29, ఏప్రిల్ 2022, శుక్రవారం

భగవద్గీత

 🌹భగవద్గీత🌹


పదమూడవ అధ్యాయము

క్షేత్ర - క్షేత్రజ్ఞవిభాగయోగము 

నుంచి 32వ శ్లోకము


యథా సర్వగతం సౌక్ష్మ్యాత్ ఆకాశం నోపలిప్యతే ౹

సర్వత్రావస్థితో దేహే తథాత్మా     నోపలిప్యతే ౹(32)


యథా , సర్వగతమ్ , సౌక్ష్మ్యాత్ ,

ఆకాశమ్ , న , ఉపలిప్యతే ౹

సర్వత్రా , అవస్థితః , దేహే , తథా ,

ఆత్మా , న , ఉపలిప్యతే ౹౹(32)


యథా = ఏవిధముగా 

సర్వగతమ్ = సర్వత్ర వ్యాపించిన 

ఆకాశమ్ = ఆకాశము 

సౌక్ష్మ్యాత్ = సూక్ష్మమగుటవలన 

న , ఉపలిప్యతే = గుణదోషములచే లిప్తము కాదో 

తథా = అట్లే 

దేహే = దేహమునందు 

సర్వత్ర , అవస్థితః = అంతటను వ్యాపించియున్నను 

ఆత్మా = ఆత్మ (నిర్గుణమగుటచే) 

న , ఉపలిప్యతే = దేహముయొక్క గుణములతో లిప్తము కాదు


తాత్పర్యము:- సర్వత్ర (ఇతరమహాభూతములయందు) వ్యాపించియున్న ఆకాశము సూక్ష్మమగుటవలన వాటి గుణదోషములు దానికి అంటవు. అట్లే సకలప్రాణుల దేహముయందు స్థితమైయున్నను ఆత్మనిర్గుణమగుటవలన వాటిగుణదోషములు దాని కంటవు. (32)

   

         ఆత్మీయులందరికి శుభ శుభోదయం

                Yours Welwisher

   Yennapusa Bhagya Lakshmi Reddy

*భోజనం చేయటం ఎలా*

 మీరందరూ బ్రహ్మశ్రీ గరికపాటి నరసింహా రావు గారి, బ్రహ్మశ్రీ సామవేదం షణ్ముఖ శర్మ గారి మరియు బ్రహ్మశ్రీ చాగంటి కోటేశ్వర రావు గారి ప్రసంగాలు వినేవుంటారు. 


ఇప్పుడు మీకందరికి ఓ చిన్ని ప్రశ్న. 


*భోజనం చేయటం ఎలా* అన్న విషయం పై ప్రసంగించటానికి పై ముగ్గురు పండితుల్ని పిలిచారనుకోండి.


వారి ప్రసంగ శైలి ఇలా కొనసాగిందనుకోండి. ఈ ప్రసంగాలను బట్టి వాళ్ళలో ఎవరెవరు ఇలా ఉపన్యసించగలరో గుర్తించండి. 


*"అన్నం పరబ్రహ్మస్వరూపం. అసలీ శరీరమే అన్నం. అందుకే దీనిని అన్నమయకోశం అన్నారు. అన్నమే అన్నాన్ని తింటున్నది. అన్నం చ బ్రహ్మ. అహం చ బ్రహ్మా. భోక్తాచ బ్రహ్మా అని చెప్పుకుంటాం. ఇలా భోజనం చేసినా, ఇతరులకి పెట్టినా బ్రహ్మభావనతో, యజ్ఞభావనతో ఉండాలి. తైత్తిరీయోపనిషత్ లో ఒక మంత్రం. అహ మన్న, మహ మన్న, మహ మన్నం..."*


*"అసలు భోజనం చేసేటప్పుడు భక్తిగా, శ్రద్ధగా నేలపై పీట వేసుకొని, దానిపై బాసింపీట వేసుకొని కూర్చోవాలండీ! టేబుల్ మీల్స్ మన సంప్రదాయం కాదు సుమండీ! మంచి నీళ్ల గ్లాసు విస్తరికి కుడివైపున ఉంచుకోవాలి. అభికరించి ఆపోశనం పట్టాలి. భోజనం ప్రారంభించామంటే యజ్ఞం ప్రారంభించినట్టే. కనుక మధ్యలో లేవ కూడదు. ఈ మధ్యన బఫేలు మొదలయ్యాయి. అన్నం తింటూ ఆ ఎంగిలి ప్లేటు పట్టుకుని కూర కోసం ఒకసారి, సాంబారు కోసం ఒకసారి పోయి లైన్లో నిలబడే దౌర్భాగ్యపు సంప్రదాయం వచ్చింది. దీన్ని మనం పరిహరించాలి."*


