22, నవంబర్ 2020, ఆదివారం

వత్తిని బట్టి ఫలితం

 🌹🥀💐🌸🌷🌺🌾


*దీపారాధనలో వినియోగించే వత్తిని బట్టి ఫలితం ఉంటుందా?*


దీపారాధనకు శుద్ధమైన వత్తిని ఎంచుకోవాలి. పత్తితో చేసిన వత్తులు సర్వశ్రేష్టమైనవి.


అన్నివేళల్లోనూ పత్తివత్తులను ఎవరైనా వెలిగించవచ్చు తామరతూడులతో వత్తులు చేసి వెలిగిస్తే అఖండభాగ్యం లభిస్తుంది పితృదోషాలు తొలగుతాయి. 


అరటివత్తులతో వెలిగిస్తే ఉత్తమ సంతతి. 


జిల్లేడు వత్తులతో వెలిగిస్తే అపారసంపద కలిగి దుష్టశక్తుల పీడ తొలగుతుంది.


నూతన వస్త్ర పీఠికను కుంకుమనీళ్లలో తడిపి, ఆరబెట్టి దీపారాధన చేస్తే కుజ, శుక్రదోషాలు పోతాయి.


పసుపురంగు వస్త్రంతో వత్తిచేసి వెలిగిస్తే దేవీ కటాక్షం సిద్ధిస్తుంది. 


కుంకుమరంగు వస్త్రంతో చేసిన వత్తితో వెలిగిస్తే సంతానప్రాప్తి కలుగుతుంది. 


ఎర్రరంగు వస్త్రాన్ని గంధపునీటిలో తడిపి, ఆరబెట్టి దీపారాధన చేస్తే చక్కటి సంతానం కలుగుతుంది.


పన్నీరుతో తడిపిన నేతివత్తులతో వెలిగిస్తే కీర్తివంతులవుతారు.


తామరనారతో దీపారాధన చేస్తే గ్రహదోషాలు పోతాయి.


దీపారాధనలో రెండు వత్తులు వాడడం మంచిది. ఒకటి అడ్డవత్తి, రెండోది నిలువు వత్తి అయితే ఉత్తమం.


లేకపోయినా రెండు నిలువు వత్తులను

వెలిగించవచ్చు.


3.ఉత్తమ సంతానం కలుగుతుంది


5.పంచభూతాలకు సంకేతం


7. ఏడుజన్మల పాపాలు తొలగిపోతాయి


8.అప్లైశ్వర్యాలు సిద్ధిస్తాయి. కీర్తిప్రతిష్టలు పెరుగుతాయి


10. సర్వాంతర్యామికి సంకేతం.


27.నక్షత్రారాధన ఫలితమిస్తుంది సర్వారిష్టాలు తొలగుతాయి


360 సంవత్సరమంతా దీపారాధన చేసిన ఫలం లభిస్తుంది.

🌹🌾🌺🌷🌸💐🥀


*ఒకసారి వెలిగించిన వత్తిని మళ్లీ వెలిగించవచ్చా*


నేడు వెలిగించిన వత్తిని తీసివేసి రేపటినాడు కొత్త వత్తితో దీపారాధన చేయాలి.


ఒకరోజునే వెలిగించిన మూడు వత్తుల్లో ఒక వత్తి శాంతించి మిగిలిన వత్తులు వెలుగుతున్నప్పుడు వాటి సాయంతో కొండెక్కిన వత్తిని వెలిగించవచ్చు. 


అన్ని వత్తులూ ఒకేసారి శాంతించినప్పుడు కూడా అప్పటికప్పుడే అయితే మరోసారి వెలిగించుకోవచ్చు.


 ఒకసారి చేసిన దీపారాధనలోని వత్తులు ఆనాటికి మాత్రమే పరిమితం అని గుర్తించాలి.


                  *భక్తి*

                 M.s.s.k.

                

మొగలిచెర్ల అవధూత

 మొగలిచెర్ల అవధూత శ్రీ దత్తాత్రేయ స్వామివారితో అనుభవాలు..


*ఇద్దరు మిత్రులు..*


"ప్రతి పది పదిహేను రోజులకొకసారన్నా ఇక్కడకు వచ్చి, శ్రీ స్వామివారి సమాధిని దర్శించుకోకపోతే ఏదోలా ఉంటుంది.." అనేవారు శ్రీ రమణయ్య గారు మాతో..వారిది నెల్లూరు జిల్లా కొండాపురం మండలం ఆదిమూర్తిపురం గ్రామం..ప్రతి నెలలో రెండుసార్లు మొగలిచెర్ల లోని శ్రీ స్వామివారి మందిరానికి  ఖచ్చితంగా వచ్చేవారు..ఎప్పుడూ ముఖం లో చెదరని చిరునవ్వు తో వుండేవారు..అందరినీ ఆప్యాయంగా పలకరించేవారు..


