరొక సారి నాగుల చవితి రోజు కాలవ లో స్నానం చేసి వస్తుంటే నాగలి చాలులో పడుకొన్న నాగు పాము తోక పై ఆయన కాలు పడింది .అది బుసలు కొడుతూ పైకి లేచి కాటు వెయ బూనితే ‘’గారుడ మంత్రం ‘’జపించారు .సర్పం తల నేల కు వాల్చింది .’’స్వామీ !నీ జోలికి నేను రాలేదు .నా జోలికి నువ్వు రావద్దు .పోర పాటున నా కాలు తగిలింది .వెళ్లి పొండి  ‘’అనగానే పాము వెళ్లి పోయింది .ఆ రోజంతా గారుడ మంత్రం పతిస్తూనే ఉన్నారు .


                           శాస్త్రి గారు 90 ఏళ్ళ జీవిత కాలం లో 80 ఏళ్ళు ‘’బాలా మంత్రానుష్టానం ‘’చేసిన మహనీయులు .ఒక సారి కాశీ లో గంగా స్నానం చేస్తుంటే గంగా దేవి’గలగలా లాడే బంగారు చ్గాజులున్న చెయ్యి చూపించి ‘’నాకేమి కానుక తెచ్చావు ?’’అని అడిగింది .శాస్త్ర్రి గారికి ఏమీ పాలు పోక తన వ్రేలికున్న బంగారు దర్భ  ఉంగరం తీసి ఆమె చేతి లో పెట్టారు .బసకు తిరిగి వచ్చి దేవతార్చన పెట్టె తెరిస్తే గంగకు అర్పించిన ఉంగరం అందులోనే ఉంది .తానేమైనా పొరపడి దర్భ ఉంగరం ఇవ్వలేదా అని సందేహించి ధ్యాన నిమగ్న మయ్యారు ..గంగమ్మ కని పించి ‘’కానుక ఇమ్మంటే దర్భ ఉంగరం ఇచ్చా వేరా ?’’అన్నది .’’అది నీకు పితృ తర్పణం చెయ్యటానికి ఉప యోగ పడుతుంది కాని నాకు ఆభరణం ఎలా అవుతుంది ?’’అని గద్దించింది .’’అమ్మా నేనేమీ నీ కోసం తేలేదు .ఆ సమయానికి అది స్పురించి ఇచ్చానంతే .’’అన్నారు .మళ్ళీ గంగమ్మ ‘’నీ భార్యదగ్గర నాకోసం తెచ్చిన నగ ఉంది అది తెచ్చివ్వు ‘’అన్నది గంగ .శాస్త్రి గారు భార్యను అడిగి నగను తీసుకొని పోయి ‘’గంగార్పణం ‘’చేశారు .


    ఆయన తన కార్య క్రమాలన్ని ముగించుకొని వాకిలి అరుగు మీద కూర్చుంటే వందలాది మంది వచ్చి తమకు ముహూర్తం పెట్టమనో ,పేరు పెట్టమనో అడిగే వారు .కాసేపు కళ్ళు మూసుకొని ముహూర్త న్నిర్ణయం చేసే వారు .అంతే .ఆ కార్య క్రమం శుభప్రదం గా జరిగి పోయేది .దానికి తిరుగు లేదు .అదీ వారి మంత్ర సిద్ధి .


    దాదాపు ముప్ఫై ఏళ్ళ క్రితం కాంచీ పరమాచార్యులు ఉయ్యూరు కే’సి’పి’వారి ఆహ్వానం ,గురజాడ లోని చల్లా శర్మ గారు ఏర్పాటు చేసిన కార్య క్రమం లో వారం రోజులున్నారు .అప్పుడు రాఘవ శాస్త్రి గారు ఇక్కడే ఉన్నారు అన్ని రోజులు .అప్పుడు వారిని చూశాను .జగద్గురువుల ను వీరినీ ఒకే సారి చూసే భాగ్యం కలిగింది .అప్పుడే ‘’నడయాడే దైవం ‘’అని పరమా చార్య మీద పుస్తకం ఆవిష్కరణ జరిగి నట్లు జ్ఞాపకం .10-12-1990ప్రమోదూత మార్గ శిర బహుళ నవమి నాడు శాస్త్రి గారు బాలా త్రిపుర సుందరి అమ్మ వారి ఒడిలోకి శాశ్వతం గా చేరి పోయారు .వారి పార్ధివ దేహానికి అగ్ని సంస్కారం చేస్తున్నప్పుడు అమ్మ వారి ఆకారం గా చితి మంటలు ఆకాశానికి లేవటం ఎందరో చూసి పరమాద్భుతం గా వర్ణించారు .శాస్త్రి గారు కారణ జన్ములు .వారి పేరు వింటే చాలు సకల శుభాలు జరుగుతాయి .

