26, అక్టోబర్ 2023, గురువారం

ఊర్ధ్వపుండ్రధారణ

 *ఊర్ధ్వ పుండ్ర విధి** 

ఉర్ద్వపుండ్రం ద్విజానాం అగ్నిహోత్ర సమోవిధిః !

శ్రాద్ధకాలే చ సంప్రాప్తే కర్తా భోక్తా చ న త్యజేత్!!


స్మృతిచంద్రికాయాం

సంధ్యాకాలే చ హోమే చ స్వాధ్యాయే పితృతర్పణే! 

శ్రాద్దం దాని చ యజ్జే చ ధారయే దూర్ఘ్వపుండ్రకమ్!!


కశ్యపః

ఊర్ధ్వపుండ్రం తు విప్రాణాం సంధ్యానుష్ఠాన కర్మసు | 

శ్రాద్ధకాలే విశేషేణ కర్త భోక్త చ న త్యజేత్ ||


గౌతమస్మృతా 

సంధ్యాకాలే జపే హోమే స్వాధ్యాయే పితృతర్పణే!

 శ్రాద్ధదానే చ యథేచ ధారయే దూర్ధ్వపుండ్రకమ్ ||


జాబాలి స్మృతా

ఊర్ధ్వపుండ్రం తు విప్రాణాం సంధ్యానుష్ఠాన కర్మవత్ | 

పైతృకే చ విశేషేణ కర్తా భోక్తా చ న త్యజేత్ ||

వ్యాస

లలాటే హ్యూర్ధ్వపుండ్రం తు ధృత్వా కుర్యు ర్విజాతయః !

తర్పణం చాపి వై శ్రాద్ధం అన్యథా నిష్ఫలం భవేత్!!


 భరద్వాజః 

ప్రాణాయామే నమస్కారే స్నాన హోమార్చనే జపే | 

పైతృకే ప్రేతకృత్యేపి ఊర్ధ్వపుండ్రం విధీయతే || 


స్కాందపురాణే

వనమాలాం చోర్ధ్వపుండ్రం ధారయేత్ పితృ తృప్తి!

త్యజే త్రిపుండ్రకం త్రాద్ధే కర్తా భోక్తా తథైవ చ!!

శౌనకో౭పి

రుద్రాక్షధారిణం విప్రం తథా లింగార్చితం నరమ్ | ఫాలే త్రిపుండ్రకం దృష్ట్వా నిరాశా పితరో గతాః 

తథా చ స్మృతిచంద్రికాయాం


పైతృకేషు చ సర్వత్ర ఊర్ధ్వపుండ్రం చ ధారయేత్ | త్రిపుండ్రధారిణం దృష్ట్యా నిరాశా పితరో గతాః ||


ద్విజులకు ఊర్ధ్వపుండ్ర (ధారణము అగ్నిహోత్రం తో సమానమైన విధి. శ్రాద్ధ కాలము సంప్రాప్తించినపుడు కర్తయు భోక్తయు (ఊర్ధ్వపుండ్రమును ధరించక) త్యజించకూడదు. 


స్మృతిచంద్రికలో : సంధ్యావందనము, హోమం, స్వాధ్యాయము, పితృతర్పణము, శ్రాద్ధము, దానము (అన్ని కాలములందు - అన్ని కర్మలందు)లలో ఊర్వపుండ్రమును ధరించవలెను.కశ్యపుడు : విప్రులకు ఊర్ధ్వపుండ్ర ధారణము సంధ్యానుష్ఠాన కర్మలందు ఆవశ్యకము. శ్రాద్ధకాలమందైతే కర్త, భోక్త విశేషించి ధరించవలెనేగాని త్యజించారు. 


గౌతమనుస్మృతిలో : సంధ్యావందనము, జపము, హోమము, స్వాధ్యాయము, పితృతర్పణము, శ్రాద్ధము, దానము, యజ్ఞము ఈ కాలములలో ఊర్ధ్వపుండ్రము ధరించవలెను.


జాబాలి స్మృతిలో : 

బ్రాహ్మణుడు ఊర్ధ్వ పుండ్రాలు సంధ్యానుష్ఠానకర్మవలె విహితము, పితృకర్మలందు విశేషించి కర్త భోక్త విడువక ధరించవలెను. ఇట్టి స్థితిలో ఊర్ధ్వపుండ్రధారణ విడువదగదు. వ్యాసుడు : ద్విజులు తర్పణముగాని, శ్రాద్ధమునుగాని, నొసట ఊర్ధ్వపుండ్రము ధరించియే చేయవలెను. లేనిచో ఆ కర్మ నిష్ఫలము.


భరద్వాజుడు : 

ప్రాణాయామము, నమస్కారము, స్నానము, హోమము, అర్చనము, జపము, పితృకర్మల కాలమందు ప్రేతకార్యమందుకూడ కర్తకు ఊర్ద్వపుండ్రాలు విధించబడింది .

*స్కాంద పురాణంలో :* పితృదేవతల తృప్తి కొరకు వనమాలను (విష్ణువు కల్పించిన శేషపవిత్రము, జపమాల) ఊర్ధ్వపుండ్రమును కర్త ధరించవలెను. శ్రాద్ధమందు కర్త, భోక్త త్రిపుండ్రము ధరించరాదు.


రుద్రాక్ష ధరించిన విప్రుడిని - లింగార్చన చేసిన వ్యక్తి, నుదుట త్రిపుండ్రము కలవానిని, చూచి పితరులు నిరాశతో తిరిగి పోదురు


*స్మృతి చంద్రిక* లో : అన్ని పితృకార్యములందు ఊర్ధ్వపుండ్రమును ధరించవలెను.

రష్యాలో వివాహం*

 🌹🌹🌹🌹🌷🌷🌷🌹🌹🌹🌹

*🪷🪷🪷🪷🪷🪷🪷🪷🪷🪷🪷చదవడానికి ముందు... నెమ్మదిగా కళ్లు మూసుకోండి... ఈ స్వేచ్ఛా వాతావరణంలో, చిరునవ్వుతో దీర్ఘంగా ఊపిరి పీల్చుకోండి...* *స్వేచ్ఛను అనుభూతి చెందండి... చదవడం కొనసాగించండి...* 


 *రష్యాలో వివాహం* 

 *సుధా నారాయణమూర్తి ఒక* *స్వీయ అనుభవాన్ని* *పంచుకుంటూ ఇలా రాశారు:* 


 ఇటీవల నేను రష్యాలోని మాస్కోలో ఉన్నప్పుడు.... ఓ రోజు ఆదివారం అక్కడి పార్కుకి వెళ్లాను.

వేసవి నెల, కానీ వాతావరణం చల్లగా ఉంది, కొద్దిగా చినుకులు పడుతున్నాయి.  నేను గొడుగు కింద నిలబడి ఆ ప్రాంతఅందాలను ఆస్వాదిస్తున్నప్పుడు, అకస్మాత్తుగా నా దృష్టి ఒక యువ జంట మీద పడింది.

వాళ్ళు కొత్త పెళ్లిఅయిన వారని స్పష్టంగా తెలుస్తోంది. ఆ అమ్మాయికి దాదాపు ఇరవై ఏళ్లు ఉంటాయి.  

 అబ్బాయి కూడా దాదాపు అదే వయసులో, చాలా అందమైన సైనిక యూనిఫాంలో ఉన్నాడు.

ఆ అమ్మాయి ముత్యాలు, అందమైన లేస్‌తో అలంకరించబడి, శోభాయమానంగా ఉన్న అందమైన తెల్లటి శాటిన్ గౌను ధరించి ఉంది.  ఆమె వెనుక, ఇద్దరు తోడుపెళ్లి కూతురులు నిలబడి, పెళ్లి గౌను మురికి కాకుండా దాని అంచుని ఎత్తిపట్టుకున్నారు.

ఆ కుర్రాడు తడవకుండా తలపై గొడుగు పట్టుకున్నాడు.  అమ్మాయి ఒక పూల గుత్తిని పట్టుకొని ఉంది. ఇద్దరూ చేతులు ముడుచుకుని నిలబడ్డారు.

ఆ దృశ్యం చాలా అందంగా ఉంది.

