26, అక్టోబర్ 2023, గురువారం

ఆశీర్వాదం

 *ఆశీర్వాదం..*


ఒక ఆదివారం నాటి ఉదయం ఎనిమిది గంటల వేళ..శ్రీ స్వామివారి మందిరానికి ఒక కుటుంబం వచ్చింది..బాగా వయసు పైబడిన వృద్ధ దంపతులు..మధ్యవయస్కులు..అలా రెండుతరాలకు చెందిన వ్యక్తుల లాగా అగుపించారు..ఆ వృద్ధ దంపతులను మెల్లిగా నడిపించుకుంటూ తీసుకువచ్చి నేను కూర్చున్న చోటుకి ఓ ప్రక్కగా కుర్చీలలో కూర్చోబెట్టారు.."మా అమ్మా నాన్న గార్లు..ఎక్కువసేపు నిలుచోలేరు..మేము స్వామివారి దర్శనానికి వెళ్ళేటప్పుడు వీళ్ళను తీసుకెళతాము..లోపల భక్తులు కొద్దిగా ఎక్కువగా ఉన్నట్టు వున్నారు..అందరూ వెళ్లిపోయిన తరువాత..మేము దర్శనం చేసుకుంటాము.." అని ఏదో సంజాయిషీ ఇస్తున్నట్టు గా వాళ్ళ అబ్బాయి చెప్పాడు.."పర్లేదు లెండి..మరో అరగంటలో లోపల ఖాళీ అవుతుంది..మీరు దర్శనం చేసుకోవచ్చు.." అన్నాను..


ఈలోపల ఆ పెద్దాయన నన్ను చూసి.."బాబూ..శ్రీధరరావు గారు నీకు తెలుసా..?" అన్నారు.."మా తండ్రి గారు.." అని చెప్పాను.."నువ్వు శ్రీధరరావు కుమారుడివా..? చాలా సంతోషం.." అన్నారు.."మీరెక్కడినుండి వస్తున్నారు?..మీకు మా నాన్నగారు తెలుసా?.." అని అడిగాను..తాను కూర్చున్న చోటునుంచి లేచి వచ్చి నా ప్రక్కన కూర్చున్నారు.."ఒక్కొక్కసారి సరిగా వినబడదు..అందుకని నీకు దగ్గరగా కూర్చున్నాను..మీ నాన్నగారిని నాకు చెక్కా కేశవులు గారు పరిచయం చేశారు..కేశవులు గారిది..మాది..ప్రక్క ప్రక్క ఊళ్లే..కేశవులు గారు విజయవాడ లో స్థిరపడ్డారు..నేను కూడా వ్యాపారమే చేసాను కానీ..ఎక్కువ రోజులు నాగపూర్ లో వున్నాను..ఒకసారి మా ఊరు వెళదామని విజయవాడ వచ్చాను..కేశవులు గారు తాను కూడా వస్తానని చెప్పి..నాతో పాటు బయలుదేరారు..ఇద్దరమూ రైల్లో ఒంగోలు వచ్చాము..అక్కడనుండి పామూరు బస్సు ఎక్కాము..అప్పుడు చెప్పాడు..మాలకొండలో ఒక యోగి తపస్సు చేసుకుంటున్నాడు..ఇప్పుడు ఆయనను చూసి వెళదాము అన్నాడు..సరే అన్నాను..ఇద్దరమూ మాలకొండలో బస్సు దిగి పార్వతీదేవి మఠం వద్దకు నడచి వెళ్ళాము..అప్పటికి సమయం సాయంత్రం నాలుగు గంటలు అవుతోంది..పార్వతీదేవి మఠం వద్ద కొద్దిసేపు కూర్చున్నాము..ఈలోపల స్వామివారు శివాలయం వైపు నుండి దిగి వచ్చారు..కేశవులు గారు నమస్కారం చేశారు..నేనూ నమస్కారం చేసాను..స్వామివారు మమ్మల్ని కూర్చోమన్నట్టు సైగ చేశారు..ఇద్దరమూ కూర్చున్నాము.."స్వామీ..ఈయన నా మిత్రుడు..మా ప్రక్క ఊరే..పేరు..నరసింహారావు..మేము చనువుతో నరసయ్యా అని పిలుస్తాము..వ్యాపారం చేస్తున్నాడు..చాలా దూరం లో ఉంటున్నాడు..తన ఊరుకు వెళుతుంటే..నేను కూడా మా ఊరికి వెళుతున్నాను..కలిసివేళదాము అని చెప్పి వెంటబెట్టుకొని వచ్చాను.." అన్నాడు..కేశవులు గారు చెప్పిందంతా స్వామి చిరునవ్వుతో అంతా విన్నాడు..నా వైపు చూసి.."బాగున్నావా?" అన్నాడు..బాగున్నాను అన్నాను..పార్వతీదేవి విగ్రహం ముందున్న కుంకుమ ను చేత్తో తీసుకొని..కేశవులు నుదుటి మీద..నా నుదుటి మీద బొట్టు లాగా పెట్టాడు.."నరసయ్యా..వ్యాపారం చేసుకో..కేశవులు లాగా ధర్మం తప్పకుండా చేసుకో..వృద్ధి లోకి వస్తావు.."అన్నాడు..చేతులెత్తి నమస్కారం చేసాను..నవ్వుతూ చూసాడు..ఆ తరువాత ఒక అరగంట స్వామివారు కేశవులు గారు మాట్లాడుకున్నారు..ఆ తరువాత తిరిగి వచ్చేసాము..రెండు రోజుల తరువాత..కేశవులు గారే నాకు మీ నాన్న ను పరిచయం చేశారు..ఆరోజు మొగలిచెర్ల లో మీ ఇంట్లో మీ అమ్మగారు మాకు భోజనం పెట్టింది..ఆరోజు సాయంత్రం తిరిగి వెనక్కు వచ్చేసాము..ఆ తరువాత నేను నాగపూర్ వెళ్ళాను..స్వామి చెప్పిన మాటలే గుర్తుకొచ్చాయి..నేను ఎవ్వరికీ అపకారం చేయకుండా..నాకు తెలిసి ఎటువంటి అన్యాయం చేయకుండా వ్యాపారం చేసాను..స్వామివారిని మళ్లీ ఒకసారి కూడా కేశవులు గారితోనే..ఇక్కడ కలిశాను..ఆరోజు కూడా నన్ను ఆశీర్వదించాడు..మీ అమ్మ చేతి భోజనం చేసాను..స్వామివారు చెప్పినట్టుగానే నా వ్యాపారం..నా పిల్లలు వృద్ధిలోకి వచ్చారు..ఇద్దరు సంతానం..అమ్మాయి ఢిల్లీ లో కాపురం ఉంటుంది..మా అబ్బాయి నా వద్దే స్థిరపడ్డాడు..మేము తెలుగు వాళ్ళం అంటే అక్కడ ఎవ్వరూ నమ్మరు..అంతగా కలిసిపోయాము..మా అబ్బాయికి మా ఊరు చూపించాలని ఒక కోరిక..ఇన్నాళ్లకు తీరింది..అట్లానే నన్ను ఆరోజు ఆశీర్వదించిన ఈ స్వామివారి మందిరం చూడాలని అనిపించింది..అందుకే..మా ఊరు నుండి తిరిగి వెళుతూ..ఇటు వచ్చాము..కేవలం రెండుసార్లు ఆ మహానుభావుడిని దర్శించుకుని..ఆయన చేతితో నా నుదుటి పై బొట్టు పెట్టించుకున్నాను..నన్ను మనస్ఫూర్తిగా ఆశీర్వదించాడు..మీ తల్లిదండ్రులు..కేశవులు గారు..ఈ ఆశ్రమం కట్టించిన మీరాశెట్టి గారు ధన్యులు.." అన్నారు..


