23, సెప్టెంబర్ 2022, శుక్రవారం

దానవుడు మానవుడు

 దానవుడు..

                  మానవుడు..

                                     దేవుడు

                   


మానవునకు రోగం కలిగించేది పాపం.

పాపం చెయ్యకూడదు అని తెలిసినా చేస్తాడు మనిషి పాపం.


మానవునకు భోగం కలిగించేది పుణ్యం.

పుణ్యం చేస్తే మంచిది అని తెలిసినా, పుణ్యం చెయ్యడానికి యిచ్చగించదు మనసు.


మానవుని భవిష్యత్తు నిర్ణయించేది కర్మ.

నీ స్వకీయ కర్మను అంకిత భావంతో చేసుకో మంటాడు పరమాత్మ. అలా చేసుకుంటే - నీకు మోక్షం కూడా యిస్తానన్నాడు భగవద్గీత 18-46 శ్లోకంలో.

అయినా మనసు యిచ్చ గించదు.


మానవునకు లాభం కలిగించేది సేవ.

సర్వ ప్రాణులకు చేసిన సేవ మాధవ సేవే ఔతుంది -అని, పదే పదే చెప్పాడు పరమాత్మ కానీ, అంతా నాకే కావాలంటాడు మనిషి.


మానవునకు సంపాదన నిలిపేది పొదుపు.

బిందువు + బిందువు కలిస్తేనే సింధువు అయ్యింది అని తెలుసు మనిషికి! కానీ కొంచెం + కొంచెం కూడ బెడితే కొండంత అవుతుంది అని తెలిసినా - ఒకేసారి కొండంత అయిపోవాలంటాడు మనిషి.

ఇటుక + ఇటుక పేరిస్తేనే ఇల్లు ఔతుంది. ఓకే రోజు ఇల్లు పూర్తైపోవాలంటాడు మనిషి.

విత్తనం పెట్టి, నీరు + ఎరువు వేసి కొన్ని సంవత్సరాలు పెంచితే, చెట్టు ను జాగ్రత్తగా కాపాడితే - బ్రతికి నన్నాళ్ళు ఫలాలు యిస్తుందని తెలిసినా, ఓర్పు వుండదు మనిషికి.


మానవుని విలువ పెంచేది దానం.

మనకున్న దాంట్లో, మనకన్నా లేని వాళ్లకు దానం చెయ్యాలి. నీవుఒక చేత్తో దానం చేస్తే - నీకు పది చేతుల్తో సహాయం చేస్తాడు దేవుడు.

దానం చెయ్యాలి!          మానాన్న నాచేతికిచ్చి, నాచేత్తో దానం చేయించేవాడు.

అంటే, నాకు దానగుణం నేర్పాడన్న మాట.


దయగల హృదయమే భగవన్నిలయము.

మానవునకు నష్టం కలిగించేది హింస.

’అహింసా పరమోధర్మహః’- అని శాస్త్రం చెప్పినా, మనిషి హింస మానడు. [బోయవాడు కొల్లేరు (నీటి సరస్సు)లో పట్టిన పక్షుల్ని మావూర్లో అమ్మడానికి వచ్చే వాడట. మొత్తం పక్షుల గుట్టను క్రిందికి దింపించి - కట్లు (హరిః ఓమ్ హరిః ఓమ్) విప్పించే వాడట మాతాత. బేరమాడి, కాళ్ళు + రెక్కలు బాగా వున్న పక్షుల్ని మొత్తంగా కొని పక్షుల్ని వదిలేసే వాడట మాతాత. అది అహింసకు పరాకాష్ట].  


తన తొడ నుండి మాంసం కోసి బోయ వాడికి (తాను పట్టుకున్న పావురాయికి బదులు) యిచ్చిన శిబి చక్రవర్తి ఈ దేశంలో పుట్టిన వాడే గదా! మాతాతకు శిబిచక్రవర్తి ఆదర్శం.


మానవునకు అశాంతి కలిగించేది ఆశ.

ఉన్నదానితో సంతృప్తి పడటం నేర్చుకోవాలి. ఆశకు మితం ఏముంది?

మానవునకు శాంతి కలిగించేది తృప్తి.

తినుటకు జీవించువాడు బద్ధుడు, జీవించుటకు తినువాడు ముక్తుడు. Eat to live, do not live to eat.


మానవునకు దుఃఖం కలిగించేది కామం.

Desire is the root cause of all evils. It is an insatiable demand _ కోర్కెలు తీరేవి కావు. కోర్కెల్ని తీర్చలేము.


మానవుని పతనం చేసేది అహంకారం.

’అహంకారం, బలం, దర్పం, కామం, క్రోధం, పరిగ్రహా’ లను వదిలేస్తే మోక్షం యిస్తానన్నాడు పరమాత్మ  భగవద్గీతలో.


మానవునకు అందరిని దగ్గర చేసేది ప్రేమ.

Serve, Love, Give, Purify, Meditate, Realise.


మానవునకు అందరినీ దూరం చేసేది అసూయ.

కేవలం అసూయతో దుర్యోధనుడు వంశవినాశనానికి కారకు డౌతాడు.


మానవుని స్థితిని సూచించేది గుణం.

అన్నింటికీ మూలకారణం గుణమే. మంచి గుణం తయారు చేసుకోవాలి. చెడుగుణాల్ని వదిలి మంచి గుణాల్ని పోగు జేసుకోవాలి. అప్పుడు మనలో దైవత్వం చేరుతుంది.


మానవుని దైవంగా మార్చేది "దయ!"


