6, ఏప్రిల్ 2023, గురువారం

దుష్టునికి బహుదూరంలోనూ

 *శకటం పంచహస్తేషు, దశహస్తేషు వాజినమ్*

*గజం సహస్ర హస్తేషు, దుష్టం దూరేణ వర్జయేత్.*


రథానికి ఐదు మూరల దూరంలోనూ, గుఱ్ఱానికి పది మూరల దూరంలోనూ, ఏనుగుకు వెయ్యి మూరల దూరంలోనూ, దుష్టునికి బహుదూరంలోనూ ఉండాలన్నారు.


కానీ గ్రహచారం సరిగా లేనప్పుడు అప్పుడప్పుడు కొంత కాలం దుష్టులతో సన్నిహితంగా ఉండాల్సిన పరిస్థితి వస్తుంది. అట్టి సమయాల్లో మౌనంగా, ఆధ్యాత్మిక చింతనతో జీవించడం అత్యున్నతం.

సుభాషితమ్

 .


           _*సుభాషితమ్*_


 𝕝𝕝శ్లో𝕝𝕝


*ధర్మస్య దుర్లభో జ్ఞాతా*

*సమ్యక్ వక్తా తతోఽపి చ౹*

*శ్రోతా తతోఽపి శ్రద్ధావాన్* 

*కర్తా కోఽపి తతః సుధీః॥*


భావం:

*ధర్మం తెలిసినవారు చాలా అరుదు....ధర్మాన్ని చక్కగా వివరించేవారు ఇంకా అరుదు.... వివరించేవారు లభించినా దానిని భక్తి శ్రద్ధలతో వినేవారు చాలా అరుదు.... విని ఆ ధర్మాన్ని ఆచరించే బుద్ధిమంతులు అందరికంటే అరుదు*....

ఆదిశేషుని ప్రశస్తి...

 ఆదిశేషుని ప్రశస్తి...!!


🌿ఆదికాలంనుండి శ్రీమన్నారాయణుని పానుపై సర్వశక్తి సంపన్నుడైన భగవంతుడు తన పైన ఆశీనుడైనప్పుడు  అంతటి భారాన్ని మోసిన ఘన కీర్తి ఆది శేషునిదే.


🌸సంకర్షణ నామంతో

శ్రీ మన్నారాయణుని రూపంలో వచ్చినది ఆదిశేషువే.


🌿శ్రీ వైకుంఠం లో, వీరాసనంలో, దర్శనమిస్తున్న పరవాసుదేవమూర్తికి

కావలసిన సేవలు తక్షణమే అందించే, నిత్య సేవకులకి  పర్యవేక్షక నాయకుడు

ఆదిశేషువే. 


🌸భూలోకానికి అడుగున పాతాళ లోకం వున్నది.పాతాళ లోకానికి క్రింద మరో 

పధ్నాలుగు లోకాలు వున్నట్లు మన

పురాణాలు చెప్తున్నాయి.యీ పధ్నాలుగు లోకాలకి అధిపతి ఆదిశేషువు.


🌿శ్రీవైష్ణవ ఆలయాలలో

శ్రీ మన్నారాయణుడు

శేషతల్ప శయన మూర్తిగా

దర్శనమిస్తాడు.


🌸ప్రకృతి ప్రళయాల వలన,

దుష్టశక్తులవలన,దేవతామూర్తులకు ఎట్టి ఛేదము జరుగకుండా,

యీ విగ్రహాల పరిరక్షణకు

నాగులను ఏర్పాటు చేసేది ఆదిశేషువు.


🌿అష్టసర్పాల నాయకులకు

అధిపతి ఆదిశేషువు.

మహాభారతం లో శ్రీ కృష్ణుడు రధసారధ్యం వహించిన  అర్జునుని రధం కూడా ఆదిశేషువే.


🌸ఆదిశేషుని, అపరమితమైన శక్తిని

'అయస్కాంత' శక్తి అంటారు. 

భూలోకానికి, సూర్యుని తో అనుసంధానం చేసి నడిపించేది యీ అయస్కాంత శక్తి. లేక భూమ్యాకర్షణ శక్తి.


🌿ఆదిశేషుని తల తిరుపతి

సప్తగిరులు, దేహం ఆహో బిలం, తోక 

శ్రీ శైలమని అంటారు.