రమణయ్య గారు చిన్నప్పుడు ఐదవ తరగతి దాకా.. శ్రీ స్వామివారితో కలిసి చదువుకున్నారు.. శ్రీ స్వామివారు చదువు ఆపేసి, మోక్షగామి గా మారి సాధన చేయడం మొదలుపెట్టారు..ఆనాటి నుంచే, రమణయ్య గారు, శ్రీ స్వామివారిని ఆరాధించడం ప్రారంభించారు..శ్రీ స్వామివారు ఆశ్రమం నిర్మించుకొని..కపాలమోక్షం ద్వారా సిద్ధిపొందిన తరువాత..రమణయ్య గారు మొగలిచెర్ల కు వచ్చి, శ్రీ స్వామివారి సమాధిని దర్శించుకొని వెళ్ళసాగారు..అన్నదానానికి బియ్యం తీసుకొచ్చి ఇచ్చి వెళ్లేవారు..శ్రీ స్వామివారి సమాధి వద్ద నిశ్చలంగా నిలబడి..భక్తి పూర్వకంగా నమస్కారం చేసుకునేవారు..


"మొదటినుంచీ స్వామిది ఒక విలక్షణ జీవనం..నిరంతరమూ తనలో తాను ఏదో ఆలోచిస్తూ వుండేవాడు..లేదా ఒక ప్రక్కకు వెళ్ళిపోయి, ప్రపంచంతో సంబంధం లేకుండా ధ్యానం చేసుకునేవాడు..మాతోటి కూడా ఆటలాడటం లాంటివి కూడా చేసేవాడు కాదు..అతని లోకం అతనిది..ఆ మహానుభావుడి తో కలిసి కొన్నాళ్ళు గడిపాను..ఈ జీవితానికి అది చాలు..నాకు ఏ కోరికలూ లేవు..నడుస్తూ ఉన్నప్పుడే..మంచాన పడకుండా..ఈ బొందిలోని ప్రాణం పోతే చాలు.." అని రమణయ్య గారు చెపుతూ ఉండేవారు..శ్రీ స్వామివారిని మనసా వాచా కర్మణా ఆరాధించారు..రమణయ్య గారు కోరుకున్న విధంగానే ఎటువంటి ఇబ్బందీ పడకుండా కన్నుమూశారు..


శ్రీ స్వామివారికి ఆశ్రమాన్ని నిర్మించి ఇచ్చిన శ్రీ బొగ్గవరపు చిన మీరాశెట్టి గారి బావమరిది శ్రీ గోనుగుంట రామయ్య శ్రేష్టి గారు కూడా శ్రీ స్వామివారిని భక్తి గా కొలిచేవారు.. రామయ్య శ్రేష్టి గారి అల్లుడు వీరాస్వామి..వీరాస్వామి నెల్లూరు జిల్లా వింజమూరు లో వుండేవారు..వీరాస్వామి గారు కూడా శ్రీ స్వామివారి తో కలిసి, చిన్నతనంలో కొన్నాళ్ళు చదుకున్నవారే..ఎప్పుడూ చిరాకుగా..కోపంతో ధుమ ధుమ లాడుతూ..ఎవరో ఒకరిని తిట్టుకుంటూ వుండేవారు..వీరాస్వామి నవ్వుతూ మాట్లాడటం చూసిన వాళ్ళు బహు అరుదు..


"మీరు వెఱ్ఱివాళ్ళు కనుక..ఆయన్ను స్వామీ స్వామీ అంటూ కొలుస్తున్నారు..అంత ఆస్తి పెట్టుకొని అనుభవించకుండా దేవుడు, మోక్షం అంటూ గాలికి తిరగడం..కట్టుకున్న బట్టలు కూడా విప్పేసి..సాధన చేయడం..ఏమిటీ తలతిక్క పనులు?..అందుకే నేను ఏనాడూ  మొగలిచెర్ల లోని ఆశ్రమానికి  రాలేదు..చిన్నప్పుడు రెండు మూడు సార్లు "ఇవన్నీ మానుకోరా..హాయిగా మాలాగా వుండు!" అని చెప్పి చూసాను..వినలేదు..వాడి ఖర్మ!..అంతే.." అని శ్రీ స్వామివారి గురించి చెప్పేవారు..


"ఆధ్యాత్మికంగా ఎందరికో శ్రీ స్వామివారు మార్గం చూపారు..ఎందరో వారి వారి సమస్యలు తీరిపోయాయని..సంతానం లేని వారికి శ్రీ స్వామివారికి మ్రొక్కుకుంటే సంతానం కలిగిందనీ..తమకున్న గ్రహబాధలు తొలగిపోయాయనీ..చెప్పుకుంటున్నారు.. ఇంతమంది నమ్ముతున్న ఆ అవధూతను..మీరు పిచ్చివాడిగా భావిస్తున్నారా?.." అని అడిగితే.."మీకూ పిచ్చి కనుక..అతనికి మొక్కుతున్నారు.." అనేవారు వీరాస్వామి..