స్వామివారిని ప్రత్యక్షంగా దర్శించి..ఆశీర్వాదం పొందిన నరసయ్య గారి కుటుంబానికి స్వామివారి సమాధిని దగ్గరుండి దర్శనం చేయించాను..మరో గంటసేపు మందిరం వద్ద వుండి..వెళ్ళొస్తామని చెప్పి వెళ్లిపోయారు..శ్రీ స్వామివారు జీవించి ఉండగా చూసి తరించిన వారు..అప్పుడప్పుడూ మందిరానికి వస్తుంటారు..వారి అనుభూతులను వినడం కూడా ఒక అదృష్టమే..


సర్వం..

శ్రీ దత్తకృప!


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..వయా కందుకూరు..లింగసముద్రం మండలం..SPSR నెల్లూరు జిల్లా..పిన్ : 523114..సెల్..94402 66380 & 99089 73699).

ఆలోచనాలోచనాలు

 📚 ఆలోచనాలోచనాలు 🧠                                      ***** మహా సముద్రం తాడిచెట్టంత అలలతో చెలియలి కట్టను తాకుతున్నది. హోరుమనే ధ్వనితో చెవులు చిల్లులు పడేంత ధ్వని మార్మ్రోగుతున్నది. తుంటరి పిల్లవాడొకడు ఒక రాయిని చేతబట్టి సముద్రం పైకి విసిరాడు. ఏం జరుగుతుంది? - - - - - ఏమీ జరగలేదు. విసరబడిన రాయి నీళ్ళ అడుగుకు వెళ్ళింది. ఎంత? మన కంటికి కనుపించనంతగా! మన వ్యక్తిత్వాలు గూడా సాగరమంత ఉన్నతంగా వుంటే అల్పులు ఎన్ని విమర్శలు, ఎంత కాలం చేసినా సాగరంపైకి విసరబడిన రాళ్ళలాగే అదృశ్యమౌతాయి.                ***** కొత్తగా ఒక రైలు పెట్టె స్టేషన్ లో నిలచివుంది. దానిని మెల్లగా ప్రయాణించే పాసింజర్ ట్రైన్ తో కనెక్ట్ చేశారు. అది నెమ్మదిగా, ఊరూరు ఆగుకుంటూ పెళ్లి నడకలతో ముందుకు సాగిపోతూ వుంటుంది. దానినే ఎక్స్ ప్రెస్ ట్రైన్ కు కలిపారు. తక్కువ స్టేషన్లలో ఎక్కువ వేగంతో పరుగెడుతుంది. కాదు! దానిని కొత్తగా ప్రవేశపెట్టిన"" వందే భారత్"" స్పెషల్ ట్రైన్ తో కనెక్ట్ చేశారు. బుల్లెట్ లాగా దూసుకపోతుంది. రైలు పెట్టెలో ఆ గొప్పతనం లేదు. దానికి మార్గదర్శనం గావించే "" రైలు ఇంజన్"" బట్టి దాని వేగం మారుతున్నది. మనం కూడా అంతే! మనం ఆదర్శంగా ఎంచుకొన్న మహనీయుల జీవిత లక్ష్యాలను బట్టి మన గమ్యాలు మారిపోతుంటాయి. అందుకనే మహనీయుల స్ఫూర్తి గాథలను మననం చెయ్యాలి.                            ***** రెండు చెవులున్నాయి. వాటి ద్వారా విన్నావు గాబట్టి, అవి నిజమని నమ్మాల్సిన అవసరం లేదు. మత గ్రంథాల్లో పేర్కొనబడివుందనో, గురువులో, పెద్దవాళ్ళో చెప్పారని గుడ్డిగా నమ్మాల్సిన పని లేదు. సాధారణంగా పైనున్న నీళ్ళే క్రిందికి ప్రవహిస్తూవుంటాయి. కొంచెం వివేకంతో పరిశీలించు. కార్యకారణ సంబంధాలను వెదకు. నీ ఆలోచనావిధానం పదిమందికి ఉపయోగపడుతుందని నమ్మకం కలిగితే దృఢంగా ఆచరణలోకి తీసుకొనిరా! నీ ఆచరణకు తగినట్లుగ నీ జీవితవిధానాన్ని మార్చుకో! నువ్వెవరికి తలవంచాల్సిన పని లేదు.--- గౌతమ బుద్ధ.           ***** హృదయంలో నైతిక పరివర్తన ఉంటే- - - మనిషి ప్రవర్తన అందంగా ఉంటుంది.                            వ్యక్తిలో ప్రవర్తన అందంగా ఉంటే - - - ఇంటిలో ప్రేమ, శాంతి, సంతోషాలు వెల్లివిరుస్తాయి.                    ఇంటిలో ప్రేమ, శాంతి, సంతోషాలు నెలకొంటే - - - దేశంలో క్రమశిక్షణ, పరోపకారభావాలు వర్థిల్లుతాయి.                       