19, అక్టోబర్ 2022, బుధవారం

Bhagavatham

 Srimadhandhra Bhagavatham -- 46 by Pujya Guruvulu Brahmasri Chaganti Koteswara Rao Garu


అమరావతిని స్వాధీనం చేసుకొని ఇంద్రుడు ఎంతో సంతోషంగా కాలం గడుపుతున్నాడు. పూర్వం ‘మా ఐశ్వర్యం అంతా మీది’ అని ఒక మాట అన్నాడు. ‘మహానుభావా! మీ వలననే మరల నేను ఈ అమరావతిని పొందాను. ఈ ఐశ్వర్యం అంతా మీదే. మీరు ఈ ఐశ్వర్యమును అనుభవించవచ్చు’ అన్నాడు. తనవలన శిష్యుడు అంత ఐశ్వర్యమును పొందాడని, వాని ఐశ్వర్యమును పొందే ప్రయత్నమును గురువు చెయ్యడు. విశ్వరూపుడు 'నీ ఐశ్వర్యం నాకెందుకు? నేను అలా పుచ్చుకునే వాడిని కాను. నీ ఐశ్వర్యం నాకు అక్కర్లేదు’ అన్నాడు. విశ్వరూపుడు తదనంతరం యజ్ఞయాగాది క్రతువులలో హవిస్సులను స్వీకరిస్తూ ఉండేవాడు. ఇంద్రాదులకు ఆ హవిస్సులు ఇస్తూ ఉండేవాడు. ఆయన తల్లిగారి పేరు ‘రచన’. ఆవిడ రాక్షస వంశమునకు చెందినది. మేనమామలైన రాక్షసులు వచ్చి ‘నువ్వు మా మేనల్లుడివి. నీవల్ల మేము స్వర్గమును పోగొట్టుకున్నాము. నీవు వెళ్ళి దేవతలకు గురుత్వము వహించావు. ఇంద్రుడికి నీమీద నమ్మకం ఎక్కువ. ఇంద్రుడు చూడకుండా మాకు కొద్దిగా హవిర్భాగములు పెట్టేస్తూ ఉండు’ అన్నారు.

ఇలా చేయడం తప్పే అందులో సందేహం లేదు. అయితే విశ్వరూపుడు పెట్టాడు. ఎందుకు పెట్టాడు? విశ్వరూపుడు తన స్వరూపము ఏమిటో ముందరే చెప్పాడు. ‘నాకు రాగద్వేషములు తెలియవు. నేను అంతటా బ్రహ్మమునే చూస్తాను. ఎవరైనా ప్రార్థన చేస్తే గబుక్కున వారిమాట వినేస్తాను’ అని చెప్పాడు. అందుకని వాళ్లకి హవిర్భాగములు ఇవ్వడం మొదలు పెట్టాడు. ఇది ఒకరోజున ఇంద్రుడు గమనించాడు. మరుక్షణం యుక్తాయుక్త విచక్షణ కోల్పోయాడు. వెంటనే తన చేతిలో వున్న చంద్రహాసమును తీసుకొని మహానుభావుడైన విశ్వరూపుని మూడు తలకాయలు తెగిపోయేటట్లు నరికేశాడు. ఆయన మూడు తలకాయలలో ఒక తలకాయతో యజ్ఞవేదిలో సురాపానం చేస్తూ ఉంటాడు. సురాపానం చేసే తల క్రింద పడగానే అది ఆడ పిచ్చుకగా మారిపోయింది. సోమపానం చేసే తలకాయ కౌజు పిట్టగా మారిపోయింది. అన్నం తినే తలకాయ తీతువు పిట్టగా మారిపోయింది. ఇప్పటికీ తీతువు పిట్ట అరిచింది అంటే అమంగళమని అంటారు. ఎందుకు అంటే ఆనాడు ఇంద్రుని వలన బ్రహ్మహత్య జరిగింది. ఎవరిని గురువుగా పెట్టుకున్నాడో ఆ గురువు తల కోసేశాడు. అలా కోసేసినపుడు పడిపోయిన తలకాయే తీతువు పిట్ట అయింది. దాని కూత వినపడితే అమంగళము. అది ఒక్క కృష్ణ స్మరణ చేత మాత్రమే పోతుంది. తీతువు పిట్ట అరిచినపుడు కృష్ణ స్మరణ చేస్తూ ఉంటారు.

ఈవిధంగా తెగిపడిన విశ్వరూపుని మూడు తలలు మూడు పిట్టలయ్యాయి. ఈ మూడు పిట్టలు కూస్తూ ఇంద్రుని వెంటపడ్డాయి. ఆ ఘోరమయిన కూతలను వినలేక ఏడాదిపాటు భరించాడు. బ్రహ్మ హత్యాపాతకం వలన అతనికి మనశ్శాంతి పోయింది. దీనిని ఎవరికయినా ఇచ్చివేయాలి. ఎవరు పుచ్చుకుంటారు? ఆ రోజులలో ఇంద్రుని మాట కాదనలేక బ్రహ్మ హత్యాపాతకమును పుచుకోవడానికి నలుగురు ఒప్పుకున్నారు. అవి భూమి, చెట్లు, జలము, స్త్రీలు. ఈ నలుగురు పావు వంతు చొప్పున పుచ్చుకున్నారు. తీసుకొన్నందుకు గాను తమకు వరముల నిమ్మని ఇంద్రుని అడిగారు. ఇంద్రుడు వాటికి వరములు ఇచ్చాడు. భూమికి ‘ఎవరయినా గొయ్యి తీసినా ఆ గొయ్యి కొంత కాలమునకు తనంత తాను పూడుకుపోతుంది’ అని, చెట్లకు ‘ఎవరయినా చెట్లను కత్తితో నరికేసినా మొదలు ఉంటే చాలు మరల చిగురించేలా ‘ఏ పనిచేసినా ప్రక్షాళనము అనబడే మాట దానియందు ప్రయోగింప బడదు. మీరు ఏదో ముట్టుకోకూడని వస్తువును ముట్టుకుని ఒక కాగితమునకు తుడుచు కున్నారనుకోండి అది ప్రక్షాళనము అనరు. నీటి చుక్క ముట్టుకున్నట్లయితే వెంటనే ప్రక్షాళనము అయిపోతుంది. మంత్రపుష్పం చెప్పేటప్పుడు చేతిలోని పువ్వులు ఈశ్వరుడి పాదముల మీద వేస్తే ఒక చుక్క నీరు చేతిలో వేస్తే చెయ్యి తుడుచుకుంటాము. ఒక్క చుక్కయినా చాలు. ప్రక్షాళన చేయగలిగే శక్తి నీటికి ఇచ్చాడు. కామోప భోగములందు ఎక్కువ సుఖము కలిగేటట్లు స్త్రీలకి వరం ఇచ్చాడు. ఈవిధంగా నలుగురుకి నాలుగు వరములు ఇచ్చాడు.