వీరాస్వామి ఏనాడూ శ్రీ స్వామివారిని అవధూతగా పరిగణించలేదు..పైగా తీవ్రంగా విమర్శించేవారు....శ్రీ స్వామివారిని నిరంతరమూ ద్వేషిస్తూనే తలచుకుంటూ ఉండటం వీరాస్వామికి అలవాటుగా మారిపోయింది..వీరాస్వామి కి నలభై ఐదు ఏళ్ల వయసు వచ్చేసరికి మధుమేహ వ్యాధి ముదిరిపోయి కళ్ళు కనబడటం మానేసాయి..ఎందరో కంటి వైద్యులకు చూపారు..ఫలితం లేదు..మరో ఆరు నెలల కల్లా..పూర్తి అంధుడి గా మారిపోయారు..


"కనీసం ఇప్పుడన్నా శ్రీ స్వామివారిని ద్వేషించడం మానుకోమని" నాతో సహా అతని బంధువర్గమంతా చెప్పిచూసాము..వీరాస్వామి మారలేదు.. తరువాత కొన్నాళ్ళకు..అంధత్వం తో పాటు అనారోగ్యం తో తీవ్రంగా  ఇబ్బంది పడి మరణించారు..


రమణయ్య గారు, వీరాస్వామి..ఇద్దరూ శ్రీ స్వామివారి మిత్రులే..కానీ..శ్రీ స్వామివారి పట్ల  ఒక్కొక్కరిదీ ఒక్కో దృక్పథం.. వారి వారి ఆలోచనల ప్రకారమే వారి జీవనయానం సాగింది..ఎవరికి ఏది ప్రాప్తమో దానినే దైవం అనుగ్రహిస్తాడు..


సర్వం..

శ్రీ దత్తకృప.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం..ప్రకాశం జిల్లా..పిన్: 523114.. సెల్..94402 66380 & 99089 73699).

21, నవంబర్ 2020, శనివారం

రామాయణమ్ 131

 రామాయణమ్  131

.....................

రాముడు తన మీద మరులుకొన్న శూర్పణఖను చూస్తూ పూజ్యురాలా! నాకు వివాహమైనది ఈమె నాకు చాలా ఇష్టురాలైన భార్య. నీవంటి ఆడవాళ్ళకు సవతిపోరు ఎందుకుగానీ అడుగో అతడు అక్కడున్నాడే వాడు! నా తమ్ముడు లక్ష్మణుడు! భార్య దగ్గర లేనివాడు, పరాక్రమ వంతుడు .

.

,చూడగానే ఆనందము కలిగించేవాడు,చాలాకాలమునుండి భార్యాసుఖము లేనివాడు ప్రస్తుతము భార్య అవసరము ఉన్నవాడు.అతడిని సేవించు నీకు సవతి పోరు ఉండదు అని పలుకగా ఆ రాక్షసి రాముని విడచి లక్ష్మణుని వద్దకేగి ఆయనతో " నీ సౌందర్యానికి నేనే తగిన దానను రా ! హాయిగా విహరిద్దాము అని పలికింది.

.

అప్పుడు పరిహాసంగా ఒక చిరునవ్వు నవ్వి ఓ! లోకోత్తరసుందరీ! నేనే దాసుడను అడుగో మా అన్న ఆయనకు దాస్యము చేస్తున్నాను నాతోపాటు నీవుకూడా దాసివి అవుతావా ఆ బాధలు నీకెందుకు గానీ ఆయననే మరొక్కమారు అడుగు ,వికృతంగా అణగిపోయిన పొట్టతో భయంకరంగా ఉన్న ఆ ముసలి భార్యను విడిచి నిన్నే చేసుకుని రమిస్తాడు అని వేళాకోళంగా మాట్లాడాడు.

.

అది నిజమే అని నమ్మి మరల రాముని వద్దకు వెళ్లి .

ఈ వికృత రూపంతో చెడ్డదైన ముసలి భార్య నీకెందుకు? దీనిని ఇప్పుడే నేను తినేస్తాను నాకు సవతి పోరు ఉండదు ,అప్పుడు మనమిద్దరమూ సుఖముగా ఉండవచ్చు అని అంటూ సీతను భక్షించడానికి మీదమీదకు రాసాగింది .

.

అది మీదకు వస్తుంటే సీతమ్మ వణికిపోయింది వెంటనే రాముడు అడ్డము వచ్చి  ,లక్ష్మణా అంటూ కేకవేశాడు.

.

ఇదుగో ఈ రాక్షసులతో మనకు పరిహాసమెందుకు? ఈ రాక్షసి చాలా మదించి ఉన్నది దీనిని వికృత రూపుగాలదానినిగా చెయ్యి అని పలికాడు.

.

వెనువెంటనే లక్ష్మణుడు ప్రక్కనే ఉన్న ఒక ఖడ్గాన్ని తీసుకొని శూర్పణఖ ముక్కు చెవులు కోసివేశాడు.ఆ గాయాల బాధకు అది వికృతముగా అరుస్తూ వచ్చినదారినే పారిపోయింది.