*"శాస్త్రాలు, సంప్రదాయాలు అనేకం ఉంటాయి. అవేవీ అసత్యాలైతే కావు. కానీ కాలానుగుణంగా కొంత సర్దుబాటు తప్పదు. నీ ఇంట్లో నీ ఇష్ట మొచ్చినట్టు భోంచేస్తావ్. కానీ నీ నెత్తి మీద ఆఫీసర్ నిన్ను ఏదో ఫంక్షన్ కి భోజనానికి పిలిచాడు. పోయి వాడి మొహాన ఒక గిఫ్ట్ గిరాటు కొట్టి వాడు ఎలా పెడితే అలా తినక తప్పదు. నువ్వేం చెప్పలేని కాలమిది. ఇహ నువ్వు బఫేలో కాదు, టేబుల్ మీల్స్ కాదు, కింద కూర్చుంటా వడ్డించండి అంటే ఎవడు వింటాడు ? ఒక్కొక్క పెళ్లి ఫంక్షన్ కి వెయ్యి మందిని కూడా పిలుస్తారు. ఈ వెయ్యి మందిలో కింద చతికిలబడి కూర్చునే ఓపిక ఎంత మంది కుంటుంది? సరే కూర్చున్నా రయ్యా! వీళ్లందరికి వంగి వడ్డన చెయ్యాలంటే ఆ వడ్డించే వాళ్లకి నడుములు విరిగిపోవూ? అక్కడికీ వాడేదో సంప్రదాయంగా, తీరుబడిగా వడ్డిద్దా మంటే సాయంత్రానికల్లా వాడు తీసుకున్న ఫంక్షన్ హాల్ ఖాళీ చెయ్యాలయ్యే. కాబట్టి చాదస్తాన్ని పక్కన పెట్టి వాడి గిఫ్ట్ వాడి మొహాన కొట్టి నాలుగు ముద్దలు తినటమే. మనకి ధర్మం ముఖ్యం కానీ ప్రతి దానికీ చాదస్తం పెట్టుకుంటే ఎట్లా?"*

ఇందుకు కారణము.

 ఇప్పుడు ఆహారం ఎందుకు ఖరీదు అయ్యింది?(Costly)?

అంటే ఆలోచిస్తూ ఉంటే కుటుంబ నియంత్రణ పద్ధతులు వచ్చినప్పుడు నుంచి ఆహారం కూడా ఖరీదు ఎక్కువ అయ్యింది.

పంట తక్కువ పండుతోంది.మనుష్యుల సంఖ్య తక్కువ అయితే పంట ఎందుకు ఎక్కువగా పండుతుంది?

కుటుంబ నియంత్రణ పద్ధతులు పాటించడం వలన నే ఈ దశ వచ్చింది.

           ఇప్పుడు మాంసం, చేపలు, గుడ్లు తిను అని ప్రచారం జరుగుతోంది.అయితే ఇంక వానెందుకు?వ్యవసాయమెందుకు?కారణమేమిటంటే --మాంసం తినడం వలన పశువులు ఉండవు.అందుచేత వాటికి గడ్డి అవసరం లేదు.అలాంటప్పుడు‌అనవసరంగా గడ్డి ధాన్యం ఎందుకు ఉత్పత్తి కావాలి?

       మనుష్యులు అధికమై వస్తువులు తక్కువ అయితే ధరల

పెరుగదల జరుగుతుంది.

మనుషులు పనిచేయకుండా సోమరులు అయ్యినప్పుడే వస్తువులు తక్కువ అవుతాయి.

           ప్రస్తుతం ఇదే దశ నడుస్తుంది.జనం తక్కువ పని చేస్తున్నారు.ఖర్చు ఎక్కువ పెడుతున్నారు.ఇందువల్లనే ఇంత దుర్భిక్షం ధరల పెరుగుదల కలుగుతుంది.పని తక్కువ చేస్తే వస్తువులు తక్కువగానే ఉత్పత్తి అవుతాయి.కనుక దుర్భిక్చానికి కారణం జనాభా పెరుగుదల కాదు.మనుష్యులలో సోమరితనం ప్రస్తుత్తత మొదలైన దోషాలు పెరుగుచున్నాయి.ప్రభుత్వవ్యవస్థ కూడా ఇందుకు కారణము.

రామరాజ్యంలో ఓ శునకం కథ.

 *రామరాజ్యంలో ఓ శునకం కథ....!!*


రామరావణ యుద్ధం ముగిసింది. రాముడు పట్టాభిషిక్తుడు అయ్యాడు. ఆయన పాలనలో ధర్మం నాలుగు పాదాలా నడుస్తోందన్న కీర్తి ముల్లోకాలకీ వ్యాపించింది. అలాంటి సందర్భంలో ఓ రోజున...


రాముడు తన దర్బారులో కొలువై ఉన్నాడు. అతని చుట్టూ మంత్రులు పరివేష్టించి ఉన్నారు. 


కశ్యపుడు, వశిష్టుని వంటి రుషివర్యులు ఉచితాసనాలని అలంకరించారు. అలాంటి నిండుసభలో రాముల వారు లక్ష్మణుని వంక చూస్తూ ఎవరన్నా పౌరులు కార్యార్థులై, తన సభకు చేరుకున్నారా అని అడిగాడు.


 సుభిక్షమైన రాముని పాలనలో... ప్రత్యేకించి విన్నవించుకునేందుకు ఎవరికీ ఏ సమస్యా, అవసరమూ లేవని బదులిచ్చాడు లక్ష్మణుడు. 


