14, సెప్టెంబర్ 2021, మంగళవారం

*శ్రీ పరమానంద యోగి*

 *శ్రీ పరమానంద యోగి*

🕉️🌞🌏🌙🌟🚩


 ( శ్రీ పాండురంగ స్వామి భక్తుడు )



పండరీపురం దగ్గరవున్న చంద్రభాగానది ఒడ్డున పరమానంద యోగి అనే పరమభక్తుడు ఉండేవాడు. అతడు అనునిత్యం పాండురంగని ధ్యానంలో తరిస్తూ వుండేవాడు.



ప్రతి ఉదయం ఆయన లేవగానే, యింటి వద్ద కాలకృత్యాలు తీర్చుకుని, చంద్రభాగా నదిలో స్నానమాచరించి, నది ఒడ్డున నిలబడి, భగవద్గీతలోని 700 శ్లోకాలను పఠిస్తూ ఉండేవాడు. ప్రతి శ్లోకం చివరన ఓం పాండురంగాయనమ : అని పాండురంగనికి ఆ ఫలాన్ని అర్పిస్తూ ప్రార్ధించేవాడు. ఈ కార్యక్రమం పరమానంద యోగి, క్రమం తప్పకుండా ప్రతి రోజూ చేసేవాడు.



ఒకరోజు ఆ యోగి వుంటున్న గ్రామంలో భారీవర్షం పడి జనజీవనం స్తంభించిపోయింది. ఆ సమయంలో, శాలువాలు అమ్ముకునే ఒక వర్తకుడు, ఆ గ్రామం గుండా వెళ్ళవలసి వచ్చింది. ఆ వర్తకుని వద్ద వున్న అమూల్యమైన శాలువాలు తడిసిపోయే ప్రమాదం వుండడంతో, తనకు వచ్చే అపారనష్టాన్ని తలుచుకుంటూ, ఆ నష్ట నివారణకు, ప్రతి యింటికీ వెళ్లి , తనకు ఆరాత్రికి ఆశ్రయమివ్వమని కోరసాగాడు.



కానీ, అందరివీ, చిన్న చిన్న యిండ్లు అవడం వలన, యెవరూ ఆయన కోరిక మన్నించ లేదు. సరిగదా, ఆయన ముఖం మీదే తలుపులు వేసుకోసాగారు. ఆ వర్తకుడు, యెంతో దిగులుగా తిరుగుతూ, పరమానంద యోగి వుంటున్న చిన్న గుడిసెకు కూడా వచ్చి, ఆశ్రయం అడిగాడు.



ఆ వ్యాపారి కష్టాన్ని గ్రహించి పరమానంద, వెంటనే లోపలికి రమ్మని ఆహ్వానించి, గుడిసె మొత్తంలో నీళ్లుకారని కొద్ది ప్రదేశాన్ని చూపించి, అక్కడ ఆయన అమూల్య వస్త్రాలు పెట్టుకోమని చెప్పాడు. ఆ చిన్న ప్రదేశంలోనే వర్షంవస్తే,యోగి పడుకునేది, తడవకుండా, అయినా, ఆ సమయంలో, తన అవసరం తనకు గుర్తు రాలేదు,యోగికి.. ఉన్నంతలో ఆ వ్యాపారికి తినడానికి పెట్టి, తానూ, ఆ వ్యాపారి, గుడిసెలో యింకొక ప్రక్క తడిగా వున్న ప్రదేశంలోనే తలదాచుకుని, ఆ రాత్రంతా కాలక్షేపం చేసారు, భగవన్నామ స్మరణలో.



మరునాడు తెల్లవారుతూనే, వర్షం తగ్గుముఖం పట్టింది. ఆవ్యాపారి పరమానంద యింటి నుండి బయలుదేరుతూ, యెంతో కృతజ్ఞతా పూర్వకంగా, ' మీరు నన్నూ, నా కుటుంబాన్ని, కష్టాల బారిన పడకుండా కాపాడారు. మీ ఋణం తీర్చుకోలేనిది. నా కృతజ్ఞతా సూచకంగా, యీ శాలువా తమరికి బహూకరిస్తున్నాను. కాదనకండి. ' అని ఒక అతి ఖరీదైన, సుందరమైన, శాలువా యోగికి యిచ్చి నమస్కరిస్తూ శలవు తీసుకున్నాడు.



ఆశాలువాని కాదనకుండా అంగీకరించాడు పరమానంద యోగి. దానిని నడుముకు కట్టుకుని, యధాప్రకారంగా, నది ఒడ్డుకు బయలుదేరి యోగి, భగవద్గీత శ్లోకాలు వల్లెవేయడం ప్రారంభించాడు. అయితే, నోరు దాని పని చేస్తున్నది గానీ, చేతులు మాత్రం, యెక్కువసేపు జోడించి, పాండురంగని స్తుతించలేకపోతున్నాడు. ఎక్కడ నడుముకు కట్టుకున్న ఆ అందమైన, ఖరీదైన శాలువా తడిసిపోతుందో, మరకలు పడతాయో అని మాటిమాటికీ, దానిని సర్దుకోవడమే సరిపోయింది, యోగీ పరమానందకి.



యోగికి శ్లోకాలమీద ధ్యాస కుదరడంలేదు, శ్లోకం చివర ఓం నమో పాండురంగాయనమ : అన్నాడో లేదో గమనించడంలేదు. ఈ విధంగా ఆరోజు ప్రార్ధన ముగిసింది. ఎంతో అసంతృప్తిగా అనిపించింది యోగికి. తాను చేసిన పొరపాటు అర్ధమైంది. అపరాధనా భావం ముంచెత్తింది యోగీ పరమానందని.



తాను చేసిన ఘోరతప్పిదం తనకు అర్ధమైంది. తననుతాను శిక్షించు కోవాలి

అనుకున్నాడు. వెంటనే, దగ్గరలోని తన వరిపొలంలోకి వెళ్లి, నాగలిని ఆ శాలువాతో కట్టి, దానిని తన నడుముకు బిగించుకుని, పాండురంగని ధ్యానం చేస్తూ, ఆ వరిపొలం దున్నసాగాడు.



ఇంతలో ఒక చిన్న పిల్లవాడు వచ్చి, తాను నాగలితో ముడివేసుకున్న శాలువాను విప్పి, ' ఎవరు నిన్ను యింత ఘోరశిక్షకు గురిచేసారు. ' అని లాలనగా అడిగాడు. దానికి సమాధానంగా ' బాబూ ! నన్ను ఆపవద్దు. నన్ను యెవరూ శిక్షించలేదు. నన్ను ఆ పాండురంగడు శిక్షించే లోపే, నాకు నేనే ఈ శిక్ష వేసుకున్నాను. ' అని చెప్పిమళ్ళీ శాలువా కట్టుకోబోయాడు.



అందుకు ఆ బాలుడు, ' అయితే, ఆ పాండురంగడే, నిన్ను ఆపితే ఆగుతావా ? ' అని అంటూ, పాండురంగని రూపంలో ప్రత్యక్షమై, ' నీలో ఏ తప్పిదము లేదు. నీకు ఏకొంచెం మమకార వాసనలు వున్నా, అవి యీ నాటితో తీరిపోవడానికే, నీకు యీ శాలువా మీద మమకారం కలిగేటట్లు చేశాను. నీవు ఆ వ్యాపారినుండి, యేమీ ఆశించి అతనికి ఆశ్రయం కలిపించలేదని నాకు తెలుసు పరమానందా ! నీలో వున్న అపరాధభావం యిప్పటితో, తొలగిపోయింది. ' అని భుజం తట్టి పాండురంగడు అంతర్ధానమయ్యాడు.



ఆనందాశ్రువులు వర్షిస్తుండగా, పరమానంద యోగి, పాండురంగని రూపాన్నే తలుచుకుంటూ, అక్కడే కూర్చుండిపోయాడు.



