29, మే 2023, సోమవారం

అన్నం

 అన్నము గురించి సంపూర్ణ వివరణ -


 * అన్నం అగ్నిదీపనం చేయును .


 * మలమూత్ర విసర్జనకారిగా ఉండును.


 * చక్కగా వండి గంజివార్చిన అన్నం శరీరం నందు వేడిని కలిగించును. శరీరముకు హితము చేయును . మంచి పథ్యముగా ఉండును.


 * బియ్యము కడగక గంజివార్చబడని అత్తెసరు అన్నం పైత్యమును చేయును . శుక్రమును వృద్ధిచేయును . కఫానికి కారణంగా ఉండును. 


 * బియ్యమును వేసి పాకము చెయ్యబడిన అన్నం రుచికరంగా ఉండి కఫాన్ని హరించును . తేలికగా ఉండును. 


 * పప్పు , మాంసాదులు వేసి వండిన అన్నము గురుత్వము చేయును . శుక్రమును వృద్ధిపరచును. కఫమును పుట్టించును .


 * బెల్లము మొదలగు మధురరసములతో కలిసి మధురాన్నం గురుత్వం చేయును . శుక్రాన్ని వృద్దిపరచును. వాతజ్వరమును హరించును . 


 * మెంతి,మజ్జిగతో చేర్చిబడిన అన్నం గ్రహణి, మూలరోగం , అలసట పొగొట్టును.మరియు జీర్ణకారి. 


 * అతివేడి అన్నం బలమును పొగొట్టును. సమశీతోష్ణ స్థితిలో ఉన్న అన్నం తినుట మంచిది .


 * రెండుమూడు రోజులు నుంచి ఉన్న అన్నం పాచి అన్నం రోగాలను పుట్టించును .


 * వరి అన్నం రుచి పుట్టించును . సర్వరోగ హరమైనది . నేత్రాలకు హితము చేయును . జఠరాగ్నిని పెంచును. హృదయమునకు మేలుచేయును. శుక్రవృద్ధి , శరీర ధారుడ్యం కలుగచేయును . పథ్యకరం అయినది. దాహాన్ని తగ్గించును . 


 * శరీరానికి కాంతిని ఇచ్చును. మూత్రవృద్ధి చేయును . తేలికగా ఉండును. ముడిబియ్యపు అన్నం అగ్నిదీప్తి కలిగినవారికి మంచి శ్రేష్ఠమైనదిగా 

ఉండును . 


 * సన్నరకం బియ్యపు అన్నం దీపనకారిగా ఉండి దోషములను పోగొట్టును . ప్రశస్తమైనది , రోగములను హరించును .


 * మినపపప్పు గాని నువ్వుల గాని చేర్చి వండిన అన్నమును పులగం అందురు. బలమును కలుగచేయును . మలమును బంధించును . పెసరపప్పు , కందిపప్పు , శనగపప్పు వగైరా బియ్యముతో చేర్చి వండిన అన్నం శుక్రమును మరియు బలమును పెంచును . పుష్టిని కలిగించును. మలమును విసర్జింపచేయును . వాతాన్ని హరించును . పిత్తమును మరియు కఫాన్ని పెంచును.త్వరగా జీర్ణం అవ్వకుండా ఉండును.


 *  పాలలో బియ్యం , చెక్కర వగైరా కలిపి వండినదానిని పాయసం అనియు క్షీరాన్నం అనియు పరమాన్నం అని కూడా అంటారు. పాయసం త్వరగా జీర్ణం కాదు. బలమును , ధాతుపుష్టిని చేసి మలమును బంధించును . 


      ఇప్పుడు పప్పుల గుణములు కూడా మీకు వివరిస్తాను. 


      పెసరపప్పు వాతమును , కడుపు ఉబ్బరమును కలిగించును. పొట్టు తీసిన పెసరపప్పు మధురంగా ఉండును. దేహకాంతిని కలుగచేయును . గుల్మము , ప్లీహము,కాస , అరుచి , పిత్తము , ప్రమేహరోగము , గళ రోగమును హరించును .


            కందిపప్పు రుచిగా ఉండి మలబద్దకం, కుష్టు , జ్వరం , అతిసారమును హరించును . శనగపప్పు కడుపుఉబ్బరం కలుగచేయును . ఉలవపప్పు కఫపిత్తరోగములను , గుల్మొదరం , మూలవ్యాధి , వాతం , క్రిమిరోగం , కాసరోగం , ఆమవాతంను హరించును . అలసందపప్పు 

మధురంగా ఉండును. బలమును వృద్దిచేయును.


      కొందరు పొట్టుతీసిన పెసరపప్పు , పొట్టుతీయని కందిపప్పు విషతుల్యం అందురు. కారము మరియు కమ్మదనం కలిగిన పదార్థముల యందు పైత్యమును , పులుసు , వగరు కలిగిన పదార్థముల యందు శ్లేష్మము , తీపు మరియు చప్పదనం కలిగిన పదార్థముల యందు వాతము కలదని ఋషుల యొక్క అభిప్రాయం . కావున శరీరతత్వము మరియు రోగమును గుర్తించి పథ్యం పెట్టవలెను.

 

 

 మరింత విలువైన సులభ ఔషధ చికిత్సల కొరకు నేను రచించిన గ్రంథాలు చదవగలరు . 


     

తెలుసుకోవడం కష్టం.

 .

               _*సుభాషితమ్*_


 𝕝𝕝శ్లోకం𝕝𝕝


*విపత్తౌ కిం విషాదేన* 

*సమ్పత్తౌ హర్షణేన కిమ్।*

*భవితవ్యం భవత్యేవ*

*కర్మణో గహనా గతిః॥*

                  -సూక్తిసుధానిధిః


తా𝕝𝕝 

ఆపదలలో దుఃఖించడం ఎందుకు, సంపదలలో సంతోషించడం ఎందుకు? ఏది జరగనున్నదో అది జరిగితీరుతుంది....కర్మగతిని(ఏ కర్మ ఎపుడు ఏ ఫలం ఇస్తుందో) తెలుసుకోవడం కష్టం.

ఆవు

 1) ఆవు పంచకం ఒక్కసారి తీసుకుంటే అన్ని పాపములు తొలగి పోతాయి

ఆవు పాలు + ఆవు పెరుగు+ ఆవు నెయ్యి+ఆవు మూత్రం+ ఆవు పేడ

2) ఆవుకు ప్రదక్షిణము చేయడం = అమ్మ వారికి ప్రదక్షిణము చేయడం

3) ఆవు గొంతు తాకితే ఎంతో పుణ్యం

4) ఆవు తోకతో చిన్న పిల్లలకు దిష్టి తీయవచ్చు

5) ఎండ పెట్టిన ఆవు పేడతో విభూతిని /భస్మం తయారు చేస్తారు

6) ఆవు విభూతిని /భస్మమును తలపై చల్లుకుంటే స్నానం చేసిన పలితం వస్తుంది

7) ఆవు గోరచనముతో గుడిలో దీపం వెలిగిస్తారు

8) ఆవు కొమ్ముతో శివుడికి అభిషేకము చేస్తారు

9) పుట్టిన రోజున ఆవు పాలు+నల్ల నూగులు+బెల్లం కలిపి తీసుకోవాలి

10) అలా చేస్తూ సప్త చిరంజీవుల పేర్లు స్మరిస్తే మళ్ళీ పుట్టిన రోజు జరుపుకుంటారు

11) ఆవుకు ఎదైనా తినిపిస్తే, అది అమ్మ వారికి పెట్టిన పలితం వస్తుంది. 

అంత గొప్పది ఆవు

ఆవుకు అంత శక్తి ఉంది

కవితా విన్యాసం*

 *00000000000000000*


*సున్న పై ములుగు విశ్వ నాధ శాస్త్రి గారి కవితా విన్యాసం*


*00000000000000000*


*0* కి విలువెంత అని *పంతుల్ని* అడిగితే 

*సున్నా* కి విలువేంటి? *శూన్యం* అంటాడు!


*0* లేకుండా 

*పంతులూ* లేడు! ఏ *పండితుడూ* లేడు!


*అంకెల* దరిజేరి అది విలువలను పెంచు!

పదముల దరిజేరి పదార్థములనే కూర్చు!


*సున్న* ప్రక్కన *0* చేరి *సున్నం* అయ్యె! 

*అన్న* ప్రక్కన *0* చేరి *అన్నం* అయ్యె!  