పోనీ రాజద్వారం దగ్గర ఎవరన్నా సమస్యలతో నిలబడి ఉన్నారేమో చూసి రమ్మని పంపాడు రాముడు.


రాముని ఆజ్ఞ మేరకు రాజద్వారాన్ని చేరుకున్న లక్ష్మణుడికి అక్కడ ఓ గాయపడిన కుక్క కనిపించింది. 


‘ఓ శునకమా! నీకేం ఆపద వచ్చింది? ఎలాంటి సంకోచమూ లేకుండా నీకు వచ్చిన సమస్యని చెప్పుకో!’ అంటూ అభయమిచ్చాడు లక్ష్మణుడు. 


దానికి ఆ కుక్క తన సమస్యని రామునికే విన్నవించుకుంటానని పట్టుపట్టింది. దాంతో దానిని రాముని సమక్షానికి తోడుకుపోక తప్పలేదు లక్ష్మణునికి.


తనకి వచ్చిన ఆపదని చెప్పుకోమంటూ రాముడు అభయాన్ని ఒసిగిన వెంటనే ఆ కుక్క – ‘ప్రభూ! రాజన్నవాడు తన పౌరులకి దేవునితో సమానం. 


వారికి సృష్టి, స్థితి, లయకారుడు ఆ రాజే! అందుకనే తన రాజ్యంలోని ధర్మాన్ని కాపాడవలసిన బాధ్యత రాజు మీదే ఉంటుంది. 


దానం, కరుణ, సత్పురుషులని ఆదరించడం, మంచి నడవడి వంటి లక్షణాలన్నీ కూడా ఆ ధర్మానికి ప్రతీకలుగా నిలుస్తున్నాయి. 


కానీ నీ రాజ్యంలో ఒకరు ధర్మాన్ని తప్పి నా మీద దాడి చేశారు. సర్వదసిద్ధుడనే పరివ్రాజకుడు నన్ను గాయపరిచాడు,’ అంటూ వాపోయింది.


ఆ శునకం మాటలు విన్న రాములవారు వెంటనే సర్వదసిద్ధుని పిలిపించారు. ‘ఆ కుక్కను గాయపరిచిన మాట నిజమే ప్రభూ! 


నేను యాచనకు బయల్దేరిన సమయంలో ఈ కుక్క నా దారికి అడ్డంగా నిలిచింది. అసలే ఆకలితో ఉన్న నేను ఆగ్రహాన్ని పట్టలేకపోయాను. 


ఆ ఆగ్రహంతోనే ఈ కుక్కను గాయపరిచాను. నేను చేసిన పని తప్పేనని ఒప్పుకుంటున్నాను. అందుకుగాను మీరు ఎలాంటి శిక్షను విధించినా సంతోషంగా స్వీకరిస్తాను,’ అంటూ వేడుకున్నాడు సర్వదసిద్ధుడు.


సర్వదసిద్ధునికి ఎలాంటి శిక్ష విధించాలా అని దర్బారులో జనమంతా తర్జనభర్జన పడుతుండగా ఆ శునకం- ‘ప్రభూ! తమరేమీ అనుకోనంటే నాది ఒక విన్నపం. 


మీకు నిజంగా నా పట్ల జాలి కలిగితే, నన్ను కరుణించాలన్న తలంపు మీలో ఉంటే నేను చెప్పిన శిక్షను అతనికి విధించండి,’ అని కోరింది.


ఆ మాటలకు రాములవారు అంగీకరించగానే- ‘ఈ బ్రాహ్మణుడిని కులపతిగా నియమించండి. అతడిని కలంజర అనే మఠానికి అధిపతిని చేయండి,’ అని కోరింది.


ఆ మాటలు విన్నంతనే సభలోని వారంతా ఆశ్చర్యపోయారు. బ్రాహ్మణుడు మాత్రం తనకు శిక్షకు బదులుగా పదవి లభించినందుకు సంబరపడుతూ అక్కడి నుంచి వెళ్లిపోయాడు. 


‘అదేమిటీ, నీకు జరిగిన అన్యాయానికి బదులుగా సర్వదసిద్ధుని కఠినంగా శిక్షించమని కోరతావనుకుంటే... అతనికి కులపతి హోదానీ, మఠాధిపతి పదవినీ కట్టబెట్టించావెందుకనీ,’ అంటూ అడిగారు సభలోని పెద్దలు.


దానికి ఆ శునకం ఇలా బదులిచ్చింది- ‘అయ్యా గత జన్మలో నేను ఆ మఠాధిపతిని. రుషులను ఆదరిస్తూ, దేవతలని పూజిస్తూ, సేవకుల బాగోగులను గమనిస్తూ, అందరికీ పంచగా మిగిలిన ఆహారాన్ని భుజిస్తూ చాలా నిష్టగా జీవించాను. 


అయినా కూడా కుక్కగా జన్మించాల్సి వచ్చింది. అంత సత్ప్రవర్తనతో మెలిగిన నేను ఈ స్థితికి చేరుకుంటే... చిన్నపాటి కోపాన్ని కూడా అదుపు చేసుకోలేని ఆ సర్వదసిద్ధుడి గతేమవుతుందో ఆలోచించండి,’ అంటూ నవ్వింది.