ప్రహ్లాదుడు చెప్పిన నవ విధ భక్తి లక్షణాలలో సారాంశం ఇదేకదా ! శ్రవణం, కీర్తనం, విష్ణోహ్స్మరణం, పాదసేవనం, అర్చనం, వందనం, దాస్యం, సఖ్యం, ఆత్మ నివేదనం . ఇవే కదా నవ లక్షణాలు.


🕉️🌞🌏🌙🌟🚩

శ్రీమద్భాగవతము

 *14.09.2021*

*వందేమాతరం*


*భక్తపోతన గారి శ్రీమద్భాగవతము:* 🙏  

*రోజుకో పద్యం: 2261(౨౨౬౧)*


*10.1-1378-*


*శా. మంచాగ్రంబుననుండి రంగధరణీమధ్యంబునం గూలి యే*

*సంచారంబును లేక చిక్కి జను లాశ్చర్యంబునుం బొందఁగా*

*బంచత్వంబును బొంది యున్న విమతుం బద్మాక్షుఁ డీడ్చెన్ వడిం*

*బంచాస్యంబు గజంబు నీడ్చు పగిదిన్ బాహాబలోల్లాసియై.* 🌺



*_భావము: శ్రీకృష్ణుడు తోసిన వేగానికి గద్దె మీద నుండి రంగస్థలం లోకి పడిన కంసుడు కూలిపోయి ఎటువంటి కదలిక లేక మరణించాడు. ఇది చూచిన ప్రజలు ఆశ్చర్యచకితులు కాగా, సింహము ఏనుగును ఈడ్చిన విధముగా, బాహుబలుడగు శ్రీకృష్ణుడు ఆ కంసుని శరీరాన్ని ఆ గోదా చుట్టూ ఈడుస్తూ తిరిగాడు._* 🙏



*_Meaning: As Sri Krishna heaved Kamsa on the wrestling ring, Kamsa fell down, remained motionless for a while and breathed his last. Seeing this, the spectators were bewildered and like a fierce lion hauling an elephant, amazingly powerful Sri Krishna dragged the body of cruel Kamsa around the wrestling arena._* 🙏



*-ప్రభాకర శాస్త్రి దశిక (9849795167)*

*శ్రీ రాజమౌళి నిడుమోలు (8977500180) &*

*Kiran (9866661454)*

*Pavan Kumar (9347214215).*

థైరాయిడ్ వ్యాధి సంపూర్ణ వివరణ

 థైరాయిడ్ వ్యాధి గురించి సంపూర్ణ వివరణ -


  ఈ థైరాయిడ్ వ్యాధి నందు రెండు రకాలు కలవు. అవి .


  * హైపో థైరాయిడిజం .


  * హైపర్ థైరాయిడిజం .


      ముందుగా మీకు హైపో థైరాయిడిజం గురించి వివరిస్తాను.


 హైపో థైరాయిడ్ -


      థైరాయిడ్ హార్మోన్ ఉత్పత్తి తక్కువుగా ఉండటం వలన హైపొ థైరాయిడ్ వస్తుంది. ఇది T3 ( Tridothyronine) , T4 (Thyroxine) ను థైరాయిడ్ గ్రంథి తక్కువుగా స్రవించడం మూలాన ఈ సమస్య వచ్చును.


 లక్షణాలు -


 * వీరి చర్మం పొడిగా ఉంటుంది. ముఖం ఉబ్బుగా , గుండ్రంగా అవుతుంది. త్వరగా అలిసిపోవడం , బలహీనంగా ఉండి చలికి తట్టుకోలేరు.


 * చెమట తక్కువుగా వస్తుంది. జుట్టు ఎక్కువుగా రాలిపోతుంది. మానసికపరమైన ఆందోళన ఎక్కువుగా ఉండును.


 * గుండె పెరుగుతుంది . గొంతులో మార్పు వస్తుంది. కళ్ల కింద ఉబ్బుగా ఉంటుంది. మాటల స్పష్టత తగ్గును. కండరాల శక్తి క్షీణిస్తుంది. మలబద్దకం , పొట్ట ఉబ్బుగా ఉండును. రక్తహీనత కలిగి ఉండి దేనిమీద ఆసక్తి లేకపోవటం , కోపం , చిరాకు , విసుగు ఎక్కువుగా ఉండును. జుట్టు రంగు తగ్గును. శరీరం ఉదయం ఒకలాగా సాయంత్రం ఒకరకంగా ఉండును.


 * ఈ సమస్య ఎక్కువుగా స్త్రీలలో కనిపిస్తుంది. 30 నుంచి 40 సంవత్సరాల మధ్యవయస్సు ఉన్నవారికి వస్తుంది. ఉదయం పూట వదులుగా ఉన్న జాకెట్లు సాయంత్రం అయ్యేసరికి బిగుతుగా అగును. బరువు పెరుగుతారు.


 * మలబద్దకం ఎక్కువుగా ఉండును. ఋతువు సరైన సమయానికి రాదు . ఋతు సమయంలో కడుపులో నొప్పి ఉండును.


 * కండరాలు మరియు జాయింట్ నొప్పులు అధికంగా ఉండును. భుజాలు , చేతులు , కాళ్లు నొప్పి ఎక్కువుగా ఉండును.


 * శరీరం నందు బద్ధకం ఎక్కువుగా ఉండును. ఎక్కువుగా జలుబు చేయును .


 * చేతి మరియు కాలు వేళ్ళ గోళ్లు పగుళ్లు రావచ్చును. సీరం సోడియం తక్కువుగా ఉండును. రక్తహీనత ఉండును.


 * లివర్ ఎంజైమ్స్ ఎక్కువుగా ఉండును. శరీర ఉష్ణోగ్రత తక్కువుగా ఉండును. గుండెవేగం తక్కువుగా ఉండును. రక్తపోటు తక్కువుగా ఉండును.


 * హైపో థైరాయిడిజం ఉన్నప్పుడు క్యాబేజి , సోయాబీన్స్ , వేరుశనగ , మొక్కజొన్న , బఠాణి , ముల్లంగి మెదలైనవి వాడకూడదు.


 * విటమిన్ - C , విటమిన్ - E , విటమిన్ - B2 , జింక్ , నియాసిన్ , B3 , B6 మరియు టైరోసిన్ ఉన్న ఆహారపదార్ధాలు వాడాలి. ఇది థైరాయిడ్ హార్మోన్ పనితీరును మెరుగుపరుస్తాయి. ఉల్లిపాయ ను కూడా బాగా తీసుకోవాలి .


 * థైరాయిడ్ బాగా పనిచేయాలి అంటే ముఖ్యంగా ముదురు ఆకుపచ్చ రంగులో ఉండే ఆకుకూరలు ఎక్కువుగా తీసుకోవాలి . పసుపుపచ్చ రంగులో ఉండే పండ్లు ఎక్కువుగా తీసుకోవాలి . డ్రై ఫ్రూట్స్ , పచ్చికొబ్బరి తినవలెను .


  హైపర్ థైరాయిడ్ -


     థైరాయిడ్ గ్రంథి అతిగా హార్మోన్ ను ఉత్పత్తి చేయుచున్న హైపర్ థైరాయిడిజం అంటారు. T3 మరియు T4 లను ఎక్కువుగా స్రవించును.


 లక్షణాలు -


 * రోజురోజుకి బరువు తగ్గుట.


 * గుండె వేగం పెరగటం .


 * చెమట ఎక్కువుగా పట్టడం .


 * వేడి వాతావరణాన్ని భరించలేకపోవడం .


 * ఆకలి ఎక్కువుగా ఉంటుంది.


 * వికారంగా ఉండును.


 * మలబద్దకం లేదా విరేచనాలు , అతిమూత్రం , నీరసం , అలసట ఉంటుంది.


 * మతిమరుపు , దుఃఖం , శరీరం వేడిగా ఉంటుంది. జుట్టురాలడం , నిద్ర సరిగా లేకపోవటం వంటి లక్షణాలు కనపడును.


 * దేని మీద శ్రద్ధ లేకపోవటం , అసహనంగా ఉండటం , కోపంతో కేకలేయడం , చేతులు వణుకుతుంటాయి .