శ్రీ వైష్ణవమతాన్ని,స్ధాపించిన

శ్రీ రామానుజాచార్యులవారు సాక్షాత్తు ఆదిశేషుని అవతారమని శ్రీవైష్ణవులంతా ఆయనను భక్తిశ్రధ్ధలతో ఆరాధిస్తారు..🚩🌞🙏🌹🎻


🌸🌿🌸🌿🌸🌿🌸🌿🌸🌿🌸🌿 ఇలాంటి మరిన్ని పోస్ట్‌లను చూడటానికి మరియు All India Arya Vysya Sangam చేరడానికి, ఇక్కడ క్లిక్ చేయండి


https://kutumbapp.page.link/?isi=1598954409

 మంగళవారం

శంకరాభరణం సమూహం వారు ఇచ్చిన

సమస్య - 4386

5-4-2023 (బుధవారం)

 ఇది...


*“చచ్చిన పామునే మరలఁ జంపుట న్యాయము సత్యశోధనన్”*


నా ప్రయత్నం ఇలా.....


ఉ.


నచ్చినవాడు మన్మథుడు నాకము నొందుట తప్పుగాదనెన్

రెచ్చిన కామపీడితయె, రెల్లు వనంబున భర్తకందగా

గ్రుచ్చుచు కత్తిచేఁ బతితఁ గోపముతోఁ బ్రతిఘాత వాక్కుగా

*చచ్చిన పామునే మరలఁ జంపుట న్యాయము సత్యశోధనన్.*


.. డా.. అయ్యలసోమయాజుల సుబ్బారావు.

 Tnraoo: 

గయ్యాళి భార్య నిత్యమూ వేధించుచున్ననూ 


సయ్యాటకు ఉపక్రమింప సహకరింపని


భార్యతో చచ్చిన పాముని మరల చంపుట


న్యాయము సత్యశోధనన్ పరికింపగన్.

5, ఏప్రిల్ 2023, బుధవారం

అలిపిరి

 పెద్దలకు నమస్కరం


ఇందులో ప్రస్తావించిన విషయం చాలా ఆశ్చర్యంగా మరియు వాస్తవ దూరంగా ఉంది అనేది నా అభిప్రాయం


పెద్దలు దయతో దీని యొక్క రిఫరెన్స్ ఉంటే తెలియజేయగలరు



అలిపిరి అనే పేరు 1000 సం క్రిందట  *"అడి పడి"* గా పిలవబడేది


తమిళంలో

అడి అంటే పాదం

పడి అంటే మెట్టు


అంటే అప్పటి కాలంలో ఆ ప్రాంతం అంత తమిళ ప్రభావం కలిగిన ప్రాంతం కనుక అలా పిలిచారు


శ్రీవారి యొక్క పాదాలు అక్కడ ఉంటాయి

కాలి నడకన వెళ్లేవారు ఇప్పటికి ముందుగా ఈ శ్రీవారి పాదాల ఉన్న ఆలయాన్ని దర్శించి నడక యాత్ర ప్రారంభిస్తారు


*పాదాల చరిత్ర*


*శ్రీరామనుజులు* తిరుపతికి చేరి కులొత్తుంగ చోళునిచే సముద్రంలో పడవేయబడిన శ్రీ గోవిందరాజ స్వామిని తీయించి తిరుపతిలో దేవాలయం కట్టిస్తున్న కాలంలో  రామనుజులుకి నామకరణం చేసిన వారి యొక్క మేనమామ గారైన తిరుమల నంబి గారు కొండ పైన స్వామికి పూజలు చేస్తుండేవారు (ఆ రోజుల్లో కొండ అంత దట్టమైన అరణ్యం) వారు రామాయణం అర్థం చెప్పడం లో నైపుణ్యులు.