నేను వారిని చూసి చాలా ఆశ్చర్యపోయాను, పెళ్ళైన వెంటనే ఈ వర్షంలో ఇక్కడ ఈ పార్కుకు ఎందుకు వచ్చారా అని ఆశ్చర్యపోయాను. వారు కావాలనుకుంటే దీనికంటే ఇంకా ఆనందకరమైన ప్రదేశానికి వెళ్లి ఉండవచ్చు.     నేను చూస్తూండగా వారిద్దరూ కలిసి పార్క్ లో ఉన్న ఒక స్మారక చిహ్నం దగ్గర ఉన్న ఎత్తైన ప్లాట్‌ఫారమ్‌పై నడుస్తూ వెళ్లి, పుష్పగుచ్ఛాన్ని అక్కడ ఉంచి, మౌనంగా తలవంచుకుని, నెమ్మదిగా వెనక్కి వచ్చారు.

 నేను ఈ దృశ్యాన్ని చాలాసేపు ఆస్వాదించాను.  కానీ నాకు అక్కడ ఏం జరుగుతుందో తెలుసుకోవాలనే కుతూహలం కలిగింది.

నవ వధూవరులతో కలిసి నిలబడి ఉన్న ఓ వృద్ధుడిపై నా చూపు పడింది. ఆ పెద్దాయన కళ్ళు నా చీర మీద పడగానే, "మీరు భారతీయులా?" అని అడిగాడు.

 “ అవును నేను భారతీయురాలినే”అని నమ్రతగా బదులిచ్చాను. చాలా ఆప్యాయంగా ఇద్దరం మాట్లాడుకోవడం మొదలుపెట్టాం. ఈలోగా, నేను కొన్ని ప్రశ్నలు అడుగుదామని ఎదురుచూస్తూ, కుతూహలంగా, అతనికి ఇంగ్లీష్ ఎలా తెలుసు అని అడిగాను.

అతను చాలా మర్యాదపూర్వకంగా ఇలా బదులిచ్చాడు: "నేను విదేశాలలో పనిచేశాను."  

దానితో, నేను, "ఈ యువ జంట తమ పెళ్లి రోజున యుద్ధ స్మారక చిహ్నం వద్దకు ఎందుకు వచ్చారో దయచేసి నాకు చెప్పగలరా?", అని అడిగాను.

 "ఇది రష్యా ఆచారం, ఇక్కడ వివాహాలు తరచుగా శనివారం లేదా ఆదివారం జరుగుతాయి" అని అతను చెప్తూ, "ఇక్కడ వివాహ కార్యాలయంలో రిజిస్టర్‌పై సంతకం చేసిన తర్వాత, ప్రతి వివాహిత జంట వాతావరణంతో సంబంధం లేకుండా సమీపంలోని ప్రముఖమైన జాతీయ స్మారక చిహ్నాలను సందర్శించాలి. ఈ దేశంలోని ప్రతి అబ్బాయి కనీసం రెండేళ్లపాటు సైన్యంలో పనిచేయాలి. అతని హోదా ప్రకారం, వివాహానికి తన సర్వీస్ యూనిఫాం మాత్రమే ధరించాలి", అని వివరించాడు.

 నేను చాలా ఆశ్చర్యపోయాను, "ఇక్కడ అలాంటి ఆచారం ఎందుకు ఉంది?" అని అడిగాను.

అది విని, "ఇది కృతజ్ఞతాభావం. మా పూర్వీకులు రష్యా చేసిన వివిధ యుద్ధాలలో తమ ప్రాణాలను అర్పించారు. వాటిలో కొన్ని మేం గెలిచాం, కొన్ని ఓడిపోయాం, కానీ వారు ఎల్లప్పుడూ దేశం కోసమే త్యాగం చేశారు. కొత్తగా పెళ్ళైన ప్రతి ఒక్క జంట తమ పూర్వీకుల త్యాగం వల్లే తాము శాంతియుతమైన, స్వేచ్ఛాయుత రష్యాలో జీవిస్తున్నామని గుర్తుంచుకోవాలి. అందుకే వారి ఆశీర్వాదం తప్పనిసరిగా తీసుకోవాలి."

“పెళ్లి వేడుకల కంటే దేశం పట్ల ప్రేమే ముఖ్యమని ఇక్కడి మా పెద్దల నమ్మకం.. అందుకే మాస్కో అయినా, సెయింట్ పీటర్స్‌బర్గ్ లేదా రష్యాలోని మరే ఇతర ప్రాంతంలో అయినా, పెళ్లి రోజున సమీపంలోని యుద్ధ స్మారక చిహ్నం వద్దకు వెళ్లే, ఈ సంప్రదాయాన్ని కొనసాగించాలని మేం పట్టుబడుతున్నాం."

ఆ పెద్దాయనతో మాట్లాడిన తర్వాత నా మనసులో ఒక్కటే మెదిలింది, ఇక్కడ మన పిల్లలకు ఏం నేర్పిస్తున్నాం? 

మన జీవితంలో అత్యంత ముఖ్యమైన రోజున మన అమరవీరులను స్మరించుకునే రివాజు మనకు ఉందా?

మన దేశంలో వివాహాల సమయంలో, చీరల కోసం షాపింగ్ చేయడం, ఆభరణాలను కొనుగోలు చేయడం,  విస్తృతమైన వంటకాలను సిద్ధం చేయడం, డిస్కోలలో పార్టీలు చేసుకోవడం మొదలైన వాటితో తీరిక లేకుండా గడుపుతాం.

 బహుశా మనం దాని గురించి ఎప్పుడూ ఆలోచించమేమో.

ఈ సంఘటన నా కళ్ళను నీళ్లతో నింపింది. ఈ గొప్ప ఆలోచన, ఆచారం గురించి మనం కూడా రష్యన్‌ల వద్ద నుండి నేర్చుకోవాలని నేను కోరుకున్నాను.

 మన దేశం కోసం, మన ఈ రోజు కోసం, మన రేపటి కోసం - ప్రాణత్యాగం చేసిన అమరవీరులను మనం కూడా గౌరవించవచ్చు,...!


                 ♾️ 


 *ఒక ఉదాత్తమైన కార్యం జరిగినప్పుడు దాని వలన కలిగే ఆనందాన్ని ఇతరులతో పంచుకోండి. అప్పుడు చైతన్యం నిరంతరంగా పెరుగుతుంది. 🌼


*సేకరణ:- వాట్సాప్ పోస్ట్.* 

💜🔺💜🔺💜🔺💜🔺💜

నాయకుల దిష్టి బొమ్మలను*... 😯


*ప్రతి దసరాకు నన్ను కాదు దహనం చేయాల్సింది మీ corrupted and irresponsible నాయకుల దిష్టి బొమ్మలను*... 😯


"నేను లంకాధిపతి రావణున్ని మాట్లాడుతున్నాను.... 


మీరు నా మనవలు, మనవరాళ్లు(as Dravidian race ) .......  నేను మిమ్ములను చూసి చాల దుఃఖం లో ఉన్నాను.....



నేను చెప్పేది ఒక్కసారి వినండి , ఆలోచించండి.ఈ రోజు మీరందరు నన్ను దహనం చేస్తున్నారు....చెడుపై మంచి సాదించిన విజయంగా చెప్పుకుంటున్నారు...


   మీ corrupted రాజకీయ నాయకుల కంటే , మీ irresponsible ముఖ్య మంత్రుల కంటే, ఈ అవినీతి, బ్రష్టు పట్టిన సమాజం కంటే నేను దుర్మార్గంగా వ్యవహరించానా.....? 😯


ఒక్కసారి విఙ్ఞతతో ఆలోచించండి.... ఈ రోజుల్లో మనుషుల రూపం లో ఉన్న మీ పాలక corrupted మృగాల కంటే నేను చెడ్డవాన్నా....??


లక్ష్మణుడు నా చెల్లి పై దాడి చేసి  ముక్కు చెవులు కోసి ఉండకపోతే , నేను సీతను ఎత్తుకొచ్చేవాన్నా.....?? 😔


మీరొక్కసారి ఆలోచించండి ఒకవేళ మీ అక్కా చెల్లితో ఎవరైనా ఇలాగే చేస్తే మీరేం చేస్తారు?


సీతని తీసుకువచ్చాక కూడా నేను తనతో ఎప్పుడు తప్పుగా ప్రవర్తించలేదు, తనని అవమానించలేదు ....😔


   మీ Officers , Political నాయకులలో రేపిస్టులు, హంతకులు లేరా?

