3, డిసెంబర్ 2024, మంగళవారం

మొగలిచెర్ల అవధూత మంత్రోపదేశం

 *మొగలిచెర్ల అవధూత శ్రీ దత్తాత్రేయ స్వామి వారి చరిత్ర...*

 

*మంత్రోపదేశం ..ఆశ్రమ నిర్మాణ కర్త ఆగమనం..*


*(ఇరువై ఒకటవ రోజు)*


ఆశ్రమ నిర్మాణానికి వేరే వారు పూనుకుంటారనీ..మీరేమీ ఆలోచించవద్దనీ శ్రీధరరావు దంపతులకు శ్రీ స్వామివారు తెలియచెప్పి..


"అమ్మా!..నీ దేవీపూజ కోటి పూర్తి అయిందా?.." అని ప్రభావతి గారిని అడిగారు..


"నాయనా..నా పదమూడో ఏట, మా తల్లిగారు ఉపదేశించిన మంత్రాన్ని జపిస్తున్నాను..అలాగే మా నాన్నగారు బోధించిన వైష్ణవమంత్రమూ జపిస్తున్నాను..లెక్క పెట్టుకోలేదు.." అన్నారు ప్రభావతి గారు..


"అయితే..నీకు సమయం వచ్చినప్పుడు వైష్ణవమంత్రం ఉపదేశిస్తాను.. దీక్షతో చేయి  తల్లీ!..శ్రీధరరావు గారూ మీకు ఈశ్వరాంశం మంత్రం ఉపదేశించనా?..లేక వైష్ణవమంత్రమా?.."అన్నారు నవ్వుతూ..


"స్వామీ!..నాకు ఏ మంత్రాలూ వద్దు..నేను ఈ దీక్షలు చేయలేను..అదేదో ఆవిడకు బోధించండి..తపనతో చేస్తూ ఉంటుంది..నేను కర్మ సిద్దాంతాన్ని నమ్ముతాను...మీకు కావాల్సిన సౌకర్యాలు ఏర్పాటు చేస్తాను..మీ తపస్సు, దాని ఫలితాలు..నా దృష్టిలో ఒక ప్రయోగంగా భావిస్తున్నాను..అందుకు నేను దోహదకారిగా వుంటాను..అంతే కాని..ఈ జపాలు వగైరాలు నాకు సరిపడవు!.." అన్నారు శ్రీధరరావు గారు..


శ్రీ స్వామి వారు పక పకా నవ్వారు.."చూసావా అమ్మా!..శ్రీధరరావు గారు మంత్రోపదేశం వద్దన్నారు..పోనీలే అమ్మా..నీకు సమయం వచ్చినప్పుడు ఆ దీక్ష ఇస్తాను..కొనసాగిద్దువు గానీ.." అని..మళ్లీ కూడా ఆ ఇద్దరికీ ఆశ్రమ నిర్మాణం గురించి చింత వద్దని చెప్పి, ఆశీర్వదించి పంపించివేశారు..దంపతులిద్దరూ తేలిక పడ్డ మనసుతో మొగలిచెర్ల చేరారు..


ప్రక్కరోజు ఆదివారం.. సాయంత్రం నాలుగు గంటల ప్రాంతంలో ఇద్దరు వ్యక్తులు శ్రీధరరావు గారింటికి వచ్చారు..రాగానే, శ్రీధరరావు గారికి నమస్కారం చేసి.."అయ్యా..నా పేరు బొగ్గవరపు చిన మీరా శెట్టి..ఇతను నా మిత్రుడు!..మాది, వింజమూరు తాలూకా గొట్టిగుండాల గ్రామం.." అన్నాడు..


శ్రీధరరావు గారు వారిని సాదరంగా వరండాలో కూర్చోబెట్టి..వచ్చిన పని ఏమిటో చెప్పమన్నారు..


"నేను..మాలకొండ లో తపస్సు చేసుకుంటున్న స్వామివారికి ఆశ్రమం నిర్మించి ఇవ్వాలనే సంకల్పంతో వున్నాను..ఆ విషయమై మీతో మాట్లాడాలని వచ్చాను.." అన్నారు..శ్రీధరరావు గారికి ఒక్కక్షణం తాను ఏం వింటున్నానో అనే సందేహం కలిగింది..వెంటనే ప్రభావతి గారిని పిలిచారు..ఇద్దరూ కూర్చున్న తరువాత, చిన మీరాశెట్టి గారు మళ్లీ అదేవిషయం..తాను శ్రీ స్వామివారికి ఆశ్రమ నిర్మాణం చేయదలచానని చెప్పారు..


నిన్న శనివారం  సాయంత్రం శ్రీ స్వామివారు తమతో ఆశ్రమ నిర్మాణానికి వేరే వాళ్ళు వస్తారు అని చెప్పారు..ఈరోజు సాయంత్రానికల్లా ఆ వ్యక్తి వచ్చి ఎదురుగా కూర్చున్నాడు..దంపతుల ఆశ్చర్యానికి అంతులేదు..


చిన మీరాశెట్టి గారిని..శ్రీధరరావు గారు శ్రీ స్వామివారు ఎలా పరిచయం అని అడిగారు..


శ్రీ స్వామివారు  ఎర్రబల్లె గ్రామం లో ఉన్నప్పటి నుంచీ తెలుసుననీ.. శ్రీ స్వామివారు వ్యాసాశ్రమం వెళ్లి వచ్చిన తరువాత కూడా ఒకటి రెండు సార్లు తాను, తన భార్యా శ్రీ స్వామివారిని కలిసామని..శ్రీ స్వామివారు మాలకొండ లో తపోసాధన కు వెళ్లిన తరువాత ఆయనతో కలవడం కుదరలేదనీ..మీరాశెట్టి గారు చెప్పారు..


నిన్నరాత్రి తనకు స్వప్నంలో కనిపించి..ఆశ్రమ నిర్మాణం చేయమని ఆదేశించారని..ముందుగా మిమ్మల్ని కలువమని కూడా ఆజ్ఞాపించారని కూడా మీరాశెట్టి గారు చెప్పారు..శ్రీ స్వామివారి ఆదేశం మేరకు మీరాశెట్టి గారు తన స్నేహితుడిని వెంటబెట్టుకొని మొగలిచెర్ల చేరారు..