..

జానకిరామారావు వూటూకూరు

.

రామాయణమ్ 130

 రామాయణమ్ 130

................

నీవెవ్వరవు? అని శూర్పణఖ అడిగిన ప్రశ్నకు ఉన్నదున్నట్లుగా తెలిపాడు రాముడు 

,తమ ముగ్గురి పేర్లు తాము అడవికి ఎందుకు వచ్చినదీ సవివరంగా తెలిపాడు .

రాముడు ఋజువర్తనుడు కావున ఏదీ దాయకుండా చెప్పాడు.

.

తమ గురించి చెప్పి మరి నీవెవరవు అని అడిగాడు 

.

అందుకు ఆ రాక్షసి " రావణో నామ మే భ్రాతా బలీయాన్ రాక్షసేశ్వరః " 

.

విశ్రవసుని కుమారుడైన రావణుడు నా సోదరుడు ,వాడు మహా బలవంతుడు .

ఎల్లప్పుడూ నిద్రలో ఉండే కుంభకర్ణుడు,ధర్మాత్ముడు రాక్షస ప్రవృత్తిలేని విభీషణుడు కూడా నా సోదరులే అని పలికింది.

.

పరాక్రమవంతులైన ఖరదూషణులు నా సోదరులు.

.

రామా !నేను వాళ్ళెవరినీ లెక్క చేయను.నిన్ను తొలిసారిగా చూసిన దగ్గరనుండీ మనోభావముచేత నిన్ను భర్తగా అనుకున్నాను.నా ఇష్టము వచ్చిన చోటికి విహరింపగల శక్తి నాకున్నది ,

.

రా ! నాతొ ఉండు నా భర్తగా ఉందువుగాని ఈ సీతతో నీకేమి పని ?

.

ఈ సీత ఆకారము ,రూపములో కూడా వికారముగా ఉన్నది.నీకు తగినది కాదు ,నేనే నీకు తగిన దానను ,నన్ను భార్యగా పొందు. ఈ మనుష్య స్త్రీ ఆకారమేమిటి ఇలా ఉన్నది? ఈమె పొట్ట లోనికిపోయి అణగి ఉన్నది దీనిని తినివేస్తాను నేను.

.

మనమిరువురమూ కలిసి దండకారణ్యములో స్వేచ్చగా విహరిద్దాము , అని పలికింది .

.

దాని మాటలన్నీ విన్న రాఘవుడు చిరు నవ్వుతో ఇలా అన్నాడు.

.

జానకిరామారావు వూటుకూరు

రామాయణమ్ 129

 రామాయణమ్ 129

..............

గోదావరిలో స్నానము చేసి సకల దేవతార్చనము పూర్తి చేసి తిరిగి పర్ణశాల చేరుకొని సుఖంగా ముగ్గురూ కబుర్లు చెప్పుకుంటూ  ఉన్నారు  .

.

అప్పుడు.

ఒక ముసలి రాక్షస స్త్రీ ,అక్కడకు వచ్చి  దగ్గరగా రాముడిని చూసింది .

.

నయనమనోహరంగా కనబడ్డాడు రాముడు దానికి ,విశాలమైన వక్షస్థలం,బలిష్ఠమైన బాహువులు,విచ్చిన తామరపూవుల వంటి కన్నులు ,నల్లకలువ వంటి శరీర ఛాయ ,మన్మధునివంటి సౌందర్యముతో మహేన్ద్రుడిలాగా ఠీవిగా ఉన్నాడు రాముడు.

.

రాముడిని చూడగానే దాని మనస్సును మన్మధబాణాలు సూటిగా వేగంగా వచ్చి తాకాయి.

.

రాముడి ముఖము చాలా అందముగా ఉన్నది,

దాని ముఖము వికృతము!

.

రాముడి నడుము సింహపు నడుములాగా సన్నగా ఉన్నది దానిది బాన పొట్ట .

.

ఆయన నేత్రాలు విశాలము ,

దాని నేత్రాలు వికారము!

.

ఆయనది నల్లని జుట్టు

,దానిది రాగి జుట్టు

.

చూసేవారి కన్నులకు ఆనందము కలిగించే రూపము ఆయనది,

దానిది భయంకరమైన రూపము.

.

ఆయన కంఠ ధ్వని మధురము ,

దాని పలుకులు కర్ణ కఠోరమైనవి.

.

ఆయన నవయవ్వనుడు

 ఆవిడ వృద్ధురాలు

.

ఆవిడ  పేరు శూర్పణఖ ఆవిడ  రావణుడి చెల్లెలు!  . 

.

రాముడిని సమీపించి రాముడితో ఎవరు నీవు? భార్యా సమేతుడవై,ధనుర్బాణాలు ధరించి ముని వేషముతో ,రాక్షస నివాస ప్రాంతమునకు ఎందుకు వచ్చావు,నీకు ఏమి పని ఇక్కడ అని పలికింది.

.