ముందు భూమి పుచ్చుకున్నది. ఊసర క్షేత్రములు వచ్చాయి. ఉప్పుతో కూడిన పంటలు పండని ఇసుక పర్రలు ఏర్పడ్డాయి. దానిమీద మొక్క మొలవదు. చెట్టు పుచ్చుకుంది. చెట్టులోంచి జిగురు కారుతుంది. అందుకే చెట్టు జిగురు వికారమును స్పృశించకూడదు అంటారు. నీటియందు బుడగగాని, నురుగు కాని ఉంటే అది బ్రహ్మహత్యా పాతక రూపం. ఆచమనం చేసేటప్పుడు నీటిలో బుడగగాని, నీటియందు నురుగు కాని ఉంటే ఆ నీళ్ళని పక్కకి వదిలి పెట్టేస్తారు. కొత్తగా ప్రవాహం వచ్చేముందు పెద్ద పెద్ద నురుగు వస్తుంది. దాంట్లోకి ప్రవేశించి స్నానం చేయడం కానీ, ఆ నురుగు ముట్టుకోవడం కానీ చెయ్యరు. స్త్రీలయందు రజోగుణ దర్శనము బ్రహ్మహత్యా పాతక రూపం. వారియందు ఆ నియమం ఉంచారు. ఇంద్రుడు తన బ్రహ్మ హత్యాపాతకమునుండి నివారణ పొంది మరల సింహాసనాదిష్టుడు అయ్యాడు. ఒకనాడు బృహస్పతి సభలోకి వచ్చినపుడు లేవనందుకు సంభవించిన పాపం ఇప్పటికీ తను సింహాసనం మీద సంతోషంగా కూర్చున్నాను అనడానికి వీల్లేకుండా ఎన్ని కష్టాలు ఒకదాని వెనుక మరొకటి తీసుకు వస్తున్నది.

విశ్వరూపుడు మరణించాడని త్వష్ట ప్రజాపతికి తెలిసి కోపముతో ఒక పెద్ద యజ్ఞం మొదలు పెట్టాడు. ఇంద్రుడిని సంహరించే వేరొక కొడుకు ఆ యజ్ఞంలోంచి రావాలని అన్నాడు. యజ్ఞం పరిసమాప్తము అవుతుండగా ఒక బ్రహ్మాండమయిన రూపము ఆ యజ్ఞ గుండంలోంచి బయటకు వచ్చింది. ఆ యజ్ఞగుండంలోంచి బయటకు వచ్చిన రూపమునకు పేరు తండ్రిగారు పెట్టలేదు.అది పుట్టీ పుట్టగానే మొత్తం ఈ బ్రహ్మాండము ఎంతవరకు ఉన్నదో అంతవరకూ వ్యాపించి నిండిపోయింది దానికి ‘వృతాసురుడు’ అని పిలిచారు. ఆయన తలకాయను నరకడానికి ఇంద్రునికి ఒక ఏడాదికాలం పట్టింది. వజ్రాయుధంతో ఆయన కంఠం చుట్టూ తిరుగుతూ ఒక ఏడాదిపాటు నరికాడు. కోస్తే ఉత్తరాయణ, దక్షిణాయన మధ్య కాలానికి కోయడం పూర్తయింది. అతడు పుడుతూనే ఆకాశం అంతటిని నోట్లో పెట్టుకుని చప్పరించాడు. ఆ తరువాత అది ఏమయినా రుచిగా ఉంటుందేమోనని ఒక్కొక్క గ్రహమును నాకి అవతల పారేస్తూ ఉండేవాడు. అలా గ్రహములను, నక్షత్రములను, బ్రహ్మాండములను, అన్నింటినీ చేత్తో పట్టుకుని వాటిని నాకి అవతల పారేస్తూ ఉండేవాడు. వాడు పుడుతూనే ‘ఇంద్రుడనేవాడు ఉండాలి. ఎక్కడ ఉంటాడని అడిగాడు. వాడు తనని చంపడానికి వచ్చేస్తున్నాడని ఇంద్రుడికి తెలిసిపోయింది. ఇంద్రుడు సైన్యం అంతటినీ తీసుకుని యుద్ధమునకు వెళ్ళాడు. వీరు వేసిన అస్త్రములను తన గుప్పెటతో పట్టుకుని నోట్లో వేసుకుని చప్పరించేశాడు. ఇంకా వానితో యుద్ధం లాభం లేదని, ముందు బతికితే చాలనుకుని దేవతలందరూ పారిపోవడానికి నిశ్చయించుకున్నారు. శ్రీమన్నారాయణ దర్శనం కోసం వైకుంఠ ద్వారం వద్దకు వెళ్ళి నిలబడి ప్రార్థన చేయడం మొదలు పెట్టారు. ఆయనకు ఆర్తత్రాణ పరాయణుడని బిరుదు. ఆర్తితో ప్రార్థన చేస్తే తప్పుచేశాడా, ఒప్పు చేశాడా అని చూడడు. గభాలున వచ్చి దర్శనం ఇచ్చి రక్షిస్తారు. తనను నమ్మినవారి పట్ల అలా ప్రవర్తిస్తారు. స్వామి దర్శనం ఇచ్చి ‘మీరేమీ బెంగ పెట్టుకోకండి. భయపడకండి’ అని అభయ ప్రకటన చేశారు. వీరందరూ స్వామిని స్తోత్రం చేశారు.

వెంటనే స్వామి పోనీలెండి మీరేమీ బెంగ పెట్టుకోకండి వృతాసురుణ్ణి సంహరించి మిమ్మల్ని రక్షిస్తాను అని అనలేదు. ఇక్కడ పొరపాటు ఎక్కడ జరుగుతోంది? బ్రహ్మజ్ఞానుల పట్ల జరుగుతోంది. అంటే ఎక్కడో మనస్సులో వాళ్ళ పట్ల చులకన భావం ఉన్నది. మనం పలుమార్లు వాళ్ళను తెచ్చుకోవచ్చు. ఎలాగయినా వాడుకోవచ్చు అనే భావన ఒకటి మనసులో మెదలుతోంది. ఇది ముందు లోపల సంస్కార బలంతో మార్చుకోవాలి. గురువుల అనుగ్రహం ఎలా ఉంటుందో, వారి త్యాగం ఎలా ఉంటుందో చూపించాలి అనుకుని ‘మిమ్మల్ని రక్షించడానికి మీకు అస్త్ర శస్త్రములు పోయాయి కదా! వృతాసురుణ్ణి సంహరించడానికి కావలసిన ఆయుధమును ఇవ్వగలిగిన వాడు ప్రపంచంలో ఒక్కడే ఉన్నాడు. ఆయనే దధీచి మహర్షి. మీకు కావలసిన ఆయుధం ఆయన శరీరం నుండి వస్తుంది. ఆయన నిరంతరం నారాయణ కవచమును పారాయణం చేశాడు. ఆయన వద్దకు వెళ్ళి ‘మీ శరీరము ఇవ్వండి అని అడగండి. ఆయన బ్రహ్మజ్ఞాని. తన శరీరమును ఇచ్చేస్తాడు. ఆయన శరీరము ఇచ్చిన తరువాత ఆయన శరీరమును కోసివేయండి. లోపల ఉన్న ఎముకలను పైకితీసి మూట కట్టుకుని పట్టుకు వెళ్ళి విశ్వకర్మకు ఇవ్వండి విశ్వకర్మ ఆ ఎముకలలోంచి నూరు అంచులు కలిగిన వజ్రాయుధమును తయారుచేస్తాడు. దానితో వృతాసురుడు సంహరింప బడతాడు. అందుకని వెళ్ళి దధీచిని ప్రార్థించండి అని చెప్పాడు. గతంలో త్వష్ట ప్రజాపతి కుమారుడైన విశ్వరూపుని సంహరించడం వల్ల తనకు బ్రహ్మహత్యా పాతకం అంటుకుంది. వృత్రాసురుని సంహరించడం వలన మళ్ళీ తనకు ఏమి కీడు మూడుతుందో అన్న ఆలోచన ఇంద్రునికి కలిగింది. ఈవిషయము దేవతలకు చెప్పాడు. ఇంద్రునిలో కొంచెం పాప పుణ్యముల విచారణ ప్రారంభం అయింది. దేవతలు ‘మేము నీచేత అశ్వమేధ యాగమును చేయించి ఎలాగోలాగ నీవు బ్రహ్మహత్యాపాతకము నుండి విముక్తుడవయ్యేలా చూస్తాము. ముందు వెళ్ళి దధీచి శరీరమును అడగవలసినది’ అని చెప్పారు. పరుగెత్తుకుంటూ దేవతలను తీసుకుని దధీచి దగ్గరకు వెళ్ళాడు.