*సముద్రం లో నుండి తీసిన గోవిందా రాజ స్వామిని ఇప్పటికి మంచినీటి కోనేరు వద్ద చూడవచ్చు*



క్రింద దేవాలయ పనులు చూసుకుని రామనుజులు నడుచుకుంటూ కొండ క్రిందకు చేరేవారు

పైన పూజ ముగించుకుని తిరుమల నంబి గారు క్రిందకు దిగి రామనుజులు వారికి శ్రీమద్రామాయనం బోధించేవారు


అలా వారు 18సార్లు మొత్తం రామాయణాన్ని 18 రకాల కోణాల్లో రామనుజులకి భోదించారు


ఒక నాడు రామాయణ చర్చలో మునిగిన ఇద్దరూ సమయం మరిచిపోయారు


కాసేపటికి తేరుకొని కొండమీద సాయంకాలం పూజ ఆలస్యం అయిందని  బాధపడుతున్న వారికి పచకర్పూరపు వాసన వచ్చి పక్కనే శ్రీవారి పాదాలు స్వయంభూ గా ప్రత్యక్ష అయ్యాయి.


తిరుమలకు అనేక దారులు ఉన్నాయి


ఇది శ్రీవారి పాదాలు ఉన్న దారి కనుక *అడి పడి*  కాలంతారంలో రూపాంతరం చెంది అలిపిరి గా రూపాంతరం చెందింది


అంటే 

అస్త్రాలయం ఆస్ట్రేలియా గా

కాంబోజ దేశం కంబోడియా గా

కపిల అరణ్యం కాలిఫోర్నియా గా

రాజమహేంద్రి రాజమండ్రిగా

ఇలా అనేక ఉదాహరణలు

ఇతరుల సంపద

 శ్లోకం:☝️

*య ఈర్షుః పరవిత్తేషు*

 *రూపే వీర్యే కులాన్వయే ।*

*సుఖసౌభాగ్యసత్కారే*

 *తస్య వ్యాధిరనన్తకః ॥*


భావం: ఇతరుల సంపద, అందం, పరాక్రమం, ఉన్నత కుటుంబం, సంతోషం, అదృష్టం మరియు గౌరవం పట్ల  ద్వేషము, ఈర్ష్యా పడే వ్యక్తి ఒక కోలుకోలేని రోగి. అతని ఈ వ్యాధి ఎప్పటికీ నయం కాదు.

చీరల క్విజ్......

 చీరల క్విజ్........


1.గోవిందుని తలపించె చీర ?

2.ప్రసిద్ధి చెందిన కోట గల వూరి పెరే ఈ చీర పెరు?

3 శ్రీరామ నవమి ప్రసాదం, ఈ స్వామి కోవెల గల ఉరే ఈ చీర పేరు?

4.ప్రసిద్ధ హాస్య నటుడి ఇంటి పేరు ఈ చీర పేరు?

5.ఏడు కొండల స్వామిని తలపించే ఈ చీర పేరు?

6.భూ దానోద్యమం ని తలపించే ఈ చీర పేరు?

7.చందమామ ని చూడు, నన్ను చూడు ...అంటుంది ఈ చీర?

8. కోడి కూర ని తాళి పించే చీర?

9. ఇంగ్లీష్ లో ఆరతిపండు రసాన్ని తలపించ్డ్ చీరా?

10. దక్షిణ భారతంలో నే కాదు ప్రపంచ ప్రఖ్యాతి ఈ చీర?

11.మైసూర్ ప్యాలెస్ ని గుర్తు చేసే చీర?

12. పంజాబీ ఫుల్కా ను గుర్తు చేసే చీర?

13.ఇంగ్లీష్ కొండ చెలువ ను తలపించే చీర?

14.ఈ చీర పెరు చెప్తేతెలుగు కోట గుర్తు వస్తుంది?

15.లోన లోతారం పైన పటారంలా ద్వానించే చీర?

16.తెలుగు లో పెన్ను ను గుర్తు చేసే చీర?

17.కాశ్మీర్ లో సాలువా ల తో పాటు ఈ చీరలు కూడా ప్రసిద్ధి?

18. జామ కాయ ను గుర్తు చేసే చీర?

19.హిందీ జాగ్రత ఈ చీరలో వినిపిస్తుంది?

20.ఒకప్పటి రష్యా అధ్యక్షుడి పేరు ఈ చీర?

21.లవణాన్ని స్పురించే ఈ చీర ?

22..మన పక్క దేశం రాజధాని పేరు ఈ చీర ?

23.మన దేశం లో ఒక మహిళా ముఖ్యమంత్రి ఉన్న రాష్ట్రం పేరు ఈ చీర ?