అధికారం చేతిలోకి వస్తే మనిషి విచక్షణలో మార్పు వస్తుంది. ఆ మత్తులో అతను తెలిసో తెలియకో చిన్నచిన్న పొరపాట్లు చేయడం ఖాయం. 


మఠాధిపతి హోదాలో అతిపవిత్రంగా ఉండాల్సిన మనిషి ఇంకెంత నిష్టగా ఉండాలో కదా! ఈ విషయాన్ని సున్నితంగా తెలియచేస్తోంది పై కథ.


 ఇందులో ఒక పక్క కుక్క చూపించిన సమయస్ఫూర్తి అబ్బురపరచినా... గురువుగా ఉన్నత స్థానాన్ని అలంకరించేవారు ఎంత పవిత్రంగా ఉండాలో హెచ్చరిస్తోంది....

🙏

మహానుభావురాలు

 ఇటువంటి మహానుభావురాలు...


మన తెలుగింటి ఆడపడుచు అయినందుకు....


ఎంతో గర్వాంగా ఉంది ..


[#ఆంధ్రుల_అన్నపూర్ణమ్మ_డొక్కాసీతమ్మ గారు ... #వర్ధంతి నేడు💐💐💐


తూర్పు గోదావరి జిల్లాలో డొక్కా సీతమ్మ గారు అని ఒక మహాతల్లి ఉండేవారు. ఆవిడ పేరు మీద ఆక్విడెక్ట్ కూడా కట్టారు. ఆవిడ గొప్ప నిరతాన్నదాత. వచ్చిన వాళ్లకి లేదనకుండా అన్నం పెట్టేవారు. ఆవిడ ధృతి, దీక్ష ఎంత గోప్పవంటే - ఆవిడ జీవితములో ఒకేఒక్కసారి అంతర్వేది లక్ష్మి నరసింహ స్వామి దర్శనానికని బయలుదేరారు. బయలుదేరి, గోదావరి వంతెన వద్ద పల్లకి ఆపారు. ఆవిడ పల్లకిలో కూర్చునారు, బోయీలు అలసిపోయి గట్టు మీద కూర్చున్నారు. అటుగా పి.గన్నవరం వైపు వెళ్ళిపోతున్న ఒక బృందంలో పిల్లలు ఆకలి అని ఏడుస్తుంటే, పెద్దవాళ్ళు "ఒక్క అరగంట లో గన్నవరం వెళ్లీపోతాం... అక్కడ సీతమ్మ గారు మనకు అన్నం పెడతారు" అని మాట్లాడుకోవటం విన్నారు సీతమ్మగారు. వెంటనే ఆవిడ అంతర్వేది వెళ్ళటం మానేసి, పల్లకి వెనక్కి తిప్పెయ్యండి... వీళ్ళకి అన్నం పెట్టాలి అని వెనుకకు వెళ్ళిపోయారు. అంతటి నిరతాన్న దాత ఆవిడ.


ఆఖరికి ఆవిడ పరిస్థితి ఎక్కడికి వెళ్లిపోయిందంటే, అందరికీ పెట్టి పెట్టి, ఆ దంపతులకి తినటానికి ఏమీ లేకుండా పోయింది. ఒకానొకప్పుడు ఆవిడ భార్తగారు "ఎందుకు ఇంకా ఈ అన్నదానం? మనకి కూడా తినటానికి ఏమీ లేదు. వచ్చి ఎవరైనా తలుపుకొడితే సిగ్గేస్తోంది! పెట్టడమా మానవు! ఇంత అన్నం పప్పైనా పెడతావు..." అన్నారు. దానికి ఆవిడ "నేను నిస్వార్థముగా పెట్టేటప్పుడు, వచ్చిన వారు తింటున్నప్పుడూ వచ్చినదీ, తింటున్నదీ శ్రీ మహా విష్ణువని నమ్మి పెట్టాను. ఎవరిని నమ్మి నేను పెట్టానో వాడు పెట్టే చేతిని ఎందుకు నరికేస్తాడు? మనకీ వాడే పెడతాడు" అని చెప్పి పెట్టింది. ఇన్నాళ్ళ నుంచీ దున్నుతున్న అదే పొలానికి వెళ్లి సీతమ్మ గారి భర్త ఒక రోజు సాయంకాలం గొయ్యి తవ్వుతున్నారు. గునపానికి ఏదో తగిలి ఖంగుమంది. ఆయన మట్టి తీసి చూస్తే ఒక బిందె కనపడింది. బిందె మూత తీస్తే, దాని నిండా బంగారు నాణాలే. తీసుకొచ్చి ఇంట్లో బంగారు కాసుల రాశులు పోసి, మళ్లీ రొజూ కొన్ని వందల మందికి అన్నదానం చేసారు.