ఈ రోజుల్లో లాగ ప్రేమించట్లేదని మొహం మీద యాసిడ్ దాడి నా రాజ్యం లో ఎవ్వరు చేయ లేదు..... Strightly implemented Law and Order.


 నా అంత బలవంతుడు లేడు , అయినా  సీతాదేవి పవిత్రతకి చిన్న మచ్చకూడా రానివ్వలేదు , కావాలనుకుంటే బలవంతంగా సీతని నా రాజభవనంలో పెట్టుకునే వాన్ని

కాని దాని వల్ల సీత పై మచ్చ ఏర్పడుతుందని తెలుసు కాబట్టి తనని రాజభవనాలకి దూరంగా " అశొక వాటిక "  

లో , అది కూడా మహిళా సంరక్షకుల పర్యవేక్షనలో  

ఉంచాను... మీ రాజకియ నాయకుల పాలనలో  స్త్రీలకు రక్షణ ఉన్నదా.....? 😯


నా పుత్రులు, సోదరులు, నా సంబందీకులందరు రాముడు , అతని సైన్యం చేతిలొ మృత్యువు పాలయ్యారు, కాని దానికి ప్రతీకారం సీత మీద తీర్చుకోలేదు...😯

చివరి వరకు నా మర్యాద కాపాడుకున్నాను....😌


బంగారంతో నిర్మించబడిన నా లంకా నగరం లో పేదవాడు ఉండే వాడు కాదు...అందరికి న్యాయం జరిగేది ,   నా ప్రజలందరు సంపన్నులు,

సుఖసంతోషాలతో జీవిస్తూ ఉండే వారు... మరి మీ ప్రధానుల, మీ ముఖ్య మంత్రుల పాలనలో సుఖశాంతులు ఉన్నాయా? పేదరికం, నిరుద్యోగం,కూటికి, గూటికి  లేని ప్రజలు ఉన్నారుగా......? 😯

   

చెప్పండి ఎవరు ఉన్నతమైన వారు....??  మీ Political Leaders or ముఖ్య మంత్రులా ? నేనా ? 😔


   దసరా రోజు

దహనం చేయాల్సింది ఎవ్వరినీ...... ? 😯


నేను చేసినదానికి పశ్చాత్తాప పడ్డాను......☺️ , 


ప్రతిసంవత్సరం నన్ను దహణం చేస్తున్నారు, "చెడు" కి ప్రతీకగా నన్ను చెప్తున్నారు.....

నన్ను కాదు మీరు దహనం చేయాల్సింది...మీ corrupted , ugly ,bad  నాయకులను ... చెడుకు ప్రతీకగా చెప్పాల్సింది మీ నాయకుల పేర్లను.....😔


 వారు దోపిడీ దొంగలు , ధన దాహ పిచాశాలు.....ఆర్థిక నేరస్థులు.... భూములను దోచుకున్నారు.....😯


విబజించి పాలిస్తున్నారు, విద్యకు, వైద్యానికి పేద వారిని దూరం చేశారు .....వాటిని వ్యాపారస్తుల చేతులలో పెట్టీ వారి వద్దనుండి లంచాలు తీసుకుంటున్నారు...... , Honesty people కొందరిని రాజ్యాధకారానికి దూరం చేశారు...., 


మీకు నేను చిన్న హని చేశానా? మీకు హాని చేస్తున్న మి నాయకుల బొమ్మలను కదా , దహనం చేయాల్సింది....😔


ఈ BHARAT దేశంలో స్త్రీల మీద ఎలాంటి అమానవీయ సంఘటనలు జరుగుతున్నాయో మీకు 

కనిపించడం లేదా.......??


చిన్నచిన్న పిల్లల్ని మానభంగం చేయడం, వాళ్ళని చంపేయడం..ఇష్టం లేదు అని చెప్తే అమ్మాయిలు పై

యాసిడ్ దాడులు చేయడం , 

చంపడం......పసిపిల్లల్ని 

నిలువునా తగలబెట్టడం....... 

is it అసమర్థ పాలన కాదా....!



 రావణ దహణాన్ని మానేయండి..

నేను తప్పు చేసినవాన్ని అయిండొచ్చు, 

కానీ దుర్మార్గున్ని కాదు.

నేను రావణున్ని.

ఈ దేశ మూల వాసుల (Dravidian race) చక్రవర్తిని....😯

ధర్మబద్దంగా పరిపాలించినవాన్ని.... ప్రజా ధనాన్ని దొంగలించి దాచుకో లేదు .......మీ నాయకుల లాగ, 


ఎన్నికలలో చేసిన వాగ్దానాలు గెలిచిన తరువాత అమలు చేయని Political నాయకుల దిష్టి బొమ్మలను దహనం చేయండి ,

ఇక నుండి ప్రతి దసరాకి ....😯


    నా పది తలలు రాక్షస తత్వానికి ప్రతీకలు కాదు.  విజ్ఞానానికి ప్రతీకలు.

Thank you.. Bye...Bye....


*సేకరణ:- శ్రీ కె వి రమణ మూర్తిగారి వాట్సాప్ పోస్ట్.* 

🔥🔥🌺🔥🔥🌺🌷🌸🔥

సిద్ధులను గుర్తించటం ఎలా

 🌹🌹🌹🌹🌷🌷🌷🌹🌹🌹🌹

*సిద్ధులను గుర్తించటం ఎలా ?*


భారతదేశం కర్మభూమి.

లౌకిక ఙ్ఞానానికి అతీతమైన సిద్ధులతో,

తమ తపోశక్తితో భారతభూమిని సుసంపన్నం చేసిన సిద్ధులెందరికో, 

ఈ పుణ్యభూమి పుట్టినిల్లు. 


తమ తపోశక్తితో కేవలం, భారతదేశానికే కాక, 

యావత్ మానవాళికి ఉపకారం చేసే సిద్ధపురుషులు ఈనాటికి హిమాలయపర్వతశ్రేణుల్లో ఉన్నారు.


అట్టి మహాత్ముల తపోశక్తి వలననే, 

నేడు భారతావని ఈమాత్రం అయినా సుభిక్షముగా ఉంది. 

వారి తపస్సు వలన కలిగే ప్రకంపనలు వలననే, 

నేటికీ భారతదేశంలో ఇంకా ఆధ్యాత్మికత నెలకొని ఉంది. 


సిద్ధపురుషులు అఙ్ఞాతముగా ఉంటూ, 

మానవునికి ఊహకందని సేవలు చేస్తూఉంటారు.


ప్రకృతి, సూర్యకాంతి, పంచభూతాలు మానవాళికి చేసే ప్రయోజనం ఎటువంటిదో, 

సిద్ధులైన పురుషుల యొక్క తపోశక్తి అంతటి ఉపకారం చేస్తుంటుంది.


1) సిద్ధులను గుర్తించటం ఎలా ?


2) వారి లక్షణాలు ఎమిటి ?


3) వారి నివాసము ఎచ్చట ?


వంటివి ఆసక్తికరమైన ప్రశ్నలు.


అయితే సిద్ధులను గుర్తించటం అంత తేలికైన విషయం కాదు.


భగవద్గీత, బ్రహ్మగీత, సూతసంహిత, భాగవతం, ఇంకా ఉపనిషత్తులతో అక్కడక్కడ సిద్ధులను గురించి చెప్పబడింది. 


భగవద్గీతలో సాంఖ్యాయోగంలో చెప్పబడిన స్థిథప్రఙ్ఞుని లక్షణాలు పూర్తిగా కలిగి ఉన్నవారిని సిద్ధపురుషులుగా పేర్కొనవచ్చు.


భగవద్గీతలో అర్జునుడు, స్థితప్రఙ్ఞుని గురించి నాలుగు ప్రశ్నలు వేశాడు.


1) స్థితప్రఙ్ఞుడు ఎలా ఉంటాడు?

అనగా అతని లక్షణములు ఏమిటి ?


2) స్థితప్రఙ్ఞులు ఏ విధంగా భాషిస్తారు ?


3) స్థితప్రఙ్ఞుడు ఏ రీతిగా ఉంటాడు ?


4) స్థితప్రఙ్ఞుడు ఏ విధంగా ప్రవర్తిస్తాడు ?


పై నాలుగు ప్రశ్నలలో, 

మొదటి ప్రశ్నయే సమగ్రమయినది. 