శ్రీధరరావు ప్రభావతి గార్లకు ఇదంతా కలలా ఉంది..దైవలీలలు ప్రత్యక్షంగా అనుభవానికి వస్తున్నాయి..తాము నమ్మిన ఆ లక్ష్మీనృసింహుడే..ఇదంతా నడిపిస్తున్నాడనీ..లేకుంటే..ఒకానొక సాధకుడు, తన తపోసాధనకు తమ సహకారం కోరి..తమ జీవితాలకు ఒక అర్ధం కల్పించడం..లీల కాక మరేమిటి?..


మీరాశెట్టి గారిని, వారి స్నేహితుడిని..ఆ రాత్రికి తమ ఇంటిలోనే వుండమని చెప్పి, తెల్లవారగానే మాలకొండకు వెళ్లి శ్రీ స్వామివారిని కలుద్దామని చెప్పారు శ్రీధరరావు గారు..మీరాశెట్టి గారూ అందుకు అంగీకరించారు..


అందరూ సోమవారం నాడు ఉదయాన్నే..మాలకొండకు బయలుదేరి వెళ్లారు..


ఆశ్రమ నిర్మాణానికి సూచనలు..బావి లో జలకళ..రేపు..



సర్వం..

శ్రీ దత్తకృప!.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం..SPSR నెల్లూరు జిల్లా..పిన్: 523114..సెల్..94402 66380 & 99089 73699).

మొగలిచెర్ల అవధూత ఆహారపు పద్దతి.

 *మొగలిచెర్ల అవధూత శ్రీ దత్తాత్రేయ స్వామి వారి చరిత్ర..*

 

*శ్రీ స్వామివారి ఆహారపు పద్దతి..*


*(పంతొమ్మిదవ రోజు)*


ఫకీరు మాన్యం భూమి ని చూసివచ్చిన తరువాత శ్రీ స్వామివారు శ్రీధరరావు గారి ఇంటికి తిరిగివచ్చేశారు..వెంటనే ఆయన ధ్యానం చేసుకోవటానికి వెళ్లిపోయారు..ప్రభావతి గారు వంట పని మొదలెట్టి..తమ ఇంటికి సిద్ధపురుషుడు వచ్చాడని సంబరపడుతూ..రెండు రకాల కూరలు, పప్పు, పులుసు, పచ్చడి పాయసం వగైరాలతో చిన్నపాటి విందుభోజనం వండిపెట్టారు..


కొద్దిసేపటి తరువాత శ్రీ స్వామివారు ఇంట్లోకి వచ్చారు.."నాయనా..భోజనం వడ్డించమంటారా?.." అడిగారు ప్రభావతి గారు.."అన్నం పెట్టు తల్లీ..త్వరగా వెళ్లిపోతాను!.." అన్నారు శ్రీ స్వామివారు..


శ్రీ స్వామివారు పీట మీద కూర్చున్నారు..ఆయన ముందు విస్తరి వేసి, అందులో తాను చేసిన కూరలు, పప్పు వడ్డించి అన్నం కూడా పెట్టి ఆపై నెయ్యి కూడా వేసి ఆయన వైపు చూసారు ప్రభావతి గారు..ఆ ప్రక్కనే శ్రీధరరావు గారు కూర్చుని వున్నారు..శ్రీ స్వామివారు విస్తరిలో వడ్డించిన పదార్ధాల వైపు ఒక్కసారి తేరిపారా చూసి..


"అమ్మా!..ఇంకా ఏమైనా ఉన్నాయా ?..వుంటే అవికూడా వడ్డించమ్మా.." అంటూనే..అప్పటిదాకా విస్తరిలో ఉన్న పదార్ధాలన్నీ అన్నంలో ఒకటిగా కలిపేశారు.."అమ్మా!..ఆ పెరుగో..మజ్జిగో..అదికూడా తీసుకురామ్మా.."అన్నారు..


ప్రభావతి గారు నొచ్చుకున్నారు..ప్రక్కనున్న శ్రీధరరావు గారు మౌనంగా చూస్తున్నారు.."అది కాదు నాయనా..మీకోసమని రుచిగా, శుచిగా చేసాను..మీరు..ఇలా.." ఆవిడ మాట పూర్తికాకముందే..


"అమ్మా..నేను సన్యాసిని..మా సన్యాసులకు రుచులు ఉండకూడదు తల్లీ!..అలా రుచికి అలవాటు పడితే..జిహ్వ అదే రుచి..అంతకంటే ఇంకా మంచిదేదన్నా వుంటే..ఆ రుచి కావాలని కోరుకుంటుంది..ఇప్పుడు నువ్వు చేసావే..ఈ బెండకాయ కూర బాగుందనుకో.. ప్రభావతమ్మ చేసిన బెండకాయకూర బాగుంది..మరోసారి తినాలనిపిస్తుంది..ఇంకొకరు చేసిన చారు మహత్తరంగా ఉందని దానినీ కోరుకుంటుంది..అందుకనే యోగులు, సిద్ధులు.. సాధకులూ..సన్యాసులూ..తమ అహాన్ని చంపుకొని..నాలుగైదు ఇళ్లలో "భిక్ష" స్వీకరించి..దానిని ఒకే ముద్దగా చేసుకొని ఆహారంగా తీసుకుంటారు..జిహ్వ ను అరికట్టటం సాధకుల మొదటి లక్షణం..ఈరోజు మీ ఇంట్లో ఉన్నానని ..నీవు చేసిన ప్రతి పదార్ధాన్నీ విడి విడిగా రుచి చూస్తూ భుజిస్తే...రేపటినుండి ఈ నాలుక నా మాట వింటుందా?..వేసేయ్ తల్లీ..నీవు చేసిన అన్ని పదార్ధాలూ ఒకేసారి వడ్డించు!.." అన్నారు..