ఆశ్చర్యం ఏమిటంటే బ్రిటిష్ చక్రవర్తి తూర్పు గోదావరి జిల్లా కలక్టరుకి డొక్కా సీతమ్మ గారి ఫోటో తీసి పంపించమని ఉత్తరం వ్రాసాడు. దేనికి అంటే "నాకు పట్టాభిషేకము జరిగేటప్పుడు ఆవిడకు నమస్కారం పెట్టాలి. కానీ ఆవిడ సముద్రము దాటి రారు కాబట్టి, ఆ సమయములో ఒక సోఫా వేసి, ఆవిడ ఫోటో అందులో పెట్టి, ఆవిడకు నమస్కారము పెట్టి అప్పుడు పట్టాభిషేకము చేసుకుంటా" అని వ్రాసాడు. తూర్పు గోదావరి జిల్లా కలక్టరు గారు ఫోటోగ్రాఫర్ ని తీసుకుని ఆవిడ దగ్గరకు వెళ్తే, "నేను ఈ సన్మానాల కోసం, ఫోటోల కోసం, నమస్కారాల కోసం అన్నదానం చెయ్యలేదు. విష్ణు మూర్తికి అన్నం పెడుతున్నాని పెట్టాను. దీనికి ఫోటోలు పట్టభిషేకలు ఎందుకు, వద్దు" అన్నారు ఆవిడ. "అమ్మ ఇది బ్రిటిష్ ప్రభువుల ఉత్తరం. మీరు తీయించుకోకపోతే నా ఉద్యోగం తీసేస్తారు" అని ఆ కలక్టరు గారు చెబితే, "నీ ఉద్యోగం పోతుంది అంటే, తీయించుకుంటా, నువ్వు అన్నం తినాలి" అని తీయించుకున్నారు ఆవిడ. బ్రిటిష్ చక్రవర్తి నిజంగానే ఒక సోఫాలో ఆవిడ ఫోటో పెట్టి, నమస్కరించి, పట్టాభిషేకం చేసుకున్నాడు. ఆవిడకి పంపించిన పత్రం కూడా ఇప్పటికీ ఉంది. ఒక మనిషి నిస్వార్థముగా, ధృతితో, పట్టుదలతో లక్ష్య సిద్ది కోసం పాటుపడితే, వారు ఎంత ఎత్తుకైనా ఎదుగుతారు, వారిని దైవం కూడా నిరంతరం కాపాడుతారు. డొక్కా సీతమ్మ గారి జీవితమే దీనికి నిదర్శనం....


( బ్రహ్మశ్రీ చాగంటి కోటేశ్వరరావు గారి ప్రవచనములనుండీ సేకరణ)


ఓం శ్రీ అన్నపూర్ణా దేవ్యై నమః🙏


[#dokkasettamma]

సూర్యగ్రహణము

 _*సూర్యగ్రహణము భారతదేశములో కనిపిస్తుందా?*_ 


ఈ సంవత్సరం తొలి సూర్యగ్రహణం ఈ ఏప్రిల్‌ (April) 30, 2022న ఏర్పడనుంది.

ఈ నేపథ్యంలో సూర్యగ్రహణం ఎక్కడ..? ఏ సమయంలో ఎలా కనిపించనుందనే వివరాలు.


 ఈ ఏడాది తొలి సూర్యగ్రహణం మరో మూడు రోజుల్లో ఏర్పడనుంది. ఇది తొలి పాక్షక సూర్యగ్రహణం. దక్షిణ అమెరికాలోని దక్షిణాధి ప్రజలు, అంటార్కికా, దక్షిణ మహా సముద్ర ప్రాంతాల వాసులు ఏప్రిల్‌ 30న సూర్యాస్తమయానికి కొద్దిముందు పాక్షిక సూర్యగ్రహణాన్ని వీక్షించవచ్చు. 

ఇక చిలీ, ఉరుగ్వే, పశ్చిమ పర్వాగ్వే, అర్జెంటీనీ, నైరుతి బొలీవియా, ఈశాన్యలోని పెరూ, నైరుతి బ్రెజిల్‌ దేశాలలో అకాశం నిర్మలంగా ఉంటే.. సూర్యాస్తమయం సమయంలో పాక్షిక సూర్యగ్రహణం కనిపించనుంది.


 అయితే 

*భారతదేశంలో మాత్రం ఈ సూర్యగ్రహణం కనిపించదు.* 


దక్షిణ, అమెరికాలోని సౌత్‌ ఈస్టర్న్‌ ప్రాంతాల్లో, దక్షిణ పసిపిక్‌ మహా సముద్ర ప్రాంతాల వాసులకు ఈ సూర్యగ్రహణం కనిపించనుంది.