జానకిరామారావు వూటుకూరు

రుద్రాక్ష మాల

 రుద్రాక్ష మాల ధరించుటకు పాటించవలసిన ముఖ్య నియమాలు  -


 *  రుద్రాక్ష మాల ధరించాలనుకునేవారు పంచాక్షరి మంత్రాన్ని 108 సార్లు జపించి ఆవుపాలతో శుద్ధిచేసి ధరించగలరు.


 *  సంవత్సరానికి ఒకసారి రుద్రాక్ష అధిష్టాన దేవత పూజ చేయించి ఆ పూజలో రుద్రాక్షమాలను ఉంచి మరలా ధరించవలెను .


 *  ఎల్లప్పుడూ రుద్రాక్ష మాలని ధరించువారు కనీసం సంవత్సరానికి ఒకమారు ఆ రుద్రాక్ష మాలకు " మహన్యాసపూర్వక ఏకాదశ రుద్రాభిషేకం " చేసినచో చాలా మంచిది .


 *  రుద్రాక్ష మాలను బంగారంతో గాని వెండితో గాని చుట్టించుకొని తీసుకువచ్చి గంగాజలంతో శుభ్రపరచి , పంచామృతాలతో శుద్దిచేసి ఆయా రుద్రాక్ష యొక్క అధిష్టాన దేవత మందిరంలో ఉంచి పూజించి ధరించవలెను .


 *  రుద్రాక్షమాలను ధరించవలసిన తిథులు పౌర్ణమి , త్రయోదశి , చతుర్దశి , మహాశివరాత్రి , కార్తీకమాస సోమవారముల యందు ధరించవలెను .


 *  రుద్రాక్షలను రుద్రాక్ష పూజా మంత్రములతో పూజచేయకుండా ధరించిన ఫలితం ఉండదు.


 *  రుద్రాక్షలు కొన్ని సంవత్సరాల పాటు మన్నికగా ఉండవలెను అనిన వాటికి ఆవునెయ్యి నెలకొకమారు రాయవలెను.


 *  ప్రతినిత్యం స్నానం చేయునపుడు రుద్రాక్షమాల తీసి పక్కన పెట్టి స్నానం చేయుట మంచిది .


 *  రుద్రాక్షలతో ముత్యాలు , పగడములు , స్పటికములు , శంఖాలు , తులసి పూసలు , నవరత్నాలు కలిపి ధరిస్తారు . ఇలా ధరించేప్పుడు కనీసం రుద్రాక్షలు 27 గాని , 54 గాని ఉండవలెను .


 *  శివరాత్రి పర్వదినమున రుద్రాక్షలతో పూజ చేయుట చాలా శ్రేష్టం .


 రుద్రాక్ష ధారణకు శుభసమయ వేళలు  -


 *  మేష , కర్కాటక , తులా , మకర , కుంభ లగ్నముల యందు రుద్రాక్ష ధారణ చేయవలెను .


 *  అశ్వని , మృగశిర , పునర్వసు , పుష్యమి , హస్త , స్వాతి , అనూరాధ , శ్రవణం , రేవతి నక్షత్రాలలో రుద్రాక్ష ధారణ చాలా మంచిది .


 *  పంచమి , సప్తమి , దశమి , ఏకాదశి , త్రయోదశి , పౌర్ణమి తిథులలో ధరిస్తే మంచిది .


 *  సోమవారం  ధరిస్తే చాలా మంచిది . లేదా శనివారం కూడా ధరించగలరు . కృష్ణపక్షంలో (పౌర్ణమి తదుపరి బహుళపాడ్యమి నుండి అమావాస్య వరకు ) ధరిస్తే మంచిది .


 *  కార్తీకమాసంలో ధరిస్తే చాలా మంచిది . లేదా మార్గశిర మాసంలో కూడా ధరించవచ్చు . భాద్రపద , పుష్య , శ్రావణ , అశ్వయుజ మాసంలో కూడా ధరించవచ్చు .


 *  రుద్రాక్షమాల ధారణకు మహాశివరాత్రి పర్వదినం చాలా ఉత్తమం.


 రుద్రాక్షధారణ కు పాటించవలసిన నియమాలు -


 *  సోమరులు అయి ఉండకూడదు. సేవా కార్యక్రమాలు యందు ఆసక్తి కలిగిఉండవలెను.


 *  అపద్దాలు ఆడకూడదు . దయ, దాక్షిణ్యం , ఏకాంతం , క్షమాగుణములలో సాత్విక అభిప్రాయంతో , శాంతస్వభావులై ఉండవలెను .


 *  కామ, క్రోధ, లోభ, మోహ , మద మాత్సర్యాలను వదిలిపెట్టి సంప్రదాయ బద్ధమైన విషయాలను నిందించకూడదు .


 *  పాపాత్ములతో సావాసం చేయరాదు .


 *  వితంతువులు రుద్రాక్ష ధారణ చేయుట మంచిది .


 *  రుద్రాక్ష ధరించువారు ధూమపానం మానివేయవలెను .