దేశంలో క్రమశిక్షణ, పరోపకారభావాలు పరిఢవిల్లితే - - - ప్రపంచం అంతటా శాంతి, సౌభాగ్యాలు వర్థిల్లుతాయి. ---- స్వామి వివేకానంద.         ***** వేదిక మీద ప్రసంగం చాలా గొప్పగావుంది.             కానీ దానిలో వ్యక్తులను మార్చగల శక్తి లేనప్పుడు అది సారహీనం.                      మాట్లాడటం అనేది భావనల మార్పిడి కొరకేగాని , కాలక్షేపానికి, కరతాళధ్వనుల మూల్యం పొందటానికైతే కాదు.              నీవు మాట్లాడే మాటలలో ఏదైనా సందేశాత్మక విషయం ఉంటే నీ ముందున్న జనాలకు అర్థమయ్యే భాషలో చెప్పు; వివరించు.                                ఇవేవి లేకపోతే మౌనాన్ని ఆశ్రయించు. నీ మౌనం ప్రజలకు వెయ్యి భావనలను ప్రేరేపించగలదు.                     ***** వ్యక్తి లో ఒక ఆలోచనను నాటు --- అది ఒక పనిగా ఎదుగుతుంది.      పనిని నాటుకొంటూ పో--- అది అలవాటుగ మారుతుంది.                         అలవాట్లను నాటుకొంటూ పోతుంటే ---- అవి వ్యక్తిత్వాలను రూపుదిద్దుతాయి.                 వ్యక్తిత్వాల ద్వారా తలరాతలు మారతాయి.          కాబట్టి మన తలరాతలను సరిదిద్దుకోగలిగేది మనమే! పైన ఎక్కడో అజ్ఞాతంగా ఉండే దేవతలు కాదు.           మీలో అణగివున్న నైపుణ్యం, ఆశయం, స్ఫూర్తి, ఆలోచనాధారలను తడిసి , ఆపై బాగా ఆరనివ్వండి. ఎంతకాలం?     మీలోని దౌర్బల్యం , బలంగా మారేంతవరకు, మీలో దాగివున్న "చీకటి" తెల్లబోయి " వెలుతురు" గా మారేంతవరకు.-----               ~~~~~~~~~~~~~~~~~~~.                            Sharpen your mind!          1* What comes once in a minute , twice in a moment, but never in a thousand years?           2* What can you hold in your right hand, but never in your left hand?                                  3* What has four fingers and a thumb, but is not living?               (For proper answers you have to wait 24 hours only.).                      ~~~~~~~~~~~~~~~~~~~.                                అర్థబేధము గల పదములు.                            1* విదురుడు= భారతము లోని వ్యక్తి (ధృతరాష్ట్రునికి సోదరుడు)   విధురుడు= భార్య గతించిన వ్యక్తి.            2* శరీరము = దేహము          శరీరాము = కంఠస్వరము.        3* షష్టి = అరువది.              షష్ఠి = ఆరవ తిధి.                         4* సజ్జ = పూలబుట్ట.            సెజ్జ = పాన్పు (పడక)             5* సతము = ఎల్లప్పుడు.       శతము = నూరు(వంద)          * * * * * * * * * * * * * * * * * * * *                                   పదాలు --- పర్యాయపదాలు.                  1* అంక ; --- అంచల, బరి, మయి, మేను, వంక, వైపు.      2* అంకిలము ; ---- మొలక, మొక్క, మోటిక, మొట్టిక, మొటిక.                   3* అంకుశము ;---- తోత్రము, వైణుకము, సృణి, అంకుసము.                4* అంగడి;---- దుకాణము, విపణి, పచారము, మణిగ.               5* అంగారకుడు;---- ఆరుడు, వక్రుడు, భౌముడు, కుజుడు.              తేది 26--10--2023, గురువారం, శుభోదయం.

వేద ఆశీర్వచనం.