*ఆంధ్రా* లో *అన్నబియ్యం* కూడా కిలో *రెండు* అయ్యె!


*పది* మధ్యలో దూరి 

*పంది* గా మారె!

*నది* మధ్యలో దూకి 

*నంది* గా మారె!


ప్రతి *కొంప* లోనూ 

అది తిష్ట వేసింది!

*0* లేనట్టి *సంసారమే* లేదు! 


*కాంగి* లోనూ దూరె! 

*దేశం* లోనూ దూరె!

*కమలం* లోనూ దూరే !

అది *రాజకీయం* కూడా నడుపుచుండె!

*పంచాయతీ* నుండి *పార్లమెంటు* వరకూ అది మెంబరై ఉండ! 


*గుండుసున్నా* 

అని ఎగతాళి చేయకు 

*గూండా* గా మారి రుబాబు చేయు!


*ఆరంభము* న *0*!  *అంత* మందున *0*!

*జననం* లో *0*! 

*మరణం* లో *0*!

*శూన్యం* లో *0*!  *అనంతము* లో *0*!


*ఇందూ*, *అందూ* 

అను సందేహమేల!

*అండ*, *పిండ*, *బ్రహ్మాండము* లలో *0*!   


*సత్యం*, 

*శివం*, 

*సుందరం* 

అన్నింటిలోనూ అది అలరారుతోంది!


*0* తోటే ఉంది 

*అందం*!  *ఆనందం*!

*జీవితం* లో  చివరకి మిగిలేది *0* !


*గోవిందా*! *ముకుందా*! *శంభో*! *శంకరా*!

*సున్నాలు* గలవే ఈ భగవన్నామాలు అన్నీ! 

*ఏడుకొండల* వాడా! *వెంకట* రమణా!

నీకు నామాలతో పాటు అందు *సున్నాలు* లేవా!


తిరుపతిలో ఎక్కు ప్రతి *కొండ* లోనూ *0*!

తిరిగి దిగి వచ్చు ప్రతి *గుండు* లోనూ *0*!


ఇంత మహిమ గల *0* - 

మరి *గుడి* లోను లేదని, *బడి* లోను లేదని 

దిగులెందుకన్నా!


*గుడి* లోన జేరి *గుండి* గా,

*బడి* లోన జేరి *బండి* గా మారడం దాని *అభిమతం* కానే కాదన్నా! 

 

కనుక గుడి  *గంట* లో చేరి, బడి *గంట* లోనూ చేరి 

మోత మోగిస్తోందన్నా! 

ఆ మోత *నాదం* లోనూ *0*!


*కాలం* తోటే అది పరుగులిడుతోంది!

ప్రతి *గంట*, 

ప్రతి *దినం*, 

ప్రతి *వారం*,

ప్రతి *పక్షం*,  

ప్రతి *మాసం*, 

ప్రతి *సంవత్సరం*,

అన్నిటా ఉండి *కాలచక్రo* ను అది తిప్పుతోంది!


*వారం*, *వర్జ్యం* అంటూ, *గ్రహం* - *గ్రహణం* అంటూ

*పంచాంగం* అంతా *సున్నా* ల మయమే!


*దేహం* తోటే అది అంటిపెట్టుకుని ఉండె!

*కంటి* లోనూ *0*!  

*పంటి* లోనూ *0*!

*కంఠం* లో *0*! 

*కండరం* లో *0*!

*చర్మం* లో *0*!  

*రక్తం* లో *0*!

 

*దాహం* లో *0*! 

*మోహం* లో *0*!

*రాగం* లో *0*! *అనురాగం* లో *0*! 

*సరసం* లో *0*!  

*విరసం* లో *0*!

*కామం* లో *0*!  

*క్రోధం* లో *0*! 

*నరనరం* లో అది *జీర్ణించుకు* ని పోయె!


*రోగం* లో *0* ! దానికి చేసే *వైద్యం* లో *0*!

*అంగాంగము* న *0* అంటిపెట్టుకుని ఉండ

*దేహం* తోటే అది దహనమగుననిపించె! 

తీరా చితా *భస్మం* చూడ అందు కూడ కనిపించె!

మన గతులనే మార్చివేసి అదిi *గంతు* లేస్తోంది! 


*"జైహో సున్నా*

*జయ జయహోసున్నా" ౦*

అదృష్టవంతులు

 *60 దాటారంటే మీరు చాలా అదృష్టవంతులు* ఎందుకంటే 100 కి   11 మంది మాత్రమే 60 దాట గలుగుతున్నారు. ఏడు మంది మాత్రమే 65 దాటి 70 చేర గలుగు తున్నారు.

 మీరు ఆనందంగా ఉండడానికి పది చిట్కాలు


 1. దప్పిక అనిపించినా లేకున్నా *నీరు తాగుతూ ఉండాలి*. రోజు కనీసం రెండు లీటర్ల నీళ్లు తాగాలి.


 2. ఆడతారో, తిరుగుతారో, నాట్యం చేస్తారో  మీ ఇష్టం కదులుతూ ఉండండి. లేకపోతే కీళ్ల న్నీ బిగుసుకుపోతాయి .


3 . బ్రతకడానికి తినండి తినటానికి బ్రతకకండి పిండి పదార్థాలు బాగా తగ్గించి ప్రోటీన్లు ఎక్కువగా ఉన్న పోషకాహారం తినండి. ముఖ్యంగా *రాత్రిపూట పిండి పదార్థాలు బాగా తగ్గించాలి*.


 4.  *వీలైనంత వరకు నడవండి* లేదా సైక్లింగ్ చేయండి 100 నుంచి 200 మీటర్ల దూరం వాహనం వాడకండి, నడవండి. అపార్ట్మెంట్లో ఉండే వాళ్ళు ఎలివేటర్ వాడొద్దు రైల్వేస్టేషన్లలో ఎస్క లేటర్లు వాడొద్దు వాహనాలు వాడొద్దు. *మెట్లు ఎక్కండి రాంప్ పై నడవండి*.


 5. కోపం తగ్గించండి. తక్కువ మాట్లాడండి. మీ నివాస ప్రాంతంలో *" కోప నిషేధ స్థలం "* బోర్డు పెట్టండి. అది  మీకు కోపం రాకుండా ఉంచుతుంది.  మీ చుట్టూ ఉన్నవారికి కూడా గుర్తు చేస్తూ ఉంటుంది.


 6. ధనం పై  వ్యామోహం వదిలిపెట్టండి జీవనానికి అవసరమైనంత వరకు మాత్రమే సంపాదించాలి డబ్బు వెంట మీరు పరిగెత్తకండి డబ్బు మీ వెంట పరిగెత్తాలి .


7 మీరు కోరుకున్నది  దక్కకపోతే బాధపడకండి. నిన్ను నీవు దూసించుకో వద్దు. దానిని మర్చిపోండి.


8 *డబ్బు, తెలివి, సౌందర్యం, అధికారం, కులం, పదవి వీటి వల్ల అహంకారం పెరుగుతుంది*. దీనిని *వదిలిపెట్టాలి* దీనికోసం పై వాటిపై  నియంత్రణ సాధించాలి‌. వినయంగా ప్రజలతో ప్రేమగా ఉండాలి. ఆనందంగా నవ్వుతూ గడపాలి అప్పుడే నువ్వు ఆరోగ్యంగా ఆనందంగా ఉంటావు.


 9. తెల్ల జుట్టు గురించి ఆందోళన వద్దు. *కాళ్లు అనుమతించి నంతకాలం యాత్రలు చేయండి* ఆనందంగా ఉండండి తెల్లజుట్టు వార్దక్యానికి సంకేతం కాదు. 


10. అందరితో స్నేహంగా కలిసి మెలిసి ఉండండి ఒక్కోక్కప్పుడు చిన్నవారే మనకు ఎన్నో విషయాలు నేర్పిస్తారు . నేను పెద్దవాడిని *అందరు నాకు నమస్కరించాలి, గౌరవించాలి అని ఆశించకండి‌* నిశ్శబ్దంగా ఉన్న వారిని కూడా ఆప్యాయంగా పలకరించండి.


 ఈ 10 చిట్కాలు పాటించండి. 