4, ఏప్రిల్ 2023, మంగళవారం

భగవాన్ శ్రీ శ్రీ శ్రీ వెంకయ్య స్వామివారి దివ్య లీలలు

 🙏


*గ్రంథం:* నమ్మిన వారికి సొమ్ము - నమ్మకుంటే (వారి ప్రారబ్దం),  భగవాన్ శ్రీ శ్రీ శ్రీ వెంకయ్య స్వామివారి దివ్య లీలలు

*రచన:* శ్రీ పెసల సుబ్బరామయ్య మాష్టర్ 


*చీటీల ద్వారా శ్రీ స్వామి పలకడం* 


గొర్తి సాయిశివ (స్విట్జర్లాండ్) తన అనుభవాన్ని  ఇలా తెలుపుతున్నారు:


1999వ సంవత్సరంలో పాల్వంచ ఆడమ్స్ కాలేజీలో ఇంజనీరింగ్ సీటు వచ్చాక మా నాన్నగారి మ్రొక్కుబడి ప్రకారం కృతజ్ఞతలు తెలుపుకొని, మూడు నిద్రలు చేయటానికై గొలగమూడి శ్రీ వెంకయ్యస్వామి సన్నిధికి వచ్చాము. స్వామి సన్నిధిలో శ్రీ సుబ్బరామయ్య సార్ సత్సంగంలో మూడు రోజులు గడిచిపోయాయి. ఇక యింటికి బయలుదేరుతూ సుబ్బరామయ్య సారికి నమస్కరించి సెలవు తీసుకుందామని వెళ్ళాము. నేను మనస్సులో శ్రీ వెంకయ్యస్వామిని సార్ ద్వారా సందేశం యిప్పించమని ప్రార్థించాను. సార్ అప్పుడు చెప్పిన మాటలు: *"వెంకయ్య స్వామి నీకు సీటు యిప్పించారు, చదువుకొనే అవకాశం కలిగించారు. కనుక ఆ పనిని టాప్ మోస్ట్ గా, క్షుణ్ణంగా, ఆయనను మెప్పించేంతగా చేయటమే ఆయన సేవ అని"*.


 ఆ తర్వాత ఉత్తరాల ద్వారా విద్యార్ధి లక్షణాలు తెలియచేస్తూ, నిజమైన బాబా సేవ అంటే విద్యార్థిగా నేను చేయవలసినదేమిటో తెలియచేయటమే కాక, ఆ విధంగా చేసేందుకు తగిన శక్తినీ, ఉన్ముఖతనూ కలుగచేసి *సార్ ద్వారా శ్రీ వెంకయ్యస్వామి నా జీవితంలో, దృక్పథంలో ఎంతో మార్పు తీసుకు వచ్చారు.* అందువల్లనే ' గేట్' పరీక్షలో మంచి ర్యాంకు వచ్చి ఇండియన్ ఇన్స్టిట్యూట్ ఆఫ్ సైన్స్ (ఐ.ఐ.ఎస్సి, బెంగుళూరు)లో మాస్టర్స్ (పోస్ట్ గ్రాడ్యుయేషన్) చేసే అవకాశం కలిగింది. అది కేవలం శ్రీ స్వామివారి భిక్షే. లేకుంటే ఇంటర్వ్యూలో కూడా వెంకయ్య స్వామి, సాయిబాబా, భరద్వాజ మాష్టారు మొ॥ మహాత్ముల ప్రస్తావన రావటమేమిటి? వారి గురించి, వారు చెప్పిన నియమాలు గురించి అంతసేపు ఇంటర్వ్యూ బోర్డు వారు వినటం, ప్రశ్నించటం ఏమిటి? దీని ద్వారా ఐ.ఐ.ఎస్సి లో కూడా సీటు ఇప్పించినది వారేనని బల్లగుద్ది చెప్పటం కాదూ?