ప్రభావతి గారు ఇక చేసేదేమీ లేక..తాను చేసిన పాయసం..కూడా తెచ్చి, పెరుగు తో సహా విస్తరిలో వడ్డించారు..శ్రీ స్వామివారు అన్నీ కలిపేసి తినేశారు..


ఆ తరువాత శ్రీధరరావు గారు, "ప్రభావతీ నీకు గుర్తుందా?..మనం కంచి కామకోటి పీఠాధిపతి పరమాచార్య గారి గురించి విని వున్నాము..వారు కూడా ఇలాగే జిహ్వ ను అదుపులో పెట్టుకోవడానికి..ఒకసారి గోమయంతో తమ నాలుకను శుద్ధి చేసుకున్నారు.. ఆ అనుభవాన్నే మనం ఇప్పుడు ప్రత్యక్షంగా చూస్తున్నాము..మన అదృష్టమేమిటంటే..ఒకానొక సాధకుడీకి కొంతకాలం పాటు ఆశ్రయం ఇచ్చి సేవ చేసుకోగలగడం!.."అన్నారు..ప్రభావతి గారు కూడా మనసులో సమాధాన పడ్డారు..


శ్రీ స్వామివారు ఆహారం స్వీకరించిన తరువాత, ఈ దంపతులను పిలచి.."మీకు లభ్యమైన శివలింగం పూజాపీఠం లో ఉందన్నారు కదా?..ఒకసారి  చూపించండి"అన్నారు..శ్రీధరరావు దంపతులు, శ్రీ స్వామివారిని తమ పూజగదిలోకి తీసుకొని వెళ్లి, పూజా పీఠం లో ఉన్న శివలింగాన్ని చూపారు..శ్రీ స్వామివారు ఆ శివలింగాన్ని చేతిలోకి తీసుకొని..దానిని తన హృదయానికి ఆనించుకొని ఒకానొక సమాధి స్థితిలోకి వెళ్లారు..సుమారు పది పదిహేను నిముషాల పాటు శ్రీ స్వామివారు అలా నిశ్చలంగా ఉండిపోయి..తిరిగి జాగ్రత్తగా పూజాపీఠం లో యధాస్థానంలో ఉంచారు..


"మీఇంటికి ఈశ్వరుడొచ్చాడు..నేనూ వచ్చాను..అమ్మా!..నీది వైష్ణవ భక్తి..ఆ లక్ష్మీనృసింహుడినే కొలుస్తున్నావు..ఇక ఆలస్యం చేయకుండా..ఉదయం మనం చూసిన పొలంలో బావి  త్రవ్వించే కార్యక్రమం చేద్దాము..మీరే మొదలు పెట్టాలి.." శ్రీ స్వామివారు అప్పుడు మాట్లాడిన మాటల్లో శ్రీధరరావు ప్రభావతి గార్లకు పొంతన ఉన్నట్లు అనిపించలేదు..సగం సగం మాట్లాడేరేమో..అని సరిపెట్టుకొని.."బావి ఎక్కడ త్రవ్వించాలి నాయనా?.." అని మాత్రం ప్రభావతి గారు అడిగారు..


"రేపుదయాన్నే స్థల నిర్ణయం చేసి, నేను తిరిగి మాలకొండ వెళ్లిపోతాను..గృహస్తుల వద్ద ఎక్కువకాలం మాలాటి సన్యాసులు ఉండరాదు.."అన్నారు..అన్నవిధంగానే.. మరుసటిరోజు పొద్దున్నే..బావి త్రవ్వడానికి స్థలాన్ని చూపారు..


"స్వామీ!..ఈ పొలంలో నీటి లభ్యత తక్కువ!..జల పడదేమో?.." అన్నారు శ్రీధరరావు గారు..


"పాతాళ గంగ కూడా పైకి వస్తుంది శ్రీధరరావు గారూ..మీరు పని మొదలుపెట్టండి..అన్నీ సమకూరుతాయి!.." అన్నారు నవ్వుతూ.."ఇక నేను మాలకొండ వెళతాను.." అన్నారు..


శ్రీధరరావు దంపతులు సరే నని చెప్పి..శ్రీ స్వామివారిని మాలకొండకు తమ బండిలో పంపారు..మళ్లీ ఆ దంపతుల మనసులో సందేహం మొదలైంది.."స్వామివారికి స్వంత పొలం వుందికదా..మన భూమి అడిగి, అందులో మనచేత బావి త్రవ్వించి..ఆశ్రమ నిర్మాణం చేయడమెందుకు?.." ఈసారి ఆయనను కలిసి ఈ సందేహనివృత్తి చేసుకుందామని అనుకొని ఇంటికొచ్చేశారు..


సందేహనివృత్తి...రేపు..



సర్వం..

శ్రీ దత్తకృప!.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం..SPSR నెల్లూరు జిల్లా..పిన్ : 523 114..సెల్..94402 66380 & 99089 73699).

ఊర్మిళాదేవి వింత కోరిక

 *ఊర్మిళాదేవి వింత కోరిక🪷🌹🙏*


🌹🪷శ్రీరామ చంద్రుడు శివ ధనుర్భంగం చేసి సీతా దేవిని పెళ్లి చేసుకున్న తర్వాత… జనకుడు తన రెండో కూతురు అయిన ఊర్మిళా దేవిని లక్ష్మణుడికి ఇచ్చి వివాహం జరిపించాడు.ఈ తర్వాత సీతా రామ లక్ష్మణులు వన వాసానికి పోయినన్ని రోజులు… ఊర్మిళా దేవి నిద్రపోయిందని చెబుతుంటారు.


🌹🪷దాదాపు 14 సంవత్సరాలు నిద్ర పోవడం అంటే చిన్న విషయం ఏమీ కాదు.కానీ ఆమె అన్ని రోజులు ఎందుకలా నిద్ర పోయిందో మనం ఇప్పుడు తెలుసుకుందాం.


🌹🪷సీతా రాములతో లక్ష్మణుడు కూడా వన వాసాలకు పోయిన విషయం మనందరికీ తెలిసిన విషయమే.వనవాస సమయంలో లక్ష్మణుడు.శ్రీరామ సంరక్షణార్థం నిద్ర పోకుండానే ఉండిపోయాడట. ప్రతి రోజూ అంటే 14 సంవత్సరాల పాటు లక్ష్మణుడు నిద్ర పోకుండానే ఉన్నాడట.