 *నమస్తే సదా వత్సలే మాతృ భూమే*


*కలియుగాబ్ది 5124*

*శ్రీ శాలివాహన శకం 1944 స్వస్తి శ్రీ    చాంద్రమాన శోభకృత్ నామ సంవత్సరం దక్షిణాయనం - శరదృతువు -  ఆశ్వీయుజ మాసం - శుక్ల పక్షం  - ద్వాదశి -  పూర్వాభాద్ర - గురు వాసరే* (26.10.2023)


ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.


https://youtu.be/_pV0DJ95uFU?si=YWreYifd4v9Lm5x5



.🙏🙏 

భవదీయుడు

దశిక ప్రభాకరశాస్త్రి 

9849795167

-----------------------------------------------

*పిల్లలకి బతుకుతో పాటు భారతీయత కూడా నేర్పండి*

ఆశ్రమవాసం

 మొగలిచెర్ల అవధూత శ్రీ దత్తాత్రేయ స్వామి వారి చరిత్ర...  


*ఆశ్రమవాసం..ఆధ్యాత్మిక శిక్షణ..*


*(ఎనిమిదవ రోజు)*


వ్యాసాశ్రమం లో అడుగుపెట్టిన శ్రీ స్వామివారికి అక్కడి క్రమశిక్షణాయుత వాతావరణం నచ్చింది..తెల్లగా..సన్నగా ..తేజస్సు ఉట్టిపడుతున్న ముఖం తో ఉన్న ఆ బాల యోగి అందరినీ ఇట్టే ఆకర్షించాడు.. నియమిత ఆహారం..యోగ సాధన..నిరంతర భజనలు..భగవన్నామ సంకీర్తనమూ..సాధు సత్పురుషుల ఉపదేశాలూ..ఎటు చూసినా ఒకరకమైన భక్తి భావం తొణికిసలాడే ఆ ఆశ్రమం..శ్రీ స్వామివారికి అనువైన ప్రదేశం గా తోచడం లో ఆశ్చర్యం లేదు..


శ్రీ స్వామివారికి గురువులు బోధించే ఏ అంశమైనా క్షణాల్లో అవగతమైపోయేది..దానికి తోడు ఆయనకే స్వంతమైన ధారణ శక్తి తో అద్భుతమైన ఉపన్యాసాలు ఇచ్చే నేర్పు అలవడింది..శ్రోతలు మంత్ర ముగ్ధుల్లా వినేవారు..తనకు సందేహం వస్తే..గురువు దగ్గర వినయపూర్వకంగా అడిగి తెలుసుకునేవారు..చెరగని చిరునవ్వు తో ఉండటం..ఎటువంటి ప్రశ్నకైనా తడుముకోకుండా జవాబు చెప్పటం..గురువుల వద్ద వినయం తో ప్రవర్తించడం..తాను తెలుసుకున్న జ్ఞానాన్ని తోటి మిత్రులకు సులభ శైలిలో వివరించడం..మొదలైన గుణాల వలన అనతికాలంలోనే ఆశ్రమంలో ఒక ముఖ్య శిష్యుడిగా మారిపోయారు..


సరిగ్గా ఆ సమయం లోనే..కొంతమంది ఆశ్రమవాసులు తదుపరి శ్రీ స్వామివారిని బోధగురువు గా నియమిస్తే బాగుంటుందని తలపోయసాగారు..ఆశ్రమానికి కూడా ఈ యువకయోగి ఒక ప్రత్యేక ఆకర్షణగా నిలుస్తాడని ఆలోచన చేయ సాగారు..ఈ ఆలోచన వారి మదిలో ఎందుకు కలిగిందో తెలీదు కానీ..ఆనాటి నుంచి, శ్రీ స్వామివారిని ఒక ప్రత్యేక వ్యక్తిగా పరిగణించసాగారు..ఈ మార్పు శ్రీ స్వామివారి మనసుకు తోచింది..మూలకారణం ఏమిటో అని ఆరా తీశారు..ఆశ్రమవాసుల్లో కొందరు శ్రీ స్వామివారికి అసలు విషయం చెప్పారు..


శ్రీ స్వామివారు ఎంతో పరిణితి తో ఆలోచన చేశారు..తన జీవిత లక్ష్యం మోక్ష సాధన..అంతేకానీ ఆశ్రమ నిర్వహణ కాదు..మానవుని ఆధ్యాత్మిక పయనంలో అనేక బంధాలు అడ్డుపడతాయి..కీర్తి తో వచ్చే బంధాలు ("ఆయన లాంటి గురువు దొరకడం కష్టం అండీ..అంటూ ఆకాశానికి ఎత్తేసే రకం..)  కొన్ని..పదవుల తో (ఆశ్రమ నిర్వహణ, గురు పీఠం ఇత్యాదులు) వచ్చే బంధాలు కొన్ని..ఇలా వీటిలో చిక్కుకొని తన మార్గాన్ని తానే తప్పడం సుతరామూ ఆయనకు ఇష్టం లేకుండా పోయింది..క్రమంగా ఆశ్రమ వాసుల లో శ్రీ స్వామివారి మీద బాధ్యతలు మోపాలనే ఆలోచన బలపడసాగింది..ఈ ధోరణి శ్రీ స్వామివారి ధ్యానానికి అవరోధంగా మారింది..ఇక ఇక్కడ వుంటే..తనమీద ఏదో ఒక బాధ్యత పడక తప్పదు అని శ్రీ స్వామివారికి తేటతెల్లంగా తెలిసిపోయింది..