మానవుని ఆత్మస్థితి తెలిపేది వాక్కు.

తియ్యగా మాట్లాడటం నేర్చుకోవాలి. ‘అనుద్వేగకరం వాక్యం సత్యం ప్రియహితం చయత్’ - అని భగవద్గీత చెప్పింది.


మానవునకు విజయం చేకూర్చేది "ధర్మం"

మానవుని గొప్పవాడిగా చేసేది "తత్వజ్ఞానం".

మానవునకు ముక్తి నిఇచ్చేది "సత్యం".

మానవుని అన్ని రకాలుగా సంస్కరించేది "ధ్యానం".

మరొకటి లేదు ..

 *ఖర్చులేని స్వర్గం!*

               ➖➖➖✍️


 *వాకింగ్ కి నడుచుకుంటూ వెళ్లినప్పుడు, అలసిపోయి కూర్చున్నప్పుడు, నా పక్కన ఉన్న వ్యక్తి, ‘ఈరోజు ఏదైనా మంచి విషయాలు చెప్పండి!’ అన్నాడు.*


*కాసేపు ఆలోచించి…“స్వర్గానికి ప్రవేశం ఉచితం, నరకానికి వెళ్లాలంటే బోలెడు డబ్బు ఖర్చుపెట్టాలి,” అన్నాను.*


*ఆశ్చర్యంగా అతను నా వంకచూసి “అదెలా?” అన్నాడు.*


*నేను చిన్నగా నవ్వి, ఇలా అన్నాను.. “జూదం ఆడటానికి డబ్బు కావాలి, మత్తు పానీయాలు త్రాగడానికి డబ్బు కావాలి, వ్యసనాలకు  డబ్బు కావాలి, పాపాలతో పయనించడానికి డబ్బుకావాలి, ఇలా ఇంకా, ఇంకా ..* 


కానీ, *ప్రేమను పంచడానికి డబ్బు అవసరం లేదు, దేవుణ్ణి ప్రార్థించడానికి డబ్బు అవసరం లేదు, సేవచేయడానికి డబ్బు అవసరం లేదు, అప్పుడప్పుడు ఉపవాసం (ఆరోగ్యంపై శ్రద్ధ చూపడం కోసం) ఉండడానికి డబ్బు అవసరం లేదు, క్షమించమని అడగడానికి డబ్బు అవసరం లేదు, మన చూపులో కరుణ, సానుభూతి, మానవత్వం చూపడానికి పెద్దగా డబ్బు అవసరంలేదు!*

 

 *దేవుడిపై నమ్మకం ఉండాలి, మనపై మనకు ప్రేమ, విశ్వాసం ఉండాలి, ఇప్పుడు చెప్పండి ..* 


*డబ్బు ఖర్చు చేసి నరకానికి వెళ్ళడానికి ఇష్టపడతారా ? ఉచితంగా లభించే స్వర్గం సుఖభోగాలకు ఇష్టపడతారా ? ఆలోచించండి ..*


 *సత్సంగత్వే నిస్సంగత్వం !* 

 *నిస్సంగత్వే నిర్మోహత్వం !!* 

 *నిర్మోహత్వే నిశ్చలతత్వం !* 

 *నిశ్చలతత్వే జీవన్ముక్తి: !!* 


*సత్పురుషులు ..*  *మార్గదర్శనం* 

*సత్సంగత్యం ..* *సహవాసం* 

*సత్ప్రవర్తన ..* *జీవించడం* 

*మించి, ఈ  భౌతిక  ప్రపంచంలో  ఇంకొకటి,  మరొకటి  లేదు ..

  🌷🙏🌷


   🙏లోకా సమస్తా సుఖినోభవన్తు!🙏

అంతర్నేత

 ☘️అంతర్నేత☘️


*అన్ని పనులూ అయిపోయాక, కొన్ని క్షణాలు కళ్లు మూసుకుని ప్రశాంతంగా కూర్చోవటం సాధారణంగా మనలో చాలామందికి అలవాటు ఉండదు.*


 *చక్కగా కళ్లు మూసుకుని కూర్చోవడం ఒక కళ. ఆ కళను అభ్యసించాలి. ఈ గందరగోళ జీవితంలో ప్రశాంతంగా కూర్చోవడం సాధ్యపడటం లేదు. నిర్మలమైన ఆకాశాన్ని చూడటం మరిచిపోయాం. నిశ్చలమైన మనసును అనుభూతి చెందటం మనకు తెలియటం లేదు.*


*కళ్లు మూసుకున్నంత మాత్రాన ప్రపంచం మనల్ని వదలిపోదు. బాహ్య ప్రపంచాన్ని విడిచిపెట్టి అంతరంగ ప్రపంచంలోకి ప్రవేశిస్తాం. లోపల ఎన్నో అద్భుతాలు. ఓ చిన్న కనురెప్ప రెండు ప్రపంచాలను వేరుచేస్తూ, కలుపుతూ ఉంటుంది.*


*కళ్లు మూసుకుని లోపలికి వెళుతున్న కొలది, కళ్లు తెరుచుకుని చూస్తున్నప్పుడు కనిపించేదంతా ఓ కలగా, మాయగా చివరికి శూన్యంగా మారిపోతుంది. అక్కడ గొప్ప ప్రశాంతత ఉంటుంది.*


*ఒక గురువు కళ్లు మూసుకుని కూర్చుని ఉన్నాడు. అతణ్ని ఓ వ్యక్తి సమీపించి 'మీరు చేస్తున్నది ఏమిటి?' అని అడిగాడు.*