https://www.facebook.com/SriChagantiGuruvuGaariFollowersUnofficialPage


instagram.com/pravachana_chakravarthy

మూర్ఖాణాం

 శ్లోకం:☝️

*మూర్ఖాణాం పండితా ద్వేష్యాః*

   *నిర్ధనానాం మహాధనాః l*

*వ్రతినః పాపశీలానాం*

   *అసతీనాం కులస్త్రియః ll*

    -హితోపదేశం


భావం: లోకంలో మూర్ఖులు పండితులను, పేదవాళ్ళు ధనవంతులను, పాపవర్తనులు సచ్ఛీలురను, కులతలు పతివ్రతలను ద్వేషిస్తుంటారు. లోకంలో అత్యధిక సంఖ్యాకులుగా ఉండే మొదటి తరహావాళ్ళకు పాపభీతిని కలిగించి ఋజు మార్గమున నడపుటకే శాస్త్రాలు, పురాణ ఇతిహాసాదులు ప్రయత్నించుచున్నవి.

సజ్జను డిలలోన్

 కం.

మనమున చింతన జేయుట
ఘనముగ నోటను బలుకుట కాయికముగ తా
పనిసేయుట నొక విధముగ
సలుపును నిత్యము వెఱవక సజ్జను డిలలోన్
కవిసమ్రాట్టుకు ఘనతర
కవికులరాట్టుకు పటుతర కవితాలోక
చ్ఛవితృట్టుకు భట్టుకు భా
రవి జట్టుకు తట్టిన విథి ప్రణతి ఘటింతున్
*~* 
*~శ్రీశర్మద* 

ధర్మాకృతి : ఇంద్రసరస్వతీ, భారతీ మహాస్వాములు - 3

 ధర్మాకృతి : ఇంద్రసరస్వతీ, భారతీ మహాస్వాములు - 3


శ్రీకంఠశాస్త్రి గారిపైన వదిలివేశారు. తమకు ఇష్టము ఉన్నా లేకున్నా వారి నిర్ణయానికే తమ ఆమోదముద్ర వేసేవారు.


శ్రీకంఠశాస్త్రి గారు విద్యారణ్యుల కాలం నుండి వచ్చిన రాచమర్యాదలు ఏమాత్రం సడలించడం ఇష్టపడేవారు కాదు. స్వామివారికి ఈ దర్జా ఆడంబరం నచ్చేవి కాదు. 1920-27 యాత్రలలో ప్రతి గ్రామం ప్రవేశించేటప్పుడు స్వామివారికి కిరీటము, ఆభరణాలు, జరీ శాలువాలు అలంకారం చేయవలసినదిగా శాస్త్రి గారి ఆజ్ఞ. స్వామివారికి సుతరామూ ఇది ఇష్టం ఉండేది కాదు. అయినా శాస్త్రిగారికి కష్టం కలిగించ కూడదని నిర్లిప్తంగా భారించేవారు. మళ్ళీ గ్రామం దాటగానే ఈ బరుగు తొలగించబడేది. స్వామివారు ఈ కవాతుని సాక్షిమాత్రంగా స్వీకరించేవారు. ‘నేనో వేషధారిని. ఈరోజు ఈ వేషం – రేపో వేషం’ అని తీసిపారేసేవారు. 


శ్రీకంఠశాస్త్రి గారి విధానానికి, స్వామివారి స్వాభావిక లక్షణాలకు అనంతమైన అంతరం ఉంది. శృంగేరీ మఠ ఔన్నత్యానికి శాస్త్రిగారు ఎనలేని సేవ చేశారనేది నిర్వివాదాంశము. కానీ చిన్నతనంలో తమ వద్ద పెరిగిన ఈ స్వామివారి ఆధ్యాత్మికోన్నతిని బహుశః వారు గుర్తించలేదని చెబుతారు. శాస్త్రిగారు స్వయంగా పండితులు. అద్వైతానుభూతి గూర్చి స్పష్టమైన పుస్తక పరిజ్ఞానమున్నది. అయితే మఠోన్నతి అనే గాడిన పది మిగతా విషయాలను పట్టించుకోవడం మానేశారనుకుంటారు. ఈ కారణం చేతనో వస్తుతః విరాగి కావ్వడం చేతనో శృంగేరీ స్వామి 1928-31 లలో పూర్తిగా అంతర్ముఖులయిపోయారు. నిరంతర బ్రహ్మానుభవంలో మునిగి తేలుతూ బాహ్య స్మృతి పూర్తిగా మర్చిపోయారు. పూజ మొదలుపెడితే గంటల తరబడి అర్చన చేస్తూ ఉండడం, చేతిలో పుష్పం ఉంచుకొని అమ్మవారిని చూస్తూ అలానే లీనమయిపోయి ఉండడం, అభిషేకం చేస్తూ ధారాపాత్రలో పాలు అయిపోయినా అలానే ఉండిపోవడం వంటివి చేయనారంభించారు. విజ్ఞాపన చేస్తే వినిపించేది కాదు. ఏం తింటున్నారో వారికే అర్థమయ్యేది కాదు. సదాశివ బ్రహ్మేంద్రుల ఆత్మవిద్యా విలాసంలోని శ్లోకాలు పెద్దగా చదువుకుంటూ ఉండేవారు. 


శ్రీకంఠశాస్త్రి గారికి ఈ పోకడ అర్థం కాలేదు. స్వామివారికి ప్రయోగం లాంటిదేమైనా జరిగిందేమోనని పరిహారాలు మొదలుపెట్టారు. రాత్రిపూజ వారే చేయడం మొదలుపెట్టారు. బాహ్యస్మృతిలో లేనికాలంలో గదిలో తాళం వేసి ఉంచి పరిచారకులను కావలి ఉంచారు. పరిచారకులు కూడా కేవలం స్నానం చేయించడానికి ఆహరం ఇవ్వడానికి మాత్రమే లోపలి వెళ్ళేవారు. మూసిన గదిలోనుంచి అప్పుడప్పుడూ సంగీతం కేవలం దేవతలే పాడుతున్నారా అన్నట్లు వినవస్తుంది. మరింకోసారి స్వామివారు ఆశువుగా ఆత్మానుభూతి సంబంధమైన శ్లోకాలు అనర్గళంగా చదవడం వినవస్తుంది. ఆహా! ఆ స్వామి ఉనికి చేత శృంగేరీ చిక్ మంగళూర్ జిల్లా, కర్ణాటక యావద్భారతం పవిత్రమైపోయాయి.