మిగిలిన మూడుప్రశ్నలు అందులోని భాగమే. 


అత్యంత సమగ్రమైన అర్జునుని ఈ ప్రశ్నకు, 

సాంఖ్యయోగం చివరి వరకూ శ్రీకృష్ణ భగవానుడు సవివరముగ సమాధానం ఇచ్చాడు. 


మనస్సు లోని కోరికలను పూర్తిగా పాలద్రోలి, నిర్మలచిత్తంతో ఆత్మ యందే స్థిరంగా ఉండి సంతుష్టి పొందే స్థితిని, 

స్థితప్రఙ్ఞత్వం అని అంటారు. 


అట్టి స్థితిని చేరుకున్న సిద్ధుని ప్రతీ చర్యలో పవిత్రత, శాంతి, దైవత్వం గోచరిస్తుంది.


అట్టి సిద్ధుని ముఖం ఎల్లప్పుడూ తృప్తి, ఆనందంతో తాండవిస్తుంది.


అతని హృదయం నిత్యం బ్రహ్మానందసాగరంలో తేలియాడూతూ ఉంటుంది.


మనోవికారాలైన రాగభయక్రోధాదులు అతని దరిచేరవు.


శరీరధారులు కనుక, 

కొన్ని భౌతికావసరాలకు తప్ప ఏ వస్తువులు యందు ప్రత్యేకమైన కోరిక గాని, 

అమిత ఇష్టంగాని కలిగి ఉండరు.


సిద్ధులైన మహాపురుషుల దర్శనం వలన కలిగే పుణ్యఫలమును గురించి ఒక చిన్న కథ ఉంది.


ఒకసారి నారదుడు శ్రీమహావిష్ణువును 

”సాధుదర్శనం” 

వలన కలిగే ఫలం ఏమిటి? 

అని ప్రశ్నించాడు. 


దానికి విష్ణువు “నారదా! భూలోకంలో ఇప్పుడే ఒక పేడపురుగు జన్మించింది.

వెళ్ళి దానిని అడుగు. 

నీ ప్రశ్నకు జవాబు లభిస్తుంది”

అన్నాడు.


నారదుడు పేడపురుగు వద్దకు పోయి 

సాధుదర్శనం వలన కలిగే ఫలము ఏమిటి?

అని ప్రశ్నించాడు. 

వెంటనే ఆ పేడపురుగు మరణించింది. 

నారదుడు కంగారుపడి విష్ణువుకు జరిగినదంతా చెప్పాడు.


విష్ణువు 

“నారదా ! భూలోకంలో ఒక గోవు ప్రసవిస్తున్నది. 

వెళ్ళి ఆ ఆవుదూడను ఇదే ప్రశ్నను అడుగు” 

అని పంపాడు. 

నారదుడు తిరిగి భూలోకం వచ్చి, అప్పుడే ప్రసవించిన లేగదూడను తిరిగి ప్రశ్నించాడు. 

ఆ లేగదూడ ప్రశ్న విన్న వెంటనే మరణించింది. 


నారదుడు తనకు గోహత్యా పాపం కలిగింది అని చింతించి,

మళ్ళీ విష్ణువు వద్దకు వెళ్ళి జరిగినది అంతా వివరించాడు. 

వెంటనే, 

శ్రీమహావిష్ణువు,

ఈసారి భూలోకంలో, 

ఫలానా రాజుగారి భార్య ఇప్పుడే ప్రసవించింది.

మగబిడ్డ పుట్టాడు. 

ఆ బిడ్డ ను ఈ ప్రశ్న వెయ్యి, నీకు సమాధానం దొరుకుతుంది. 

అని చెప్పాడు. 


నారదుడు సందేహించి, 

శ్రీమన్నారాయణ! 

ఇప్పటికే నా వలన రెండు మరణాలు జరిగాయని వ్యాకుల పడుతున్నాను. 

నీ మాయ నాకు అర్థం కాకుండా ఉంది. 

మరోసారి నీవు చెప్పినట్లు చెయ్యటానికి ధైర్యం సరిపోవడంలేదు,

నన్ను అనుగ్రహించు తండ్రి ! 

అని ప్రార్థించాడు.


శ్రీమహావిష్ణువు నవ్వి 

ఈ సారి నీ ప్రశ్నకు తప్పక జవాబు లభిస్తుంది. పోయిరమ్ము, 

అని పంపాడు. 


నారదుడు భూలోకానికి తిరిగి వచ్చి అప్పుడే ప్రసవించిన రాకుమారుని, 

సిద్ధపురుషులు దర్శనఫలం ఏమిటి? 

అని ప్రశ్నించాడు. 


వెంటనే ఆ రాకుమారుడు నారదునికి నమస్కరించి, 


మహాత్మా! మీ ప్రశ్నకు, 

నా జీవితమే జవాబు! 

నేను ముందు పేడపురుగుగా జన్మించినప్పుడు, 

మీ దర్శనభాగ్యం వలన ఆవుదూడగా ఉత్తమజన్మ లభించింది. 

తిరిగి మీ దర్శనం వల్లనే ఉత్తమోత్తమైన ఈ మానవజన్మ లభించింది. 

అని జవాబు ఇచ్చాడు.


కాబట్టి, సిద్ధపురుషుల దర్శనం వలన లభించే పుణ్యఫలం ఎంతని చెప్పగలం?


సాధూనాం దర్శనం పుణ్యం,

స్పర్శనం పాప నాశనం

సంభాషణం కోటితీర్థం,

వందనం మోక్ష సాధనం II


సాధువులు అయిన ఙ్ఞానులను దర్శించటం వల్ల పుణ్యం, 

పాదస్పర్శతో పాపనాశనం,

సంభాషించటం వలన అన్ని పుణ్యతీర్థాలలో స్నానము ఆచరించటం వలన కలిగే పుణ్యఫలం, 

నమస్కారం చెయ్యడం మోక్షదాయకమని, 

భాగవతం లో చెప్పబడింది. 


ఏ ప్రదేశాలలో సిద్ధపురుషులు ఆశ్రమాలు నిర్మించుకుంటారో, 

అక్కడి ప్రజలు ఆ సిద్ధుల సాంగత్యంతో, 

పునీతులు అవుతూ ఉంటారు.


ఆత్మఙ్ఞానం పెంపొందించుకునే వాతావరణం సిద్ధపురుషుల ఆశ్రమాలలో లభించగలదు. 


అట్టి మహాపురుషుల ఉనికి అన్నిరకాల తాపత్రయాలను పారద్రోలి, 

శాశ్వతమైన ఆధ్యాత్మిక శాంతిని చేకూర్చుతుంది. 


నిరంతరం సంసార వ్యామోహంలో కొట్టుమిట్టాడే నేటి ప్రజలు, 

అట్టి మహాపురుషుల సాంగత్యం కొరకై తరచూ ప్రయత్నం చేయుట వలన శాంతి సౌఖ్యాలను పొందగలరు. 


పలు సిద్ధపురుషుల జీవితచరిత్రలు దీనికి ఉదాహరణలు.


*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*

నవగ్రహా పురాణం🪐* . *65వ అధ్యాయం*

 🌹🌹🌹🌹🌷🌷🌷🌹🌹🌹🌹

.        *🪐నవగ్రహా పురాణం🪐*  

.               *65వ అధ్యాయం*


*పురాణ పఠనం ప్రారంభం*

🪐🪐🪐🪐🪐🪐🪐🪐🪐🪐

*చంద్రగ్రహ చరిత్ర - 3*


చంద్రుడు , రోహిణీ భోజనం చేసి రాత్రి వాహ్యాళికి వెళ్ళిపోయాక - అశ్వినీ , ఆమె ఇరవై అయిదుగురు చెల్లెళ్ళూ మౌనంగా , స్వల్పంగా ఆరగించారు.


అందరూ గుంపుగా తోటలోకి వెళ్ళారు. తోటంతా కలియదిరిగారు. కానీ రోహిణీ చంద్రులు లేరు !


*"మనం భోజనాలలో ఉన్నప్పుడే ఉద్యానవనంలోంచి మందిరంలోకి వచ్చేశారేమో ! అంది అశ్విని.


*"అంతే జరిగి ఉంటుందే ! పదండి... పతి దేవులు ఆగ్రహిస్తారు !”* భరణి ఆదుర్దాగా అంది.