*'లోపల చూస్తున్నాను' అని ఆ గురువు చెప్పాడు. ఆ వ్యక్తి గందరగోళంలో పడిపోయాడు.*


*'కళ్లు మూసుకుని చూస్తున్నారా?' ఆశ్చర్యపోతూ అడిగాడు.*


*'అవును... అదే నిజమైన చూపు'*


*కళ్లు తెరుచుకున్నప్పుడు అవి అనంతంలోకి చేరుకోగలవు. కాని అవే కళ్లు మూసుకుని లోపలికి చూసినప్పుడు అనంతత్వపు ద్వారాలు తెరుచుకుంటాయి. అక్కడ మన స్వస్వరూపం కనిపిస్తుంది. అప్పుడే విశ్వరూపం బయటపడుతుంది.*


*కనిపిస్తున్న దృశ్యాన్ని ప్రతి ఒక్కరూ చూడాలని అనుకుంటారు. ఆ దృశ్యాన్ని ప్రదర్శిస్తున్నవాణ్ని చూడాలని అనుకోరు. ఈ అందాలకు, ఆనందాలకు, అనుభూతులకు కారణం... లోపల ఉంది.*


*రబియా అనే ఒక యోగిని ఉండేది. ఓ సుందరమైన ప్రభాతవేళలో ఎవరో 'రబియా! కుటీరంలో ఏం చేస్తున్నావు? బయటికి రా, ఇక్కడి కొచ్చి చూడు. ఎంత అందమైన ఉదయాన్ని సృష్టించాడో దేవుడు!' అన్నారు.*


*కుటీరం లోపలి నుంచి రబియా ఇలా అంది. 'నీకు బయట కనిపిస్తున్న ఆ సుందర ఉదయాన్ని సృష్టించిన వాణ్ని నేను ఇక్కడి నుంచే చూస్తున్నాను. ఓ మిత్రుడా! నువ్వే లోపలి కొస్తే మంచిది. బయట ఉన్న ఏ అందమూ అందం అనిపించుకోదు- ఇక్కడున్న అందం ముందు!'*


*దర్శింపజేస్తున్న వాణ్ని దర్శించాలి!*


*కాని, కళ్లు మూసుకునే ఉంటాం. లోపల ఉండం. ఎప్పుడూ బయటే ఉంటాం. మూసుకున్నంత మాత్రాన కళ్లు మూతపడతాయా? కళ్లు మూసుకున్నా బయట దృశ్యాలు వేదిక మీద ప్రదర్శించే దృశ్యాల్లా అలా వెంటాడుతూనే ఉంటాయి.*


*కనురెప్పలు మూతపడటం- కళ్లు మూసుకోవడం కాదు. కళ్లు మూసుకోవడం అంటే లోపలికి దిగి వస్తున్న కలల నుంచి, ఆలోచనల నుంచి స్వేచ్ఛను పొందడం.*


*కళ్లు మూసుకోవడం అంటే- దృశ్యాలన్నీ మాయమైపోయి అంతరంగంలో నిశ్చలంగా ఉండిపోవడం. కళ్లు మూసుకోవడం అంటే, నిశ్చలానందాన్ని అనుభవించడం. కళ్లు మూసుకోవడం అంటే, దివ్య చైతన్యాన్ని నీ ముందర సాక్షాత్కరింప జేసుకోవడం. అదే సత్యం.*


*అదే బ్రహ్మానంద పారవశ్యం. అదే జగత్తును ఆడిస్తున్న క్రీడ. అదే శివం. అదే సుందరం.*


*చూపు మారితే సర్వస్వమూ మారుతుంది!☘️

మహత్తు

 మంత్రం మహత్తు తెలుసుకుందాం. 


మన ప్రాచీన ఋషులు, ద్రష్టలు సామాన్య జనజీవన ఉధ్ధారణ కోసం, సామాన్య గృహస్థ జీవన సమస్యా పరిష్కారాల కోసం, లోక వ్యవహరిక రీతులు కాకుండా ఆధ్యాత్మిక శక్తి సంపన్నమైన ఒకానొక విధానం ద్వారా ఇహం లోని సమస్యలు పరిష్కారం అయి, పరం యందలి పరమాత్మ అనుగ్రహం కోసం కూడా లభించడం కోసం కనుగొన్న విధానమే మంత్ర శాస్త్రం.


శబ్దానికి కల ప్రభావమే మంత్రం. మాట మంత్రం. మాట వేదమనే మాట సత్యమైనది. ఎందుకు అంటే మన పెద్దలు "మాట ఆచి తూచి మాట్లాడండి,మనం మాట్లాడే మాటలోనే మంచి కానీ, చెడు కానీ, భాధకానీ, సంతోషం కానీ కలుగుతాయి. ఒక సారి పెదవి దాటిన మాట పృథ్వి దాటుతుంది అంటారు. మాటను వెనక్కి తీసుకోలేం అంటారు.


మాటతో మనిషిని నొప్పించడం అనేది హింసించడమే అవుతుంది. అంటే మాటకు అంత బలం ఉంది అని అర్థం.


బాష తెలిసినా తెలియకపోయినా శబ్దోచ్చారణని బట్టి మాట్లాడే మనిషి మనోబావం, కోపమా, తాపమా, సంతోషమా, దుఃఖమో ఏదో తెలుసుకోవచ్చు. శబ్దానికి కల ప్రభావం ఎటువంటిది అంటే చక్కటి పాట వింటే పరవశులం అయిపోతాం. 