అర్థం కాని అమాయకులు మతిభ్రమణం అని భ్రమపడ్డారు. విషయం ప్రభుత్వం దాకా పొక్కింది. కోట్ల ఆస్తి ఉన్న పీఠానికి అధిపతి – విషయం ధృవీకరించుకోవడానికి రహస్యంగా ఒక మానసిక వైద్యుని పంపారు. స్వామివారిని కలిసే వేలు లేనందున ఆ వైద్యుడు వారి మనఃపరిస్థితి గూర్చి సర్వాధికారి వద్ద, పరిచారకుల వద్ద వాకబు చేస్తున్నాడు. అయితే హఠాత్తుగా స్వామివారు బాహ్యస్మృతిలోనికి వచ్చారు. బాహ్యస్మృతిలోనికి వచ్చినప్పుడు ఆశ్రమ నిధులు, భక్తులకు దర్శనాలు స్వామివారు యధావిధిగా నిర్వర్తిస్తారట. అందరితో పాటు వైద్యుడు కూడా స్వామి దర్శనానికిక వెళ్ళారు. దర్శనం అయిన తరువాత శలవు తీసుకోబోతున్నారు. “ఏం వెళ్ళిపోతున్నావు? వచ్చిన పని అయిందా?” అన్నారు స్వామి. రహస్యమైన పనిమీద వచ్చిన వైద్యుడు మౌనం వహించారు. ‘నీవు నన్ను పరీక్షించే పని పూర్తిచేశావా? నా ఈ వ్యాధికి మీ వైద్యవిధానంలో మందు ఏమైనా ఉన్నదా” అని నేరుగా ప్రశ్నించారు. డాక్టర్ గారు దొరమొహం వేశారు. తనపై ఏర్పాటు చేయబడిన కావలిని. అందువలన ఏర్పడిన అనుమానాన్ని దృష్టిలో ఉంచుకొని “ఇది నా ప్రారబ్ధం. అనుభవించవలసినదే. పాపం నీవేమి చేస్తావు” అని పంపివేశారు. డాక్టర్ నివేదిక ఏమైనా ఉంటుందనే విషయం వేరే చెప్పనక్కర లేదు కదా!


(సశేషం)


#KanchiParamacharyaVaibhavam #కంచిపరమాచార్యవైభవం

మనసు పరమాత్మయందు నిలపాలి.

 ధ్యానంలో కూర్చున్న వాడి మనసు ప్రశాంతంగా ఉండాలి. ఎటువంటి భయము, భీతి, ఆందోళన ఉండకూడదు. మనసును బ్రహ్మయందు అంటే పరమాత్మయందు నిలపాలి. 


అలా చేయాలంటే మనసును సంయమింప చేయాలి. నిలకడగా ఉంచాలి. పరమాత్మను తప్ప వేరే ఏ విషయాన్ని గురించి ఆలోచించకూడదు. ఈ ధ్యానం అంతా నాకు పరమగతి కలగడం కోసమే చేస్తున్నాను అనే ధృఢమైన నమ్మకంతో, విశ్వాసంతో చేయాలి.


ప్రశాంతాత్మా అంటే మనసును, చిత్తాన్ని ప్రశాంతంగా ఉంచుకోవాలి. ఎటువంటి ఆలోచనలు ఆందోళనలు ఉండకూడదు. చాలా ప్రశాంతంగా ఉండాలి. అంటే మనము ధ్యానంలో కూర్చోగానే ఇదివరకు చూచినవి, విన్నవి, తాకినవి, జరిగినవి విషయాలు అన్నీ గుర్తుకు వస్తాయి. 


ఎక్కడెక్కడో ఎప్పుడో జరిగిన విషయాలు అన్నీ అప్పుడే గుర్తుకొస్తాయి. వాటి వలన బాధ, భయము, సంతోషము కలుగుతాయి. అటువంటి గతకాలపు ఆలోచనలు మనసులోకి రాకుండా అరి కట్టి మనసును ప్రశాంతంగా ఉంచుకోవాలి.


విగతభీ అంటే భయం ఉండకూడదు. గతించిన విషయాలు గుర్తుకొస్తాయి అన్ని పైన చెప్పుకున్నాము కదా. అలాగే రాబోయే విషయాల గురించి, జరగబోయే విషయాల గురించి కూడా ఆలోచనలు వస్తాయి. ఆ ఆలోచనల వల్ల భయం కూడా కలిగే అవకాశం ఉంది. 


అంతేకాదు, ఎవరైనా ఏమన్నా అనుకుంటారేమో, ఏమన్నా అంటారేమో అన్న భయం ఉంటుంది. దేనికీ భయపడకూడదు. మనసులో గుబులు ఉండకూడదు. ఈ టైములో ఆ పని చేద్దామనుకున్నాను. కాని చేయలేకపోయాను. ఇక్కడ కూర్చున్నాను. అక్కడ నేను లేకపోతే ఏం జరుగుతుందో ఏమో అనే చింత విడిచిపెట్టాలి. 


బయట ఏం జరిగినా నిశ్చలంగా ఉండాలి. అన్నీ భగవంతునికి అర్పించి మనసును నిర్మలంగా నిశ్చలంగా ఉంచుకోవాలి. ఇది కష్టమే అయినా అభ్యాసంతో సులభమే అవుతుంది.


తరువాతది బ్రహ్మచర్యం పాటించాలి. అంటే మనసు కామ వాంఛల వైపు వెళ్లకూడదు. స్త్రీసంబంధమైన ఆలోచనలు రాకూడదు. స్త్రీలు ధ్యానంలో కూర్చుంటే పురుష సంబంధమైన ఆలోచనలు రాకూడదు. అటువంటి సంకల్పాలు కూడా రాకూడదు. అసలు సాంసారిక సంబంధమైన ఆలోచనలే మనసులోకి రానీయకూడదు. 


ఇది అందరూ ఆచరించవలసిన విషయం. బ్రహ్మచర్యం అంటే కేవలం శరీరమే కాదు, మనసులో కూడా అటువంటి ఆలోచనలు

రాకూడదు. మాటలు కూడా అటువంటి మాటలు మాట్లాడకూడదు. అప్పుడే మనసు పరిశుద్ధంగా ఉంటుంది. ఇది బ్రహ్మచర్యమునకు మనం లౌకికంగా చెప్పుకునే అర్ధం.


🙏 కృష్ణం వందే జగద్గురూమ్ 🙏

పాపాలను పోగొట్టే పినాకపాణి...

 #పాపాలను పోగొట్టే పినాకపాణి....


ఈశ్వరుడికున్న నామాల్లో చాలా చిత్రమైనది.. ‘పినాకి’ అనే నామం. 


మనకు తెలిసి ఉన్నంతలో చేతిలో కోదండం పట్టుకున్న శివమూర్తి ఎక్కడా కనిపించడు.. 


శివుడు పట్టుకునే ధనుస్సు సామాన్యమైనది కాదు. ఆయన మేరుపర్వతాన్ని ధనుస్సుగా పట్టుకుంటాడు. 


 #పరమశివుని పినాకము 


మహాశివునికి గల మరో పేరే పినాకపాణి. ఈ పేరుని ఎక్కడో చోట వినే వుంటారు. ఆ ధనస్సే మహాశివుని ఆయుధం, దాని పేరే పినాకము.


పినాకము అను ధనస్సును చేతిలో కలవాడు పినాకపాణి, మహాశివుడు.


శ్రీమహావిష్ణువు చేసే రాక్షస సంహారానికి, శంకరుడు చేసే రాక్షస సంహారానికి చిన్న తేడా ఉంటుంది. విష్ణుమూర్తి రాక్షస సంహారం చేసేటప్పుడు.. 


ఆ రాక్షసుడు ఏ వరాలు కోరుకున్నాడో వాటికి మినహాయింపుగా చంపడానికి వీలైన శరీరాన్ని స్వీకరిస్తాడు. శంకరుడు తాను ఎలా ఉన్నాడో అలాగే ఉండి రాక్షసులను సంహరిస్తాడు. 