 మొదటి సెమిస్టర్ పూర్తయింది. అప్పుడు. కూడా ఒకటే ధ్యేయం! సార్ మాటలు తరచూ చెవుల్లో మారు మ్రోగుతూ ఉండేవి. *టాప్ మోస్ట్ గా ఆయన ఇచ్చిన పనిని నిర్వర్తించాలి. ఎవ్వరూ చేయలేనంతగా! మన ప్రయత్నం మనం చేస్తే కొండంత అండగా స్వామి నిలుస్తారు. మనకు సరైన మార్గదర్శకం చూపిస్తారు అని.* మొదటి సెమిస్టరు ఫలితాలలో అన్ని సబ్జెక్టులలో టాప్ గ్రేడ్ వచ్చింది. అప్పుడు మా గైడ్ అడిగిన ప్రశ్న. 'నువ్వు కావాలనుకుంటే ఇప్పుడు డైరెక్టుగా పిహెచ్.డికి నీ రిజిస్ట్రేషన్ని అప్లోడ్ చేసుకోవచ్చును. అలా చేస్తే నువ్వు పూర్తి చేసిన సెమిస్టర్ కూడా నీ పిహెచ్.డి.లోకి జమ చేయబడుతుంది. ఇంకొక మూడు, నాలుగు సంవత్సరాలలో డైరెక్ట్ పిహెచ్.డి. డిగ్రీ వస్తుంది. నీ నిర్ణయం ఏమిటో చెప్పు' అని


అప్పటికి బాబా నా చిన్నప్పటి నుండీ ప్రసాదించిన అనుభవాల దృష్ట్యా మరియు సుబ్బరామయ్య సార్ సత్సంగాల వల్ల దృఢంగా ఏర్పడిన భావం - *ఏ విషయంలోనైనా గురువు మీద ఆధారపడాలని!* అందునా ముఖ్యమైన విషయాలలో నిర్ణయాలు తీసుకోవటానికి నా పరిమితమైన విచక్షణకో, ఇష్టాయిష్టాలకో చోటివ్వక భగవంతుని ఆజ్ఞానుసారం, ఆయన మార్గదర్శకత్వాన్ని పొంది, ఆయన నిర్ణయానికి సంతోషంగా తలవొగ్గడంలోనే నా మరియు అందరి శ్రేయస్సు వుంటుంది అని. మరుసటి మారు గొలగమూడి వెళ్ళినప్పుడు సార్ కి నా పరిస్థితి మరియు నాకు ఉన్న ఆలోచనలు వివరించాను. నా ఆలోచనలు ఇవి:


(1) పిహెచ్.డి.కి ఇప్పుడు రిజిస్ట్రేషన్ అప్ గ్రేడ్ చేయించుకోవటం.


(2) మాస్టర్స్ పూర్తి చేసి డిగ్రీ వచ్చాక విదేశాలలో ఇంకా మంచి యూనివర్శిటీలో పిహెచ్.డి. చేయటం


(3) మాస్టర్స్ పూర్తి చేసిన తర్వాత, ఇక్కడే ఇండియాలోనే మా గైడ్ వద్దనే పిహెచ్.డి. చేయటం


మొదటి ఆప్షన్లో అయితే మూడు సంవత్సరాలు కలిసి వస్తాయి. తక్కువ వయస్సులోనే పిహెచ్.డి వచ్చేస్తుంది. రెండవ ఆప్షన్లో ఎక్స్పీరియన్స్ మరియు క్వాలిటీ ఆఫ్ ట్రైనింగ్ బాగుంటాయి. మూడవ ఆప్షన్ అయితే ఏ కారణం వల్లనైనా పిహెచ్.డి డిగ్రీ రాకపోయినా, కనీసం మాస్టర్స్ డిగ్రీ అయినా చేతిలో వుంటుంది అని.


సార్ సమాధానం: "ఇటువంటి విషయాలలో మన సొంత తెలివితేటలతో తర్కించుకోవటం కాక, *'స్వామీ! నాకు ఏది మంచిదో అది నువ్వే చెప్పు నాకు తెలియదు' అని హృదయపూర్వకంగా ప్రార్థించి ఆయన సందేశం తీసుకో" (స్వామి సమాధిమీద చీట్లు వేసి ఏది వస్తే అది చేయి - అని ఈ సందర్భంలో స్వామి సందేశం పొందేందుకు ఒక మార్గం సూచించారు)* ఆ విధంగా స్వామిని ప్రార్థించుకొని వారి సందేశం కోరగా 'అబ్రాడ్ (విదేశ) యునివర్శీటీలో పి.హెచ్.డి చేయి' అని స్వామి ఆజ్ఞాపించారు! అలాగే స్విట్జర్లాండ్లో ప్.హెచ్.డి. పూర్తి చేయించారు. నమ్మిన వారికి స్వామి వారు పిలిచిన పలికే దైవం.