నాద బ్రహ్మ ఉపాసన

 నాద బ్రహ్మ ఉపాసన. అతి దగ్గరగా దేహములో వాయు రూపంలో గల నాదం దేనివలన తెలియును అనగా మననం తెలియును మౌనముగా మంత్రం మంత్ర మనగా అక్షర శబ్ద వ్యాప్తి వ్యాప్తి కలది కావున శక్తి గలది. శక్తి లేనిది చలన సహితము అగ్నియే అక్షర వ్యాప్తి తత్వం. పదే పదే అక్షర శబ్దాన్ని మనస్సుతో మననం. యిలా ఎందుకు. మనలో వాయు రూపంలో అగ్ని లక్షణమును గుర్తించుట. దానివలన దేహంలో మార్పులను అతి దగ్గరగా గ్రహించ వచ్చును. మానవ దేహ మార్పు ఎవరికి వారికి రోజు రోజూ కనిపించదు. ఎదుట వారికి కనిపించును. మానసిక మార్పులకు సాధన శబ్ద మనమే మూలం. దానిని ప్రకృతి రూపంలో పంచభూతముల ద్వారా  మాత్రమే తెలియును. బ్రబ్మును దర్శించుట యే మననం. దీనినే అహం బ్రహ్మాస్మి. నేను అనే లేని వాయు తత్వం రూపం బ్రహ్మ మునై కలిగియున్నది. యిది సత్యమే. దేహంగల జీవుడు సత్యం. మిగిలినది అసత్యం. జీవం గల దేహం నీడ సత్యం. జీవి లేని దేహం నీడ అసత్యం నీడ దేహ రూపంలో చలనము గలదు. దానికి వెలుగు కారణము వెలుగులో మాత్రమే నీడ తెలియును చీకటిలో నీడ తెలియదు. చీకటి బ్రాంతి. దేహమునకు అనేక రకముల గుణములు కలవు. గుణములు వాసన వలన తెలియును. వాసన అనుభవం కర్మ కర్మ అనుభవమే జీవ లక్షణము. కర్మానుభవమే సత్యం. సత్యం అనుభవమే ఋక్కు. దీనికి నాద బ్రహ్మ ఉపాసన యే శరణ్యం యిక వేరు మార్గం లేదు.

మొగలిచెర్ల అవధూత

 మొగలిచెర్ల అవధూత శ్రీ దత్తాత్రేయ స్వామి వారి లీలలు..


*నడిపించే దైవం..*


అవధూతల, సద్గురువుల చరిత్రలు చదివేటప్పుడు,  కొన్ని కొన్ని సంఘటనలు మన మనసులో ముద్ర వేస్తాయి..

మొదట్లో ఇది నిజమా అనే సందేహం తో మొదలయ్యి, క్రమంగా బలమైన నమ్మకాన్ని కలిగిస్తాయి..

అలా సందేహం నుంచి మన మనసు సమాధాన పడే దాకా మన వెనుక వుండి నడిపేది కూడా ఆ సద్గురువే అన్న నిజం కాలక్రమేణా అవగతం అవుతుంది..


మన కళ్ళెదుటే దైవాన్ని త్రికరణశుద్ధి గా నమ్మి, బాగుపడే వ్యక్తులను చూసినప్పుడు ఏ సందేహాలకు తావుండదు..


అటువంటి ఓ సంఘటన గురించి ఇప్పుడు తెలుసుకుందాము..


పిల్లి మాల్యాద్రి అనే వ్యక్తిని, (రోళ్ళపాడు గ్రామం, వలేటివారి పాలెం మండలం, ప్రకాశం జిల్లా) సుమారు ఒక సంవత్సరం క్రిందట అతని భార్య మొగలిచెర్ల గ్రామంలో సిద్ధి పొందిన శ్రీ దత్తాత్రేయ స్వామి మందిరానికి తీసుకొని వచ్చింది..


మాల్యాద్రి నడువలేడు..మాట్లాడలేడు.. అంతకు 6నెలల ముందు జబ్బు చేసింది..ఒంగోలు లోని ఓ కార్పొరేట్ హాస్పిటల్ లో వైద్యం చేయించారు..డబ్బూ ఖర్చు అయింది..ఫలితం కనబడలేదు..