 *  రుద్రాక్ష ధారణ చేసినవారు వెల్లుల్లి , నీరుల్లి , మద్యమాంసాదులు మానివేయవలెను .


   గమనిక  -


           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు "  అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.


           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.


            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.


      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 100 రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.


            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .


                  కాళహస్తి వేంకటేశ్వరరావు 


                         9885030034 


               అనువంశిక ఆయుర్వేద వైద్యులు

Kartika masam



 

సౌందర్య లహరి

 **దశిక రాము**


**సౌందర్య లహరి**


**శ్రీశ్రీశ్రీ చంద్రశేఖరేంద్ర సరస్వతీ స్వామి వారి భాష్యం**


ఇరవైయవ శ్లోక భాష్యం - ఆరవ భాగం


అమృతంతో సంబంధమున్న గరుత్మంతుడు ప్రజలను విషము నుండి రక్షిస్తాడు. చంద్రకాంత శిలామూర్తిగా అంబికను ధ్యానం చేసినవారు గరుడుని వలే పాముల విషాన్ని శమింప చేయగలడని ఆచార్యులవారంటున్నారు. “ససర్పాణాం దర్పం శమయతి శకుంతాధిప ఇవ”. 'శకుంతము' అంటే పక్షి. మేనకా విశ్వామిత్రుల సంతానము పక్షుల చేత పెంచబడి శకుంతల అయింది కదా! గరుత్మంతుడు శకుంతాధిపుడు పక్షిరాజు. 


ఈ శ్లోకం జపం చేయడం వలన పాముకాటు వల్ల ఎక్కినా విషము హరించడమేకాక, దోమవంటి కీటకముల వలన కలిగిన చలిజ్వరములు, వైరల్ జ్వరములు కూడా శమిస్తాయి. అంబికను అమృత కిరణమూర్తిగా ధ్యానించిన వారికి అమృతనాడి సిద్ధిస్తుంది. లేక సహస్రారంలో కురిసిన అమృతపు జల్లులకు అతడి నాడీమండలమంతా అమృత మయమవుతుంది. అమృత నాడులున్న అతడి దృష్టి జ్వరగ్రస్తుని పై పడితే చాలు, జ్వరం మటుమాయమయిపోయి అతడు సుఖిస్తాడు. 


“జ్వరపుష్టాన్ దృష్ట్యా సుఖయతి సుధాధార సిరయా”


అంబిక అరుణారుణమైన తనుచ్ఛాయతో నభోంత రాళములు ప్రకాశిస్తున్నట్లు ఆ కాంతితో భూమ్యాకాశములు నిండిపోయినట్లు భావించిన సాధకునికి వశీకరణ శక్తి లభిస్తుందని పద్దెనిమిదవ శ్లోకంలో చెప్పబడి ఉంది. సాధారణంగా అంబిక తనుచ్ఛాయ శుద్ధస్ఫటికం వలె ప్రకాశించేదే అయినప్పటికీ, శ్రీవిద్యాధిదేవతగా అంబిక అరుణవర్ణంతో ప్రకాశిస్తుందని చెప్పబడింది. అది శ్రీ విద్యాధిదేవత యొక్క ప్రత్యేకత. సూర్యోదయ కాలంలో ఆకాశమంతా అరుణిమతో ప్రకాశిస్తుంది కదా! అదే విధంగా భూమ్యాకాశములు, సమస్త బ్రహ్మాండము ఆమె తనుచ్ఛాయవలన అరుణారుణంగా ప్రకాశిస్తోందనే భావన చేయాలన్నమాట. వశీకరణ విషయంలో మనం వశీకరింపబడకూడదనే ఉద్దేశంతో నేనా శ్లోకాన్ని వ్యాఖ్యానించలేదు. అయితే అంబిక యొక్క ప్రత్యేకత అయిన ఈ అరుణ వర్ణం గురించి చెప్పుకోకుండా ఉండేదెలా? అదీకాక వశీకరణం యొక్క అంతరార్థం గురించి మనం చెప్పుకోవద్దా?


సొందర్యలహరిలోనూ మరి అటువంటి ఇతర శాక్త గ్రంథములలోనూ వశీకరణ, స్త్రీవశ్యము, మన్మథునిబోలిన గురించి బహుధా చెప్పబడి ఉంటుంది. ఆ మాటల అర్థాన్ని కేవలం వాచ్యార్థంగా తీసుకొంటే ప్రమాదమున్నది. ఒక వ్యక్తీ ఇంకొకరిని ఆకర్షించడానికి ప్రయత్నిస్తున్నాడంటే అర్థమేమిటి? అతడు వారిచే ఆకర్షించబడినాడన్న మాట. అందువల్లనే వశీకరణ మంత్రాలను ఉపయోగించి వారిని స్వంతం చేసుకోవాలని ప్రయత్నిస్తాడు. ఒకరు ధన కనక వస్తువాహనాది సంపదను సంపాదించి, వాటిని తాను స్వంతం చేసుకొన్నానని భావిస్తారు. నిజంగా జరిగేది ఏమంటే అతడు వాటిచేత స్వంతం చేసుకోబడ్డాడు. వాటికి బానిస అయినాడు. దీనికి తార్కాణమేమిటి? ఒకవేళ ఆ సంపద పోయినట్లయితే ఈతడి మతి చలించిపోతోంది కదా! ఏదో ఒక వస్తువునో, వ్యక్తినో వశీకరించుకోవాలని మంత్రజపం చేసే వ్యక్తి, తన వశ్య మంత్రానికి గమ్యమైన వస్తువు లేక కోరికకు బానిస అయిపోయాడు. అటువంటి వానికి అంబికను సదా తన హృదయంలో ఉంచుకొని ధ్యానిస్తూ క్రమశః ఆత్మసాక్షాత్కారం పొందే దారి మూసి వేయబడుతుంది.