ఎవరైనా కోపం తో మాట్లాడుతూ ఉంటే బాధపడతాం. అలాగే సంగీతం వినిపించి వ్యాధులను నయం చేయడం, సంగీతం వినిపించి మొక్కలు ఏపుగా పెంచడం వంటివి మనం గమనించాము కూడా. పరిశోధనాత్మక నిరూపణ కూడా అయింది. 


పురాతన కాలం నాటి మాట కాదు 19 వ శతాబ్దంలోని మాటే! అమెరికా లో రూథర్ బర్ బంక్ అనే మహనీయుడు విశాలమైన తన తోటలో పెంచే అనేక మొక్కలకు వివిధ దశల్లో సంగీతం వినిపిస్తూ ఉండే వాడు. ముళ్ళతో పెరిగే చెట్లతో మృదువుగా మాట్లాడుతూ, నీకు ముళ్ళు ఎందుకు!? నిన్ను ఎవరైనా బాధ పెడితే నిన్ను నువ్వు కాపాడుకోవడానికా !? ముళ్ళు లేకుండా ఉంటే అందరూ నీ దగ్గరకు వస్తారు. మృదువుగా నిన్ను తాకి మెచ్చుకుంటారు. ఇలా మాట్లాడుతూ, మృదువైన సంగీతం వినిపిస్తూ క్రమ క్రమంగా ఆ చెట్లు ముళ్ళు లేకుండా పెరిగే విధంగా చేశాడు. ఈ పద్దతి లో ఆయన అతి పెద్ద బంగాళా దుంప పెంచాడు. దాన్ని బర్ బాంక్ పొటాటో అంటారు. లాస్ ఏంజిల్స్ నగరంలో బర్ బాంక్ అని ఆ యొక్క మహానుభావుడి జ్ఞాపక చిహ్నంగా ఒక పేట కూడా ఉంది ఇప్పటికీ కూడా. 


మఱ్ఱి చెట్టుకి బర్ బాంక్ బాష అర్థం అయింది అనుకుందామా ? లేదు. మర్రి అందులోని భావం అర్థం అయిందా అంటే అది కూడా కాదు. ఆయన స్వరంలోని శబ్ద మాధుర్యం వాటికి జీవం పోసాయి. ఆయన వినిపించే సంగీతం వాటిని ప్రభావితం చేసాయి. అంటే శబ్దానికి కల ప్రభావం అది అని మనం అర్థం చేసుకోవాలి. 


కాబట్టి అర్థం తో నిమిత్తం లేకుండా శబ్ద ప్రాధాన్యత తో కొన్ని మాటలు లేక శబ్దాలు వెలిశాయి. అవి మహ ఋషులు తమ ధ్యానం లో దర్శించి బయటకు వచ్చిన శబ్దార్దాలు. 


ఒక నిర్ణీత క్రమంలో చేయబడిన శబ్దాలు. పసి పిల్లలకు మనం జోలపాడుతాం. ఆ జోలపాటలు అర్థం వాడికి తెలుసా!? తెలియదు కదా!? కానీ ఆ పాటలోని లయ వాడిని హాయిగా నిద్ర పుట్టిస్తుంది.


ఒక శబ్దం చుట్టుపక్కల పరిసరాల మీద, లేక ఆ శబ్దం ఉఛ్ఛరించే వ్యక్తి మీదా చూపే ప్రభావమే మంత్రం. మంత్రం వాగ్రూపం. వాక్కు నాలుగు విధాలుగా విబజింపబడి పరా, పశ్యంతి, మధ్యమ, వైఖరి అని ఏర్పడ్డాయి. వీటిలో మూడు అంతరంగంగా ఉంటాయి. ఓకే ఒక్క వైఖరీ వాక్కునే మానవులు పలుకుతున్నారు . పరా వాక్కు ఆది పరాశక్తికి సంబంధించినది. పశ్యంతిబింద్వాత్మకము. మధ్యమా నాదాత్మకము. వైఖరీ బీజాత్మకము. 


సేకరణ. మానస సరోవరం 👏

22, సెప్టెంబర్ 2022, గురువారం

క్యాల్షియం

 క్యాల్షియం గురించి వివరణ - 1 . 


     మానవ దేహములో క్యాల్షియం ఎముకల పెరుగుదలకు , దంతాలు గట్టిగా ఉండి ఎదుగుటకు ప్రముఖ పాత్ర వహించును . 70 కిలోలు ఉన్న మానవ దేహము నందు సుమారుగా 1 కిలో క్యాల్షియం వివిధ లవణాలతో సంయోగం చెంది ఉండును . 


    క్యాల్షియం ఎక్కువుగా అవసరం అయ్యే పరిస్థితులు - 


 *  గర్భవతులుగా ఉన్న స్త్రీలు , పాలిచ్చు బాలింతలకు క్యాల్షియం చాలా ఎక్కువ అవసరం అగును . 


 *  ప్రమాదవశాత్తు గాయపడినప్పుడు కలుగు రక్తస్రావములో రక్తం గడ్డకట్టుటకు క్యాల్షియం అవసరం అగును . 


 *  విటమిన్ B12 శరీరం సంగ్రహించుటకు , కొన్ని ఎలర్జీ కేసులలో కూడా క్యాల్షియం అవసరం అగును . 


  క్యాల్షియం ఎక్కువుగా ఉన్న ఆహారపదార్దాలు - 


  పెద్ద ఉల్లి , ఆకుకూరలు , మునగ , గుడ్డు యందలి పచ్చసొన , చిక్కుడు మొదలగు ఆహారపదార్థాలలో క్యాల్షియం విరివిగా లభ్యం అగును . 