 పాటించాల్సిన నియమాలు -


 * వీరు ఆహరంలో ఎక్కువుగా క్యాబేజి , చిక్కుడు , సోయాబీన్స్ , వేరుశనగ వాడాలి. ముల్లంగి కూడా వాడవచ్చు .


 * విటమిన్ - C , E , B2 , B6 , జింక్ , నియాసిన్ లు థైరాయిడ్ గ్రంథికి శక్తిని ఇస్తాయి . ఇవి టమాటా , నారింజ , ఉసిరి వంటి పండ్లలో ఎక్కువుగా ఉండును.


 * మెడకు సంబంధించిన వ్యాయామం చేయాలి . ధ్యాన సాధన చేయడం మంచిది .


 * రోజుకి 30 నిమిషాలపాటు వ్యాయామం చేయుట మంచిది . సర్వాంగాసనం , హలాసనం , మత్స్యసనం , భుజంగాసనం , ధనురాసనం వేయడం మంచిది .


         కొన్ని ప్రాంతాలలో ఆహారం , నీటిలో అయొడిన్ లవణం తక్కువుగా ఉండటం వలన "గాయిటర్" అనే వ్యాధి వస్తుంది. గాయిటర్ వ్యాధి ఉన్నవారిలో మీద ముందు థైరాయిడ్ గ్రంథి కణిత వలే పెద్దగా కనపడును. అయోడిన్ లవణం అధికంగా తీసుకోవడం వలన పెద్ద ప్రయోజనం ఏమి ఉండదు . సహజ ఆహారపదార్దాల ద్వారానే దీనిని పొందడం ఉత్తమం . అయొడిన్ ప్రతిరోజు పెద్దవారు 150 మి.గ్రా , గర్భిణి స్త్రీలు 175 మి.గ్రా తీసికొనవలెను . ఇది ముఖ్యంగా కూరగాయలలో అధికంగా ఉండును.


       ఆయుర్వేదం నందు దీనిని "గళగండ " వ్యాధిగా పిలుస్తారు . ఆయుర్వేదం నందు అత్యద్భుతమైన మరియు సంపూర్ణంగా వ్యాధిని నివారించు ఔషధాలు కలవు.


     

13, సెప్టెంబర్ 2021, సోమవారం

శ్రీమద్భాగవతము

 *13.09.2021*

*వందేమాతరం*


*భక్తపోతన గారి శ్రీమద్భాగవతము:* 🙏  

*రోజుకో పద్యం: 2260(౨౨౬౦)*


*10.1-1377-*


*శా. పక్షీంద్రుం డురగంబుఁ బట్టు విధ మొప్పన్ గేశబంధంబు లో*

*క క్షోభంబుగఁ బట్టి మౌళిమణు లాకల్పాంతవేళాపత*

*న్నక్షత్రంబుల భంగి రాల రణసంరంభంబు డిందించి రం*

*గక్షోణిం బడఁద్రొబ్బెఁ గృష్ణుఁడు వెసం గంసున్ నృపోత్తంసునిన్.* 🌺



*_భావము: గరుత్మంతుడు పామును ఒడుపుగా పట్టుకున్న విధంగా, శ్రీకృష్ణుడు కంసుని జుట్టుముడిని పట్టి లాగగా, ఆతని కొప్పులోని రత్నములు, మణులు కల్పాంత సమయములో నక్షత్రరాసులన్నీ జలజలా రాలి పడినట్లు పడిపోయాయి. అక్కడి ప్రజలు హాహాకారములు చేస్తుండగా, శ్రీకృష్ణుడు కంసుని మదమును అణచివేస్తూ ఒక్క ఉదుటున అతనిని రంగస్థలము మధ్యలో పడేటట్లుగా తోశాడు._* 🙏



*_Meaning: Like Garuda holding a serpent, Sri Krishna held the tuft of Kamsa with ease and pulled ferociously, the pearls and diamonds studded in his tuft were scattered and fell on the ground in a splash like the stars falling at the end of a kalpa (end of the world). The people assembled there were startled and stunned and Sri Krishna violently shoved kamsa in a huff from his throne to the middle of the wresting arena._* 🙏



*-ప్రభాకర శాస్త్రి దశిక (9849795167)*

*శ్రీ రాజమౌళి నిడుమోలు (8977500180) &*

*Kiran (9866661454)*

*Pavan Kumar (9347214215).*

ప్రపంచస్థాయి ప్రమాణాలను

 🍃🍃🍃🍃🍃🍃🍃🍃🍃🍃🍃

🌷🌷🌷🌷🌷🌷🌷🌷🌷🌷🌷

*రఛయితలు ప్రపంచస్థాయి ప్రమాణాలను ఎలా అందుకోగలరు?*

🔅🔅🔅🔅🔅🔅🔅🔅🔅🔅🔅

ఒకసారి ఏదో రేడియో ప్రసంగం కోసం విజయవాడ వచ్చి, విశ్వనాథ వారిని చూసి వెళ్దామని రిక్షాలో వారిఇంటికి వెళ్తుండగా, ఆయన నడిచి వస్తున్నాడు. నేను రిక్షాదిగి నమస్కారం చేశాను. ఏమయ్యా? ఇలావస్తున్నావు అన్నాడు. మిమ్మల్ని చూడడానికి వస్తున్నా అన్నాను. చూశావుగా అన్నాడు. ఆయన మాట అలాగే ఉండేది. అంటే వెళ్లిపొమ్మంటారా? అన్నా. వెళ్దువుగానిలే,రా! అంటూ భుజంమీద చేయివేసి ఇంటివైపు తిరిగాడు. నాలుగడుగులు వేసినతర్వాత 'ఈ ఏడాది నోబెల్ బహుమతి ఎవరికి వచ్చింది?' అని అడిగాడు. హెమింగ్వే కి వచ్చింది అన్నాను.

దేనికి? 'ఓల్డ్ మాన్ అండ్ ది సీ' కి.

 చదివావా?

ఎక్కడ చదువుతామండీ? ఆయన అమెరికన్ రచయిత. ఇంకా ఇండియన్ ఎడిషన్ రాలేదు. అన్నాను.

నువ్వేం ఇంగ్లీషు లెక్చరర్ వయ్యా? ఇలా రా! అని ఇంట్లోకి తీసుకుపోయి, ఆ పుస్తకం చేతిలో పెట్టి "తీసుకొనివెళ్లి చదువు" అన్నాడు. ఆయన తెలుగు లెక్చరరు. ఆయన అమెరికాకు ఉత్తరంవ్రాసి తెప్పించు కున్నాడు. అప్పటికి ఇండియా మొత్తంమీద ఏ ఇంగ్లీషు లెక్చరరూ దానిని ప్రత్యేకంగా తెప్పించుకొని చదివి ఉండడు.అలాంటి ఆయనను ఛాందసుడని మనం ముద్ర వేశాం.


చదువుతానన్నాను. మళ్లీ వచ్చినప్పుడు డిస్కస్ చేయా లన్నాడు. సరే చదివాను. ఇంతక్రితం చెప్పానే? పట్టకం (ప్రిజం)లో ప్రవేశించిన కాంతి విశ్లేషింపబడి ఏడురంగుల్లో వస్తుందని..ఆపద్ధతిలో విశ్లేషించుకొంటూ చదివాను. నాటకీయత, పాత్ర చిత్రణ, శైలి, సంఘటనలు,...ఇవన్నీ దట్టించి వ్రాసుకొన్న నోట్సుతో ఆరునెలల తర్వాత మళ్లీ పనిమీద వచ్చినపుడు ఆయన దగ్గరకు వెళ్ళాను. 


చదివావా? 

చదివాను.

ఏమిటికథ?