ఆ ఇల్లాలికి దిక్కు తోచలేదు..మరో రెండు మూడు వైద్యశాలల్లో చూపించింది..ఎక్కడికి వెళ్లినా..చేతిలో ఉన్న డబ్బు ఖర్చు అవుతున్నది కానీ..భర్త పరిస్థితిలో మార్పులేదు.కాలం గడిచి పోతోంది..ఆవిడ మనో వేదన తీరడం లేదు..


ఒకనాడు, మొగలిచెర్ల గ్రామంలో సిద్ధి పొందిన శ్రీ దత్తాత్రేయ స్వామి మందిరానికి తీసుకొని పోయి, కొన్నాళ్ళు అక్కడ వుండి స్వామి వారిని నమ్మి కొలవండి మంచి జరుగుతుంది అని ఆవిడకు తెలిసిన వాళ్లలో ఒకరు  చెప్పారు..ఆ మాటలు ఆ తల్లికి మనసులో నాటుకున్నాయి.."స్వామీ! అన్ని విధాలా నేను ప్రయత్నం చేసాను..చిట్ట చివరి ఆశగా నీ చెంతకు నా భర్తను తీసుకొని వస్తున్నాను..నీదే భారం.."అని మనసులో ప్రార్ధించి..నేరుగా మొగలిచెర్ల లోని  శ్రీ స్వామివారి  సమాధి సన్నిధి చేరుకున్నది..


క్రమం తప్పకుండా శ్రీ స్వామి వారి మందిరం చుట్టూరా ప్రదక్షిణాలు భర్తను పట్టుకుని నడిపించుకుంటూ చేసింది..ఓ పదిహేను రోజులు గడిచేసరికి క్రమంగా మార్పు కనబడసాగింది..మాల్యాద్రి మెల్లగా ఒకొక్క అడుగూ వేయసాగాడు.. మరో వారం కల్లా..భార్య సహాయం లేకుండానే తానే నడిచే స్థాయికి వచ్చాడు..అలాగే మాటలు కూడా కూడబలుక్కుని మాట్లాడసాగాడు..ఇంకొక పక్షం రోజులు గడిచేసరికి..మాల్యాద్రి తానొక్కడే వరుసక్రమం లో నిలబడి..క్యూ లైన్ లో నడచివచ్చి..శ్రీ స్వామివారి తీర్ధ ప్రసాదాలు తీసుకోసాగాడు..  సరిగ్గా మండలం రోజులు గడిచేసరికి..మాల్యాద్రి కి ఉన్న జబ్బులో డెబ్భై శాతం నయమై పోయింది....ఆ దంపతుల ఆనందానికి అవధులు లేవు!..


శ్రీ స్వామివారి సన్నిధిలో వుండే మేము ఎన్ని సార్లు, యెంతో మందిని చూసినా, ప్రతి భక్తుని అనుభవమూ మాకు పాఠమే.. 


ఆ స్వామి నమ్మినవారికి నేనున్నాను అనే అభయం ఇస్తూనే ఉన్నాడు...నిష్కల్మష భక్తీకి తాను లొంగుతానని, పదే పదే ఋజువు చేస్తూనే ఉన్నాడు..


సర్వం..

శ్రీ దత్తకృప!.


(శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం... ప్రకాశం జిల్లా.. సెల్..94402 66380 & 99089 73699).

రామనామ విశిష్టత

 రామనామ విశిష్టత


శ్రీ శ్రీ శ్రీ చంద్రశేఖరేంద్ర మహాస్వామి వారు దక్షిణ దేశంలోని చిదంబరం యాత్ర ముగించుకొని, సమీపం లో ఉన్న ఆనందతాండవపురం చేరారు.


ఆ ఊరిలో పండితులు, ప్రజలు స్వామికి అఖండ స్వాగతం పలికారు.


ఆ జనసమూహంలో అనేకమంది బాలురున్నారు. ఆ బాలురందరినీ పిలిచి , ‘శ్రీ రామాయనమః’ అని నూరు పర్యాయాలు రాసి, ఆ వ్రాసిన పత్రాలను తనకు చూపించవలసినదిగా మహాస్వామి వారికి చెప్పారు. అదేవిధంగా వారంతా ‘శ్రీ రామాయనమః’ అని నూరు సార్లు వ్రాసి, ఆ పత్రాలన్నింటిని స్వామికి సమర్పించారు.