గమనించండి మీ జీవితం ఎంత హాయిగా, ఆనందంగా, యవ్వనంగా గడిచిపోతుందో చూడండి ఒకే 🙏🙏🙏

చిట్టికథ


*చిట్టికథ*

 

ఒక మహారాజు వేటకు వెళ్లి తిరిగి రాజ్యం చేరడం  ఆలస్యం  అవడంతో  దారిలో  ఒక చీరలు  నేసే వారి ఇంట్లో ఆ రాత్రికి  సేద తీరుతాడు 


వచ్చింది రాజు అని తెలియక వాళ్ళు అతిథి  మర్యాదలు  చేసారు.అలసిపోయిన  రాజు ఉదయం లేవడం  కాస్త ఆలస్యం  అవడంతో ఆ ఇంటి వాళ్ళు వారి పనుల్లో  వారు ఉన్నారు .


రాజు లేవగానే చీర నేసే అతన్ని చూసాడు  

అతడి  చేతికి ఒక తాడు  కట్టి ఉండడం గమనించాడు రాజు వెంటనే ఎందుకు ఈ తాడు అని అడగగా  ఆ వ్యక్తి రాజు అడిగే  ప్రశ్నలన్నిటికీ సమాధానం పని చేస్తూనే  ఇవ్వడం మొదలు పెట్టాడు 


ఉయ్యాలలో బాబు నిదుర పోతున్నాడు  బాబు కదిలినప్పుడల్లా  ఈ తాడు లాగితే  బాబు నిదుర పోతాడు  అని చెప్పాడు .


అతనికి దగ్గటరలో  ఒక కట్టె కనిపించింది రాజుకి.

 అదేందుకు  అని అడిగాడు రాజు 

బయట నా భార్య ధాన్యాలను    వెళ్ళింది పక్షులేవైనా  వస్తే  ఈ కట్టె కు కట్టిన  నల్లగుడ్డ  ఊపితే  అవి వెళ్లిపోతాయి  అని బదులిచ్చాడు  ఆ వ్యక్తి .


ఆ వ్యక్తి నడుముకి గంటలు కట్టుకుని  ఉండడం గమనించాడు రాజు అదెందుకు అని అడిగాడు.అందుకు ఆ వ్యక్తి

 ఇంట్లో ఎలుకలు  బెడద  ఎక్కువగా ఉంది. అవి  వచ్చినప్పుడు ఈ గంటలు మోగిస్తే వెళ్లిపోతాయి అన్నాడు 


ఆ ఇంటి కిటికీలో ఓ నలుగురు  వ్యక్తులు  కనిపించారు రాజుకి.

వాళ్ళు ఎవరు అని అడిగారు  ??


పని చేస్తున్నది నా చేతులే కదండి  నా నోరు ఏ పని చేయట్లేదు  అందుకు నాకు వచ్చిన  కొన్ని పాటలు  వాళ్లకు నేర్పిస్తాను  వాళ్ళు నేర్చుకుంటారు  అని చెప్పాడు .

రాజు మళ్ళీ సందేహంగా  ఆలా వాళ్ళు బయట ఉండి నేర్చుకోటం  ఎందుకు ఇంటి లోపలకు రావొచ్చుగా  అని అడిగారు అందుకు ఆ వ్యక్తి 


నేర్చుకుంటున్నది నోటితోనే...  కాళ్ళు ఊరకనే  ఉంటాయి కదండి!  పాట  నేర్చుకుంటూ  వాళ్ళు కుండలు  తయారు  చేయడానికి మట్టిని  తొక్కుతుంటారు  అని బదులిచ్చాడు .


రాజుకి  చాల ఆశ్చర్యం  వేసింది ఒక మనిషి ఒకే సమయంలో ఇన్ని పనులు  చేయగలడా  అని !!


అందుకు ఆ చీరలు నేసే వ్యక్తి ఇలా అన్నాడు.ఇంతే కాదండి నా భార్య కాస్త చదువుకున్నది  తాను బయట పనులకు వెళ్లి వస్తుంది వెళ్లే ముందు పలకలో  ఓ పది పదాలు  రాసిపెట్టి  వెళ్తుంది. అన్ని అయ్యాక  అవి నేర్చుకుంటుంటాను  అని బదులిచ్చాడు .


రాజుకి నిజంగా చాలా ఆశ్చర్యం  వేసింది ఒక మనిషి ఇష్టపడి చేస్తే ఏ పని కష్టం కాదు అని .


సోమరిగా తిరిగేస్తున్న  వ్యక్తులకు ఇటువంటి వారి పరిచయం చాలు ఏదైనా సాధించాలి  అనే పట్టుదల రావటానికి.


నేర్చుకోవాలి అనే జిజ్ఞాస, సమయాన్ని సద్వినియోగం చేసుకునే ఆలోచన ఉంటే మనిషికి ఏదైనా సాధ్యమే.


🌷🌷🌷🏵️🏵️🏵️🏵️🏵️

🌹🌹🌹🌹🌹🛟🛟🛟 ఇలాంటి మరిన్ని పోస్ట్‌లను చూడటానికి మరియు All India Arya Vysya Sangam చేరడానికి, ఇక్కడ క్లిక్ చేయండి


https://kutumbapp.page.link/?efr=1

28, మే 2023, ఆదివారం

ఆచార్య సద్బోధన:*

 


              *ఆచార్య సద్బోధన:*

                  ➖➖➖✍️


*మెరుపు లేకుండా పిడుగు రాదు... విత్తనం లేకుండా వృక్షం రాదు...  నిప్పు లేకుండా పొగ రాదు...*


*కారణం లేకుండా ఎవ్వరూ కూడా మీ జీవితంలోకి ప్రవేశించ లేరు...*


*ఈ అనాది సృష్టి చక్రంలో కొందరు లెక్క వేయడానికి, మరికొందరు లెక్క తీర్చడానికి వస్తుంటారు...*


*ఒకరు బాధ పెడతారు. మరొకరు బోధ చేస్తారు. ఒకరు ఆనందింప చేస్తారు. మరొకరు అవమాన పరుస్తారు...*


*ముంచేవారైనా, మురిపించే వారైనా, గతంలో మీరు చేసిన కర్మల ఫలితాన్ని ఇవ్వడానికే వస్తారు...*


*పరమాత్ముడు వినిపిస్తున్న కర్మల రహస్యాన్ని వింటే మనసు తేలిక అవుతుంది...*


*మనుగడ సాధ్యమవుతుంది..*✍️

.          *సర్వం శ్రీకృష్ణార్పణమస్తు*

                       🌷🙏🌷


 🙏లోకా సమస్తా సుఖినోభవన్తు!🙏


🍀


           *ఒత్తిడికి దివ్యౌషధం*

                ➖➖➖✍️


*ఒత్తిడికి దివ్యౌషధం.. ఏంటో తెలుసా?*


            

*ప్రస్తుత పోటీ ప్రపంచంలో మనిషి జీవనం యాంత్రికం అయిపోయింది. ఈ యాంత్రిక జీవితంలో వయసు, పేద, ధనిక, ఆడ, మగ తేడా లేకుండా ప్రతి ఒక్కరికీ ఒత్తిడి పెరిగిపోతోంది.*


*ఈ ఒత్తిడి ప్రభావం ఆరోగ్యం మీద పడుతోంది. ఈ దశలో ఒత్తిడిని వీలైనంత వరకు తగ్గించుకోవడం చాలా ముఖ్యం.*


*ఒత్తిడిని తగ్గించే చిట్కాలేమిటో తెలుసుకుని వాటిని ఆచరిస్తే సరిపోతుంది... ఆ చిట్కాలు మీకోసం..*

 

**ఒత్తిడిని తగ్గించడంలో దివ్య ఔషధంగా పని చేసేది నవ్వు.*


*ప్రతి ఒక్కరూ హాయిగా నవ్వితే 80శాతం ఒత్తిడి మటుమాయమైపోతుంది.*


*అంతేకాదు, నవ్వడం వల్ల ఒత్తిడిని కలిగించే కార్టిసాల్‌ అనే రసాయనాల ఉత్పత్తి తగ్గి, ఆనందాన్ని రేకెత్తించే ఎండోమార్ఫిన్స్‌ అనే రసాయనాలు వెలువడతాయి.*

 

**పెద్ద పెద్ద శబ్దాలు వినడం వల్ల ఒత్తిడి అధికం అవుతుంది. కాబట్టి వీలైనంత వరకు అటువంటి శబ్దాలకు దూరంగా ఉండాలి.*

 

**ప్రకృతిలోని పక్షుల కిలకిలారావాలు, శ్రావ్యమైన సంగీతం వినడం, నీటి ప్రవాహం, సముద్ర కెరటాలను చూస్తూ ఉండటం వంటివి చేయడం వల్ల ఒత్తిడిని జయించవచ్చు.*