 ఒకముసలివాడు చేపలు పట్టడానికి సముద్రంలోకి వెళ్లివచ్చేవాడు. వాడు తన పదహారో ఏటనుండి అరవయ్యో, డెబ్బయ్యో వచ్చేదాకా- పెద్ద చేపను ఎవరూ చూసిఉండనంత పెద్ద చేపను పట్టుకొస్తానని అంటూ ఉండేవాడు. కథ ఎక్కడ మొదలవుతుందంటే .. ఏంవోయ్? అరవై ఏళ్లనుండి అంటున్నావు పెద్ద చేపను పట్తానని, పట్టావా? అని తోటివాళ్ల అడగటంతో. 


పట్తానోయ్, అంటూ సముద్రంలోకి పడవలో వెళ్లిపోయాడు. అతనితోపాటు ఎనిమిదేళ్ల వయస్సున్న అతని మనవడూ ఉన్నాడా పడవలో. సముద్రంలో పెద్దతుఫాను.. హడావుడి.. అంతా వర్ణించాడు. కథంతా అదే. అక్కడ ఒకచేప తగుల్తుంది. కాని లొంగదు. పగ్గం విసిరి, దానిని బంధించి, ఇటువైపు కొసను నావకు కట్టాడు. వెను తిరిగి ఒడ్డుకు వస్తుంటే, అది వెనుకకు లాగుతూ ఉంటుంది. ఈ చిన్న నావతో ముందుకు రావటం చాలా కష్టంగా ఉంటుంది. ఇంతలో తిమింగలాలు వచ్చి ఆ చేపను కొట్టి ఇంతింత మాంసం లాక్కొని పోతుంటాయి. బాధ భరించలేక చేప ఎగిరెగిరి పడుతుంటుంది. పడవ ఊగిపోతూ ఉంటుంది. తిరగబడబోతుంది... 


మొత్తానికి ఒడ్డుదగ్గరకు చేరారు. ముసలివాని ప్రాణాలు కడబట్టి పోతుంటాయి. "ఏరా ముసలోడా! పట్తానన్నావు, పట్టావా? అని అడుగుతారు ఒడ్డునున్న గ్రామస్థులు. పట్టాను, ఇదిగో లాగండి అంటూ త్రాడు అందిస్తాడు. దానిని పట్టి లాగగా లాగగా చివరికొక కంకాళం వస్తుంది.


ఏది? చేపను పట్తానని చెప్పి చివరికొక కంకాళం తెచ్చా వేమిటి? అన్నారు. ఏడ్చావ్! మీరెన్నడూ చూడనంత పెద్ద చేపను పట్టానా లేదా? అది కంకాళమైతే నేమి? అన్నాడు. అంతటితో కథ అయిపోయింది.


"నోబెల్ ప్రయిజిచ్చారు. ఎందుకిచ్చారు చెప్పు!" అన్నాడాయన. బాగా వ్రాశాడండి. వర్ణనలూ అవీ.. అనబోతుంటే, "వర్ణనలూలేవు, నీ మొహంలేదు. 'కర్మణ్యే వాధికారస్తే, మా ఫలేషు కదాచన' అని అర్థం చేసుకో. దానిని మనసులో పెట్టుకొని మళ్లీ చదువు" 


నీకర్మ నీవు చేయి. ఫలితం ఆశించకు అని గీతావాక్యం. గీతకు ప్రాణమది. దానిని అర్థంచేసుకొని ఏడవలేదు మనం వందకోట్ల జనం. ఆ ప్రాణం వాడు అందుకున్నాడు. వాడిభాషలో వ్రాశాడు. అందులోని ప్రాణం వాళ్ల కర్థమైంది. అందుకని నోబెల్ ప్రయి జిచ్చారు. మనమూ వ్రాస్తాం- పెంటకుప్పలగురించి. పెంట కుప్పలను దాటి మనదృష్టి వెళ్లదు. ఎటర్నల్ సబ్జెక్టు (శాశ్వతమైన, సార్వకాలికమైన విషయం) తీసుకుని వ్రాశాడు వాడు." 


మనకు నోబెల్ ప్రయిజు రాదేమని చాలామంది అడుగుతుంటారు. మనబుఱ్ఱ ముందుకు వెళ్లకపోతే ఎందుకు వస్తాయి? మానవ సమాజాన్ని ఛాలెంజ్ చేస్తున్న సమస్య లున్నాయి. అవి ఆంధ్రుడుకాని, ఆఫ్రికన్ గానీ, పదో శతాబ్దంకానీ ఇరవయ్యో శతాబ్దంకానీ, అవి ఇండియన్ కానీ అమెరికన్ గానీ.. ఎవరైనాకానీ ఎటర్నల్ ప్రాబ్లమ్ తీసుకొని వ్రాయాలి. 


దానినే ఇంతకుముందు Ignoble ని Ennoble చేయటమన్నాను. సమకాలీనాన్ని సార్వకాలీనం చేయటమన్నాను ఆ శక్తి వస్తేనేగాని ఎవరికైనాగాని నోబెల్ ప్రయిజువంటి ప్రపంచ స్థాయి బహుమతులు రావు.


పరమ ఛాందస హిందూ వాది గానూ, పురాతన సాంప్రదాయ కవీశ్వరుడిగా‌ పేరుపడ్డ విశ్వనాధ సత్యనారాయణ గారు ఇంత గొప్ప విశ్లేషణ చేసి వివరిస్తుంటే, మ్రాన్ఫడిపోయి, నోట మాట రాక చూస్తుండిపోయాను.

🔅🔅🔅🔅🔅🔅🔅🔅🔅🔅🔅

*(9మార్చి 2002నాడు విజయవాడలో 'సమాలోచన' నిర్వహించిన "తెలుగుకథా సమాలోచనం"లో శ్రీ ప్రోలాప్రగడ సత్యనారాయణ మూర్తిగారి ప్రసంగం లోని కొంతభాగం)*

🌷🌷🌷🌷🌷🌷🌷🌷🌷🌷🌷

🍃🍃🍃🍃🍃🍃🍃🍃🍃🍃🍃

వశిష్థ విశ్వామిత్ర శతానందాదులవంటి వారేరీ?

 ॐ పాలకులనీ ప్రజలనీ ప్రభావితం చేయగల 

    పురాణాలలోని వశిష్థ విశ్వామిత్ర శతానందాదులవంటి వారేరీ? 


    ఎప్పటివో పురాణాలు అనకుండా, అదే విధానాలని కొనసాగించిన, చరిత్ర చెబుతున్న వీరిని గూర్చి చూడండి. 


1. విద్యారణ్య స్వామి 

    శృంగేరి శారదా పీఠానికి 12వ పీఠాధిపతి. 

    శంకరాచార్యుల తరువాత ఐదు శతాబ్ధాలకు శారదా పీఠాన్ని అధిరోహించారు. 

    విజయనగర సామ్రాజ్య స్థాపనకు మూల ప్రేరకునిగా ప్రసిద్ధి చెందారు. 

పుట్టిన సంవత్సరం : 1268

పుట్టిన స్థలం: భారతదేశం. 

సిద్ధిపొందినది : 1391  


2. సమర్దరామదాస స్వామి 

    భారతదేశ చరిత్రలో సమర్దరామదాసుగారి పాత్ర చాలా కీలకమైనది. 

    శివాజీకి మత గురువై, ఛత్రపతి శివాజీతో హిందూ సామ్రాజ్యాన్ని ఏర్పరచి మలుపు తిప్పటంలో సమర్ధ రామదాసు పాత్ర గురుతుల్యమైనది. 


పుట్టిన సంవత్సరం : 1608

పుట్టిన స్థలం: అమ్బాద్

సిద్ధపొందిన సంవత్సరం : 1681

సిద్ధపొందిన స్థలం: సజ్జన్గడ్, గజవది  


3. పరమాచార్య - చంద్రశేఖరేంద్ర సరస్వతి 

    వీరు, కంచి కామకోటి పీఠం జగద్గురువుగా అధిష్టించిన వారి వరుస క్రమంలో 68వ వారని తెలుస్తుంది.

    పీఠం అధిష్ఠించినప్పటి నుండి పీఠం అదిష్ఠించినవారిని జగద్గురు, పరమాచార్య, మహాస్వామి మున్నగు పేర్లతో పిలిచే ఆచారం పరంపరంగా వస్తుంది. 