వేరొక రూపం తీసుకోడు. అయితే శంకరుడు ధనస్సును పట్టుకున్నట్టు ఎక్కడా చూపించరు గానీ.. వేదం వల్ల శాబ్దికంగా తెలుస్తుంది..


ఎక్కడంటే... యజుర్వేదంలోని ‘శ్రీరుద్రం (రుద్రాద్యాయం)’లో తెలుస్తుంది.


నమస్తే రుద్ర మన్యవ ఉతోత ఇషవే నమః

నమస్తే అస్తు ధన్వనే బాహుభ్యాముత తే నమః

యా త ఇషుపశ్శివతమాశివం బభూవ తే ధనుః

శివాశరవ్యాయా తవ త యా నో రుద్ర మృడయ’


`ఓ రుద్రా మా మీద ఏమిటా కోపం? స్వామీ మీరు అంత కోపంగా ఉన్నారేమిటి? మీ కోపానికి ఒక నమస్కారం’ - అని చెబుతూ రుద్రాభిషేకం ప్రారంభిస్తాం.


ఇక్కడ మనం ప్రసన్నుడైన మూర్తికి నమస్కారం చెయ్యడం లేదు. కోపంగా ఉన్న స్వామివారి మూర్తికి నమస్కారం చేస్తున్నారు.


కోపంతో ఉన్నవాడు తన చేతిలో ఉన్న ఆయుధం నుంచి బాణాలను విడిచిపెడతాడు. ఇవి మనల్ని రోదింపజేస్తాయి. మరి ఎందుకు ఆయన అలా ధనుస్సు పట్టుకోవాలి? రుద్రుడు మనం చేసిన తప్పులకు మనను శిక్షించడానికి ధనుస్సును పట్టుకుని ఉన్నాడు. 


ఆయన వంక చూస్తేనే భయంతో వణికిపోతారు. దీన్ని ఈశ్వరుడి ఘోరరూపం అంటారు. అలాంటి రూపంలో ఉన్న ఈశ్వరుడు తన ధనుస్సును ఎక్కుపెడితే మన కంట అశ్రుధారలు తప్పవు. 


ఆయన మనల్ని ఎందుకు బాధపెట్టడం అంటే.. చేసిన పాప ఫలితం బాధపడితేగానీ పోదు కాబట్టి. పాపం పోయేలా ఏడిపించేందుకుగాను ఆయన తన బాణాలను తీస్తున్నాడు.


అప్పుడు మనమేం చేయాలి? ‘నేను పాపం చేశాను. కానీ నన్ను అంత ఏడిపించకు. తట్టుకోలేను. నేను ఏడిస్తే నీ పాదాల యందు విస్మృతి కలుగుతుంది. 


నిష్ఠతో నీ పాదాలను పట్టుకోలేని స్థితి నాకు వచ్చేస్తుంది. కాబట్టి ఈశ్వరా నీ కోపానికి ఒక నమస్కారం. ఈశ్వరా నీ ధనుస్సుకు ఒక నమస్కారం. ఈశ్వరా నీ బాణాలకు ఒక నమస్కారం.


మేమేదో కొద్దిగా పుణ్యం చేసుకున్నాం. నీవు తలుచుకుంటే, నన్ను నీ భక్తుడిని చేసుకుంటే ఎవరూ అడ్డు రారు. నా యందు దయ ఉంచి నన్ను నీ త్రోవలో పెట్టుకో’ అని ప్రార్థిస్తే ఆయన ప్రసన్నుడు అవుతాడు. 


అసలు సనాతన ధర్మంలో.. మనను భయపెట్టడానికి మనం చేసే పాపానికి ఫలితం ఇచ్చేవాడొకడు, భయం తీసేవాడు ఒకడు వేర్వేరుగా ఉండరు. ‘భయకృత్‌ భయనాశనః’.. భయాన్ని సృష్టించేవాడు, తీసేసేవాడు పరమాత్మే. 


ఈశ్వరుని కారుణ్యానికి అంతులేదు. శాస్త్రప్రకారం ఆయన పట్టుకున్న ధనుస్సు మనకు ఎల్లప్పుడూ రక్షణే కల్పిస్తుంది. ఘోరరూపంతో పాపఫలితాన్నిచ్చినా.. అఘోర రూపంతో సుఖాన్నిచ్చినా చేస్తున్నది మన రక్షణే. 


రామాయణంలొ ముఖ్య ఘట్టమైన శివధనుర్భంగం గురించి తెలియని వారు ఎవరూ వుండరు. కానీ శివుని ధనస్సు జనకుని దగ్గరికి ఎలా వచ్చింది? దాని ప్రత్యేకతలు ఏంటో

తెలుసుకుందాము.


దక్ష ప్రజాపతి శివుడికి హవిస్సులు ఇవ్వని యాగం ప్రారంభించాడు. శివుడు లేని చోట మంగళం ఎలా ఉంటుందని ప్రశ్నించిన దక్షుని కుమార్తె, పరమశివుడి భార్య అయిన సతీదేవి అవమానానికి గురై యోగాగ్నిలో శరీరాన్ని వదిలింది.


ఆగ్రహించిన శివుడు రుద్రుడై, యజ్ఞాన్ని తన ధనస్సుతో ధ్వంసం చేసి, అక్కడికి వచ్చిన దేవతలపై కోపోద్రుక్తుడై, మహాశివుడు తన ధనస్సును ఎక్కు పెట్టడంతో వెంటనే దేవతలు శివుని పాదాలను చేరి, శరణు వేడి, ప్రార్థించారు. అంతటితో శివుడు ప్రసన్నుడై ఆ ధనస్సుని వారికి అందజేస్తాడు.


ఆ ధనుస్సుని దేవరాతుడు అనే మిథిలా నగర రాజు దగ్గర న్యాసంగా (అంటే కొంతకాలం ఉంచారు)ఉంచారు. దానినే పినాకము అంటారు.


అప్పుడా రాజు, ధనుస్సుని ఒక మంజూషలో (పెద్ద పెట్టె) పెట్టాడు. ఎనిమిది చక్రాలున్న ఆ మంజూషలొ శివ ధనుస్సు ఉండగా తొయ్యాలంటే దాదాపు 5000 మంది మనుషులు కావాలి. అలా ఆ విదేహ వంశీయులు ఆ శివ ధనుస్సుని రోజూ పూజిస్తూ, పరమ పవిత్రంగా చూసుకుంటూ ఉన్నారు.


వంశపారంపర్యంగా వస్తున్న ఆ ధనస్సుని జనకుడు, తన కుమార్తె సీతా స్వయంవరంలో ఉపయోగించి, ఉత్తమోత్తముడైన వరుడిని ఎంచుకొనుటకు ఉంచుతాడు.


విశ్వామిత్రునితో వచ్చిన రామలక్ష్మణులలో, రాముడు ఆ శివధనస్సును ఎక్కుపెట్టడమే కాక, శివధనుర్భంగం చేయడంతో సీతను పొందుతాడు.


అలాంటి ఆ ధనుస్సు లోకాలను రక్షించగలిగినది. అందుకే రుద్రం ఆ ధనుస్సును అంత స్తోత్రం చేసింది.