        గర్భిణీ స్త్రీలకు , బాలింతలకు ప్రతిరోజూ 1000 నుండి 1200 మిల్లీగ్రాముల క్యాల్షియం అవసరం అగును . సాధారణ ప్రజానీకానికి మాత్రం రోజుకు 400 నుండి 500 మిల్లీగ్రాముల క్యాల్షియం అవసరం అగును . 


  క్యాల్షియం గ్రహించుట మరియు విసర్జించుట - 


       క్యాల్షియం శరీరం సంగ్రహించుటకు అనేక పరిస్థితులు అనుకూలంగా ఉండవలెను . ముఖ్యముగా శారీరక ఆరోగ్యము పైన , జీర్ణాశయము నందలి చిన్నప్రేగుల పరిస్థితి పైన , ఆవ్యక్తి తీసుకొనే విటమిన్ల పైన అధారపడి ఉండును . 


               సాధారణముగా మలమూత్ర విసర్జన ద్వారా క్యాల్షియం శరీరం నుండి బయటకి వెడలిపోతుంది . శరీరానికి తగినంత క్యాల్షియం లేకపోవడాన్ని వైద్యులు   " హౌపో కాల్షిమియా " అంటారు . ఇలా క్యాల్షియం లోపించడానికి ముఖ్య కారణం మనము తీసుకునే ఆహరంలో A , B12 , D మరియు C విటమిన్స్ , ఫాస్ఫరస్ మొదలైనవి లోపించినప్పుడు కూడా క్యాల్షియం తగ్గును . ఇలా క్యాల్షియం లోపించినవారికి కండరాల నొప్పులు కలుగును . ఈ క్యాల్షియం మన శరీరం సంగ్రహించుటకు ముఖ్యమైనది సూర్యరశ్మి . ఈ సుర్యరశ్మి వలెనే క్యాల్షియం ఒంటబట్టించు విటమిన్ D మన శరీరము నందు తయరగును . కావున ప్రతిరోజు సుర్యరశ్మి మన శరీరముకు తగులునట్లు చూసుకోవలెను . 


   క్యాల్షియం లోపించుట వలన కలుగు బాధలు  - 


 * దొంతర పళ్లు పెరుగుట . 


 *  ఏ కొంచం పనిచేసిన అలిసిపోవుట . 


 *  పనిచేయాలనిపించక బద్ధకముగా ఉండటం . 


 *  చలికి తట్టుకోలేకపోవుట . 


 *  ప్రతి చిన్నపనికి అతిగా ఆందోళన చెందుట . మరణ భయం కలుగుట . 


 *  చలికాలము నందు కూడా తలచుట్టూ చెమటపట్టుట . వంటి భాధలు క్యాల్షియం లోపించటం వలన కలుగును . 


         మరింత విలువైన సమాచారం తరవాతి పోస్టు నందు వివరిస్తాను . 


 

         మరింత విలువైన సమాచారం కొరకు నా గ్రంథములు చదవగలరు . 


   

కంపవాతము

 కంపవాతము  ( parkinsonism ) రావడానికి గల కారణాలు - లక్షణాలు . 


   ఆయుర్వేద శాస్త్రం నందు పార్కిన్సన్స్ వ్యాధిని కంపవాతం అని అంటారు. ఈ వ్యాధి పుర్తిగా నరములకు సంబంధించిన వ్యాది. మెదడులో     "డోపమైన్ " , నార్ - ఎపినెఫ్రిన్ , సిరోటినిన్ , ఎసిటైల్ కొలిన్ , కొలిస్ట్ స్టాకిన్ -8 , సబ్ స్టెన్సు -p మెటాక్ ఫాలిన్ మరియు ల్యూ ఎన్ ఏ ఫాలిన్ మొదలయిన హార్మోన్స్ అస్తవ్యస్తంగా తయారు అవుతాయి. దీని పరిణామమే పార్కిన్సన్ వ్యాది. దీనితో పాటు మెదడు వాపు , మెదడులో గడ్డలు ఏర్పడటం , మెదడుకు రక్తప్రసరణ లోపించడంతో పాటు కార్బన్ మోనాక్సయిడ్ పాయిజనింగ్ లు కూడా కారణాలుగా గమనించాలి . ఇది వాతప్రకోప వ్యాధిగా ఆయుర్వేదం నందు చెప్పబడినది. 


  ఈ వ్యాధి లక్షణాలు - 


 * కంపవాతం నందు వణుకు విచిత్రముగా ఉంటుంది. వణుకు చేతుల్లో మొదలు అవుతుంది. 


 *  పనిచేస్తున్నప్పుడు వణుకు ఉండదు. ఖాళీగా ఉన్నప్పుడు మాత్రమే వణుకు ఉంటుంది.


 *  కండరాలు బలహీనత పడతాయి. కండరాలు బిగదీసినట్టుగా ఉంటాయి. 


 * ఒళ్ళు తూలుతుంది . నడిచేప్పుడు వంగి నడుస్తారు. చేతులతో పాటు , పెదవులు , మెడకండరాలు , తల కూడా వణుకుతుంది.


 *  నోటి నుంచి చొంగ కారుతుంది. 


 *  కంటిచూపు కొంచం తీక్షణంగా ఉంటుంది. 

 

 *  రోగి మానసికంగా కృంగిపోతాడు . 


  గమనిక  -  మొదట చేతులు వణకడంతో ప్రారంభం అయిన వ్యాధి సరైన చికిత్స తీసుకోకపోవడం మూలాన ఎక్కువ అయ్యాక పైన చెప్పిన లక్షణాలు ఒక్కొక్కటిగా మొదలవుతాయి. 