మంత్రశాస్త్రాన్ని ఆవిష్కరించిన ఆచార్యుల వారి వంటి మహాపురుషులు ఒక మనిషి తన పరమగమ్యము చేరుకోవడానికి పయనించవలసిన దారిని మూసివేసే పద్ధతి ఉపదేశిస్తారని మీరనుకొంటున్నారా? అంబిక భక్తులు మనఃస్థితిని ఆచార్యులవారు “మృదితమల మాయేన మనసా” అని అభివర్ణిస్తారు. భక్తుని మనసు చెడ్డ ఆలోచనలకు, కోరికలకు దూరంగా మాయను అణచి ఉండే విధంగా ఉంటుందట. అంబిక భక్తుడు తుచ్ఛమైన వశీకరణాది విషయాల్లో మనస్సు పెట్టేవాడుకాదు. మాయ అనే మహా సర్పాన్ని కాళీయ మర్దనం చేసిన కృష్ణునివలె మర్దించేవాడు. కాబట్టి 'వశ్యము' అనేదానికి అంబికను ధ్యానించే సాధకుడు ఎటువంటి ఆకర్షణలకు బానిసకాడనీ, అతడి మనస్సు ఎప్పుడూ అతడి అధీనంలోనే ఉంటుందనీ అర్థం చెప్పుకోవాలి. అతడు వశీకరించు కొన్నాడన్న మాటకు ఆ వస్తువు అతనిలో ఐక్యమయిందనే అర్థం చెప్పుకోవాలి. గీతలో భగవానులు “సముద్రం ఆపః ప్రవిశంతి యద్వత్ తద్వత్ కామాయాం ప్రవిశంతి సర్వే” అంటారు. సముద్రం నదులన్నిటినీ తనవైపుకు లాగి తన అధీనంలోనికి తెచ్చుకొన్నట్లు - వశ్యమంటే తన వైపుకు లాగుకొనడమేకదా! నదులుగానీ, సముద్రం గానీ ఒకదాని కొకటి భిన్నంగా గుర్తించుకోలేవు కదా! సముద్రము నదులూ కూడా అద్వైత భావాన్ని పొది “శాంతిం ఆప్నోతి” శాంత స్థితిని పొందుతాయి.


(సశేషం)


కృతజ్ఞతలతో🙏🙏🙏


#KanchiParamacharyaVaibhavam #కంచిపరమాచార్యవైభవం

#ParamacharyaSoundaryaLahariBhashyam

🙏🙏🙏

సేకరణ

వేమన పద్యం *


 వేమన పద్యం *


తనువ  దెవరిసొమ్ము తనదని పోషింప, 

ధనమదెవరిసొమ్ము  దాచుకొనగ, 

ప్రాణ  మెవరిసొమ్ము పాయకుండగ  నిల్ప, 

విశ్వదాభిరామ వినురవేమ *


భావము =


మనిషి జన్మ పలు జన్మల పుణ్య సిద్ధి యని ఆర్యోక్తి. అలాంటి మనిషి పై, అతనిపై అతనికే అధికారములేదు, అది అంతా ఆ సర్వాంతర్యామి అయిన ఆ భగవంతుడు లీల. ఆయనే అన్ని నీకు సమకూర్చుతాడు, హరింపచేస్తాడు. ఈ సుందరమైన దేహం దేవుడిచ్చిన బహుమానం.  దీన్ని చూసుకుని మురిసిపోతూ ఉంటాము. ఎన్నాళ్లు  ఉంటామో ఈ సుందర రూపంతో తెలియని మనిషి తన అశాశ్వత రూపాన్ని ఎంతో ఆపురూపంగా చూచుకొన్నపటికి, ఆ దైవం ఆజ్ఞ కాగానే, నీది అనుకొన్న తనువు విడచి పోవాలిసిందే, ఇది అంతా నాది అనే ఆశతో దాచుకొన్న ధనము అంతా పరాధీనమై పోతుంది, ప్రాణము ను పోకుండా ఆపలేము, ఈ తనువు, ధనము, ప్రాణము,  అన్ని ఆ భగవంతుడు ఇచ్చినవి, ఈ లోకంలో ఆయన పిలవగానే అన్నిటిని విడచి ఆయన సన్నిధికి చేరుకోవలిసిందే.వున్న కొన్నినాళ్లు తోటి మనిషిని ప్రేమిస్తూ, సఖ్యత తో విరోధము లేక  జీవనమ్ సాగించటమే మనిషి ధర్మం.   ఇది ఈ నాటి వేమన పద్య భావన.