18, అక్టోబర్ 2022, మంగళవారం

ఆనందం యొక్క అర్థం!*

 *18-Oct-22, Enlightenment Story*

🍀🌺🍀🌺🍀🌺🍀🌺🍀🌺🍀


*ఆనందం యొక్క అర్థం!*

 

*నేను మీ ముఖాన్ని గుర్తుంచుకోవాలనుకుంటున్నాను, తద్వారా నేను మిమ్మల్ని స్వర్గంలో కలిసినప్పుడు, నేను మిమ్మల్ని గుర్తించగలను మరియు మరోసారి ధన్యవాదాలు చెప్పగలను.*


*టెలిఫోన్ ఇంటర్వ్యూలో భారతీయ బిలియనీర్ రతన్‌జీ టాటాను రేడియో ప్రెజెంటర్ అడిగినప్పుడు:*


*"సర్, జీవితంలో అత్యంత సంతోషకరమైన క్షణాన్ని పొందినప్పుడు మీకు ఏమి గుర్తుకొస్తుంది"?*


 *రతన్‌జీ టాటా చెప్పారు. నేను జీవితంలో నాలుగు సంతోష దశలను దాటాను.మరియు నేను చివరకు నిజమైన ఆనందం యొక్క అర్థం   అర్థం చేసుకున్నాను."*


*‘మొదటి దశ’ సంపద మరియు వనరులను కూడబెట్టుకోవడం.కానీ ఈ దశలో నేను కోరుకున్నంత ఆనందం లభించలేదు.*


*ఆపై విలువైన వస్తువులు మరియు వస్తువులను సేకరించే ‘రెండవ దశ’ వచ్చింది.కానీ ఈ విషయం యొక్క ప్రభావం కూడా తాత్కాలికమైనదని మరియు విలువైన వస్తువుల మెరుపు ఎక్కువ కాలం ఉండదని నేను గ్రహించాను.*


*అప్పుడు ఒక పెద్ద ప్రాజెక్ట్ పొందడానికి ‘మూడవ దశ’ వచ్చింది.అప్పుడే నాకు ఇండియా మరియు ఆఫ్రికాలో 95% డీజిల్ సరఫరా ఉండేది.*


*నేను భారతదేశం మరియు ఆసియాలో అతిపెద్ద ఉక్కు కర్మాగారానికి యజమానిని కూడా.కానీ ఇక్కడ కూడా నేను ఊహించినంత ఆనందం లభించలేదు.*


*’నాల్గవ అడుగు’ కొంతమంది వికలాంగ పిల్లలకు వీల్‌చైర్లు కొనమని నా స్నేహితుడు నన్ను అడిగాడు.దాదాపు 200 మంది పిల్లలు.*


*స్నేహితుడి కోరికతో, నేను వెంటనే వీల్ చైర్లు కొన్నాను.కానీ మిత్రుడు నేను అతనితో వెళ్లి పిల్లలకు వీల్ చైర్లు ఇవ్వమని పట్టుబట్టాడు.నేను రెడీ అయ్యి అతనితో వెళ్ళాను.*


*అక్కడ నేను నా స్వంత చేతులతో ఈ వీల్ చైర్లను ఈ పిల్లలకు ఇచ్చాను.ఆ పిల్లల ముఖాల్లో విచిత్రమైన ఆనందం కనిపించింది.*


*వాళ్లంతా వీల్‌ఛైర్‌లో కూర్చొని నడవడం, సరదాగా గడపడం చూశాను.వారు ఒక పిక్నిక్ స్పాట్‌కు చేరుకున్నారు, అక్కడ వారు విజేత బహుమతిని_ పంచుకున్నారు.*


*నా లోపల నిజమైన ఆనందాన్ని అనుభవించాను. నేను బయలుదేరాలని నిర్ణయించుకున్నప్పుడు, పిల్లలలో ఒకడు నా కాలు పట్టుకున్నాడు.నేను నెమ్మదిగా నా కాళ్ళను విడిపించడానికి ప్రయత్నించాను, కాని పిల్లవాడు నా ముఖం వైపు చూస్తూ_ నా కాళ్ళను గట్టిగా పట్టుకున్నాడు.*


*నేను వంగి పిల్లవాడిని అడిగాను: "మీకు ఇంకేమైనా కావాలా"? ఆ పిల్లాడు నాకు ఇచ్చిన సమాధానం నన్ను దిగ్భ్రాంతికి గురిచేయడమే కాకుండా తద్వారా పూర్తిగా నా అసలైన ఆనందం యొక్క అర్థం మార్చేసింది.*


 *ఆ పిల్లవాడు ఇలా అన్నాడు:*

 

 *"నేను మీ ముఖాన్నిగుర్తుంచుకోవాలనుకుంటున్నాను, తద్వారా నేను మిమ్మల్ని స్వర్గంలో కలిసినప్పుడు, నేను మిమ్మల్ని గుర్తించగలను మరియు మరోసారి ధన్యవాదాలు చెప్పగలను".*


 *ప్రేమ మరియు దయ మాత్రమే నిధి, ఇది మీ హృదయాన్ని ఆనందం మరియు శాంతితో నింపుతుంది, మిగిలినవి కేవలం భ్రమలు మాత్రమే.*


*సర్వం శ్రీకృష్ణార్పణమస్తు*

                       🌷🙏🌷

🙏 *లోకాసమస్తాసుఖినోభవన్తు*!🙏


🍀🌺🍀🌺🍀🌺🍀🌺🍀🌺🍀

power of Tulasi


The power of Tulasi


Tulasi mahima is spoken of by Prahlada in Padma Purana, said PT. Seshadri in a discourse. Prahlada says that rishis met Sadananda. They asked him whose name, if uttered, would destroy our sins and give us punyas. Sadananda told them about how Tulasi Devi's avatara happened.


He said Rudra had told his son Subrahmanya about Tu lasi Devi's greatness. Sadananda said that when the milky ocean was churned, using the Mantara mountain as the churning rod, many things appeared from the ocean, in cluding nectar. Sacred drops of water fell from Lord Na rayana's eye into the nectar pot. Tulasi came from one of these drops. Lord Narayana took for Himself only three entities that emanated from the ocean. They were Laksh mi, Kaustubha gem and Tulasi. Of these, He wore the first two on His chest, but He wore Tulasi all over His body. The Lord wanted to grant Tulasi a boon. Tulasi requested that no matter what sins a person had committed, if he prayed to Tulasi, his sins should be wiped out.


She further requested that those who did an archana to the Lord using Tulasi and those who consumed Tulasi of fered at His feet must reach His feet. She also prayed that He must always think of her, just as she would be thinking of Him always. The Lord gave her the boons she asked for. In addition, He said that there were lots of flowers like lo tuses, maalasugandha, jasmine and so on, which were of fered to Him in worship. Some even offered flowers made of gold. But if these flowers were offered without Tulasi, He would not be pleased. Moksha is guaranteed to those who use Tulasi when they do their daily aradhana to the Lord.



గోమాత మహత్యం

 🎻🌹🙏*🙏 గోమాత మహత్యం గురించి శివుడు పార్వతిదేవికి చేప్పిన మాటలు 🙏*


🌸🌿🌸🌿🌸🌿🌸🌿🌸🌿🌸🌿


*గోవును పూజించిన సర్వపాపములు నశించును… గోమాత నందు ఎంత మంది దేవతలు ఉన్నరో మీకు తెలుసా…?*


ఓకానొకప్పుడు పార్వతీదేవి కైలాసమున పరమశివుని భక్తితో పూజించి, నాథా ! స్త్రీలు తెలిసి తెలియక ముట్లు, అంటు కలిపిన దోషం, పెద్దలను, బ్రాహ్మణులను, భక్తులను దూషించిన దోషం, పరులను హింసించిన దోషం, పరులను హింసించిన పాపం ఏ విధముగా పరిహారమగునో చెప్పవలసినదిగా ప్రార్ఠింపగా దయామయుడగు పరమశివుడు. 