   దీనికి చికిత్స కొరకు ప్రత్యేక ఔషదాలు ఉపయోగించవలసిందే ...ఆయుర్వేదం నందు స్వర్ణభస్మం వంటి భస్మాలతో వైద్యం చేస్తూ ఆహార విషయంలో వాతం కలిగించే ఆహారం తీసుకోకుండా కఠిన పథ్యం పాటిస్తే తప్పకుండా వ్యాధి నయం అవుతుంది. దీర్ఘకాలిక చికిత్స అవసరం అవుతుంది.


       మరింత విలువైన సమాచారం కొరకు నా గ్రంథములు చదవగలరు . 


   

పాండిచ్చేరిలోని అరియూర్

 బ్రాహ్మణ కమ్యూనిటీలో 12వ తరగతి పరీక్ష రాసిన విద్యార్థుల్లో ఎవరైనా 85% (MPC) మార్కులు సాధించినట్లయితే, వారు పాండిచ్చేరిలోని అరియూర్ వెంకటేశ్వర కళాశాలలో ఉచితంగా ఇంజనీరింగ్ కోర్సును అభ్యసించవచ్చు. ఎవరైనా పేద విద్యార్థులకు సహాయం చేయగలరు కాబట్టి దయచేసి షేర్ చేయండి. మరిన్ని వివరాల కోసం

శ్రీ దేవనారాయణన్, అసిస్టెంట్ రిజిస్ట్రార్ (రిటైర్డ్),

పాండిచ్చేరి యూనివర్సిటీ.


మొబైల్: 7010553544


ఎవరికైనా ఉపయోగపడవచ్చు ఫార్వర్డ్ చేయండి

తిథి అంటే ఏమిటి

 https://kutumbapp.page.link/MjKtv1reDGnWyXp6A *తిథి అంటే ఏమిటి?*          *అధిష్టాన దేవతలెవరు?*                   ➖➖➖✍️  *తిథి అంటే…  వేద సమయగణితము ప్రకారము చంద్రమాసములో ఒక రోజును తిథి అంటారు.*   *ప్రతి చాంద్రమాసములో 30 తిధులు ఉంటాయి, సూర్యుడు నుండి చంద్రుని కదలికలు తిధులవుతాయి, ఉదాహరణకు సూర్యుడు చంద్రుడు కలిసి ఉంటే అమావాస్య , అదే సూర్యచంద్రులు ఒకరికొకరు సమానదూరములో వుంటే పౌర్ణమి అవుతుంది.*  *శాస్త్రీయముగా సూర్యుడు, చంద్రున్ని కలుపుతూ ఉన్న ఆక్షాంశ కోణము 12 డిగ్రీలు పెరగడానికి పట్టే కాలాన్ని తిథి అనవచ్చు.*   *తిథులు సూర్యోదయమున ప్రారంభము కావు సూర్యాస్తమయానికి ముగియవు. రోజులోని ఏ వేళలలో అయినా మొదలయ్యి... https://kutumbapp.page.link/MjKtv1reDGnWyXp6A

మహర్షుల చరిత్ర*

 🌹🌹🌹🌹🌷🌷🌹🌹🌹🌹

        *మన మహర్షుల చరిత్ర*          


*🌹ఈ రోజు 33 వ జైగీషవ్య మహర్షి గురించి తెలుసుకుందాము🌹*


🌸🌿🌸🌿🌸🌿🌸🌿🌸🌿🌸


*జిగీషువు అంటే జయించాలన్న కోరిక కలవాడు అని అర్థం ఏం జయించాడో చూద్దాం.*


🌸 జైగీషవ్యుడు కపిల మహర్షికి శిష్యుడు మిత్రుడు కూడా . వీళ్ళిద్దరూ కలిసి అశ్వశిరుడనే రాజుని చూడ్డానికి వెళ్ళారు . 


🌿రాజు అతిథి సత్కారం చేసి విష్ణుమూర్తి కటాక్షానికి ఏం చెయ్యాలో చెప్పమన్నాడు . 


🌸కపిలుడు నన్ను విష్ణుమూర్తిగా తెలుసుకో అన్నాడు . నాకు విష్ణుమూర్తి తెలుసు . అతనికి గద , శంఖం , చక్రం లాంటివి ఉంటాయి , 


🌿నీకు లేవుకదా అన్నాడు రాజు . కపిల మహర్షి గద , శంఖం , చక్రం అన్నిటితోను విష్ణువుగానూ , జైగీషవ్యుడు గరుడ వాహనంగానూ కనిపించారు . 


🌸మరి విష్ణుమూర్తి కమల నాభుడు కదా ! బ్రహ్మ ఏడి ? అన్నాడు రాజు . కపిలుడు కమల నాభుడుగా జైగీషవ్యుడు బ్రహ్మగానూ మారారు . 


🌿ఇదంతా మోసం నేను నమ్మనన్నాడు రాజు . కపిలుడు రాజ్యసభని మాయమైపోయేలా చేశాడు . ఎక్కడ చూసినా క్రూర జంతువులే కనిపంచాయి . 


🌸రాజు భయపడి కపిలుడికి నమస్కారం చేసి నువ్వే విష్ణువు , జైగీషవ్య మహర్షి బ్రహ్మ . నా తప్పుని క్షమించండి అన్నాడు . 


🌿దేవలుడు అనే మహాయోగికి తాను గొప్పవాడినని గర్వం . కాని అతడు సత్యవ్రతుడు , ఉత్తముడు , తపస్వికూడా . 