 

**మనస్సులో ఎటువంటి ఆలోచనలు రానీయకుండా అన్నీ పక్కనపెట్టి శ్వాసమీద ధ్యాస ఉంచి ధ్యానం చేయడం, వేకువజామునే వాకింగ్ చేయడం ద్వారా మానసిక దృఢత్వాన్ని పొందవచ్చు.*

 

**క్రమం తప్పకుండా వ్యాయామం చేయడం వల్ల కూడా శారీరకంగానే కాకుండా మానసికంగా కూడా ఎంతో లాభం చేకూరుతుంది, వ్యాయామం చేయడం వల్ల సమస్యలు వచ్చినప్పుడు కృంగి పోకుండా వాటిని ఎదుర్కొనేందుకు కావాల్సిన మానసిక స్థైర్యం వస్తుంది.*

 

**కండరాలు, శరీర అవయవాలు బిగదీసి ఉండకుండా ఫ్రీగా ఉండేట్టు చూసుకోవాలి. ఈ చిన్ని చిన్న చిట్కాలు పాటిస్తే ఒత్తిడి లేకుండా మనసు ఆహ్లాదంగా మారుతుంది.*✍️

.          *సర్వం శ్రీకృష్ణార్పణమస్తు*

                       🌷🙏🌷


 🙏లోకా సమస్తా సుఖినోభవన్తు!🙏


🍀



*“అహో ఇమం పశ్యత మే వినాశం”*

                ➖➖➖✍️



పురాతన కాలంలో సౌభరి అనే ముని ఉండేవాడు. అతను ఋగ్వేదం లో పేర్కొనబడ్డాడు, దానిలో సౌభరి మంత్రం అనే ఒక మంత్రం ఉంది. 'సౌభరి సంహిత' అనే ఒక గ్రంధం కూడా ఉంది. కావున అతను సామాన్యమైన ముని కాడు.


సౌభరి ముని తన శరీరంపై ఎంత నియంత్రణ సాధించాడంటే అతను యమునా నదిలో పూర్తిగా మునిగి నీటిలోపల ధ్యానం చేసేవాడు. ఒకరోజు అతను రెండు చేపల సంయోగం చూసాడు. ఆ దృశ్యం అతని మనస్సు ఇంద్రియములను చలింపచేసింది, మరియు అతని మదిలో లైంగిక సాంగత్యం కోసం కోరిక పెల్లుబికింది. తన ఆధ్యాత్మిక సాధన పరిత్యజించి, ఆ కోరిక ఎలా తీర్చుకోవాలనే తపనతో నీటినుండి బయటకు వచ్చాడు.


ఆ కాలంలో అయోధ్యకు రాజు మాంధాత, అతను ఎంతో తేజోవంతమైన ఉత్తమ పాలకుడు. అతనికి యాభై మంది, ఒకరిని మించి ఒకరైన అందమైన కుమార్తెలు ఉండేవారు. సౌభరి ముని      ఆ రాజు వద్దకి వచ్చి ఆ యాభై మందిలో ఒకరిని పాణిగ్రహణానికి అడిగాడు.


మాంధాత రాజు ఆ ముని స్వస్థచిత్తత గురించి ఆందోళన పడి ఇలా అనుకున్నాడు…  "ఒక వృద్ధుడు పెళ్లి చేసుకోవాలనుకుంటున్నాడు!" అని. 


ఆ రాజు కి, సౌభరి ఒక శక్తివంతమైన ముని అని తెలుసు, కాబట్టి ఇతని కోరికని నిరాకరిస్తే, ముని అతనిని శపించవచ్చు. కానీ, తను ఒప్పుకుంటే, తన కుమర్తెలలో ఒకరి జీవితం నాశనం అయిపోతుంది. ఎటూతోచని పరిస్థితిలో రాజు ఇలా అన్నాడ.., "ఓ పుణ్యపురుషా, నాకు ఎటువంటి అభ్యంతరం లేదు. దయచేసి కూర్చోండి. నా యాభై మంది కుమార్తెలను మీ ముందుకు తీసుకొస్తాను, వారిలో ఎవరు మిమ్ములను ఎంచుకుంటే ఆమె భార్యగా మీదవుతుంది". రాజు ధైర్యం ఏమిటంటే తన కుమార్తెలలో ఎవరూ కూడా ఈ వృద్ధ సన్యాసిని కోరుకోరు, కాబట్టి ఈ ప్రకారంగా, ముని శాపాన్ని తప్పించుకోవచ్చు.


సౌభరికి రాజు ఉద్దేశ్యం పూర్తిగా తెలుసు. తను మరుసటి రోజు వస్తానని రాజుకి చెప్పాడు. ఆ సాయంత్రం తన యోగ శక్తి ఉపయోగించి అందమైన యువకుడిగా మారిపోయాడు. పర్యవసానంగా, మరుసటి రోజు రాజ మందిరం వెళ్ళినప్పుడు , ఆ యాభై మందీ రాకుమార్తెలు కూడా అతన్నే భర్తగా కోరుకున్నారు. ఇచ్చిన మాటకు బద్దుడై ఆ రాజు తన కుమార్తెలందరినీ ఆ మునికి ఇచ్చి వివాహం చేయవలసి వచ్చింది.


ఇప్పుడు, తన యాభై మంది కుమార్తెలు ఒకే భర్త ని పంచుకోవటంలో తమలో తాము తగవు పడతారేమోనని ఆ రాజు చింతించాడు. కానీ, సౌభరి మరల తన యోగ శక్తి ని ఉపయోగించాడు. రాజు భయాన్ని తొలగించటానికి అతను యాభై రూపములు స్వీకరించి, తన పత్నుల కోసం యాభై భవనాలు సృష్టించి, వారందరితో వేర్వేరుగా నివసించాడు. 


ఈ విధంగా కొన్ని వేల సంవత్సరములు గడచి పోయినవి. సౌభరికి ప్రతి భార్య తో చాలా మంది బిడ్డలు కలిగారని, వారికి మళ్ళీ ఇంకా పిల్లలు కలిగి, చివరకి ఒక చిన్న పట్టణం తయారయిందని పురాణములలో చెప్పబడింది. 


ఒక రోజు ఆ ముని తన అసలు స్పృహకొచ్చి ఇలా మొరబెట్టుకున్నాడు:


“అహో ఇమం పశ్యత మే వినాశం” (భాగవతం 9.6.50)


"ఓ మానవులారా! భౌతిక వస్తువుల ఆర్జన ద్వారా ఆనంద ప్రాప్తి కోసం ప్రయత్నించే వాళ్లాలారా, జాగ్రత్త. నా భ్రష్టత్వం చూడండి. నేనెక్కడ ఉండేవాడిని, ఇప్పుడేమైపోయానో. నేను యాభై శరీరాలు సృష్టించాను మరియు యాభై స్త్రీ లతో వేల సంవత్సరాలు గడిపాను. అయినా ఇంకా ఈ ఇంద్రియములు సంతృప్తి చెందలేదు, సరికదా ఇంకా కావాలని కాంక్షిస్తున్నాయి. నా పతనం చూసి నేర్చుకొని, ఆ దిశలో వెళ్ళవద్దు."


భగవద్గీత, భాగవతము చదవండి, సులభమైన భక్తి యోగాన్ని ఆచరించండి ఆనందంగా ఉండండి.

కలియుగ ధర్మం హరినామ సంకీర్తన చేస్తూ తరించండి.

వైకుంఠలోకాలలో శాశ్వత ఆనంద జీవితం పొందండి.

సదా జపించండి…

హరే కృష్ణ హరే కృష్ణ  కృష్ణ కృష్ణ హరే హరే!

హరే రామ హరే రామ రామ రామ హరే హరే!!