🙏 *ఓం నారాయణ -ఆది నారాయణ*🙏


🌹🌹🌹🌹🌹🌹🌹🌹


*గ్రంథం:-నేను దర్శించిన మహాత్ములు*

*శ్రీ ఆనందమాయి అమ్మ దివ్య చరిత్ర*

*రచన:-*

*శ్రీఎక్కిరాల భరద్వాజ మాస్టర్ గారు*


   ఇలా కొద్దికాలం గడిచాక ఒకనాడు హైదరాబాద్ లో నా దగ్గర చదువుకున్న ఒక పాత విద్యార్థి వచ్చి తాను గృహస్థుడుగా పూనేలో వుంటున్నానని, శిరిడీ వచ్చినప్పుడు తన ఇంటికి వచ్చి ఆతిథ్యం స్వీకరించమని ఎంతో ప్రేమతో ఆహ్వానించాడు. నిజానికి నేనా రోజులలో ఏ స్నేహితులను, బంధువులను, చివరకు విజయవాడలో ఒంటరిగా వుంటున్న మా తండ్రిగారిని గూడ చూడటానికి వెళ్ళేవాడినికాను. కారణం ఏనాటికైనా సన్యసించి దేశమంతా సంచరించాలని, చివరకు ఎక్కడో ఏకాంత స్థలంలో భగవత్ ధ్యానం చేస్తూ జీవితశేషం గడిపి ప్రశాంతంగా శరీరం విడిచిపెట్టడం ఒక్కటే నా ధ్యేయంగా వుండేది. కానీ అదంతా ఆ పాత విద్యార్థితో ఏకరువు పెట్టి ఎప్పుడో గాని మరలా కలసుకోని అతని ఆత్మీయతను, ఆదరణను కించపరచదల్చక అతడితో మొహమాటానికి మాత్రమే పూనా వస్తానని చెప్పాను. 

    

*********************************

ఆన్లైన్ లో చదువుటకు ఈ లింక్ ను ఉపయోగించుకోగలరు.


https://saibharadwaja.org/books/readbook.aspx?book=Sri-Aanandamai-Amma-Charitra&page=1

సూర్య నమస్కారం

 సూర్య నమస్కారం అనే పేరు ఒక్కటే అయినా... అందులో 12 రకాల ఆసనాలు ఉంటాయి. ఈ పన్నెండు చేస్తే ఒక వృత్తం పూర్తయినట్లు! వీటిలో ఒకటి నుంచి ఐదు... ఎనిమిది నుంచి పన్నెండు ఆసనాలు ఒకేలా ఉంటాయి. కుడి, ఎడమల తేడా మాత్రమే ఉంటుంది. ఏ ఆసనంతో ఎలాంటి లబ్ధి చేకూరుతుందో చూద్దాం...


1.నమస్కారాసనం ( ఓం మిత్రాయ నమ ):-

సూర్యునికి ఎదురుగా నమస్కారం చేస్తున్నట్లు నిలబడి సూర్యుని నామాన్ని ఉచ్ఛరించాలి.


2.హస్త ఉత్తానాసనం ( ఓం రవయే నమః) :-

కొద్దిగా శ్వాస పీల్చి రెండు చేతులను పైకెత్తి, తలను, నడుమును వెనుకకు వంచాలి. కాళ్ళు వంచకూడదు.


3.పాదహస్తాసనం ( ఓం సూర్యాయ నమః) :-

శ్వాస వదలి రెండు చేతులను కాళ్ళకు దగ్గరగా భూమిమీద ఆనించి, తలను మోకాలుకు ఆనించాలి.


4.ఆంజనేయాసనం ( ఓం భానవే నమ ) :-

ఎడమ మోకాలును వంచి పాదాన్ని నేలపై ఉంచి, కుడి పాదాన్ని వెనుకగా వేళ్ళపై ఆనించి, రెండు చేతులను పైకి చాపి, నడుము పైభాగాన్నంతా వెనుకకు వంచాలి. ఈ స్థితిలో శ్వాసను పీల్చి లోపలే ఆపాలి.


5.పర్వతాసనం ( ఓం ఖగాయ నమః) :-

కాళ్ళు, చేతులు నేలమీద ఆనించి నడుము పైకి ఎత్తి శ్వాస వదలి తిరిగి పీల్చాలి.