అందరూ మందిరం వైపు వేగంగా నడిచారు.


భర్త ఏకాంత శయనాగారం వైపు వెళ్తున్న అశ్వినీ , ఆమె చెల్లెళ్ళూ తటాలున ఆగారు. శయనాగారం లోంచి రోహిణీ చంద్రుల స్వరాలు వినిపిస్తున్నాయి.


*"అక్కయ్యలు ఏమైనా అనుకుంటే ?”* రోహిణి నవ్వుతూ అడుగుతోంది. *"అనుకోవడానికి ఏముంది ? ఒక విషయం చెప్పు ! ఇవాళ విస్తరిలో వడ్డించిన పదార్థాలన్నీ తిన్నావా ? ఇష్టమైనవే తిన్నావా ?"* చంద్రుడు నవ్వుతూ అన్నాడు.


*"ఇష్టమైనవే”* రోహిణి నవ్వింది.


*"విస్తరిలో ఉన్నాయని అన్నీ ఆరగించలేం. మందిరంలో ఉన్నారని అందరితోనూ విహరించలేం. ఇష్టమైనదాన్ని ఆరగిస్తాం ; ఇష్టమైన వాళ్ళతో విహరిస్తాం !"* చంద్రుడు నవ్వుతూ అంటున్నాడు.


రోహిణీ , చంద్రుడూ - ఇద్దరూ హాయిగా నవ్వుకున్నారు. కాదు - నవ్వుకుంటున్నారు.


అశ్విని బలహీనంగా వెనక్కి తిరిగింది. దూరంగా ఉన్న కక్ష్య వైపు అడుగులు వేసింది. ఆమె సోదరీమణులు మౌనంగా ఆమెనే అనుసరిస్తున్నారు.


అశ్విని నుండి రేవతి దాకా - రోహిణిని తప్పించి - ఇరవై ఆరుగురు దక్షపుత్రికలు , నవ వధువులు భర్త మందిరానికి వచ్చి చేరిన మొదటి రోజు ... మొదటి రాత్రి... నేల మీద ఒకరి పక్కన ఒకరు అలా పడి ఉన్నారు.


*"అశ్వినీ ! అల్లుడికి నువ్వు జ్యేష్ఠ పత్నివి ! పట్టమహిషివి ! మొదట చంద్రుడు నిన్నే చేరదీస్తాడు. ఆయనకు అనుకూలంగా ప్రవర్తించి , అలరించు. అలాగే నీ చెల్లెళ్ళు కూడా భర్తను అలరించేలా చూడు !"* తల్లి ప్రసూతీదేవి మాటలు అశ్విని చెవుల్లో గింగురుమంటూ , తమ సమీపంలోనే ఉన్న ఆమె కళ్ళలోంచి అశ్రువులు కారేలా చేశాయి.


*"అక్కా...ఏమిటిలా జరిగింది ?"* కృత్తిక దీనంగా ప్రశ్నించింది అశ్వినిని. *"మన పతిదేవుడు మొదట నిన్ను ఆదరించి , చేరదీస్తారని అమ్మ చెప్పిందే!!* 


*"బహుశా , ఆయన ... రోహిణి మనందరికన్నా పెద్ద వధువుగా అనుకున్నారేమో ! బాధపడకండి ! అన్నీ సర్దుకుంటాయి !"* చెల్లెళ్ళను ఓదార్చే తన మాటలతో తనకు కూడా ఓదార్పును వెదుక్కుంది అశ్విని..


ఆ నవ వధువుల నిట్టూర్పులతో ఆ కక్ష్యలో గాలి వేడెక్కుతోంది.


అశ్విని ఆశ నిరాశగా , రోజులు గడిచే కొద్దీ పేరాశగా మారిపోయింది.


రోహిణి తప్పించి మిగిలిన దక్షపుత్రికలను చంద్రుడు కన్నెత్తి చూడడం లేదు. పన్నెత్తి పలకరించడం లేదు. భర్త దృష్టిని ఆకర్షించాలని వాళ్ళు చేసిన ప్రయత్నాలు ఫలించలేదు.


అంటిపెట్టుకుని ఉన్న మిగతా చెల్లెళ్ళనూ పూర్తిగా నిస్సహాయ స్థితిలోకి నెట్టి వేశాయి.


వాళ్ళెవరికీ ఇప్పుడు భర్తకు ఆహారం అందించే అవకాశం కూడా లేదు. ఆయనకు రోహిణి మాత్రమే వడ్డించాలి. ఆయనతో బాటు , ఆయన పళ్ళెంలోనే ఆరగించాలి ! చంద్రుడి ప్రవర్తన కన్నా , రోహిణి ప్రవర్తన దక్షపుత్రికలను నిర్ఘాంతపోయేలా చేస్తోంది.


పుట్టినప్పట్నుంచీ కలిసి మెలిసి ఆడి , పాడి వాళ్ళలో ఒక్కతెగా పెరిగిన రోహిణి , ఇప్పుడు వాళ్ళెవరో తనకి తెలియనట్టు ప్రవర్తిస్తోంది. ముగ్గురు అక్కలనూ , ఇరవై ముగ్గురు చెల్లెళ్ళనూ రోహిణి పూర్తిగా నిర్లక్ష్యం చేస్తోంది. వాళ్ళందరూ ఇప్పుడామెకు అపరిచిత యువతులు !


చంద్రుడి దృష్టిలో లాగే , ఆమె దృష్టిలో కూడా వాళ్లు మందిరంలో పరిచారికలు ! 


రోజులు వారాలుగా , వారాలు నెలలుగా ఎదుగుతున్నాయి. రోహిణి సోదరీ మణులకూ , 'ఆమె' భర్తకు మధ్య దూరం కూడా ఎదుగుతూనే ఉంది...


*“ఈ రోజు ఏమైనా సరే ఆయనా రోహిణి జలక్రీడకూ , ఉద్యానవన విహారానికి వెళ్ళేటప్పుడు మనందరమూ వెళ్ళాలి ! వాళ్ళతో బాటు జలక్రీడలో పాల్గొనాలి"* మృగశిర ఉద్రేకంగా అంది.


*"ఆయన వద్దన్నా వినకుండా సరస్సులో దూకాలి"* ఆర్ధ్ర ఆవేశంగా అంది. అందరూ మౌనంతో తమ అంగీకారం తెలిపారు.


చంద్రుడూ , రోహిణి చేతులు కలుపుకుని ఉల్లాసంగా మందిరంలోంచి ఉద్యానవన ద్వారం దాటి వచ్చారు. అక్కడే నిరీక్షిస్తున్న ఇతర చంద్ర పత్నులు వెంట అడుగులు వేశారు.


ద్వారం దాటి సోపానాలు దిగుతున్న చంద్రుడు ఆగి విసుగ్గా చూశాడు.


*"ఆగండి ! మీరెక్కడికి ? వెళ్ళి మందిరంలో పనులు చూసుకోండి",* చంద్రుడు ఆజ్ఞాపించాడు.


మృగశిరా , ఆర్ధ్ర వినిపించుకోనట్టు మరొక మెట్టు దిగారు. 


*"ఆగు"* చంద్రుడు అరిచాడు.


*"నీ పేరేమిటి”*


*"మృగశిర..."*


*"మృగ... శిర... - అందుకే మృగంలాగా ప్రవర్తిస్తున్నావు. వెళ్ళండి మందిరంలోకి"* 


మృగశిర ముఖం చిన్నబుచ్చుకుని , వెనుదిరిగింది. ఆర్ద్ర ఆమెను అనుసరించింది. అందరూ తలలు వాల్చుకుని మందిరంలోకి నడుస్తున్నారు.


వెనక నుండి రోహిణీ చంద్రుల నవ్వులు వాళ్ళను వెంటాడి తరుముతున్నాయి..


అశ్విని ఆమె చెల్లెళ్ళు ఇరవై ఐదుగురూ ఒకే రకమైన మానసిక స్థితిలో ఉన్నారు...

పుట్టినింటికి దూరమయ్యారు. తల్లిదండ్రుల అనురాగానికి దూరమయ్యారు. తమ సర్వస్వంగా రూపొందుతాడనుకున్న భర్తకు దగ్గర కాలేక పోయారు. చేరువలో దూరాన్ని అనుభవిస్తున్నారు. భర్తను కొంగున ముడివేసుకున్న సోదరి మూలంగా నిరంతరావమానాన్ని చవిచూస్తున్నారు.