    జగద్గురు చంద్రశేఖరేంద్ర సరస్వతిస్వామి తన దివ్యదృష్టితో, 

    ప్రజల సమస్యలూ బాధలూ వారే గ్రహించి తెలుపుతూ, తన దైవశక్తితో వాటిని నివారించేవారు.   

    దానికి, ఆయనననను నడిచే దైవంగా, త్రికాల జ్ఞానిగా, ప్రత్యక్షంగా అనుభూతి పొందిన ఈ కాలం పెద్దలే సాక్షులు. 

 

పుట్టిన తేదీ: 20 మే, 1894

పుట్టిన స్థలం: విలుప్పురం

సిద్ధిపొందిన తేదీ: 8 జనవరి, 1994

సిద్ధిపొందిన స్థలం: కాంచీపురం 


    ఆ విధంగా ధర్మబద్ధతతో - నిష్పాక్షిక దిశా నిర్దేశం చేసే అటువంటివారేరీ?             


    — రామాయణం శర్మ

             భద్రాచలం

ప్రశ్న పత్రం సంఖ్య: 27 RF

 ప్రశ్న పత్రం సంఖ్య: 27  కూర్పు: సి. భార్గవ శర్మ న్యాయవాది  

పరికరాలు -ఉపకరణాలకు  సంబంధ క్రింది ప్రశ్నలకు జవాబులు  తెలుపండి

  1) స్టౌమీద వేడిగా వున్న అన్నం గిన్నెను దింపటానికి వాడే ఉపకరణం ఏమిటి. జవాబు: పటకారు 

2) స్క్రూలను బిగించటానికి వాడే పరికరం ఏమిటి జవాబు: స్క్రూడ్రైవరు  

3) దిక్కులను సూచించేటందుకు వాడే పరికరం పేరు ఏమిటి. జవాబు: డిక్సుచి 

 4)  కారు మలుపులు తిప్పటానికి దీనిని తిప్పుతారు. జవాబు: స్టీరింగ్ 

 5) స్త్రీలకు కుటుంబనియంత్రణ ఆపరేషన్ చేయటానికి వాడే సాధనం పేరు ఏమిటి. జవాబు: లాప్రోస్కోపు అందుకే లాప్రోస్కోపిక్ ఆపరేషన్ అంటారు 

6) కాగితాల మీద నిర్ణిత పొడవు గీతాలు గీయటానికి వాడే పరికరం. జవాబు: స్కెలు 

7) ద్రవపదార్ధాలను కొలవటానికి దీనిని వాడుతారు. జవాబు: లీటరు పాత్ర 

8) కూరగాయల బరువు తూకం వేయటానికి వాడే పరికరం.  జవాబు: తరాజు 

9)  పాల చిక్కదనాన్ని కొలిచే సాధనాన్ని ఏమంటారు. జవాబు: లాక్టోమీటరు 

10) రెండు బట్టలను కలిపి ఉంచటానికి కుట్టే చేతి పనిముట్టు ఏమిటి. జవాబు: సూది దారము 

 11) కాగితాలను కలిపి సత్వరం కొట్టటానికి వాడే చేతి సాధనం జవాబు: స్ట్రాపులర్ 

12)  జ్వేరం వచ్చినప్పుడు యెంత టెంపెరచారు వుందో తెలుసుకోవటానికి వాడే పరికరం. జవాబు: ధర్మామీటర్ 

 13) కూడికలు చేయటానికి చేతిలో పెట్టుకొనే వాడే పరికరం. జవాబు: కాలికులేటర్ 

14) హృదయస్పందన తెలుసుకొనేటందుకు వాడే పరికరం.జవాబు: స్టెతస్కోపు  

15) పొలంలో మడిదున్నటానికి వాడే ఒక వాహనం పేరు చెప్పండి. జవాబు: ట్రాక్టర్ 

16) మానవ శక్తితో నడిచే ద్విచక్ర వాహనం ఏది. జవాబు: బైసికిల్ 

17) మీ ఇంట్లో ఫాను తిరగటానికి, ఆపటానికి దేనితో నియంత్రిస్తారు. జవాబు: స్విచ్ 

 18)జీర్ణాశయంలో రుగ్మతలను ఈ స్కోపుతో చూస్తారు అది ఏది. జవాబు: ఎండోస్కోపు 

19) నక్షత్రాలను చూడటానికి వాడే పరికరం పేరు ఏమిటి. జవాబు: టెలిస్కోపు 

 20) కంటికి కనపడని సూక్ష్మమైన వాటిని చూడటానికి వాడే పరికరం ఏది. . జవాబు: మైక్రోస్కోపు 


12, సెప్టెంబర్ 2021, ఆదివారం

ఋతువులు ఆహార విహార నియమాలు -

 ఋతువులు , ఆయా సమయాల్లో పాటించవలసిన ఆహార విహార నియమాలు - 


 * వసంత ఋతువు - 


       వసంత ఋతువు నందు కఫము ప్రకోపించి అనేక రోగములను కలుగజేయును . అందువలన అట్టి కఫముని వాంతి , ముక్కు ద్వారా , విరేచనం ద్వారా కఫాన్ని పోగొట్టి కఫాన్ని తగ్గించవలెను .  


             ఈ సమయంలో పాతవి అయిన గోధుమలు , శొంటి, వేగిసచెక్క , చందనము , తుంగముస్తలు కాచబడిన నీళ్ళనిగాని , తేనె కలిపిన నీళ్ళని గాని పానము చేయవలెను .


       ప్రాతఃకాలం సమయమున శరీరం మర్దించుకొని నలుగుపెట్టుకొని స్నానం చేయవలెను . మధ్యాహ్నమున నీటికాలువుల యందు , చెట్లు ఎక్కువ ఉన్న తీగలు గల చెట్లు ఉన్న ఉద్యాన వనాల యందు గడపవలెను . 


              వసంత ఋతువు యందు చల్లటి పదార్థాలు , మధురపదార్థాలు , సేవించరాదు . పగలు నిద్రించరాదు.


 * గ్రీష్మ ఋతువు - 


       ఈ గ్రీష్మ ఋతువు నందు తీక్షణమైన సూర్యప్రకోపం వలన శరీరం నందు కఫం తగ్గిపోయి వాతం పెరుగును . ఈ ఋతువు నందు ఉప్పు , కారం , పులుపు కలిగిన పదార్థాలు , వ్యాయామం , సూర్యకిరణాల యందు కూర్చోవడం నిషేదించవలెను . 


              ఈ కాలం నందు మధురపదార్థాలను మాత్రమే వాడవలెను . పంచదారతో కూడిన పేలాల పిండి మొదలగు పదార్థాలు తినవలెను . రాత్రిసమయంలో వెన్నెలలో ఆరుబయట ఉంచబడిన గేధ పాలలో పంచదార వేసుకొని అవి తాగవలెను .


       మధ్యాహ్న సమయం నందు చెట్లు ఉండి నీడ ఎక్కువ గల ప్రదేశాలలో పైనుంచి నీరు జాలువారే విధంగా జలగృహము నిర్మించుకొని అందు నివసించవలెను . రాత్రి సమయంలో మేడ పై భాగాల్లో వెన్నెల లో లేదా ఆరుబయట ఉండవలెను . 


 * వర్షఋతువు - 


         వర్షఋతువు నందు ఆకాశం మేఘాలతో ఆవరించబడి ఉండినప్పుడు జలకణములతో కూడి ఉండునట్టియు , వేసవికాలం తరువాత చల్లాగా అయినట్టి గాలి వలన లోపల ఉండు వాతం దోషం పొందును. భూమి యొక్క ఉష్ణం కాల స్వభావం చేత ఆమ్ల స్వభావం పెరిగినటువంటి జలం తాగుట చేత శరీరం నందలి పిత్తం దోషం పొందును. సాలెపురుగులు మొదలగు విష మూత్రాదులతో కలిసి ఉన్న వర్షపు నీరు సేవించుట చేత కాలస్వభావం చేత మందంగా ఉన్న జఠరాగ్ని వలన కఫం దోషం పొందును. 