వారందరికి ఒక్కొక్కరికి ఒక్కొక కామాక్షి అమ్మవారి బంగారు ముద్రను స్వామి వారు బహూకరించారు.


వారిలో ఒక బాలునికి అమ్మవారి ముద్ర ఇవ్వబోతూ, స్వామి అరవంలో “సొల్లు సొల్లు.” నీవు వ్రాసింది నీ నోటితో ‘చెప్పు, చెప్పు’ అని ఆదేశించారు. అక్కడ స్వామి చుట్టూ మూగిన పండితులందరూ “అయం మూకః, అయం మూకః” (అతడు మూగవాడు మూగవాడు) అని సంస్కృతంలో స్వామికి విన్నవించారు.


అయినా, స్వామి వారి మాటలను విననట్టుగా మరల ఆ పిల్లవానివైపు తిరిగి “నీ సొల్లు, సొల్లు” (నీవు చెప్పు చెప్పు) అన్నారు. అంతట ఆ బాలుడు “శ్రీ రామాయనమః” అని అందరూ వినేట్టు బిగ్గరగా అన్నాడు.


“మూకం కరోతి వాచాలం!”


ఆ సంఘటనను శ్రీ కల్లూరి వేంకట సుబ్రహ్మణ్య దీక్షితులు గారు స్వయంగా చూచినది.


[వైదిక వాజ్ఞ్మమయంలో రెండే తారకములు. ఒకటి 'ఓం' కారం. రెందవది 'రామ' నామం. అష్టాక్షరిలోని అగ్నిబీజమైన 'రా' కారం, పంచాక్షరిలోని అమృతబీజమైన 'మ' కారం కలిపి తారకమైనది 'రామ' నామం. రామాయణాన్ని, రామనామాన్ని నమ్ముకొని సద్గతి పొందినవారు కోకొల్లలు. రామకోటి రాయడం ఎన్నో జన్మల పుణ్య ఫలం.ఎంతకాలం రామనామం చెప్పబడుతుందో, రామాయణం ఎంతకాలం చదవబడుతుందో, రామాయణం ఎప్పటి వరకు చెప్పబడుతుందో, ఎప్పటిదాకా వినబడుతుందో అప్పటిదాకా మాత్రమే మానవాళి ఉంటుంది.]


శ్రీరామ రామేతి రమేరామే మనోరమే || సహస్రనామ తత్తుల్యం రామనామ వరాననే


|| జానకీకాంత స్మరాణం జై జై రామ రామ ||


అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదాన్వహం ।।


#KanchiParamacharyaVaibhavam #కంచిపరమాచార్యవైభవం

*కార్తిక దీపారాధన

 🌺🌷🌸🌾🥀💐🌹

*కార్తిక దీపారాధన ప్రాశస్త్యం ఏమిటి*?


*దీపదో లభతే విద్యాం దీపదో లభతే శ్రుతం దీపదో లభతే చాయుః దీపదో లభతే దివమ్*


*దీపం వెలిగించినవారు విద్యావంతులు, జ్ఞానవంతులు, ఆయుష్మంతులవుతారు. మోక్షాన్ని పొందుతారు.*


*సాయంత్రం శివాలయంలో దీపం వెలిగిస్తే అనంతమైన పుణ్యం లభిస్తుంది.*


*అప్రయత్నంగా అయినా, భక్తిభావన లేకపోయినా దీపం వెలిగించినందువల్ల అనంత పుణ్యఫలం వస్తుంది.*


*ఇదే ఫలితం విష్ణుభక్తులకు కూడా వస్తుంది. కార్తికమాసం నెల రోజులూ దీపాలు పెట్టటం సంప్రదాయం.. ఆచార విధి కూడా.*


 *ఏదైనా కారణం వల్ల 30 రోజులు దీపం పెట్టలేని వారు కనీసం శుద్ధ ద్వాదశి, చతుర్దశి, పూర్ణిమ రోజుల్లో అయినా దీపం వెలిగిస్తే, వైకుంఠప్రాప్తి కలుగుతుంది.*


*కార్తిక మాసంలో శనిత్రయోదశి కన్నా సోమవారం ఎక్కువ ఫలితాన్నిస్తుంది.*


*శనిత్రయోదశి కన్నా కార్తిక పూర్ణిమ వందరెట్లు ఎక్కువ ఫలితాన్నిస్తుంది.*


*పూర్ణిమ కన్నా బహుళ ఏకాదశి కోటి రెట్లు పుణ్యఫలితాలు అనుగ్రహిస్తుంది.*


*బహుళ ఏకాదశి కన్నా క్షీరాబ్ది ద్వాదశి అతి విస్తారమైన, అనంతమైన ఫలితాన్నిస్తుందని భాగవతం చెబుతోంది.*