భర్త నిరాదరణా , రోహిణి నిర్లక్ష్య ప్రవర్తనా వాళ్ళందరినీ ఒక్కటిగా దగ్గర చేశాయి. వాళ్ళ విచారం సామూహిక విచారంగా మారింది. నిస్సహాయత సామూహిక నిస్సహాయతగా మారింది. అందరిలోనూ ఒకే విధమైన నిర్లిప్తత. ఒకే విధమైన నిరాసక్తత. ఒకే విధమైన నిస్సహాయత.


మౌనంగా గుంపుగా కూర్చున్న ఇరవై ఆరుగురు దక్షపుత్రికల ఆలోచనా ప్రవాహాలకు నారదుడి రాకా , ఆయన చేసే నారాయణ నామస్మరణ ఆనకట్ట వేశాయి.


దక్షపుత్రికలు లేచి , మౌనంగా ఆయనకు చేతులు జోడించారు. నారదుడు వాళ్ళను ఎగాదిగా చూశాడు. ఆయన కళ్ళల్లో ఆశ్చర్యం ప్రతిఫలిస్తోంది. *"అశ్వినీ ! ఏమిటిలా విచారంగా ఉన్నారు ? మీ పతిదేవుడు చంద్రుడు లేడా ?"*


*"ఉన్నారు... ఎక్కడున్నారో తెలీదు స్వామీ"* అశ్విని మెల్లగా అంది. 


*"అంటే...?"*


*"మా సోదరి రోహిణీ , ఆయనా ఎప్పుడు ఎక్కడ ఉంటారో మాకు తెలీదు..."* భరణి సన్నని కంఠంతో దీనంగా అంది. 


నారదుడు విచారంతో నిండిన వాళ్ళందరి ముఖాలనూ కలయజూశాడు. అలంకరణ లేని శరీరాలు... అలంకరణ లేని శిరోజాలు... చెంపల మీద కరిగిన కాటుక చారికలు... కళ్ళల్లో దైన్యం... అందరి ముఖాల మీదా ఒకే రకమైన విచార ముద్ర.


*"అశ్వినీ... మీరు అనుభవిస్తున్న మానసిక క్షోభను మీ ముఖదర్పణాలు చూపిస్తున్నాయి. మీరందరూ చంద్రపత్నులై ఈ మందిరంలో ప్రవేశించిన శుభకార్యానికి సూత్రధారి నేనే ! మీ విచారానికి కారణం తెలుసుకోవాల్సిన బాధ్యత నా మీద ఉంది ,”* నారదుడు చెప్పి ఆగాడు.

 

*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*

🪐🪐🪐🪐🪐🪐🪐🪐🪐🪐

🚩శ్రీ వివేకానందస్వామి🚩* . *🚩జీవిత గాథ🚩* *భాగం 75*

 🍁🍁🍁🍁🍁🍁🍁🍁🍁🍁

.    *🌹చారిత్రాత్మక కథాస్రవంతి🌹*

.   *ఓం నమో భగవతే రామకృష్ణాయ*


.       *🚩శ్రీ వివేకానందస్వామి🚩*

.                *🚩జీవిత గాథ🚩*   


*భాగం 75*

🍁🍁🍁🍁🍁🍁🍁🍁🍁🍁


నరేంద్రుడు ఒక రోజు శ్రీరామకృష్ణుల గదిలోకి వెళ్లి. "అందరికీ ఎన్నో ఆధ్యాత్మిక అనుభవాలు కలుగుతున్నాయి. నాకు మటుకు ఎందుకు ఏదీ లభించడం లేదు? నాకు కూడా ఏదైనా లభించాలి" అన్నాడు. "సరే, నీకు ఏం కావాలి?" అని శ్రీరామకృష్ణులు అడిగారు. అందుకు నరేంద్రుడు, "మూడు నాలుగు రోజులు అవిచ్ఛిన్నంగా సమాధి స్థితిలోనే లీనమై ఉండిపోవాలి.  ఏదో ఆహారం నిమిత్తం అప్పుడప్పుడు మనస్సు క్రిందికి దిగి రావాలి" అన్నాడు. 

 

ఆ మాటలు విని శ్రీరామకృష్ణులు, "నువ్వొక అవివేకివి. ఇదా ఉన్నత స్థితి? ఇంతకన్నా అత్యున్నత స్థితి ఉంది. 'ఉన్నవన్నీ నువ్వే' అని నువ్వే పాడతావు కదా! ఆ స్థితిని నువ్వు అనుభవించవచ్చు. కాని అంతకు ముందు నీ కుటుంబానికి అవసరమైన ఏర్పాట్లు చేసి రా" అన్నారు.


మర్నాడు నరేంద్రుడు ఇంటికి వెళ్లాడు. చదువు, తిండి విషయాలలో ఏమీ పట్టించుకోకుండా ఉంటున్నందుకు తల్లి అతణ్ణి గట్టిగా మందలించింది. కుటుంబానికి ఏమైనా చేయాలని మళ్లీ చదువు మీదకు దృష్టి సారించాలనుకొన్నాడు. నరేంద్రుడు. కనుక అమ్మమ్మ ఇంటికి వెళ్లి చదువుకోనారంభించాడు. పుస్తకం చేతిలోకి తీసుకోవడమే తరువాయి ఎక్కణ్ణుందో భయోద్వేగం వచ్చి అతణ్ణి ఆవహించింది. తాను ఏదో తప్పు చేస్తున్నట్లుగా అతడికి అనిపించింది. ఏమను కొన్నాడో ఏమో హఠాత్తుగా పుస్తకాలను అట్లే విసిరివేసి పరుగెత్తసాగాడు. 


ఏదో ఒక శక్తి అలా పరుగెత్తించినట్లుగా ఆవేశంలో అతడు పరిగెత్తాడు. పరుగు వేగంలో చెప్పులు, ఇతర వస్తువులు దారిలో చెల్లాచెదరుగా అక్కడక్కడా పడి పోయాయి. దారిలో ఉన్న గడ్డివామును మోదుకోవడంతో ఒళ్లంతా గడ్డిపరకలే! అందుకు తోడు జోరున వాన! పిచ్చిపట్టిన వాడిలా అతడు పరుగెత్తాడు. చివరికి ఆగింది కాశీపూర్ లో. 


నరేంద్రుడు తిన్నగా మేడ మీద ఉన్న శ్రీరామకృష్ణుల వద్దకు వెళ్లాడు. అప్పుడు ఆయన నిద్రపోతున్నారు. భరించరానంత గొంతు నొప్పితో బాధపడుతున్నారు. రాత్రి దాదాపు తొమ్మిది గంటలకు ఆయన నిద్రలేచారు. లేవ గానే నరేంద్రుణ్ణి గురించే మాట్లాడారు: “నరేంద్రుని పరిస్థితి ఎంతో అద్భుతంగా ఉంది. ఒకప్పుడు అతడు సాకార భగవంతుణ్ణి విశ్వసించేవాడు కాడు. ప్రస్తుతం చూడు, భగవదనుభూతి కోసం ఎంత తల్లడిల్లిపోతున్నాడో!".🙏


*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*

🍁🍁🍁🍁🍁🍁🍁🍁🍁🍁

👉 *రేపటి తరానికి బతుకు, భద్రత లతోపాటు భారతీయత కూడా నేర్పండి.*

🌺🌹🌺🌹🌺🌹🌺🌹🌺🌹

సౌందర్యలహరి🌹* *శ్లోకం - 65*

 🌹🌹🌹🌹🌷🌷🌷🌹🌹🌹🌹

🌹🌹🍃🍃🌹🌹🍃🍃🌹🌹

.          *🌹సౌందర్యలహరి🌹*


*శ్లోకం - 65*

🌷🪷🌷🪷🌷🪷🌷🪷🌷🪷


*రణే జిత్వాదైత్యా నసహృతశిరస్త్రెః కవచిభిః*

   *నివృత్తై శ్చండాఽంశ త్రిపురహరనిర్మాల్యవిముఖైః |*

*విశాఖేంద్రోపేంద్త్రె శ్శశివిదకర్పూరశకలాః*

*విలీయంతే మాత స్తవ వదనతాంబూలకబళాః ||*



అమ్మా 

రణేజిత్వా దైత్యా = యుద్ధములో అసురులను జయించి,


విశాఖేంద్రోపేంద్త్రెః = దేవ  సేనానాయకుడు కుమారస్వామి,ఆయనకు సహకరించిన ఇంద్రుడు, విష్ణువు

(వామనావతారంలో అదితి, కశ్యపులకు పుత్రుడుగా, ఇంద్రునికి సోదరుడిగా జన్మించిన వాడు ఉపేంద్రుడు)

ఆ విజయ వార్త అమ్మవారికి చెప్పటానికి ఉత్సాహంగా వస్తున్నారుట.ఏ విధంగా?