                 ఈ విధంగా ఒకే కాలం నందు వాత, పిత్త, కఫాలు మూడు ఒకేసారి దోషం పొందుట వలన వాటిని శమింపచేయునట్టి మరియు జఠరాగ్ని పెంచే ఆహారాలు ఉపయోగించవలెను . 


           ఈ కాలం నందు పాతవైన యావలు , గొధుమలు , నేతితోను , శొంఠితోను చేయబడిన మాంసరసం , పెసరకట్టు , చాలా కాలం నుంచి నిలువ ఉంచబడిన మద్యం , వర్షం నుంచి పడిన నీరు , బావినీరు , కాచిన నీరు వీటిని ఉపయోగించాలి . ఈ ఋతువునందు అధిక శ్రమ చేయక శరీరం నందు గంథం పూసుకొని , సుగంధ ద్రవ్యముల ధూపమును వేసుకొని మేడ యందు నివశించవలెను . 


                    ఈ వర్షాకాలం నందు నదీజలం , కడుపు నిండా తినడం , పగటినిద్ర , శ్రమ ఎక్కువుగా ఉండే పనులు , ఎండ వీటిని చేయరాదు . 


 * శరదృతువు - 


         శరదృతువు నందు పిత్త దోషం ప్రకోపించును . ఈ కాలం నందు చేదు , తీపి , వగరు కలిగినటువంటి ఆహారాలు లొపలికి తీసికొనవలెను . ఆకలి అయినప్పుడే పదార్థాలు తీసికొనవలెను . శాలి ధాన్యం , పెసలు, పంచదార, ఉసిరికాయ , చేదుపోట్ల , తేనె , హంసలు తిరిగే తటాకం నందలి నీరు ఉపయోగించవలెను . 


                   చందనం , వట్టివేరు , పచ్చకర్పూరం , ముత్యాల హారం , పుష్పాల దండలు , పట్టుబట్టలు వీటిని వాడవలెను . మేడ పైభాగం నుండి సూర్యాస్తమయం అయిన సమయం లో వెన్నెలని సేవించవలెను . ఈ ఋతువు నందు మంచు , యావక్షారం వంటి లవణాలు , పెరుగు , నూనె , వస , ఎండ , ఘాటుగా ఉండు మద్యములు, పగటి నిద్ర , తూర్పుగాలి వీటిని వదిలివేయవలెను . 


 * హేమంత ఋతువు - 


        హేమంతఋతువు యందు మధురరసం , ఆమ్లరసం , లవణ రసం గల పదార్థాలు భుజించవలెను . ప్రాతఃకాలం నందు ఆకలిగా ఉన్నచో కొంచమే భుజించవలెను . వాతాన్ని 

హరించే తైలములతో అభ్యంగనం, శిరస్సు తైలముతోమర్దించుకొనుట, మల్లయుద్ధం , శరీరమునకు మర్దనం చేయించుకొనుట చేయవలెను . స్నానం చేసినతరువాత కుంకుమపువ్వుని , కస్తూరిని కలిపినూరి శరీరంకి పూసుకుని అగరుచెక్కతో దూపం వేసుకొనవలెను . 


                 ఈ కాలం నందు బలకరమైన మాంసరసం , మాంసములు , బెల్లంతో చేసిన మద్యం , మధుర మద్యం , గోధుమపిండి , మినుములు , చెరుకుపాలు వీనితో చేయబడిన పదార్థాలు , నూతనమైన అన్నం , వస , తైలం వీటిని ఉపయొగించవలెను . స్నానం కొరకు వేడినీటిని మాత్రమే ఉపయొగించవలెను . చలిబాధ లేకుండా ఉండటం కొరకు దుప్పటి, కంబళి , శాలువ వీటిని కప్పుకొనవలెను . కొంతసమయం సూర్యకిరణముల యందు ఉండి చెమట పట్టే విధంగా చూసుకొనవలెను . భూగృహముల యందు నివశించవలెను . 


 * శిశిరఋతువు - 


           హేమంత ఋతువు నందు పాటించే నియమాలను ఈ ఋతువు నందూ పాటించవలెను . 


          పైన చెప్పిన విధంగా ఆయా ఋతువుల్లో ఆయా ఆహారపదార్థాలని తీసుకోవడం , ఆరోగ్యపరమైన జాగ్రత్తలు పాటించడం వలన వ్యాధుల నుండి రక్షణ పొందవచ్చు . 


              మరిన్ని రహస్య యోగాలు నేను రాసిన గ్రంథాలలో ఇచ్చాను.

  

          నేను రాసిన గ్రంథాలలో మరిన్ని అనుభవ యోగాలు ఇవ్వడం జరిగింది. 


      గమనిక -


           నాచే రచించబడిన "ఆయుర్వేద మూలికా రహస్యాలు " , " ప్రాచీన ఆయుర్వేద రహస్యాలు " అను ఈ రెండు గ్రంథముల యందు అత్యంత రహస్యమైన సులభముగా ఇంటి యందు , చుట్టుపక్కల దొరికే మూలికలతోనే పెద్దపెద్ద రోగాలను నయం చేసుకొనే విధముగా అనేక వైద్య యోగాలను ఇచ్చాను. ఈ గ్రంథాలలో ఇచ్చినటువంటి యోగాలు అన్నియు గత 250 సంవత్సరాల నుంచి వంశపారంపర్యముగా మాకు వస్తున్న రహస్యయోగాలు పరోపకారార్థం దాచుకోకుండా ప్రచురించాను.


           మన చుట్టుపక్కల ఉండే మొక్కలను సులభముగా గుర్తించుటకు రంగుల బొమ్మలతో మొక్కల చిత్రపటాలు ఇవ్వడం జరిగింది.


            రైతులకు ఉపయోగపడేవిధముగా చెట్లను , భూమిని బట్టి , రాళ్లని బట్టి భూమి యందు జలమును కనుగొను విధానం , ముహూర్తాలను అనుసరించి ఏయే సమయాలలో పంటలు వేయాలి . ఆయుర్వేద మూలికల సహాయముతో పురుగు మందులు వాడకుండా అత్యంత ఎక్కువ దిగుబడులు సాధించే రహస్య వృక్షయుర్వేద యోగాలు , పశువులకు సంబంధించిన వైద్య యోగాలు కూడా ఇవ్వడం జరిగింది . ఈ గ్రంథాలలో ఇచ్చిన యోగాలు ఉపయోగించటం వలన ఎటువంటి వ్యతిరేక ఫలితాలు రావు.


      ప్రాచీన ఆయుర్వేద రహస్యాలు గ్రంథం 288 పేజీలు ఉంటుంది . విలువ 350 రూపాయలు మాత్రమే . ఆయుర్వేద మూలికా రహస్యాలు గ్రంథం 384 పేజీలు ఉంటుంది . విలువ 450 రూపాయలు . కొరియర్ చార్జి 100 రూపాయలు అదనం .పుస్తకములు ఎక్కువ కాలం మన్నిక కొరకు కుట్టించి ఇవ్వడం మరియు అత్యంత నాణ్యమైన తెల్లటి 80GSM పేపరుతో ఉంటాయి.


            ఈ రెండు గ్రంథాలు కావలసినవారు డైరెక్టుగా 9885030034 నెంబర్ కి ఫోన్ చేయగలరు. కామెంట్లు , మెస్సేజెస్ సమాధానము ఇవ్వబడదు. కాల్ చేయగలరు .