*ఈ రోజుల్లో తప్పనిసరిగా దీపారాధన చేయాలి.*


                 *భక్తి*

                M.s.s.k

శ్రీలలితా సహస్రనామ వివరణ🌹

 🌹శ్రీలలితా సహస్రనామ వివరణ🌹


*29. అనాకలిత సాదృశ్య చిబుకశ్రీ విరాజితా*


ఆ తల్లి చిబుకము అనగా గడ్డము యొక్క అందమునకు పోలిక చెప్పుటకు ఏ విధమైనదీ లేని ఆ గడ్డము యొక్క శోభలతో వెలుగొందుతూ వుంది.


వాగ్గేవిఐన సరస్వతి మొదలుగా, నేటి వరకూ గల కవులందరూ ఆ దేవి సౌందర్యమును వర్ణించే ప్రయత్నములు చేసినవారే.


కానీ వారిలో ఎవ్వరికీ శ్రీ మాత గడ్డము దాని సోయగము చెప్పుటకు తగిన వుపమానము దొరకలేదు. అటువంటి సాటిలేని గడ్డపు శోభలతో ప్రకాశిస్తున్నది దేవి


అద్దములో కనబడే శ్రీమాత యొక్క చుబుకమునకు ఆ తల్లి ప్రతిబింబము మాత్రమే సరిపోలుతుంది. మిగిలిన సృష్టిలో యేవీ కూడా ఆ అందము తెలియ జేయుటకు సరిపోదు.


పైగా ఆ చుబుకము అనే పదానికి "శ్రీ” అనే విశేషణము జేర్చుట వల్ల ఆ

అందమునకు పోలికే లేదు


క|| పరమేశ్వరి చిబుకమునకు, సరిపోల్చగ నేమిటౌను? చాలదే జగతిన్ మరితూగుటకే మున్నవి

తరుణిమ శోభకు సరిసమ దర్పణమొకటే!!   


        లలితానామసుగంధం

                 M.s.s.k

అకాలం కవితా సంపుటి

 https://drive.google.com/file/d/0B8PsBoDc2fVfQnBXQm83cWk5Yk1MY3BjVjZFMXBDMWpYZVQ0/view?usp=sharing

live with C19

 Head of Infectious Diseases Clinic, University of Maryland,

 USA says:


  1. We may have to live with C19 for months or years. Don't deny or panic. Don't make your life a misery. Let's learn to live with this reality.


  2. You can't destroy the C19 virus that has penetrated the cell walls, by drinking liters of hot water - you'll just be going to the bathroom more often.


  3. Washing your hands and maintaining a physical distance is your best method of protection.


  4. If you do not have a C19 patient at home, there is no need to disinfect your home.


  5. Grocery bags / plastic bags, gas stations, shopping carts and ATMs do not cause infection.Wash your hands, live your life as usual.


  6. C19 is not a food infection. It is associated with infectious droplets such as flu. There is no demonstrated risk that C19 is transmitted by ordering food.


  7. You can lose your sense of smell by using a lot of anti-allergies and viral infections. These are only non-specific symptoms of C19.


  8. Once you get home, you don't need to change clothes immediately and take a shower!

 Cleanliness is a virtue but not paranoia!


  9. The C19 virus does not fly through the air. This is a respiratory drop infection that requires close contact.


  10.The air is clean, you can walk to parks and public places (just keep your physical distance for protection)


  11. Just use regular soap against C19, no need for anti-bacterial soap. These are viruses, not bacteria.


  12. You don't have to worry about your food orders. But you can heat everything in the microwave, if you want.


  13. The possibility of bringing the C19 home in your shoes is like being struck by lightning twice a day. I've worked against viruses for 20 years - drop infections don't spread like that!


  14. You can't be protected from viruses by consuming vinegar, sugarcane juice and ginger! It's just for immunity not medicine.


  15. Wearing a mask for a long time interferes with your breathing and oxygen levels. Wear it only in crowded places.


  16. Wearing gloves is also a bad idea; the virus can accumulate in gloves and is easily transmitted if you touch your face. Better to just wash your hands regularly.