మీరు రాజబాబు 😷🎹🎼🎤

శాస్త్రోక్తంగా శ్రీ పద్మావతి అమ్మవారి పంచమీ తీర్థం

 శాస్త్రోక్తంగా శ్రీ పద్మావతి అమ్మవారి పంచమీ తీర్థం


తిరుప‌తి, 2020 నవంబ‌‌రు 19: సిరుల‌త‌ల్లి శ్రీ పద్మావతి అమ్మవారు అవతరించిన పంచమి తిథిని పురస్కరించుకుని కార్తీక బ్రహ్మోత్సవాల్లో చివరి రోజైన గురువారం పంచమీ తీర్థం(చక్రస్నానం) శాస్త్రోక్తంగా జరిగింది. ఆల‌యం వ‌ద్ద‌గ‌ల వాహ‌న మండ‌పంలో ప్రత్యేకంగా ఏర్పాటు చేసిన చిన్న పుష్కరిణిలో ఉద‌యం 11.52 గంటలకు కుంభ లగ్నంలో పంచమీ తీర్థం(చక్రస్నానం) ఘట్టం శాస్త్రోక్తంగా నిర్వహించారు. 


ఉదయం 7 గంటల నుండి 8 గంటల వరకు శ్రీ పద్మావతి అమ్మవారి పల్లకీ ఉత్సవం ఆలయంలో నిర్వహించారు. అనంతరం అమ్మవారికి ఆస్థానం నిర్వహించి ఉత్సవర్లను ఊరేగింపుగా వాహన మండపానికి వేంచేపు చేశారు. 


తిరుమల శ్రీవారి ఆలయం వద్ద తెల్లవారుజామున 4.30 గంటలకు బయలుదేరిన సారె ఉదయం 9.00 గంటలకు తిరుచానూరు అమ్మవారి ఆలయానికి చేరుకుంది. సారెను అమ్మవారికి సమర్పించి శాస్త్రోక్తంగా పూజలు నిర్వహించారు. 


అమ్మవారికి శ్రీవారి ఆలయం నుండి ఆభరణాలు :


ఈ సందర్భంగా 112 గ్రాములు బ‌రువుగ‌ల బంగారు పతకం, 249 గ్రాములు బ‌రువుగ‌ల ప్లాటినం లక్ష్మీ పతకం, దశావతారముల బిళ్లలు కలిగిన ప్లాటినం చైను సారెతో పాటు ఊరేగింపుగా తీసుకొచ్చి అమ్మవారికి అలంకరించారు.


శోభాయ‌మానంగా స్న‌ప‌న‌ తిరుమంజ‌నం


 వాహన మండపంలో అమ్మవారికి, చక్రత్తాళ్వార్‌కు ఉదయం 10 గంటల నుండి 11.30 గంటల వరకు వేడుకగా స్నపన తిరుమంజనం నిర్వహించారు. ఇందులో పాలు, పెరుగు, తేనె, పసుపు, చందనం, కొబ్బరినీళ్లతో విశేషంగా అభిషేకం చేశారు.


నెమలి ఈకలు, యాలకులు, నెల్లి, ఫైనాపిల్, బ్లాక్ క్యాన్ బెర్రీ, లిల్లీ, తులసి, ఆర్కాడ్ పూలతో రూపొందించిన మాలలు, కిరీటాలు ప్ర‌త్యేక ఆక‌ర్ష‌ణ‌గా నిలిచాయి. 


తిరుపూర్ కు చెందిన దాతలు ఈ మాల‌ల త‌యారీకి విరాళం అందించారు. సేలంకు చెందిన కళాకారులు ఈ మాలలను రూపొందిచారు. 


ఆకట్టుకున్న ఫలపుష్ప మండపం:


టీటీడీ గార్డెన్ విభాగం ఆధ్వర్యంలో తామరపువ్వులు, ఆపిల్, గ్రీన్ ఆపిల్, రోజా, సంపంగి, ఆరు రకాల కట్ ఫ్లవర్స్ తో వాహన మండ పాన్ని ప్రత్యేకంగా అలంకరించారు. 


కాగా రాత్రి 7 నుండి 7.30 గంటల వరకు బంగారు తిరుచ్చి వాహనంలో అమ్మవారి ఉత్సవర్లను ఆలయంలో ఊరేగించనున్నారు. అనంతరం రాత్రి 8 నుండి 9.30 గంట‌ల వ‌ర‌కు శాస్త్రోక్తంగా ధ్వజావరోహణం జరుగనుంది.