సంతోషంగా ఉండండి!✍️


.          *సర్వం శ్రీకృష్ణార్పణమస్తు*

                       🌷🙏🌷


   🙏లోకా సమస్తా సుఖినోభవన్తు!🙏





         *మూడు బొమ్మల రహస్యం*

                  ➖➖➖✍️



*ఒక వ్యక్తి అన్నిచోట్లా తిరుగుతూ బొమ్మలు అమ్ముకునేవాడు. ఒక రోజు, అతను ఒక రాజ్యానికి చేరుకున్నాడు, అక్కడ రాజుకు కొత్తవి, ప్రత్యేకమైన బొమ్మలంటే చాలా ఇష్టం అని తెలుసుకున్నాడు.*


*రాజభవనంకు వెళ్లి, ఆస్థానంలో ఉన్న రాజు వద్దకు వెళ్లి, "మహానుభావా, మీరు ఇంతకు ముందెన్నడూ చూడని బొమ్మలను ఈ రోజు నేను మీకు చూపిస్తాను" అని చెప్పాడు.*


*రాజు అతని బొమ్మలను ఆస్థానంలో  ప్రదర్శించడానికి అనుమతించాడు.*


*బొమ్మలు అమ్మేవాడు తన పెట్టెలోంచి మూడు బొమ్మలు తీశాడు.*


*రాజుగారి ముందు వాటిని ప్రదర్శిస్తూ, "ఈ బొమ్మలు తమలో తాము చాలా ప్రత్యేకమైనవి. చూడడానికి ఒకేలా కనిపించినప్పటికీ, వాస్తవానికి అవి చాలా భిన్నంగా ఉంటాయి." అని చెప్పాడు.*


*బొమ్మలను ఒక్కొక్కటిగా చూపిస్తూ, "మొదటి బొమ్మ వెయ్యి బంగారు నాణేలు, రెండవది వంద బంగారు నాణేలు, మూడవది ఒక్క బంగారు నాణెం మాత్రమే" అన్నాడు.*


*రాజు ఆ మూడు బొమ్మలను చాలా జాగ్రత్తగా చూసాడు, కానీ వాటిలో ఏ తేడా కనిపించలేదు, మరి ధరలో అంత వ్యత్యాసం ఎందుకు ఉందని ఆశ్చర్యపోయాడు!*


*తానేమీ కనుగొనలేక, రాజు తన మంత్రులను ఆ తేడాను కనుక్కోమన్నాడు.*


*మంత్రులు అన్ని వైపుల నుండి ఆ బొమ్మలను చూశారు కాని వాటిలో రహస్యాన్ని ఛేదించలేకపోయారు.*


*రాజు అప్పుడు రాజ పురోహితుడిని {రాజగురువుని} చూడమని అడిగాడు. ఆయన చాలా జాగ్రత్తగా ఆ బొమ్మలను పరిశీలించి మూడు గడ్డి పరకలను తీసుకురమ్మని ఆదేశించాడు.*


*గడ్డి పరకలు తీసుకురాగానే, రాజపురోహితుడు మొదటి బొమ్మ చెవిలో ఒక గడ్డిపరకని దూర్చాడు.*

 

*అందరూ చూస్తూండగా ఆ పరక నేరుగా కడుపులోకి వెళ్లి, కొద్దిసేపటి తర్వాత, ఆ బొమ్మ పెదవులు కదిలి, ఆపై మూసుకుపోయాయి.*


*తరువాత, ఆయన పక్కన ఉన్న బొమ్మ చెవిలో ఒక గడ్డిపరకని దూర్చాడు, ఈసారి మరొక చెవి నుండి గడ్డిపరక బయటకు వచ్చింది తప్ప మరే కదలిక లేదు.*


*ఇది చూసిన ప్రతి ఒక్కరిలో తరవాత ఏం జరుగుతుందోనన్న ఆసక్తి మరింత పెరిగింది.*


*ఇప్పుడు ఆయన మూడవ బొమ్మ చెవిలో గడ్డిపరకని దూర్చాడు, దాని నోరు ఒక్కసారిగా తెరుచుకుని  ఏదో చెప్పాలనుకుంటున్నట్లుగా కదులుతూ ఉంది.*


*ఇది చూసిన రాజు, "ఇదంతా ఏమిటి? ఈ బొమ్మల ధరలో ఎందుకు అంత తేడా ఉంది?" అని రాజ పురోహితుడిని అడిగాడు.*


*పురోహితుడు ఇలా సమాధానమిచ్చాడు, "సద్గుణవంతుడు ఎప్పుడూ తాను విన్నదాన్ని తనలోనే ఉంచుకుంటాడు, దానిని ధృవీకరించుకున్న తర్వాత మాత్రమే నోరు తెరుస్తాడు. అదే అతని గొప్పతనం.*


*ఇది మొదటి బొమ్మ నుండి మనకు లభించే జ్ఞానం. ఆ కారణం చేతనే దాని విలువ వెయ్యి బంగారు నాణేలు.”*


*కొంతమంది ఎప్పుడూ తమలో తాము నిమగ్నమై ఉండి, మిగిలినవేవీ పట్టించుకోరు. వారు ఇతరుల నుండి ఎటువంటి ఆసక్తి లేదా ప్రశంసలను కోరుకోరు. అలాంటి వ్యక్తులు ఎవరికీ హాని చేయరు.*


*రెండవ బొమ్మ నుండి మనం నేర్చుకునేది ఇదే, దాని విలువ వంద బంగారు నాణేలు అవడానికి కారణం ఇదే.*


*కొంతమందికి చెవులు బలహీనంగా ఉండి, నోరు వదులుగా ఉంటుంది. 

ఏదైనా విన్న వెంటనే, అది నిజమో కాదో తెలుసుకోవడానికి కూడా ప్రయత్నించకుండా చుట్టుపక్కల వారికి చెప్పి, సమాజంలో తప్పుడు జ్ఞానాన్ని వ్యాప్తి చేస్తారు.*

*అందుకే దాని విలువ ఒక్క బంగారు నాణెం మాత్రమే."


♾️♾♾♾♾♾♾♾♾


*స్పృహలో ఉండి చేసే పనులలో,  మనం వల్ల జరిగే అన్ని తప్పులు ఎక్కువగా మనం ఏమి మాట్లాడతాం, ఎలా మాట్లాడతాం అన్నదాని మీదే ఆధారపడి ఉంటాయి.*✍️

.          *సర్వం శ్రీకృష్ణార్పణమస్తు*

                       🌷🙏🌷


   🙏లోకా సమస్తా సుఖినోభవన్తు!🙏


🍀🌺🍀🌺🍀🌺🍀🌺🍀🌺🍀



           *భగవన్నామ స్మరణ!*

                 ➖➖➖✍️


*ఈ ప్రపంచంలో వెలకట్టలేని సంపదలు రెండే రెండు.    అవి ఏమిటి అంటే…ఒకటి మనశ్శాంతి, రెండు సంతృప్తి!*


*ఈ రెండింటిని సంపాదించుకున్న వాళ్ళు. ప్రతి క్షణం అఖండమైన ఆనందాన్ని అనుభవిస్తారు.*


*అవి సంపాదించుకోవటానికి కష్టపడక్కర్లేదు. ఎంతో ఆనందంగా సంపాదించుకోవచ్చు!*


*అవునా ఎలా అంటారా..?*


*మీకు నచ్చిన వంశపారపర్యంగా వచ్చిన ఆ తండ్రి పరమాత్మ నామ స్మరణ చేస్తే చాలు!*

*ఆ వెలకట్టలేని రెండు సంపదలు ఇస్తాడు.*


*నిజం!      దైవ నామ స్మరణ!!*

*ఇందులో మాధుర్యము, గొప్పతనము నేను అనుభవించి మీకు చెప్తున్నాను.*


*ఆధ్యాత్మికత అనే సరస్సులో నామం అనే రాయి వేసి శబ్దం చేస్తే,  తరంగాలు మొదలవుతాయి.*

*అవి మన మనసంతా వ్యాపించి శరీరమంతా నిండిపోతాయి. ఏ నామాన్నయితే మనం స్మరిస్తున్నామో, ఆ దేవుడికి సంబంధించిన రూపాన్ని మన మదిలో నిలుపుతాయి.*


*నామం ఆధ్యాత్మిక శబ్ద తరంగం!*


*బెల్లం బెల్లం అంటే బెల్లం రుచి మనకు తెలియదు. అలాగే, తేనె తేనె అంటే కూడా తేనె రుచి మనకు తెలియదు.*


*బెల్లాన్ని కొరికి తినాలి.  తేనెను నోటిలో వేసుకొని చప్పరించాలి!*


*అప్పుడే ఆ మాధుర్యం మనకు అనుభవమవుతుంది.*


*దైవనామం, దైవం వేరు కాదు.  ఆ పేరు స్మరించగానే అతడు మన దగ్గరుంటాడు.*


*అది నిజం అని భగవదనుభూతిపరులు తెలియజేశారు. ఉపనిషత్తుల్లో భగవన్నామ స్మరణ గురించి ఎన్నో వివరణలు ఉన్నాయి. పిలిస్తే పలికే భగవంతుడని ఎందరో భక్తులు ఋజువు చేశారు.*