🌸ఒకనాడు జైగీషవ్యుడు దేవలుడింటికి వచ్చి కొన్నాళ్ళిక్కడే ఉండి తపస్సుచేసుకుంటానని చెప్పాడు .


🌿 జైగీష్యవుడి వంటి మహా యోగీశ్వరుడు తనింటి దగ్గర ఉండడమంటే దేవలుడికి చాలా ఆనందంగా అనిపించి అలాగే వుండమన్నాడు దేవులుడు .


🌸జైగీషవ్యుడు తపస్సు చేసుకుంటున్నాడు . ఇలా చాలా సంవత్సరాలు గడిచిపోయాయి . మౌనం వదలడు . నిష్ట విడవడు .

ఉగ్రమైన తపస్సు చేస్తూ తేజస్సుతో వెలిగిపోతున్నాడు జైగీషవ్యుడు . 


🌿సుందరి దేవలుడు ఎలాగయినా తన గొప్పని నిరూపించుకోవాలని ఒకనాడు అంతర్ధానమై సముద్రస్నానానికి వెళ్ళేసరికి అప్పటికే స్నానం చేసి తపస్సు చేసుకుంటున్నాడు జైగీషవ్యుడు . 


🌸తన పని పూర్తిచేసుకుని యోగవిద్యతో తిరిగి వచ్చిన దేవలుడు యధాస్థానములో కూర్చుని మౌననిష్టలో వున్న జైగీషవ్యుడ్ని చూసి ఆశ్చరయపోయాడు . 


🌿ఇంకా తన శక్తి నిరూపించుకోవడం కోసం యోగశక్తితో ఆకాశానికి ఎగిరి సిద్ధలోకం చేరేటప్పటికి జైగీషవ్య మహర్షిని సిద్ధులు సేవిస్తూ కనిపించారు . 


🌸దేవలుడు పితృలోకం , యమలోకం , సోమలోకం అగ్నిలోకం , రుద్రలోకం ఇలా ఎక్కడికి వెళ్ళినా జైగీషవ్య మహర్షి అక్కడే కనిపించాడు .


🌿 దేవలుడు మహర్షి పాదాల మీద పడి సామాన్యమైన మనిషిలా నా ఆతిథ్యం అడిగావు , నువ్వింత గొప్పవాడివని నాకు తెలియదు క్షమించమన్నాడు .


🌸 దేవలుడు జైగీషవ్య మహర్షికి శిష్యుడయి తన తపస్సు ధారపోసి పితృదేవతలకు ఉత్తమగతులు భూతతృప్తి కలిగించి సన్యాసం తీసుకుని మోక్షాన్ని పొందాడు .


*🌹జై గీషవ్యుని పార్వతీపరమేశ్వరులు పరీక్షించుట : 🌹*


🌿జైగీషవ్యుఁడు పార్వతీపరమేశ్వరులు మేరుపర్వత ప్రాంతమున విహరించుచున్న సమయమున మహర్షి బోయి యీశ్వరసన్నిధిని కుర్చుండెను.


🌸పరమేశ్వరుని పరివార మంతయు 

సిద్ధ సాధ్య యక్ష గంధర్వా ఆప్సరసలు గణములు వారిని సేవించు ఆవకాశమున కెదురుచూచుచుండెను. 


🌿ఆ సమయమున పార్వతీ పరమేశ్వరుల ప్రసంగవశమున పార్వతి “దేవా! అర్థ మేది ? అర్థశక్తి యేది? దయ దలచి తెలుపు" మని భర్తను ప్రార్థించెను.


🌸పరమేశ్వరుడిట్ల ఆనెను. "దేవీ ! అర్థమును నేను. అర్థశ క్తివి నీవు. నేను భోక్తను. నీవు భోజ్యమవు. నేను వరుడను. నీవు ప్రకృతివి. విష్ణుడు డను,  బ్రహ్మను, యజ్ఞపురుషుడను 

నేనే.


🌿 “నాథా ! అర్థము, అర్థశక్తి వీనిలో 

ఏది యధిక" మని పార్వతి పరమేశ్వరు నడిగెను. ఆతడేమియు సమాధానము చెప్పక మిన్నకుండెను. అపుడు 

జై గీషవ్యుఁడు "తల్లీ ! అర్థమే అధికమైనది. 


🌸అర్థశక్తి యర్థమునందు లయించియున్న" ఆని బదులుచెప్పెను. తాను తనభర్తను ప్రశ్నింపగా సమాధాన మిచ్చుటకు వీడెవ డనియు,తను పలుకుట కాతని కెంత కండకావర ​మనియు పార్వతి యాతనిపై గోపించెను. 


🌿అది గ్రహించి జైగీషవ్యుడట అచట నుండి వెడలిపోయెను. అపుడు శివుడు పార్వతిని జూచి "దేవి! అతడు జైగీషవ్యుఁడు. మహాయోగి. మహా జ్ఞాని. మన పరమభక్తుడు. 


🌸పరమ ప్రశాంత చిత్తుడు. ఆతని నట్లు కోపించితివి. ఆతడు నా భక్తుడు. సఖుడు, శిష్యుడును" అని పలికెను. అందులకు పార్వతి “దేవా! నీ 

నా సంభాషణమున ఆతడడ్డువచ్చి సమాధాన మిచ్చుట 


🌿నన్న ఆవమానించుట కాదా? మనల నాశ్రయించి వరములు గ్రహింప వచ్చిన యాతడు మనతో సమానస్థాయిని మాటాడి దోషయుక్తుడై నాడని పలికెను.