*గ్రహణం కనిపించని ప్రాంతాలలోని వారు ఎటువంటి నియమాలను పాటించనవసరం లేదు.*

చంద్రుడిపై త్రివర్ణ పతాకం.*

 *బీజేపీ ఇంకొక దశాబ్దం దేశాన్నేలితే, ఏదో ఒక రోజు చంద్రుడిపై త్రివర్ణ పతాకం.*


*కానీ, కాంగ్రెస్ వచ్చిందా!*


*జెండా పై రంజాన్ - చంద్రుడే గతి!*


*ఎప్పటికీ గుర్తుంచుకో!*


*బీబీసీకి చెందిన ప్రఖ్యాత జర్నలిస్ట్ "మార్క్ టుల్లే" ఒక ప్రకటన ఇచ్చారు!*


*‘‘కొన్ని దశాబ్దాలుగా ఎన్నో విషజంతువులు ఉన్న కాంగ్రెస్ అనే పెద్ద మర్రిచెట్టును మోదీ పెకిలించి వేస్తున్నాడు!*


*దేశంలోని  విషసర్పాలన్నింటికి పొగ పెట్టారు, నరేంద్రమోడీ గారు!*


*అందుకే ఈ పాములు చెట్టు లోంచి, పుట్టల్లోంచి బయటకొచ్చి దేశం మీద పడ్డాయి.*


*అన్ని రకాల పాములను దాచి వుంచిన కాంగ్రెస్, వామపక్షాలు, జిహాదీ మూకలు, నక్సలైట్లు, మిషనరీలు, నరేంద్రమోడీని దించేయడానికి రకరకాల పనికిమాలిన కారణాలను పాటలుగా చేసి స్వరాలు ఊదుతున్నాయి!* 🧐🥺🤬 


*భారతదేశాన్ని నాశనం చేయడానికున్న ఆ దుష్టశక్తులను నాశనం చేయడానికే అధికారంలోకి వచ్చిన నరేంద్రమోడీ గారు, ఈ విష సర్పాలను రోడ్డు పాలు చేసి, ప్రజల కంట పడి అప్రమత్తమయ్యేట్టు బట్టబయలు చేయడం 👌🏻☝️ మంచిదయ్యింది.* ☝️👌🏻 


*లేకపోతే ఈ విష సర్పాలు, రాబోయే కాలంలో ఈ భారత భూమిని, హిందువులనూ మింగి వేసేవి.*


✊*భవిష్యత్ తరాల మత మార్పిడులకు, అడ్డుకట్ట వేశారు!*✊  


*నరేంద్రమోడీ గారు, చాలా కష్టపడాలి, కష్టపడతారు కూడా!*


*అయితే ఈ దేశ ప్రజలంతా, ముఖ్యంగా హిందువులు నరేంద్రమోడీ గారికి అండగా నిలవాలి.* 🙏🏼 


*ఎందుకంటే ఆయన ఈ కష్టం తన కోసం పడడంలేదు! దేశప్రజలకోసం, భవిష్యత్ తరాల కోసం మరియు భారతదేశ ఉజ్వల భవిష్యత్తు కోసం చేస్తున్నారు.*


*దయచేసి దీనిని ఫార్వార్డ్ చేయండి!*


*విదేశాలలోని హిందువులను కూడా మేల్కొల్పండి!!*


*తెలియని ఈ జ్ఞానాన్ని తెలియ పరచండి!!!*


🙏🏼🙏🏼🙏🏼🙏🏼🙏🏼🙏🏼

సైకిల్ తొక్కడం

 సైకిల్ తొక్కడం అనేది ఏ దేశ ఆర్థిక వ్యవస్థ (GDP) కైనా అత్యంత హానికరం.


ఇది హాస్యాస్పదంగా అనిపించవచ్చు, కానీ ఇది నిజం ...


*సైక్లిస్ట్* దేశానికి పెద్ద విపత్తు, ఎందుకంటే అతను ...


కారు కొనడు.

అప్పు చేయడు.

కారుకు బీమా చేయడు.

పెట్రోల్ కొనడు.

కారును సర్వీసింగ్ చేయడు.

డబ్బు చెల్లించి కారును పార్క్ చేయడు.

ట్రాఫిక్ ఫైన్ కట్టడు.

అంతే కాకుండా ... అతను లావుగానూ అవ్వడు.


అవును ... అతను ఆరోగ్యవంతుడు అన్నది నిజం


కానీ ఆర్థిక వ్యవస్థకు మంచిది కాదు, ఎందుకంటే ... అతను

మందులు కొనడు.

ఆసుపత్రికి మరియు వైద్యుని వద్దకు వెళ్ళడు

ఇది దేశ జిడిపికి అస్సలు తోడ్పడదు.


అదే దీనికి విరుద్ధంగా...., ఒక ఫాస్ట్ ఫుడ్ దుకాణం తేరవడం వల్ల 30 మందికి ఉద్యోగాలు సృష్టించబడతాయి ...


10 మంది గుండె వైద్యులు,

10 మంది దంతవైద్యులు,

10 మంది బరువు తగ్గించేవారు అవసరం..!


 గమనిక: - *నడక* అనేది దీని కంటే ప్రమాదకరమైనది, ఎందుకంటే పాదచారులు సైకిల్ కూడా కొనరు.

ఇలా చేస్తే పిల్లలు మాట వింటారు!★★★

 🌹🌹🌹🌹🌷🌷🌹🌹🌹🌹

★★★ఇలా చేస్తే పిల్లలు మాట వింటారు!★★★


         ఈ రోజుల్లో చాలా మంది తల్లిదండ్రులకు ఒక వేదన కలుగుతుంటుంది. “మా పిల్లలకు మన సంప్రదాయాల మీద గౌరవం లేదు. వినయం, విధేయత.. లాంటివి లేవు. మా మాట వినడం లేదు".