*సరే, నామం చెబుతాం. శబ్దం వినిపిస్తుంది.*

*మన రూపంలాగా రూపం కనిపించదు. ఎంతకాలం నిరీక్షించాలి.  ఎప్పుడు భగవంతుడు కనిపిస్తాడని చాలామందికి సందేహం.*


*అందుకే కొంతకాలం నామం చెప్పి విసిగిపోయి విడిచి పెట్టేస్తారు.*


*అక్కడే మనం నిలబడాలి.*

*దైవం ఒక అనుభవం.*

*ఇనుపముక్కను బాగా కాలిస్తే అందులోకి ఉష్ణం వ్యాపిస్తుంది.*


*ఆ ఉష్ణం ఇనుపముక్క ఎంతవరకు విస్తరించి ఉందో అంతవరకు వ్యాపిస్తుంది.*


*అందులో వేడి కనిపించకపోవచ్చు. ముట్టుకుంటే చుర్రుమనిపిస్తుంది.*


*నామస్మరణతో  మనసును పదేపదే భక్తిపూర్వకంగా సాధనలో ఉంచుతుంటే దేహమంతా ఆధ్యాత్మిక తరంగ ప్రవాహంగా మారుతుంది.*


*కొన్నాళ్లకు మనసే మారిపోతుంది. పుట్టుక నుంచి వచ్చిన చెడ్డ గుణాలు ఒక్కొక్కటిగా మనల్ని వదిలిపోయి,  వాటి స్థానే ప్రేమ వచ్చి చేరుతూ ఉంటుంది.*


*నామస్మరణ చేయగా చేయగా వెదురు ముక్క లాంటి శరీరం వేణువవుతుంది. బృందావనంలో శ్రీకృష్ణుడు ఆలపించిన నాదమవుతుంది. ముల్లోకాలూ తిరిగి ‘నారాయణా! నారాయణా!’ అని స్మరించే నారదుడి చేతిలో తంబుర అవుతుంది. పరవశించి దివ్య తన్మయత్వంతో చేసే పరమశివుడి పంచాక్షరి అవుతుంది.*


*భక్తి-ప్రేమలను నింపి చేసే నామస్మరణకు మించిన యోగం లేదు. పూర్వజన్మ పుణ్యంవల్లనే ఆ భాగ్యం కలుగుతుంది. దాన్ని దక్కించుకున్నవారు తుకారాం, త్యాగయ్య, అన్నమయ్య, రామదాసు, ప్రహ్లాదుడు లాంటి భక్తులు. వారే సజీవ సాక్ష్యంగా కాలంలో నిలిచి నామం గొప్పతనాన్ని విశ్వానికి చాటారు.*


*పురాణాల్లో శాస్త్రాల్లో చదివేము ఆ మహానుభావులు గురించి కానీ నేను స్వయంగా అనుభవించి చెప్తున్నాను  నామస్మరణం వలన ఎంతో ఆనందాన్ని పొందుతున్నాను, మీ అందరి అభిమానం పొందుతున్నాను నా తండ్రి శివయ్య నాతోనే నా పక్కన ఉన్నాడు అన్న చక్కని అనుభూతి పొందుతున్నాను.*


*పూజ నిమిత్తం సామగ్రి కొనాలి. నియమాలు పాటించాలి. ధనం ఉండాలి. వ్రతాలకు, నోములకు కఠోర నియమాలుంటాయి. యజ్ఞాలకు, క్రతువులకు శక్తియుక్తులుండాలి. శాస్త్రం తెలిసి ఉండాలి. దోష రహితంగా చెయ్యాలి. అందుకే, కలియుగంలో నామస్మరణను మించింది లేదని ప్రతిపాదించారు పెద్దలు.*


*ఎక్కడ ఉన్నా ఏ పని చేస్తున్నా మనసును లగ్నం చేసి నామం స్మరించుకోవచ్చు. పనికి ముందు నామస్మరణ, పని తరవాత మళ్ళీ నామస్మరణ చేస్తూ ఉంటే, ఆ చేసే పని పవిత్రమవుతుంది. అందులోని దోషాలు హరించిపోతాయి. ఆ విధంగా చేసే కర్మ ఈశ్వరార్పణ కర్మ అవుతుందని భగవద్గీత చెబుతోంది.*


*ఎవరి పేరు వాళ్లకు ఇష్టం. మనందరికీ మనల్ని సృష్టించినవాడి పేరు ఎందుకు ఇష్టంగా ఉండదు?*

*తప్పక ఉంటుంది. *

*భయంలో, బాధలో, సుఖంలో, సంతోషంలో....  పాలలో తేనెను కలుపుకొన్నట్లు జీవితంలో నామాన్ని కలుపుకోవాలి.*

*దైవం ఎప్పుడూ కలవడానికి తొందరగా ఉంటాడు.*

*మన నామస్మరణ ఈ రోజు మొదలుపెడితే ఇప్పుడే అతడు మనకు చేరువవుతాడు. సందేహం లేదు. ఇది ఋషుల మాట. మన ఆధ్యాత్మిక జీవితానికి బంగారు బాట. ఆ తండ్రి పరమాత్మ పాదాలు దగ్గర చోటు సంపాదించుకోవడానికి చేరుకోవటానికి చక్కని మార్గం.*✍️

.          *సర్వం శ్రీకృష్ణార్పణమస్తు*

                       🌷🙏🌷


 🙏లోకా సమస్తా సుఖినోభవన్తు!🙏


తెలివితేటలకు ఉండే శక్తి

 *"తెలివితేటలు"*


శరీర బలం ఉన్నవాని కంటే తెలివితేటలు ఉన్నవాడు బలవంతుడు. పర్వతమంత ఆకారంలో ఉండే ఏనుగును సైతం మావటివాడు అవలీలగా లొంగదీసి దాని మీదకు ఎక్కగలడు. 


కండలు తిరిగి, శరీరం దృఢంగా ఉండి బలవంతులైనవారు చాలామంది ఉంటారు. అలాగే బాగా చదువుకుని తెలివితేటలు సంపాదించుకున్న నీతి మంతులు కూడా ఉంటారు. అయితే వీరి శరీరం దృఢంగా ఉండక పోవచ్చు. 


కానీ వారికున్న తెలివితేటలతో దేహ బలం ఉన్నవారి కంటే బలవంతులుగా ఉంటారు. ఏనుగు కొండంత ఉంటుంది. జంతువులన్నిటిలోకీ శరీరబలం ఉన్నది ఏనుగు మాత్రమే. మరే ప్రాణికీ అంత బలం లేదు. 


మావటివాడు ఏనుగు పరిమాణంలో పదోవంతు కూడా ఉండడు. అయినప్పటికీ కొండంత ఉన్న ఏనుగును మావటి తన దగ్గరుండే అంకుశంతో లొంగదీసుకుని దాని మీద ఎక్కి కూర్చోగలుగుతున్నాడు. దీనికి కారణం అతనికి ఉన్న తెలివితేటలు. 


తెలివితేటలకు ఉండే శక్తి అమేయమైనది.

వితరణ గుణం!!!

 


విశ్వనాధ వితరణ గుణం!


" నకర్మణా నప్రజయా నధనేన

       త్యాగేనైకేనానమృతత్వ మానసుః'-

(దానమొక్కిటే మానవునిఅమరునొనర్చుననితాత్పర్యం)

అన్నవేదవాక్యానికి చక్కని నిదర్శనం

విశ్వనాధజీవితం.తనకున్నా లేకువ్నా

గుప్తదానాలుచేయటం వారిస్వభావం.

లెక్చరర్ గాపనిచేస్తూ, పేదవిద్యార్ధులకు

ఫీజులువగైరాలు కట్టటం సరేసరి. తనపరిసరాలలో ఉండేవారిని అవసరానికి ఆదుకోవటం ఆయనకు అలవాటు. ఆఅలవాటు రానురాను బలపడిందేతప్ప ఏమాత్రం తగ్గలేదు.

ఉందా లేదా అనే ఆలోచనయేలేదు.చేతికి వచ్చింది వెంటనే యిచ్చెయ్యటమే!

చిటిపొట్టి దానాలను చెప్పుకోవలసినపనేలేదు.

         వారి మహనీయమైన దాతృత్వానికి అద్దంపట్టిన రెండు సంఘటనలను మీముందుంచుతాను.