🌹🪷భర్త నిద్ర పోకుండా ఉండటం వల్ల… ఆయనలో సగ భాగం అయినా ఊర్మిళా దేవి ఈ 14 సవంత్సరాల కాలం నిద్రపోయిందని పురాణాలు చెబుతున్నాయి.అంతే కాదండోయ్ ఈ కాలంలో ఎక్కువ సేపు నిద్రపోయే వారిని ఊర్మిళా దేవితో పోలుస్తారు.


🌹🪷రావణసంహారం జరిగి పోయింది. రాములవారు దిగ్విజయంగా అయోధ్యకు చేరుకున్నారు. మంచి ముహూర్తంలో అంగరంగవైభోగంగా ఆయనకు పట్టాభిషేకం జరిగింది. ఒకరోజున రాములవారు సభలో కూర్చుని ఉండగా యుద్ధానికి సంబంధించిన విషయాలు చర్చకు వచ్చాయి.


🌹🪷14 ఏళ్లపాటు నిద్రాహారాలు లేని మనిషే ఇంద్రజిత్తుని చంపగలడు. లక్ష్మణుడు అలా 14 ఏళ్లపాటు నిద్రాహారాలు లేకుండా గడిపాడు కాబట్టే... ఆయన ఇంద్రజిత్తుని సంహరించగలిగాడు,' అని ఎవరో గుర్తుచేశారు.ఆ మాటలు విన్న రాములవారు ''14 ఏళ్లపాటు మమ్మల్ని కంటికి రెప్పలా కాచుకుని ఉండేందుకు నువ్వు నిద్రపోలేదని నాకు తెలుసు.నీ భార్య ఊర్మిళ ఇక్కడి అంతఃపురంలో ఆ నిద్రని అనుభవించిదని తెలుసు.అని అన్నాడు.


🌹🪷అదే సమయంలో ఊర్మిళ పట్ల కూడా ఆయన ప్రసన్నులయ్యారు. ''తల్లీ! వనవాసంలో నువ్వు ప్రత్యక్షంగా మాతోపాటు లేకపోయినా, ఇక్కడ నువ్వు చేసిన త్యాగంతోనే మేము అక్కడ అన్ని సమస్యలనీ తట్టుకుని నిలబడగలిగాము. అందుకే సీతాలక్ష్మణులతో పాటుగా నువ్వు కూడా మా పక్కనే ఆసీనురాలివై ఉండు!'' అన్నారట రాములవారు.


🌹🪷రాములవారి అనుగ్రహానికి ఊర్మిళ కళ్లు చెమ్మగిల్లాయి. కానీ ''ప్రభూ! నాకు నీ పాదపద్మాల దగ్గర చోటు కంటే వేరే వరమేదీ వద్దు. ప్రతిరోజూ నీ పాదాల చెంతకి చేరుకుని, నా అనుగ్రహాన్ని పొందే నైవేద్య రూపంలో నేను ఉండేలా అనుగ్రహించు,'' అని వేడుకుందట ఊర్మిళ.


🌹🪷అప్పుడు రాములవారు ''కలియుగంలో పూరీక్షేత్రంలో నేను కృష్ణుని అవతారంలో వెలుస్తాను. నా సోదరుడు లక్ష్మణుడు బలరాముని రూపంలో నాతో తోడుగా ఉంటాడు. నువ్వు విమలాదేవి అవతారంలో ఆ ఆలయంలోని క్షేత్రపాలకురాలుగా వెలుస్తావు. అక్కడ నిత్యం రూపొందించే మహాప్రసాదంలో కొలువై ఉంటావు,'' అంటూ వరాన్ని ప్రసాదించారట.


🌹🪷ఆ వరం కారణంగా ఇప్పటికీ పూరిలోని జగన్నాథుని ఆలయం పక్కన విమలాదేవి ఉపాలయం కనిపిస్తుంది. అక్కడ నిత్యం తయారుచేసే మహాప్రసాదాన్ని ఆ అమ్మవారికి నివేదించిన తర్వాత కానీ భక్తులకు అందించరని చెబుతారు. పూరీలో నిత్యం 56 రకాల ప్రసాదాలతో వైభవోపేతమైన నైవేద్యం రూపొందే విషయం తెలిసిందే! ఆ మహాప్రసాదం వెనుక ఉన్న కథలలో ఈ ఊర్మిళాదేవి కథ కూడా విస్తృత ప్రచారంలో కనిపిస్తుంది.

2, డిసెంబర్ 2024, సోమవారం

మిత్రాజీ కలం నుండి....

 *మిత్రాజీ కలం నుండి........*


మనమే శిలలం. మనమే శిల్పులం. మనమే శిల్పాలం.మనకు మనమే తీర్చి దిద్దుకోవాలి. మన మనస్సును మనమే సంస్కారవంతంగా తీర్చి దిద్దుకోవాలి సంస్కారవంతులంగా మారాలి మన రూపాన్ని అందంగా మలుచుకోవాలి. అంటే మన హృదయాన్ని స్వచ్చంగా, నిర్మలంగా ఉంచుకోవాలి.ధైర్యంతో నిబ్బరంగా ఉండాలి. ఎటువంటి సమస్యనైనా, ఎలాంటి ఉపద్రవమైన ఎదుర్కునేందుకు ఎప్పటికప్పుడు సిద్దంగా ఉంటూ సాహసదృక్పథాన్ని అలవర్చుకోవాలి. ఎవరో వస్తారు ఏదో చేస్తారు అనే ఆశాభావాన్ని, సోమరితన భావాన్ని విడనాడాలి.మన శక్తిపై మనం నమ్మకాన్ని పెంచుకోవాలి మనకు మనమే సంతోషాన్ని, ప్రశాంతతను తెచ్చుకోవాలి.

భగవంతునిఫై భక్తి, అధ్యాత్మిక చింతన కలిగి ఉండాలి.