” ఓ పార్వతీ! గోమాత నందు సమస్త దేవతలు కలరు. అట్టి గోవును పూజించిన సర్వపాపములు నశించును. ఆ గోమాతనదు పాదములు ఋణ పితృ దేవతలు, గొలుసులు, తులసి దళములు, కాళ్ళ లో సమస్త పర్వతాలు, మారుతీ కూడా కలరు. నోరు లోకేశ్వరం, నాలుక నాలుగు వేదములు, భ్రూమధ్యంబున గంధర్వులు, దంతాన గణపతి, ముక్కున శివుడు, ముఖమున జ్యేష్ఠాదేవి, కళ్ళలో సూర్య చంద్రులు, చెవులలో శంఖు-చక్రాలు, కొమ్ములలో యమ, ఇంద్రులు ఉన్నారు. కంఠమున విష్ణువు, భుజమున సరస్వతి, రొమ్మున నవగ్రహాలు, మూపురమున బ్రహ్మదేవుడు, గంగడోలున కాశీ, ప్రయాగ నదులు ఉండును. 


ఉదరమున పృధ్వీ దేవి, వెన్నున భరద్వాజ, కుబేర, వరుణ, అగ్ని మొదలగు దేవతలు ఉన్నారు. ఉదరమున సనక, సనంద, సనత్ కుమారులు, తోకన చంద్రుడు, తోక కుచ్చున సూర్య కిరణములను, తోలు ప్రజాపతి, రోమావళి త్రిశంత్కోటి దేవతలు పిరుదుల యందు పితరులు, కర్రి కావేరిబోలు, పాదుగు పుండరీకాక్షుని బోలు, స్తనాలు,సప్త సముద్రాలు, పాలు సరస్వతి నది, పెరుగు నర్మదా నది, నెయ్యి అగ్ని, బొడ్డున శ్రీకమలం, అమృతం కడుపులో ధరణీ దేవతలు, గోపచింత గంగ, యమున, ప్రయాగ, త్రివేణి నదులు తీర్థం, గోమయంలో శ్రీ మహాలక్ష్మి కలదు. గోపాద ధూళి సమస్త పుణ్య నదులు, తీర్థములు కన్నా గొప్పది.


కావున ఓ పార్వతీ ! ఈ గోమాహాత్మ్య వర్ణనను ఉదయం పఠిస్తే బ్రహ్మ హత్యా మహా పాతకములన్నియు తొలగును. ప్రతి అమావాస్యనాడు పఠిస్తే మూడు నెలల మహాపాపములు తొలగును. నిత్యము సంధ్య వేళ పఠించిన మహాలక్ష్మి అనుగ్రహము కలుగును. గోవును ఎవరైతే మనస్ఫూర్తిగా పూజిస్తారో వారి మూడు తరాల పితృదేవతలు తరించెదరు. గోవుకు తృప్తిగా మేత, సెనగలు, బెల్లం తినిపించిన సమస్త దేవతలు తృప్తి పడెదరు. గోవుకు మనసారా నమస్కరించిన మంచి ఫలితము నిచ్చును. 


గోవుకు ఐదు సార్లు ప్రదక్షిణం చేసిన భూ ప్రదక్షిణంతో సమానం. గోవును పూజించితే సమస్త దేవుళ్ళను పూజించి నట్లగును. గోమాతను దర్శించి గో ప్రదక్షిణంH చేయవలెను. ఆషాఢ శుద్ధ తొలి ఏకాదశి మొదలుకొని కార్తీక శుద్ధ ఏకాదశి వరకు గోపూజ చేసినవారు సమస్త పాపముల నుండి విముక్తి పొంది విష్ణు సాన్నిధ్యమును పొందుతారు. కార్తీక బహుళ ద్వాదశిని గోవత్స ద్వాదశి అంటారు. ఈ రోజున గోపూజ చేసిన వారు అనంతకోటి పుణ్యములు పొంది 41 రోజులు చేసిన పుణ్యఫలము ఈ ఒక్క రోజు చేసినచో పుణ్యం లభిస్తుంది” అని బోధించాడు.


” శ్రీ కృష్ణ పరమాత్మ” గోవును ఎంతో భక్తి తో శ్రద్ధ తో సేవకుడిగా చూసుకొనే వాడు. మహా జనులారా గోవును పూజించిన ముక్తిని  పొందెదరు.

🙏🏻🌹🎻


🌸🌿🌸🌿🌸🌿🌸🌿🌸🌿🌸🌿

మహర్షుల చరిత్రలు..

 *మన మహర్షుల చరిత్రలు..*


*🌹ఈరోజు 52. భృగు మహర్షి గురించి తెలుసుకుందాము..🌹*


☘️🍁☘️🍁☘️🍁☘️🍁☘️🍁


☘️భృగు మహర్షి ఈయన ప్రస్తావన ఆది పర్వము ప్రథమాశ్వాసములో వస్తుంది.


🍁బ్రహ్మదేవుని హృదయమునుంచి జన్మించినవాడు భృగువు. ఈయన నవ బ్రహ్మలలో ఒకడుగా పేరు పొందాడు. 


☘️విష్ణుమూర్తి అవతారం పరశురాముడు కూడ ఈ వంశమే . భృగుమహర్షి ఖ్యాతిని పెళ్ళి చేసుకుని ధాత విధాతల్నీ శ్రీ అనే కూతుర్నీ , ఉశన వల్ల యశనుడనే కొడుకునీ , పులోమ వల్ల చ్యవనుడినీ పొందాడు . యశనుడంటే ఎవరోకాదు రాక్షస గురువు శుక్రాచార్యుడే .


🍁భృగుమహర్షి భార్య పులోమని ఒక రాక్షసుడు ఎత్తుకు పోవాలని ఆమె ఎక్కడ వుందని అగ్నిదేవుణ్ణి అడిగాడు . అగ్ని భృగుమహర్షి ఆశ్రమంలో వున్న ఈమే పులోమ అని చెప్పాడు . 


☘️రాక్షసుడు పులోమని ఎత్తుకుపోతుంటే ఆమె గర్భంలో వున్న పిల్లాడు కిందపడిపోయాడు . భృగుమహర్షి అగ్ని దేవుణ్ణి ఇదంతా జరగడానికి కారణం నువ్వే కాబట్టి ఏది కనిపిస్తే దాన్ని తింటూ సర్వభక్షకుడిగా వుండమని శపించాడు .


🍁 అగ్నిదేవుడు బ్రతిమాలుకుంటే సర్వభక్షకుడివైనా అందరితో గౌరవించబడతావు వన్నాడు .

పూర్వం దేవతలు రాక్షసుల్ని స్వర్గలోకంలో లేకుండా గెంటేవారు .


☘️ రాక్షస గురువు శుక్రాచార్యుడు శివుణ్ణి మెప్పించి సంజీవిని తెస్తానని వెళ్ళాడు . ఇదే సమయంలో దేవతలు రాక్షసుల్ని చంపెయ్యడం మొదలు పెట్టారు .


🍁 భృగుమహర్షి భార్య ఉశన దగ్గరకు వెళ్ళి తమను కాపాడమని శరణు కోరారు రాక్షసులు . ఇంద్రుడితో సహా దేవతలందర్ని స్తంభించిపోయేలా శపించింది ఉశన . 


☘️కొంతమంది దేవతలు విష్ణుమూర్తిని ప్రార్థించారు . స్త్రీని చంపడం పాపం కదా భయపెడదామనుకున్నాడు విష్ణుమూర్తి . ఈ లోపునే ఉశన విష్ణుమూర్తినే శపించాలని అక్షరం అనబోయేలోగా విష్ణుమూర్తి ఆవిడ కంఠంలో బాణం వేశాడు . 