  17. Immune system gets very weak by always living in a sterile environment. Even if we are taking immune-boosting supplements / medicines, please regularly leave your house to the park / beach or anywhere else.

Immunity is increased by EXPOSURE TO PATHOGENS, not by sitting at home and consuming fried / spicy / sweet foods and fizzy drinks.


  Original article


 https://theazb.com/we-will-live-with-covid19-for-months-lets-not-deny-it-o nor-panic- dr-faheem-younus /


 Very good article ..... a must read for everyone.

Subramanya







 

నాగుల చవితి

 🌸🌺🌷🥀💐🌾🌹

*నాగుల చవితి విషయంలో పాలు పోయుట చేయవచ్చునా చేయరాదా ?*

*కార్తీకశుక్ల చతుర్థి - నాగచతుర్థీ*


*అథకార్తీకశుక్ల చతుర్ధీ నాగచతుర్థీత్యుచ్ఛతే | సా పంచమీ యుతాకార్యేతి పూర్వ మేవోక్తం| తథాచశాతాతపః - ఊర్జే శుక్ల చతుర్థీ యాసైవోపోష్యోత్తరేదినే | ఫణినః పూజయేత్తత్ర ప్రసీదంతి ఫణీశ్వరా ఇతి. అత్ర సైనోపోష్యోత్తరే దిన ఇత్యనేనైన పంచమీవిద్దాగ్రా హ్యేత్యుక్తం భవతి | ఉక్తంచ భవిష్యోత్తరే | పంచమ్యా సంయుతా కార్యా చతుర్థీ కార్తి కేసితా | మధ్యాహ్నే పూజయే త్సర్పాన్గంధపుష్పాక్షతాదిభి రితి అత్ర మధ్యాహ్న వ్యాప్తే షోడా విభాగః పూర్వోక్త ఏవే హోమసంధేయః | ఇతి కార్తీకశుక్ల చతుర్థి.


మధ్యాహ్నవ్యాప్యభావే ప్రాతఃకాలవ్యాపిన్యాం వా నాగచతుర్థీవ్రతం కార్యమ్ ఉపవాసవ్రతత్వాదితి కేచిదాహు: విశేషస్తు నాగచతుర్థీ వినాయకాచతుర్ధీవత్

మధ్యాహ్నవ్యాపినీ గ్రాహ్యా | తదాహ దేవల: -


యుగం మధ్యందినే యత్ర తత్రోపోష్య ఫణీశ్వరాన్

క్షీరేణాప్యాయష్టమ్యాం పారయేత్ ప్రయతో నరః ॥ ఇతి

యుగం చతుర్థీ / అస్యాః షోడా భేదో వతారణీయః ఏతన్నిర్ణయస్తు గణచతుర్థీ.

- నిర్ణయే 2 భిహితః


*తా|| కార్తీకశుద్ధ చవితి నాడు నాగుల చవితి ఆచరింపవలెను.*


*పంచమి విద్దయగు చవితినాడు మధ్యాహ్న కాలమున నాగపూజ చేయవలయును.*


*కార్తీక శుద్ధ చవితి పంచమీ విద్దగానుండగా ఆ మధ్యాహ్నము నాగులను గంధ, పుష్ప అక్షతలతో పూజింపవలెను.*


*మధ్యాహ్నమునకు తిధి వ్యాపించనిచో ప్రాతః కాలమునందైనను నాగ చతుర్దీ వ్రతమును చేయవలయును.*


* నాగ చతుర్ధీ నిర్ణయమును వినాయక చతుర్దీ నిర్ణయమువలెనేమధ్యాహ్న

కాల వ్యాపిత్వమును గ్రహించవలెను.*


*చవితి మధ్యాహ్న సమయమునకు ఉన్న దినముననుపవసించి, నాగులను క్షీరముచే తృప్తిపరచి పంచమి యందు పారణ చేయవలయును.*


*గణేశచతుర్థి నిర్ణయము వలెనే ఆరు విధములుగా విచారణ చేసి నిర్ణయించవలెను.*


*పురాణములలో ఈవిషయములనే చెప్పారు.*


*విశాఖకార్తెలోపాలు పోయరాదనే విషయం ఎచ్చటనూప్రధాన మైన వ్రతనిర్ణయకల్పవల్లి, కాల నిర్ణయచంద్రిక ఈ గ్రంధములలోచెప్పలేదు.*


*కనుకకార్తెఏదైననూ నాగులచవితిరోజు తప్పకుండా సర్పాలను ఆరాధించవలెను* 


                  M.s.s.k