🌸 దానిపై శివుడు "దేవీ! కాదు. కాదు. ఆతని కే వరము నక్కఱలేదు. 

ఆతడట్టి ఆశించి మన కడకు రాలేదు. ఆతడు ద్వంద్వాతీతుడు, 

సమలోష్టాశ్మ కాంచనుడు, నిరాశి. 


🌿ఆతని కింద్రత్వము, బ్రహ్మత్వము, రుద్రత్వము తృణప్రాయములు. ఆతడు బ్రహ్మజ్ఞాని. ఆతని నీ వట్లు తృణీకరింపరా" దనెను. అందులకు పార్వతి “ఐనచో ఆతని ఆశా రాహిత్యమును పరీక్షింప నా ఆనుజ్ఞయిమ్మని పరమేశ్వరుని కోరెను.


🌸 అపుడు పార్వతీపరమేశ్వరులు వృషభారూఢులై కొంతపరివారము వెంట రాగా, పరిశుద్దాత్ముడు, ముని శ్రేష్ఠుడు నగు జైగీషవ్యుని యాశ్రమమునకు వచ్చి చేరిరి.


🌿ఏ కోరికయు లేక గాలిలేనిచోట ప్రకాశించు దీపమువలె వెలుగుచు,  చిద్విలాసము ముఖమున  జిందులు ద్రొక్కు జైగీషవ్య యోగీంద్రుని దగ్గఱి పార్వతీపరమేశ్వరులు నిలిచి "యోగీంద్రా !


🌸 నీకు కావలసిన వర మేదైన కోరుకొమ్ము. ఎట్టి యసాధ్యవరమైన ఆనుగ్రహింతు” మని పలికిరి. 

జైగీషవ్యుడు వారికి నమస్కరించి శంకరుని జూచి "దేవా! నీ దయ ఈయలేని దేమున్నది ? 


🌿నేను కృతార్థుడను. నాకు వలయున దేమియు లేదు” అని బదులు చెప్పెను. పార్వతీపరమేశ్వరు ఆతని రెట్టించి రెట్టించి ఆడిగి ఏన్ని విధములనో ఆతనిని మభ్యపెట్ట జూచిరి కానీ మహర్షి ఏమియు గోరుకొనక ధ్యానంలో ఉండెను


🌿నిజముగ నాత ​ఆతనికి కావలసిన ఏమైన నున్నగదా కోరుట? ఏ కోరిక లేనివాడే కోరిక కోరును?


🌸పార్వతీ పరమేశ్వరు ఏంత యత్నించిన ఆతడు చలింపడాయెను.


🌿 పరమేశ్వరుడు పార్వతివంక జూచెను. ఆమె జైగీషవ్యుని పలుకరించి కనికరించి తాను పడ్డ కోపమునకు బాధపడకు మనెను. 


🌸ఆత“డమ్మా! కోపతాప లన్నియు నాకు సమానమే" యని పలికి భక్తితో వారిని వీడ్కొలిపెను. ఈ పరీక్షలో పార్వతీపరమేశ్వరు లోడిపోయిరి.

జైగీషవ్యుఁడు గెలిచెను...


🌿ఏమీ వద్దన్నాడు జైగీషవ్యుడు ! అంటే అసలు కోరికలే లేవు ఆయనకి . అంత గొప్ప మహర్షి .


🌸ఇదండీ జైగీశావ్యుడు మహర్షి గురించి మనం తెలుసుకున్న విషయాలు రేపు మరో మహర్షి చరిత్ర తెలుసుకుందాము స్వస్తి..


☘️🍁☘️🍁☘️🍁☘️🍁☘️🍁

సంసారము నుండి బయటకు

 శ్లోకం:☝️

*చక్షుర్దక్షద్విషో యన్నతు దహతి*

 *పురః పూరయత్యేవ కామం*

*నాస్తం జుష్టం మరుద్భిర్యదిహ*

 *నియమినాం యానపాత్రం భవాబ్ధౌ l*

*యద్వీతశ్రాన్తి శశ్వద్భ్రమదపి*

 *జగతాం భ్రాంతిమభ్రాంతి హన్తి*

*బ్రధ్నస్యవ్యాద్విరుద్ధక్రియమథ*

 *చ హితాధాయి తన్మండలం వః ll*

   - సూర్య శతకం


భావం: అది దక్షుని శత్రువు అయిన శంకరుని నేత్రం. అది శంకరుని మూడో నేత్రం మన్మథుని భస్మం చేసినట్టు లోకాలను కాల్చివేయదు, జీవులలో కోరికలను పుట్టిస్తోంది. యోగ్యమైన వారిని సంసారము నుండి బయటకు తీయగల వాహనం (నౌక) అయినప్పటికీ, ఆ సామర్థ్యం ఉన్నప్పటికీ, ఏ గాలి దానిని కదిలించదు. ఈ ప్రపంచం తిరుగుతున్నప్పుడు కూడా అది ఎల్లప్పుడూ విశ్రాంతిగా ఉంటుంది. కానీ జీవులకు అది తిరుగుతున్నట్లు కనిపిస్తుంది. అది అవిద్యను , అజ్ఞానాన్ని తొలగించగలదు. సూర్యుని యొక్క ఈ ప్రభావాలన్నీ ఒకదానికొకటి విరుద్ధంగా ఉన్నప్పటికీ, అది మనందరికీ శుభప్రదమైనది మరియు మనందరినీ రక్షిస్తుంది.🙏