శ్రీ స్వామివారు ఆలోచన చేశారు..ముందుగా కొన్నాళ్ల పాటు వేరే ప్రదేశాలకు వెళ్లి వస్తానని ఆశ్రమవాసులకు చెప్పుకుని, గురువుల అనుమతి తీసుకొని బైటకు వచ్చారు..అలా చిత్తూరు జిల్లాలో "పాపానాయుడుపేట" అనే గ్రామానికి చేరారు..ఆగ్రామంలో "బాలబ్రహ్మం" అనే సాధువు శ్రీ స్వామివారిని చూసి.."ఈతడు సామాన్యమానవుడు కాదే..ఇలా తిరుగుతున్నాడేమిటి?.." అని తనలో తానే తర్కించుకుని, శ్రీ స్వామివారిని చేరదీసి..వాకబు చేశారు..బాలబ్రహ్మం ఏ నిమిషంలో శ్రీ స్వామివారిని కలిసాడో..శ్రీ స్వామివారికి అంతర్వాణి "ఇతడే నీ గురువు.." అని ప్రబోధించింది..శ్రీ స్వామివారు సాష్టాంగ నమస్కారం చేసారు..


"లే నాయనా!..దారితప్పి, దిక్కుతోచక అల్లాడుతున్నావా?..ఇక నీకు భయం లేదు..నిత్యమూ, సత్యమూ అయిన సచ్చిదానంద స్వరూపాన్ని కనుక్కోవడానికి సాధన అవసరం..ముక్తి మార్గాన్ని తెలుసుకోవాలంటే ముందుగా నిన్ను నీవు శోధించుకోవాలి..పరమాత్మ తత్వాన్ని గ్రహించాలనే నీ తపన అర్ధమయింది..ఆత్మ ను గ్రహిస్తే..పరమాత్మ వశం అవుతాడు.." అని చెప్పి, తపస్సాధన చేయాల్సిన విధం చెప్పి..గురూపదేశం చేశారు..భగవన్నామ జపం చేసేటప్పుడు ప్రకృతి కల్పించే ఆటంకాలు, మాయా పరీక్షలు ఎలా ఎదుర్కోవాలో వివరంగా తెలియచేసారు..


బాలబ్రహ్మం గారు చేసిన ఉపదేశం, శ్రీ స్వామివారిలో కొండంత మానసిక స్తైర్యాన్ని నింపింది..కొన్నాళ్ల పాటు ఆయనకు శుశ్రూష చేసి..తిరిగి ఎర్రబల్లె చేరారు..ఇక తపోసాధనకు అనువైన ప్రదేశం కావాలి..మోక్ష సాధన..మోక్ష సాధన..ఇదొక్కటే ఆయన మదిలో సుడులు తిరుగుతున్న ఆలోచన!..ఇదే తపన!..


భక్తుడు ఆర్తిగా తపిస్తుంటే..భగవంతుడు చూస్తూ ఊరుకోడు.. తన దగ్గరకు పిలిపించుకుంటాడు..మాలకొండ లో వెలసిన శ్రీ మాల్యాద్రి లక్ష్మీనారసింహుడు,  శ్రీ స్వామి వారి మొర ఆలకించాడు..శ్రీ స్వామివారికి అంతర్వాణి రూపంలో ఆదేశం వచ్చింది..ఒక్కక్షణం ఆలస్యం చేయలేదు.. పరుగు పరుగున మాలకొండ చేరారు..


మాలకొండలో తపోసాధన..రేపటి భాగంలో..


*మొగలిచెర్ల అవధూత శ్రీ దత్తాత్రేయ స్వామివారి చరిత్రను ఆడియో రూపంలో ఈ క్రింద ఇచ్చిన లింక్ ద్వారా యూట్యూబ్ లో వినవచ్చు..*


https://youtube.com/playlist?list=PLZ3oJviTRayHLeRpuozyT55d-H-4xmTHs&si=xqCIrCAE0k1Rmrnx


సర్వం..

శ్రీ దత్తకృప!.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం..SPSR నెల్లూరు జిల్లా..పిన్ : 523114..సెల్..94402 66380 & 99089 73699).

రు క్మి ణి వే డి కో లు

 శు భో ద యం🙏


రు క్మి ణి వే డి కో లు!!


జగదంబను రుక్మిణి వేడుట! 


            ఉ:  నమ్మితి  నామనంబున  సనాతనులైన  యుమామహేశులన్  


                 మిమ్ము , పురాణ దంపతుల  మేలుభజింతు గదమ్మ ! మేటి   పె


                ద్దమ్మ !  దయాంబురాసివి గదమ్మ!  హరిం బతిసేయుమమ్మ!  నిన్


                నమ్మిన  వారి  కెన్నటికి  నాశము  లేదు గదమ్మ!    యీశ్వరీ !


                    శ్రీ భాగవతము- దశమస్కంధము- 1741 పద్యం:  బమ్మెఱపోతన;


                               తెలుగు వారి  పుణ్యాల పేటి  శ్రీ మహాభాగవత గ్రంధము. ఇది 18 పురాణములకు  మించిన నహాపురాణముగా

ప్రసిధ్ధి గాంచినది. శ్రీకృష్ణ పరమాత్ముడే నాయకుడుగా వెలసిన యీగ్రంధమున  నతని లీలా వినోదములే యనేక రసవద్ఘట్టములుగా , తీరిచి దిద్ద బడినవి. రక్తికి , భక్తికి , ముక్తికి ,యీగ్రంధము మూలమై యాంధ్ర సాహిత్యమున కొక వెలలేని యలంకారమై భాసించు చున్నది. భాగవతమునందలి  రసవద్ఘట్టములలో  రుక్మణీకళ్యాణము  ప్రముఖమైనది. 