తనలో ఎన్ని ఆటుపోట్లు ఉన్నా, ఒడి దొడుకులు ఉన్నా, ప్రకృతి పచ్చగా ఎంతో అందంగా కనిపిస్తూ చూపరులకు ఆనందాన్ని ఇస్తూంది.

తనలో ఎన్ని అలజడులు అల్లకల్లోలం సృష్టిస్తూన్న సముద్రం చూసేవారికి గంభీరంగా ప్రశాంతంగా కనిపిస్తూంది. 


అన్నీ తెల్సి మంచి చెడు ఏదో గ్రహించే మనం అపార జ్ఞాన సంపద కలిగి ఉన్న మనం ఎందుకు బాధ పడాలి. దిగులు ఎందుకు చెందాలి. తప్పులు ఎందుకు చేయాలి. నేరాలకు ఎందుకు ఒడిగట్టాలి. మన ప్రశాంతమైన జీవనానికి మనమే ఎందుకు భంగం కలిగించుకోవాలి.


కష్టంలోనే సుఖం చూసుకోవాలి. అత్యాశలకు అర్రులు చాచకూడదు. ఉన్నదాంట్లో సంతృప్తిని పొందాలి. అందరితో ఆత్మీయతతో కల్సిమెల్సి ఉంటూ ఆనందమైన జీవితాన్ని గడపాలి.క్షణభంగురం అయిన ఈ జీవితాన్ని సార్థకం చేసుకోవాలి. 


భగవంతుడు ఇచ్చిన ఇంత మంచి జీవితం మళ్ళీ వస్తూందా!!?

తమలపాకు ప్రాముఖ్యత..

 🔔 *సనాతనం* 🔔


*హిందూ ధర్మంలో తమలపాకు ప్రాముఖ్యత....*


హిందూ ధర్మం లో తమలపాకును అష్ట మంగళాల లో


(1. పూలు 2. అక్షింతలు, 3. ఫలాలు,4,అద్దం, 5. వస్త్రం, 6. తమలపాకు మరియు వక్క ,7.దీపం, 8. కుంకుమ) 

 ఒకటిగా భావిస్తారు.


కలశ పూజలో మరియు సంప్రోక్షణ లు చేసేటప్పుడు తమలపాకుని వాడతారు. పూజలలో, నోములలో, వ్రతాలలో తమలపాకు మొట్టమొదట ఉండవలసిన వస్తువు.


పసుపు గణపతినీ, గౌరీదేవినీ తమలపాకుపైనే అధిష్టింపజేస్తాం.  భారత దేశం లో తాంబూల సేవనం చాలా ప్రాచీనమైన అలవాటు.


 భగవంతుని పూజలోనూ, అతిథి మర్యాదల లోనూ, దక్షిణ ఇచ్చేటప్పుడూ, భోజనానంతరం తమలపాకుని తప్పని సరిగా ఉపయోగిస్తారు. 


దంపతులు తాంబూల సేవనం చేయడం వల్ల వారి అనురాగం రెట్టింపు అవుతుందని పెద్దలు చెబుతారు.


తమలపాకు పూజలలో ఎందుకు ముఖ్యం?


క్షీర సాగర మథనం లో వెలువడిన అనేక అపురూపమైన వస్తువులలో తమలపాకు ఒకటని స్కాంద పురాణం లో చెప్పబడింది.


శివపార్వతులే స్వయంగా తమలపాకు చెట్లను హిమాలయాలలో నాటారని జానపద కథలు చెబుతున్నాయి .


తమలపాకు యొక్క మొదటి భాగం లో కీర్తి, చివరి భాగం లో ఆయువు, మధ్య భాగం లో లక్ష్మీదేవీ నిలిచి ఉంటారని పెద్దలు చెబుతారు.


తమలపాకు లోని ఏయే భాగాలలో ఏ దేవతలు ఉంటారో తెలుసుకుందాం 

తమలపాకు పైభాగం లో ఇంద్రుడు, శుక్రుడు ఉంటారు.


సరస్వతీదేవి మధ్యభాగం లో ఉంటుంది.


తమలపాకు చివరలలో మహాలక్ష్మీ దేవి ఉంటుంది.


జ్యేష్టా దేవి తమలపాకు కాడకీ కొమ్మకీ మధ్యన ఉంటుంది.


విష్ణుమూర్తి తమలపాకు లో ఉంటాడు.


శివుడు, కామదేవుడు తమలపాకు పైభాగం లో ఉంటారు.


తమలపాకు లోని ఎడమవైపున పార్వతీదేవి, మాంగల్య దేవి ఉంటారు.


భూమాత తమలపాకుకి కుదిభాగం లో ఉంటుంది.


సుబ్రహ్మణ్య స్వామి అంతటా వ్యాపించి ఉంటాడు అని శాస్త్రంలో ఉంది...




🙏🏻🙏🏻🙏🏻🔔🔔🔔🙏🏻🙏🏻🙏🏻

మార్గశిర మాసం*

 🌹🌷🪷🛕🪷🌷🌹

*సోమవారం,  డిసెంబర్ 2, 2024*


నేటి నుండి,*మార్గశిర మాసం*   

             