నసహృతశిరస్త్రెః కవచిభిః = ఆమె సర్వసైన్యాధ్యక్షురాలు కనుక ఆమెకు గౌరవ భావంతో వినయంగా శిరస్త్రాణములు, కవచములు తొలగించి వచ్చారుట.


చండాంశ త్రిపురహర నిర్మాల్యవిముఖైః = శివుని నిర్మాల్యము చండీశ్వరునికే చెందుతుంది.

ఈయన ప్రమధగణాల్లో ముఖ్యుడు.

మనము శివ ప్రసాదము తీసుకునే ముందు ఆలయానికి ఆలయానికి ఉత్తర భాగంలో ఉండే చండీశ్వరుని వద్దకు వెళ్ళి ఆయన అనుమతి అడిగి ప్రసాదం స్వీకరించాలిట.అయితే పానవట్టములోని అభిషేక జలము అందరూ తీసుకోవచ్చు.కొన్ని ఆలయాల్లో చండీశ్వర స్థానం ఉండదు.

స్వయంభూ, జ్యోతిర్లింగ క్షేత్రములలోను, బాణ, స్ఫటిక లింగములు కల చోట్ల పరమహంస పరివ్రాజకులు(కంచి, శృంగేరి మహాస్వాముల వంటివారు)లింగ ప్రతిష్ఠాపన చేసిన చోట్ల ఈ చండీశ్వర స్ధానము ఉండదు.


ఇప్పుడు వీరు సాక్షాత్తు జగన్మత వద్దకు వెళుతున్నారు కనుక ప్రసాదము కొరకు శివుని వద్దకు వెళ్ళకుండా అమ్మవారి వద్దకే వచ్చారుట.అమ్మవారు సర్వలోకవశంకరి కాబట్టి ఆమెకు ఈ వార్త ముందే తెలిసి ఆనందముగా తాంబూల సేవనం చేస్తున్నారుట.ఆ తాంబూలము ఎలా ఉంది ?


శశివిశద కర్పూరశకలా విలీయంతే = ఇతర సుగంధ ద్రవ్యములతో పాటు చంద్ర శకలములే పచ్చ కర్పూరముగా కలిగిన తాంబూలము అది. అసలు దశదిశలా వ్యాపించిన ఆ సుగంధ పరిమళముల వల్లనే కుమారస్వామి సేనలు అసురులను జయించాయిట.


మాతః తవ వదన తాంబూల కబళాః = వారు ప్రసాదమును కోరగా అమ్మవారు సేవిస్తున్న ఆ తాంబూల కబళమును ప్రసాదంగా ఇచ్చారుట.

అమ్మవారి నోరు సర్వ శాస్త్ర జ్ఞానమైన వాగ్భవ కూటము. ముందు శ్లోకములో చెప్పుకున్నట్లు తెల్లని సరస్వతీదేవి యెర్రని అమ్మవారి నాలుకపై కూర్చొనగానే ఆమె రూపం కూడా ఎర్రబడిందిట.

మనలోని అసురీ శక్తులను జయించాక అమ్మవారు సర్వ శాస్త్రజ్ఞానమును మనకు ప్రసాదిస్తున్నారని ఈ శ్లోక భావము.

లలితా సహస్రనామాల్లోని *తాంబూలపూరితముఖీ దాడిమీ కుసుమప్రభా* *కర్పూరవీటికామోద సమాకర్షద్దిగంతరా* నామాలు ఇక్కడ స్మరణీయాలు.


           🙏🏻 *శ్రీమాత్రే నమః*🙏🏻


*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*

🌺🌹🌺🌹🌺🌹🌺🌹🌺🌹

వేద ఆశీర్వచనం

 *నమస్తే సదా వత్సలే మాతృ భూమే!*

                 🌷🌷🌷

*కలియుగాబ్ది 5124* *శ్రీ శాలివాహన శకం 1944 స్వస్తి శ్రీ    చాంద్రమాన శోభకృత్ నామ సంవత్సరం దక్షిణాయనం - శరదృతువు -  ఆశ్వీయుజ మాసం - శుక్ల పక్షం  - ద్వాదశి -  పూర్వాభాద్ర - గురు వాసరే* *(26-10-2023)* 


ప్రముఖ వేదపండితులు,  *బ్రహ్మశ్రీ గుళ్ళపల్లి శివశర్మ ఘనపాఠీ* గారి నేటి వేద ఆశీర్వచనం.


https://youtu.be/_pV0DJ95uFU?si=YWreYifd4v9Lm5x5


🙏🙏

పూజాకార్యక్రమాల సంకల్పము

 **********

*శుభోదయం*

*********

సంధ్యా వందన మరియు

 ఇతర పూజాకార్యక్రమాల సంకల్పము. 

పూర్వ పద్ధతి పంచాంగం.

తేదీ. 26.10..2023

బృహస్పతివాసరే( గురువారము)

**************

గమనిక:-ఇక్కడ నేను ఇచ్చే సంకల్పం మా పెద్దలు మరియు గురువుల ద్వారా నేర్చుకున్న నిష్కామ  సంకల్పం.  దీనిని మీరు ఉన్న ప్రదేశం మరియు మీరు మీ గురువు ద్వారా నేర్చుకున్న విధంగా మార్చుకో  వచ్చును. 

___________________

శుభాభ్యుదయార్ధంచ, శుభే శోభనే ముహూర్తే శ్రీ  మహావిష్ణోరాజ్నేయా  ప్రవర్తమానస్య అద్యబ్రహ్మణః ద్వితీయ పరార్ధే శ్వేత వరాహ కల్పే వైవస్వత మన్వంతరే కలియుగే ప్రధమపాదే జంబూద్వీపే భరతవర్షే భరతఖండే

మేరోః దక్షిణ దిగ్భాగే శ్రీ శైలస్య వాయువ్య దిగ్భాగే (హైదరాబాద్ లో వారికి మాత్రమే)గంగా కావేర్యోర్మధ్య ప్రదేశే  శ్రీలక్ష్మీ నివాస గృహే సమస్థ దేవతా హరిహర గురు గో బ్రాహ్మణ చరణ సన్నిధౌ  అస్మిన్ వర్తమాన వ్యావహారిక చాంద్రమానేన

శ్రీ శోభకృత్ నామ సంవత్సరే దక్షిణాయనే

శరదృతౌ

ఆశ్వయుజ మాసే శుక్ల పక్షే ద్వాదశీ సంయుక్త త్రయోదశ్యాం (సూర్యోదయానికి ఉన్న తిథే  చెప్పుకోవాలి సంధ్యావందనాలకు మాత్రమే)

బృహస్పతివాసరే( గురువారము)

శుభ నక్షత్రే

శుభ యోగే,

శుభకరణ,  

ఏవంగుణ విశేషణ విశిష్ఠాయాం శుభ తిధౌ 

శ్రీమాన్_______గోత్రః_____నామధేయః  

శ్రీమతః ______గోత్రస్య_______ నామధేయస్య మమ ఉపాత్త దురిత క్షయ ద్వారా శ్రీ పరమేశ్వర ముద్దిశ్య శ్రీ పరమేశ్వర ప్రీత్యర్థం ప్రాతః/మాధ్యాహ్నిక/సాయం 

సంధ్యాముపాసిష్యే. 

సంధ్యా వందనం కొరకు మాత్రమే.

ఇతర పూజలకు

 శ్రీ శోభకృత్  నామ సంవత్సరే దక్షిణాయనే

శరత్ ఋతౌ  ఆశ్వయుజ మాసే  శుక్ల పక్షే ద్వాదశీ సంయుక్త త్రయోదశ్యాం

గురు వాసరే అని చెప్పుకోవాలి.