         ఇలా వాపోయే వారెందరో! దానికి తోడు - 'గ్లోబలైజేషన్' పేరుతో అనూహ్య పరిణామాలు చోటు చేసుకుంటున్నాయి. ఎన్నో విలువలు తారుమారౌతున్నాయి. మార్పుని తట్టుకోలేని వారి హృదయం కించిత్తు బాధకి గురౌతోంది.

        కాలంలో వస్తున్న సాంకేతిక పరిణామాల ప్రభావం, దూరాలు తగ్గి దేశాలు సైతం గ్రామాలంత దగ్గర కావడం... ఇలాంటి ఎన్నో నేపథ్యాలలో 'వేగం’ పెరుగుతోంది. ఇది వరకు పాతికేళ్ళు పట్టే మార్పుకి, ఈ రోజు రెండు రోజులు చాలు.

         మార్పుని ఆహ్వానించడం మంచిదే. కానీ ఆ మార్పులు తరతరాల సంస్కృతి విలువలను ధ్వంసం చేసేటంతగా జరగడం ఆహ్వానించదగినది కాదు. ఆధునీకరణను 'పాశ్చాత్యీకరణ'గా భ్రమిస్తున్న యువత మనదైన ఘనతను తెలుసుకోకపోవడం విచారకరమైతే, దానిని తృణీకరిచడం మరీ దౌర్భాగ్యం.

         మానవ సంబంధాలు, తరతరాల నుండి సంక్రమిస్తున్న కొన్ని ముఖ్యమైన విలువలు - వీటిని పదిలపరచుకుంటూనే, ఆధునికంగా కూడా ఎంతో ఎదగవచ్చు. అయితే వీటిపై అవగాహన, గౌరవం కలిగించాల్సిన బాధ్యత మాత్రం పెద్దలదే.

         దీనికి రెండు పద్ధతులున్నాయి. పిల్లలు ఎదుగుతున్న కొద్దీ మన సంస్కృతి పట్ల గౌరవం కలిగించే అంశాలను తెలియజేయాలి. ఒక పాఠ్యాంశాల బోధనలా కాకుండా, వారికి పరిసరాలలో కలిసిపోయేలా పరిచయానికి రావాలి. సంస్కృతితో కలిసి జీవింపజేయాలి.

         ఈ రోజుల్లో పాఠశాలల ద్వారా సంస్కృతి బోధన జరుగుతుందని ఆశించడం పొరపాటే. కేవలం ర్యాంకుల లక్ష్యంగా సాగే పోటీ చదువుల పోరులో ఈ విలువల పరిరక్షణను విద్యాసంస్థల నుండి ఆశించడం పొరపాటు. పౌష్టికాహారాన్నిచ్చి పోషించే బాధ్యతతోపాటు, సంస్కృతి - నాగరికతల వివేక సంస్కారాలను అలవరచడం కూడా తల్లిదండ్రుల కర్తవ్యమే.

         ముఖ్యంగా - తల్లిదండ్రులు కూడా గౌరవంగా వాటిని పాటిస్తుండాలి. వివిధ సంస్కృతి సంస్థలు నిర్వహించే కార్యక్రమాల్లో పిల్లలతో పాటు తాము పాల్గొనడం చేయాలి. వారి ముందు కనిపిస్తుంటే అనుకరించడం పిల్లల సహజం.

         ముందు పెద్దలే పెద్దలపట్ల వినయ విధేయతల్నీ, సంస్కారాన్నీ కనబరుచుతుంటే పిల్లలకీ అది అవగతమవుతుంది.

         ప్రధానంగా ‘గౌరవం' కలిగించడం అత్యావశ్యకం. పరిజ్ఞానం కన్నా ముందు 'గౌరవం’ కావాలి. ‘అన్నీ తెలిస్తేనే గాని చేయను' అని మొండికేస్తే నష్టపోయేది వారే. ముందు పాటిస్తూ ఉంటే క్రమేణ అవగాహన మరింత చక్కని అభ్యాసం సిద్ధిస్తాయి.

          'మహాభారతం'లో యుద్ధానంతరం 'అంపశయ్య’ మీద ఉన్న భీష్ముని వద్దకు ధర్మరాజాదులను తీసుకువచ్చి, ఆ పితామహుని ద్వారా వివేక విజ్ఞాన విషయాలు చెప్పమని భీష్ముని ప్రబోధించారు పార్థసారథి. నిజానికి తాను చెప్పలేక కాదు - 'ఒక తరం తరువాతి తరానికి ఆస్తినే కాదు, తమదైన ప్రాచీన విలువల్నీ, విద్యలనీ అందించాలి' అనే బాధ్యతను స్ఫురింపజేయడం కోసం వ్యాసదేవుని ఏర్పాటు అది. ఈ ఏర్పాటు ద్వారా యుధిష్ఠిరాదులు బాధ్యతను స్ఫురింపజేయడం కోసం వాసుదేవుని ధర్మ విషయాలు, విజ్ఞాన పరంపరను గ్రహించారు.