 *”మార్గశిర మాసం” - ముక్తికి మార్గం!*

```                  

మార్గశిర మాసం అనగా...

చాంద్రమాన సంప్రదాయాన్ని అనుసరించి మృగశిర నక్షత్రంతో కలసిన పౌర్ణమినాడు చంద్రుడు ఉదయించే నెలను మార్గశిర మాసం అంటారు. 



ఈ నెల విష్ణుదేవుని రూపం. ఈ మాసం ప్రకృతి కాంతకు సీమంతం లాంటిది. తుషార బిందువుల హేమంతం. శ్రీమహావిష్ణువుకు అత్యంత ఇష్టమైన మాసం.``` 


భగవద్గీతలోని విభూతియోగంలో …. *”మాసానాం మార్గశీర్షం”* ``` మాసాల్లో తాను మార్గశిరమాసాన్నని అన్నాడు శ్రీకృష్ణ పరమాత్మ.


ఈ నెలలో సూర్యోదయం కంటే ముందు చన్నీటితో తలస్నానం చేసిన వారికి చలిబాధ ఉండదు. 


బ్రాహ్మీముహూర్తంలో

నీటిలో అగ్ని, సూర్యుడు కలసి ఉంటారని శాస్త్రం సూచిస్తుంది.


అందువలన బ్రాహ్మీ ముహూర్తంలో స్నానం చేయడం ఎంతో ఆరోగ్యప్రదం, సంధ్యావందన జపధ్యానాదులను నిర్వహించడం వల్ల సూర్యశక్తి, అగ్నితేజము కూడా మన మనస్సును, బుద్ధిని వికసింపజేస్తాయి. 


అందుకే.... 

మార్గశిర మాసంలో - ధనుర్మాసం మొదలైన నాటి నుంచి విధిగా తెల్లవారుఝాముననే నిద్రలేచి స్నానం చేయడం ఆచారంగా వస్తుంది. 


ఈ నెలలో మొదటి రోజు నదులలో స్నానం చేసి, శ్రీలక్ష్మిసమేత శ్రీమహవిష్ణువుని స్మరించుకొని నదులలో దీపాన్ని విడిచిపెట్టిన వారికి ఆరోగ్యంతో పాటు సకల సంపదలు కలుగుతాయి.


ఈ మాసమంతా శ్రీ విష్ణువును తులసీ దళములతో పూజించడం పుణ్యప్రదం. 


ద్వాదశినాడు పంచామృతాలతో అభిషేకం చేయాలి.  


శ్రీ విష్ణువుతో పాటు సూర్యుని కూడా పూజించి శుభాలను పొందాలని కోరుతూ మనం ఏ పనిచేస్తున్నా ఈ మాసంలో...  ```

*”ఓం నమో నారాయణాయ”* ```

అనే మంత్రాన్ని స్మరించాలి.


ప్రతిరోజు బ్రాహ్మీ ముహూర్తంలో తులసి వృక్ష సన్నిధిలోని తులసి ఆకులను తీసికొని,```  

*”ఓం నమో నారాయణాయ”* ```

అనే మంత్రాన్ని పఠిస్తూ శరీరానికి పూసుకుని స్నానమాచరించాలి. ఈ మార్గశిరమాసం ఎన్నో పుణ్యదినములకు నెలవు.


మార్గశిర శుద్ధ షష్ఠి - ```

*”స్కంద షష్ఠి•”*``` 

శివకుమారుడైన కుమారస్వామి ఈరోజున తారకాసురుణ్ణి సంహరించాడని ఈ తిథి అతనికి ప్రియమైనదని శాస్త్రాలు తెలుపుతున్నాయి. తెలుగువారు దీన్ని ```*”సుబ్రహ్మణ్య షష్ఠి”* ```అని అంటారు.


మార్గశిర శుద్ధ ఏకాదశి``` *”వైకుంఠ ఏకాదశి”* ```దీనినే``` *“మోక్షైకాదశి”*``` అని అంటారు. ఆ రోజున విష్ణువు ఆలయాలలో ఉత్తరద్వారం నుంచి వెళ్లి దర్శనం చేసుకుంటే మోక్షం తథ్యమని భక్తుల విశ్వాసం. 

తిరుపతి, శ్రీరంగం వంటి వైష్ణవ క్షేత్రాల్లో ఆరోజు గొప్ప ఉత్సవం. వైకుంఠ ద్వారం సూర్యుని ఉత్తరాయణ ప్రవేశచిహ్నంగా భావిస్తారు.


మోక్షదా ఏకాదశి... ```

*”గీతాజయంతి.”*``` సమస్తమానవాళికి ధర్మ నిధి, భారతీయ ఆధ్యాత్మిక జగత్తులో శిఖరాయమానం అయిన భగవద్గీతను కృష్ణ భగవానుడు ప్రబోధించిన రోజు. మార్గశిర బహుళ ఏకాదశిని``` *విమలైకాదశి, సఫలైకాదశి* ```అనికూడా పిలుస్తారు.


త్రిమూర్తులైన బ్రహ్మ,విష్ణు,మహేశ్వరుల సమైక్యస్థితి దత్తాత్రేయుడు. 

ఈ``` *”దత్తాత్రేయ జయంతి”* ``` ని మార్గశిరంలోనే ‘శుక్లపూర్ణిమ’ నాడు జరుపుకుంటారు.


మార్గశిర శుక్ల త్రయోదశినాడు...``` 

*”హనుమద్‌వ్రతం,”* *"మత్స్యద్వాదశి",* *"ప్రదోష వ్రతం"* ```ఆచరించడం పరిపాటి.

```

*ఈ మాసంలోనే....*```


"అనంత తృతీయ, నాగపంచమి, సుబ్రమణ్యషష్టి, పరశురామ జయంతి, సంకటహర చతుర్ధి, ఫలసప్తమి, కాలభైరవాష్టమి, రూపనవమి, సఫల ఏకాదశి, కృష్ణ(మల్ల)ద్వాదశి, యమదర్శన త్రయోదశి, ప్రదోష వ్రతం, శ్రీమహావిష్ణువు సూర్యుని రూపంలో ధనస్సు రాశిలో ప్రవేశించే పుణ్యవేళ ఈ మాసంలోనే! 

ఈ ధనుస్సంక్రాంతినే “ధనుర్మాసం” అనిఅంటాము.

తిరుప్పావై పారాయణము ప్రారంభమయ్యే పుణ్యవేళ ఇలాంటి ఎన్నో విశిష్టతలతో కూడిన మాసం కావున శ్రీమన్నారాయుణ్ణి తరించి జన్మసార్ధకం చేసుకునేందుకు, భక్తి భావనను పెంపొందించుకొనుటకు దాన ధర్మాలను ఆచరిస్తూ పుణ్యఫలంను దక్కించుకొనేందుకు ఈ మార్గశిరం సమస్త మానవాళికి ఎంతగానో ఉపయోగకారిగా  నిలుస్తుంది.