🍁వెంటనే ఆమె చనిపోయింది . భృగు మహర్షి వచ్చి ఇదంతా చూసి ఒక స్త్రీని చంపావు , నీకు ఇంత అహంకారమా ? అని భూలోకంలో మనిషివై పుడుతూ మరణిస్తూ సుఖదుఃఖాలనుభవిస్తావని విష్ణుమూర్తిని శపించాడు .


☘️మంత్రజలంతో ఉశనని బ్రతికించాడు . నేనిచ్చిన వరాలో నన్నే శపిస్తావా ? అన్నాడు విష్ణుమూర్తి . నిన్ను శపించడం ఎవరితరం ? దుష్టుల్ని శిక్షించడానికి , శిష్టుల్ని రక్షించడానికి అవతారం ఎత్తడానికి నన్ను ఉపయోగించుకున్నావు . 


🍁నీ అవతారం వల్ల దర్మసంస్థాపన అవుతుందిలే అన్నాడు భృగు మహర్షి . భృగు మహర్షి శక్తిని చూసి మిగిలిన ఋషులు ఆశ్చర్యపోతూ ముక్కు మీద వేలేసుకున్నారు . 


☘️సరస్వతీ నదీ తీరంలో మహర్షులందరూ కలిసి ఒక యాగం చేస్తుండగా వాళ్ళల్లో ఒకళ్ళకి ఒక సందేహం వచ్చేసింది . వెంటనే త్రిమూర్తుల్లో ఎవరు గొప్పవాళ్ళు అని భృగు మహర్షిని తేల్చి చెప్పమన్నారు .

        

🍁ఒకసారి మునులందరి మధ్య త్రిమూర్తులలో అధికుడెవరు అనే చర్చ వచ్చింది. ఆ విషయం తెలుసుకురమ్మని అందరూ భృగుమహర్షిని పంపారు.

          

☘️భృగువు ముందు బ్రహ్మ దగ్గరకి వెళ్లాడు. ఆయన సృష్టి క్రార్యక్రమంలో ఉండి చూచి చూడనట్లు ఉపేక్షించాడు. భృగువు కోపంలో పూజకి అనర్హుడివి అని బ్రహ్మను శపించి అక్కడ నుండి కైలాసంకు వెళ్లాడు. 


🍁అక్కడ శివపార్వతులు నృత్యంచేస్తూ భృగువును చూచీ చూడనట్ల ఉన్నారు. శివుని కేవలం నీ లింగమునకు మాత్రమే అభిషేకం జరుగును అని శపించి వైకుంఠంకు వెళ్లడు. 


☘️అక్కడ కూడా విష్ణువు కళ్లు మూసుకొని తనను గౌరవించలేదని  గుండెలమీద తన్నాడు భృగుడు 


🍁వెంటనే విష్ణుమూర్తి లేచివచ్చి నువ్వు రావడం చూడలేదు క్షమించమన్నాడు . నీపాదాలకున్న నీళ్ళు తగిలి నా పొట్టలో వున్న లోకాలు పవిత్రమయ్యాయి . 


☘️నీ పాదం నా భుజాలకి అలంకారమైంది . నువ్వు రావడం వల్ల నేను ధన్యుణ్ణయ్యాను అన్నాడు - విష్ణుమూర్తి . 


🍁 అప్పుడు విష్ణువు వినయంతో భృగువుకు అతిధి మర్యాదలు చేసి కాళ్లు నొక్కుతూ ఆయన పాదంలో ఉన్న కన్నును నొక్కివేశాడు. ఆయన అహంకారం పోయి విష్ణువుని స్తుతించాడు.


☘️అందరిలోకి విష్ణువే గొప్ప అని నిర్ణయించి మునులకు తెలియచేశాడు. అందరూ విష్ణువుని పూజించటం మొదలుపెట్టారు.

    

🍁యవనాశ్వడనే రాజు పిల్లలు లేక బాధపడి భృగుమహర్షి ఆశ్రమంకు వచ్చాడు. భృగుమహర్షి ఆ రాజుతో పుత్రకామేష్టి యజ్ఞం చేయించాడు.


☘️మంత్రజలం జాగ్రత్త పెట్టమని బ్రాహ్మణులకిచ్చాడు .

అందరూ నిద్రపోతున్న సమయంలో రాజుకి దాహం వేసి ఆ నీళ్ళు తాగేశాడు . భృగు మహర్షికి ఆ విషయం తెలిసి నీ భార్య తాగాల్సిన మంత్రజలం నువ్వే తాగావు , కొడుకుని కూడా నువ్వేకంటావు అన్నాడు .


🍁 తర్వాత వంద సంవత్సరాలకి రాజు ఎడమభాగం చీల్చుకుని గొప్ప తేజస్సుతో ఏడుగురు చక్రవర్తుల్లో ఒకడైన మాంధాత పుట్టాడు .


☘️ఒకసారి వింధ్యపర్వత ప్రాంతంలో బాగా కరువొచ్చింది . పితృదేవతలకి ఏమీ పెట్టలేని స్థితిలో భృగు మహర్షి కైలాస పర్వత ప్రాంతానికి వచ్చి ఆశ్రమం కట్టుకుని వున్నాడు .


🍁 పులి మొహంతో భార్యను తీసుకుని ఒక విధ్యాధరుడొచ్చి నాకు ఈ ముఖం ఎలా వచ్చిందో తెలియదు , ఇది పోయే మార్గం చెప్పమని బ్రతిమాలుకున్నాడు .


☘️నువ్వు ఏకాదశి నాడు ఉపవాసం చేసి ద్వాదశి నాడు తలస్నానం చేశావు ,  ఆ కీడు ఇలా చేసిందన్నాడు భృగు మహర్షి .


🍁మాఘమాసంలో స్నానం చేశాక నువ్వు మళ్ళీ మామూలుగా అవుతావని చెప్పాడు . 

ఆతను మాఘస్నానం చేసి మామూలు ముఖం పొంది భృగువుకు నమస్కరించి వెళ్లాడు.


☘️భృగువు చెప్పినట్లు శివుని గురించి తపస్సు చేసి పరశురాముడు భార్గవాస్త్రం‍ను సంపాదించుకున్నాడు. భృగుమహర్షి  జ్యోతిశాస్త్రమును రచించాడు. 


🍁ఆ గ్రంథమే భృగు సూత్రములనే పేర ప్రసిద్ధికెక్కింది. ఈయన స్మృతి ఒకటి ఉంది. ఈయన ధర్మ ప్రవక్తగా విలసిల్లాడు. తపశ్శక్తిచే బ్రహ్మత్వాన్ని పొందాడు.


☘️భృగు మహర్షి ధర్మశాస్త్ర ప్రవక్తగా పేరు పొందాడు . ఈయన జ్యోతిష శాస్త్రం రాశాడు . దాంట్లో ఎనిమిది అధ్యాయాలున్నాయి . సృష్టికోసం బ్రహ్మతో సృష్టించబడి చివరకి బ్రహ్మలోనే అయిపోయాడు భృగు మహర్షి .


🍁ఇదండీ మనము తెలుసుకున్న భృగు మహర్షి చరిత్ర రేపు మరో మహర్షి గురించి తెలుసుకుందాము స్వస్తి..


సేకరణ: కె.వి. రమణమూర్తి వాట్సాప్ పోస్ట్. 

☘️🍁☘️🍁☘️🍁☘️🍁☘️🍁