6.సాష్టాంగ నమస్కారం ( ఓం పూష్ణే నమః) :-

ఎనిమిది అంగాలు నేలకు ఆనటం వలన దీనికి 'అష్టాంగ నమస్కారం' అని కూడా అంటారు. రెండు కాళ్ళు, రెండు మోకాళ్ళు, రెండు చేతులు, రొమ్ము మరియు గడ్డం - ఈ ఎనిమిది అంగాలు నేలమీద ఉంచి నడుమును కొద్దిగా పైకి లేపాలి. శ్వాసను పూర్తిగా బయటకు వదలి ఆపాలి.


7.సర్పాసనం ( ఓం హిరణ్యగర్భాయ నమః ) :-

శ్వాసను పీల్చి తలను వెనుకకు వంచాలి.


8.పర్వతాసనం ( ఓం మరీచయే నమః) :-

ఐదవ స్థితివలెనే కాళ్ళు చేతులు నేలమీద ఆనించి నడుమును పైకి ఎత్తి శ్వాస వదలి తిరిగి పీల్చాలి.


9.ఆంజనేయాసనం ( ఓం ఆదిత్యాయ నమః) :-

నాలుగవ స్థితివలెనే కుడి పదాన్ని నేలపై ఉంచి, మోకాలును మడచి, ఎడమ పాదాన్ని వెనుకగా వేళ్ళపై ఆనించి, రెండు చేతులను, తలను, నడుమును వెనుకకు వంచాలి


10.పాదహస్తాసనం ( ఓం సవిత్రే నమః) :-

మూడవ స్థితివలెనే రెండు చేతులను కాళ్ళ దగ్గరగా నేలపై ఆనించి తలను మోకాలుకు ఆనించాలి. శ్వాసను బయటకు వదలి ఆపాలి.


11.హస్త ఉత్తానాసనం ( ఓం అర్కాయ నమః) :-

రెండవ స్థితివలెనే రెండు చేతులను పైకెత్తి, తలతోపాటు రెండు చేతులను వెనుకకు వంచాలి.


12.నమస్కారాసనం ( ఓం భాస్కరాయ నమః) :-

నిటారుగా నిలబడి నమస్కారం చేయాలి.

సూక్తిసుధ

 : .

                 _*సుభాషితమ్*_


 𝕝𝕝శ్లో𝕝𝕝


*శిక్షాక్షయం గచ్ఛతి కాలపర్యయాత్*

*సుబద్ధమూలా నిపతన్తి పాదపాః |*

*జలం జలస్థానగతం చశుష్యతి*

*హుతం చ దత్తం చ తథైవ తిష్ఠతి॥*


తా||

*కాలం అనేది గడుస్తూ వుంటే నేర్చుకున్న విద్యలన్నీ మరుపుచే మరుగున పడిపోతాయి. భూమి లోతుల్లోకి అతిదృఢంగా పాతుకుపోయిన మొదళ్లు ఉన్నా చెట్లు కూలిపోతాయి. చెరువుల్లోని నీరూ ఎండిపోతుంది. కానీ, చేసిన యజ్ఞాలూ, దానాలూ మంచి పనులుగా, పుణ్యకర్మలుగా శాశ్వతంగా లోకంలో నిలిచిపోతాయి*.


                  _*సూక్తిసుధ*_


*అపూర్వమాణమచలప్రతిష్ఠం సముద్రమాపః ప్రవిశంతి యద్వత్౹*

*తద్వత్ కామా యం ప్రవిశంతి సర్వే స శాంతిమాప్నోతి న కామకామీ॥*

                      ~శ్రీమద్భగవద్గీత


తా॥ 

సమస్తదిశలనుండి పొంగి ప్రవహించుచు వచ్చిచేరిన నదిలన్నియును పరిపూర్ణమై నిశ్చలముగానున్న సముద్రమును ఏమాత్రము చలింపజేయకుండగనే అందులో లీనమగును అట్లే సమస్త భోగములను స్థితప్రజ్ఞుని యందు ఎట్టి వికారములను కల్గింపకయే వానిలో లీనమగును. అట్టి పురుషుడే పరమశాంతిని పొందును. భోగాసక్తుడు శాంతిని పొందజాలడు.