.          *సర్వం శ్రీకృష్ణార్పణమస్తు*

                       🌷🙏🌷


 🙏 *లోకా సమస్తా సుఖినోభవన్తు!*🙏


*రేపటి తరానికి బతుకు, భద్రత లతోపాటు భారతీయత కూడా నేర్పండి.*🙏


*ఆధ్యాత్మిక బృందంలో నాకు వచ్చినది భాగస్వామ్యం చేయడమైనది* 


          🌹🪔🕉️🕉️🪔🌹

              *న్యాయపతి*

           *నరసింహా రావు*

02, డిసెంబర్, 2024*🌹

 *卐ॐ ఓం శ్రీ 🌹గురుభ్యోనమః ॐ卐* 

        🕉️ *సోమవారం*🕉️

🌹 *02, డిసెంబర్, 2024*🌹

      *దృగ్గణిత పంచాంగం*                


          *ఈనాటి పర్వం* 

             *పోలిస్వర్గం*


*స్వస్తి శ్రీ క్రోధినామ సంవత్సరం*

*దక్షిణాయణం - హేమంత ఋతౌః*

*మార్గశిర మాసం - శుక్లపక్షం*


🌴🌷🌹🪔🛕🪔🌹🌷🌴

🎈🎈🎈🎈🎈🎈🎈🎈🎈

    👉 _*ఈ రోజు విశేషం*_

   🙏 *మా దంపతుల*🙏

 🎊 *37 సంవత్సరాల* 🎊  

   🌹 *నరసింహారావు*🌹

       🪷 *భారతిల* 🪷 

     *వివాహ బంధం రోజు*

         🔯💖💝💓🔯

 🤝 *ప్రేమానుబంధము*🤝 

🎈🔯🎈🔯🎈🔯🎈🔯🎈


*తిథి     : పాడ్యమి* మ 12.43 వరకు ఉపరి *విదియ*

*వారం: సోమవారం* (ఇందువాసరే)

*నక్షత్రం  : జ్యేష్ఠ* మ 03.45 వరకు ఉపరి *మూల*


*యోగం  : ధృతి* సా 04.01 వరకు ఉపరి *శూల*

*కరణం  : బవ* మ 12.43 *బాలువ* రా 12.59 ఉపరి *కౌలువ*


*సాధారణ శుభ సమయాలు*

*ఉ 10.00 - 12.00 సా 03.00 - 06.00*

అమృత కాలం  : *ఉ 06.27 - 08.09*

అభిజిత్ కాలం  :  *ప 11.35 - 12.19*


*వర్జ్యం         : రా 12.04 - 01.44*

*దుర్ముహూర్తం  : మ 12.19 - 01.04 & 02.34 - 03.19*

*రాహు కాలం : ఉ 07.45 - 09.09*

గుళికకాళం      : *మ 01.21 - 02.45* 

యమగండం    : *ఉ 10.33 - 11.57*

సూర్యరాశి : *వృశ్చికం*

చంద్రరాశి : *వృశ్చికం/ధనుస్సు*

సూర్యోదయం :*ఉ 06.21* 

సూర్యాస్తమయం :*సా 05.33*

*ప్రయాణశూల  : తూర్పు దిక్కుకు పనికిరాదు*


*వైదిక విషయాలు*

ప్రాతః కాలం    :  *ఉ 06.21 - 08.35*

సంగవ కాలం    :      *08.35 - 10.50*

మధ్యాహ్న కాలం :*10.50 - 01.04*

అపరాహ్న కాలం : *మ 01.04 - 03.19*

*ఆబ్ధికం తిధి : మార్గశిర శుద్ధ విదియ*

సాయంకాలం  :  *సా 03.19 - 05.33*

ప్రదోష కాలం   :  *సా 05.33 - 08.07*

రాత్రి కాలం    :  *రా 08.07 - 11.32*

నిశీధి కాలం     :*రా 11.32 - 12.23*

బ్రాహ్మీ ముహూర్తం :*తె 04.39 - 05.30*

________________________________

        🌷 *ప్రతినిత్యం*🌷

          *_గోమాతను 🐄 పూజించండి_* 

          *_గోమాతను 🐄 సంరక్షించండి_*

    

     🕉️ *శివ తత్వం:-*🕉️


*➡ శివం* - శుభకరం, శుభాన్ని కలిగించేవాడు.

*➡ త్రినేత్రం* - ధ్యానం.

*➡ ఢమరుకం* - సంగీతం.

*➡  తాండవాభినయం* -  నృత్యం.

*➡ శివుని చేతిలోని అగ్ని* - నిప్పుతో చెలగాటం అనగా జీవితంలో ఎట్టి ఒడిదుడుకులు ఎదురైనా, ధైర్యంగా ఎదుర్కోవటం.

*➡ భిక్ష పాత్ర* -  ప్రతి ఒక్కరి నుండి జ్ఞానం నేర్చుకోవడం.

*➡ కపాలం* - శరీరం యొక్క చివరి దశని సూచిస్తాయి.

*➡ కోరుకునేది* - చితా భస్మం కాదు.  చిత్త భస్మం. (అనగా శూన్య స్థితి)


🕉️ *ఓం నమః శివాయ*🕉️

          

🕉️🪷🌹🛕🌹🌷🪷🌷🕉️

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><>


         🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🕉️🕉️🌹🌷

🌹🍃🌿🕉️🕉️🌿🍃🌹

అంతే అవసరం.

 లక్ష్యాన్ని చేరుకోవడానికి ప్రణాళిక ఎంత ముఖ్యమో, రోజులు గడిచేకొద్దీ ఆరంభంలో ఉన్న ఉత్సాహం ఆవిరి కాకుండా పని చేయడమూ అంతే అవసరం. 


అందుకోసం లక్ష్యసాధన దిశగా మీ పనితీరును కొలవగలిగే స్పష్టమైన మైలురాళ్లను నిర్దేశించుకోండి. 


ఒక్కో మైలురాయిని నిర్దేశిత సమయంలో చేరుకోగానే ఆనందంగా వేడుక చేసుకోండి. దీనివల్ల తర్వాతి దశను పూర్తి చేయడానికి నూతనోత్సాహంతో పనిచేస్తారు.