                                 పెండ్లి కుమార్తెయగు  రుక్మణి  శిశుపాలుని  వరింప నిష్టపడక  తాను మనసిచ్చిన కృష్ణ పరమాత్మకు తనహృదయమును నివేదించి  యతనిని దోడ్కొని వచ్చుటకు అగ్నిద్సోతనుడను బ్రహ్మణ వర్యుని  ద్వారకకు పంపినది.తడవైనది యతడురాడాయెను.ముహూర్తము దరియు చున్నది.  గౌరీ పూజయు ,ప్రారంభమైనది. డోలాయమాన చిత్తయగు రుక్మిణి  సర్వమునకు  ఆపరమేశ్వరిపైననే భారముంచి  ఆజగ దంబ  నిట్లని ప్రస్తుతింప సాగినది. 


                   పోతన కవి చాతుర్యమంతము  పద్యము యెత్తుగడలోనే ప్రదర్శించినాడు."  నమ్మితి నామనంబున  సనాతనులైన  యుమామహేశులన్ మిమ్ము"- అమ్మా!  నేను  మిమ్మల్నే నమ్ము కొన్నాను. మీరు సనాతన దంపతులు. మీకన్న నాకు దిక్కెవ్వరు?అనుచున్నది. ఆమాటతో భారమంతయు పార్వతీ పరమేశ్వరులపై నుంచినట్లయినది.


                      పార్వతీ పరమేశ్వరులనే  గోరనేల? వారును ప్రేమ జంటలే !వారినిగూడ పెద్దలు వారించినారు. అయినను వారిరువురు సతీపతులైనారు. ఎన్ని యుగములైనదో వారిదాంపత్య మారంభమై,కావున వారు పురాణదంపతులు. అట్టి దంపతులదీవెనలే పెండ్లికుమార్తెకు కావలసినది. నచ్చినవరుతో కళ్యాణము ఆడుదానికి ఒక అమూల్యమైన వరముగదా! ఆవరము నీయగల

శక్తి శివ పార్వతులకేగలదు. కాబట్టే రుక్మిణి వారినాశ్రయించుట. గౌరీ పూజలోని ఆంతర్యమిదే !


                                     మిమ్ము పురాణదంపతుల  మేలుభజింతు గదమ్మ" ఆది దంపతులగు మిమ్ము  నెల్లవేళల పూజింతునుగదా!

నాచేపూజలందెడు మీరే నాకోర్కెదీర్పవలె. వేరెవ్వరు దీర్పగలరు.? 


                    మేట్టి  పెద్దమ్మ!  అమ్మలకు  అమ్మలున్నారు కాని  మేటియైన పెద్దమ్మల నెక్కడ గాంచగలము. ఆతల్లి పార్వతియే!" ఆకీట,

బ్రహ్మపర్యంతం ,ఆమెయే జనని. జగజ్జనని. కావున నందరకు పెద్దమ్మ ఆమెయే! పెద్దలే పిల్లలకోరికలు దీర్చాలి. లేకున్న వారి పెద్దరికమునకే అవమానము.


                     "దయాంబురాశివి గదమ్మ" ఆమె దయా సముద్ర. సువిశాలమై  అగాధమై  యనంతమైన  సముద్రముతో  నామెదయకు పోలిక. ఆహా! యెంత చక్కని యుపమానము.భక్తులయెడ  తరుగని దయగలది యాతల్లి.కావున ఆమెదయకు నోచుకొన్నవారి కోరికలు దీరక పోవునా?


                 చివరకు చెప్పుచున్నది అసలుమాట."హరింబతిసేయుమమ్మ" శ్రీకృష్ణుని నాకు భర్తగా చేయవమ్మా! యెవరు కాదన్నాసరే,నీవు అవునంటే చాలు మావివాహం జరిగితీరుతుంది. అమ్మా! నేవలచిన కృష్ణుని  భర్తగా ననుగ్రహించు.


                       నిన్  నమ్మిన వారి కెన్నటికి  నాశము లేదుగదమ్మ  యీశ్వరీ!"- నిను నమ్మిన వారు చెడగా నేనెక్కడా చూడలేదమ్మా!

కాన నాకోరిక ఫలింప జేసి  మానమ్మకము నిలబెట్టు మని రుక్మిణి  గౌరీ ప్రార్ధనము!


                           చక్కని నుడికారముతో  బహు చక్కని భావజాలముతో  రుక్మిణి కోరిక  ఫలించు రీతిగా  గౌరీ ప్రార్ధనా ఘట్టమును

కేవల మొకేయొక్కపద్యమున సయుక్తికముగ, సముచితముగ  రచియించిన పోతన మహాకవికి సాటి యగువారెవ్వరు? 


                                                       స్వస్తి!!🙏🙏🌷🌷🙏🙏🌷🌷🙏🌷🌷🌷🌷🙏🌷🌷🌷🌷

గురువారం, అక్టోబరు 26, 2023

 *శ్రీమ‌తే రామానుజాయ‌ న‌మ:*


*శ్రీశ్రీశ్రీ త్రిదండి  శ్రీమన్నారాయణ రామానుజ చిన్నజీయరు స్వామివారి మంగళాశాసనాలతో*


*ఆప‌దామ‌ప‌హ‌ర్తారం దాతారం స‌ర్వ‌ సంపదాం*

*లోకాభిరామం శ్రీరామం భూయో భూయో* *న‌మామ్య‍హం*


గురువారం, అక్టోబరు 26, 2023

శ్రీ శోభకృత్ నామ సంవత్సరం

దక్షిణాయనం - శరదృతువు

ఆశ్వయుజ మాసం - శుక్ల పక్షం

తిథి:ద్వాదశి ఉ8.01 వరకు తదుపరి త్రయోదశి తె5.48వరకు 

వారం:గురువారం (బృహస్పతివాసరే)