1  విశ్వనాథ కొంతకాలం కరీంనగర్ కాలేజీకి ప్రిన్సుపాలుగా పనిచేశారు.

ఆరోజులలో చొక్కారావుగారువగైరా

జగిత్యాలలో వారికి ఘన సన్మానం చేసి

10వేలరూపాయల పర్సుయిచ్చారు.

కవిసామ్రాట్ తిరుగుప్రయాణంలో ధర్మపురి లక్మీనరసింహస్వామి దర్శనానకి వచ్చారు.గుడిప్రాకారందాటి

ముఖమండపంవైపు అడుగులేశారు.అంతే మంత్రముగ్ధునివలె చేతులు జోడించి

అరమోడ్పుకనులతో శ్రధ్ధగా వినసాగారు. అక్కడ వేదవిదులైనబ్రాహ్మణులు సుస్వరంగా

వేదపారాయణచేస్తున్నారు.ఆపారాయణ పూర్తిఅయ్యేవరకూ పారవస్యంతో అక్కడే నిలబడి.

పారాయణ ముగియగానే తనజేబులో నున్న 10వేలరూపాయలకట్టను ఆబ్రాహ్మణుల ముందుంచి నిర్వికారంగా 

వెనుదిరిగి కారెక్కారు.అచ్చెరువందటం చూచినవారి వంతైంది.

         అదీ వారి దానశీలత!

2  ఇప్పుడు నేచెప్పబోయే రెండవది.ఇది

వారి ఔదార్యానికి,పరాకాష్ఠ. రామాయణకల్పవృక్ష తపః పలంగా వారికి జ్ఞానపీఠం అవార్డు దక్కింది.అవార్డుద్వారా.లక్షరూపాయలపారితోషికంగూడా లభించింది.

        రోజులు గడుస్తున్నాయి.ఒకనాడు

అనుకోని అతిథియై తనచిన్ననాటి మిత్రుడు కొల్లిపర సూరయ్యగారి కుమారుడు విశ్వనాధయింటికి వచ్చాడు.అతిథిమర్యాదలు,కుశలప్రశ్నాదికాలు అయినవి. "నీవెందుకొచ్చావురా?"-అన్నారు విశ్వనాథ. ఆకుర్రాడు సిగ్గుపడుతూ, కొంచెసంకోచిస్తూ, ఒక కాగితం విశ్వనాథకు అందించాడు.అదిప్రోనోటు.

50వేలరూపాయలకు వ్రాయబడింది.అదిచూడగానే విశ్వనాథబిత్తరపోయారు. ఇదెందుకురా? అన్నారు.పాపం కుర్రాడు

భయపడుతూ, "బాబయ్యగారూ!మాచెల్లికి పెళ్ళిసంబంధంకుదిరింది. మిమ్మల్నడిగి అప్పుగా 50వేలు తెమ్మని నాన్నపంపాడు.ఇన్నాడు"-అంతే విశ్వనాథ భగ్గుమన్నారు.

          "ఏరా!మీనాన్న ఏమనుకుంటున్నాడు?.నేనిక్కడ వడ్డీవ్యాపారంచేస్తున్నా ననుకుంటున్నాడా?ప్రో నోటుఅందుకా?

పోరా! పో! నాదగ్గరడబ్బులేదు.ఉన్నా ఇవ్వను. ఈమాట మీనాన్నతోచెప్పు.

ఇంక నడువ్!"-అంటూ అతిదారుణంగా

ఆపిల్లవాణ్ణి మందలించి పంపేశారు.

గుడ్లనీరు నించుతూ ఆపిల్లవాడు మెల్లగా అక్కడనుండి జారుకొన్నాడు.

           మరికొంత సేపటి విశ్వనాధతేరుకున్నారు.చొక్కాతొడుకుకొని భుజంమీద ఉత్తరీయం అలంకరించుకొని చెక్ పుస్తకం జేబులో పెట్టుకొని తిన్నగా బ్యాంకుకి వెళ్ళి 50వేలు డ్రాచేసి చేతిసంచీలో పెట్టుకొని

జట్కాయెక్కి సరాసరి కొల్లిపర సూరయ్య యింటిముందుదిగారు.

            అప్పటి కక్కడివాతావరణం

చాలావేడివేడిగా ఉంది.కొడుకుచెప్పినమాటలు విని సూరయ్య"బాబయ్యగారి కోపంతాటాకులమంటరా!అదిక్షణ కాలమే! నీకుతెలియదులే వారితత్వం.

వారిహృదయం వెన్నముద్దరా?పోనీలే మనకు ప్రాప్తంలేదు.నీవేమీబాధపడకు.

అంటూ వీధిఅరుగుమీదకూర్చుని కొడుకును సముదాయిస్తున్నారు.

అంతలో నవ్వుతూవిశ్వనాధ అక్కడప్రత్యక్షం!

బాబయ్యగారొచ్చారు,బాబయ్యగారొచ్చారని ఆడ మగ సంభ్రమపడుతూ వారికి స్వాగతం పలికారు.

           విశ్వనాధపాదప్రక్షాళనంచేసి అరుగు మీద సూరయ్యగారికి దగ్గరగా జరిగి కూర్చుని సూరయ్యవీపునిమురుతూ కుశలాదికములడిగి, "ఎన్నో ఆడపిల్లరా?

ఆపెళ్ళికూతురు?ఏదీ ఇటురమ్మను"-

అన్నారు .పెళ్ళికూతురు వినయంగావచ్చి విశ్వనాధపాదాలకు నమస్కరించింది.కాబోయేపెళ్ళికూతుర్ని 

పైకిలేపి ఆశీర్వదిస్తూ, చేతిసంచీలోని 50వేలరూపాయలు ఆపిల్లచేతిలో ఉంచి

జట్కాయెక్కారు.

         "  సూరయ్యా!నీకూ నాకూ మధ్యరుణమేమిటిరా?నీకూతురిపెళ్ళికిది నాచదివింపు.రుణపత్రంపంపావని కోపం వచ్చిన మాటనిజమే దాన్ని మరచిపో!"-అని నిర్లిప్తంగా యింటికి మరలారు.

            ఇక అవార్డుశేషం 50 వేలతో తమస్వగ్రామంలోని శిధిలమౌతున్న శివాలయాన్ని జీర్ణోధ్ధారంగావించారు.

              ఇంతకీ సూరయ్యగారెవరు?

వారికీ వీరికీ గలసంబంధం ఏమిటి అనిగదూ మీసందేహం.అయితేవినండి

          సూరయ్యగారూవీరూ చిన్ననాటి స్నేహితులు .ఒకేగ్రామం.వీధిబడిలోకలిసి చదువుకున్నారు. నాడు

కలిమికివారసుడైన సూరయ్య తరువాత సంపదపోయి కష్టాలలోపడ్డాడు.అయినా చిన్ననాడు వారింటతాననుభవించిన సుఖభోగాలను విశ్వనాధమరువలేదు.సమయానికి స్నేహితుని ఆదుకొని స్నేహం విలువయేదో నిరూపించారు.


       ఇదీ వారి వితరణ గుణం!!!


                               స్వస్తి!!

విశ్వనాథలోని "నేను"*

 మిత్రులకు శుభోదయం🙏



విశ్వనాధనిర్లిప్తత!


              *శ్రీ  విశ్వనాథలోని "నేను"*


                               *శ్రీ పేరాల భరతశర్మ*


ఆయన రాబడి మొదటి నుంచీ జాగ్రత్తపడితే కొన్ని లక్షలు మిగలవలసిందట. క్లాసులో ఎవడో ప్రక్కవాడితో మాట్లాడుతున్నట్లు కనిపిస్తే ఒకనాడు “ఒరేయ్! ఏమిటీ

దవడలాడిస్తున్నావ్. ఇంకోసారి మాట వినిపిస్తే ఆ దవడలు నీవి కావు” అని “చదువుకోండోయ్ ఉద్యోగాలు రావద్దా ఊళ్ళేలవద్దా.   నేనూ మొన్నటిదాకా ఒళ్ళూ పాయా

తెలియకుండా తిరిగినవాణ్ణి ఒక ఏడాదిక్రితం నాకొక ఆలోచన వచ్చింది. మన జీవితంలో మిగిల్చింది ఏమిటి? ఇంత మహాకవినీ ఇప్పుడు పోతే నా భార్యకు పిల్లలకు తిండి కూడా కష్టమైపోతుంది. ఆ స్థితి ఊహిస్తే నాకు జాగ్రత్త పడాలన్న జ్ఞానోదయమైంది.