 ఒకవేళ అనుకున్న సమయంలో ఆ ప్రక్రియను పూర్తి చేయలేకపోతే మీ పనితీరును సమీక్షించుకుని అవసరమైన మార్పులు చేసుకోండి.🍁🙏Good Night 🙏

ఎందరెందరో హైందవులు.

 *

సభ్యులందరి ఎఱుకలో ఉన్న విషయమే మన భారత దేశం *ఆసేతు హిమాచలం విభిన్న సంస్కృతుల, మతాల, కులాల, వర్గాల సంప్రదాయాల సమాహారమని* ముందుగా మన రాష్ట్రం గురించి పరిశీలిస్తే, తెలుగు వారితో బాటు ఆంధ్రులు, కన్నడిగులు, తమిళులు, మరాఠీలు, మహా రాష్టీయులు, అస్సామీలు, రాజస్థానీలు, ఒరిస్సా వాసులు ఇంకా ఎందరెందరో హైందవులు. ఇతర మతస్తులలో ముస్లింలు, కిరస్తానీలు, బౌద్ధులు, జైమినీయులు మరియు కొంత మంది విదేశీయులు గూడా మన రాష్ట్రంలో  భిన్నత్వంలో ఏకత్వంలాగా జీవిస్తున్నారు.

 ఇతర మతస్తులు, లేదా విదేశీయులు *అందరు దేశ  ద్రోహులు కారు*. 


గత వ్యాసంలో ప్రస్తావించబడిన హిందు దేశానికి మరియు ధర్మానికి పట్టిన జాడ్యాల, రుగ్మతల మరియు ప్రమాదాల నివారణకు చతుర్విధ బలముల (మనో, బాహు, జన మరియు ధన) శక్తి మరియు చతుర్విధ (సామ, దాన, భేద, దండో) ఉపాయముల అవసరమగు విషయము సభ్యులకు అవగతమే. 


ధర్మ మరియు దేశ రక్షణ నేపథ్యంలో లక్షలాది మంది జనాభాను అనుసంధానించాలనే ప్రయత్నం ఒక బృహత్ కార్యమే. *ప్రయత్నిస్తే ఇవన్నీ సాధ్యమే అను భావన కూడా నిర్వాహకులలో  దృఢంగా ఉండాలి*.  

ప్రస్తుత కేంద్ర ప్రభుత్వ విధానంలో *Neighbour hood first* అను ప్రణాళిక అమలులో ఉన్నది.  ఈ ప్రాతిపదికపై తొలుత *మాన్యులు* మన రాష్ట్రంలో ఉన్న అన్ని సంస్కృతుల, మతాల, కులాల వారిని ఈ హైందవ ధర్మ రక్షణ  అను *బృహత్ ప్రణాళిక* అమలుకు ఆహ్వానించాలి. 

ఈ కార్యక్రమాన్ని బృహత్ కార్యక్రమం అనడం జరిగింది కాబట్టి ఇందుకు అన్ని వర్గాల సమిష్టి కృషి అవసరము. 


మన రాష్ట్రంలో ప్రతి కులానికి, ప్రతి వర్గానికి సంస్థలు, సంఘాలు ఉన్నవన్న విషయం సత్యదూరం కాదు. ప్రతి కులం మరియు ప్రతి వర్గం వారు, *వారి  వారి* అభివృద్ధి కొరకు *మాత్రమే* సభలు, సమావేశాలు నిర్వహిస్తూ సామాజిక, ప్రభుత్వ అధికార  అధికార పెద్దలను,  తత్సంబంధ రాజకీయ నాయకులను దర్శిస్తూ కార్యాలు సాధిస్తున్నారు, స్థితిమంతులుగా (విజయవంతులుగా) ఎదుగుతున్నారు. కార్యక్రమాలన్నీ సజావుగా సాధించుతున్న సంఘ మరియు సంస్థల పెద్దలందరూ అభినందనీయులే. అవుతే, *హైందవ ధర్మ రక్షణ అను అంశము బహు విస్తృతమైనది. ఇందుకు గాను రాష్ట్రంలోని అన్ని  సంస్కృతుల, కులాల, వర్గాల నాయకులు మరియు ప్రజలు ఏకం కావాలి. సంస్థలు, సంఘాలు తమ తమ సమావేశాలను మాసవారిగా నిర్ణయించుకున్నా, రాష్ట్రంలోని అన్ని సంఘాల పెద్దలు  తమ తమ ప్రాంతాలలో ఒక వేదికపై త్రై మాసిక సమావేశాలు ఏర్పాటు చేసు కొనవల్సిఉన్నది, ఉంటుంది. వీరి ముఖ్య కర్తవ్యం ధర్మ మరియు దేశ రక్షణనే ప్రథమ ధ్యేయంగా ప్రజలను మరీ ప్రధానంగా యువతను ఉత్సాహ, ఉత్తేజ పర్చాలి.* 

అన్ని వర్గాలలో ఆత్మ నిర్భరత  పెంచాలి, *దేశ ప్రయోజనాలే మిన్నగా* వారిని ప్రోత్సహించాలి. *స్వధర్మ ప్రోత్సాహము మరియు క్షేమము అనుసరణీయమే*. 


ధన్యవాదములు.

*(సశేషం)*

ఎత్తుల్ గానని ధర్మ కోవిదుల

 శా.ఎత్తుల్ గానని ధర్మ కోవిదుల సంహిద్భావ సంధాన స

చ్చిత్తాలంకృత దివ్య సిధ్ధియుత సంసేవ్యాత్మ జిజ్ఞాసులన్

బత్తిన్ సాగిల మ్రొక్కుచుందు నెపుడున్ ప్రజ్ఞా ప్రసాదంపు వి

ద్వత్తున్ గూర్చగ నెంచు వారలకు విద్యార్థ్యైక లక్ష్యమ్ముతో౹౹ 51


చ.వినయము సద్గుణాళికి వివేకము గూర్చును జీవితమ్మునన్

వినయమె సర్వ సంపదల ప్రీతి నొసంగగ ప్రేరణమ్మునౌ

వినయమె మూలమౌ సకల విద్యల నార్జన సేయ సర్వదా

వినయమె మానవాళికగు విస్తృత మైన యశస్సునందగన్౹౹ 52