నక్షత్రం:పూర్వాభాద్ర ఉ10.48 వరకు

యోగం:ధృవం ఉ9.02 

కరణం:బాలువ ఉ8.01 వరకు తదుపరి కౌలువ సా6.54 వరకు ఆ తదుపరి తైతుల తె5.48 

వర్జ్యం:రా7.48 - 9.17

దుర్ముహూర్తము:ఉ9.50 - 10.36 &

మ2.26 - 3.12

అమృతకాలం:తె4.47నుం

రాహుకాలం:మ1.30 - 3.00

యమగండ/కేతుకాలం:ఉ6.00 - 7.30

సూర్యరాశి:  తుల

 చంద్రరాశి: మీనం

సూర్యోదయం:6.00

సూర్యాస్తమయం: 5.30


*శ్రీమ‌తే రామానుజాయ‌ న‌మ:*

*మఱ్ఱిపల్లి శ్రీధరాచార్యులు*

 *మిట్టాపల్లి*

సుభాషితమ్

 💎🌅  *_-|¦¦|శుభోదయమ్|¦¦|-_* 🌄🪔

🪔 ॐ卐  *_-|¦¦|సుభాషితమ్|¦¦|-_* ॐ卐 💎


*శ్లో"   నిధయే సర్వవిద్యానాం*

 *భిషజే భవరోగిణాం !*

  *గురవే సర్వలోకానాం* *దక్షిణామూర్తయే నమ: !!*


_- *శ్రీ దక్షిణామూర్తి స్తోత్రం - ధ్యాన శ్లోకము* _- 04


 *భా: భవరోగ బాధితులకు వైద్యుడై జగద్గురువై, జ్ఞానస్వరూపంగా ప్రకాశించే శ్రీ దక్షిణామూర్తికి నమస్కృతులు*.


🧘‍♂️🙏🪷 ✍️🙏

⚜ శ్రీ మహాలస నారాయణి ఆలయం

 🕉 మన గుడి : నెం 219





⚜ గోవా  : మర్ధోల్


⚜ శ్రీ మహాలస నారాయణి ఆలయం


💠 ఇక్కడ శ్రీ మహావిష్ణువు అదిదేవత. 

సాగర మధనం అనంతరం లభించిన అమృతమును గురించి దేవతలు, రాక్షసులు పోట్లాట ఆపిన మోహినీ రూపం దాల్చిన విష్ణుమూర్తి విగ్రహం ఇక్కడ ఉంటుంది. 

ఇక్కడి మహల్సాను మహావిష్ణువు అవతారంగా భావించబడుతోంది, అందుకే దీనికి మహల్సా నారాయణి (విష్ణువుకు మరో పేరు నారాయణుడు) అని పేరు.  


💠 పోండాలోని మర్డోల్ వద్ద ఉన్న మహాలసా దేవాలయం గోవాలోని అత్యంత ప్రసిద్ధ దేవాలయాలలో ఒకటి. దీనిని శ్రీ మహాలసా నారాయణి ఆలయం అని కూడా పిలుస్తారు మరియు ఇది మహాలసా దేవికి అంకితం చేయబడింది. ఆమెను రెండు విభిన్న సంప్రదాయాలలో పూజిస్తారు. 


💠 మహాలసాను ఖండోబా యొక్క భార్యగా కూడా పూజిస్తారు, ఇది శివుడి అవతారం. 

ఈ సంప్రదాయంలో ఆమె  పార్వతితో పాటు మోహినితో సంబంధం కలిగి ఉంటుంది.

మోహిని చేత మంత్రముగ్ధుడైన శివుడు. అతను భూమిపై ఖండోబాగా అవతరించినప్పుడు తన  పునర్జన్మలో అతని భార్యగా ఉంటానని ఆమె వాగ్దానం చేస్తుంది. 


💠మహల్సా ..మోహిని మరియు  పార్వతి రూపంగా పరిగణించబడుతుంది. 

మహల్సా నెవాసాలో తిమ్మసేత్ అనే ధనిక లింగాయత్ వ్యాపారి కుమార్తెగా జన్మించింది. ఆమె తండ్రికి కలలో ఖండోబా యొక్క దైవిక ఆజ్ఞపై, మహల్సా పాలీ (పెంబర్)లో పౌష పౌర్ణిమ  నాడు ఖండోబాను వివాహం చేసుకుంది. 

ఈ సంఘటనను గుర్తుచేసే వార్షిక పండుగ పాలీలో ప్రతి పౌష పౌర్ణిమ జరుపుకుంటారు.


💠 మోహినీ దేవి లేదా మహాలసా దేవికి అంకితం చేయబడిన అన్ని దేవాలయాలలో ఇది అత్యంత పురాతన మరియు ప్రసిద్ధ ఆలయం.  ఆమె నాలుగు చేతులతో త్రిశూలం, ఖడ్గం, తెగిపడిన తల మరియు త్రాగే గిన్నె పట్టుకుని ఉన్నట్లు చిత్రీకరించబడింది.  

పులి లేదా సింహం తెగిపడిన తల నుండి రక్తం కారుతున్నట్లుగా ఆమె సాష్టాంగపడిన వ్యక్తి లేదా రాక్షసుడిపై నిలబడి ఉంది.  