అప్పటి నుంచీ కొంచెం వెనకవేస్తున్నాను. జీవితంలో నాకు ఆలస్యంగా మొదలైంది

మిమ్మల్ని చిన్నప్పుడే జాగ్రత్తపడమని కోప్పడుతా” అని చమత్కారంగా చెప్పారు.


ఆయనకు తన గొప్పదనాన్ని గురించిగానీ, భాగ్యాన్ని గురించి గానీ ఏ మాత్రం గర్వం లేదు. ఆయనకు జ్ఞానపీఠం బహుమానం వచ్చింది. రేడియో స్టేషనుకు కార్లో

పోతున్నాము. అప్పుడు మాస్టారు -- "ఈ శరీరమే చిత్రమైనది. ఎన్ని బాధలు పడిందో అన్ని సుఖాలూ పడింది. ఈ శరీరంలో ఉన్న సత్యనారాయణ నాటికీ నేటికీ ఒక్కడే. కాని వీడిచుట్టూ వున్న సంసారం మారిపోయింది. అప్పుడు నాతో బ్రతికిన భార్య యిప్పుడు లేదు. ఇప్పుడు నా యింట్లో ఎన్ని కూరలున్నా చుట్టం వస్తే మళ్ళా ఏ బంగాళాదుంపలో

ఏవో తెప్పిస్తేగాని తృప్తిగా వుండదు. అప్పట్లో నా కొంపకు చుట్టం వస్తే వానికి ఏమి

మర్యాద చేయగలమా అని నాకు కొంచెం కష్టంగా వుండేది. భోజనం వేళ ఆగదు గదా!

ఆ వేళకు మా ఆవిడ వచ్చిన చుట్టానికి, నాకు తిండి సృష్టించేది. ఇంట్లో ఆ పదార్థాలు ఎలా ఎక్కడి నుండి ఊడిపడినాయో నాకు తెలియదు. షడ్రసోపేతంగా అమృతాయ మానమైన తిండి సృష్టించేది. సృష్టించడమే సుమా! కూర, పప్పు, పులుసు, పచ్చడి ఏమి కావాలో అన్నీ, ఎలా వచ్చినాయి యివన్నీ! నా బీద కాపురానికి అటువంటి సృష్టి చేయడానికి, ఆ మర్యాద దక్కించడానికి ఆ మహాయిల్లాలు పడిన శ్రమ తలచుకుంటే నాకు ఇప్పటికి

ఒళ్ళు గగుర్పొడుస్తుంది. అదంతా ఎందుకండి! నేను 1956లో మేడ కట్టాను. అప్పటి

వరకూ పాకలో వున్నాను. అప్పుడూ ఇప్పుడూ ఒక్కటే. కాని అప్పటి మా ఆవిడ పడిన

కష్టం వాన కురిస్తే ఇంట్లో మోకాటిలోతు నీళ్ళు ఆ నీళ్ళు తోడేసి రాళ్ళు పేర్చి వాటి

మీద యింత ఉడకేసి పెట్టాల్సి వచ్చేది. అప్పటి విశ్వనాథ సత్యనారాయణకి యిప్పటి విశ్వనాథ సత్యనారాయణకి తేడా ఏమిటి? అదే శరీరం కారులో పోతుంది. రైలులో పోతుంది. కొన్ని యేండ్లుగా యిలా సుఖపడుతున్నది. లోపల ఉన్న జీవుడు ముందు స్థితి

మరచిపోలేదు. మా తండ్రిగారుండగా నేను యువరాజును. పుట్టుభోగిని. తర్వాత కష్టదశ. ఈ కనపడే భోగం, మేడ అంతా ఆ జీవుడినంటుకోవడం లేదు. అందువల్ల వాడికి దుః

ఖమేమిటో కష్టమేమిటో తెలిసినంత సుఖం గూర్చి తెలీదు. వానికి గర్వం ఎలా వుంటుంది?

(అంత కష్టదశలో ఆయన చేసిన గుప్తదానాలు అనేకములు. ఆయన సంపాదన అప్పుడు

తక్కువ కాదు. దాతృత్వం ఆపుకోలేని చేయి తన యిబ్బంది తాను పడుతూనే వుంది. ఆ దానాలతో సుఖపడినవారు చాలామంది వున్నారు) బ్రతికి వున్నాను కనుక యివన్నీ అనుభవిస్తున్నాను. ఆ భార్య లేదు. ఆమెకీ అనుభవం లేదు. ఇప్పుడింత మహాకవిని.

అప్పుడూ మహాకవినే నన్ను మహాకవిని చేసినది ఆమె.  “ఈ మాటలాయన కళ్ళల్లో

చెమ్మతో అన్న మాటలు. వరలక్ష్మీ త్రిశతిలో అన్నారు కదా!


“వట్టి నీరసబుద్ది నట్టినన్ను రసోత్థపథముల సత్కవీశ్వరుని జేసి

.... ఇతరు లెవ్వరు నెరుగని యీ రహస్య ఫణితి నను

నేలుకొనిన నా పట్టమహిషి"


“నా యఖిల ప్రశస్త కవనమ్మున కాయమ పట్టభద్రురా

లాయమ లేక యాధునికమైన మదున్నత చిత్తవృత్తి లేదు”

అని చెప్పారు.


 శ్రీరామచంద్రమూర్తికి ముప్పై ఆరు ఏండ్ల వయసులో సీతా వియోగం సంప్రాప్తించింది. తనకు కూడా సరిగా అదే వయసులో ఆ భార్యా వియోగమహాదుఃఖం

సంప్రాప్తించింది. ఆ వియోగ వ్యథ ఏమిటో తెలియనిదే తాను రామకథను రసవంతం

చేయలేడని భగవంతుడు తనకు ఆ యోగ్యత కూడా కల్పించాడని వాపోయినాడాయన.


“నీవఖిలోహమార్గముల నిండిన జానకిపై రఘూద్వహుం

గా వెలయించి నావునను, గట్టిగ ముప్పదియాఱు వత్సరా

లీవల భూమి గర్భమున నెప్పుడు చొచ్చితివో మఱప్పుడే

నా వెలయింపు లూర్మిపృతనా రభసాతిక్రమణంబులన్ జెడెన్”


అన్నారు వరలక్ష్మీ త్రిశతిలో,


తనను భారతప్రభుత్వం "పద్మభూషణ” అన్న రోజున ఆయన ఏదో యాదృచ్ఛికంగా

మా యింటికి వచ్చి నాతో కూర్చున్నారు. “ఇదేమిటి! మాష్టారూ! జనమంతా మిమ్మల్ని అభినందించడానికి మీ యింటికి వస్తుంటే మీరిక్కడికి వచ్చి కూర్చున్నారేమిటి?” అన్నాను.

“ఏమిటి నాయనా! నాలో మార్పు? నిన్నటికంటె యివ్వాళ నాలో పెరిగిన గొప్పయేమిటి?”

అని ఆయన అంటుండగానే రేడియోవారి కారు ఆయన కోసం మా యింటి దగ్గరకు

వచ్చింది. అప్పుడాయన యింటికిపోయి రేడియో వారికి, పత్రికలవారికి సందేశాలిచ్చారు.

ఎందుకు చెప్తానంటే ఆయనకు మనుష్యులపై ప్రేమ, ఆదరము, ఆర్ద్రత యివి పట్టినంతగా

యీ గొప్పతనాల పైన తన అంతస్థును అధికంగా భావించుకునే తత్వమే లేదు.


అంతటి మహాకవే కదా! ఎంతటి అల్పకవి అయినా సరే తన దగ్గరకు వినయంగా

వస్తే ఎంతో ఆదరించేవారు. ఎందరో ఆయన దగ్గరకు వచ్చేవారు. వారు తనంత మేధావులు కారు. ప్రసిద్ధులు కారు. కవితారసికులు కూడా కాకపోవచ్చు. అతి సామాన్యులు కావచ్చు.

వారిని చులకన చేసే వారు కాదు. కొందరు అంతంతమాత్రపు కవిత్వం వ్రాసేవారు. పట్టరానంత గర్వంతో ఎదరవాడు తన కవిత్వాన్ని ఆస్వాదించగల సమర్థుడు కాడన్నట్లుగా

ప్రవర్తిస్తారు.


           రసజ్ఙ భారతి సౌజన్యంతో-