          జీవితానికి పనికొచ్చే భౌతిక విద్యలను నేర్చుకోవడంతో పాటు, వ్యక్తిత్వాన్ని తీర్చిదిద్దే ప్రాచీన ధర్మవిద్యలు మొదటి నుండీ నేర్పాలి.

          సెలవు రోజుల్లో తీరిక వేళల్లో సంబంధంలేని ఏవో విదేశీభాషల కోసమో, కొత్త కోర్సుల కోసమో పిల్లల్ని పంపిస్తుంటారు. మనదైన ఉత్తమ విలువల్నీ, ప్రాచీన కళల్నీ, విద్యల్నీ కూడా నేర్పించగలగాలి.

          సూర్యోదయానికి ముందే నిద్రలేవడం, ధ్యానం, యోగాభ్యాసం, ప్రవర్తనా సరళి పూర్వ గ్రంథాలలోని విలువలు, విశేషాలు, వాటి కథలు, బోధలు, నైతికత... ఇలాంటి అభ్యాసాలను బాల్యం నుండి తాము అందించే ప్రయత్నం పెద్దలు చేపట్టాలి. అటువంటి పరిసరాలలో సంచరించేలా చేయాలి. పరిసరాల ప్రభావం కూడా ఉంటుంది కదా!

          ప్రహ్లాదుడు మాతృగర్భంలో ఉండగానే, ఆ నిండు నెలల సమయంలో నారదముని ఆశ్రమంలో ఉన్న కారణంగా సత్ప్రభావాన్ని పొందాడు. ఇంట్లో తల్లిదండ్రులలో సంస్కారం లేకున్నా, అటువంటి చక్కని ప్రభావవంతమైన వ్యక్తుల సాంగత్యమైనా లభించాలి - ప్రహ్లాదునకు, ధ్రువనకువలెనే.

           తల్లిదండ్రుల ప్రభావంతో బాల్యం నుండి సత్సంస్కారాన్ని అలవరచుకొని జీవితంలో రాణించిన మార్కండేయుడు, ఉపమన్యువు వంటి మహాత్ములు ఉండనే ఉన్నారు.

           విలువల్నీ, ధర్మాన్ని బోధించడం చేత ఆరోగ్యవంతమైన, సత్సంస్కారం కలిగిన ఉత్తమ పౌరులు ఏర్పడతారు. అవినీతి, బాధ్యతా రాహిత్యం వంటివి సమాజంలో తగ్గాలంటే నాటి సంస్కారాలని, నైతికతని బాల్యం నుండే అందించాల్సిన అవసరముంది.

           ముందుగా పెద్దలే వాటి పట్ల గౌరవాన్ని ప్రకటిస్తూ, పిల్లల ముందు పాటిస్తూ, పాటిస్తున్నట్లు కన్పిస్తూ, వాటిపై గౌరవం కలిగిన కుటుంబాల స్నేహసంబంధాలను పిల్లలతో కొనసాగింపజేస్తూ జాగ్రత్తపడడం బాధ్యత.

           మనదైన ఘనచరిత్ర, కట్టడాలు, పవిత్ర స్థలాలు వాటి పురాణ నేపథ్యం, చారిత్రక ఔన్నత్యం - ఆయా ప్రాంతాల్లో పర్యటిస్తూ బోధించాలి. అదే వారికి వినోదంతో కూడిన విజ్ఞానాన్నీ, విజ్ఞానంతో కూడిన దేశభక్తినీ, సంస్కారాన్నీ ప్రసాదిస్తుంది.


[సమన్వయ సరస్వతి, వాగ్దేవి వరపుత్ర, శివతత్త్వసుధానిధి, పూజ్య గురువులు “బ్రహ్మశ్రీ సామవేదం షణ్ముఖశర్మ శర్మ గారు” రచించిన వ్యాసం.]


ఏప్రిల్ 2011 “ఆంధ్రప్రదేశ్” పత్రికలో ప్రచురితం

సుభాషితమ్

 *ॐ卐 _-||-సుభాషితమ్||-_ ॐ卐* 



శ్లో𝕝𝕝 కృషితో నాస్తి దుర్భిక్షం

జపతో నాస్తి పాతకః|

మౌనినః కలహో నాస్తి

న భయం చాస్తి జాగ్రతః||


తా𝕝𝕝 కృషి చేసేవారికి కరవు ఉండదు....జపం చేసేవారికి పాతకం ఉండదు.... మౌనంగా ఉండేవారికి కలహం ఉండదు. జాగ్రతలో ఉండేవారికి, మేలుకుని ఉండేవారికి, భయం ఉండదు....

ఇవి పాటించిన వారికి సర్వత్ర విజయమే!!!


 🚩🙏✍👉||

స్వభావో నోపదేసేన శక్యతే కర్తృమాన్యథా|

సుతప్తమపి పానీయం పునర్గచ్ఛతి శీతతాం||


ఎవ్వరును ఎవరి స్వభావమునూ మార్చలేరు.... బాగుగా కాగబెట్టిన నీరు కొంతసేపటికి తిరిగి చల్లబడును కదా?!! 


            --పంచతంత్రం (1-280)