                  కాళహస్తి వేంకటేశ్వరరావు 


                         9885030034 


               అనువంశిక ఆయుర్వేద వైద్యులు

సీనియర్ సిటిజన్స్ గమనించండి*

 *సీనియర్ సిటిజన్స్ దయచేసి గమనించండి*


_యునైటెడ్ స్టేట్ లో జరిపిన ఒక అధ్యయనం ప్రకారం 51% పైగా వృద్ధులు మెట్లు ఎక్కేటప్పుడు పడిపోతారు._

_ప్రతి సంవత్సరం, చాలా మంది అమెరికన్లు మెట్లు ఎక్కేటప్పుడు పడి చనిపోయారు._


 *నిపుణుల రిమైండర్:*


*_60 సంవత్సరాల తరువాత, ఈ 10 చర్యలకు దూరంగా ఉండాలి._*


 *1. మెట్లు ఎక్కవద్దు.*

_మీరు తప్పక ఎక్కితే, మెట్ల కేసు రైలింగ్‌లను గట్టిగా పట్టుకొని ఎక్కండి_

 

 *2. మీ తలను వేగంగా తిప్పకండి.*

*కళ్ళు బైర్లు కమ్మి మీరు క్రింద పడిపోవచ్చు•*


_3. మీ కాలి బొటనవేలును తాకడానికి మీ శరీరాన్ని వంచవద్దు.🤸🤸_

 _మొదట మీ శరీరాన్ని సిద్ధం చేసుకోండి_


 *4. మీ ప్యాంటు ధరించడానికి నిలబడకండి.* 

*కూర్చుని మీ ప్యాంటు ధరించండి•*


 _5. నిలబడి ఒక్కసారి గా పడుకోకుండా మీ శరీరం యొక్క ఒక వైపు (ఎడమ చేతి వైపు, లేదా కుడి చేతి వైపు) నుండి కూర్చోని పడుకోండి._


 *6. వ్యాయామానికి ముందు మీ శరీరాన్ని ట్విస్ట్ చేయవద్దు. మొదట మీ శరీరాన్ని సిద్ధం చేసుకోండి•*


 _7. వెనుకకు నడవకండి._

 _వెనుకకు పడటం వలన తీవ్రమైన గాయం అవుతుంది._


 *8. భారీ బరువును ఎత్తడానికి నడుము వంచవద్దు. మీ మోకాళ్ళను వంచి, సగం చతికిలబడినప్పుడు వస్తువును పైకి ఎత్తండి. 🏋‍♀*


 _9. మంచం మీద నుండి వేగంగా లేవకండి. మంచం నుండి లేవడానికి ముందు కొన్ని నిమిషాలు వేచి ఉండండి._


 *10. వాష్‌రూమ్‌లో అధిక శక్తిని ఉపయోగించవద్దు. ఇది సహజంగా రావనివ్వండి.*


 ఇంకొక ముఖ్యమైన విషయం ఏమిటంటే, మీరు ఎల్లప్పుడూ చురుకుగా ఉండాలి మరియు


          🥀🌹🥀అన్ని బాలకి దివ్య ధo 

                         చిరునవ్వు ఒకటే🥀🌹🥀


       🥀🌹🥀ఎన్ని కష్టాలు వచ్చినా సరే 

                     గుండె నిబ్బరంతో ఉంటూ🥀🌹🥀


        🥀🌹🥀పెదవులపై నీ చిరునవ్వు 

                ఎప్పటికి చెదరనివ్వకు నేస్తం🥀🌹🥀


           🥀🌹🥀నీ చిరునవ్వు కి నీ కష్టాలు

                దాసోహం అవుతాయి నేస్తం 🥀🌹🥀


                  

 దయచేసి అందరూ సీనియర్లకు ఫార్వార్డ్ చేయండి 💐🙏

రెండు విషయాలు

 రెండు విషయాలు 

మనకు ఈ జగత్తులో రెండు విషయాలు అనుభవంలోకి వస్తున్నాయి. ఒకటి మన కంటికి కనపడే జగత్తు అది అందరు గమనిస్తారు.  ఇక రెండోవిషయం ఏమిటంటే కనపడే ప్రతిదాని వెనుక ఏదో శక్తి వున్నది.  సామాన్యు దృష్టిలో మనం ఈ విషయాన్నీ కొన్ని వస్తువుల్లోనే చూస్తాము కానీ సూక్ష్మంగా వెళ్లి పరిశీలిస్తే మనకు కనపడే ప్రతి వస్తువులో నిగుడంగా ఒక శక్తి ఆ వస్తువు పరిమాణంకు, స్వభావానికి  అనుగుణంగా నిక్షిప్తమై ఉన్నది. ఆ శక్తిని మన మహర్షులు వారి వారి జ్ఞనంతో దర్శించారు. 

సముద్రం మన కంటికి కనపడుతున్నది.  అది మొత్తం నీరు అంటే నీరు అనే వస్తువు.  మరి దానిలో మనం అలలను కూడా చూస్తున్నాము.  ఈ అలలు ఎక్కడినుంచి వస్తున్నాయి.  దీనికి కారణం ఏమిటి అంటే భౌతిక శాస్త్రం ఏదో ఒక సూత్రాన్ని చెప్పవచ్చు, కానీ ఆ సూత్రప్రకరమే జరగాలని ఎవరు నిర్ణయిస్తున్నారు. సముద్రంలో  వరుసగా అలలు నిర్విరామంగా వస్తువున్నాయి.  మరి నీవు ఒక చిన్న పాత్రలో ఆ సముద్రపు నీటిని తీసుకొని పక్కన పెట్టిచూడు.  అందులో అలలు లేవు.  ఇప్పుడు ప్రశ్న ఏమిటంటే అలలకు కారణం నీరా కాదా నీరు అంటే అదే నీరు పాత్రలోకూడా వున్నాయికదా మరి అందులో కూడా అలలు రావలికదా కానీ రావటంలేదు. 

ఒక చిన్న గ్లాసులో నీటిని తీసుకొని మనం టేబులు మీద ఉంచామనుకోండి.  ఆ గ్లాసులో నీరు ఏ చలనం లేకుండా స్థిరంగా ఉంటాయి. అంటే నీటికి ఏ శక్తి లేదనుకోవాలా  అదే ఆ గ్లాసుకు ఒక చిన్న రంద్రం వున్నదనుకోండి. అందులోంచి నీరు కొంచం కొంచంగా కారుతూ గ్లాసులోని నీరు మొత్తం అయి పోతాయి. ఇప్పుడు నీటికి శక్తి ఉందనుకోవాలా లేదా. 

నీవు వీధిలో వెళుతున్నావు. అనేక రాళ్ళూ కదలకుండా అక్కడ వున్నాయి.  నీ వెంట ఒక కుక్క పడిందనుకో దానిమీద నీవు ఒక రాయి తీసుకొని  విసిరావనుకో అది దానికి తాకి గాయాన్ని చేసింది.  ఇప్పుడు మనం ఆలోచించాలసింది ఏమిటంటే కదలకుండ వున్నరాయి యెట్లా దానికి గాయాన్ని చేసింది.  నీవు విసిరావు కాబట్టి.  మరి నీవు రాయిలేకుండా కేవలం చేతిని ఊపితే కుక్కకు గాయం కాదె. నీ చేతి శక్తితో రాయి వేగంగా వెళ్లి దానికి తగిలిందంటే నీ శక్తిని తీసుకొని వెళ్లే శక్తి రాయికి ఎక్కడిది. 

గింజలు ఇంట్లోనో గోదాములోనో ఉంటే మొలకెత్తవు మరి భూమిలో వేసి తగినంత నీటిని అందిస్తే ఎలా మొలకెత్తుతున్నాయి. ఇలా మనం అనేక విషయాలు చూస్తున్నాము. కానీ వాటిగూర్చిన విషయాలను అర్ధం చేసుకోలేక పోతున్నాము. సైన్సు మీకు యేవో థీరీలు చెప్పవచ్చు కానీ ఆ థీరీ ఎలా పనిచేస్తున్నది అంటే మాత్రం సైన్సు జవాబు చెప్పదు . 