ఇతర ఉపయుక్త విషయాలు

సూ.ఉ.6.00

సూ.అ.5.31

శాలివాహనశకం 1945 వ సంవత్సరం.  

విక్రమార్క శతాబ్దం లో 2080 వ సంవత్సరం. 

కల్యబ్దాః 5124 వ సంవత్సరం. 


శ్రీ శోభకృత్ నామ సంవత్సరం 

దక్షిణాయన పుణ్యకాలం శరత్ ఋతువు

ఆశ్వయుజ మాసం 

శుక్ల పక్షం ద్వాదశి ఉ. 8.02 వరకు.  త్రయోదశి (ఏష్యం) తె. 5.43 వరకు. బృహస్పతివాసరే( గురువారము)

నక్షత్రం పూర్వాభాద్ర ప. 10.50 వరకు.


అమృతం ఉ.తె.5.44 ల మరునాడు ఉ. 7.15 వరకు.

దుర్ముహూర్తం ప.9.50 ల 10.36 వరకు.

దుర్ముహూర్తం మ. 2.27 ల 3.13 వరకు. 

వర్జ్యం రా.7.47 ల‌ 9.17 వరకు .

యోగం ధృవం ప.9.04 వరకు. 

కరణం బాలవ ఉ. 8.02 వరకు.

సూర్యోదయము ఉ.6.00 గంటలకు అయితే.

రాహు కాలం మ. 1.30 ల 3.00 వరకు. 

గుళిక కాలం ఉ. 9.00 ల 10.30 వరకు. 

యమగండ కాలం ఉ.6.00 ల 7.30  వరకు. 

.***********

పుణ్యతిధి ఆశ్వయుజ శుధ్ధ త్రయోదశి. 

.**********

*శ్రీ పద్మావతీ శ్రీనివాస వివాహ సమాచార సంస్థ*,

(స్థాపితము 11/08/2000 రి.జి.నెం.556/2013)

S2,/C92, 6 -3 -1599/92,బి 

Sachivalayanagar,

Vanasthalipuram,

Rangareddy Dist, 500 070,

80195 66579.

.**********

*బ్రాహ్మణ వధూవరుల సమాచార కేంద్రం*

                           వారి

*బ్రాహ్మణ వధూవరుల ద్వై మాసవపత్రిక*

*పత్రికలో రిజిస్ట్రేషన్*ఉచితం, పుస్తకం కావలసిన వారు ₹100/- చెల్లించిన చో పుస్తకం వారి చిరునామాకు పంపబడును* 

*రిజిస్ట్రేషన్ మరియు ఇతర వివరాలకై*

*సంప్రదించండి*

ఫోన్(చరవాణి) నెం లను 

*9030293127/9959599505

*.**************

ఈ రోజు పుట్టినరోజు మరియు పెళ్ళి రోజు జరుపు కుంటున్న   అందరికీ గాయిత్రి మాత ఆయురారోగ్యాలు సర్వదా ప్రసాదించాలని  కోరుకుంటూ మీ  శ్రేయోభిలాషి.

**************

మాస్క్ ధరిస్తూ సామాజిక దూరం పాటిస్తూ ఆరోగ్యం గాను క్షేమంగాను ఉండాలని ఆకాంక్షిస్తూ మీ శ్రేయోభిలాషి.

🙏🙏🙏

భగవంతుడు అంతటావున్నాడు


*దేవుడు అంతటావున్నాడు*

                   ➖➖➖✍️


*”భగవంతుడు అన్నిటా వున్నానని చెప్పినప్పుడు హిందువులు విగ్రహారాధన ఎందుకు చేస్తారు?”*


*ఒకసారి వివేకానందుడు ఇప్పుడున్న రాజస్తాన్ లో వున్న అల్వార్ సంస్థానాధీశుని దగ్గరకు వెళ్ళాడు.*


*విగ్రహారాధానని వెక్కిరించడానికి ఆ రాజు వివేకానందునితో…  ‘నాకు విగ్రహారాధన పట్ల విశ్వాసం లేదు, రాయినీ, రాప్పనీ, కర్రనీ, లోహాన్నీ ఎవరయినా ఎలా ఆరాధిస్తారు? ప్రజలు అపోహలో వున్నారు, కేవలం సమయం వృధా చేసికుంటున్నారు’ అన్నాడు.*


*స్వామీజీ నవ్వుతూ స్పందించారు.*


*రాజు సహాయకుడిని అక్కడ గోడకి వ్రేలాడుతూ వున్న రాజు చిత్ర పటాన్ని క్రిందకు దించమన్నారు.*


*అయోమయం లో పడిన ఆ సహాయకుడు స్వామీజీ చెప్పినట్లే చేసారు.*


*అప్పుడు స్వామీజీ ఆ పటం పై వుమ్మివేయమని రాజు సహాయకుడిని ఆదేశించారు.*


*నిర్ఘాంత పోయిన సహాయకుడు రాజు వైపూ, స్వామీజీ వైపూ చూస్తూ ఉండిపోయాడు.*


*స్వామీజీ మళ్ళీ, మళ్ళీ ఆదేశించారు. ప్రతీ సారీ మరింత తీవ్రంగా ఆదేశించ సాగారు.*


*రాజు ఆగ్రహోద్రకుడవుతున్నాడు, సహాయకుడు వణికి పోతున్నాడు.*


*చివరికి సహాయకుడు ‘నేను ఈ పటం పై ఎలా ఉమ్మగలను? పటం లో వున్న చిత్రం లో    మా రాజు వున్నారు అంటూ అరిచాడు.*


*అప్పుడు స్వామీజీ ‘రాజు నీ ఎదురుగా వ్యక్తిగతంగా కూర్చుని వున్నారు. ఆ పటం లో వున్నది ఒక కాగితం మాత్రమే అది మాట్లాడలేదు, వినలేదు, కదలలేదు. కానీ నువ్వు ఆ పటం పై ఉమ్మి వేయనంటు న్నావు, ఎందుకంటే నువ్వు ఆ పటం లో నీ రాజు ని చూసుకుంటున్నావు కాబట్టి ఉమ్మి వేయనంటు న్నావు. ఆ పటం మీద ఉమ్మితే నీ రాజు మీద ఉమ్మినట్లని నువ్వు అనుకుంటున్నావు’ అన్నారు.*


*స్వామీజీ ని చూసిన రాజు సామీజీ ముందర సాష్టాంగ పడ్డాడు, స్వామీ చెప్పదలుచుకున్నది తనకి పూర్తిగా అర్ధమయిందని ఆ రాజు చెప్పాడు.*


*ఇదే విగ్రహారాధన యొక్క సారము.*


*భగవంతుడు అన్నిచోట్లా వున్నాడు. కానీ మనం ఆయనని పూజించాలను కుంటాము, కోరికలను కోరాలను కుంటాము, నివేదన చేద్దామను కుంటాము, కధలు చెప్పాలని అను కుంటాము, స్నానం చేయించాలని అనుకుంటాము, ఆడుకోవాలను కుంటాము.*


*మనం మన జీవితాలతో ఏమి చేస్తామో అన్నీ భగవంతునితో చేయించాలని అనుకుంటాము.*


*విగ్రహం రూపంలో వున్న భగవంతుని ఆకారాన్ని మనం మన సహచరుడు గానూ, మార్గ దర్శకునిగానూ, స్నేహితుని గానూ, రక్షకునిగానూ, ప్రసాదించే వానిగానూ, సాటి మనిషి గానూ భావించుకుంటూ ఉంటాము.*


*విగ్రహము మనం చూడగలిగే యదార్ధ  ప్రతినిధి.*


*నేను ఆ విగ్రహపు కన్నులలోనికి చూస్తున్నప్పుడు, నాకది రాయిలాగానో, లోహం లాగానో కనిపించదు. మరొక జత కన్నులు  ప్రేమతో నన్ను  నవ్వుతూ  చూస్తున్నట్లు అనిపిస్తుంది.*


*అద్భుతమైన సందేశం, దయచేసి చదవండి మరియూ పంచండి.*✍️

.          *సర్వం శ్రీకృష్ణార్పణమస్తు*

                       🌷🙏🌷


 🙏లోకా సమస్తా సుఖినోభవన్తు!🙏

[29/6 7:40 AM] +91 96038 32266: విగ్రహారాధన వ్యతిరేకించే వారికి ఈ msg ఒక కనువిప్పు కలగాలి