💠 456 సంవత్సరాల క్రితం మన పూర్వీకుల బృందం పోర్చుగీసు రాజుల వేధింపుల కారణంగా గోమంతక్ లేదా నేటి గోవాను విడిచిపెట్టి వలస వెళ్లిపోయారు

పోర్చుగీస్ సైన్యం ఇక్కడి హైందవ  దేవాలయాలను కూడా నాశనం చేయడం ప్రారంభించింది మరియు వెర్నాలోని శ్రీ మహాలసా నారాయణి ఆలయం కూడా బాధితురాలైంది.


💠 అయితే, మన  పూర్వీకుల బృందం దేవతా విగ్రహాలతో పాటు పారిపోయి 1565లో వీటిని  ఇక్కడ ప్రతిష్ఠించారు . ఈ దేవత మొదట సాల్సెట్ తాలూకాలోని ఒక ఆలయంలో ఉంది. ఆపై వెర్నాలో ఒక చిన్న ఆలయాన్ని నిర్మించారు. తరువాత పోర్చుగీసువారు గోవాను స్వాధీనం చేసుకున్నప్పుడు, ఆలయాన్ని మళ్లీ శ్రీ శాంతేరి ఆలయం పక్కనే మార్డోల్‌లో మార్చారు. 


💠 ఈ అందమైన ఆలయం 1567లో నిర్మించబడింది. దీని ప్రాంగణంలో ఏడు అంతస్తుల దీపపు స్తంభం ఉంది. 

17వ శతాబ్దంలో నిర్మించబడిన ఐదు లోహాలతో చేసిన భారీ 'దీపస్తంభం'. 


💠 ఇక్కడ ప్రతి ఆదివారం సాయంత్రం దీపం వెలిగిస్తారు. ఆలయం లోపలి హాలులో మహావిష్ణువు యొక్క 10 అవతారాల శిల్పాలు అద్భుతంగా చిత్రించబడ్డాయి.


💠 జాతర మహోత్సవ్ (మాఘ మహోత్సవం):  మహాలసా ఆలయంలో జరుపుకునే ఒక ప్రసిద్ధ పండుగ. ఫిబ్రవరిలో నిర్వహిస్తారు, దీనిని మర్డోల్ జాతర అని కూడా పిలుస్తారు.


💠 మహాలసా దేవి సంవత్సరంలో వివిధ సమయాలలో లక్ష్మీ దేవిగా అలాగే రాముడు, కృష్ణుడు, విఠోబా, వేంకటేశ్వరుడు మొదలైన అనేక ఇతర విష్ణు రూపాలలో అలంకరించబడుతుంది.

 ఆలయ సముదాయంలో శాంతదుర్గ మరియు లక్ష్మీనారాయణ విగ్రహాలు ఉన్నాయి. 


💠 గోవా మరియు సౌత్ కెనరాకు చెందిన గౌడ్ సరస్వత్ బ్రాహ్మణులు అలాగే వైష్ణవులు ఆమెను మోహినిగా గుర్తిస్తారు


💠 ఈ ఆలయంలో భారీ ఇత్తడి గంటకు ప్రసిద్ధి చెందింది.  ఎవరైనా సాక్ష్యం చెప్పాలనుకున్నప్పుడు గంట కొట్టేటప్పుడు అబద్ధం చెప్పిన వ్యక్తిని మూడు రోజుల్లో చంపి దేవత శిక్షిస్తుందని నమ్ముతారు.  పోర్చుగీసు పాలనలో ఆలయంలోని సాక్ష్యం న్యాయస్థానంలో ఆమోదయోగ్యమైనదిగా పరిగణించబడేంత నమ్మకం చాలా బలంగా ఉంది.  

 

💠 ఆలయానికి మరియు అధిష్టాన దేవతకు ఆదివారం ప్రత్యేక ప్రాముఖ్యత ఉంది.  

ఈ రోజున, ఇతర ఆచారాలతో పాటు పలఖి సేవ కూడా నిర్వహిస్తారు.  అమ్మవారిని పల్లకిలో (పలఖి) గుడి చుట్టూ విహరించడానికి తీసుకువెళతారు.  


💠 2011లో, అభ్యంతరకర వస్త్రధారణ మరియు ప్రవర్తన కారణంగా ఆలయంలోకి విదేశీయుల ప్రవేశాన్ని ఆలయం నిషేధించింది.


💠శ్రీ  మంగేష్ ఆలయం నుండి 1 కి.మీ. దూరం. ఈ ఆలయం మార్డోవాకి దగ్గరలో ఉంది.

పంచాంగం 26.10.2023

 ఈ రోజు పంచాంగం 26.10.2023  Thursday,

 

స్వస్తి  శ్రీ చాన్ద్రమాన శోభకృన్నామ సంవత్సర: దక్షిణాయనం శరదృతు ఆశ్వీయుజ మాస శుక్ల పక్ష: ద్వాదశి తిధి బృహస్పతి వాసర: పూర్వాభాద్ర నక్షత్రం ధ్రువ తదుపరి వ్యాఘాత యోగ: బాలవ తదుపరి కౌలవ కరణం ఇది ఈరోజు పంచాంగం.


ద్వాదశి పగలు 09:44 వరకు.

పూర్వాభాద్ర పగలు 11:26 వరకు .

సూర్యోదయం : 06:16

సూర్యాస్తమయం : 05:44

వర్జ్యం : రాత్రి 08:13 నుండి 09:41 వరకు.

దుర్ముహూర్తం : పగలు 10:05 నుండి 10:51 వరకు తిరిగి మధ్యాహ్నం 02:41 నుండి 03:26 వరకు.


రాహుకాలం : మధ్యాహ్నం 01:30  నుండి 03:00 వరకు 


యమగండం : ఉదయం 06:00 నుండి 07:30 వరకు.  



శుభోదయ:, నమస్కార:

Venice