ఈ సృష్టిలో వున్న శక్తినే మన మహర్షులు ప్రాణశక్తిగా పేర్కొన్నారు.  ఆ ప్రాణశక్తే  అనేక ప్రేదేశాలల్లో అనేక విధాలుగా గోచరిస్తుంది. జడంగా వున్న పెట్రోలు నీ మోటారుసైకిలుని వేగంగా పరుగెత్తించే విధంగా శక్తిని ఇస్తున్నది.  అదే పెట్రోలు కారులో పోసితే దానిని చలింపచేస్తున్నది. అంటే పెట్రోలుకు వాహనంతో పనిలేదు.  అంతేకాక దానిని అంటిస్తే మంటగా దాని శక్తిని చూపెడుతున్నది. 

జగత్తులో వస్తువులు అనేకంగా ఎలా మనకు కనపడుతున్నాయో అదేవిధంగా శక్తికూడా అనేకరూపాలతో మనకు అనుభవంలోకి వస్తున్నది. ఈ శక్తే మనకు కనపడే జగత్తుని చేతన్యవంతం చేస్తున్నది. జీవులలో వుంది జీవుల మనుగడకు కారణం అవుతున్నది. నిర్జీవులలో ఉండి వాటిలో అప్పుడప్పుడు అనేక విధ శక్తిరూపంగా బహిర్గతం అవుతున్నది. 

దీనిని బట్టి మనకు ఒక విషయం జ్యోతకమౌతున్నది అదేమంటే శక్తీ మన కంటికి కనపడటంలేదు కానీ అది జడపదార్ధమైన భౌతిక పదార్ధాలను సహితం  చెతన్యవంతంగా చేస్తున్నది.  ఆ శక్తే భగవంతుడు. 

భౌతిక మైన జగత్తు తన తన రూపాలను మార్చుకొంటున్నది. నిన్న విత్తుగా వున్నది నేడు మొలకగా వున్నది రేపు మ్రానుగా మారుతుంది తరువాత కాలగర్భంలో రూపాలన్నీ నశించి ప్రకృతిలో లయం అయిపోతుంది. ఈ నిఘాడ రహస్యాన్ని మన మహర్షులు వారి అపారజ్ఞ్యనంతో  ఆవిష్కరించారు. ఒక్కవిషయం మనకు స్పష్టంగా కనపడుతున్నది. మనం చూస్తూవున్నది ఏది కూడా స్థిరంగా ఉండటంలేదు కాలానుగుణంగా మార్పుచెందుతున్నది తరువాత కాలంలో లయం అవుతున్నది. 

వేదాలు కర్మజ్ఞనాన్ని  తెలియచేస్తాయి. అంటే ఏ ఏ కర్మలు చేస్తే ఏ ఏ ఫలితాలు కలుగుతాయి అని చెపుతాయి. వేదాంతం జ్ఞ్యానమార్గాన్ని ప్రభోదిస్తున్నది. 

మన కళ్ళముందు వున్న జగత్తుకి సంబందించిన విషయాలు తెలుసుకోవటం కొంత సులువు ఎందుకంటె మనం చూడగలుగుతున్నాం.  కానీ జ్ఞ్యాన మార్గం బహు దుర్లభం ఎందుకంటె ఇక్కడ ఎవరి అనుభవం వారిది. అరటిపండు నీవు తిన్నావు నేను తిన్నాను తియ్యగా ఉందని నీవు అన్నావు అప్పుడు నాకు దాని రుచిని తీపి అంటారని తెలిసింది. నిజానికి తియ్యదనానికి సంబందించిన అనుభూతి నీది వేరు నాది వేరు. అదే విధంగా వేదాంతానికి సంబందించిన అనుభూతులు ఎవరికి వారికి వారి వారి స్థాయిని బట్టి యోగ్యతను బట్టి  ప్రత్యేకంగా ఉంటాయి. కంటికి కనపడే విషయానికి సంబందించిన జ్ఞ్యానం పొందటం తేలిక ఎందుకంటె అక్కడ నీకు నిరూపణగా ప్రత్యక్ష విషయం వుంది. కానీ ఆత్మజ్ఞానాన్ని సంబందించినది తెలుసుకోవటానికి నీ కళ్ళముందు ఏ రకమైన భౌతిక విషయం లేదు, కేవలం అనుభవాన్ని సాదించాలి.  కొన్ని సందర్భాలలో ఇది నిజామా కాదా అనే సందేహంకూడా సాధకునికి రావచ్చు. 

వేదాంతం కేవలం మోక్ష మార్గదర్శనం  చేస్తుంది. మార్గంలో పయనించాల్సిన భాద్యత కేవలం సాధకునిదే. సాధకుడు అకుంఠిత దీక్షతో, నిరంతర కృషితో, ఏకాగ్రతతో, మనస్సుని పూర్తిగా స్వాధీనపరచుకొని చిత్త వృత్తులను నిరోధించి తనను తానూ అనుభూతి పొందటమే ఆత్మ సాక్షాత్కారం. ఎవరి అనుభూతి, అనుభవము వారిది.  దానికి బాహ్యంగా ప్రకటించే శక్తి ఎవ్వరికీ లేదు. ఇటీవల కొందరు తమకు తాము దివ్యపురుషులమని చెప్పుకొంటూ వారికి ఆత్మ సాక్షాత్కారం అయినట్లు చెప్పటం నేను ఒక వీడియోలో చూసాను.  సాధకులారా ఆత్మసాక్షాత్కారం చెందినవారు ఈ సభ్యసమాజంలో వుండరు. ఎవ్వరితోటి వారికి నిమిత్తం లేదు. వారికి ధన,కీర్తి వ్యామోహాలు వుండవు.  నేను ఆత్మసాక్షాత్కారం పొందాను అని ఎవరైనా అంటే కేవలం అది వారి మూర్ఖత్వంగానే భావించాలి. ఇటీవలి కాలాలలో సత్పురుషులు అనదగిన వారు నాకు తెలిసి శ్రీ రామకృష్ణ పరమహంస, శ్రీ రామనామహర్షులు అయి ఉండవచ్చు ఎందుకంటె వారు ఎరకమైన ఐహిక ప్రలోభాలకు లోనుకాకుండా కేవలం కైవల్య ప్రాప్తికై జీవించినట్లు మనకు చరిత్ర చెపుతున్నది. 

ఎటువంటి ఐహిక ఆపేక్ష లేకుండా బోధించేవారే అసలైన సద్గురువులు.  అరిషడ్వార్గాలను పూర్తిగా విడనాడి కేవలం జీవించటానికి మాత్రమే తింటూ, ఇతరులకు ఇబ్బందికాకుండా మాత్రమే వస్త్రధారణ చేస్తూ వుండే సర్వ సంగ పరిత్యాగులు మాత్రమే నిజమైన గురువులు.  మనం ఈ నియమాలను పాటిస్తున్నవారిని ఎక్కడ చూస్తున్నాము అన్నది ప్రశ్న. 

ప్రస్తుతం మనం సమాజాల్లో అనైక బాబాలను, మహానుభావులుగా చెప్పుకునే వారిని చూస్తున్నాము. వారు సాధారణ సంసారులకన్నా అనేకవిధాలుగా భోగాలను అనుభవిస్తూ మనకు కనపడుతున్నారు.  వారిని యోగులుగా ఎలా పరిగణలోకి తీసుకోవాలి. జుట్టుకు, మీసాలకు, గడ్డాలకు రంగులు వేసుకొని ప్రవచనాలు చేసే వారుకూడా లేకపోలేదు. 

రోడ్డు మీద ప్రయాణం చేస్త్తున్న నీకు రెండు రోడ్లుగా చీలినప్పుడు అక్కడి సైను బోర్డు నీకు దోవ యిక్కడి పోతుందో మాత్రమే చెపుతుంది.  కానీ ప్రయాణం చేయాలసింది మాత్రం నీవే.  మన శాస్త్రాలు, గురువులు ఆధ్యాత్మిక మార్గదర్శకులు మాత్రమే.  గమ్యాన్ని చేరుకోవటం కేవలం మన కృషి. 

ఓం తత్సత్ 

శాంతి శాంతి శాంతిః 

బుధజనవిధేయుడు 

భార్గవ శర్మ.