🌸శ్రీ రామ స్తుతి🙏
సీ. ఆశ్రిత వినుత ! మహాపవిత్రచరిత !
అమరేంద్ర పూజిత కమలనేత్ర !
సౌమిత్రి నీవెంట సౌమ్యమ్ముగ నడచె
భాత్రుభక్తి వలన భవ్యచరిత !
పావని సీతమ్మ పతి తోడిదే లోక
మనినెంచి వెడలెను వనము లకును
జానకి నాయకా ! జగములనేలేటి
జలజ నేత్రా ! రామ ! జయము జయము !
తే.జానకీ చిత్త సంస్థితా ! జయము జయము !
సూర్యవంశపు చంద్రమా ! శుభము శుభము !
నీవె దిక్కని నమ్మితి నీరజాక్ష !
దశరథాత్మజ ! రఘురామ ! ధర్మ తేజ !
జయలక్ష్మి పిరాట్ల
కామెంట్‌లు లేవు:
కామెంట్‌ను పోస్ట్ చేయండి